Citate nga dijetaret islam

[Kosova19]

Shejhul Islam ibn Tejmije ka thënë: "Ai që i mbështet sqarimet dhe diskutimet lidhur me çështjet e besimit dhe çështjet praktike, në Kur'an, Sunet dhe gjurmët e transmetuara nga të parët, e ka qëlluar rrugën e drejtë të Profetit. Po ashtu edhe ai që i bazon punët e zemrës, të cilat janë themelet dhe burimet e punëve të jashtme, dhe punët e gjymtyrëve në besimin, Sunetin dhe udhëzimin me të cilin erdhi Muhamedi dhe shokët e tij, ai është në rrugën e profecisë."

[Kosova19]

Imam Malik ibn Enes ka thënë: "Kjo dije, është gjaku yt dhe mishi yt, për të do të pyetesh Ditën e Gjykimit, prandaj shiko nga cili po e merr."

[Kosova19]

Ibnu Abdil Hadi ka thënë: "Nuk lejohet të shpikësh koment ose interpretim për ndonjë ajet ose hadith që nuk ka ekzistuar në kohën e selefëve (paraardhësve të devotshëm muslimanë), nuk e kan njohur dhe nuk ia kanë sqaruar ymetit, sepse kjo nënkupton se ata nuk e kanë njohur të vërtetën dhe kanë devijuar prej saj, ndërkohë që është udhezuar e e ka qëlluar ky kundershtar i mëvonshëm!"

[Kosova19]

Gruaja ime konsumon drogën
Shkruar nga Shejkh Fauzan

Pyetje: Një vëlla nga Franca shkruan: Unë jam martuar me një grua dhe ne kemi fëmijë të vegjël. Pas një kohe e kuptova se ajo konsumon drogën! Çfarë më këshilloni ju? A është e lejuar që ta shkurorëzoj atë për këtë arsye?

Shejkh Fauzan: Po, kjo është e lejuar, bile është e detyrueshme, pasi që ajo konsumon drogë. Ajo ta shkatërron shtëpinë dhe fëmijët tuaj. Ti je tradhtuar ndërsa ajo është zullumqare ndaj jush. Ju duhet që sa më shpejt të ndaheni prej saj. Por në qoftë se ajo pendohet sinqerisht dhe lë drogën, ajo mbetet gruaja juaj. E nëse ajo vazhdon ashtu, atëherë ajo nuk duhet të jetë gruaja juaj.

Përktheu: Usame Morina
Burimi: http://alfawzan.ws/node/3167
http://www.youtube.com/user/audiosun.../0/B5xNX9FjJ0w

[Kosova19]

Urtësia e divorcit
Marrë nga "Motra muslimane pyet, dijetarët përgjigjen"
Shejh Abdulaziz iben Baz

Pyetje: Cila është urtësia e divorcit?

Përgjigje: Sa i përket urtësisë së divorcit, është prej gjërave më të qarta, sepse ndodh që njëri nga bashkëshortët nuk i pëlqen tjetrit, apo nuk përputhen më njeri-tjetrin, qoftë në aspektin financiar, qoftë në atë moral e edukativ, apo njëri prej tyre mund te jetë i pamoralshëm, i degjeneruar etj. Ndaj, Allahu, subhanehu we teala, u la zgjidhje të gjithë këtyre me divorc. Divorci bëhet i domosdoshëm, kur dëmi që i shkaktohet njërit prej bashkëshortëve, nuk eliminohet veçse me të. Po ashtu, mund të jetë edhe i ndaluar, kur njërit prej bashkëshortëve i shkakton më shumë sesa dobi.

Përgatiti: Umu Ensar

[Kosova19]

Gjykimi për t’i dhënë dhurata vetëm vajzave
Shkruar nga Shejkh Fauzan

Pyetje: Unë kam disa djem dhe disa vajza. A është e lejuar për mua që t’u jap dhurata vetëm vajzave e jo djemve të cilët punojnë.
Kurse djemtë e kanë zakon të më japin mua gjëra të ndryshme, por unë nuk i marrë ato. Dhe vajzat e mia janë të martuara.

Shejkh Fauzan: Profeti (sal Allahu alejhi ue selam) urdhëroi që dhuratat të ndahen në mënyrë të drejtë në mes të fëmijëve. Ai (sal Allahu alejhi ue selem) ka thënë: “Kini frikë Allahun dhe jini të drejtë me fëmijët tuaj.” Buhari 3/134

Nuk është e lejueshme për prindin që të dallojë disa prej fëmijëve me dhurata. Ai është i detyruar që t’i shpërndajë ato njësojë mes tyre dhe t’i trajtojë të gjithë ata në mënyrë të drejtë, gjë të cilën Allahu (azze ue xhel) e ka urdhëruar. Kjo vlen edhe pse disa punojnë në krahasim me të tjerët. Drejtësia është obligim.

Kontrolloi: Usame Morina
Burimi:El-Muntaka (3/125)

[Kosova19]

A është mëkatar ai i cili jeton me jomyslimanët dhe nuk i fton ata në fenë Islame?
Shkruar nga Shejkh Uthejmin

Pyetje: A është mëkatar ai person i cili jeton me jomyslimanët dhe nuk i fton ata në fenë islame?

Shejkh Uthejmin: S´ka dyshim që ky person ka lënë pa kryer një detyrë të domosdoshme (vaxhib). Allahu i Lartësuar ka urdhëruar që të ftojmë (thërrasim) në islam. Është shumë e lehtë që mjekët ta pranojnë fenë islame, prandaj unë ju këshilloj dhe këtë duhej ta kisha përmendur më parë me këshillat e mësipërme që tu bëhet thirrje për në fenë islame mjekëve të krishterë apo edhe të ndonjë feje tjetër qofshin.

Duhet t´u jepni atyre nga ata që ju i lexoni, apo edhe të përkthyer në gjuhët e tyre.
I Dërguari i Allahut (sal Allahu alejhi ue selem) i ka thënë Ali ibën ebi Talibit:

"Sikur Allahu të udhëzojë nga duart e tua qoftë edhe një njeri të vetëm,
është më mirë për ty sesa devetë e kuqe."

Ato devetë e kuqe simbolizonin pasurinë më të shtrenjtë tek arabët e asaj kohe.
Ajo që ju këshillojë juve, është që tu bëni thirrje atyre për në fenë islame. Të paktën ta njohin islamin si fe, se në të kundërt do të thonë: Secili prej nesh ka fenë e vet de s´është nevoja që dikush të ftojë të tjerët për në fenë e tij. Duhet bërë kjo detyrë edhe nëse e shikon të dobishme ta ftoshë këtë njeri në shtëpin tënde. Pra nuk ka problem.

Përktheu: Edmond Fatmir Ajdini
Korrektoi: Xhabir Sheme
Burimi: http://www.youtube.com/user/audiosunneti#p/u/0/KLp0Q11Ei7E

[Kosova19]

Prej gabimeve në edukimin e fëmijëve; preferimi i djalit mbi vajzën
Ali ibn Jahja el Haddadi

Disa prej baballarëve dhe nënave anojnë nga preferimi i djemve mbi vajzat në çfarë do lloj marrëdhie të jetës; financiare, shpirtërore, me vepra, fjalë aq sa gjëndja mund të arrijë në urrejtje të vajzës për nënën dhe babanë, apo krijimin e një urrejtjeje nga ana e vajzës për vëllaun e saj. Vërtet kjo gjë shkakton dobësi në marrëdhëniet familjare dhe copëtim të marrëdhieve mes anëtarëve të familjes.

Nga zelli i Pejgamberit (sal-lAll-llahu alejhi ue sel-lem) për drejtësi, kthjelltësi të zemrave, unitet të familjes muslimane, të qënurit të kënaqur pjestarët e saj qofshin ata djem apo vajza nga ‘udhëheqja’ e familjes (nga babai dhe nëna), Pejgamberi (sal-lAll-llahu alejhi ue sel-lem) jepte udhëzime për drejtësi në marrdhëniet mes djemve dhe vajzave, edhe nëse ata ishin të vegjël.

Tahauiu në librin ‘sherhu ma’anil ether’ dhe Bjehakiu në ‘shuabul ijman’ kanë transetuar nga Enesi (radijaAll-llahu anhu) se ka thënë:

“Po qëndronte një burrë me Pejgamberin (sal-lAll-llahu alejhi ue sel-lem) dhe këtij burri i erdhi një djalë i tij të cilin e puthi dhe e uli mbi kofshën e tij. Më pas i erdhi një vajzë e tija të cilën e uli pranë vëllaut, dhe Pejgamberi (sal-lAll-llahu alejhi ue sel-lem) tha: Përse nuk je i drejtë me ata dy?! Dmth mes djalit dhe vajzës”. Ndërsa në një transmetim tjetër thuhet: “Atëherë nuk je treguar i drejtë mes tyre”.

Pejgamberi (sal-lAll-llahu alejhi ue sel-lem) e qortoi këtë person për mosbarazimin mes djalit dhe vajzës së tij, sepse ai e puthi të birin ndërsa të bijën jo, e si qëndron puna lidhur me ata që e kanë lënë mënjanë drajtësinë mes fëmijëve (djem dhe vajza) më shumë?!

Selefët e kanë kuptuar këtë menhexh të drejtë lidhur me edukimin dhe trajtimin e fëmijëve dhe për këtë Ibrahim en-Nekhai’ ka thënë:

“Ata (selefët) pëlqenin të ishin të drejtë mes fëmijëve të tyre qoftë edhe për puthjet (që i jepnin atyre)”. ‘Shehus-sunneh’ i Beghauiut.

Prej paradokseve, është ndjenja e keqardhjes nga ana e prindërve kur vajza sillet keq me ta, në një kohë kur prindërit sillen keq me vajzën duke preferuar vëllanë e saj mbi të. Vajza shikon dhe dëgjon (çfarë bëhet) ndërsa përbrënda ajo ndjen padrejtësinë që i bëhet, si pra prindërit i bëjnë vajzës çfarë nuk u pëlqen t’u bëhet atyre vetë?!

Tek historia e en-Nuaman ibën Beshirit, vërejmë se si Pejgamberi (sal-lAll-llahu alejhi ue sel-lem) i tërheq vëmendjen babait të en-Nuamanit tek ky realitet. Beshiri i dhuroi një dhuratë en-Nuamanit duke e privilegjuar (dhe veçuar) nga fëmijët e tjerë. Beshiri shkoi tek i Dërguari i All-llahut (sal-lAll-llahu alejhi ue sel-lem) që ta bëjë dëshmitarë të dhuratës dhe Pejgamberi (sal-lAll-llahu alejhi ue sel-lem) e pyeti Beshirin: “A gjithë fëmijëve tuaj u ke bërë të njëjtën dhuratë?”

Tha: Jo!

Atëherë Pejgamberi (sal-lAll-llahu alejhi ue sel-lem) tha: “Atëherë mos më kërko të dëshmoj, unë nuk dëshmoj për një padrejtësi” më pas tha: “A të gëzon që të gjithë fëmijët tuaj të sillen mirë me ty?”

Tha: Po, më gëzon.

Tha: “Atëherë mos e bëj (këtë dallim mes fëmijëve tuaj)”. Transmeton Muslimi.

Kjo do të thotë se preferimi yt i një prej fëmijëve, bën që tjetri të krijojë urrejtje për të preferuarin, e pas kësaj kjo ndjenjë bën që mirjellja e tij të shndërrohet në sjellje të keqe.

Lusim All-llahun të na ndihmojë në miredukimin e fëmijëve tanë dhe t’i bëjë ata të mirësjellshëm, vërtet Ai është Dëgjues i lutjeve.


Burimi: http://www.haddady.com/ra_page_views.php?id=428
Përshtati: Besmir Cacani

[Kosova19]

Paraqitja e pikave bojëkafe pas menstruacioneve
Shejh Muhamed Ibn Salih el-Utheimin, Allahu e mëshiroftë
"60 Su'alen an Ahkam el-Hajd", pyetja 24

Pyetje: Isha shtatzënë në muajin e dytë kur abortova, dy ditë para se të shkoja në haxh. Isha e pastër, por, në ditën e terwijes, pashë disa pika të errëta, që u ngjanin pikave në ditët e fundit të menstruacioneve, dmth, nuk ishte gjak, por pika bojëkafe të papastra. Megjithëkëtë, e kreva haxhin. A është i vlefshëm haxhi im?

Përgjigje: Çfarë vjen pas pastrimit [nga menstruacionet], si qitja bojëkafe apo e zverdhemë, apo pikat, apo lagështia, s'është menstruacion. Kështu, kjo s'do të thotë që gruaja nuk mund të falet e të agjërojë, apo që burri s'mund të ketë marrëdhënie seksuale me gruan e vet, ngaqë kjo s'është menstruacion.
Umm Atijeh ka thënë: "Ne nuk e konsideronim qitjen bojëkafe apo të zverdhemë si diçka të rëndësishme" [Transmetuar nga el-Buhari]. Ebu Daud shtoi [në transmetim]: "... pasi pastroheshim". Zinxhiri transmetues është i sigurt.

Bazuar në këtë themi: Gjithçka që ka ndodhur, pasi të jeni të sigurt që kanë përfunduar menstruacionet, nuk ndikon në gruan, apo kjo s'do të thotë që nuk është e lejueshme të falet namazi apo të agjërohet, apo që burri i saj të mos ketë marrëdhënie intime me të. Por, ajo s'bën të ngutet, derisa ta shohë tuhr [qitjen e bardhë që tregon përfundimin e menstruacioneve], sepse disa gra, kur të pushojë gjakderdhja, nguten të bëjnë gusl, para se ta shohin tuhr. Që këtu, gratë e sahabëve dërgonin tek Aisha copëza pambuku në të cilat kishte gjak dhe ajo u thoshte: "Mos nxitoni derisa ta shihni qitjen e bardhë".

[Kosova19]

Ka thene Ibrahim bin Ed'hem Allahu e meshirofte:
"Ti, nese hedh veshtrimin ne pasqyren e pendimit, do te vesh re shemtine e gjynahut"

[valiii]

“Kush flet në emër të fesë pa dije, ai është gënjeshtar, edhe nëse nuk e ka për qëllim gënjeshtrën.” (Ibën Tejmijje)

[Kosova19]

Ka thene Imam Shafiu Allahu e meshirofte :
"Nuk kam bere debat me ndokend dhe te kem deshiruar qe ai te gaboje, dhe nuk kam ne zemren time ndonje dije veçse deshiroj qe te jete tek çdokush, dhe te mos me dedikohet mua"

[Kosova19]

Hasen el Basri (Allahu e mëshiroftë!) ka thënë: “Njeriu i mençur nuk polemizon dhe nuk llaston. Ai e përhap urtësinë e tij, e nëse ajo gjen vend dhe pranohet, ai falënderon Allahun dhe nëse refuzohet, përsëri falënderon Allahun.”

[Kosova19]

Çasti më i bukur është agimi , kur dallimi midis errësirës dhe dritës nuk është ende i qartë , dhe njeriu nëse dëshiron , dhe nëse është i kujdesshëm , mund të mendoj gjithçka që në jetë i shfaqet si kontrast

[Kosova19]

Shejkh Uthejmini (Allahu e Mëshiroftë) ka thënë:
"Kur zemra preokupohet me pavërtetësi nuk mbetet vend në të për të vërtetën, sikurse kur ajo preokupohet me të vërtetën nuk mbetet vend në të për pavërtetësi.”