A do ta shpall Thaçi pavarësinë ?

[sherri]

Postimi origjinal është bërë nga uck_aksh

Kosoven do ta shpall te pamvarur POPULLI I KOSOVES

E ke qellu uck_aksh si me ate snajper-pushken qe po gjuan. T'lumt...pushka ty.

Une besoj qe Hashimi esht njeri me shume fate!. I mori meritat e luftes te gatuara nga dikush tjeter,shetiti neper shqiperi,ne momentet e fundit grabiti gjith mundin e meritat e tjeterkujt.......tashe i erdh fati prap ne momentet e fundit kure shpallja e pamvarsis esht afruar,dhe nuk ka alternativ,prap Hashimi ne krye-vend,sa kohe do te kaloj esht ceshtje tjeter,me siguri esht pune mauajesh,por ne fillim-mandatin e Hashimit me siguri.

ps. Nje gje nuk e di,kushe duhet ta shpall,simbas rregullave,kryetari i shtetit,k.i parlamentit,a po kryeministri??

[Preshevar]

Kryetari eshte thjesht si "Dekoracion". Aj s'vyn per asgjë ! perveq se me prit ndonje te huaj (musafir), me dhen nje nenshkrim dhe me ia urue festat qytetareve te tij.

Kur te vin dita e Pavarsis, ma mer mendja qe do t'jet Thaqi i cili do ta ben shpalljen. Kryetari do t'jet si Wallpaper, pas Thaqit (si dekoracion, me heshue skenen).

[Gjumashja]

patjeter qe Po.............(Y)

[lazdrani]

Pavarsin e Kosoves shpallet vetem atehere kur USA na japin ngjyren e gjelbert.

[dardan100]

Nuk besoj se do te shpetojme pa hy ne lufte edhe njehere!

[Arkza]

Poooooooooooooooooo !!!!!!! (Y)

[LuLjaa]

Hahahahaha valla s'pata qare pa kesh hmmm :D

Po edhe une tham :P

[vjeshta]

Votova nuk e di ,se sa i njoh Thaqet (fisin) zorë qe e shpallin ........

[Arb]

Postimi origjinal është bërë nga sherri

Une besoj qe Hashimi esht njeri me shume fate!. I mori meritat e luftes te gatuara nga dikush tjeter,shetiti neper shqiperi,ne momentet e fundit grabiti gjith mundin e meritat e tjeterkujt.......

Vella ki t'drejte. Ai me shoke u veteshpallen udheheqes te luftes, edhe pse as ne betejen e vetme nuk moren pjese. Bile edhe thuren lavdi per "luften" qe kane ba, ne Rogner, Durres e Vlore.

Kupa bile e pranoj ne Hage, se ai ska dite cka osht beteja, ka dite vec me shkru komunikatat alla Enveriste-partizane, per betejat qe nuk i kane bo, per brigadat qe nuk kane ekzistu...

Rambushit i pat vlu ni here, e ju tha "mshelne more ju Komandantat e Bllaces!"

[luckyman]

Hashim Thaqi ne PDK eshte vetem si dekoracion,....Xhavit Haliti eshte "Bosi"(komandant BACA)!!!

[sunshine]

Shpallja e Thaçit

Albin Kurti
Do ta shpallin apo nuk do ta shpallin?Kështu pyesnin njerëzit njëri-tjetrin para zgjedhjeve të 17 nëntorit.Shpalljen e pavarësisë menjëherë pas10 dhjetorit e besonin posaçërisht ataqë u besonin premtimeve të politikanëvenë fushatë. Mirëpo, lehtas e qetas, e ashtuquajtura 'shpallje enjëanshme e pavarësisë' u shndërruanë 'shpallje të koordinuar të pavarësisë'.Brukseli ia tërhoqi veshin Thaçit ende pa u bërë kryeministër. Mund tëmerret me mend se çka do t'i bëjnë kurtë bëhet kryeministër! I thanë se tashduhet të jetë i kujdesshëm meqë nukështë më në opozitë. Pra, Thaçit i treguan se ngjitja lart në pushtet nukështë edhe liri më e madhe për pushtet. Sistemi politik në Kosovë – në të cilin UNMIK-u iu ka dhënë pushtet ca vendasve për të sunduar më lehtë dhe jo për të sunduar më pak – e imponon një gjë të tillë. Mirëpo, UNMIK-u, thjesht, nuk do opozitë as përfundi vetes. Për shkak se koalicioni LDK-AAK ishte i dobët, UNMIK-u e krijoi Grupin Negociator (e jo aq pse duhej negociuar me Serbinë). Për të njëjtën arsye, që të mos ketë opozitë, tash UNMIK-u do që ta sajojë koalicionin PDK-LDK. Ky koalicion nuk është pasojë e rezultatit të zgjedhjeve por vetë arsyeja e mbajtjes së zgjedhjeve. Agim Çeku ishte kryeministër i dobët në një qeveri të dobët. Hashim Thaçin duan ta bëjnë kryeministër tëfuqishëm në një qeveri të fuqishme.Përderisa Ibrahim Rugova ishte i gatshëm të jepte gjithçka vetëm që të mbetej president, Hashim Thaçi jep gjithçka vetëm që të bëhet kryeministër. Në Kosovë nuk është me rëndësi që të bëhesh kryeministër. Me rëndësi është që të keshë dëshirë të bëhesh kryeministër. Pastaj, UNMIK-u dhe ca zyre ndërkombëtare ta menaxhojnë dëshirën, duke e vonuar plotësimin e saj. Ndërkohë, ti ua plotëson atyre dëshirat. Hashim Thaçin e shfrytëzuan mu kështu ende pa e bërë kryeministër. Ama, ky shfrytëzim gjithsesi do të harrohet. Sa të jetë Thaçi kryeministër, ai shfrytëzimin e vërtetë gjithmonë do ta ketë përpara, deri në ditën kur do të bëhet i pashfrytëzueshëm. Tani, më këto zgjedhjet e 17 nëntorit, Thaçi ka fituar relativisht që të humbasë absolutisht më vonë (e që sërish është shumë më herët sesa që ai mendon). Mirëpo, për çka do ta shfrytëzojnë? Pse i duhet Hashim Thaçi UNMIK-ut? Pse i nevojitet atij mu në këtë kohë? Që të gjithë tashmë e kanë të qartë se nuk ka trysni ndërkombëtare mbi Serbinë që ajo ta pranojë pavarësinë e Kosovës. Presioni është mbi Prishtinën. Politikanët e Prishtinës do të cyten e shtrydhen që të pranojnë marrëveshje kompromisi me Serbinë. Aq shumë koncesione i janë bërë Serbisë nga ana e Grupit Negociator saqë tash besohet se mund të bëhet edhe kompromisi përfundimtar. Siç dihet, Kuvendi i Kosovës e pranoi Pakon e Ahtisaarit, ndërkaq Serbia s'ka lëvizur asnjëherë për asgjë nga pozicionet fillestare. E, qëllimi i Pakos së Ahtisaarit ishte vendosja e themeleve për ndarjen e brendshme të Kosovës, kurse efekti kryesor i kësaj Pakoje ishte shkatërrimi i pavarësisë së plotë si kërkesë e shqiptarëve të Kosovës. Tash, Hashim Thaçi duhet të jetë garantuesi i kurorëzimit të punës dyvjeçare të Grupit Negociator, garantuesi i zyrtarizimit të varësisë më të re të Kosovës nga Serbia. Në vijim të këtyre negociatave, Serbia jo vetëm që s'do të lëshojë pe, por ajo as që ka pse të lëshojë pe. Ajo po fiton duke mos lëshuar pe (siç edhe ngjan zakonisht në politikë). Faktorët e rëndësishëm ndërkombëtar, Serbinë e konsiderojnë një vend demokratik andaj nuk duan të lejojnë shkëputjen e Kosovës prej saj. Në fakt, Serbinë e bën demokratike pikërisht pëlqimi për shkëputjen dhe pavarësimin e Kosovës. Mirëpo, Koshtunica dhe zyrtarët e tjerë të lartë të Serbisë nuk e bëjnë një gjë të tillë. Në të vërtetë, ka vetëm një mënyrë paqësore se si Koshtunica do të pajtohej me pavarësimin e Kosovës (dhe kjo pa veriun dhe pa Luginën e Preshevës). Vetëm dhe vetëm nëse në shkëmbim për shkëputjen e Kosovës Koshtunica e fiton Republikën Serbe në Bosnje. Në korrik të vitit 2007, Koshtunica pat theksuar disa herë radhazi që nuk mund të lejojë pavarësimin e Kosovës meqë kjo do të thoshte humbje e 15% të territorit të Serbisë. Me këtë deklaratë Koshtunica ka treguar se ai e sheh Kosovën vetëm si territor dhe se ky territor është i Serbisë. Edhe më e rëndësishme se kjo, ai ka nënkuptuar se, në fund të fundit, për humbjen e Kosovës, Serbia do të duhej të kompensohet territorialisht, e jo me anëtarësime të përshpejtuara në BE e NATO. Koshtunica nuk pranon kurrfarë kompensimi joterritorial për Kosovën. Territori vazhdon të jetë kategoria kryesore e politikës së Serbisë dhe Koshtunica e ka ndërmend Republikën Serbe në Bosnje kur flet në këtë mënyrë për Kosovën. E gjithë kjo mundësohet e ndërlidhet edhe me paradigmën e bashkësisë ndërkombëtare për stabilitet rajonal: Bosnja dhe Kosova konsiderohet se i përkasin të njëjtit rajon. Megjithëkëtë, le të kthehemi në Kosovë dhe te pyetja që akoma nuk është zhvlerësuar tërësisht: do ta shpallin apo nuk do ta shpallin pavarësinë? Nuk do ta shpallin, sidomos jo menjëherë pas 10 dhjetorit. Sepse tanimë thanë që pas 10 dhjetorit (në vend të shpalljes) do ta caktojnë datën kur do ta shpallin. Dhe, për shkak se vetëm nga perspektiva e sotme ky 10 dhjetori mund të duket interesant dhe joshës: sa më afër tij, aq më i largët ai. UNMIK-u dhe faktorë ndërkombëtar që e kundërshtojnë pavarësinë e Kosovës, nuk do të lejojnë që t'i skadojë afati një premtimi pa e shpikur paraprakisht një premtim të
ri. Me 11 dhjetor njerëzit nuk do të merren me mospërmbushjen e premtimit të vjetër, por me shpresat për premtimin e ri. Do të flitet për shuma marramendëse në konferencën e donatorëve (që do të mbahet në mars 2008), për mision të 'vogël' të BE-së në vend të UNMIK-ut (në prill 2008),për konferencë ndërkombëtare për Kosovën (në qershor 2008) etj.etj. Por, edhe nëse krijohet një trysni e madhe që të shpallet pavarësia e Kosovës nga Kuvendi i ardhshëm i Kosovës, kjo s'do t'i sjellë gjë të mirë Kosovës. Shpallja e pavarësisë pa referendum dhe ushtri thjesht është kundërproduktive. Një kuvend që e ka pranuar Pakon e Ahtisaarit, edhe nëse e shpall pavarësinë diku në vitin e ardhshëm, pas një kohe do ta mund ta pranojë federatën apo konfederatën asimetrike me Serbinë. Pikërisht referendumi si ushtrim i së drejtës për vetëvendosje e sjell popullin në proces politik, por, mbi të gjitha, ai e kushtëzon çfarëdo vendimi të Kuvendit me verifikim te populli, pra me referendum të sërishëm. Në anën tjetër, pavarësia pa ushtri e mundëson skenarin e Bosnjes nga viti 1992. Është e kotë edhe nëse SHBAtë e njohin pavarësinë e Kosovës po qe se shqiptarëve të Kosovës (apo TMK-së në veçanti) nuk i lejohet që të armatoset nga Shqipëria dhe ShBA-të për të mbrojtur veten prej sulmeve nga jashtë dhe brenda. SHBA-të, më 7 prill të vitit 1992, e patën njohur Bosnje e Hercegovinën si shtet të pavarur e sovran, por asaj iu vendos embargoja e armëve nga viti 1992 e deri në vitin 1995. Milosheviqi i ndërseu serbët e Bosnjës duke ua vënë në shërbim ushtrinë jugosllave dhe paramilitarët nga Serbia. E dimë mirë se çfarë ngjau atëbotë: pas humbjeve, vuajtjeve dhe dëmeve të papara në Evropën e pas Luftës së Dytë Botërore, boshnjakët u detyruan ta pranojnë edhe ndarjen e brendshme të vendit të tyre e që rezultoi me Republikën Serbe, një krijesë kjo gjenocidale. Është naive, e gabueshme dhe jashtëzakonisht e dëmshme të mendohet se KFOR-i na mbron nga Serbia apo nga rebelimi i strukturave të Serbisë në Kosovë. Dëshmi kundër besimit në mbrojtjen që na e bën KFOR-i është tolerimi tetëvjeçar i strukturave të Serbisë në Kosovë, përfshirë këtu edhe veriun e ndarë. Dëshmi tjetër është edhe soditja që KFOR-i i bëri spastrimit të veriut të Kosovës nga shqiptarët në shkurt të vitit 2000. Shpalljet, e madje edhe njohjet, pa referendumin që e fuqizon popullin dhe përderisa nuk na lejojnë të kemi ushtrinë tonë veçsa do ta keqësojnë gjendjen në Kosovë. As Pakoja e Ahtisaarit nuk lejon referendum dhe as ushtri për Kosovën. Kosova parashihet të ketë vetëm FSKnë, pra njëlloj xhandarmërie me 2.500 pjesëtarë (me armatim të lehtë dhe nën kontroll të NATO-s) e cila asisoj do të jetë së paku katërfish më e vogël se policia. Çfarë shteti i pavarur do të jetë ajo Kosovë në të cilën do të ketë shumë më tepër policë sesa ushtarë?! Kosova e atillë do të jetë e varur dhe pa sovranitet, me vullnet të shkelur dhe pa kontroll mbi veten e saj: policët e shumtë do të jenë këtu për ta shtypur popullin kurse 'ushtarët' e paktë të FSK-së do të jenë te kufijtë që s'do të mund t'i ruajnë. Shpallja eventuale e pavarësisë së Kosovës pa organizuar referendum që e bën popullin sovran dhe pa ushtri që e mbron vendimin e popullit, e shndërron Kosovën në një Bosnje të re. Atë lloj shpallje, jo vetëmqë e shfuqizon menjëherë PSSP-ja të cilit i nënshtrohet Kuvendi i Kosovës, por ajo vetëm sa do t'i shërbejë strukturave të Serbisë që t'i formalizojnë enklavat anekënd Kosovës si pjesë të Serbisë. Shpallja e Thaçit nuk do ta bënte Kosovën të pavarur nga Serbia por do t'i bënte enklavat të pavarura nga Kosova. Mbase realiteti në Kosovë po bëhet gjithnjë e më cinik. Në vitet e '90-ta, Hashim Thaçi u pat angazhuar në UÇK meqë besonte se pavarësia e shpallur e Ibrahim Rugovës ishte e kotë pa ushtri. Tash, Hashim Thaçi flet për shpalljen e pavarësisë së Kosovës pa e pasur ushtrinë tonë, çarmatosjen e së cilës e nënshkroi ai vetë!

[Krokodilli]

Postimi origjinal është bërë nga luckyman

Hashim Thaqi ne PDK eshte vetem si dekoracion,....Xhavit Haliti eshte "Bosi"(komandant BACA)!!!

hahahaha qka ke than lucky man,,, Xhavit Haliti osht ndjekes i Hashim Thaqit,, apo si te thom me mir qka thot Hashimi aj veq i merr er edhe ngan aty ku thot Hasha,,,
qy e permen Xhavit Halitin,, hajt se aj ska kurgjo ne dor sa te Osht Hashimi Gjall po le se spaske lidhje me ket tem,,,

Hashim Thaqi do ta shpall pavarsin, jo sikurse po flitet menjeher pas 10 dhjetorit ,, por diku ka fillimi i marsit te vitit te ardhshem, ku edhe do ipet drita e gjelbert nga USA - UK

[Krokodilli]

eshte e rendesishme njohja dhe perkrahja e SHBA-ve dhe shteteve te medha si Anglia, Gjermania e Franca, sa i perket Kosovarve ne e kemi shpall pavarsin ka me shum se 15 vite me par,, Por Kryeministri Thaqi do te jet aj qe do ta shpall zyrtarisht

[sunshine]

Kosova do ta shpallë pavarësinë deri në mars të vitit 2008, thotë Rexhepi


Ish kryeministri i Kosovës, Bajram Rexhepi deklaroi se Kosova do ta shpallë pavarësinë deri në mars të vitit 2008, në marrëveshje me Brukselin dhe Uashingtonin. "Jam i bindur se seanca historike e Kuvendit të Kosovës do të mbahet deri në mars të vitit 2008", i tha Bajram Rexhepi gazetës Dnevnik.
Ai shtoi se "kjo lëvizje nuk do të bëhet pa marrëveshjen me bashkësinë ndërkombëtare" duke pasur parasysh se në Bruksel dhe në Uashington janë të vetëdijshëm se ky akt nuk mund të shtyhet në pakufi". Sipas tij, mbledhja e Këshillit të Sigurimit më 19 dhjetor për rezultat përfundimtar do ta ketë konkluzionin që mekanizmi për zgjidhjen e statusit të kërkohet jashtë Këshillit të Sigurimit.


Eh, po vazhdon avazi i vjetër "Herë n'këtë të enjte e herë në atë të enjte"!

Nuk e di këta politikanët e Kosovës a po i pyesin miqtë e tyre se çka munden e çka nuk munden me vjedhë nga pasuria e populli?!

Për të gjithë optimistët e datës 10 Dhjetor - Seriali "Pavarësia e Kosovës" vazhdon, ende nuk dihet sesa epizoda i ka, po shpresoj nuk bëhet si "Sex and The City"

[SoKoLi-i-Maleve]

Postimi origjinal është bërë nga luckyman

Hashim Thaqi ne PDK eshte vetem si dekoracion,....Xhavit Haliti eshte "Bosi"(komandant BACA)!!!

Pajtohem plotsisht me ju i nderuar,kjo asht e verteta.