Lajme

[Honesty^uk.]

Shpërthime në Londër: Të paktën 33 të vrarë


Shpërthimet shkaktojnë kaos në Londër
Një zyrtar i lartë i policisë, ndihmës assistenti i komisionerit të policisë Brian Paddick, tha se 33 persona janë konfirmuar të vdekur nga shpërthimet në metronë e Londrës.
Shpërthimi i parë ndodhi në tunelin pranë stacionit Liverpool Street, ku janë vrarë shtatë persona.

Në shpërthimin e dytë, në stacionin e metrosë Russel Square gjetën vdekjen 21 persona. Shpërthimi ndodhi në orën 8:56 të mëngjesit.

Shpërthimi i tretë në stacionin Edgware road shkaktoi vdekjen e pesë personave.

Pati gjithashtu një shpërthim në një autobus në rrugën Upper Woburn Street pranë sheshit Tavistock Square. Policia tha se kishte viktima, por nuk dha një numër të të vrarëve.

Hollësitë janë ende të paqarta, por një zyrtar i lartë i policisë tha se njoftimet paraprake tregojnë se janë të plagosur më shumë se 300 persona.

Kryeministri britanik, Tony Blair, tha se duket qartë se shpërthimet në Londër ishin "një sulm terrorist".

Një faqe interneti islamike ka botuar një deklaratë, që pretendon se është nga Al-Kaida, e cila thotë se ka kryer sulmet.

Sekretari i brendshëm, Charles Clarke, tha se shpërthimet në Londër kanë shkaktuar "plagosje të tmerrshme".

Kreu i policisë së Londrës, Sir Ian Blair, tha se se sulmi "ishte i koordinuar".

Dëshmitarët

Është goditur edhe një autobus dykatësh

Një dëshmitar pranë një shpërthimi në një autobuz në qendër të Londrës, Sheshi Russell, tha se kishte parë pesë trupa të vdekur dhe disa të plagosur.

Një pasagjer që ishte në një tren ku ndodhi një shpërthim në stacionin e metrosë në qendër të Londrës, Stacioni Edgware, tha se kishte parë disa trupa në gërmadhat e trenit.

Shpërthimet ndodhën gjatë orës së pikut kur londinezët shkojnë në punë.

Dëshmitarët përshkruajnë shumë njerëz që dilnin nga stacionet e metrosë të mbuluar me gjak apo të nxirë nga tymi.

Një grua tha se vagoni i trenit të metrosë dukej sikur ishte shkatërruar që nga brenda dhe nëpër shina kishte copa të vagonit.

Ajo tha se shpërthimi u kishte shkyer rrobat njerëzve dhe se kishte trupa të shtrirë brenda vagonit.

Një pasagjer tjetër tha se u duk sikur vagoni u ngrit në ajër dhe pastaj ra prapë poshtë.

Pasagjerët që shpëtuan nga trenat përshkruan gjendjen duke thënë se ata u zhytën në errësirë pasi dëgjuan shpërthimin, dhe pastaj vagonat u mbushën me tym.

Një pasagjer tha se tymi ua vështirësoi frymëmarrjen, por njerëzit ruajtën qetësinë duke ndihmuar njëri-tjetrin.

Spitalet po pranojnë të plagosur: Një zëdhënës i njërit prej spitaleve kryesore në qendër të Londrës, St Mary's, tha se po mjekonte katër të plagosur rëndë, përfshirë disa që kishin humbur gjymtyrë.

[Odise]

Shpërthimet në Londër - minutë pas minute


Vendet ku ndodhën shpërthimet
Disa shpërthime kanë ndodhur në Londër në kohën e pikut kur të gjithë shkonin në punë.
Kronologjia reagimeve të para pas shpërhtimeve:

1205 - Kryeministri Tony Blair, në samitin e G8-ës në Gleneagles, thotë se ka patur "një seri sulmesh terroriste në Londër…ka njerëz që kanë vdekur dhe të plagosur rëndë…Është arsyeshëm e qartë që kjo është planifikuar të përkonte me hapjen e G8-ës".

1130 - Tabela në rrugët kryesore drejt Londrës, paralajmërojnë: "Shmangeni Londrën. Zonë e mbyllur. Ndizni radion".

1126 - Presidenti i Parlamentit Evropian, Josep Borrell, fajëson terrorizmin për "një seri sulmesh të koordinuara" dhe "vdekjesh të konfirmuara".

1118 - Komisioneri i Policisë së Londrës, Sir Ian Blair i thotë BBC-së se ai ishte në dijeni të "rreth gjashtë sulmeve", një në një autobus dhe të tjerët në stacionet e trenave nëntokësorë (metro). Ai tha se besonte që gjashtë zonat e prekura janë Edgware Road, King's Cross, Liverpool Street, Russell Square, Aldgate East and Moorgate, por thotë se ende situata është konfuze. Ai i këshillon londinezët "qëndroni aty ku jeni-gjithë transporti i Londrës është aktualisht i paralizuar"-ai refuzon të konfirmojë nëse ka viktima.

1055 - Një mjek i thotë agjencisë Reuters se në stacionin Aldgate ka të paktën 90 të lënduar.

1053 - Ministri i Brendshëm Charles Clarke bën një deklaratë jashtë Downing Street rreth "incidenteve të tmershme" që kanë shkaktuar "lëmdime të tmerrshme". Ai thotë se kryeministri Tony Blair është informuar dhe i këshillon banorët e Londrës të mos ndërmarrin udhëtime të panevojshme.

1051 - Një pasagjer në një tren në Edgware Road thotë se pa disa trupa në vagonin e shkatërruar. Një zëdhës i policisë tha se dy trena kanë mbetur brenda në tunel në Edgware Road.

1049 - Policia thotë se ka të plagosur rëndë, por se nuk janë konfirmuar raste vdekjesh, njofton Associated Press.

1039 - Të gjithë spitalet e Londrës vihen në gjendje të lartë gadishmërie, një zëdhënës i thotë agjensisë PA.

1025 - Zyrtarë të sindikatave të transportit thonë se kanë njoftime për shpërthime në tre autobuza, thotë PA.

1025 - PA njofton për dy autobuza të dëmtuar gjatë shpërthimeve - një në Sheshin Russell dhe tjetri në Sheshin Tavistock. Belinda Seabrook, një dëshmitarë okulare tha për shpërthimin në sheshin Russell: "Isha në autobuzin para dhe dëgjova një zhurmë të pabesushme, u rrotullova dhe pashë pas gjysmën e autobuzit dykatësh në ajër".

1025 - Andrew Marr i BBC-së që ndodhet në Gleneagles me kryeministrin, thotë se kabineti "nuk është ende i sigurtë" nëse shpërthimet ishin sulm terrorist.

1023 - Policia e Transportit të Londrës konfimon një shpërthim në një autobuz në Tavistock Place.

1021 - Scotland Yard njofton për "disa shpërthime" në Londër, njofton Press Association (PA).

1014 - Një dëshmitar okular i thotë PA se një autobuz është shkatërruar nga një shpërthim në qendër të Londrës.

1009 - Dëshmitarja Christina Lawrence, që ndodhej në një tren që po largohej nga Kings Cross, i tha BBC-së: "Pati një shpërthim të madh në tunnel dhe treni ndaloi dhe papritmas, u mbush me tym të zi dhe nuk po merrnim dot frymë".

1002 - Scotland Yard thotë se po merret me një "incident serioz".

0940 - Policia e Transportit thotë se në stacionet e Underground-it në Aldgate, Edgware Road, Kings Cross dhe Russell Square, ka patur incidente me rrymën elektrike.

0933 - Metroja e Londrës njofton për "një incident tjetër në stacionin n137 Edgware Road", njofton PA

0933 - Pasagjerëve u thuhet se të gjitha shërbimet në metronë e Londrës janë pezulluar për shkak të një problemi në rrjetin e furnizimit me energji elektrike, njofton PA.

0924 - Policia e Transportit thotë se incidenti, ndoshta ishte shkaktuar nga një përplasje e dy trenave, nga ndërprerja e energjisë elektrike, ose nga shpërthimi i një kablli të korentit. Policia njofton për të lënduar "në gjendje që të ecin vetë".

0915 - Press Association njofton se shërbimet e emergjencës ishin thirrur në Stacionin në Liverpool Street pas njoftimeve për nëj shpërthim.

0849 - Policia e Transportit njoftohet për një incident në linjën Metropolitan mes Liverpool Street dhe Aldgate.

[Odise]

Shpërthimet në Londër - minutë pas minute


Vendet ku ndodhën shpërthimet
Disa shpërthime kanë ndodhur në Londër në kohën e pikut kur të gjithë shkonin në punë.
Kronologjia reagimeve të para pas shpërhtimeve:

1205 - Kryeministri Tony Blair, në samitin e G8-ës në Gleneagles, thotë se ka patur "një seri sulmesh terroriste në Londër…ka njerëz që kanë vdekur dhe të plagosur rëndë…Është arsyeshëm e qartë që kjo është planifikuar të përkonte me hapjen e G8-ës".

1130 - Tabela në rrugët kryesore drejt Londrës, paralajmërojnë: "Shmangeni Londrën. Zonë e mbyllur. Ndizni radion".

1126 - Presidenti i Parlamentit Evropian, Josep Borrell, fajëson terrorizmin për "një seri sulmesh të koordinuara" dhe "vdekjesh të konfirmuara".

1118 - Komisioneri i Policisë së Londrës, Sir Ian Blair i thotë BBC-së se ai ishte në dijeni të "rreth gjashtë sulmeve", një në një autobus dhe të tjerët në stacionet e trenave nëntokësorë (metro). Ai tha se besonte që gjashtë zonat e prekura janë Edgware Road, King's Cross, Liverpool Street, Russell Square, Aldgate East and Moorgate, por thotë se ende situata është konfuze. Ai i këshillon londinezët "qëndroni aty ku jeni-gjithë transporti i Londrës është aktualisht i paralizuar"-ai refuzon të konfirmojë nëse ka viktima.

1055 - Një mjek i thotë agjencisë Reuters se në stacionin Aldgate ka të paktën 90 të lënduar.

1053 - Ministri i Brendshëm Charles Clarke bën një deklaratë jashtë Downing Street rreth "incidenteve të tmershme" që kanë shkaktuar "lëmdime të tmerrshme". Ai thotë se kryeministri Tony Blair është informuar dhe i këshillon banorët e Londrës të mos ndërmarrin udhëtime të panevojshme.

1051 - Një pasagjer në një tren në Edgware Road thotë se pa disa trupa në vagonin e shkatërruar. Një zëdhës i policisë tha se dy trena kanë mbetur brenda në tunel në Edgware Road.

1049 - Policia thotë se ka të plagosur rëndë, por se nuk janë konfirmuar raste vdekjesh, njofton Associated Press.

1039 - Të gjithë spitalet e Londrës vihen në gjendje të lartë gadishmërie, një zëdhënës i thotë agjensisë PA.

1025 - Zyrtarë të sindikatave të transportit thonë se kanë njoftime për shpërthime në tre autobuza, thotë PA.

1025 - PA njofton për dy autobuza të dëmtuar gjatë shpërthimeve - një në Sheshin Russell dhe tjetri në Sheshin Tavistock. Belinda Seabrook, një dëshmitarë okulare tha për shpërthimin në sheshin Russell: "Isha në autobuzin para dhe dëgjova një zhurmë të pabesushme, u rrotullova dhe pashë pas gjysmën e autobuzit dykatësh në ajër".

1025 - Andrew Marr i BBC-së që ndodhet në Gleneagles me kryeministrin, thotë se kabineti "nuk është ende i sigurtë" nëse shpërthimet ishin sulm terrorist.

1023 - Policia e Transportit të Londrës konfimon një shpërthim në një autobuz në Tavistock Place.

1021 - Scotland Yard njofton për "disa shpërthime" në Londër, njofton Press Association (PA).

1014 - Një dëshmitar okular i thotë PA se një autobuz është shkatërruar nga një shpërthim në qendër të Londrës.

1009 - Dëshmitarja Christina Lawrence, që ndodhej në një tren që po largohej nga Kings Cross, i tha BBC-së: "Pati një shpërthim të madh në tunnel dhe treni ndaloi dhe papritmas, u mbush me tym të zi dhe nuk po merrnim dot frymë".

1002 - Scotland Yard thotë se po merret me një "incident serioz".

0940 - Policia e Transportit thotë se në stacionet e Underground-it në Aldgate, Edgware Road, Kings Cross dhe Russell Square, ka patur incidente me rrymën elektrike.

0933 - Metroja e Londrës njofton për "një incident tjetër në stacionin n137 Edgware Road", njofton PA

0933 - Pasagjerëve u thuhet se të gjitha shërbimet në metronë e Londrës janë pezulluar për shkak të një problemi në rrjetin e furnizimit me energji elektrike, njofton PA.

0924 - Policia e Transportit thotë se incidenti, ndoshta ishte shkaktuar nga një përplasje e dy trenave, nga ndërprerja e energjisë elektrike, ose nga shpërthimi i një kablli të korentit. Policia njofton për të lënduar "në gjendje që të ecin vetë".

0915 - Press Association njofton se shërbimet e emergjencës ishin thirrur në Stacionin në Liverpool Street pas njoftimeve për nëj shpërthim.

0849 - Policia e Transportit njoftohet për një incident në linjën Metropolitan mes Liverpool Street dhe Aldgate.

[Odise]

Udhëheqësit e G8-s nën presion për veprim


Udhëheqësit e G8-s priten nga Mbretëresha Elisabet
Udhëheqësit e G8-s e kanë kaluar natën në Gleneagles të Skocisë nën presion të madh nga veprimtarë nga një spektër i gjerë politik.
Pas disa ditë protestash publike në Skoci, që kërkojnë që udhëheqësit të shkojnë përtej fjalëve të bukura dhe të veprojnë me vendosmëri, ky samit më në fund fillon sot.

Ndërsa pjesëmarrësit kryesorë të takimit dyditor flinin, këshilltarët e tyre kanë punuar për të ngushtuar largësitë e pozicioneve të ndryshme për çështjen e vështirë në krye të rendit të ditës sot, ndryshimi i klimës.

Në fund të një dite të jashtëzakonshme, që i dha një nxitje mikpritësit, Tony Blair, dhe e la presidentin francez, Jacques Chirac, të përballet me një humbje tjetër - këtë herë lidhur me Olimpiadën - si zyrtarët britanikë ashtu edhe ata francezë po mundohen të theksojnë se ata po punojnë bashkërisht si për çështjen e Afrikës ashtu edhe për atë të ndryshimit të klimës.

Kërcënimi për ndryshimin e klimës pritet të dominojë bisedimet, ndërsa ka shenja se do të pranohet kundërshtimi amerikan ndaj kufizimit të emetimit të gazrave të dyoksidit të karbonit dhe se marrëveshja e Kiotos do të përmendet fare shkarazi në deklaratën e fundit.

Duket se theksi do t'i vihet konsensusit lidhur me bashkëpunimin në kërkimet për të gjetur energji alternative.

Si shkëmbim, presidenti Bush është më i gatshëm të bëjë lëshime duke pranuar se veprimtaria njerëzore është, të paktën pjesërisht, fajtore për ngrohjen globale.

Shumë shkencëtarë dhe veprimtarë të mjedisit mund të tronditen nga rezultati i mundshëm, por zyrtarët britanikë këmbëngulin se kjo do të hapte rrugën për të ulur emetimet e gazrave të rrezikshme.

Protesta

Udhëheqësit e G8-s mbërritën në samit me helikopterë duke shmangur demonstruesit që u ndeshën me policinë përreth gardhit rrethues të hotelit luksoz ku zhvillohet takimi.

Protesat kanë qenë të dhunshme, vepritmarë të krahut të majtë dhe anti-kapitalistë bllokuan rrugët dhe ndaluan trenat në përpjekje për të krijuar pengesa.

Policia ka arrestuar rreth 200 vetë.

Ndërsa në Edinburg po ushtrohet presion nga një grup i një natyre tjetër, me një koncert të fundit në serinë e koncerteve Live8.

Në koncert u dëgjua një thirrje nga Nelson Mandela i cili u kërkoi udhëheqësve të G8-s të mos i largohen luftës kundër varfërisë në Afrikë.

[Dilaver]

Kanë humbur jetën tragjikisht tre fëmijë të moshës tre deri katër vjeç, në fshatin Çabër të Mitrovicës. Korrespodenti i RTK-së nga Mitrovica njofton se rasti tragjik ka ndodhur rreth orës 15:00, kur "fëmijët kanë hyrë në një pus të thellë". Bëhet fjalë për familjarë - motër e vëlla dhe një kushëri të tyre.


Zëdhënësi i policisë së UNMIK-ut Larry Miller ka thënë se “fëmijët nuk janë shtyrë nga askush” duke shtuar se ky është një “aksident tragjik”.

[Fshatari]

Kryeredaktori i gazetës izraelité "Debka", ekspert ushtarak i afërt me sherbimet sekrete izraelite "Mossad", ka deklaruar për të përditshmën e beogradit "Blic" se eksplozivi i përdorur në atentatet e Londrës vjen nga Serbia.
Ai ka deklaruar se Serbia është furnizuesi kryesor me armë dhe materjal ushtarak të të gjitha llojeve i të gjitha organizatave terroriste dhe mafioze në botë. Klienti më i madh i Serbisë është Al-Kaida, natyrisht.
Fillimisht, e përditshmja londoneze, Financial Times e 12 korrikut, duke iu referuar burimeve policore, pohonte se ekspllozivi vinte nga një vend ballkanik, pa e saktësuar atë!
Miqësia e Serbisë me terroristët islamistë si po duket i paska rrënjet e thella!
E vërteta po ecën ma hapa të mëdhenjë...!
Të fala nga fshati!

[Gentiani]

Kërcënim histerik i z. Drashkoviq



Agim Shehu



Kohët e fundit ministri i Jashtëm serb, z. Drashkoviç në Konferencën Ndërkombëtare të BE-së për Irakun lëshoi kërcënim të ri mbi Kosovën: «Një Kosovë e pavarur është e mundur vetëm përmes forcës, kundër
vullnetit të Serbisë», e më tej «Gjithçka kundër vullnetit të Serbisë do destabilizonte Serbinë, Kosovën, Shqipërinë, Maqedoninë Perëndimore, Bosnjën, Republikën Serbe të Bosnjës dhe pa dyshim do të shkaktonte një trazirë të madhe për të cilën ne, rajoni dhe Evropa nuk ka nevojë (!)». Është vendi që kryediplomatit sllav t’i vemë përballë gjykimin e diplomatit të shquar amerikan z. Hollbruk: «Nëse trupat e NATO-s largohen nga Kosova, brënda 48 orësh do ndodheshim përballë gjakderdhjes më të madhe të historisë botërore »! Z. Drashkoviç kolegun të paktën di ta lexojë: gjakderdhja nuk vjen ngaqë i jepet Pavarësia Kosovës, por nëse Kosova lihet nën mëshirën e Serbisë po të ikte. Ata që e njohin si njeri të penës letrare, tani dhe të gjuhës zyrtare, nuk e kanë të vështirë të dallojnë se në fjalorin e tij ka të gjitha stinët; por në përdorimin e stinëve verën e ka për serbët, kurse dimrin për shqiptarët. Si shkrimtar me fantazi Drashkoviç ua kalon në oreks të gjithë kolegëve sllavë. Në romanin «Thikat», të drejtën historike serbe ai e shtrin gjer në Selanik... Por tani për tani ka ngecur te Kosova. Ajo i shfaqet si kalë i hazdisur që dhëndrit të ri zyrtar të Beogradit nuk i bindet në revan stepash të tij. Megjithatë, këmbëngulës, në fillim i qaset me stinën e butë në fytyrë: në një dorë mban premtimin zyrtar nga kolegu - ministër i Shqipërisë: (Kosova pjesë e Serbi-Mal i Zi); në dorën tjetër shtrin ushqimin e tij për Kosovën: më pak se pavarësi, më shumë se autonomi (përkthyer shqip: më pak se presh, më shumë se lesh)! Për kombin shqiptar të Kosovës kjo dhuratë e re sllave ndryshon vetëm arkivolin - nga dru rrapi në dru ulliri! Po të qe sot në fuqi, Milosheviçi nuk do të bënte më shumë, e Drashkoviç është ministër parësor në qeverinë dalë nga partia mbetur në fuqi e Milosheviçit. Kryeministri i tij, Koshtunica, po në ato vrima fyelli të Beogradit, deklaron se «pa Kosovën, në Serbi nuk do kish demokraci», e shpjeguar më saktë, «pa një koloni, nuk do ketë ish-ushtarakë me armë i bandave zyrtare serbe, do na kujtonte oficerin nazist që pas kapitullimit të bëhej, bie fjala, kryeministër gjerman përkrah aleatëve! Koha dëshmon se «protektorati ndërkombëtar» mbi Kosovën qe i mjaftueshëm, kurse shtesa mbi të - «sovraniteti i Serbisë mbi Kosovë», (ndaj një viktime mëse 100 vjet prej Serbisë), koha tregon se u kthye dhe si minë në rrënjët e lirisë së saj; shumë personalitete dashamirës e objektivë shprehen se ky «sovranitet» fiktiv i ka bërë një zhvlerësim idealit dhe sakrificave të NATO-s, aq sa Beogradit i ka bërë dhe një shpërblim nga qarqet përserbe të Evropës, duke ndrequr me vrasje ndërgjegjeje goditjen mbi të, pa dëshirën e tyre.
Histerinë shovene serbe me pasojat më të rrezikshme të saj e kurseu të gjallë për ringjallje pikërisht ai përcaktim 3 fjalësh «sovraniteti i Serbisë mbi Kosovë»; njëlloj si pas mundjes së Hitlerit të vendosej «sovraniteti gjermano-nazist mbi sudetet çeke apo Alsas Lorenën franceze»! Partia e diktatorit Milosheviç me rrënjë të gjalla diktature nuk u prek (u vra monstra po mbeti mitra, –do thoshte Breht); PS-ja e Milosheviçit mbetet në pushtet e fuqizuar më shumë me etje revanshi e hakmarrjeje, gjersa as pranoi, as u detyrua të pranojë fajin e katër luftërave, pa kërkuar të paktën një ndjesë (këto ditë, gjatë vizitës në Kore të tëra mediat thanë se perandori i Japonisë, edhe pas 60 vitesh vazhdon kërkon falje për viktimat koreane nga ushtria japoneze në Luftën II Botërotre). Partia Socialiste serbe e krimit më të freskët evropian ringre qetësisht qeveri edhe me V. Drashkoviç në ballë, pasi asaj s’iu kërkua asnjë llogari e asnjë dëmshpërblim për viktimat, siç është vepruar me çdo diktaturë të mundur. E ngjashmja me PS-në serbe, Partia Baath e Sadam Hysenit u shkatërrua në krejt strukturat ushtarake e policore nga Fuqitë Aleate; ndryshe do të vihej në dyshim të errët qëllimi i asaj ndërhyrjeje ndërkombëtare si humanizëm lirie me një pazar tregtie në mes! Kurse strukturat e mekanizmit militarist serb me gjak në duar e në ëndrra, mbeten të paprekura. Të tilla, ato pjellin orekse të reja, siç po shpallen hapur nga ministri i Jashtëm. Kjo do të ndodhë gjersa zyrtarë parësorë evrope, me sa duket të papërgjegjshëm në diplomacinë e tyre ndaj kombit shqiptar, me emisarë si Drashkoviç e Koshtunica takohen me mallëngjim erotik në sy, ndërsa mijëra bij të Kosovës rrinë ende të harruar në varret sllave nëpër Serbi, apo në burgjet enigmë!
Në diplomacinë e vet z. Drashkoviç zbaton parimin e grabitësit: Që të fitosh sadopak, kërko sa më shumë“! Kjo lojë është e njohur në fqinjët tanë Veri-Jug që na kanë vënë në mes. Ideologët shtetërorë grekë, vëllezër të sllavëve, përsërisin në pafundësi: „kërko gjer në lodhje të drejtat e njeriut për pakicën greke në Shqipëri, që të fitosh për ta „të drejta kombëtare“. E njëjta gjë për pakicën sllave në Kosovë: kinse të rrezikuar nga shqiptarët në të drejtat e njeriut, u duhet dhënë „e drejta kombëtare“ përmes enklavave, e pastaj me këto „të drejta“ të shkëputen drejt prehrit të nënës, Serbisë! Në këtë praktikë, strategjinë e gjatë për „vijën Venizellos: - Himarë, Përmet, Korçë“ Athina e ushqen me kërkesën e tejfryrë, se „Greqi është gjer në lumin Shkumbin“, atje ku kufiri puqet me Serbinë! Pas kryengritjes së përgjithshme të Kosovës për shporrjen e çizmes serbe, drejtuesit grekë të çdo ngjyre shpallën: „atë që Kosova do të kërkojë nga Beogradi, do ta kërkojë dhe pakica greke nga Tirana“.
Brenda kohëve të tilla, Drashkoviç zgjoi më tej kërkesën me kërcënim brenda: „Po iu dha pavarësia Kosovës, do të kërkojmë dhe ne pavarësinë e Republikës serbe të Bosnjës“! (mbase komedia nuk do të qe sakt komedi nëse brenda nuk do të kishte dhe mendje të tilla diplomatësh të lajthitur!) Beogradi dhe Athina të tilla kushtëzime pazari i kanë mësuar nga tregu i madh politik i Fuqive të Mëdha: pre e dhuro njëri-tjetrit troje Shqipërie, si qenve rrotull thertores, për të ndaluar kacafytjen e tyre! Mbetet e paharrueshme këshilla cinike e Eduard Greit, kur ndienë kundërshtinë e rreptë të shqiptarëve për prerjen e Gjakovës: „Serbia atë mund edhe ta blejë me ca para, pasi qeveria e re e Shqipërisë do të ketë nevojë“! Kujtesa na afron paralele të historisë, veçanërisht kur krerët në radhë të Beogradit nga historia asgjë nuk kanë mësuar dhe asgjë nuk kanë harruar! Më 1989-ën në Fushë-Kosovën Milosheviç në nisje të karrierës agresive, ndizte serbët
për krim mbi Kosovën, se „këtej e tutje askush nuk do të guxojë t’u prekë me dorë“! Sot, 16 vjet më vonë, kur autori i kësaj thirrjeje është në Hagë, Drashkoviç, po në Kosovë shpall kërcënimin tejpërtej, se pavarësia e Kosovës do të lindë tronditje, gjakderdhje e Srebrenica të reja! Harron, vallë z. Drashkoviç, se gjakderdhjet në ish-Jugosllavi nisën e vazhduan me Kroaci, Bosnjë, pastaj dhe në Kosovë, kur Kosova nuk kishte pavarësi?! Se po të kishte Kosova pavarësinë, të paktën aty nuk do të plaste ajo luftë e gjakderdhje, e cila në fund të fundit, iu kthye në kokë Serbisë së zotit Vuk Dr..!?
Siç dihet, presidenti Bush me rastin e Krishtlindjeve Beogradit i bëri paralajmërimin që të mos e kalojë „vijën e kuqe“, shkelja e së cilës njoftonte genocid mbi Kosovën. Diktatori serb vazhdoi të vetën: vijën e kuqe e shkeli me „patkoin“ - çelik të çizmes militare. Genocidi kish nisur epilogun e shfarrosjes së Kosovës. Në të njëjtën kohë bënte botërisht kërcënimet, si sot pasuesit e frymës së tij. Kujtojmë deklaratat zinxhir me histeri të Milosheviçit, të cilat kësaj here, për fat të mirë, përballë arsyes dhe vendosmërisë së botës euroatlantike me SHBA-në në krye, nisnin dramatike e mbaronin komike. Në fillim diktatori serb shpallte se „Kosova është çështje e brendshme e Serbisë e askush nuk do të lejohet të ndërhyjë!“ (kundër dëshirës dhe kërcënimit të tij, u bë dhe çështje e jashtme! Më tej: mbi „vijën e kuqe“ amerikane është „patkoi“ i ushtrisë sllave. Nuk pranohet asnjë bisedë, me këdoqoftë, për Kosovën“! (edhe biseda më në fund u pranua). Më tej: „nuk do pranohet asnjë bisedë, ku të jenë përfaqësues edhe të Kosovës!“ (edhe kjo u pranua); „UÇK-ja është terroriste, e me përfaqësues të saj nuk ulemi kurrë në tryezë!“ (U ulën edhe me të në tryezë si mushkë e shtruar për samar)! Më tej, „Nuk pranojmë si palë e barabartë në bisedë me përfaqësues të Kosovës, pasi na shkelet sovraniteti“! (u pranua dhe kjo pa ua ngrënë njeri sovranitetin që u takon); më pas, „Serbët nuk do firmosin në Rambuje...“ duke shpresuar këtu, se as përfaqësuesit e Kosovës nuk do firmosnin, siç këshillonin dhe nga Shqipëria zërat, dashje pa dashje në shërbim të Beogradit.
Ultimatumi serb edhe këtu dështoi; pala e Kosovës firmosi, dhe në mungesë të firmës së Beogradit, NATO me gjeneralin me 4 yje, V. Klark firmosën nisjen e avionëve ushtarakë mbi ta. Përballë lirisë së Kosovës diplomacia terroriste serbe nuk gjeti të çarë të ligjëronte genocidin. Kurse tani ajo rikërkon të çara në diplomacinë euroatlantike për t’i penguar Kosovës Pavarësinë. Drashkoviç e di se edhe po nuk fitoi, nuk ka ç’humbet. Mbi të gjitha e di, se trysnia bëhet me sukses në palën kundërshtare më të nënështruar, më zëulët. Aq më tepër, kur këtë praktikë Athina e Beogradi e ka zbatuar me sukses mbi shqiptarët, pasi kështu kanë vepruar mbi Shqipërinë dhe Fuqitë e Mëdha. Një komb do ta fitojë, apo do ta vuajë natyrën e vet. Askush nuk të vlerëson më shumë se sa do ta vlerësosh ti më parë veten në të drejtën tënde. Kërcënimi i z. Drashkoviç është jehonë e së kaluarës që zgjatet në të ardhmen nga terroristët e vjetër tek të rinjtë. Vlen të ricitohet një kërcënim i tillë i një intelektuali serb botuar në “Vreme”, 2.12.1991, Miliq od Maçve, pikërisht në nisjen e 4 agresioneve të Serbisë mbi fqinjët: “Së shpejti serbët do ta sundojnë botën. Ata qysh tani zotërojnë armën e fshehtë... Nëse bie një bombë e vetme në Beograd, atëherë Vatikani, Vjena, Boni e Zagrebi do të bëhen rrafsh me tokën nga forca e formulës V3=0. Kur të ndodhë kjo, atlantidasit do të shfaqen e do t’i shpallin serbët si popull imperial, të cilët që nga ai çast, në emër të tyre do të shtrojnë rregullin në rruzullin tokësor e do të sundojnë tërë botën”! Përballë këtij deliri tej çdo fantazie, BE-ja, vetë z. Solana duhet të dërgojë në Beograd një psikiatri rezervë për mënjanim epidemije. Mirëpo një epidemi e tillë nazisto-komuniste i ka rrënjët më larg në lindje. Genocidi serb mbi fqinjët kishte filluar e Zhirinovski rus më 1.2.1994 frymëzonte të njëjtën frymë nga radio Taniug në Beograd: “Nëse do të ketë një sulm mbi ju, ju nuk duhet të shqetësoheni; Rusia ka jo vetëm armë të fjalës së fundit, por dhe një armë sekrete me ultratinguj, të cilën ajo do ta përdorë shpejt për mbrojtjen e saj dhe të vëllezërve ortodoksë në hapësirën e Jugosllavisë së vjetër!..Të bëjmë që ne, sllavët, të komandojmë botën në këtë fundshekull” (këto kërcënime Zhirinovski i bënte duke qenë një deputet kryesor i një partie fituese në Parlamentin rus; se çdo të jetë nesër ai, nuk dihet, por në klimën ruse me bolshevizëm të gjallë mund të jetë gjithçka”).
Drashkoviç lajmëroi botën se po iu dha pavarësia Kosovës, do të ketë çrregullim, luftë etj. Por ai nuk tha se ç’do të ketë, nëse Kosovës nuk i jepet pavarësia? Nëse nuk e di me fantazinë e shkrimtarit të njohur, duhet ta mendojë me fantazinë e një serbi, sot banor i Hagës, të mundur më parë pikërisht për këto idera! Nëse populli i Kosovës i duket i butë, i nënshtruar ndaj të mëdhenjve, kjo në fund të fundit nuk i vjen nga anemi gjaku, por nga fisnikëri karakteri. Vlen të përsëritet thënia e Hygoit, se shpesh nën lëkurën e qengjit dremit një tigër! Kosova këtë e ka treguar jo njëherë, të paktën në buzë të humnerës së saj kur nëse s’i japin lirinë, vdekjen e zgjedh vetë. Z. Drashkoviç i rikujtojmë atë që me siguri e ka lexuar, gjykimin e z. N. Burns, nënsekretar amerikan i Shtetit, siç e citon dhe publicisti i shkëlqyer amerikan Patrick Moor: “Populli i Kosovës duhet të vendosë për fatin e vet!” Mendimin e plotëson këshilltari Xhekson i presidentit amerikan (si t’i jepte një përgjigje dhe të mbifryrit Drashkoviç): “Serbët duhet të zgjedhin mes Kosovës dhe Evropës. Nëse zgjedhin Kosovën, humbin dyfish, pasi Kosovën e tanimë e kanë humbur”. Me mëse 120 vjet gjak të derdhur nga sllavët, Kosova peshon tepër rëndë e z. Drashkoviç tanimë nuk e ngarkon dot. Ëndrra e tillë e tij për në Evropë është ecja e lumit pas, drejt rrjedhës.



Shekulli 14.07.2005

[Shpati]

Postimi origjinal është bërë nga Gentiani

Kërcënim histerik i z. Drashkoviq




Shekulli 14.07.2005

Ngulja "kepon" ati Shovenisti.

[Shpati]

Postimi origjinal është bërë nga Gentiani

Kërcënim histerik i z. Drashkoviq



Agim Shehu



Kohët e fundit ministri i Jashtëm serb, z. Drashkoviç në Konferencën Ndërkombëtare të BE-së për Irakun lëshoi kërcënim të ri mbi Kosovën: «Një Kosovë e pavarur është e mundur vetëm përmes forcës, kundër
vullnetit të Serbisë»,
Shekulli 14.07.2005

Ngulja "kepon" ati Shovenisti.

[Krokodilli]

Identifikohet sulmuesi i katërt në Londër

Oficerë të policisë që merren me hetimin e bombave të javës së kaluar në Londër kanë nxjerrë fotografinë e një prej të dyshuarve që mendohet se është përfshirë në sulmet me bomba dhe kanë apeluar për informacion publik për lëvizjet e tij.


Policia britanike ka identifikuar dy nga katër personat që dyshohet se kryen sulmet vetëvrasëse të javës së kaluar në Londër. Një zyrtar britanik i kundërterrorizmit tha se Shahzad Tanweer është përgjegjës për një nga tre shpërthimet në trenat e metrosë, kurse Hasib Hussain ka kryer sulmin tjetër në autobuzin dykatësh. Të dy ata kanë lindur në Britani dhe janë me origjinë pakistaneze. Edhe i treti është britanik me origjinë pakistaneze. Policia po ashtu identifikoi Shahzad Tanweer si i dyshuari kryesor i trenit në stacionin e metrosë Aldgate. Burime të policisë thonë se ata besojnë se sulmuesi i katërt ishte një xhamajkian që jetonte në Britani me emrin Lindsey Germaine. Policia beson se të katërt kanë ardhur bashkë në mëngjesin e sulmeve. Hetimi ende po vazhdon. Policia dhe shërbimet sekrete po përpiqen të gjejnë natyrën e saktë të planit dhe atë që ka më shumë rëndësi, nëse këta persona morën ndihmë nga individë të tjerë, brenda apo jashtë vendit.


15/07/2005

[arbias]

Ura kryesore mbi lumin Ibër në Mitrovicë prej sot do të jetë e hapur 24 orë në ditë Kosovë

Ura kryesore mbi lumin Ibër në Mitrovicë është hapur sot në mëngjes për 24 orë të plota për kalimin e automjeteve dhe këmbësorëve, ka bërë të ditur zëdhënësi rajonal i policisë Lari Miler.


Kalimi mbi urën kreysore filloi para një muaji dy herë në ditë, ndërkaq prej sot, ashtu siç ishte paralajmëruar, kjo urë do të jetë e hapur 24 orë në ditë.

[Honesty^uk.]

Shpërthime në metro dhe në një autobuz në Londër


Vendet ku ndodhën incidentet
Ka patur një varg incidentesh në tre stacione metroje dhe një autobuz në Londër.
Shefi i Policisë së Londrës, Ian Blair, tha se ka patur katër shpërthime apo përpjekje për shpërthime bombash.

Ai thotë se ky ishte një incident shumë serioz, por tha se bombat ishin më të vogla se ato që shkaktuan vdekjen e 56 personave në Londër dy javë më parë.

Sir Ian shtoi se numri i të lënduarve ishte shumë i vogël.

Dëshmitarët thonë se ata panë të dilte tym nga të paktën një prej stacioneve të metrosë.

Një zëdhënës i kompanisë së autobuzëve tha se xhamat e katit të sipërm të autobuzzit ishin thyer por nuk kishte të plagosur.

Komisioni i planeve civile të qeverise britanike- i njohur si Cobra-- po zhvillon një takim mbi ngjarjet.

Komisioni përfshin kryeministrin Tony Blair, sekretarin e jashtëm, Jack Straw dhe Sir Ian Blair, Shefi i policisë së Londrës.

Incidentet ndodhën në stacionet Warren Street, Shepherds Bush dhe Oval dhe në një autobuz në Hackney, në lindje të Londrës.

[fadil]

E hënë, 18. Korrik, 2005
E. HOXHAJ: PROCESI I DECENTRALIZIMIT BART ME VETE KUNDËRSHTI TË MËDHA



Enver Hoxhaj, deputet i PDK-së


RADIO EVROPA E LIRË
Pas disa shqetësimeve të paraqitura fundjavën e kaluar nga kryeministri Bajram Kosumi lidhur me decentralizimin, dje qeveria megjithatë është shprehur e gatshme, që duke filluar nga 20 korriku, të zbatojë pilot-komunat, të cilat do të shërbejnë për të testuar këtë proces. Si i shihni ju këto zhvillime nga këndi juaj dhe i opozitës?

ENVER HOXHAJ
Ne si parti politike kemi qenë që nga fillimi, që vërtetë të ndodhë një reformë e pushtetit lokal dhe të kemi një proces të decentralizimit, i cili do t'i përmbushte interesat dhe nevojat e gjithë qytetarëve të Kosovës. Forma se si ndodh aktualisht procesi i decentralizimit, përmes komunave pilote, është një lloj improvizimi dhe vetëm në fushën e deklaratave, qeveria aktuale reflekton kundërshtitë në qasjen e saj, reflekton mungesën e vizionit, reflekton një situatë, e cila do të jetë shumë më komplekse në atë moment që do të fillojë implementimi i saj. Ne si parti politike mendojmë që me debatin që kemi patur në Kuvend, e kemi arritur një konsensus dhe kjo çështje ka nevojë edhe për konsensus politik, edhe për konsensus shoqëror. Kështu që është pak e pakuptueshme se si qeveria e Kosovës, pa e rikthyer çështjen edhe njëherë në Kuvendin e Kosovës, ose dhe pa një debat të mirëfilltë në Forumin e Kosovës, fillon një proces, i cili ndoshta vërtet do të mbartë me vete kundërshti të mëdha.

RADIO EVROPA E LIRË
Ndërkohë cilën formë e preferoni më tepër si Parti Demokratike dhe sa në fakt, bazuar në diskutimet që kanë qenë në Kuvendin e Kosovës, përkrahen pilot-komunat nga Partia Demokratike?

ENVER HOXHAJ
Brenga jonë kryesore ka qenë pse të fillohet me një proces të tillë, para se të përcaktohet statusi përfundimtar i Kosovës. Ne ende më tutje kemi frikë që paralelisht krijojmë fakte në terren, përderisa në atë moment kur të fillojë të përcaktohet statusi përfundimtar i Kosovës, procesi i decentralizimit do të dizajnohet që nga fillimi. Sa i përket komunave të projekt piloteve, brenga jonë kryesore ka qenë dhe mbetet, që për një proces të tillë, nuk ka infrastrukturë të nevojshme ligjore. Ne mendojmë se qeveria e Kosovës nga nëntori i kaluar, ka patur mjaft kohë që vërtet t'i hartojë këto ligje dhe mos fillojë një fazë eksperimentale.

RADIO EVROPA E LIRË
Zoti Hoxhaj, Ministri i Pushtetit Lokal, zoti Lutfi Haziri, ka thënë fundjavën e kaluar, se edhe standardi që ka të bëjë me lirinë e lëvizjes dhe ai për kthimin e qëndrueshëm, do të mund të shënonin përparime, nëse do të mund të fillohej procesi i decentralizimit. Sa konsideroni se mund të ndihmojë njëri standard tjetrin standard përmes këtij procesi?

ENVER HOXHAJ
Unë nuk mendoj se territori do të jetë në gjendje ta zgjidhë vërtet lirinë e lëvizjes. Përkundrazi, nëse procesi i decentralizimit ndodh në baza etnike dhe respekton vetëm parimin etnik, ai nuk krijon ambjent të nevojshëm për liri të lëvizjes, por krijon ambjent të përshtatshëm për fortifikim të grupeve etnike që jetojnë në Kosovë.

RADIO EVROPA E LIRË
Gjatë kësaj jave pritet që Forumi Politik i Kosovës të diskutojë dhe çështjen e sigurisë në Kosovë. Duke e parë nga këndvështrime të ndryshme, thuhet se çështja e sigurisë nuk është vetëm një çështje komplekse e asaj që konsiderohet siguri për shumicën dhe pakicën, por edhe egzistim i disa shërbimeve të inteligjencës përbrenda partive politike. Prandaj cili mendoni se duhet të jetë adresimi i Forumit në këtë çështje?

ENVER HOXHAJ
Forumi i Kosovës duhet të jetë vendi, i cili fillon të adresojë tema, që shpesh herë janë edhe të pakëndshme për partitë politike. Mirëpo është interes i qytetarëve të Kosovës dhe është interes i Kosovës, që mbi të gjitha të sundojë ligji, që mbi të gjitha të kemi institucione të fuqishme, të zgjedhura nga qytetarët e Kosovës dhe mbi të gjitha të fillojmë të kultivojmë elementin e llogaridhënies. Aspekti i sigurisë është i ndjeshëm për të gjithë qytetarët e Kosovës, kështu që Kosova do të kishte përcjellë mesazhe të mira, nëse Forumi që në takimin e parë, vërtet ofron rekomandime të cilat në muajt e ardhshëm do të kenë edhe efekt konkret në jetën tonë publike.

RADIO EVROPA E LIRË
Aktualisht në Kosovë është duke qëndruar kohë pas kohe dhe një ekip i ambasadorit Kai Eide, i ngarkuar për të vlerësuar shkallën e përmbushjes së standardeve. Cilat janë pritjet tuaja lidhur me raportin që zoti Eide do t'i dërgojë Sekretarit të Përgjithshëm të OKB-së dhe rrjedhimisht, a prisni nga kjo që gjatë vjeshtës të hapet procesi i diskutimeve për statusin e Kosovës?

ENVER HOXHAJ
Mendoj që zoti Eide deri tani, në shumë intervista, në shumë takime, ka reflektuar që do ta bëjë një vlerësim të tërë gjendjes politike që ka Kosova dhe që ka patur Kosova këto vite. Raporti i tij do të jetë evaluim dhe vlerësim, jo vetëm i punës së institucioneve vendore, por do të jetë një vlerësim i vetë punës së bashkësisë ndërkombëtare, i vetë punës së UNMIK-ut. Një raport i tillë do ta ketë mundësinë të reflektojë në një formë të prerë dhe të balancuar të gjitha anët pozitive dhe të gjitha anët negative që i ka Kosova. Mund të ofrojë rekomandime shumë të fuqishme se si të tejkalohet kjo situatë vitet e ardhshme.
Në të njëjtën kohë jam shumë i sigurt se do të ofrojë një rekomandim kryesor, që është shpresa kryesore e qytetarëve tonë të Kosovës, që sa më parë të nisë debati rreth statusit përfundimtar të Kosovës. Brenga ime personale është që pas një raporti të mundshëm pozitiv të zotit Eide, a do të ketë Kosova agjendë të prerë kohore. Mendimi im dhe mendimi i Partisë Demokratike është, që ne sa më herët të kemi një datë të prerë ose një plan operacional me data konkrete, se kur do të fillojë të adresohet çështja e statusit përfundimtar të Kosovës, kur do të përfundojë dhe cila do të jetë përmbajtja e tij. Kosova nuk ka nevojë ta ketë përsëri një proces të pafund politik, siç ka qenë në rezolutën 1244 këto gjashtë vite dhe të jemi një vend pa afate dhe pa mision. Kosova ka nevojë për një agjendë të prerë kohore, për data të prera.

Intervistoi Zijadin Gashi

[Fshatari]

A po përgatitet rajoni për shkëputujen e Kosovës nga Serbia?

Bernë, 22 korrik (Z.Ahmeti) - Lëvizjet e fundit të diplomatëve nga Evropa dhe NATO ja në Kosovë dhe Beograd si dhe vizita e Kryeministrit Kosumi në Berlin, tregojnë se po bëhen përgatitjet për fazën fundit të procesit të shpartallimit të territorit të ish- Jugosllavisë, me pavarësinë e Malit të Zi dhe Kosovës.
Sipas një informacioni të publikuar në një faqe zyrtare gjermane në internet (german foreign policy.com), Berlini dhe NATO ja janë duke i bërë përgatitjet për t'i bërë ballë ndonjë shpërthimi të mundshëm në Kosovë. Njohësit e gjendjes në Kosovë janë të mendimit se ekstremistët shqiptarë tani para fillimit të bisedimeve për statusin e Kosovës do të provokojnë, siç thuhet, për të ndikuar në çështjen e statusit. Po ashtu thuhet se përfaqësuesit e politikës së jashtme gjermane e përkrahin ndarjen nga Serbia. Ndërkaq si diskutabile vlerësohen metodat dhe koha.
Përderisa elita kosovare kërkon transferimin e kompetencave, në Berlini dhe NATO ka frikën se do të përndjekin gjithë serbët nga Kosova. Marrëveshja mes NATO s dhe Serbisë për lëvizjen e trupave të NATO s në territorin e Serbisë është lidhur me qëllim të mënjanimit të zgjerimit të një konflikti të mundshëm edhe në vendet fqinj.
Për shkak të (para)përgatitjeve për secesion (ndarje) të Kosovës thuhet se janë duke u zhvilluar bisedime intensive për të mënjanuar ndonjë dhunë të paparashikuar. Vizitat e fundit në Beograd dhe Kosovë të sekretarit të NATO s, Skefer dhe e Solanës në Kosovë kanë po këtë qëllim.
Kurse ftesa e Kryeministrit të Kosovës Bajram Kosumit në Gjermani edhe nga Walter Kolbow, përfaqësues i sekretariatit të Ministrisë së Mbrotjes Gjermane, është bërë në këtë kontekst, lidhur me "perspektivën e Kosovës". Dhe në bisedë me Kosumin është biseduar edhe për sigurinë e trupave gjermane në Kosovë. Me rastin bisedimet për secesionim të Kosovës, që vite me radhë është duke u ndihmuar nga Berlini zyrtar, njofton german foreign policy.com, kihet frikë për shpërthim dhune posa të fillojë ndarja e Kosovës nga Serbia. Kurse vlerësimin për shpërthime të mundshme po e përforcojnë politikanët shqiptarë të Kosovës me deklaratat e tyre, të pavetëdijshëm se ku do të shpien ato.
Përgatitjet dhe bisedimet e intensivuara diplomatike në rajon kanë për bazë kryesore atë se si të përfundohet ndarja përfundimtare e Jugosllavisë pa shpërthyer edhe ndonjë dhunë tani në fazën përfundimtare. Fjala është si për malin e Zi po ashtu edhe Kosovën. Ndërsa ish-ambasadori i Jugosllavisë së Milosheviqit në Berlin, Vlado Nadazdin, në intervistën të dhënë për të njëjtin organ, shpreh frikën e tij për "Kosovën e madhe", por njëkohësisht ai pranon se shumica e shteteve e favorizojnë ndarjen e Kosovës nga Serbia.

[Dilaver]

Nje deshmitar tregon per Gazeten "Danas" djegien e kufomave te civileve shqiptare ne Mackatice

Lajmi i ores 11:50 AM


BEOGRAD (25 Korrik) - Nje deshmitar serb tregon se ka degjuar disa here nga qytetaret e Surdulices, por edhe ne bisede me inspektoret e policise sekrete se ne Mackatice jane djegur kufomat e civileve shqiptare nga Kosova gjate nderhyrjes se se NATO-s, ne mesin e tyre dhe femije. Ky deshmitar me kusht anonimiteti ka rrefyer ne Shkup per gazeten "Danas" te Beogradit sesi gjate nderhyrjes se NATO-s edhe qytetaret e Surdulices (qytet ne jug te Serbise, rreth 1OO km ne lindje te Kosoves) kane treguar per kamionet dhe kufomat e djegur ne Mackatice. Ne autencitetin e tregimit ai eshte bindur duke degjuar bisedat e kreut te policise sekrete, te pjesetareve te Ministrise se Puneve te Brendshme dhe gjykates se Surdulices. Deshmitari ka treguar madje me emer e mbiemer njerezit e sherbimit sekret ne Surdulice. Ai i eshte drejtuar Keshillit per te Drejtat e Njeriut ne Leskovc, Fondit per te Drejten Huminatare dhe gazetes "Danas" thote se per shkak te sigurise se familjes se vet, nuk mund te zbuloje emrin e personit per te cilin operativistet e policise pohonin se ka udhehequr me operacionin. Deshmitari ka cituar per gazeten se ne fillim nuk ka besuar per krime te tilla, por me vone eshte bindur per ekzistencen e makinerise, qellimi i se ciles ka qene fshehja e vrasjeve masive. Edhe Fondi per te Drejten Humanitare ka publikuar me pare nje deklarate per shtyp ne te cilen thuhet se gjate majit te vitit 1999 ne Mackatice jane djegur kufomat e civileve shqiptare. Kufomat ishin sjelle me kamione te markes TAM, nderkaq ne operacion ishte perfshire edhe Milorad Ulemek Legija. Sipas gazetes per "rastin Mackatica" hetimet jane duke u zhvilluar nga Prokuroria per krimet e luftes ne Beograd. db/db(QIK/Balkanweb)