Urime 13 Vjetori i PDK-se :biggrin:

[halla e madhe]

Postimi origjinal është bërë nga natyra

Oj halla e mire,e madhe...jo hujt po shkopin o penxionerve,bile dhe ate jo ne Kosove por ni hap pertej kufijve t'Kosovespe din ti halle me kan jan ba sebep/kojshi qashtu diqka

gjithsesi,ndaj respekt per ty Halla e Madhe

P/s.dhe njiheri te uroi mireseardhje ne mesin e pdky/ldk

"dhe diqka halle,perpak harrova me tlajmrua motra,ekxisto mundesia e (profesionistit),,Admin Z/C me na fshi postimet,LOL qe sipas rregullores/apo me mire them sipas tij,nuk lejohen shkrime qka flitet jasht teme te PDK-es e sa per foto te "Dr.Rugoves me Sllobodanin! qe ka sjell vet. Sasht problem,pasiqe vet asht Profisionist i fshizes,,dhe qka don fshin,qka don le(sipas rregullores)

Natyra_te pershendes kudo qe je dhe njeherit te uroj festen e paveresise se Kosoves!

ps: keto dite me shenje jan dite qe te ri_ngjallin kujtimet e luftes dhe njeherit yt_shoq i ndjeri me shume shoke qe dhan jeten per liri qe sote po e gezojne populli yne,prandaj te deshiroj force ta perballon dhembjen qe do te percjelle tere jeten! :(

halla e madhe

[natyra]

Postimi origjinal është bërë nga halla e madhe

Natyra_te pershendes kudo qe je dhe njeherit te uroj festen e paveresise se Kosoves!

ps: keto dite me shenje jan dite qe te ri_ngjallin kujtimet e luftes dhe njeherit yt_shoq i ndjeri me shume shoke qe dhan jeten per liri qe sote po e gezojne populli yne,prandaj te deshiroj force ta perballon dhembjen qe do te percjelle tere jeten! :(

halla e madhe

Te paqim Moter,Te te falemnderit shum per kohen dhe fjalet kaqe "Inkuarijuese" ti jo vetem qe je ni Halle e Madhe e mire...por ke dhe ni zemer te MADHE pa marr parasysh ne cilen kohe dhe ven,ti ke dhen kontributin e shprehjes ndaj vullnetit te lire FJALEN per ate qka zemra e e ka ndjer ne momentin e pa caktuar.

gje qe une shum e vlersoi

Andaj Urime dhe per ty dhe per gjithe ata/o qe ti deshiron te ken urime dhe te mira ne jet...

padyshim te ndaj respektin me te madh per Ty Halle e mire

pershendes perzemersisht

Natyra.

[Zero Cool]

Jakup Krasniqi: Lamtumirë PDK


Prishtinë, 22.02.2013

Kryeparlamentari Jakup Krasniqi nëpërmjet një deklarate për media ka sqaruar se në asnjë formë nuk dëshiroj të jetë pjesë e atyre strukturave që kanë dalë nga zgjedhjet antistatutore.

Krasniqi ka thënë se nuk e ka pranuar ‘dhuratën’ nga shefi i partisë që ai të jetë pjesë e Kryesisë së saj.

“Unë nuk pranoj “dhurata” të tilla dhe nuk më nderon radhitja e emrit tim në një forum të pazgjedhur dhe të emëruar arbitrarisht, ku shefi ndanë poste partiake (ashtu si ka ndarë edhe poste qeveritare), si dhurata e lëmosha nën petkun e solemnitetit, pa asnjë kundërshtim nga të pranishmit. Pikërisht këtë unë e quaj fatkeqësi politike për partinë e për anëtarët e ndershëm të saj”.

Në vazhdim mund ta lexoni deklaratën e plotë të Jakup Krasniqit

Nisur nga pëshpërimat e hamendësimet mediale, herë me zë e herë pa zë, e ndiej të nevojshme që edhe një herë ta njoftoj anëtarësinë e PDK-së dhe opinionin publik se qëndroj vendosmërisht në deklarimet e bëra në letrën e 25 janarit 2013 ku kam theksuar qartë se nuk dëshiroj të jem as pjesëtar e as pjesëmarrës i Kongresit të quajtur Konventa VI Zgjedhore e PDK-së (sikundër edhe u provua).

Pas zgjedhjes (pa vullnetin dhe praninë time në Këshillin Drejtues të kësaj partie) e ndiej të nevojshme që edhe një herë ta përsëris se në asnjë formë nuk dëshiroj të jem pjesë e atyre strukturave që kanë dalë nga zgjedhjet antistatutore. Zgjedhjet e zhvilluara kohë më parë në PDK, në asnjë nivel nuk qenë të rregullta, përfshirë këtu edhe Kongresin Zgjedhor të saj. Rrjedhimisht kësaj, unë nuk e njoh as “produktin” e këtij procesi “zgjedhor” finalizuar nga një Konventë jolegjitime.

Duke qenë njeri me vokacion politikani për një kohë të gjatë, vazhdoj me këmbëngulësi konsulenca, interesime dhe shestime idesh me anëtarë të niveleve të ndryshme të partisë. Këtu përfshihen edhe të interesuar të tjerë që presin ndryshime pozitive në skenën politike të Kosovës, që presin një qeverisje të mirëfilltë, ndryshe nga çfarë e kishim deri tani. Gjithnjë për aq sa ka hapësirë e mundësi veprimi në rrethana të këtilla, të cilat nuk mund të shpërthehen pa një kulturë demokratike të reagimit qytetarë për ndryshime të thella e pozitive në shoqërinë tonë.

Dua t’ju siguroj, me këtë rast, se asnjë veprim nuk e bëj udhëhequr nga ndjenja e inatit apo interesit personal, por, para së gjithash, nga parimi i interesit të vendit dhe të qytetarëve për zhvillim, integrim dhe sundim rendi e ligji.

Kosova sot, më shumë se kurrë, ka nevojë imediate për një drejtësi shoqërore dhe për një menaxhim ndryshe të pasurisë kombëtare (njerëzore e materiale). Jam i bindur se në këto fusha të rëndësishme të jetës, gjatë këtyre viteve, ka pasur shumë keqpërdorime. Është koha e fundit që këto dukuri të shëmtuara të ndërpriten, sikundër jam thellësisht i bindur se kjo nuk mund të bëhet pa mbështetje e vullnet qytetar.

Jam i vetëdijshëm, ndërkaq, se partia të cilën e kemi ndërtuar së bashku me shumë mund e angazhim, mbase edhe më shumë se kaq, është uzurpuar padrejtësisht dhe për interesa krejt personale e klanore dhe jashtë çdo procedure demokratike. Edhe kryesia e emëruar e PDK-së nuk është legjitime, rrjedhimisht as anëtarët e saj të emëruar në një takim formal ku u ftuan anëtarët e një Këshilli Drejtues, po ashtu të dalë nga një votim i dyshimtë, numëruar e radhitur sipas preferencave për tre ditë, pas një votimi të mbajtur nën siglën e Konventës së PDK-së, (konventë që nuk dihet se në ç’rrethana u emërua si e tillë në Hotelin Emerald, më 26 janar 2013) disa ditë para mbajtjes formale të saj.

Unë nuk mund të jem produkt spekulativ i një veprimtarie të tillë fund e krye të paqartë dhe të dyshimtë e, mbase, edhe diversive!

Përfundimisht, Kryesia e emëruar nga një njeri dhe e miratuar me aklamacion (vullnet të detyrueshëm) nga të gjithë, duket si një dhuratë e shefit për të preferuarit e tij, ku edhe emri im është përfshirë padrejtësisht dhe vetëm për spekulim publik, si një pozë zemërgjerësie e mëshirimi.

Unë nuk pranoj “dhurata” të tilla dhe nuk më nderon radhitja e emrit tim në një forum të pazgjedhur dhe të emëruar arbitrarisht, ku shefi ndanë poste partiake (ashtu si ka ndarë edhe poste qeveritare), si dhurata e lëmosha nën petkun e solemnitetit, pa asnjë kundërshtim nga të pranishmit. Pikërisht këtë unë e quaj fatkeqësi politike për partinë e për anëtarët e ndershëm të saj.

Kategoria e këtillë e “mëshirimit” dhe e “zemërgjerësisë” për mua është një dënim. Gjëra të këtilla, edhe në rrethana më të vështira në jetën time, kurrë nuk kam pranuar dhe as i pranoj, sikundër nuk e njoh as e pranoj dënimin e tillë.

Së këndejmi kam shprehur haptazi qëndrimin tim dhe kam denoncuar vendosmërisht devijimin që po bëhej në mënyrë të organizuar, në emër të një Kongresi Zgjedhor në PDK, i cili vetëm me zgjedhje nuk kishte asgjë të përbashkët dhe në asnjë nivel të organizimit zgjedhor.

Ata që luajnë në emër të votës dhe imponojnë vullnetin e Të madhërishmit pa alternativë, janë vetëm manipulues të publikut dhe mbi të gjitha keqtrajtues të anëtarësisë së ndershme të PDK-së. Ky as ka qenë e as është vullneti i anëtarësisë së PDK-së. Në këtë proces, gjoja zgjedhor, është shkelur e drejta më elementare e njeriut në demokraci për të qenë i zgjedhur dhe për të zgjedhur! Këtu natyrshëm shtrohet pyetja: Njerëzit e emëruar në këtë mënyrë, çfarë perspektive ofrojnë për demokracinë, për institucionet demokratike të shtetit që drejtojnë, për qytetarët që dëshirojnë t’u shërbejnë e t’i integrojnë në institucionet euroatlantike!?
Të nderuar qytetarë,

Nga e gjithë kjo më rezulton se në Partinë Demokratike nuk ka pasur zgjedhje, por emërime të parapërgatitura për të eliminuar njerëzit më të votuar nga qytetarët e ngritur njerëz të verifikuar vetëm si servilë. Rrjedhimisht del se PDK-ja është uzurpuar për të imponuar pushtet mbi njerëzit, pse jo edhe mbi pasurinë e kombit. Nëse nuk qe e mundur t’i largojmë uzurpatorët me një proces të rregullt zgjedhor, unë, të paktën nuk pranova të jem pjesë e tyre.

Kur i kërkuan Dantes të kthehej në vendlindje pas dëbimit, ai tha: “Nëse nuk ka rrugë tjetër të kthimit në Firencë, përveç rrugës së nënshtrimit e përuljes, asaj rruge nuk do të kthehem kurrë”. Edhe në rastin tonë, rruga e vetme për të ecur përpara me dinjitet, është të ecurit vertikalisht për një qëllim të lartë politik, njerëzor e demokratik.

Vendimet e vështira që nuk varen nga individi duan kohë dhe maturi për tu marrë. Duke i qëndruar besnik parimit të transparencës zotohem se në kohën e duhur do ta bëj publik veprimin tim të më tejshëm politik, gjithënjë në interes të qytetarit të Kosovës.

[Zero Cool]

Buzhala kopil në PDK







Zëvendësministri dhe ish kryetar i degës së PDK-së në Prishtinë, Ramadan Avdiu deklaron në rrjetin social facebook: Në vazhdën e reagimeve të njëpasnjëshme që Berat Buxhala bën kundër kuadrit udhëheqës dhe themelues të PDK-së, i maskuar nën kostumin e kësaj partie politike , ai kësaj radhe drejton akuzat kundër personalitetit tim dhe aftësive të mia profesionale për të ushtruar funksionin në kuadër të Ministrisë së Financave të Kosovës.

Ajo që më shtyri të reagoj kësaj radhe lidhet me mënyrën se si Berat Buxhala i koncepton angazhimin politik, rolin dhe përgjegjësitë e funksioneve të ndryshme dhe institucionet shtetërore.

Metafora e “baçicës” dhe “bylmetit” nxjerr në shesh se ai nuk mund të konceptoje funksionin në kuadër të institucioneve shtetërore, ministrive në përgjithësi dhe ministrisë së financave në veçanti pos në rolin e “baçicës” ku me primitivizëm do të “ndante bylmetin”, do t’u tregonte të tjerëve se kur “duhet të hanë bukë”, kur “duhet të pinë tambël” e kur “duhet t’i bëjnë përshesh”.

Sa i përket “përsheshit” dhe metaforës së “gurbetçarit” që gjen në shtëpi “një voglush të shtuar pa kontributin e tij seksual” Berat Buxhala nuk e kupton se kjo metaforë kthehet kundër tij. Nëse dikush është “kopil” në PDK dhe shtiret “se han vetëm përshesh” ky është Berat Buxhala. Berati e ka për borxh të tregojë haptazi se “me kontributin seksual” të kujt ka ardhur në PDK ndërsa organet drejtuese të partisë duhet të marrin qëndrim publik ndaj këtyre “kopilive publike” të Berat Buxhalës.

Qeveria e Republikës së Kosovës,institucionet tjera relevante dhe Auditori janë kompetente për të marrë qëndrim lidhur me mënyrën se si e ushtroj detyrën time në kuadër të përgjegjësive që më takojnë. Për këtë kam qenë dhe do të mbes gjithmonë i hapur.

[Zero Cool]

Berat Buzhala kërcënohet e kërcënon në FB!?







Vazhdojnë debatet në rrjetin social Facebook, përkitazi me komentet që deputetit i PDK-së, Berat Buzhala, i kishte bërë ndaj zëvendësministrit të Financave, Ramadan Avdiu. Mirëpo, “personazhi” i dytë këtë herë është Amir Avdiu, asistenti i zëvendësministrit Avdiu. Ndërsa, gjuha e përdorur është… edhe më “rëndë” se më parë!

Berat Buzhala, që është deputet i PDK-së, në rrjetin social Facebook, bashkëpartiakun e tij që është edhe zëvendësministër i Ministrisë së financave, Ramadan Avdiun, e kishte quajtur kopil, baqicë dhe gardian primitiv.

Në kundërpërgjigjen e tij, Ramadan Avdiu kishte shkruar: “Nëse dikush është ‘kopil’ në PDK dhe shtiret ‘se han vetëm përshesh’, ky është Berat Buxhala. Berati e ka për borxh të tregojë ‘me kontributin seksual’ të kujt ka ardhur në PDK”.

“Debatin” virtual mes Berat Buzhalës dhe Ramadan Avdiut mund ta lexoni këtu. Ndërkaq, dje dhe sot, në një postim të bërë në FB, për vendndodhjen në Washington të deputetit Buzhala, më 29 prill, mbrëmë ka komentuar edhe Amir Avdiu, për të vazhduar me “rikomentime” edhe sot.

“Ti berat p… kur te kthesh ne Pr. Ki me pas pune te presin pergjegjjet e shkrimeve qe po i bon prej amerikes se larget je i mire se ardhur ne Pr. O i n… qim…” (sic.), ka shkruar Avdiu.

“A po don me thon Amir se ju vllaznit Avdiu, ti Dani e te tjeret, doni me bo nojsen . Ngom ti lahper, edhe krejt ata lahpera qe i ki per rreth, nuk ki nevoje me cu krercenime ne rrjete sociale, ta coj numrin ne privat, ose Dani e ka e thirrem kur te kthehna. Vec po te tregoj se para jush ka pas plot lanpera tjere qe e kane perdor kete gjuhe. Katunar bre…” (sic.), ishte përgjigja e Buzhalës.

Por, “debati” vazhdon. Amir Avdiu thotë të mos e marrë shkrimin e tij “si kërcënim”, por se e ka shprehur “mendimin” e tij, ndërkaq postimin e përfundon me “përshëndetje”!

“Mendim i ime eshte ky qe je pi… mashkull e kom shpreh mendimin tim per ty, besoj qe kom drejt ta shprehi mendimin tim i vjen koha nashta naj her e takohemi flej dath ti sa per ket far pune qe e ke marr si kerecenim se nuk ja vlen me u marr ma shum se ne Fb me ty se harrova me te than tung lahper”, vazhdon postimi i Avdiut, ndaj të cilit reagon prapë Buzhala, duke i quajtur “të padijshëm” dhe “të poshtër” (familjarët Avdiu).

“Ndaj teje Amir, dhe ndaj sojit tend, une nuk kultivoj asgje tjeter pos nencimit te pafundme… Ti Amir dhe ai vellau yt, a kusheriri yt, a ai i fisit tend – se me gjase hirearkia e gjakut dhe e adn’se ju ben te ndiheni te fuqishem – pata mendu se jeni vec te padishem, ama qenkeni edhe te poshter. Hajde tash kerko profile tjera per me u bo friend” (sic.), ka shkruar Buzhala.

Për fund, Buzhala ka fituar më shumë “like” në komentet e tij se Amir Avdiu.

[Zero Cool]

Kadri Veselit i janë “harxhuar” librezat e PDK-së



Pas një paraqitje “bombastike” të pranimit të librezës, (më 2 nëntor 2012 edhe zyrtarisht ish-shefi I SHIK-ut Kadri Veseli kishte marrë vendim që të inkuadrohet në PDK), të zgjedhjes si njeri i dytë në Konventën e VI zgjedhor të partisë, të shpërndatjes së librezave partiake, ka gati tre muaj që Kadri Veseli ështëe në “pushim vjetor”.

Inkuadrimin në politikë e kishte marrë me shumë vrul dhe entuziazëm. Ambiciet për të hyrë në politikë I kishte shfaqur qysh më herët, ndërsa kishte zgjedhur pikërisht kohën kur në Partinë Demokratikë të Kosovës po mbaheshin zgjedhjet partiake, që zyrtarisht të bëhet pjesë e këtij subjekti politik, shkruan Bota sot. Lidhjet e PDK-së, të Kadri Veselit dhe të SHIK-ut datonin qysh më herët.

Duket se në ditët e nxehta të verës e kanë vënë në “gjumë” edhe “shefin” e PDK-së dhe të SHIK-ut, Kadri Veseli, ka kohë që nuk duket në media dhe nëpër tubime.

“Heshtja” e tij ka zgjuar kureshtjen e shumëkujt, nëse ai është shpenzuar, është harxhuar si politikanë, por ka edhe të atillë që mendojnë se ish- Shefi I SHIK-ut po kursehet nga “beteja të ashpra politike”.

Ndonëse e sheh si njeriun kryesor brenda PDK-së, për publicistin Nexhmedin Spahiu, heshtja e përkohshme e Veselit është stil i tij. Madje, ai nuk përjashton se ish- shefi I SHIK-ut ka autoritet edhe më të madh sesa lideri I partisë Hashim Thaçi, dhe kjo është një nga arsyet pse Veseli rri në heshtje.

“Ai është figura kryesore e PDK-së apo edhe nuk mund të imagjinohet PDK-ja pa të. Ai është themeluesi I saj, njeriu kryesor i saj, andaj ai nuk ka nevojë me fol dhe me dal në paraqitje, sepse ai I ka të gjitha frenat e PDK-së në dorë”, tha publicisti Spahiu.

[Oqeani]

Nuk po harxhohen tenderat - vllau i Kupes po thojke: 20% per mua - puno burrë !!!!!

[Zero Cool]

Vëllezërit Grabovci policisë: A e dini kush jena na!?






Prishtinë, 20.08.2013

Bijtë e Adem Grabovcit, shefit të Grupit Parlamentar të PDK-së në Kuvendin e Kosovës, Guximi e Ngadhnjimi, në mesnatën e 15 shkurtit, kanë dëshmuar se “nuk e njohin ligjin”. Guximi duke vozitur veturën e tipit “BMW” në drejtim të Fushë Kosovës, nuk po pyeste për ngjyrat e semaforëve, transmeton Koha.

Në rrugën me shpejtësi të lejuar prej 60 deri 80 km/h, ai po drejtonte automjetin me shpejtësi 170km/h. Ky ishte shkasi pse dy policët në detyrë e ndoqën atë me veturë zyrtare dhe me shenja sinjalizuese derisa e ndaluan. Si rrjedhojë e tërë kësaj, dhe pas një konfrontimi verbal, aktakuza thotë se Guximi e grushtoi policin Avni Selaci, në prani të kolegut të tij, Latif Veseli.

Gazeta “Tribuna” thotë se ka siguruar aktakuzën e ngritur nga Prokuroria Themelore në Prishtinë ndaj vëllezërve Grabovci ku për herë të parë mund të mësohen versionet e bijve të politikanit të njohur kosovar, emri i të cilit është përmendur në raste të ndryshme, por jo për vepra penale .