Thesar hadithesh

[Albanian eX|PerT]

Ca hadithe te Muhamedit a.s.:

"Lumturi kulmore eshte te jetosh gjate ne devotshmeri dhe nenshtrim te All-llahut xh.sh"

"Plakut i dobesohet trupi, mirepo zemra i mbetet e re per dy gjera:me deshiren per te jetuar gjate si dhe me deshiren per t'u pasuruar!"

"All-llahu i Lartmadheruar thote:O bir i Ademit, ndaj...pastaj une do te ndaj per ty!"

"Kush blen nje gje te vjedhur duke e ditur se eshte e vjedhur, eshte bere ortak me vjedhesin ne turp dhe ne gjynah"

"Nuk ka iman ai qe nuk ka bese, e as qe ka fe ai qe nuk e mban fjalen e dhene"

"Alejhisselami me se shpeshti e kendonte kete dua:
RABBENA ATINA FID-DUNJA, HASENETEN VE FIL-AHIRETI HASENETEN VE KINA ADHABENAR"
Perkthim:
"O Zoti yne!Na dhuro te mira ne kete bote dhe ne boten e ardhshme, dhe na mbro nga zjarri i Xhehenemit:

[valiii]

Dyzet Hadithe Kudsij

HADITHI 1.
"Mëshira Ime e tejkalon hidhërimin Tim!"

HADITHI 2.
"Djali i Ademit më mohoi dhe nuk kishte të drejtë ta bëjë këtë gjë. Dhe ai më mallkoi duke mos pasur të drejtë ta bëjë këtë gjë.
Më mohoi kur tha: All-llahu nuk do të më krijojë ashtu siç më krijoi herën e parë (dmth nuk do të më ringjallë pas vdekjes), ndërsa krijimi fillestar i tij nuk është më i lehtë se ringjallja e tij.
Më mallkoi kur tha: All-llahu ka djalë, kurse Unë jam Një, Strehim i Përherëshëm, nuk kam lindur (dikë), e as që jam i lindur (nga dikush) dhe askush Mua nuk më përngjan!"

HADITHI 3.
"Këtë mëngjes një nga robërit e Mi u bë besimtar, ndërsa një nga robërit e Mi u bë mosbesimtar. Ai që tha: "Ky shi është nga mëshira dhe fuqia e All-llahut" u bë besimtar në Mua, ndërsa mohues i (adhurimit të) yjeve; Ndërsa ai që tha: "Na zbriti shi prej këtij ose atij ylli" më mohoi Mua, ndërsa u bë besimtar i yjeve."

HADITHI 4.
"Djemtë e Ademit shajnë kohën, ndërsa Unë jam koha, në dorën Time është nata dhe dita."


HADITHI 5.
"Unë jam aq i pasur, saqë nuk kam nevojë për të pasur aleat (shok, ortak). Prandaj kush e kryen një vepër për hir të dikujt tjetër ashtu siç e kryen për Mua, nuk do t'ia pranoj atë vepër, e as shokun (të adhuruarin) e tij!"

HADITHI 6.
Prej njerëzve të parë ndaj të cilëve do të shpallet dënimi në Ditën e Gjykimit do të jetë dëshmori (shehidi, martiri). Ai do të sillet dhe All-llahu do t'ia bëjë të njohura të mirat që i ka bërë dhe do t'ia pranojë ato. (All-llahu i Madhëruar) do t'i thotë:
"Çfarë bëre me këto?" Ai do t'i përgjigjet:
"Luftova për hir Tënd deri sa rash dëshmor."
(All-llahu) do t'i thotë:
"Gënjen! Luftove që të tjerët të thonë: Është guximtar!"
Dhe vërtet ashtu ishte. Pastaj do t'u urdhërohet (engjëjve të rreptë) që ta tërheqin zvarrë me fytyrë përtoke derisa të hidhet në zjarr.
Njeriu tjetër do të jetë dijetari, i cili ka studjuar dijeninë, e ka mësuar dhe gjithashtu e ka lexuar Kur'anin. Ai do të sillet dhe All-llahu do t'ia bëjë të njohura të mirat që i ka bërë, dhe ato do t'ia pranojë. (All-llahu i Madhëruar) do të thotë:
"Çfarë bëre me këto?" Ai do të thotë:
"Studjova diturinë dhe e mësova, e gjithashtu edhe e lexova Kur'anin për hir Tënd."
All-llahu do t'i thotë:
"Gënjen! Studjove diturinë vetëm që të tjerët të thonë: Ky është njeri i ditur. Lexove Kur'anin që të thonë për ty: E lexon Kur'anin."
Dhe vërtet ashtu ishte. Pastaj do t'u urdhërohet (engjëjve të rreptë) që ta tërheqin zvarrë me fytyrë përtoke derisa të hidhet në zjarr.
Njeriu i tretë do të jetë pasaniku, të cilin All-llahu e kishte bërë të pasur duke ia dhënë të gjitha llojet e pasurisë. Ai do të sillet dhe All-llahu do ta njoftojë me veprat që i ka bërë. I Madhëruari do t'i thotë:
"Çfarë bëre me këto?" Ai do të përgjigjet:
"Nuk lash vend pa e shpenzuar pasurinë time për hir Tënd." All-llahu do t'i thotë:
"Gënjen! E ke shpenzuar pasurinë vetëm që të thonë për ty se je dorëdhënë!"
Dhe vërtet ashtu ishte. Pastaj do t'u urdhërohet (engjëjve të rreptë) që të tërhiqet zvarrë me fytyrë përtoke derisa të hidhet në zjarr."


HADITHI 7.
Zoti kënaqet me bariun, i cili thërret ezanin për namaz dhe falet në majë të bjeshkës. Pastaj All-llahu thotë:
"Shiheni robin Tim i cili thërret ezanin dhe e kryen faljen, ai frikohet prej Meje. Unë ia kam falë këtij robi mëkatet e tij dhe e kam pranuar në Xhennet."


HADITHI 8.
"E kam ndarë namazin ndërmjet Meje dhe robit Tim në dy gjysma, dhe ai (robi) do ta fitojë atë për të cilën është lutur."
Kur robi thotë:
"El hamdu lil-lahi rabbil alemin"; All-llahu U thotë:
"Robi Im më lavdëroi."
Kur robi thotë:
"Er-rahmanir-rahim"; All-llahu U thotë:
"Robi Im më lartësoi."
Kur robi thotë:
"Maliki jeumid-din"; All-llahu thotë:
"Robi Im më nderoi."
Kur robi thotë:
"Ijjake na'budu we ijjake nesta'in"; Ai thotë:
"Kjo është ndërmjet Meje dhe robit Tim dhe robit i takon ajo të cilën e kërkon."
Kur robi thotë:
"Ihdinas-siratal mustekim, siratal ledhine en amte alejhim, gajril magdubi alejhim we led-dalin"; Ai thotë:
"Kjo është për robin Tim, dhe ai do ta ketë atë që e ka kërkuar."


HADITHI 9.
Gjëja e parë për të cilën do të japë llogari robi (i All-llahut) në Ditën e Ringjalljes është namazi. Nëse i ka kryer namazet sipas rregullave, atëherë do të jetë i shpëtuar dhe i mirëpritur. Nëse namazet do të jenë të paplota (të mangëta), do të përjashtohet nga mirësia dhe do të jetë i humbur. Nëse do të ketë diçka të paplotësuar nga fardet (obligimet e domosdoshme), All-llahu U do t'u thotë (melekëve):
"Shihni se a ka kryer robi Im ndonjë namaz vullnetar, me të cilin do t'ia kisha plotësuar fardin."
Pastaj edhe veprat tjera do të gjykohen në të njëjtën mënyrë.


HADITHI 10. "Agjërimi është Imi dhe Unë jam ai që jep shpërblimin për të. Agjëruesi i lë ngashërimet seksuale, ushqimin dhe pirjen për hir Tim. Agjërimi është mburojë, e ai që agjëron ka dy gëzime: kur han iftarin dhe kur takohet me Zotin e vet. Ndryshimi i erës së gojës së agjëruesit është më i mirë në syrin e All-llahut sesa era e miskut."

[valiii]

HADITHI 11.
"O biri i Ademit shpenzo, e Unë do të shpenzoj për ty!"

HADITHI 12.
Është thirrur një njeri në llogari prej atyre që kanë jetuar para jush. Te ai nuk u gjet asgjë e mirë, përveç se ai përzihej me njerëzit dhe ua lehtësonte hallet, e gjithashtu, pasi që kishte qenë i pasur, i urdhëronte shërbetorët e tij që t'ia vazhdojnë borxhin atij që gjendej në rrethana të vështira ekonomike.
Pastaj (i Dërguari i All-llahut u) tha se All-llahu ka thënë:
"Ne jemi më të çmuar se ti në këtë. Lëshojeni të shkojë!"

HADITHI 13.
Isha te i Dërguari i All-llahut u kur erdhën te ai dy burra: njëri ankohej nga vobekësia, e tjetri nga vjedhësit. I Dërguari i All-llahut u tha:
"Sa u përket vjedhësve, do të kalojë një kohë e shkurtër, ndërsa karvani do të jetë në gjendje të dalë jashtë Mekkës pa roje (dmth nuk do të ketë më vjedhës). Ndërsa sa i përket vobekësisë, Çasti (Dita e Gjykimit) nuk do të vijë para se ta marrë ndonjëri prej jush pasurinë e vet dhe të shëtitet për t'ia dhënë dikujt, por nuk do të gjejë askend që do t'ia kishte pranuar.
Pastaj dikush nga ju do të paraqitet para All-llahut duke mos pasur as perde, e as përkthyes mes Zotit dhe tij. Pastaj All-llahu do t'i thotë:
"A nuk të dhash pasuri?" Do të përgjigjet:
"Po." All-llahu do të thotë:
"A nuk të dërgova Lajmëtar?" do të thotë:
"Po." Pastaj (i pyeturi) do të shikojë në të djathtë, por nuk do të shohë asgjë pos zjarrit, dhe do të shohë edhe në të majtë, por nuk do të shohë asgjë pos zjarrit.
Pra, secili prej jush le ta mbrojë veten e tij prej zjarrit duke bërë mirësi qoftë edhe me një gjysmë hurme, e nëse nuk e ka këtë mundësi, atëherë me një fjalë të mirë."
HADITHI 14.
All-llahu i Madhëruar dhe i Lartësuar ka një numër të madh të melekëve (engjëjve), të cilët kërkojnë tubime, në të cilat përmendet emri i All-llahut. Kur e gjejnë tubimin (mexhlisin), ata afrohen dhe i mbulojnë me krahët e tyre rreth e për qark ata që janë tubuar duke e mbushur kështu hapësirën deri në qiellin më të afërt. Kur të tubuarit shpërndahen, engjëjt ngrihen në hapësirën qiellore. Pastaj All-llahu U i pyet ata, edhe pse Ai i di të gjitha:
"Prej nga po vini?" ata thonë:
"Po vijmë nga një tubim në Tokë, në të cilin robërit e Tu të lartësonin, të madhëronin, të njësonin, të lavdëronin dhe kërkonin (të mirën) prej Teje." Ai thotë:
"Çfarë të mire kërkonin prej Meje?" Ata thonë:
"Kërkonin Xhennetin Tënd." Ai thotë:
"A e kanë parë ata Xhennetin Tim?" Ata thonë:
"Jo, o Zot." Ai thotë:
"E si do të ishte nëse do ta shihnin Xhennetin Tim?" Ata thonë:
"Ata kërkojnë mbrojtjen Tënde." Ai thotë:
"Prej kujt kërkojnë mbrojtjen Time?" Ata thonë:
"Prej zjarrit Tënd, o Zot." Ai thotë:
"Po a e kanë parë zjarrin Tim?" Ata thonë:
"Jo." Ai thotë:
"E si do të ishte nëse do ta shihnin zjarrin Tim?" Ata thonë:
"Ata kërkojnë faljen Tënde." (I Dërguari u) Tha: Pastaj Ai thotë:
"Unë i kam falur dhe i kam derdhur mbi ta të mirat që m'i kanë kërkuar, dhe ua kam siguruar mbrojtjen Time nga ajo që kanë kërkuar mbrojtje."
(I Dërguari u) tha: Engjëjt thonë:
"O Zot, në mesin e tyre është edhe filani, rob - mëkatar, i cili ishte duke kaluar aty pari dhe (rastësisht) u ul në atë tubim." (I Dërguari u) tha: All-llahu u thotë:
"Gjithashtu edhe atë e kam falur, sepse ata janë një popull, me të cilin ai që rri, nuk vuan."

HADITHI 15.
"Unë jam ashtu siç më parafytyron robi. Jam me të kur më perkujton. Nëse më kujton në vehte, edhe Unë e kujtoj në vehte; nëse më kujton në tubime, Unë e kujtoj në tubime edhe më të mira, nëse më afrohet një pëllëmbë, i afrohem një krah, nëse më afrohet një krah, i afrohem një pash, dhe nëse më afrohet me ecje, i afrohem me shpejtësi."

HADITHI 16.
All-llahu i ka shkruar (përcaktuar) veprat e mira dhe ato të këqia. Pastaj ka spjeguar se ai që ka pasur për qëllim ta kryejë një vepër të mirë dhe nuk e ka kryer All-llahu do t'ia shkruajë një vepër të mirë të plotë, e nëse e ka kryer, atëherë All-llahu do t'ia shkruajë si dhjetë të mira deri në shtatëqind të mira, e madje edhe më tepër. Nëse njeriu ka pasur për qëllim një vepër të keqe dhe nuk e ka kryer, All-llahu do t'ia shkruajë një vepër të mirë të plotë, por nëse e ka kryer, All-llahu do t'ia shkruajë vetëm një vepër të keqe.
HADITHI 17.
O robërit e mi, Unë ia kam ndaluar dhunën Vehtes, dhe e kam ndaluar atë në mesin e juaj, pra mos i bëni dhunë njëri - tjetrit!
O robërit e mi, të gjithë ju jeni të humbur përveç atyre që Unë i kam udhëzuar, pra kërkoni udhëzimin nga Unë dhe Unë do t'ju udhëzoj!
O robërit e mi, të gjithë ju jeni të uritur, përveç atyre që i kam ushqyer Unë, pra kërkoni t'ju ushqej, dhe Unë do t'ju ushqej!
O robërit e mi, të gjithë ju jeni të zhveshur, përveç atyre që Unë i kam veshur, pra kërkoni veshjen Time dhe Unë do t'ju vesh!
O robërit e mi, ju bëni mëkate natë e ditë, e Unë i shlyej të gjitha mëkatet, pra kërkoni nga Unë falje dhe Unë do t'ju fal!
O robërit e mi, ju nuk jeni në gjendje të më dëmtoni edhe sikur të mundoheni (shumë) për ta bërë një gjë të tillë, por as nuk mundeni të më bëni mirë edhe nëse përpiqeni (shumë) për një gjë të tillë!
O robërit e mi, sikur të parët tuaj dhe të fundit tuaj, e gjithashtu edhe (të parët dhe të fundit) prej xhinve të mundohen të jenë të devotshëm sikur ai që ka zemrën më të devotshme prej jush, kjo nuk do ta shtonte sundimin Tim!
O robërit e mi, sikur të parët tuaj dhe të fundit tuaj e gjithashtu edhe (të parët dhe të fundit) prej xhinve të mundohen të jenë të prishur sikur ai, që ka zemrën më të prishur, kjo nuk do ta mungonte (pakësonte) sundimin Tim!
O robërit e mi, sikur të parët tuaj dhe të fundit tuaj, e gjithashtu edhe (të parët dhe të fundit) prej xhinve të ngriheni në një vend dhe të më luteni, Unë do t'i përgjigjem lutjes të çdonjërit prej jush, e kjo nuk do ta pakësojë atë që kam Unë, as aq (ujë) sa mund të merr gjilpëra prej detit!
O robërit e mi, këto janë veprat tuaja, të cilat tek Unë janë të ruajtura dhe të llogaritura, e për to Unë do t'ju shpërblej. Pra, ai që gjen mirë le ta falënderojë All-llahun, ndërsa ai që gjen keq le të mos e fajësojë askë pos vetveten!
HADITHI 18.
O biri i Ademit, Unë rash i sëmurë, e ti nuk më vizitove! Njeriu do të thotë: O Zot, si mundem unë të të vizitoj Ty, kur Ti je Zoti i botërave? All-llahu do të thotë: A nuk e dije se një ndër robërit e mi ra i sëmurë, e ti nuk e vizitove? Dije pra, se nëse e vizitoje do të më gjeje tek ai!
O biri i Ademit, Unë të kërkova ushqim, e ti nuk më ushqeve! Njeriu do të thotë: O Zot, si mundem të të ushqej unë Ty, kur Ti je Zoti i botërave? All-llahu do t'i thotë: A nuk e dije ti se një ndër robërit e mi të kërkoi ushqim, e ti nuk i dhe? Dije pra, se nëse e ushqeje, do të më gjeje tek ai!
O biri i Ademit, Unë të kërkova ujë, e ti nuk më dhe! Njeriu do të thotë: O Zot, si mundem unë të të jap ujë, kur Ti je Zoti i botërave? All-llahu do të thotë: A nuk e dije ti kur të kërkoi një ndër robërit e mi ujë, e ti nuk i dhe? Dije pra, se nëse do t'i jepje ujë, do të më gjeje Mua tek ai!

HADITHI 19.
Krenaria është mbështjellësi Im (rida-pjesa e lartme e ihramit), ndërsa madhështia është petku Im (izar-pjesa e poshtme e ihramit), pra kush dëshiron të matet me Mua në këto dy gjëra, Unë do ta hedh në zjarr!

HADITHI 20. Dyert e Xhennetit janë të hapura të hënave dhe të enjteve, dhe secilit rob të All-llahut, i cili nuk i ka bërë All-llahut shok (në adhurim) do t'i falen mëkatet, përveç atij që i është hidhëruar vëllait të vet. Për ta do të thuhet:
Vonoheni (faljen e mëkateve) derisa të pajtohen, vonoheni derisa të pajtohen, vonoheni derisa të pajtohen!

[valiii]

HADITHI 21. "Do të jem armik ndaj tri lloje njerëzish në Ditën e Ringjalljes:
Ndaj njeriut që e ka dhënë fjalën duke u betuar në Mua, dhe e ka thyer atë;
Ndaj njeriut që e ka shitur njeriun e lirë dhe fitimin e ka shpenzuar (dmth e ka robëruar njeriun e lirë), dhe
Ndaj njeriut që ka marrë punëtor dhe ia ka caktuar rrogën, ndërsa pas kryerjes së punës nuk ia ka paguar punëtorit atë që e ka merituar."

HADITHI 22.

Asnjëri prej jush le të mos e nënçmojë veten!
(Shokët) i thanë:
O i dërguar i All-llahut, si mundet ndonjëri prej nesh ta nënçmojë veten?
Ai është përgjigjur:
Kur një njeri sheh ndonjë çështje, e cila ka të bëjë me fenë e All-llahut, e ai nuk flet, atëherë All-llahu në Ditën e Ringjalljes i thotë:
Ç'të pengoi ta thuash të vërtetën rreth asaj çështjeje?
Njeriu do të thotë:
Frika prej njerëzve.
All-llahu do t'i thotë:
Më mirë do të ishte nëse më frikoheshe Mua!
HADITHI 23.
Vërtet All-llahu do të thotë në Ditën e Ringjalljes:
"Ku janë ata që e donin njëri - tjetrin për hir të Madhërisë sime? Sot Unë do t'i strehoj ata nën hijen Time, se kjo është dita në të cilën nuk ka hije përveç hijes Time!"

HADITHI 24.
Kur All-llahu e do ndonjë nga robërit e Tij e thërret Xhibrilin u dhe i thotë:
Unë e dua këtë njeri, pra duaje edhe ti!
Atëherë edhe Xhibrili e do atë njeri. Pastaj Xhibrili thërret në hapësirën qiellore duke thënë:
All-llahu e do këtë njeri, pra duajeni edhe ju! Atëherë edhe banorët e qiellit e duan ate. Pastaj (ky njeri) pranohet edhe në tokë.
Nëse All-llahu nuk e do ndonjë nga robërit e Tij e thërret Xhibrilin dhe i thotë:
Unë nuk e dua këtë njeri, pra mos e duaj as ti!
Atëherë edhe Xhibrili nuk e do atë njeri. Pastaj Xhibrili thërret në hapësirën qiellore duke thënë:
All-llahu nuk e do këtë njeri, pra as ju mos e doni! Atëherë as ata nuk e duan atë, pastaj ky njeri urrehet edhe në tokë.

HADITHI 25.
Do t'i shpall luftë atij që tregon armiqësi ndaj robit Tim!
Robi Im nuk më afrohet në mënyrë tjetër, përveç duke i kryer fardet (obligimet e domosdoshme). Ai vazhdon të më afrohet edhe më tepër me anë të veprave vullnetare, që e shton edhe më tepër dashurinë Time ndaj tij, e kështu Unë filloj ta dua ate, e kur e dua, atëherë bëhem veshi me të cilin dëgjon, syri me të cilin sheh, dora me të cilën bie, dhe këmba e tij me të cilën ecë. Nëse ky rob kërkon diçka prej meje, Unë me siguri do t'ia jap, nëse kërkon strehimin Tim, vërtet Unë do ta strehoj atë. Unë nuk nguroj për asgjë më tepër se në marrjen e shpirtit të robit Tim fisnik: ai e urren vdekjen, e Unë e urrej lëndimin e tij.
HADITHI 26.
Vërtet prej të gjithë të devotshmëve më së tepërmi e pëlqej besimtarin e varfër, i cili është në skamje, e megjithatë tregon një vëmendje të posaçme gjat namazit, si dhe bindje të plotë gjat adhurimit të Zotit të tij duke e respektuar atë në vetmi; nuk gjendet në sy të keq tek njerëzit, nuk tregohet me gisht drejt tij, dhe mundësia e jetesës së tij arrin vetëm kushtet elementare, e ai përsëri duron.
Pastaj i Dërguari i All-llahut u tha:
Vdekja do të kishte ardhur më herët tek ai, por ngushëlluesit e tij do të ishin pak (në numër) dhe i vogël do të ishte trashëgimi i tij.

HADITHI 27.
E pyetëm Abdull-llah ibn Mesudin t për ajetin:
"Dhe assesi mos mendoni se janë të vdekur ata që u vranë në Rrugën e All-llahut! Përkundrazi, ata janë të gjallë duke u furnizuar te Zoti i tyre"
(Ali Imran; 169)
Dhe ai tha:
Edhe ne kemi pyetur (të Dërguarin e All-llahut u) dhe na ka thënë:
Shpirtrat e tyre janë në brendësi të zogjve të gjelbër, duke pasur kandila të varur për Arsh dhe (këto njerëz) shetisin në Xhennet nga të duan, pastaj pushojnë dhe qetësohen në ato kandila. Atëherë Zoti ua hedh një shikim dhe u thotë:
"A dëshironi diçka tjetër?" ata thonë:
"Çka mundemi të dëshirojmë, kur po shetisim lirisht dhe kah të duam në Xhennet?" All-llahu ua drejton tri herë këtë pyetje, e ata, kur e shohin se do të pyeten përsëri, përgjigjen:
"O Zot, dëshirojmë që të na i vendosësh edhe një herë shpirtrat në trupat tonë (dmth në dunja) dhe të luftojmë derisa të vdesim edhe një herë në rrugën tënde." Kur Ai sheh se ata nuk kanë nevojë për asgjë tjetër, i le të qetë.
HADITHI 28.
Në mesin e paraardhësve të juaj ishte një njeri, i cili kishte një plagë, dhe prej dhimbjeve të tmerrshme, të cilat më nuk mund t'i duronte, mori thikën dhe preu dorën, prej së cilës rrodhi gjak derisa vdiq.
All-llahu U tha:
"Robi Im më tejkaloi në vehten e tij (dmth shkeli ligjin Tim), pra Unë ia kam ndaluar atij hyrjen në Xhennet."

HADITHI 29.
Kur unë ia marr robit besimtar shokun nga banorët e dunjasë, e pastaj ai duron, çfarë shpërblimi i takon atij përveç Xhennetit?

HADITHI 30.
"Nëse robi Im dëshiron të takohet me Mua, edhe Unë dëshiroj të takohem me të, e nëse ai nuk dëshiron të takohet me Mua, as Unë nuk dëshiroj të takohem me të."
Një hadith i ngjashëm në një transmetim më të gjërësishëm thotë:
Nga Ajsha t përcillet se i Dërguari i All-llahut u ka thënë:
Atë që dëshiron të takohet me All-llahun, edhe All-llahu dëshiron ta takojë, e atë që nuk dëshiron takim me All-llahun, as All-llahu nuk dëshiron ta takojë.
Unë (thotë Ajsha t) thash: O i dërguar i All-llahut, a është kjo nga urrejtja e vdekjes, sepse ne të gjithë e urrejmë vdekjen? Ai (i Dërguari i All-llahut u) tha:
Nuk është ashtu, por kur besimtarit i jepet lajmi për mëshirën dhe kënaqësinë e Zotit, si dhe pranimi i tij në Xhennet, ai dëshiron ta takojë All-llahun, e edhe All-llahu dëshiron ta takojë atë, ndërsa kur mosbesimtarit i jepet lajmi i dënimit nga All-llahu dhe hidhërimit të Tij, ai vërtet nuk dëshiron ta takojë All-llahun, e as All-llahu nuk dëshiron ta takojë atë.

[valiii]

HADITHI 31.

Një njeri tha: Pasha All-llahun, All-llahu nuk do ta falë filanin!
Në këtë All-llahu i Lartësuar tha:
"Kush është ai, që betohet se Unë nuk do ta fal filanin? Me të vërtetë Unë e fala atë, ndërsa i asgjësova veprat e tua!"

HADITHI 32.
Një njeri, i cili ia kishte ngarkuar vehtes disa mëkate të mëdha, kur ra në shtratin e vdekjes u tha djemve të vet:
"Kur të vdes më digjni, e pastaj më shtypni dhe ma hidhni hirin në det, se pasha All-llahun, nëse Ai më merr në dorë, do të më dënojë ashtu si askë më parë!" Dhe djemtë e bënë atë që u tha i ati. Pastaj All-llahu i tha tokës:
"Nxirre atë që ke marrë!" dhe njeriu u duk aty (para All-llahut). All-llahu tha:
"Ç'të shtyu ta bësh atë gjë?" njeriu tha:
"Frika prej teje, o Zoti Im!"
Për këtë shkak All-llahu e fali atë.

HADITHI 33.
Një rob (i All-llahut) bëri një mëkat dhe tha:
"O Zoti im, ma fal mëkatin!" I Lartmadhëruari tha:
"Robi Im ka bërë një mëkat duke e ditur se Zoti i tij i fal mëkatet, por edhe dënon për ta."
Robi përsëri ka bërë një mëkat dhe ka thënë:
"O Zot, ma fal mëkatin!" I Lartmadhëruari tha:
"Robi Im ka bërë një mëkat dhe ka ditur se Zoti i tij fal dhe dënon."
Robi bëri edhe një mëkat dhe përsëri tha:
"O Zot, ma fal mëkatin!"
Dhe i Lartmadhëruari tha:
"Robi Im e ka bërë mëkatin duke e ditur se Zoti i tij fal dhe dënon për mëkatet. Bë ç'të duash, Unë të kam falë!"
HADITHI 34.
"O biri i Ademit, derisa të më lutesh Mua dhe të kërkosh nga Unë (falje), Unë do të fal!
O biri i Ademit, qofshin mëkatet e tua deri në qiell, nëse kërkon falje nga Unë, Unë do të fal!
O biri i Ademit, nëse vjen te Unë me mëkate të mëdha sa toka, pastaj më drejtohesh duke mos më bërë shok (në adhurim) Unë do të dhuroj falje po aq të madhe!"

HADITHI 35.
All-llahu i Lartmadhëruar zbret çdo natë në qiellin e tokës të tretën e fundit të natës dhe thotë:
"Kush është duke m'u lutur që t'ia pranoj lutjen?; Kush është duke më kërkuar, që t'i jap atë që kërkon? Kush është duke më kërkuar falje, që t'ia fal (mëkatet)?"
në transmetimin e Muslimit hadithi përfundon:
"Dhe kështu vazhdon deri në agim"

HADITHI 36.
Besimtarët do të tubohen në Ditën e Ringjalljes dhe do të thonë:
"T'i themi dikujt të ndërmjetësojë për ne tek All-llahu!" dhe do të shkojnë te Ademi dhe do t'i thonë:
"Ti je babai i njerëzimit, All-llahu të krijoi me dorën e tij dhe u urdhëroi melekëve që të të përulen, dhe Ai t'i mësoi ty emrat e çdo gjëje, pra ndërmjetëso për ne te All-llahu që të na lirojë prej këtij vendi, në të cilin gjendemi!" ai do të thotë:
"Unë nuk jam në gjendje për ta bërë një gjë të tillë." dhe do t'ua përmendë gabimin e tij (në Xhennet), do të ndihet i turpëruar dhe do t'u thotë:
"Shkoni te Nuhu, se ai është i dërguari i parë banorëve të tokës!" dhe kur do të shkojnë te ai, do t'u thotë:
"Unë nuk jam në gjendje ta bëj një gjë të tillë." Dhe do ta përmendë kërkesën që ia bëri All-llahut për një gjë, rreth së cilës nuk kishte njohuri. Nuhu do të ndihet i turpëruar dhe do t'u thotë:
"Shkoni te miku i Mëshiruesit, (Ibrahimi u)!" ndërsa ai do t'u thotë:
"Unë nuk jam në gjendje ta bëj një gjë të tillë, shkoni te Musai, robi dhe Fjala e All-llahut, të cilit ia ka dhënë Tewratin." Por kur do të shkojnë te ai, do t'u thotë:
"Unë nuk jam në gjendje ta bëj një gjë të tillë." Dhe do t'ua përmendë rastin kur e ka vrarë një person në vend të një tjetri. Kështu ai do të ndihet i turpëruar nga Zoti i tij dhe do t'u thotë:
"Shkoni te Isai, rob i All-llahut dhe Lajmëtar, fjala e All-llahut dhe shpirti!" atëherë do të shkojnë te ai, dhe ai do t'u thotë:
"Unë nuk jam në gjendje ta bëj një gjë të tillë, por shkoni te Muhammedi r (qoftë bekimi dhe paqja e All-llahut mbi të) të cilit rob All-llahu ia ka falë të gjitha mëkatet, të kaluarat dhe të ardhshmet!"
Atëherë (thotë i Dërguari i All-llahut u) do të vijnë tek unë e unë do të kërkoj leje që të shkoj te Zoti Im. Leja do të më jepet, dhe unë do të shkoj te All-llahu dhe do t'i bëj sexhde (do të përulem). All-llahu do të më lë ashtu një kohë, aq sa do të dëshirojë dhe do të më thotë:
"Çoje kokën. Kërko dhe do të jepet, flit dhe do të dëgjohesh, ndërmjetëso dhe do të pranohet!"
Pastaj unë do ta çoj kokën dhe do ta falënderoj në një mënyrë nderuese që do të ma mësojë Ai, dhe do të ndërmjetësoj, e Ai do të më japë (një numër të caktuar njerëzish), e unë do t'i pranoj ata në Xhennet. Pastaj do të shkoj përsëri te Ai, dhe kur do ta shoh do të përulem ahtu siç u përula herën e parë. Pastaj do të ndërmjetësoj dhe Ai do të mi caktojë (disa njerëz), e unë do t'i pranoj ata në Xhennet. Atëherë do të lutem edhe për të tretën herë, e edhe për të katërtën dhe do të them: në zjarr mbesin vetëm ata, që i ka përshkruar Kur'ani. Nuk ka dyshim se këto njerëz do të jetojnë aty përgjithmonë.
në transmetimin e Buhariut shtohet:
I Dërguari i All-llahut u tha:
Do të dalë prej Xhehennemit ai që ka thënë:
"Nuk ka hyjni tjetër përveç All-llahut", dhe i cili ka në zemrën e tij mirësi, qoftë edhe sa një kokërr gruri: pastaj do të dalë prej Xhehennemit ai që ka thënë:
"Nuk ka hyjni tjetër përveç All-llahut" dhe i cili ka në zemrën e tij mirësi sa një thërmi mielli; dhe do të dalë prej Xhehennemit ai që ka thënë:
"Nuk ka hyjni tjetër perveç All-llahut" dhe që në zemrën e tij ka pasur mirësi në madhësinë e thërmisë së atomit.
HADITHI 37.
"Kam përgaditur për robërit e drejtë atë që syri nuk ka parë, veshi nuk ka dëgjuar dhe as që ka paramenduar zemra e njeriut."
ebu Hurejre t thotë: Për këtë çështje mundeni të lexoni edhe në Kur'an:
"Askush nuk e di se ç'kënaqësi u është pregaditur për atë që kanë punuar!"
(Sexhde-17)

HADITHI 38.
Kur All-llahu krijoi Xhennetin dhe Zjarrin (Xhehennemin), e dërgoi Xhibrilin te Xhenneti duke i thënë:
"Shko dhe shih se ç'kam pregaditur për banorët e tij". Atëherë Xhibrili shkoi në Xhennet dhe pa çfarë kishte përgaditur All-llahu për banorët e Xhennetit. Kur engjëlli u kthye te All-llahu tha:
"Pasha Madhërinë tënde, askush nuk di për të pa hyrë brenda!"
Atëhërë All-llahu urdhëroi që Xhenneti të rrethohet me vështirësi, dhe i tha Xhibrilit:
"Kthehu dhe shikoje përsëri!" meleku shkoi përsëri në Xhennet dhe e pa se qe i rrethuar me vështirësi, dhe kur u kthye te All-llahu tha:
"Pasha Madhërinë tënde, frikësohem se askush nuk do të hyjë në të!"
Atëherë All-llahu iu drejtua përsëri Xhibrilit dhe i tha:
"Shko te zjarri dhe shih se ç'kam përgaditur për banorët e tij!" Kur e pa Xhibrili zjarrin, pa se qe i ndërtuar në shtresa - një mbi një. U kthye te All-llahu dhe tha:
"Pasha Madhërinë tënde, ai që do të dinte për te, nuk do të dëshironte të hyjë në të!"
Atëherë All-llahu urdhëroi që të rrethohet me kënaqësi, dhe i tha Xhibrilit:
"Këthehu në të!" ai u kthye dhe tha:
"Pasha Madhërinë tënde, frikësohem se askush nuk do t'i shpëtojë hyrjes në të"

HADITHI 39.
U zurën Xhenneti dhe Xhehennemi ndërmjet vehte dhe Xhehennemi tha:
"Te unë gjendet i fuqishmi dhe kryelarti", ndërsa Xhenneti tha:
"Te unë gjendet i dobëti dhe i vobekti" pastaj gjykoi All-llahu ndërmjet tyre:
"Ti je Xhenneti, mëshira Ime, nëpërmjet teje Unë i tregoj mëshirë atij që dëshiroj, ndërsa ti je zjarri, ndëshkimi Im, nëpërmjet teje dënoj atë që dëshiroj, dhe është caktimi Im që secili prej jush ta ketë hisen e vet!"

HADITHI 40.
All-llahu do t'u thotë banorëve të Xhennetit:
"Banorë të Xhennetit!" ata do të thonë:
"Zoti ynë, po të përgjigjemi, jemi nën dëshirën e kërkesës Tënde dhe mirësia gjendet në duart tua" atëherë All-llahu do të thotë:
"A jeni të kënaqur plotësisht?" ata do të përgjigjen:
"O Zot, si të mos jemi të kënaqur, kur Ti na ke dhënë atë që nuk ia ke dhënë asnjërës prej krijesave tua?" All-llahu do të thotë:
"A nuk dëshironi që t'u jap diçka tjetër, më të mirë se kjo?" ata do të përgjigjen: "O Zot, çka mund të jetë më e mirë se kjo që na e ke dhënë?" Ai do të thotë:
"Unë do ta bëj që mirësia Ime të zbresë mbi ju, dhe pas kësaj më nuk do të jem i pakënaqur me ju!"

[Albanian eX|PerT]

Transmeton Abdullah ibën Amër ibën Asi [radiall-llahu anhu] i cili thotë: “Nuk ka qenë Pejgamberi [sal-lallahu alejhi ve sel-lem] i pamoralshëm e as i degjeneruar. Ai çdo herë thoshte: “ Më të mirët prej jush janë ata që kanë moral më të lartë” (Muttefekun alejhi)

[Albanian eX|PerT]

Nevas ibën Sem’an Elensarij [radiall-llahu anhu] thotë: e pyeta Pejgamberin [sal-lallahu alejhi ve sel-lem] për mirësinë dhe mëkatin dhe më tha: “bamirësi është morali i lartë kurse mëkat është ajo që të brenë në zemër dhe urren që ta shohin njerëzit.” (Transmeton Muslimi)

[Arb]

Cka jane keto "hadithet?"

[Albanian eX|PerT]

Postimi origjinal është bërë nga Arb

Cka jane keto "hadithet?"

Hadithe, eshte shumesi i fjales Hadith, qe d.m.th. ne aspektin fetar, thenie te Profetit Muhamed a.s.!

[SoKoLi-i-Maleve]

Postimi origjinal është bërë nga Albanian eX|PerT

Hadithe, eshte shumesi i fjales Hadith, qe d.m.th. ne aspektin fetar, thenie te Profetit Muhamed a.s.!

Ne gjuhen shqipe do te kuprohej si:
Hadithe=hadete=tradita gojore te transmetueme bres pas brezi

[Albanian eX|PerT]

Postimi origjinal është bërë nga SoKoLi-i-Maleve

Ne gjuhen shqipe do te kuprohej si:
Hadithe=hadete=tradita gojore te transmetueme bres pas brezi

Une i nderuar e sqarova ne aspektin terminologjik, e sa i perket atij etimologjik, kjo fjale tekstualisht don te thote tregim & thenie. Pra, ne aspektin fetare, d.m.th. tregime, thenie, transmetime, nga i Derguari i Allahut, Muhamedi a.s.!

me rrespekt

[Albanian eX|PerT]

Njė hadith i bukur

Pejgamberi (s.a.v.s.) ka thėnė: "Disa njerėz do tė vijnė Ditėn e Gjykimit dhe imani i tyre do tė jetė i pashėm. Drita e tij do tė shndrit prej gjokseve tė tyre dhe prej duarve tė djathta tė tyre. Kėshtu qė do tu thuhet atyre, `Pėrgėzim pėr juve sot!"

Esselamu Alejkum dhe mirėsi pėr ju! Hyni nė atė (Xhenet) pėrherė! Kėshtu qė Engjėjt dhe Pejgamberėt do tua kenė lakmi pėr dashurin e Allahut ndaj tyre!

"Kėshtu qė sahabet pyetėn, `Kush janė ata, O i Dėrguari i Allahut?`

Muhamedi (s.a.v.s.) iu pėrgjigj: Ata nuk janė prej neve dhe ata nuk janė prej jush. Ju jeni shokėt e mijė, ata janė tė dashurit e mijė. Ata do tė vijnė pas jush dhe do ta gjejnė librin (Kuranin) tė lėnė anash dhe sunetin tė mbytur prej tyre (njerėzve). Kėshtu qė ata do ta kapin librin dhe sunetin dhe do ti ringjallin ato. Pra ata do ti lexojnė ato dhe do tua mėsojnė ato (Kuranin dhe Sunetin) njerėzve dhe ata do tė pėrjetojnė nė atė rrugė dėnim mė tė ashpėr dhe mė tė shėmtuar se sa ju (o sahab) qė keni pėrjetuar.

Nė tė vėrtet Imani i njėrit prej tyre ėshtė i barabartė me imanin e 40 prej jush. Njė shehid prej tyre ėshtė i barabartė me 40 shehid prej jush. Pėr arsye se ju keni gjetur ndihmues ndaj tė vėrtetės (Pejgamberin s.a.v.s.) dhe ata nuk do tė gjejnė ndihmues ndaj tė vėrtetės. Prandaj ata do tė rrethohen nga Sundimtarėt Tiran nė ēdo vend, dhe ata do tė jenė nė rrethinėn e Bejt ul-Magdisit (el-Kudsit).

Nusrah (fitorja) e Allahut do tė ju vijė atyre, dhe ata do ta kenė nderin e saj nė duart e tyre." Pastaj ai (s.a.v.s.) tha, O Allah! Dhuroju atyre Nusrah (fitore) dhe bėni ata prej shokėve tė mijė tė afėrt nė Xhenet. (Amin, Amin o i Dėrguar i Allahut)

[nga Musnedi i Imam Ahmedit]

[Albanian eX|PerT]

Aisheja, radijall-llahu anha, tregon se Pejgamberi, sal-lall-llahu alejhi ve sel-lem, ka thënë: "Njerëzit më të urrejtur te All-llahu, janë polemizuesit e ashpër dhe ata që nuk lëshojnë pe në hasmi". (Buhariu dhe Muslimi).

[valiii]

SELAMUN ALEJKUM VE RAHMETULLAHI VE BERAKATUHU

Bismilah
Ve salatu ve selamu ala Rasulilah
Ve ala menit-tebe`a Hudah


Enderr e habitshme e Pejgamberit tone (alejhi salatu ve selam)

Ky Hadith eshte i marrur nga libri i Dijetarit Ibn Kaj-jim (r.a)

Me titull "el-Vabilu-Saj-jib"

Thote Ibn Kajimi (r.a)
"Ne kete Hadith madheshtore, me pozit te larte, qe duhet cdo musliman ta mesoje permendesh. Do ta permendim komplet per shkak te perfitimit qe nxjerrim nga ky hadith e nevojshemrin e krijesave per te....
KY eshte Hadithi i Seid ibn Musej-jibit nga AbduRrahman ibn Semurah ibn Xhundub i icli thote:" Doli nje dite prej diteve Pejgamberi (alejhi salatu ve selam) e ne ishim te kopshti i "suf-fes" ne Medine. U ngrejt ne kembe e tha: " Me te verte une mbreme pashe (nje enderr) te habitshme.
1) Pashe nje person nga Ymeti im qe ju prezantua atij Meleku i Vdekjes per ti marrur shpirtin atij..Por i erdhi (ne ndihme) atij Mirsjedhja e tij ndaj prinderve dhe e largoje Melekun e Vdekjes prej tij........
2) Pashe nje person nga Ymeti im qe ishte perfshire nga denimi i Varrit..E i vjen (ne ndihme) atij Abdesi qe ai kishte marrur dhe e shpetojne ate nga ai denim...............
3) Pashe nje person nga Ymeti im qe e friksonin ate Shejtanet..E i vjen (ne ndihme) atij Permendja e Allahut dhe ja largon Shejtanet prej tij......
4) Pashe nje person nga Ymeti im qe e friksonin ate Melaiket e Denimit ..E i vjen (ne ndihme) atij Namazi i tij dhe e shpeton nga duart e trye ..........
5) Pashe nje person nga Ymeti im qe etja e kishte perveluar..Sa here qe bente tiu afronte ndonje pellgu me uje..largohej prtej tij e u pengonte..E i vjen (ne ndihme) atij Agjerimi i Ramazanit qe ai kishte bere dhe e gostisin me uje sa qe ai e shlyen etjen qe e kishte kapluar.....
6) Pashe nje person nga Ymeti im e pashe Pejgamberanet te ulur neper grupe (mexhlise) Sabente ky njeri tiu afronte ndonje mexhlisi prej ketyre mexhliseve...largohej prej tyre u pengonte...E i vjen (ne ndihme) atij Gusuli i marrur nga xhunuplleku e marrin prej dore dhe e ulin pran meje .....mexhlisit tim....
7) Pashe nje person nga Ymeti im qe perpara tij kishte erresire ..prapa tij ishte erresire...nga e djathta e tij ishte erresire..nga e majta e tij ishte erresire...siper tij erresire ..e poshte tij erresire..E ai rrinte i shashtisur (nuk dinte te leviste) nga te ikte...E i vjen (ne ndihme) atij Haxhilleku e Umreja qe ai kishte kryer..dhe e nxjerrin ate prej erresires ne drite.....
8) Pashe nje person nga Ymeti im qe me duart e tij ju runate flakeve te zjarrit e prushit te tij...E i vjen (ne ndihme) atij Sadekaja e dhene ..e behet penges midis tij e zjarrit dhe behet mbules mbi koken e tij.......
9) Pashe nje person nga Ymeti im qe i fliste Besmitareve e ato nuk i flisnin atij..E i vjen (ne ndihme) atij Lidhja e farefisit e i thote besimtareve:" O besimtare ..ky njeri ishte qe e ka lidhur farefisin e tij me vizita te ngrohta..E i flasin atij Besimtaret dhe e takojen e ai i takon ato................
10) Pashe nje person nga Ymeti im qe e friksonin ate Zebanijet (melaiket e zjarrit) E i vjen (ne ndihme) atij Urdherimi per mire e ndalimi per keq qe ai kishte bere ne dynja..dhe e vendosin tek Melaiket e meshires......
11) Pashe nje person nga Ymeti im te gjunjezuar ,,Midisi tij e Zotit kishte penges...E i vjne (ne ndihme) atij Morali i mire dhe e merr per dore dhe e fut ne audjencen e Allahut ....
12) Pashe nje person nga Ymeti im qe libri kur i zbret i vjne nga e majta e tij...E i vjen (ne ndihme) atij Friksimi i tij nga Allahu dhe e mer librin dhe e vendos nga ana e djathte e tij................
13) Pashe nje person nga Ymeti im qe ju pakesua peshorja e puneve te mira ..E i vjen (ne ndihme) atij femijte (pasardhesit e tij) qe ai kishte edukuar mire (sic duhet) dhe ja rendojne peshoren e tij.....
14) Pashe nje person nga Ymeti im qe qendronte ne kembe buze zjarrit te xhehenemit...E i vjen (ne ndihme) atij perjetimi i frikes se Allahut (dridhjet e zemres se tij)..dhe e shpetojne ate nga ajo gjendje dhe ai vazhdon rrugen per ne parajs.........
15) Pashe nje person nga Ymeti im te hidhet ne Zjarr..E i vjen (ne ndihme) atij Loti qe ai kishte derdhur nga frika prej Allahut dhe e shpeton ate nga Zjarri...........
16) Pashe nje person nga Ymeti im qe ishte ne kembe te Ures se Siratit..e dridhej si gjethet e palmes nga stuhija e forte..E i vjen (ne ndihme) atij Mendimi i mire qe ai ka pas per Allahun dhe ja qetesojne dridhjet ..e ai vazhdon ne qetesi rrugen per ne xhenet.....
17) Pashe nje person nga Ymeti im qe zvarritej mbi Uren e Siratit...nga nje here ecte ne kembe nga nje here binte nga nje here ecte kemba dorazi e nga nje here kacavirrej....E i vjen (ne ndihme) atij Salavate qe ai ka rene mbi mua....dhe e cojen ne kembe te drejtuar dhe e shpetojne ate...........
18) Pashe nje person nga Ymeti im qe arrin deri tek portat e xhenetit ..e dyert e saj i mbyllne pa e lene ate te futet ne xhenet....E i vjen (ne ndihme) atij Deshmija "La ilahe il-la Allah" Zka zot te vertet pervec Allahut. dhe ja hapin dyert dhe ai futet ne xhenet....."

E transmeton kete Hadith Hafiz Ebu Musa el-Medenij-j ne librin e tij "Tergib fa hisal el-munxhij-jeh ve terhib minel-hilal el-merdij-jeh" e librin e tij e ka ndertuar ne baze te shpjegimit te ketij hadithi ...e ka thene per kete hadith...."Ky Hadith eshte Hasen xhid-den..(shume i mire) e transmetoi nga Seid ibn Musej-jibi ,,,,Amr ibn Azer...Alij ibn Zejd ibn Xhud`an...dhe Hilal Ebu Xhebeleh.......
Ka qen Shejhu i Islamit Ibn Tejmij-jeh (Zoti ja shejnterofte Shpirtin) e madheshtonte shume kete Hadith ..e me ka ardhur mua prej tij se ai ka thene "Argumentet e vertetesis jan te dukshme per kete Hadith"

Kaq ishte ajo qe thote ibn Kaj-jimi per kete hadith......
Ju lej ta shijoni kete hadith ashtu te lire....duke ju kujtuar ate bejten qe permend Imam Nevevij-ju ne fillim te librit te tij "rijadu-salihin"
Ine lilahi ibaden futana ....taleku dunja ....e deri sa thote....
Ve Tehadhu salihal E`amali fiha Sufuna....
qe do te thote.....Me te vertet Allahu ka ne kete bote njerez qe e Adhurojne ate,,,,qe me dynjan ato jan ndare....E punet e mira i kan marre si Anije per te kaluar uqeanet e pengesave........
Keshilla ime ishte vetem kjo....Shtoni nga keto pune qe do te behen ndihmes per te shpetuar ate dite ....qe kush humb humb per gjithmon,,e kush fiton e shpeton fiton e shpeton pergjithmon,,,

Na befte Allahu prej Atyre qe shptojne

AMIN AMIN AMIN

SELAMUN ALEJKUM VE RAHMETULLAHI VE BERAKATUHU

[Albanian eX|PerT]

Pejgamberi a.s. ka thene: "Njeriu është në fenë e shokut të tij, andaj le të shikon se cilin e bën shok". (hasen, Tirmidhiu).