Shqiptaret ne SHBA (Boston)

[King_Gentius]

http://www.albeu.com/kosove/presiden...n-nolit/67117/


Presidentja në SHBA, vendos lule te varri i Fan Nolit
04.03.2012,**ora 22:46

*

Në kuadër të vizitës në SHBA, Presidentja e Republikës së Kosovës, Atifete Jahjaga, vizitoi varrin e atdhetarit, publicistit dhe shkrimtarit shqiptar Fan Stilian Noli, në varrezat në Boston, ku vendosi kurorë lulesh.

“Jam e nderuar që jam këtu sot si Presidente e Republikës së Kosovës, të vë një dorë lule mbi varrin e Fan Stilian Nolit, këtij atdhetari, që gjithë jetën ia kushtoi çështjes kombëtare, duke punuar në ngritjen arsimore, kulturore dhe të përgjithshme të shqiptarëve kudo që janë, duke qenë nismëtar dhe veprimtar i flakët i miqësisë sonë të përjetshme me Shtetet e Bashkuara të Amerikës”, tha Jahjaga, pas vendosjes së kurorës me lule, thuhet në një kumtesë të lëshuar nga kabineti i Presidentes.

Ajo më tej tha se Nolin, si ndër themeluesit dhe kryetarët e shoqatës patriotike “Vatra”, të botimit të gazetës “Dielli”, e kujtojmë edhe për veprën madhore të themelimit të Kishës Autoqefale Ortodokse Shqiptare.

Jahjaga vuri një kurorë lulesh edhe tek vendi ku më parë preheshin eshtrat e veprimtarit të shquar Faik Konica, në varrezat në Boston.

Në ditën e parë të qëndrimit në SHBA, presidentja Atifete Jahjaga, mori pjesë në meshë në Katedralen Shën Gjergji, të Kryekishës Ortodokse Shqiptare në Boston të SHBA-së, të drejtuar nga Arqipeshkvi, Ati Arthur Liolin.

Kisha e Shën Gjergjit në Boston është drejtuar nga atdhetari i njohur shqiptar Fan Stilian Noli në fillim të shekullit XX.

Presidentja mbajti një fjalë rasti në Katedralen Shën Gjergji në Boston, me ç’rast vlerësuar lartë punën e komunitetit shqiptar në SHBA dhe kontributin e këtij komuniteti për Kosovën.

[King_Gentius]

http://100.maasbesa.org/


Darkë Festive - 24 Nëntor, 2012 // dyert hapen në 18:00


Shoqata shqiptaro-amerikane e Masaçusetsit "Besa", ju fton në festimin e madh të 100 vjetorit të Pavarësisë së Shqipërisë. Që nga koha e Fan Nolit dhe Faik Konicës, darka e Ditës së Flamurit ka qenë sofra jonë që na mbledh së bashku, dhe ne po e vazhdojmë këtë traditë edhe sivjet. Shqiptarët nga trevat e Shqipërisë, Kosovës dhe Çamërisë, duke u mbledhur së bashku si komb, do të festojnë dhe përkujtojnë ditën kur Ismail Qemali ngriti flamurin shqiptar në Vlorë dhe 569 vjetorin e ditës kur Skënderbeu ngriti flamurin në Krujë.

Programi

Do të jetë një natë e mrekullueshme, me verë e ushqim të shijshëm, muzikë dhe shfaqje të bukura. Bukurije Domi, që do të këndojë këngët e jugut dhe serenatat e Korçës, Përparim Mefaj duke shpalosur këngët e Tiranës dhe Shqipërisë së Mesme, dhe Indrit Mlika, me këngët e tij të Shkodrës, Shqipërisë së veriut dhe Kosovës, do të shoqërohen nga grupi muzikor "Kastrioti" dhe DJ Jani. Gjithashtu, pjesë e programit do të perfshijë vallet dinamike të grupit të valleve "Bashkimi" dhe si gjithmonë, fëmijët e shkollës shqipe "Besa", të cilët me këngën dhe poezinë e tyre do të sjellin krenarinë dhe lumturinë tek të gjithë ne. Po ashtu, atë mbrëmje do të shfaqet një ekspozitë e bukur dhe e veçantë nga piktorët e mirënjohur: Kujtim Buza, Erla Sheh dhe Sokol Buza; fotografi Bujar Veseli; dhe skulptori Arben Laze.



Salla dhe Vendi

Festimi i 100-vjetorit të Pavarësisë do të mbahet në sallën madhështore të vallëzimit të hotelit Boston Park Plaza. I pasur me histori, hoteli Boston Park Plaza & Towers veçohet me një elegancë klasike dhe shërbim personal që vazhdon të tërheqë shumë vizitorë nga e gjithë bota: për biznes, argëtim ose organizime të veçanta. Salla madhështore e vallëzimit, një sallë elegante e sofistikuar me dritare që zgjaten nga dyshemeja deri në tavan, me llampadarë të kristaltë të stilit Baccarat në të dy katet dhe me një shërbim cilësor, është një nga vendet më të përshtatshme për festën tonë të madhe.

Per me shum info ndiqni linkun e mesiperm.

[King_Gentius]

100 vjetori ne Boston, Top Channel clip

http://m.youtube.com/#/watch?v=dUqgckEK1wE