Lajme nga Mjekesia

[ARVANITI]

Zumba, të dobësohesh nën ritmin e kërcimit

Moda e fundit në botën e fitnesit për atë që është pak dembel dhe jo shume i dhënë pas aktiviteteve fizike, ëshët kërcimi nën ritmet tribale. Nag Zumba tek ajo havajane, nga kërcimi Hilal tek ai afrikan. Për vithe të larta dhe tonike, dmth “braziliane”, mjaftojnë disa ushtrime të "Brazilian Butt Lift" apo "Brazilian Tummy-Tuck", ose ushtrime të Samba Tornado.
Slogani, shumë i gjetur i Zumbës, që në SHBA është e domosdoshme është "it's not a workout, it's a party!" (nuk është lodhje, por festë.) E në realitet bëhet fjalë pikërisht për këtë thotë kush e ka praktikuar;përvec djersitjes, lodhjes, djegjes së kalorive, rregulli për kë kërkon formën e tij më të mirë fizike është qesh dhe kënaqu. Ky kërcim është një kombinim i salsa, merengue e rumba që mësohen nëpërmjet leksioneve të aerobisë dhe bashkon efektet e leksioneve të aerobisë me dinamizmin dhe sensualitetin e kërcimeve jugameriakne, duke tërhequr të gjithë ata që duan të djegin kaloritë e tepërta dhe njëkohësisht të përmirësojën veten me hapa të reja kërcimi.
Prioritet nuk është estetika e pastër por një kompletim i të ndjerit mirë duek u argëtuar. Karakteristika dalluese e kësaj disipline të re aerobike janë variacionet e ritmit që rrisin dhe ulin vazhdimisht frekuencën kardiake duke rritur rezistencën e atyre që e praktikojnë. Rekomandohet për persona të çdo moshe, sepse leksionet e aerobisë praktikohen ne nivele të ndryshme intensiteti. Kështu si pa e kuptuar të gjitha kaloritë e tepërta do digjen dhe ju më shumë sesa lodhur, do jeni argëtuar.

[Naki]

Teknologji e re premtuese për ata që presin transplantimin e veshkës



09 nëntor 2005

Zëri i Amerikës (08.11.2005)

- Më tepër se 25 mijë njerëz në Shtetet e Bashkuara marrin çdo vit një ose më tepër organe të transplantuara, ndërkohë që numri i njerëzve që presin në listën për organe është aktualisht 90 mijë vetë. Por një firmë e Kalifornisë ka gjetur një metodë, që shihet si një zbulim tepër i rëndësishëm në mjekësi: një metodë për ruajtjen e organeve njerëzore, për t’u përdorur në të ardhmen.

Një veshkë miu, e mbajtur në ngrirje për tre muaj, në një solucion të prodhuar nga firma kërkimore Human Biosystems, ndoshta është çelësi për një jetë më të mirë për njerëzit që presin transplantimin e veshkës. Harry Masuda është presidenti i kompanisë. "Sa më gjatë që e ruajmë organin, aq më mirë mund të realizohet përshtatja me organizmin," thotë zoti Musaba.

Ai thotë se përderisa veshkat përbëhen kryesisht nga uji, ruajtja e qelizave të tyre gjatë ngrirjes, para transplantimit, ishte arsyeja kryesore për prodhimin e solucionit. "Të arrish të ngrish një organ në –80, ta transplantosh atë dhe të arrihet që kjo veshkë të prodhojë urinë, kjo është diçka e jashtëzakonshme."

Ky zbulim mund t’u vijë në ndihmë mijëra njerëzve çdo vit, që janë në listën e pritjes për transplantim të organeve. Shumica e tyre kanë nevojë për veshkë. Doktoresha Vivian Tellis, shefe e kirurgjisë së transplantimit të veshkave në Qendrën Mjekësore Montefiore, në periferi në Nju Jorkut, thotë se çdo 14 minuta listës së pritjes për transplantim i shtohet një njeri.

"Për këtë arsye, nuk ka kohë të mjaftueshme për të manovruar me organet që transplantohen, për t’i përshtatur ato sipas organizmave të veçantë... Kjo pjesërisht edhe nga fakti se organet e dhuruara nuk rezistojnë për një kohë të gjatë në kushtet e teknologjisë së sotme, thotë mjekja.

Mesatarisht, çdo ditë në Shtetet e Bashkuara vdesin 17 pacinetë, në pritje për transplantimin e një organi, gjë që i ka detyruar shumë dhurues dhe familjet e tyre të gjejnë mënyra krijuese komunikimi nëpërmjet njoftimeve, shoqatave për krijimin e fondeve dhe kërkesave për organe në Internet. Doktor Robert Truog është Specilist i Etikës në Fakultetin e Mjekësisë së Universitetit të Harvardit. "Faqet kompjuterike janë plot me informacione të pasakta lidhur me rreziqet dhe përfitimet e transplantimit."

Doktor Lewis Teperman i Qendrës Mjekësore në Univesritetin e New Yorkut thotë se përdorimi i medotës një dhurues një pacient nuk u vjen në ndihmë atyre që presin në listën për transplantim organesh. "Sa më i sëmurë të jesh, aq më të pakta janë mundësitë për të jetuar, pra aq më e madhe është mundësia për transplantimin e një organi," thotë Dr. Teperman.

Ndërsa numri i njerëzve që kanë nevojë për organe rritet me shpjetësi më të madhe se numri i organeve të transplantuara, lajmi i mirë është se personat që marrin organe të transplantuara po jetojnë më gjatë se pacientët me organe të transplantuara një dekadë më parë.

[Naki]

Studiuesit shqiptarë në takimin e shoqatës nderkombëtare të neuroshkencës

Astrit Lulushi
Uashington
20-11-2005



Në Uashington përfundoi këto ditë takimi i 35 vjetor i shoqatës së neuroshkencës me pjesmarrjen e mijëra hulumtuesve të neurologjisë nga mbarë bota. Shume prej tyre sollën në këtë takim arritjet gjatë një viti të punës kërkimore në këtë fushë të shkencës. Në takim kishte edhe studiues e shkencëtarë shqiptarë që me punimet e tyre në fushën e neurologjisë përfaqësonin universitete të ndryshme amerikane.


Besohet se 25 deri 50 përqind e kodit gjenetik të njeriut gjen shprehje në tru e në sistemin nervor. Kjo sikur tregon edhe rëndësinë e neuro shkencës, e cila përpiqet të shjegojë se si funksionon truri, duke marrë në shqyrtim fushat tradicionale të mjekesise si anatominë, biokiminë e psikologjinë, për t'i integruar ato me fushat më të reja siç jane biologjia molekulare dhe shkencat kompjuterike.

Ky është një insekt robot, ku rolin e trurit e luajnë 8 neurone elektronike të programuara për çdo lëvizje. Xhill Rogers, një nga projektueset, thotë se ky robot përdoret në shkolla për femijë 6 deri 9 vjeç, për t’u shpjeguar atyre në forma të thjeshta e të kuptueshme se edhe neuronet e trurit luajnë të njëjtin rol, duke kontrolluar lëvizjet e duarve, këmbëve, gojën, sytë dhe te gjitha keto të së bashku ose veças krijojnë atë që quhet sjellje e njeriut.


Kjo është pamja e trurit e parë në mikroskop dhe e zmadhuar disa herë në këtë ekran kompjuteri. Programi kushton rreth 5 mijë dollarë, shumë realtivisht e përballueshme për laboratorët që merren me studimin ose diagnostikimin e sëmundjeve, thotë shkencëtari.


Këtu eshte ekspozuar nje komplet instrumentesh, arritje të fundit të shkencës dhe teknikës, që perdoren gjatë eksperimenteve me kafshët në laborator.


Ndërsa me këtë paisje të re laboratorike, mund të analizohen deri në 16 mostra njëherësh, thotë ky shkencëtar, që ka ardhur nga Danimarka për të paraqitur shpikjen e tij.

Pra takimi i neurologeve nga mbarë bota shërben jo vetëm për shkëmbime të ideve, por edhe për të treguar mjetet për zbatimin e tyre në praktike.


Shkencëtari i ri shqiptar Ekrem Maloku, nga Vushtria e Kosovës, ka më se një vit që merret me punë kerkimore në universitetin shtetëror të Ilinoit në Çikago. Doktor Maloku në bashkëpunim me një grup hulumtuesish nga ky universitet ka veçuar enzimën që mendohet se është përgjegjëse për simptomat e skicofrenisë.


Pjesmarrësit në këtë takim duket se janë kryesisht nga vende të njohura për përparime në fushën e neuroshkences. Doktor Ekrem Maloku thotë se kërkimet në fushen e neurologjise janë të kushtueshme dhe gjithashtu kërkojnë një infrastrukturë tepër të zhvilluar të sistemit mjekësor. Kjo ndoshta është edhe arsyeja qe specialistë neurologë nga Shqipëria e Kosova kane ngurruar të marrin pjesë në këtë takim në Uashington.


Planet e ketij shkencëtari te ri nuk mbeten vetëm në rafshin kërkimor. Doktor Maloku thote se nga Kosova është larguar vetëm për të fituar përvojë profesionale, dhe ka në plan të kthehet sepse vendi i tij ka shumë nevojë për vlerat perendimore edhe ne fushën e shkences se mjekësise


Konferenca e shoqates së neuroshkencës zhvilloi punimet nga data 12 deri më 16 nëntor. Ajo u përshkua edhe nga nje mosmarreveshje. Shkaku ishte kur udhëheqësi shpirtëror i Tibetit, Dalai Lama i ftuar për të mbajtur fjalën e hapjes, tha se neuro shkenca ka gjera mjaft të afërta me meditimin, praktikë fetare e ushtruar nga budizmi. Këto komente u pritën me reagime nga rrethe neurologesh, të cilët e shohin fenë si diçka shpirtërore dhe abstrakte dhe gjithmone përpiqen të mbajnë larg çdo interpretim mistiko-fetar të shkencës së tyre, që bazohet vetëm në fakte e rezultate konkrete.



Marrë nga VOA NEWS

[Naki]

Ndikimi i lajmeve në gjendjen shpirtërore

Sipas një studimi të kohëve të fundit, lajmet e mira kanë një ndikim pozitiv në jetën tonë, ndërsa lajmet e këqia përfshi ato mbi luftrat, vdekjet e trazirat, apo krimet sjellin një ndikim psikologjik negativ kur i dëgjojmë. Mjekja Dorri Lin, psikologe që merret me analizimin e lajmeve, thotë se lajmet e këqia apo kronikat e zeza shtojnë ankthin tek njerëzit, ata bien në depresion, ndjehen keq dhe frikësohen. Studimi rreth qëndrimit të amerikanëve ndaj lajmeve u krye nga shërbimi i anketave Monitor. Mjeku psikolog David Bersof, që kryesoi studimin thotë se 63 përqind e amerikanëve thanë se dëshirojnë të dëgjojnë më shumë njoftime të mira në emisionet e lajmeve. Studimi tregon se lajmet e mira i bëjnë njerëzit të ndjehen më të motivuar, më të frymëzuar e më optimistë rreth të ardhmes, si dhe të bëhen më të suksesshëm në punën e tyre.

[Dilaver]

Geni i jetëgjatësisë

Shekulli Online

Shkencëtarët thonë se janë tepër optimistë rreth një eksperimenti në laborator i cili ka treguar se jeta e kafshëve mund të zgjatet. Gjithkush mund të bëjë pyetjen, në se tani radhën e ka njeriu. A do të jenë në gjendje shkencëtarët ta zgjasin e jetën e tij? Ky krimb i vogël që shihet në mikroskop, normalisht ka një jetëgjatësi të shkurtër. Por kur biologia nga Kalifornia, Sinthia Kenion ndryshoi ose aktivizoi një gjen të këtij krimbi, ajo vuri re se krimbi jetoi dy herë më gjatë sesa normalisht. Dhe kjo ndodhi vetëm duke i ndryshuar një gjen të vetëm. Kjo lë të kuptohet se edhe tek njeriu, aktivizimi i një gjeni të vetëm mund të ndryshojë jetëgjatësinë. Askush nuk kishte mundur të zbulonte gjenin përgjegjës për plakje, apo çelsin e moshës, derisa shkencëtarja Kenion bëri të ditur arritjet e saj, një vit më parë. Gjeni është quajtur Daf 2. Pas kësaj, shkencëtarë të tjerë filluan të përcaktojnë gjenet e jetëgjatësisë tek fluturat dhe minjtë, jeta e të cilëve pas ndryshimit të gjenit u zgjat 20 përqind. Por kur shkencëtarja Kenion ndryshoi jo një por dy gjene tek krimbi në laborator, jeta e tij u zgjat 6 herë më shumë. Për njeriun kjo shifër do të ishte e jashtëzakonshme, mendoni sikur njerëzit të arrijnë të jetojnë 500 vjet dhe plotësisht të shëndetshëm. Teorikisht, të gjitha krijesat janë pajisur me gjene të tilla të jetëgjatësisë. Shtrohet pyetja përse? Shkencëtarja Kenion thotë se ka të ngjarë që ky gjen i mbron kafshët nga rreziku i urisë dhe i kushteve klimatike. Gjeni kur nxitet apo ngacmohet, krijon një reaksion zinxhir të një grupi të gjërë gjenesh që kryjne rigjenerimin e qelizave e luftojnë sëmundjet. Kur shkencëtarët arrijnë të aktivizojnë artificialisht këtë sistem gjenesh, ata ndihmojnë për mbajtjen gjallë të organizmit. Dhe përderisa ky sistem gjenesh është i pranishëm tek shumë kafshë, ka shumë të ngjarë që atë ta kenë edhe njerëzit. Gjithë optimizëm rreth zbulimit të saj, shkencëtarja Sinthia Kenion ka krijuar tani një kompani për prodhimin e një tablete për nxitjen e gjenit të jetëgjatësisë tek njeriu.

[Naki]

Pajisje e re për zhbllokimin e artereve të zemrësAstrit Lulushi
Zëri i Amerikës
07-03-2006

Pajisje e re për zhbllokimin e artereve të zemrës
Shkencëtarë në Australi kanë prodhuar një pajisje të re që mund të ndryshojë rrënjësisht mënyrat e trajtimit të sëmundjeve të zemrës.
Pajisja e re është e llojit “stent” që vendoset në artere dhe përdoret për hapjen e tyre. Por ndryshimi nga paisjet e tjera që përdoren tani është se pajisja e re tretet në organizëm, gjë që ul dukshëm mundësitë e ndërlikimeve në shëndetin e të sëmurëve nga zemra
Aktualisht, gjatë procedurave mjekësore për parandalimin e goditjeve në zemër për të mbajtur hapur venat e gjakut përdoren pajisje të ndryshme. Por kur vendosen në organizëm, këto pajisje metalike mbeten në trup dhe në disa raste mund të shkaktojnë gërvishtje të artereve e madje edhe mpiksje gjaku.
Doktor Roxher Allen thotë se pacientët që kanë pajisje të tilla metalike në trup, gjithashtu janë të detyruar gjatë gjithë jetës së tyre të marrin ilaçe për hollimin e gjakut.
Por pajisaj e re u projektua nga firma australiane CSIRO dhe përbëhet nga një lloj materiali i quajtur polymer që është një përzierje e disa materialeve natyrale dhe sintetike.
Pajisja e re mund të tretet në trup në çdo kohë, nga 1 deri në tre muaj, ose edhe më gjatë, nëse mjekët e shohin të nevojëshme, dhe zbërthehet në molekula të padëmshme kur përfundon funskionin e saj.
Shkencëtari Nigel Poole thotë se polymeri vetshpërbëhet në molekula oksigjeni e nitrogjeni, të cilat pastaj dalin natyrshëm nga trupit. Kjo do të thotë që brenda artereve të pacientit nuk qëndrojnë më objekte të huaja, siç ndodh me pajisjet e deritanishme.
"Ky është një lajm mahnitës”, thotë doktori, “sapo pajisja shpërbëhet, arteri i gjakut kthehet në gjendjen normale si në formë edhe në përmasë. Kjo do të bëhet një mjet me vlerë, që do të shpëtojë jetë njerëzish”
Shkencëtarët e këtij laboratori thonë se në të ardhmen e afërt polymeri mund të gjejë përdorime edhe në fusha të tjera të mjekësisë si për shembull për ngjitjen e kockave të thyera ose për të ndihmuar në mbylljen e shpejtë të plagëve. Shkencëtari Nigel Pool shpreh besimin se një ditë polymeri do të gjejë përdorim të gjërë deri në zëvëndësimin e pjesëve të dëmtuara apo të sëmura të trupit.
Ky material shpërbërës pritet tani t’i nënshtrohet provave të tjera para se përdorimi i tij të miratohet nga agjencitë përkatëse të ilaçeve.
Shkencëtarët parashikojnë që këtë vit në mbarë botën të kryehen mijëra operacione me përdorimin e polymerit. Ata besojnë se shpikja e tyre do të sjellë përmirësime të jashtëzakonëshme në shkencën e mjekësisë.

[Naki]

Zëri i Amerikës
14-03-2006

Trajtimi i migrenës me operacion
Disa mjekët thonë se migrena nga e cila vuajnë rreth 30 milionë amerikanë, mund të trajtohet edhe me operacion. Shkencëtarët thonë se nëpërmjet një operacioni të thjeshtë në hundë, dhimbja e migrenës nuk kthehet më kurrë në 65 përqind të rasteve.
Kur Bonnie Murin e zënë dhimjet e migrenës, asaj i duket sikur do të vdesë. Nuk mund të bëjë asgjë, ilaçet shpesh nuk i bëjnë efekt.
Për 40 vjet ajo ka jetuar me dhimbje të tilla që i përsëriten të paktën 4 herë në javë. Ndonjëherë dhimjet janë aq të forta sa që ajo detyrohet të mbushë lavamanin me akull dhe të zhysë kokën në të për të mpirë dhimbjet.
Mjekët thonë se për 25 përqind të pacientëve me migrenë, ilaçet janë të paefektëshme. Për këtë arsye, Bonie Mur pranoi këshillën e mjekut dhe shkoi tek kirurgu për një operim të thjeshtë në hundë. Operacion që tashmë po bëhet i përhapur.
Doktor Fereidon Behin thotë se njerëzit që vuajnë nga migrena, në se pikën e kontaktit e kanë në hundë, heqja e kësaj pike ka shumë të ngjarë të largojë edhe dhimbjen. Pikë kontakti ai quan vendin ku kockat e brendëshme të hundës takohen me septumin, muri ndarës i vrimave të hundës. Kur kockat e hundës shtyhen pas septumit kjo shkakton dhimbjen e kokës, që bëhet e padurueshme.
Disa mjekët besojnë se operacioni në hundë sjell rezultate të mira në 65 përqind të rasteve, por të tjerë thonë se dhimbjet e migrenës shpesh kthehen edhe pas operimit.
Statistikat tregonë se 80 përqind e amerikanëve që vuajnë nga migrena janë femra. Studimet ende jo të plota tregojnë se gratë preken më së shumti nga kjo sëmudje për arsye të ndryshimeve hormanale në organizmin e tyre. Studimet përfshijnë si shkaktarë edhe menopazën, si dhe përdorimin e ilaçeve kundër shtazanisë, apo shrregullime në orarin e gjumit, përdorimin e tepruar alkoholit dhe çokollatave. Mjekët thonë se shpesh, simptomat e migrenës diagnostikohen gabim si alergji ose sinozit.

[Naki]

Antitrupa kundër Sëmundjeve

Për më shumë se një shekull shkencëtarët janë përpjekur të gjejnë një mjet të efektshëm për të sulmuar agjentët e caktuar që shkaktojnë sëmundje të ndryshme Zhvillimet e sotme bioteknologjike premtojnë ta bëjnë punën e shkencëtarëve më të lehtë.
Një firmë në Kaliforni po përdor pikërisht sistemin mbrojtës të vetë organizmit të njeriut, këtë radhë me ndihmën e minjve, për të zhvilluar kura për sëmundjet më të rrezikëshme.
Aftësia e sistemit imunitar të njeriut për t’u mbrojtur nga sëmundjet dihet, por ndonjëherë organizmi lufton vetveten. Shkencëtarët besojnë se disa sëmundje nga më të rëndat shkaktohen nga prodhimi jo normal i disa proteinave. Po ashtu ata kanë provuar se anti-trupat arrijnë t’i ç’aktivizojnë këto proteina kur antitrupat futen në organizëm në formë ilaçesh.
Doktor Ray Withy i firmës Abgenix thotë se një antitrup shkon në kërkim të objektivit të tij e gjen atë dhe nuk i ndahet. Në provat e deritanishme antitrupat merreshin nga minjtë. Por trupi i njeriut i shikon antitrupat e miut si të huaj. Shkencëtarët pranë firmës Abgenix thonë se kanë arritur t’i ndrysojnë antitrupat e miut duke ia përshatur ata organizmit të njeriut.
Drejtuesit e firmës Abgenix thonë se misioni i tyre kryesor është për të përmirësuar shëndetin e njeriut dhe besojnë se rezultatet klinike të terapisë me antitrupa do të sjellin një kontribut të dukshëm në këtë drejtim.

marrë nga Dodadent.

[Naki]

Shetitja për shëndet të mirë


Nëse dëshironi të largoni peshën e tepërt, të forconi ligamentet, të përmirësoni qarkullimin e gjakut,
shkenctarët këshillojnë një shëtitje të lehtë dhe të rregullt.
Me shëtitje të përditshme në të gjithë trupin gjaku do të qarkullojë njejtë, rregullohet tensioni i gjakut.
Gjatë shëtitjes merrni frymë kryesisht me hundë, vetëm në këtë mënyrë ajri i thithur që kalon në mushkëri
është i nxehtë dhe i pastruar.
Duhet të dallohen ecja e cila mirëmban shëndetin nga jo e cila dëshirohet të arrihen rezulatate estetike. Për
shëndet, person duhet së paku të shëtisë 15 minuta dhe atë me intenzitet normal, çka do të thotë se ecja
nuk duhet të jetë as e shpejtë as e ngadalshme, dhe tempon e vërtetë secili e rregullon sipas kondicionit që
ka.
Nëse me ecje dëshironi të largoni peshën e tepërt, ecjen ditore duhet ta rrisni më së paku 30 minuta në ditë
dhe për dy jaë rezultatet e para janë të dukshme.

[Naki]

Diagnoza e sëmundjes para simptomeve?

Shkentctarët Britanez po zhvillojnë një metodë e cila mjekëve i mundëson identifikimin e sëmundjes para se të paraqiten simptomet e para


Shkenctarët nga 'Defence Science and Technology Laboratory" kanë zbuluar shembuj konkret të aktivitetit imunologjik në stadet më të hershme të infeksionit. Sipas fjalëve të tyre, zbulimi i hershëm i sëmundjeve të ndryshme para se ato të përhapen do të kenë një suskes të madh në shërimin e tyre.
Rezulatet e para janë shpresëdhënëse në zhvillimin e metodave të reja të arritura gjatë përcjelljes së pacientave në repartin intenziv në spitalin "Queen Alexandra" në Portsmouth tek të cilët ishte paraqitur sepsa.
Ata shtojnë se ende do të bëhen hulumtime shtesë për të zhvilluar sa më shumë këtë proces për detektimin e sëmundjes.

marrë nga dodadent

[Naki]

Kanceri i gjirit; Transplantimi i organeve; Vlerat e çajit jeshilAstrit Lulushi
Zëri i Amerikës
18-04-2006

Kanceri i gjirit

Një studim i ri këtu në Shtetet e Bashkuara tregon se një ilaç që përdoret për kurimin e ostoporozës është gjithashtu i efektshëm për kurimin e kancerit të gjirit dhe me më pak ekefkte anësore se sa ilaçi që përdoret aktualisht për këtë sëmundje. Studjuesit e Institutit Kombëtar i Kancerit bënë të njohur dje se provat klinike me rreth 20 mijë gra të moshuara, treguan se ilaçi që përdoret për kurimin e ostoporozës, Raloksifeni, që njihet gjithashtu me emrin Evista, e pakësonte rrezikun e kancerit të gjirit 50 për qind më tepër se sa Tamoksifeni, ilaçi më i fundit kundër kancerit të gjirit. Tamoksifeni është ilaçi i vetëm i miratuar nga qeveria amerikane për bllokimin e kancerit të gjirit, megjithëse dihet se ndonëse rrallëherë, ai shkakton efekte të rënda anësore.


Transplantimi i zemrës

Në Shtetet e Bashkuara, prilli është shpallur muaji i kujdesit për të sëmurët që kanë nevojë për transplantim organesh. Sipas disa të dhënave, rreth 92 mijë amerikanë janë në nevojë për një organ të ri dhe të paktën 6 mijë vetë vdesin në pritje për transplantim, mes tyre 80 janë fëmijë nën 1 vjeç.
Nik e Nejt Draper lindën korrikun e vitit të kaluar. Menjëherë ata u diagnostikuan me një sëmundje të rrallë në zemër e quajtur kardio miopathi apo zmadhim i zemrës. Dhe që të jetonin, ata do të kishin nevojë për transplantim zemre. Nëna e tyre, Nikole thotë se gjendja ishte shumë e frikëshme. Fëmijë binjakë, që të dy me nevojë të domosdoshme për organ të ri. Dy ditë pas lindjes, foshnjet u dërguan në qëndrën mjekësore të universitetit të Kalifornisë në Los Anxhelos, që njihet si një qëndrat më të mira për transplantim zemre në Shtetete Bashkuara.
Doktor Mark Plunket thotë se gjendja ishte shumë e vështirë dhe askush nuk e dinte nëse foshnjet do të jetonin derisa të gjendeshin organet. Pas 7 muajsh në spital, erdhi lajmi se një foshnje 4 muajsh, djalë nga Florida kishte vdekur dhe prindërit e tij, pavarësisht nga dhimbja për humbjen e rëndë, ranë dakord ta dhuronin zemrën e djalit të tyre. Prindërit e foshnjeve binjake u gëzua shumë nga ku lajm. Niku u fut në sallën e operimit, zemra e tij e sëmurë u hoq dhe u zëvëndësua me një zemër të re. Operacioni u krye me sukses, por si me të gjitha transplantimet, problemet dalin më vonë. Doktor Mark Plunket pranë universitetit të Kalifornisë në Los Anxhelos, thotë se brenda 10 – 12 vjetëve, ky fëmijë, Niku, mund të ketë nevojë për një tjetër zemër të transplantuar. Doktor Plunket thotë se problemi kryesor në këto raste është kundërshtimi i organizimit ndaj organit të huaj. Dhe reaksione të tilla vazhdojnë t’i shqetësojë mjekët çdo ditë. Së shpejti, Nik Draper, del nga spitali dhe shkon në shtëpi për herë të parë në jetën e tij. Familjes Draper tani i duhet të presë për një tjetër zemër për djalin tjetër, Nejt, duke e ditur se ata mund të ndeshen me një prej vendimeve më të vështira që prindërve u duhet të marrin. Nëna e tij thotë se organet e Nejtit janë në gjendje të mirë dhe nëse atij i ndodh ndonjë gjë dhe vdes, ata do t’i dhurojnë organet e tij që dikush tjetër të vazhdojë të jetojë.
Ndërkohë, një grup shkencëtarësh po përpiqet për një përqasje ndryshe të problemit të sëmundjeve të zemrës.
Në universitetin e Kolorados, doktoresha Leslie Lieuand kryeson projektin Pajthon. Pajthon është një lloj gjarpëri zemra e të cilit zmadhohet pasi ha ushqim dhe zvogëlohet pas tretjes së ushqimit. Pra tek gjarpëri ndodh femonemi i kardio miopathisë. Mjekja Lieuland thotë se me informatat që ka grumbulluar dhe me kërkime më të thella shpreson t’u vijë në ndihmë njerëzve që vuajnë nga sëmundje të zemrës. Ajo thotë se gjarpërinjtë ashtu si dhe shumë kafshë të tjera kanë aftësi të mëdha rigjeneruese të organeve, aftësi shumë prej të cilave mund t’ i ketë patur edhe njeriu, por i ka humbur gjatë periudhës së evolucionit të tij. E fshehta e këtyre aftësive rigjeneruese e të tjera, thonë shkencëtarët, tek njeriu mund të gjendet në ADN. Me këtë ata kanë parasysh se 98. 5 përqind e kodid gjenetik të njeriut është ende i pa identifikuar, pra nuk dihet se çfarë roli luan dhe shkenca gjenetike ndodhet në hapat e parë të saj.


Vlerat e çajit jeshil

Për shekuj, çaji jeshil ka qënë mister. Tani vlerat e tij shëndetësore janë të njohura gjërësisht, dhe mbi 16 milionë amerikanë e përdorin atë çdo ditë.Sipas statistikave, amerikanët pijnë rreth 4.5 miliardë filxhane me çaj jeshil në vit. Çaji jeshil, përveç shijes së mire, përmban edhe antiokside që mbrojnë organizmin nga kimikate të cilat dëmtojnë qelizat dhe shkaktojnë plakjen. Sipas ekspertëve, pirja e çajit jeshil ndihmon edhe mirëmbajtjen e lëkurës së trupit, duke e bërë atë të duket e re dhe e shëndetëshme. Çaji jeshil gjithashtu ka të ngjarë se forcon kujtesën, tregojnë eksperimentet e kryera në laboratorin mjekësor pranë universitetit Newcastle. Mënyra më e mire për marrjen e dozave të përditëshme antiokside është nëpërmjet frutave dhe perimeve. Por çaji jeshil është mbi të gjitha, thonë ekspertët. Shitja e çajit jeshil zë ofro 13 përqind të tregut të çajit. Për shembull në kafenetë Starbaks, çaji jeshil përmban kalori të pakta. Një filxhan çaji jeshil me qumësht përmban sasi të barabarta antioksidesh me atë të lëngut të portokallit. Kërkesat për çaj jeshil dhe për ushqime të tjera me përmbajtje antioksidesh janë në rritje nga konsumatorët. Për shembulll karamelet e ëmbla pa sheqer e pa kalori tani shiten së tepërmi. Një karamele e tillë përmban sasi antioksidesh të barabartë me dy filxhane çaji jeshil. Tani çaji jeshil përzihet edhe me çokollatë të zezë dhe firmat kozmetike janë optimiste se ky lloj çaji e rinon njeriun, e bën të duket më i ri. Për shembull shkencëtarët në kërkimet e tyre kanë zbuluar se çaji jeshil përmban polithenol, substancë që ndihmon në pakësimin e rudhave të lëkurës të krijuara si rezultat qëndrimit në diell vazhdimisht e për një kohë të gjatë. Çaji jeshil tani është bërë pjesë përbërëse e shumë prodhimeve kozmetike, përfshi kremrat e lëkurës, shampo e të tjera.

[Dijedoni]

Postimi origjinal është bërë nga ARVANITI

Zumba, të dobësohesh nën ritmin e kërcimit

Moda e fundit në botën e fitnesit për atë që është pak dembel dhe jo shume i dhënë pas aktiviteteve fizike, ëshët kërcimi nën ritmet tribale. Nag Zumba tek ajo havajane, nga kërcimi Hilal tek ai afrikan. Për vithe të larta dhe tonike, dmth “braziliane”, mjaftojnë disa ushtrime të "Brazilian Butt Lift" apo "Brazilian Tummy-Tuck", ose ushtrime të Samba Tornado.
Slogani, shumë i gjetur i Zumbës, që në SHBA është e domosdoshme është "it's not a workout, it's a party!" (nuk është lodhje, por festë.) E në realitet bëhet fjalë pikërisht për këtë thotë kush e ka praktikuar;përvec djersitjes, lodhjes, djegjes së kalorive, rregulli për kë kërkon formën e tij më të mirë fizike është qesh dhe kënaqu. Ky kërcim është një kombinim i salsa, merengue e rumba që mësohen nëpërmjet leksioneve të aerobisë dhe bashkon efektet e leksioneve të aerobisë me dinamizmin dhe sensualitetin e kërcimeve jugameriakne, duke tërhequr të gjithë ata që duan të djegin kaloritë e tepërta dhe njëkohësisht të përmirësojën veten me hapa të reja kërcimi.
Prioritet nuk është estetika e pastër por një kompletim i të ndjerit mirë duek u argëtuar. Karakteristika dalluese e kësaj disipline të re aerobike janë variacionet e ritmit që rrisin dhe ulin vazhdimisht frekuencën kardiake duke rritur rezistencën e atyre që e praktikojnë. Rekomandohet për persona të çdo moshe, sepse leksionet e aerobisë praktikohen ne nivele të ndryshme intensiteti. Kështu si pa e kuptuar të gjitha kaloritë e tepërta do digjen dhe ju më shumë sesa lodhur, do jeni argëtuar.

Shumë artkull i qëlluar.Nëse më lejon ,e kam një përmirësim te fjalia IT´S NOT A WORKOUT, IT´S A PARTY ,unë e kisha përkthye kështu: Nuk janë ushtrime por një aheng.work out=ushtrime fizike dhe party=aheng e jo festë.psh aheng mund të organizosh çdo të shtune,mirëpo festa janë data të caktuara psh ditëlindja,dita e flamurit, dita e nënave etj.Të përshendes dhe shkruaj ma shpesh tema të tilla.

[Naki]

Antireumatikët dhe analgjetikët në preventivë ndaj tumoreve

Rezulatet nga studimet e reja, pesëvjecare, tregojnë se përdorimi i antireumatikëve dhe analgjetikëve (NSAR) sic janë ibuprofen, acidi acetilsalicilik mund të zvoglojnë rrezikun nga sëmundja e tumoreve në gji për 71%, ku gjithashtu mund të ndihmojnë në parandalimin e kancerit të prostatës, zorrë së trashë dhe mushkërive. "Ky është studimi i parë i cili tregon se COX-2 bllokatorët kanë efekt kemoproventivë kundër kancerit të gjirit" tha Randall Harris nga Ohio State University.
Në këto studime është hulumtuar veprimi i celokokibës, forekoksiba dhe acidit acetisalicilik në dozë të lartë dhe të ulët të ibuprofenit dhe paracetamolit. Eshtë vërejtur se gratë që kanë përdorë koksibe (celokoksib dhe forekoksib) gjatë dy viteve kanë pasur ulje të rrezikut ndaj sëmundjes së kancerit të gjirit për 71%. Ibuprofen ka ulur atë rrezik për 64% kurse doza e zakonshme e acidit acetisalicilik prej 500 mg ka ulur për 51%.

[Naki]

Lidhja në mes të përdorimit të kompjuterit dhe glaukomës


Përdorimi i shpeshtë i kompjuterit mund të lidhet me rritjen e rrezikut të paraqitjes së glaukomës, posaçërisht tek ata persona shkurtpamës.
Glaukoma është pasojë e dëmtimit të nervit optik, e cila manifestohet me një fushëpamje të mjegullt, dhe e cila nëse nuk shërohet mund të vijë deri te humbja e shikimit.
Hulumtimet të cilat i kanë bërë shkenctarët Japonez nga Universiteti Toho, të cilët kishin përcjellur 10.000 puntorë është konstatuar se personat të cilët përdorin kompjuterin më shumë se 8 orë në ditë kanë më shumë shansë të bëhen shkurtpamës ose largpamës.
Me analizat e mëtjeshme është vërtetuar edhe lidhja e shkurtpamësisë dhe glaukomës.

[Naki]

Mbahet Simpoziumi i Dytë i Nefrologjisë Bashkëpunimi midis Universitetit të Heidelbergut të Gjermanisë dhe Fakultetit të Mjekësisë të Prishtinës, do të jetë afatgjatë dhe ka si qëllim vendosjen e urave të bashkëpunimit të zbatimit të njohurive më të reja në lëmin e nefrologjisë dhe transplantimit në praktikë, u tha sot në hapjen e Simpoziumit të Dytë të Nefrologjisë në Prishtinë. “

Në Gjermani transplantimi i veshkave ka filluar në vitin 1954 ndërsa deri më tani në këtë klinikë janë kryer mbi 2.000 transplantime", tha Nexhat Miftari, mjek në Heidelberg të Gjermanisë. Sipas tij është e pakuptimtë që në Kosovë ende nuk bëhet transplantimi i veshkave. Kirurgët gjermanë janë të gatshëm që të vijnë në Kosovë dhe të ndihmojnë stafin vendorë që të bëjnë transplantimin e veshkave mirëpo për një gjë të tillë duhet krijuar edhe kushte tha Miftari. Martin Zeier, drejtor i Klinikes së Nefrologjisë dhe shef i Qendrës së Transplacionit, në Heidelberg të Gjermanisë tha se në këtë klinikë ka pasur disa pacient nga Kosova të cilët kanë bërë transplantimin e veshkave ndërsa ata sot janë në gjendje shumë të mirë shëndetësore. Dr Zeir tha se ne jemi të gatshëm që të ndihmojmë në shkollimin e mjekëve kosovarë në lëmin e Nefrologjisë dhe Transplacionit. Ky simpozium në të cilin po marrinë pjesë ekspertë të nefrologjisë nga Gjermania, Shqipëria ,Maqedonia dhe Kosova do të vazhdojë edhe nesër kur do të diskutohet kryesisht për dializën dhe transplantimin e veshkave.