Lajme nga Mjekesia

[Lona]

Ide të shpejta për kafjall të shëndetshëm

Për kafjall të shëndetshëm, i cili do t’ju mbajë të ngopur nuk duhet shumë kohë, por vetëm disa ushqime të cilat me siguri tashmë i keni në frigorifer

Ka shumë këshilla se si duhet të hahet shëndetshëm, veçanërisht në mëngjes. Por, kush ka kohë të mendojë dhe të përgatisë kafjall të shëndetshëm me aq punë dhe obligime? Mos u shqetësoni, me disa ide që mund të realizohen shumë shpejt, do të keni kafjallin e shëndetshëm i cili do t’ju ndihmojë që dita e punës të kalojë më lehtë dhe t’ju japë energji.

Drithërat edhe qumështi: Kjo është klasike – një pjatë më drithëra me qumësht të ftohtë ose të nxehtë është një nga zgjedhjet më të mira për shujtën e parë në ditë. Drithërat janë të pasura me fibra dhe proteina.

Pemët: Cilado pemë është e mirë për fillimin e ditës. Pemët përmbajnë shumë hekur dhe materie ushqyese, ndërsa nëse ju ngutet më së lehti është ta fusni në çantë dhe ta hani gjatë rrugës deri në punë. Nëse doni të zgjidhni më të shëndetshmen prej të shëndetshmeve, zgjidhni mollën.

Buka e zezë: Kjo bukë e shëndetshme është e mbushur me materie ushqyese dhe hahet lehtë. Në të mund të vendosni ndonjë mëlmesë që u pëlqen, domate të freskët ose sallatë – keni fituar kështu kafjallin e shëndetshëm i cili do t’ju ngopë.

Vezët: Për të zier vezët me të vërtetë nuk duhet shumë kohë e as vëmendje. Prandaj, derisa visheni, zieni dy vezë të cilat do t’ju mbajnë të ngopur deri në kohën e drekës. Veçanërisht rekomandohet të hahet e bardha e vezëve.

Frape: Përgatitja e një gote të kësaj pije me ndihmën e mikserit zgjat vetëm një minutë. E shkëlqyeshme është që mundeni edhe të eksperimentoni – zgjidhni pemën që dëshironi, ose për shembull, shtoni pak kafe.


Katër arsye pse duhet ta hani vezën e plotë

Disa ende besojnë (gabimisht) se duhet të hahet vetëm e bardha e vezës, ndërsa njëkohësisht e anashkalojnë të verdhën e vezës.
Pasi që për disa dekada janë shpallur të dëmshme për shëndetin tonë, veçanërisht në sasi më të mëdha, vezët ngadalë, por sigurt janë duke u kthyer në listat e ushqimeve të shëndetshme dhe bëhen pjesë e pashmangshme e ushqyerjes së shëndetshme.

Megjithatë, ka shumë që ende besojnë (gabimisht) që kjo vlen vetëm për të bardhët e vezëve, ndërsa njëkohësisht konsiderojnë që duhet të anashkalojnë të verdhët e vezës. Ju sjellim katër arsye të cilat do t’ju bindin që kjo nuk ka lidhje me mendjen e shëndoshë:

1.Një vezë e plotë përmban 180 miligramë kolesterol. Asociacioni amerikan për zemër rekomandon konsumin ditor deri në 400 miligramë, çka do të thotë që, nëse nuk keni problem me kolestrolin në gjak, pa frikë mund të hani një vezë në ditë, gjithnjë derisa nuk e teproni me ushqimet si mishi dhe produktet e qumështit.
2.E bardha e vezës është ndoshta e pasur me proteina, por pikërisht në të verdhën e vezës gjenden shumica e ushqyesve nga veza. Një e verdhë e vezës ka 22 mg kalcium, 245 µg vitaminë A, 18 µg vitaminë D, 66 mg fosfor dhe 25 µg acid folik.

3.Ngrënia e vezës për mëngjes mund t’ju ndihmojë në luftën kundër kilogramëve. Një vezë mesatare ka vetëm 92 kalori, ndërsa jep 6,3 proteina, të cilat do t’ju japin energjinë e nevojshme të mëngjesit, për ç’arsye ka shumë më pak mundësi që para dreke të hani ndonjë ëmbëlsirë të pashëndetshme.
4.Acidet yndyrore të shëndetshme janë esenciale për shëndetin e trupit tonë, për ç’arsye vezët e pasura me acide yndyrore omega 3 janë mënyrë e thjeshtë për të rritur sasinë e këtyre acideve në ushqimin tuaj.


Panxhari, viagra natyrale

Konsumimi i panxharit do të sjellë shumë përparësi, prandaj duhet të gjendet çdo ditë në pjatat tuaja. Edhe shkencërisht është dëshmuar se panxhari ka efekt afrodiziaku.

Qysh në kohërat e lashta, romakët e vjetër e kanë përdorur panxharin si afrodiziak. Edhe pse shumë bimë në kulturat e vjetra janë konsideruar afrodiziakë, për panxharin është dëshmuar shkencërisht një efekt i tillë.

Panxhari përshpejton qarkullimin e gjakut në zonën e gjenitaleve. Po ashtu panxhari përmban shkallë të lartë të mineralit të borit, i cili nxit lirimin e hormoneve seksuale.

Panxhari është i pasur me nitratet e pasura të cilat në trup shndërrohen në oksidin e nitratit i cili zgjeron enët e gjakut, shpejton qarkullimin e oksigjenit dhe nutrientëve, ndërsa juve ju jep më shumë energji. Një filxhan panxhar përmban vetëm 60 kalori dhe shumë fibra. Sheqernat në panxhar janë karbohidrate komplekse dhe për dallim nga sheqeri i bardhë, kaloritë nga panxhari vijnë me shumë nutrientë dhe fitokimikate që janë të shkëlqyeshme për shëndetin tuaj.

[Lona]

Cilat fruta vjeshtore bëjnë çudi për shëndetin?

Ushqimet vjeshtore që i gjejmë lehtë në treg dhe dyqane na ruajnë shëndetin. Disa prej tyre kanë veçori të veçanta dhe mund të ndihmojnë me problemet, siç është ftohja

Manat (dudat) janë të pasura me hekur

Manat janë pasuri e vërtet për pasqyrën e gjakut dhe dobitë nga kjo frutë qëndrojnë në maje të listës në mes frutave të tjera malore. Janë të pasura me hekur, ushqejnë qelizat e kuqe të gjakut dhe parandalojnë aneminë. Në njëqind gramë ka rreth 1,85 miligramë hekur, ka thënë doktoresha Sarah Wilson për “Daily Mail”. Përveç se janë të pasura me hekur, manat janë të pasura edhe me vitaminë C dhe resveratrol, antioskidantin i cili përndryshe gjendet në rrush. Disa studime të reja thonë që kjo substancë ndihmon në luftën kundër kancerit.

Lajthitë ruajnë zemrën

Kanë përqindje të lartë të yndyrave mono-të pangopura të cilat janë të mira për uljen e kolesterinës. Studimi i para disa viteve ka dëshmuar që rreth 35 për qind të meshkujve të cilët kanë ngrënë rregullisht lajthi kanë reduktuar rrezikun nga sëmundjet e zemrës. Përveç që parandalojnë kolesterinën e rritur, janë të mira kundër aritmisë sepse përmbajnë acidet omega-3.

Shega mbron nga ftohja

Shurupin e shegës është mirë ta pini sapo të ftoheni, sepse ka një mijë herë më shumë vitaminë C se portokajtë dhe limonët. Përveç vitaminës C është e pasur edhe me vitaminat D dhe E, si dhe kalcium dhe hekur, ka shpjeguar Sarah Wilson.

Boronicat ruajnë shikimin

Antioksidantët antocianine, të cilat gjenden në boronica, janë të dobishme sepse ruajnë indin në sy dhe parandalojnë mjegullimin e shikimit, por edhe ruajnë enët e gjakut. Dihet që boronicat janë të mira kundër rritjes së tumoreve.

[Naki]

Kercimi,nje metod preventive per nje shendet te mire trupor dhe mental.

Të kërcesh, jo vetëm që argëtohesh, po i bën mirë edhe mendjes dhe trupit. Studimet e fundit tregojnë se me kërcimin mund të luftosh shumë patologji
Balet klasik, kërcim modern, tango, salsa, merenge, rege, apo ndonjë lloj tjetër kërcimi. E keni vetë në dorë të zgjidhni atë që ju pëlqen, por pavarësisht kësaj, kujtoni gjithmonë se kërcimi është një ilaç shumë efikas për të pasur një mendje të shëndetshme. Në fakt, asnjë prej nesh nuk do t’i thoshte jo një ftese për t’u argëtuar në një bar me muzikën që ne pëlqejnë. Arsyeja? Sigurisht për t’iu larguar streseve të jetës së përditshme, për t’u çlodhur dhe për t’u ndjerë plot energji ditën tjetër. Por nëse efektet janë kaq pozitive menjëherë në kaq kohë, ç’mund të thuhet nëse kërcimi praktikohet rregullisht, minimumi dy ose tri herë në javë. Atëherë nuk kemi pse e vëmë më në dyshim: një kurs kërcimi do të ishte gjëja më e mirë që duhet bërë në këto kohë të vështira. Këtë na thonë edhe mjekët suedezë, prandaj nuk kemi pse të jemi skeptikë për të besuar se kërcimi mund të na e lehtësojë jetën. Maria, një vajzë 19 vjeçe, pjesë e studimit, e tregon më së miri këtë. “Ndihesha e lodhur dhe shfaqja herë pas here shenja ankthi dhe lodhjeje. Rastësisht vendosa të bëhesha pesë e një studimi për të vërtetuar efektet e kërcimit në këto lloj gjendjesh shpirtërore dhe fizike. Pas një përvoje të mrekullueshme, mund të them me plot gojën se tani ndihem më mirë”, tregon ajo. Edhe Ingridi e mbështet plotësisht këtë tezë. Ajo tregon se tashmë shkon në kurse kërcimi tri herë në javë, në mënyrë të rregullt dhe nuk ka ndërmend të heqë dorë për asnjë arsye.
Sipas një studimi të fundit, kërcimi është shumë i mirë për të luftuar stresin, depresionin, por edhe dhembjen e kokës. Ky aktivitet i këndshëm fizik mund të na ndihmojë të kemi një shëndet mendor, shumë herë më të mirë. Studimet kanë treguar se simptomat e lidhura me depresionin, ankthin dhe stresin, lodhjen fizike apo mendore, madje edhe dhembjen e kokës, mund të largohen lehtësisht përmes një aktiviteti të thjeshtë, argëtues dhe të shëndetshëm: kërcimin. Me pak fjalë, kush e praktikon me njëfarë rregullsie këtë lloj aktiviteti fizik, duket se arrin të kontrollojë më mirë shqetësimet psikofizike, duke fituar më shumë vetëbesim dhe një aftësi më të madhe për të përballuar problemet e jetës së përditshme. Këtë e sugjeron edhe një studim i fundit suedez që ka analizuar me kujdes efektet e kërcimit në një grup vajzash të reja. Grupi i koordinuar nga Anna Duberg, fizioterapiste në “Örebro University Hospital” ka përfshirë 122 vajza suedeze me moshë nga 13 deri në 19 vjeçe. Të gjitha vajzat kishin shkuar shpesh në spital për të marrë ndihmë për simptomat e ankthit, depresionit, lodhjes psiko-fizike, dhembjes së kokës, dhembjes së shpinës apo edhe qafës dhe shpatullave. Pjesëmarrëset në studim u ndanë në dy grupe, ku i pari përbëhej nga 59 vajza ndërsa i dyti nga 53. Ato që i përkisnin grupit “59” u ftuan në një program vallëzimi, që parashikonte kërcimin në grup dhe me rregullsi për rreth dy ditë në javë. Të tjerat që i përkisnin grupit “53” nuk i modifikuan aspak zakonet e tyre të jetesës. Rezultatet e studimit ishin të mrekullueshme. Simptomat jo vetëm që ishin zhdukur në kohën kur kryhej aktiviteti, por edhe për katër deri në tetë muaj më pas, vajzat ndiheshin shumë mirë, duke mos shfaqur shenja ankthi, stresi apo depresioni. Në grupin tjetër gjendja nuk kishte ndryshuar aspak. Në fund, pjesëmarrëset deklaruan në 91 për qind të rasteve se kërcimi kishte qenë një përvojë pozitive dhe që me siguri do ta merrnin në konsideratë në të ardhmen. Me sa duket është pikërisht rasti për të thënë kërceni sa më shumë, për të luftuar stresin, shkaktarin e të gjitha sëmundjeve të sotme moderne.

[emine]

Një grup shkencëtarësh kanë zbuluar arsyen se pse disa çifte janë në mënyrë të pashpjegueshme sterilë. Ky studim jep shpresa të reja për gjithë ata që duan të bëhen prindër.
Quhet pikërisht “sterilitet i pashpjeguar” dhe është një situatë e pashpjegueshme deri më sot, kur çiftet nuk arrijnë të kenë fëmijë edhe pse si mashkulli dhe femra në analizat e tyre dalin favorit për të ngjizur pasardhësin e tyre.
Studiuesit irlandezë të Queen University në Belfast duket se kanë gjetur një zgjidhje.
Profesoresha Sheena Lewis dhe kolegët e fakultetit të mjekësisë dhe kirurgjisë kanë drejtuar një studim ku u përfshinë 239 çifte me diagnozën e sterilitetit të pashpjeguar, ku u vu re se në 80% të rasteve problemi vinte nga një dëmtim serioz në ADN-në e spermatozoidëve.
“Pjesa më madhe e çifteve me probleme pjellorie nuk janë në gjendje të marrin një shpjegim për situatën e tyre. Nga kjo situatë e dëmtimit të spermatozoidëve, vihet re një ulje e numrit të spermatozoideve dhe lëvizshmëri të dobët për të depërtuar drejt destinacionit të ngjizjes”, shpjegon Lewis, citon noa.al
Nëse deri më tani nuk diheshin arsyet e kësaj mungese pjellorie, studiuesja thotë se pas identifikimit të shkakut mund të lindë edhe kura për ta korrigjuar duke krijuar mundësinë për lindjen e një fëmije.
Rezultatet e plota të këtij vëzhgimi u publikuan në Reproductive Biomedicine Online , ku thuhet gjithashtu se në këto raste çiftet mund të kenë fëmijën e tyre falë farëzimit artificial.

[Naki]

Dieta që largon helmet nga organizmi
Prishtinë, (Kosovapress) 05 Janar 2013 09:27

Lëngjet e freskëta nga pemët dhe perimet mund të ndihmojnë që me shpejtësi ta pastroni organizmin dhe të hiqni disa kilogramë shtesë, por, kurrsesi mos planifikoni që në mënyrë ambicioze përmes këtij regjimi rigoroz të qëndroni më shumë se disa ditë, në të kundërtën dëmi do të jetë më i madh sesa dobia.

Më së miri do të ishte që këtë dietë ta mbani gjatë fundjavës dhe atë më së gjati një ose dy ditë. Kjo kohë mjafton për ta liruar organizmin nga materiet e dëmshme dhe helmet e grumbulluara.

Rregulli kryesor është që ditën ta filloni me lëng të freskët të shtrydhur nga agrumet apo portokajtë. Në gotën me lëng të shtrydhur shtoni dy decilitra ujë të vakët, e përzieni dhe e konsumoni. Kjo dietë ju sugjerohet sidomos atyre personave që kanë një organizëm të ngadalshëm, sepse metabolizmi i ngadaltë, tretje jo e mirë, pastrimi jo i rregullt i zorrëve, sjellin deri në grumbullimin e helmeve në organizëm dhe ngadalësojnë eliminimin e dhjamit. Limoni në raste të tilla ka efekt të mirë, sidomos kur merret në mëngjes, pasi ai përgatit mëlçinë, laboratorin më të rëndësishëm natyror për ta kryer funksionin e vet.

Nëse dikush pëlqen kombinimet, mundet që në vend të ujit të vakët të shtojë jogurt pa yndyrë apo edhe qumësht. Për mbajtjen e kësaj diete, edhe pse është mjaft e shkurtër, nevojitet vullnet dhe që në organizëm të mos konsumohet gjë tjetër pos lëngjeve dhe eventualisht ndonjë supë të pastër me perime, pa shtesa apo erëza.

[Zero Cool]

Dëshmia shkencore: Duhani nuk liron nga stresi


Në kundërshtim me mendimin e përhapur që thithja e duhanit liron nga stresi, shkencëtarë kanë zbuluar se ish-duhanxhinjtë në fakt janë më pak nervozë sesa ata persona që ende konsumojnë cigare.

Çdo i pesti duhanxhi pohon që thith tymin e cigares për të qenë më pak nervoz, por nga vështrimi shkencor kjo nuk ka kurrfarë efekti.

Shkencëtarët kanë matur nivelin e shqetësimeve te 500 duhanxhinj, nga të cilët disa e kishin lënë duhanin, kurse të tjerët përpiqeshin pa sukses ta bëjnë këtë.

Rreth 70 për qind e duhanxhinjve që kanë pasur sukses t’ia dalin ta lënë duhanin për gjashtë muaj, kanë deklaruar se janë ndier shumë më të relaksuar pa thithejn e tymit të duhanit.

Për dallim nga këta, ata të cilët kanë provuar ta lënë duhanin por nuk ia kanë dalë, kanë deklaruar se janë në stres edhe më të madh sesa përpara.

“Mendimi i rrënjosur që cigaret të ndihmojnë të relaksohesh tingëllon bindshëm, por është krejtësisht i pavërtetë. E vërtetat është krejtësisht e kundërt”, kanë thënë hulumtuesit e Universitetit të Oxfordit për gazetën londineze Daily mail.


PS: rren kofte :P

[Dardanesha]

Postimi origjinal është bërë nga Naki

Dieta që largon helmet nga organizmi
Prishtinë, (Kosovapress) 05 Janar 2013 09:27

Lëngjet e freskëta nga pemët dhe perimet mund të ndihmojnë që me shpejtësi ta pastroni organizmin dhe të hiqni disa kilogramë shtesë, por, kurrsesi mos planifikoni që në mënyrë ambicioze përmes këtij regjimi rigoroz të qëndroni më shumë se disa ditë, në të kundërtën dëmi do të jetë më i madh sesa dobia.

Më së miri do të ishte që këtë dietë ta mbani gjatë fundjavës dhe atë më së gjati një ose dy ditë. Kjo kohë mjafton për ta liruar organizmin nga materiet e dëmshme dhe helmet e grumbulluara.

Rregulli kryesor është që ditën ta filloni me lëng të freskët të shtrydhur nga agrumet apo portokajtë. Në gotën me lëng të shtrydhur shtoni dy decilitra ujë të vakët, e përzieni dhe e konsumoni. Kjo dietë ju sugjerohet sidomos atyre personave që kanë një organizëm të ngadalshëm, sepse metabolizmi i ngadaltë, tretje jo e mirë, pastrimi jo i rregullt i zorrëve, sjellin deri në grumbullimin e helmeve në organizëm dhe ngadalësojnë eliminimin e dhjamit. Limoni në raste të tilla ka efekt të mirë, sidomos kur merret në mëngjes, pasi ai përgatit mëlçinë, laboratorin më të rëndësishëm natyror për ta kryer funksionin e vet.

Nëse dikush pëlqen kombinimet, mundet që në vend të ujit të vakët të shtojë jogurt pa yndyrë apo edhe qumësht. Për mbajtjen e kësaj diete, edhe pse është mjaft e shkurtër, nevojitet vullnet dhe që në organizëm të mos konsumohet gjë tjetër pos lëngjeve dhe eventualisht ndonjë supë të pastër me perime, pa shtesa apo erëza.

Shumr strikte valla Naki , edhe e demshme besoj..

[Zero Cool]

Gjendet receta për pavdekësi?


Pyetja e përjetshme: Gjendet receta për pavdekësi?


Njerëzimi gjithmonë ka qenë në kërkim të recetës e cila do ti mundësontë pavdekësinë, sipas hulumtimeve të cilat vijnë nga Japonia, kjo do të jetë e mundshme së shpejti.
Shin Kubota, shkencëtari japonez nga universiteti Kyoto, konfirmoi mitin rreth kandilave të pavdekshëm të detit.
Turritopsis nutricula është emërtimi teknik për këtë lloj kandili e cila për shkencëtarët është e njohur si e vetmja qenie e gjallë në planetin tonë e cila është e pavdekshme.
Kandili ka aftësinë e pazakontë të rinovimit të pafund. Kur kjo plaket, apo kur sëmuret, ajo prapë shndërrohet në polip.
Profesori Kubota beson se te ky kandil deti gjendet kura për pavdekshmëri dhe se jeta e njeriut mund të zgjatet për disa mijëra vjet.
Turritopsis nutricula e ka zbuluar Christian Sommer, student gjerman i biologjisë, por deri tani pavdekshmëria e saj nuk ishte konfirmuar.
Shkencëtarët thonë se ky lloj kandili është përhapur nga deti Mesdheu deri në oqeane, kështu që sot mund të shihen në brigjet e Panamasë, Floridë dhe Japoni.

[Zero Cool]

Disa arsye befasuese pse duhet të pini shumë kafe


Ka shumë arsye pse të mos pini kafe, por kjo pije e zezë, të cilën njerëzit nëpër botë e përgatisin për fitore të reja në punë, ka efekt pozitiv në shëndetin tonë.

Keni dëgjuar shumë këshilla se si kafja është e keqe për shëndetin dhe që duhet të shmanget, por nëse jeni në dyshim nëse duhet ta filloni ditën me të ose të qëndroni vigjilent gjatë kohës së përgatitjes së provimit, mos u dëshpëroni, sepse shkencëtarët pohojnë që kafja e zezë fsheh efekte të pabesueshme pozitive.

Edhe pse kafeina mund të nxisë ankth dhe pagjumësi, kafja është e mbushur me antioksidantë të fortë që veprojnë në shëndetin e njerëzve më mirë se pemët dhe perimet. Por shkencëtarët nga Universiteti amerikan “Duke”, thonë se si kafja duhet të pihet e kultivuar organikisht e cila nuk është e trajtuar me kimikate të ndryshme që mund të anulojnë të gjitha dobitë e saj.

Nëse ditën e filloni me kafe të shtëpisë ose kafe që është kultivuar organikisht ja çfarë ju pret:

Kafja redukton rrezikun nga diabeti i tipit 2 – sa më shumë kafe që pini keni më pak shanse për t’u prekur nga diabeti. Për shembull, studimi i Universitetit UCLA ka treguar që femrat në postmenopauzë që pinë më së paku katër filxhanë kafe në ditë kanë gati 50 për qind më pak probabilitet të sëmuren nga diabeti i tipit 2 sesa personat që nuk e shijojnë aspak këtë pije të zezë. Në fakt, çdo filxhan shtesë i kafes në mënyrë të shtuar redukton shansin për të zhvilluar diabet, të paktën kështu pohojnë shkencëtarët australianë.

Si vepron: shkencëtarët konsiderojnë që konsumimi i kafes rrit koncentrimin e proteinës specifike në gjak, e cila mbron nga diabeti, respektivisht rrit tolerancën e trupit në glukozë ashtu që përshpejton metabolizmin.

Kafja mund të ripërtërijë qelizat e prekura nga kanceri – Një kohë të gjatë është konsideruar që kafja shkakton kancer, por hulumtimet e reja kanë treguar që ajo mund të mbrojë trupin nga disa forma të karcinomave, me siguri duke nxitur regjenerimin e ADN-së. Për shembull dy studime të ndara të Universitetit të Harvardit të kryera në vitin 2011 kanë treguar që femrat të cilat pinë disa filxhanë kafe në ditë kanë rrezik më të vogël nga kanceri endometrial, derisa gjashtë filxhanë kafe në ditë reduktojnë për 60 për qind mundësinë që meshkujt të fitojnë kancer të prostatës.

Si vepron: shkencëtarët konsiderojnë që komponimet nga kafja parandalojnë proceset inflamtore në trup, ndërsa në veçanti antioksidanti metilpiridinë i cili mund të gjendet vetëm në kafe sepse krijohet gjatë pjekjes apo fërgimit të kokrrave.

Kafja redukton rrezikun nga dementia – edhe pse shkencëtarët nuk e kanë tërësisht të qartë se në ç’mënyrë sëmundja e Alzheimerit ndryshon trurin, janë të sigurt që kafja redukton rrezikun nga humbja e kujtesës. Hulumtimi i shkencëtarëve skandinavë ka treguar që personat të cilët kanë pirë tre deri pesë filxhanë kafe në ditë kanë 65 për qind më pak shanse të preken nga dementia sesa njerëzit të cilët në ditë kanë pirë dy ose më pak filxhanë të kafes.

Si vepron: shkencëtarët besojnë që antioksidantët nga kafja luajnë rol të rëndësishëm sepse parandalojnë bllokimin e enëve të gjakut, të cilët janë një nga shkaqet kryesore të humbjes së kujtesës. Reduktohet rreziku nga diabeti i tipit 2, i cili po ashtu është shkaktar i dementias, dhe reduktohet kolesterina që ka ndikim të rëndësishëm negativ në funksionet kognitive.

Kafja mbron meshkujt nga sëmundja e Parkinsonit – me rishikimin rezultateve të 26 studimeve të ndryshme shkencëtarët kanë përfunduar që meshkujt që pinë dy deri në tre filxhanë kafe në ditë kanë 25 për qind më pak rrezik nga sëmundja e Parkinsonit sesa meshkujt që abstenojnë nga pija e zezë. Fatkeqësisht kafja nuk ka efekt të dobishëm në femra.

Si vepron: shkencëtarët nuk janë të sigurt së në ç’mënyrë kafja mbron meshkujt nga Parkinsoni.

Kafja zvogëlon depresionin – Hulumtimi i madh i Universitetit Harvard i kryer në 50 mijë infermiere në periudhën prej 25 vjetësh ka treguar që femrat të cilat kanë pirë katër filxhanë kafe kanë 20 për qind më pak probabilitet të vuajnë nga depresioni sesa ato që nuk kanë pirë aspak kafe. Studimi finlandez ka treguar që kafja te meshkujt redukton rrezikun nga vetëvrasja.

Si vepron: shkencëtarët as në këtë rast nuk janë të sigurt se si vepron kafja, por ekzistojnë teori të cilat pohojnë që kafeina për një kohë të shkurtër përmirëson disponimin dhe stimulon trupin gjë që mund të largojë emocionet negative.

[Zero Cool]

Arrin pilula për kthjellje të shpejtë nga mamurllëku





Enzimat që përshpejtojnë metabolizmin e alkoolit në stomak krijojnë efektin e miliona qelizave të mëlçisë të cilat nxisin dekompozimin e tij dhe vjen deri te rënia e nivelit të alkoolit në gjak.

Adhuruesit e alkoolit së shpejti do të mund të kthehen në gjendje të kthjellët në afat prej disa sekondash, pohojnë shkencëtarët nga Instituti i Teknologjisë Massachusetts. Ata kanë shpikur koktejin e enzimave për dekompozim të shpejtë të alkoolit, shkruan DailyMail, ndërsa pohojnë që do të duket thuajse miliona qeliza të mëlçisë janë vendosur në stomak.

Një nga enzimat, oksidaza (oxidase), përgjegjëse për dekompozimin e alkoolit gjithmonë është në kombinim me produktin e peroksidit të hidrogjenit, i cili është potencialisht i dëmshëm nëse konsumohet shpesh.

Prandaj është e nevojshme të përdoret me enzimat tjera për të parandaluar efektin e tij të dëmshëm. Testimet kanë treguar se si përdorimi i këtyre enzimave rezulton me kthjellje momentale dhe rënie të alkoolit në gjak, ndërsa vetë trajtimi quhet kundërilaçi për dehje.

“Nanokapsulat e mbushura me enzime përshpejtojnë djegien dhe tretjen e alkoolit dhe mund të vendosen në pilulë të zakonshme”,– ka thënë udhëheqësi i ekipit të shkencëtarëve, profesori i biokimisë dhe inxhinieri biomolekular, Yunfeng Lu. Injeksionime këto nanokapsula ka kthjellur minjtë laboratorikë për pak sekonda. Ai thekson që nevojiten edhe testime tjera para se pilulat të lëshohen në qarkullim për shitje.

[Zero Cool]

Shkencëtari shqiptar zbulon gjenin që shkakton parkinsonin






08.06.2013


Shkencëtari shqiptar nga qyteti i Durrësit, Edor Kabashi, ka zbuluar gjenin përgjegjës për sëmundjen e parkinsonit.

Kabashi, i cili jeton dhe punon në Kanada prej vitesh, ka nisur më herët kërkimet për këtë sëmundje. Ai zbuloi se tek kafshët, se mutacionet në gjenin C90RF72, shkaktojnë sëmundjen e parkinsonit.

Ky zbulim shihet si mjaft i rëndësishme për mjekësinë botërore, pasi parkinsoni shkaktohet nga vdekja e neuroneve që lidhin muskujt me trurin. Sipas Kabashit, ky është një hap mjaft i madh në gjetjen e shtigjeve të reja për kurimin e kësaj sëmundjeje.

Një studiues kanadez u shpreh mjaft krenar për zbulimin e Kabashit. “Jemi shumë krenar për këtë gjetje të doktor Kabashit. Ne e mbështesim punën e tij, shkruan “Shekulli”.

Kabashi është studiues i njohur në Kanada. Ai drejton grupin kërkimor për sëmundjen e sistemit nervor në Universitetin e Montrealit.

[Zero Cool]

Sëmundjet e lëkurës, uji i detit i parandalon dhe kuron


Sëmundjet e lëkurës janë të ndryshme dhe zakonisht gjatë verës pakësohen. Dielli është një prej faktorëve që ndikon në këtë përmirësim të sëmundjes që mund të keni.

Të ekspozosh lëkurën në diell sjell shumë të mira. Por dielli nuk është i vetmi që vepron dhe ju ndihmon në zhdukjen e sëmundjeve të lëkurës. Kush i kalon pushimet në plazh me siguri e ka vënë re efektin e ujit të detit. Ai është i jashtëzakonshëm në shërimin e tyre, një ilaç i vërtetë.

Në fund të sezoni zbulojmë se jemi më të bukur dhe se kemi një lëkurë më të shëndetshme, dhe kjo jo rastësisht.

Efektet pozitive të ujit të detit janë zbuluar edhe përmes një studimi korean të cilët kanë dalë në përfundimin se uji I detit shëron sëmundjet e lëkurës.

[Zero Cool]

Pas dy vjetësh gati për transplantin e kokës






Torino, 19.06.2013

”Në dy vjet ne do të jemi në gjendje për të kryer një transplantim koke”. Kjo është shpallja e Dr Sergio Canavero, neurokirurgu i Torinos.

Projekt i botuar në revistën ndërkombëtare kirurgjikale ‘Neurologji’ është pagëzuar si Heaven/Gemini.

Një emër që tregon mundësinë e bashkimin e dy seksione të ndryshme të palcës kurrizore, atë të një organi të dhuruar, me gjymtyrë të mbetur në qafën marrjen subjektin, transmeton gazetaidea.

“Donatori i trupit dhe kandidat ideal për tu marrë janë përkatësisht një individ i cili ka humbur fatkeqësisht jetën e tij nga një lëndim në kokë, pa lëndime të konsiderueshme për organet e tjera- thotë Canavero -ose ata të cilët kanë pësuar një goditje fatale, dhe (marrës) një person që vuan nga një sëmundje e rëndë degjenerative neuromuskulare ose një person tetraplegjik”.

Dhe të jetë e mundur për të rindërtuar vazhdimësinë e palcës kurrizore, thelbi i vërtetë i sipërmarrjes,-shpjegon Canavero-janë kimikatet speciale.