Kronika e zeze

[Kercovari]

Postimi origjinal është bërë nga elvio

Une besoj qe ish nje skice ure me inxhiniere deshtake,edhe me ngjason me histori Portokallie ne Tch

Thonë se Fatos Klosi është drejtor nën hije i TCH sa u përket triller scenareve,dhe duhet të presim diçka më shumë në ardhmen se një Griselda Rroshi.

[Dallandyshja_718]

...kjo e marrt me krye t'vet, se sikleti m'pat hi ate dite qe e lexova lajmin, thashe ku paskemi "arrit" edhe ne shqiptaret...Ksaj duhet me i'a keput gjuhen se nuk po thom tjeter

[elvio]

Postimi origjinal është bërë nga Kercovari

Thonë se Fatos Klosi është drejtor nën hije i TCH sa u përket triller scenareve,dhe duhet të presim diçka më shumë në ardhmen se një Griselda Rroshi.

Kercovari.

Kete qe mora tek ti me duhet te gjej rubriken(kafja e forumit)me teme ''KAM MESUAR,,

Liza me boten e cudirave ekziston

[~AnnA~]

Postimi origjinal është bërë nga valiii

A po dihen motivet e gjithe ketije skenari... Pse duhej te sajonte nje gje te tille... Çfare ishte qellimi?

I hudhet gjithe faji Griseldes, mirepo prapa gjithe kesaj skene qendron bashkeshorti i saj, se eshte e pamundur qe burri mos kete marre vesh qe gruaja nuk na qenka shtatezane, absurditet!!!!
E gjithe kjo eshte e organizuar nga Elvisi, e Grisela vetem nje viktime qe ti thojne te gjithe TURP!
Pale cfare ka dashur te arrij Elvisi me kete gje, ndoshta ti vazhdohet mandati edhe per 4 vite te tjera nga meshira e keqardhja qe do ndjejne qytetaret!!!

Ngulfat për vdekje të dashurën, tenton të vetëvritet

Një i dyshuar, 50 vjeçar, tenton të vetëvritet me armë zjarri në kokë pasi paraprakisht deklaroi se kishte ngulfatur për vdekje të dashurën e tij 44 vjeçare. Rreth orës 19:00 min, Policia e Kosovës në Mitrovicë, ka pranuar një informatë lidhur me një rast të plagosjes me armë zjarri, në tentativë të vetëvrasjes, së një 50 vjeçari, të raportuar të ketë ndodhur në shtëpinë e tij në fshatin Zhabar i Ulët, të Mitrovicës.
Policët e parë intervenues nga stacioni jugu në Mitrovicë, takuan të dyshuarin, A.Ferati, me plagë në kokë, ndërsa i njëjti deklaroi një vrasje të kryer nga ai personalisht në vendin e quajtur "kulumrijat" në fshatin Zhabar. I dyshuari i vetëplagosur, me një plagë në kokë, është dërguar urgjentisht në spitalin e Mitrovicës për t'u transferuar më pas në QKUK Prishtinë për tretman mjekësor ndërsa njësitë tjera policore janë vënë në kërkim të lokacionit, në të cilin sipas të dyshuarit, mund të gjendej trupi i pajetë i një femre. Me ndihmën e banorëve të fshatit Zhabar, Policia e Kosovës, arriti të identifikojë lokacionin ndërsa trupi i pajetë i një femre është takuar e shtrirë për tokë. Vdekjen e viktimës e konfirmoi mjeku kujdestar në vend të ngjarjes. Policia mësoi identitetin e viktimës, Shemsije Hasani, 44 vjeçare, banore e fshatit Çabër të komunës së Zubin Potokut.
Tek viktima vëreheshin gjurmë të përdorimit të forcës, mavijosje në pjesën e fytit, si element i dyshimit të bazuar se e njëjta mund të ketë qenë ngulfatur për vdekje nga i dyshuari i këtij rasti. Një armë e tipit M 70, prodhim jugosllav, që besohet të ketë qenë e përdorur nga i dyshuari për të kryer vetëvrasjen në tentativë, së bashku me një karikator dhe një gëzhojë, janë gjetur dhe marrë si pjesë të provave materiale në këtë rast. Sipas informatave preliminare në këtë rast, besohet se vrasja e femrës 44 vjeçare, ishte e motivuar nga xhelozia.
Trupi i pajetë e viktimës është dërguar në Institutin e Mjekësisë Ligjore në Prishtinë, për obduksion ndërsa me urdhër të prokurorit publik, policia e Kosovës është duke e mbajtur të dyshuarin në masa të sigurisë gjatë trajtimit të tij mjekësor.

[LaCoStA]

Policia e Kosovës sekuestron arsenal me municion dhe armë

Drejtoria për Hetimin e Krimit të Organizuar në bashkëpunim të ngushtë me Drejtorinë Rajonale të Ferizajt gjatë orëve të mbrëmjes së datës (13/06/2011) ka zhvilluar një operacion kontrolli ne fshatin Sevce të Komunës së Shtërpcës.
Gjatë këtij operacioni policor është gjetur dhe sekuestruar sasi e madhe municioni dhe armëve si me poshtë:

Mitraloz kundërajror (komplet me të gjitha pajisjet përcjellëse)

Minahedhës (komplet me të gjitha pajisjet përcjellëse)

Municion për Mitraloz kundërajror 20 mm, 260 copë (2 arka x 100+1 arka x 60 )

Predha për minahedhës 60 mm M-57, 33 copë (2 arka x 12+1 arkë 9)


Armatimi dhe municioni janë prodhim jugosllav
I tërë ky municion i llojeve të ndryshme dhe armët janë gjetur në një objekt të pabanuar- Mulli të ujit jofunksional.
Gjate operacionit ka pasur reagime të banorëve të fshatit në shenjë pakënaqësie lidhur me zhvillimin e operacionit policor, mirëpo situata është menaxhuar mire dhe nuk ka pasur ndonjë incident .
Operacioni është mbështetur gjate gjithë kohës nga Njësitë Speciale Operative , Njësia për Mbrojtje nga Eksplozivet dhe Njësiti i Krimiteknikes.

[Zero Cool]

Itali, mbyten nënë e fëmijë



Një nënë e re kosovare humbi jetën duke u munduar të shpëtojë fëmijën e saj që kishte rënë në lumin Oglio në provincën e Bergamos, ku dy familje kosovare kishin shkuar për të kaluar një pasdite clodhëse.


Vogelushi 12-vjeçar Ermal Zeneli kishte rënë në ujë dhe nëna e tij, Merheme,pa marre parasysh rrezikun dhe megjithese nuk dinte te notonte, ishte versulur drejt femijes se saj, qe po rrembehej nga uji. Pa rezultat përpjekjet për t’i shpëtuar. Familja Zeneli, prindët dhe tre fëmijët, ishin bashkuar prej pak kohësh ne Itali, pasi kryefamijari kishte jetuar per disa vjet vetem ne Bergamo ku punon si murator.

Po planet e thurura për të ardhmen u shkermoqën, të fshira nga rrjedha e ujit. Çdo vit ne Itali vdesin 400 persona nga mbytja. Veren e kaluar, pikerisht ne kete pjese te lumit Oglio jane regjistruar disa viktima, kryesisht te huaj.

[Zero Cool]

Rreh vajzën 3 vjeçare, arrestohet babai






Babai që manifeston dhunë madje ndaj fëmijës së vet trevjeçare është arrestuar të mërkurën në Mitrovicë.

Sipas burimeve policore, me 29 qershor, rreth orës 11:45 te Tunel i Parë të komunës së Mitrovicës, është arrestuar një mashkull shqiptar pasi ai kishte rrahur vajzën e tij 3 vjeçare duke i shkaktuar lëndime të lehta trupore.

Me vendim të prokurorit i dyshuari është dërguar në mbajtje.

Një rast tjetër i dhunës në Mitrovicë raportohet të ketë ndodhur të njëjtën ditë rreth orës 02:30 në rrugën “Luja Braja” në pjesën veriore të qytetit. Dy meshkuj serbë janë sulmuar nga një grup personash të panjohur të nacionalitetit shqiptar.

Policia nuk ka raportuar për të lënduar, kurse me vendim të prokurorit rasti ka shkuar në procedurë të rregullt.

[Zero Cool]

SHBA, nis procesi kundër Betim Kaziut







Shtetasi amerikan, që banonte në Bruklin, Nju Jork, kishte udhëtuar tejoqeanit për t’u bashkuar me grupet e lidhura me al-Kaidën dhe për të vrarë trupa amerikane, me qëllim që të vdiste si martir për fenë e tij islamike, thanë sot prokurorët federalë në fillim të procesit gjyqësor kundër Betim Kaziut, 23 vjeçar, me shtetësi amerikane.

Ai ishte arrestuar në vitin 2009 dhe ishte akuzuar për komplot për t’u bashkuar me një grup të ndërlidhur me al-Kadiën dhe për t’u furnizuar me armatim automatik, për t’i vrarë ushtarët amerikanë, që shërbenin në Afganistan, Irak dhe në Ballkan.

“Al-Kaida dhe organizatat e tjera të jashtme terroriste kanë bërë thirrje për t’i marrë armët në dorë”, tha ndihmës prokurori i SHBA-ve, Seth DuCharme, dhe shtoi se “Betim Kaziu iu përgjigj kësaj thirrjeje”.

Por, Henry Steinglass, avokati i të akuzuarit Kaziu, tha se “dëshmitë do të tregojnë se ekzistojnë edhe interpretime të tjera” të videove dhe të komunikimeve të tjera, e këto do të jenë “intepretime për pafajësi”.

Kaziu, ish rojtar, akuzohet për konspiracion për të kryer vrasje tejoqeanit dhe konsipracion për mbështetje materiale për terroristët. Nëse shpallet fajtor, ai mund të dënohet me burgim të përjetshëm.

Duke i shfrytëzuar informatat nga një shok i udhëtimit të Kaziut, autoritetet federale dhe ato të Nju Jorkut bashkëpunuan me agjentët në Kosovë, për ta arrestuar Betim Kaziun, në gusht të vitit 2009.

“Ky rast është një shembull tjetër i një përpjekjeje ndërkombëtare për t’i hetuar dhe kapur ata që përfshihen në akte terroriste”, ka deklaruar prokurori amerikan, Benton Campbell. “Nuk do të kursejmë asgjë nga përpjekjet tona në këtë rast”.

Campbell falënderoi qeverinë e Kosovës, Departamentin e Shtetit amerikan si dhe zyrën për marrëdhënie ndërkombëtare në Departamentin e Drejtësisë për ndihmën e tyre në këtë hetim.

[Zero Cool]

Vdekja e Emmy-t, 4 dëshmi të reja






Zbardhen katër dëshmi të papublikuara më parë, pjesë e dosjes penale ndaj biznesmenit Aziz Kelmendi i dënuar në Gjykatën e Tiranës për “vrasje nga pakujdesia” ndaj këngëtares Elsina Hidershaj, (Emmy).


Dëshmitë janë në dosjen që deklaroi fajtor biznesmenin dhe e dënoi me 1.4 vjet burg, duke pezulluar vuajtjen në qeli. Ky vendim është zbardhur ditën e djeshme nga Gjykata e Tiranës. Dëshmitë, që i përkasin mikeshave të këngëtares, citohen në vendimin e arsyetuar të gjyqtarit Arben Micko, i zbardhur pak ditë më parë. Në këto dëshmi, zbulohen detaje të marrëdhënies mes biznesmenit dhe këngëtares, si edhe arsyet e acarimit të marrëdhënieve mes tyre, që përfundoi tragjikisht në orët e para të 27 shkurtit të këtij viti në Tiranë, raportoi Panorama.

Elsina Hidersha u aksidentua nga automjeti i drejtuar nga Kelmendi. Ajo ishte kapur me duar te xhami i hapur i anës së shoferit, kur automjeti filloi të lëvizë. Pak sekonda më pas, për shkak të një frenimi të automjetit, ajo u përplas me tokën. Nga plagët e marra, ajo ndërroi jetë pak orë më vonë në spital. Dy javë më parë, Gjykata e Tiranës deklaroi fajtor për ngjarjen të akuzuarin Azis Kelemndi dhe e dënoi me 1 vit e 4 muaj burg. Në të njëjtin vendim, gjykata urdhëroi lirimin e biznesmenit, pasi dënimi i tij u pezullua me kusht që i pandehuri për pjesën e pavuajtur, prej 10 muaj e 7 ditë, të mos kryejë asnjë vepër tjetër penale.

[Zero Cool]

horror ne levan te fierit I riu jeton prej 3 vitesh i lidhur me zinxhir

[elvio]

Postimi origjinal është bërë nga Zero Cool

horror ne levan te fierit I riu jeton prej 3 vitesh i lidhur me zinxhir

Kalon cakun!!!


Ndodh,,,,,,,,,

[Zero Cool]

Rusi: Nëna urdhëroi vrasjen e djalit të saj

Hetuesit rusë thonë se një grua e kishte angazhuar në vrasës me pagesë për ta vrarë djalin e saj 21 vjeçar, për shkak se ai kishte refuzuar ta paguaj kredinë për kompjuter të ri.
Komiteti hetues ka njoftuar se gruaja, 47 vjeçare, dhe djali i saj, kishin pasur mospajtime për shkak se i biri kishte refuzuar ta paguaj kredinë për blerjen e kompjuterit të ri, që e kishte marrë në emër të së ëmës.
Gruaja, emri i së cilës nuk është bërë publik, iu drejtua një personi dhe i ofroi atij më se 12 mijë euro për vrasjen e djalit.
Por, ai në mënyrë sekrete raportoi në polici dhe gruaja ishte arrestuar, derisa ajo e bënte pagesën finale.

[Guri i madh]

Postimi origjinal është bërë nga Hajra

Rusi: Nëna urdhëroi vrasjen e djalit të saj

Hetuesit rusë thonë se një grua e kishte angazhuar në vrasës me pagesë për ta vrarë djalin e saj 21 vjeçar, për shkak se ai kishte refuzuar ta paguaj kredinë për kompjuter të ri.
Komiteti hetues ka njoftuar se gruaja, 47 vjeçare, dhe djali i saj, kishin pasur mospajtime për shkak se i biri kishte refuzuar ta paguaj kredinë për blerjen e kompjuterit të ri, që e kishte marrë në emër të së ëmës.
Gruaja, emri i së cilës nuk është bërë publik, iu drejtua një personi dhe i ofroi atij më se 12 mijë euro për vrasjen e djalit.
Por, ai në mënyrë sekrete raportoi në polici dhe gruaja ishte arrestuar, derisa ajo e bënte pagesën finale.

rasti edhe ma tragjik ka qen ne kosov nji familje nga fush kosova e ka detyrue vajzen me ushturue prostitucion

gjykimi i ksaj familje veq ka vazhdue