Lajme Aktuale....

[Llapjani_HH]

Peci e Majer, qëndrime të kundërta për ndarjen e mundshme të Kosovës

Uashington, 5 shkurt

Gjatë një debati në Uashington, drejtori i Institutit për Studime Politike dhe Zhvillim Lulzim Peci dhe profesori i Universitetit të Mbrojtjes, Stiven Majer, kanë shprehur qëndrime diametralisht të kundërta për ndarjen e mundshme të Kosovës dhe qëndrueshmërisë së saj ekonomike. Lulzim Peci është i mendimit se çështja e Kosovës, një vit pas pavarësisë, ende nuk është mbyllur. Pavarësinë e Kosovës e kanë njhohur 54 shtete, Serbia edhe më tej e mohon, ndërkaq aktivitet e aktuale të komunitetit ndërkombëtar reflektojnë ndarje në Bashkimin Evropian sa i përket pavarësisë, gjë që ndikon në sitiuatën e përgjithshme në Kosovë, ka thënë Peci gjatë një debati të zhvilluar në Institutin Aemerikan të Paqes për të ardhmen e Kosovës. "Pjesa veriore e Kosovës edhe më tej është vatër e incidenteve ndëretnike dhe mendoj se po hyn në status kuonë e re, për shkak të rikonfigurimit kaotik të pranisë ndërkombëtare e cila është rezultat i vërejtjeve të Beogradit, mungesës së vullnetit politik të Brukselit dhe qëndrimit obstruksionist të Kombeve të Bashkuara", kë thënë Peci. Ai ka pohuar se operativistë e shërbimit sekret serb, të ministrisë se brendshme dhe grupeve kriminale që i mbështet Beogradi, bëjnë presion mbi pacicën serbe dhe shkaktojnë incidente në veri të Kosovës. Peci thekson se në jug të Ibrit jetojnë 70 për qind e serbëve që dëshirojnë të mbeten dhe të ndërtojnë jetën e tyr e në Kosovë, tha Peci, njofton "Zëri i Amerikës" (serbisht). Ndërkaq Stiven Majer mendon se ndarja e Kosovës, pas miratimi të planit të të sekretarit të përgjithshëm të OKB prej gjashtë pikash, tashmë ka filluar. "Kosova duhet të ndahet sepse nuk do të mund të funksionojë as në njërën as në formën tjetër. Mendoj se njerëzve që jetojnë në enklavat jugore, dhe kjo ka ndodhur disa herë në të kaluarën, ose duhet ofruar para dhe mbështetje që të shpërngulen, ose komuniteti ndërkombëtar duhet të detyrohet me marrëveshje që t'i mbrojë, nëse mbeten, dhe atëhëre mund të integrohen", mendon Majer nga Universiteti i Mbrojtjes në Uashington.
QIK


Lajiq: Kosova është prioritet i SHBA-së

“Kosova është prioritet absolut i Stejt Departamentit amerikan dhe administratës amerikane”, ka theksuar për mediat serbe Rasim Lajiq, kryetar i Këshillit Kombëtar të Serbisë për bashkëpunim me Tribunalin e Hagës.
Këtë deklaratë zyrtari serb e ka bërë pas kthimit nga Uashingtoni ku kishte biseduar me zyrtarë të lartë të Departamentit Amerikan të Shtetit lidhur me raportet e Serbisë me SHBA-në. Ndërkaq, ministri i jashtëm, Vuk Jeremiq, në deklaratat e tij të bërë mbrëmë në Beograd për televizionin Fox, është shprehur kundër bisedimeve të drejtpërdrejta me përfaqësuesit e Kosovës.
RTK


Dy të arrestuar në veri të Mitrovicës

Në veri të Mitrovicës, arrestohen dy romë. Të dyshuarit, R.G. 21vjeç, dhe D.I. 21 vjeç, të nacionalitetit rom, janë identifikuar dhe zënë në posedim të dy granatave të dorës, në afërsi të kampit të romëve "Osterode", në veri të Mitrovicës.
Arrestimi është kryer pa ndonjë rezistencë. Prokurori publik i Prokurorisë së qarkut në Mitrovicë, ka autorizuar inicimin e paraqitjes penale dhe zhvillimit të hetimeve për vepër penale.
RTK


Serbët në veri protestojnë kundër EULEX-it

Pjesëtarë të komunitetit serb në veri të Kosovës kanë bllokuar magjistralen Mitrovicë-Rashkë që nga ora 11, në shenjë kundërshtimi me, siç thonë ata, "ardhjen e njëanshme" të EULEX-it në vendkalimet kufitare me Serbinë. Ata kanë bllokuar edhe rrugën në dalje të Zveçanit, që çon drejt fshatit Rudarë dhe rrugën që prej Zubin Potokut çon deri tek vendkalimi kufitar Brnjak. Të tri protestat kanë përfunduar rreth orës 12 pas shpërndarjes së qetë të qytetarëve dhe rihapjen e rrugëve për qarkullim të rregullt të trafikut rrugor, ka bërë të ditur policia përmes një komunikate shtypi. Policia e Kosovës e cila ishte përgjegjëse për sigurimin dhe kontrollimin e këtyre protestave nuk ka regjistruar asnjë incident. Protestat e ditës së sotme nuk kanë ndikuar në situatën e përgjithshme të sigurisë e cila konsiderohet të jetë e qetë dhe nën kontroll të forcave të autorizuara të sigurisë në Kosovë, Policisë së Kosovës, Policisë së EULEX-it dhe KFOR-it.
KTV
Poashtu këta shkiet kanë bërë thirrje që të martën me 10 shkurt të marrin pjesë në mënyrë masive në tubimin që organizohet në veri të Mitrovicës.
Athue a guxon Policia e Kosovës me ndërhy me shpërnda tubimin edhe me përdor forcën siq veprojshin me Shqiptarët kur ishte rasti i tre maunave?


Shqipëria bojkoton Izraelin - Kredi nga Banka Islamike

Qeveria do të respektojë rregullat e Organizatës së Konferencës Islamike dhe vendos të bojkotojë prodhimet dhe kompanitë izraelite.

Shqipëria vendos të bojkotojë prodhimet dhe kompanitë izraelite, duke u rreshtuar krah vendeve anëtare të Organizatës së Konferencës Islamike. Vendimi është konkretizuar në një klauzolë të posaçme të marrëveshjes që qeveria ka nënshkruar me Bankën Islamike për Zhvillim, për lëvrimin e një kredie me vlerë 8,6 milionë dinarë islamikë, shumë e përafërt me 13.3 mln USD. Fondi do të shkojë si investim për projektin e furnizimit me ujë dhe shërbime sanitare për zonën bregdetare të Orikumit, pranë Vlorës. Për lëvrimin e kësaj kredie, Banka Islamike i ka vendosur një kusht politik dhe jo financiar qeverisë shqiptare, dhe që lidhet pikërisht me bojkotin e Izraelit. Kusht, të cilin Tirana zyrtare e ka pranuar plotësisht. Në seksionin 2.02, të nenit 2, të kësaj marrëveshjeje të paprecedent, të paraqitur për miratim në Parlament, citojmë shprehimisht se: "Qeveria respekton Rregullat e Organizatës së Konferencës Islamike në lidhje me bojkotin e Izraelit".

Bojkoti i Izraelit, sipas rregullave të Konferencës Islamike, përfshin të gjitha prodhimet dhe shërbimet izraelite si dhe institucionet akademike, kulturore, sportive dhe ekonomike. Marrja e këtij vendimi nga kjo Organizatë është bërë, citojmë: "Në mënyrë që t'i bëhet presion tregtar ndërkombëtar Izraelit ndaj dhunës gjysmëshekullore që ushtron përmbi popullatën palestineze".

Objekti i projektit është sigurimi i një furnizimi të pandërprerë me ujë të pijshëm të banorëve të Orikumit dhe përmirësimi i kushteve të mjedisit, nëpërmjet ndërtimit të një rrjeti furnizimi me ujë dhe shërbimesh sanitare në zonën e projektit. Pjesë të tij janë Dukati i Vjetër, zona turistike Llogara, Dukati i Ri, Tragjasi, Orikumi, Radhima e vija bregdetare turistike Radhimë-Orikum. Kostoja totale e projektit është 16.5 milionë USD që do të bashkë financohet nga Banka Islamike për Zhvillim, me 13.3 milionë dollarë dhe nga qeveria shqiptare, me 3.1 milionë dollarë. Ai do të zbatohet nga Ministria e Punëve Publike, Transportit dhe Telekomunikacionit dhe është parashikuar të realizohet brenda një periudhe katër-vjeçare. Marrëveshja mes qeverisë shqiptare dhe Bankës Islamike për Zhvillim u paraqit për miratim edhe në Parlament. /GazetaShqiptare/BalkanWeb
Mesazhi.com

[Llapjani_HH]

Ish pjestarët e TMK protestë për përbërjen e Forcave të Sigurisë së Kosovës

Mbi 300 ish pjesëtarë të Trupave Mbrojtëse të Kosovës kanë protestuar sërish para Shtabit të Përgjithshëm të Forcës së Sigurisë së Kosovës, të pakënaqur me mënyrën e përzgjedhjes së pjesëtarëve të FSK-së. Ish pjesëtarët e TMK i kanë bërë thirrje qeverisë që të përmbushë kërkesat e tyre ndërsa kanë kërkuar dorëheqjen e ministrit të Forcës së Sigurisë Fehmi Mujota, komandantit të FSK-së, Sylejman Selimi dhe zëvendësit të tij, Rrahman Rama, për shkak të lëshimeve të bëra.

"Qëllimi i protestës është, me qenë se nuk janë realizuar kërkesat tona që kemi kërkuar përgjegjësi prej institucioneve më të larta të vendit dhe ndërkombëtare për përzgjedhjen që është bërë për pjesëtarët e FSK-së, kërkojmë që dorëheqje morale të atyre pjesëtarëve që kanë qenë pjesë e bordit seleksionues", tha Muhamet Gubetini, Ish Kapiten në TMK.

Sipas protestuesve, një numër i pjesëtarëve të FSK-së janë përzgjedhur pa përmbushur kriteret, madje disa pa iu nënshtruar as testit mjekësor. Një pjesë e tyre, sipas protestuesve, testin mjekësor e kanë bërë vetëm të premten në qendren mjekësore të KEK-ut në Kastritot, rreth dy javë pasi janë bërë anëtarë të FSK-së. Nëse deri të hënën qeveria nuk përmbush kërkesat e ish pjesëtarëve të TMK-së, ata kanë paralajmëruar vazhdimin e protestave nga dita e martë, deri në përmbushjen e tyre. Më shumë se gjysma e 4.000 ish pjesëtarëve të TMK-së nuk kanë gjetur vend në Forcën e Sigurisë.
ALSAT


Opozita në Kosovë front të përbashkët kundër koalicionit qeveritar

Opozita në Kosovë ka krijuar një front të përbashkët kundër koalicionit qeveritar, ndërsa e kanë akuzuar për keqqeverisje, korrupsion dhe drejtim autoritar të shtetit, e cila, sipas tyre, ka sjellë dëme të mëdha vendit.

"Rritje të varfërisë duke përfshirë afro gjysmën e popullatës dhe rritje të varfërisë së skajshme në afor 20 për qind; Vonesa enorme të mëdha, me efekte destabilizuese në funksionimin e të gjitha shtyllave të sigurisë; shëndetësi para kolapsit total, me shërbimet më të dobëta mjekësore të njohura deri më sot dhe ngecje totale në përkrahje të zhvillimit shkencor", tha Nexhat Daci, Kryetar i LDD-së.

Paritë opozitare kanë kërkuar me forcë mbajtjen e zgjedhjeve këtë vit. "Mbajtja e zgjedhjeve parlamentare si strategji dalës nga kriza e krijuar, në një periudhë kohore sipas marrëveshjes së përbashkët, midis koalicionit qeverisës dhe partive opozitare", tha Ramush Haradinaj, Kryetar i AAK-së. "Esenca, qëllimi i nënshkrimit të kësaj deklarate ka qenë se pavarësia do të thotë një fillim i ri, një legjitimitet i ri, një fillim i implementimit të kushtetutës së Kosovë, fillim i implementimit të ligjit zgjehdor. Kjo ka qenë kuptimi i asajdhe kemi qenë të vetëdijshëm për sfidat që gjenden para Kosovës dhe me këto sfida ësht]ë dashur të përballen institucionet e Kosovës që kanë para vetës një mandat të qartë dhe afatgjatë", u shpreh Agim Çeku, Kryetar i PSD-së.

Ish kryeparlamentari Daci, dhe ish kryeministrat Haradinaj dhe Çeku bashkë me kryetaren e ORA-s Teuta Sahatçia kanë nënshkruar marrëveshje për të pasur një zë të përbashkët kundër koalicionit PDK-LDK ndërsa në takim nuk ka qenë e pranishme AKR,e cila njihet për afërsinë me kryeministrin Thaçi.
ALSAT

[Llapjani_HH]

Dyfishohen sëmundjet nga uraniumi i varfëruar

Mjeku Nebojsha Sabljak, president i “Merciful Angel”, thotë se vetëm në rajonin e Mitrovicës, kanë vdekur 12 ushtarë serbë, të cilët kishin shërbyer në Koshare, i cili u bombardua rëndë nga NATO-ja. Ai beson se këto sëmundje janë shkaktuar nga “rrezatimi prodhuar nga bombardimet e NATO-s dhe përdorimi i municionit me bomba dhe uraniumit të varfëruar”

Numri i sëmundjeve që lidhen me ekspozimin në uranium të varfëruar, në disa pjesë të Kosovës, është shtuar më shumë se dyfish pas bombardimeve të NATO-s të vitit 1999, ku është përdorur arma e diskutueshme, tregon një raport i një organizatë joqeveritare.

Në disa pjesë të Kosovës, numri i sëmundjet, duke përfshirë edhe kancerin ka shënuar rritje për 200 për qind në 10 vitet e fundit, thotë një raport i lëshuar të premten nga organizata “Merciful Angel”, me qendër në veri të Mitrovicës.

Organizata ka hetuar për 10 vitet e fundit efektet e rrezatimit dhe përdorimit të uraniumit të varfëruar mbi popullsinë e zonës.

“Ishim të tronditur. Një numër i madh i të rinjve erdhi duke kërkuar ndihmë”, u ka thënë gazetarëve Nebojsha Sabljak, president i “Merciful Angel”, i cili me profesion është mjek.

Ai ka saktësuar se shumica prej tyre janë ish-ushtarë serbë, të cilët kishin shërbyer në Koshare, vend në kufi me Shqipërinë, i cili u bombardua rëndë nga NATO-ja.

Ai tha se 80 për qind e pacientëve me shpejtësi kishin rënë në peshë, ishin ankuar për lodhje dhe kishin filluar të kenë probleme me shtypje të gjakut. Vetëm në rajonin e Mitrovicës, 12 ushtarë të cilët kishin shërbyer në Koshare kanë vdekur, sipas Sabljakut.

Ai beson se këto sëmundje janë shkaktuar nga “rrezatimi prodhuar nga bombardimet e NATO-s dhe përdorimi i municionit me bomba dhe uraniumit të varfëruar”.

Ekspertët serbë kanë dekontaminuar zonat e prekura me uraniumit të varfëruar në Serbi. Por ata nuk kanë pasur qasje në Kosovë, i cili u vu nën kontrollin e Kombeve të Bashkuara në vitin 1999 dhe vitin e kaluar e deklaroi pavarësinë, shkruan Adnkronos International (AKI).

NATO e ka pranuar përdorimin e uraniumit të varfëruar në bombardimet e saj. Mediat italiane ka raportuar se 45 ushtarë italianë, të cilët kanë shërbyer në forcat ndërkombëtare në Kosovë (KFOR), menjëherë pas bombardimeve, tashmë kanë vdekur, ndërsa 515 thuhet se janë diagnostikuar me kancer.

Sabljak tërhoqi vërejtjen se Organizata Botërore e Shëndetësisë nuk duhet të mbyllë sytë para këtij problemi me përmasa alarmante. (AKI)
Gazeta Expres

[Llapjani_HH]

Shkupi tradhton Kosovën në Beograd

Shqipëria ka qenë vendi i vetëm i rajonit që ka kundërshtuar miratimin e një deklarate të përbashkët të vendeve të rajonit për integrimet evropiane ku ishte anashkaluar Kosova si shtet, ndërsa delegacioni nga Shkupi i ka dhënë dritë jeshile projektit serb Zëvendëskryeministri për eurointegrime, Ivica Bocevski i ka dhënë mbështetje deklaratës së propozuar serbe për proceset eurointegruese të rajonit, ku Kosova ishte përjashtuar totalisht si shtet rajonal. Ky skandal ka ndodhur në kuadër të takimit rajonal të vendeve të Evropës Juglindore në Beograd. Zyrtarët Maqedonas nuk kanë komentuar këtë veprim që bie ndesh me vendimin shtetëror për njohjen e shtetësisë së Kosovës. Në komunikatën zyrtare të kabinetit Bocevski theksohet se në takimin rajonal të vendeve të Evropës Juglindore kushtuar ardhmërisë evropiane është diskutuar integrimi i përgjithshëm i rajonit në BE, por nuk jepen sqarime për shkeljen e bërë ndaj Kosovës.
radio-vizioni.com


Cërvenkovski: Shqiptarët mund të kërkojnë ndarjen e Maqedonisë

"Shqiptarët mund të kërkojnë ndarjen e Maqedonisë, nëse kjo e fundit nuk heq dorë nga beteja e saj rreth Maqedonisë antike."

Shqiptarët mund të kërkojnë ndarjen e Maqedonisë, nëse kjo e fundit nuk heq dorë nga beteja e saj rreth Maqedonisë antike, duke rrezikuar kështu procesin e integrimeve euroatlantike, deklaroi presidenti Branko Cërvenkovski.
"Në një moment, përfaqësuesit e partive politike shqiptare mund të dalin me qëndrimin se, ne nuk duam ta rrezikojmë të ardhmen tonë evropiane ose euro-atlantike për shkak të betejave tuaja rreth Maqedonisë antike, kjo betej është juaja, kjo është një betejë që ne nuk dëshirojmë të marrin pjesë dhe nuk duam ta paguajm çmimin për këtë gjë", deklaroi për televizionin A1, presidentin i Maqedonisë, Branko Cërvenkovski. Ai tha se nuk e dëshiron këtë, dhe nuk pajtohet me këtë qëndrim, mirëpo qëllimi i tij është të paralajmëroj se një rrezik i tillë ekziston. (INA)
Mesazhi.com


Kosovë. Raporti për deputetet: Opozita më e angazhuar në seanca parlamentare

Deputetët e opozitës janë angazhuar më shumë nëpër seancat e Parlamentit të Kosovës,ndërsa partitë në pushtet kanë heshtur në ngritjen e problemeve.Një raport rreth performancës së deputetëve kosovarë i botuar nga Instituti Demokratik tregon se Parlamenti i Kosovës është treguar jotransparent ndaj opinionit duke fshehur procesverbalet.

"Riza Smaka, Driton Tali dhe Gjylnaze Syla vazhdojnë të tregojnë rezultate të kënaqshme në të gjitha kategoritë e vlerësimit. Ky fletënotim tregon edhe për nëj kategori të deputetëve të cilët nuk kanë shënuar rezultate edhe në këtë gjashtëmujor kështu që KDI ka evidentuar se në mesin e këtyre deputetëve shumë deputetë që mbajnë dy poste: në legjislativ dhe në ekzekutiv", u shpreh Fitore Zeneli.Koordinatore.IDK.

Në kategorinë e deputetëve pasivë janë radhitur vetë kryeministri Hashim Thaçi,zëvendëskryeministri Ramë Manaj,ministrat Skënder Hyseni, Enver Hoxhaj e Fatmir Limaj si dhe disa deputetë nga blloku qeveritar. Driton Selmanaj shpjegon arsyet pse deputetët opozitarë janë treguar më aktivë në seancat e Kuvendit.

"Format më të rëndësishme për ta kontrolluar qeverinë janë interpelancat dhe pyetjet parlamentare dhe ata e shfrytëzojnë këtë të drejtë. Partitë në pushtet nuk bëjnë shumë pyetje për koalicionin qeverisës", tha Driton Selmanaj.Analist.KDI. Hajredin Kuçi,Adem Salihaj,Driton Tali e Riza Smaka janë ndër 11 deputetët të cilët nuk kanë munguar në asnjë seancë të Parlamentit , ndërsa deputeti Sabit Rrahmani nuk ka qenë i pranishëm në asnjë seancë parlamentare.Këtij të fundit, në një seancë të fund të vitit 2008 i është marrë mandati i deputetit për shkak të hetimeve për disa vepra penale.
ALSAT


Mungesa e kodit, vendi humb miliona

Republika e Kosovës ende i paguan para Serbisë për telefoninë

Një vit më parë, qeveritarë të Kosovës dhe zyrtarë të PTK-së patën deklaruar për "Kosova Sot" se brenda nëntë muajve Kosova do ta kishte kodin e vet telefonik. Kanë kaluar edhe 12 muaj, por kjo gjë ka pak gjasa të ndodhë, sepse, për t'u anëtarësuar në ITU, Kosovës i duhet një mbështetje edhe politike e dy të tretave të vendeve anëtare të OKB-së

Në mungesë të kodit telefonik, Kosova ende i paguan Serbisë dhe Monako Telekomit miliona euro në vit. Kostoja e përdorimit të këtyre kodeve Kosovës i kushton deri në 30 milionë euro në vit. Vetëm në këtë aspekt, nga viti 1999 e deri më sot, vendit i janë shkaktuar dëme ekonomike mbi 300 milionë euro. Përkthyer në shifra, kjo do të ishte baras me një termocentral apo hidrocentral me kapacitet 250 megavat orë. Po ashtu, nëse këto fonde për dhjetë vjet do të përdoreshin për infrastrukturën rrugore, paramendoni se sa rrugë të reja do të ishin shtruar, nëse vetëm vitin që shkoi, sipas MTPT-së, janë shtruar apo rinovuar 600 km rrugë.

Mungesa e vullnetit
politik
Një burim i njohur për gazetën ka deklaruar se sa i përket kodit telefonik, nuk është punuar sa duhet dhe nuk ka vullnet politik as nga qeveritarët aktualë. Një nga zgjidhjet, sipas tij, për të shpëtuar milionat e kosovarëve që të mos i paguhen Serbisë, ka mundur të bëhet nëpërmjet interkoneksionit me Shqipërinë. ''Ekziston një trase kabllore edhe me Shqipërinë dhe ka mundur të bëhet shumë kollaj, po të ekzistonte vullneti politik", ka thënë ai. Sipas tij, kjo do të ndodhë shumë shpejt, nëse kjo korporatë privatizohet. Burimi ka theksuar se pengesat më të mëdha janë politike. "Për të marrë kodin, pengesat më të mëdha janë nga ITU-ja. Praktikisht, Kosova nuk mund të marrë kodin pa u njohur nga shumica e vendeve anëtare të ITU-së dhe të OKB-së, ndërsa matematika e votave në këto asociacione, bazuar në numrin e vendeve që kanë njohur Kosovën, për momentin nuk është në favorin tonë". Ai ka vlerësuar se kjo gjë ka qenë më lehtë e mundshme të bëhet nën UNMIK-un sesa tani që Kosova është e pavarur. "Ka qenë e mundshme që të aplikohet për një kod të përkohshëm dhe të vazhdohet nga ajo pozitë. Para disa vjetësh, ekspertët në PTK i kanë humbur edhe vendet e punës, vetëm pse kanë iniciuar këtë çështje shumë të rëndësishme. Ndoshta ju kujtohet shkarkimi i Bedri Ramës dhe i shokëve të tij. Tani është e pamundur të sigurohen dy të tretat e votave të vendeve të OKB-së. Ndërsa kjo ka pak mundësi të ndodhë në një të ardhme të afërt". Burimi ka nënvizuar se edhe nëse lobohet në këtë aspekt, dikujt i preken interesat ekonomike. Ndërsa për mundësinë teknike për t'u lidhur me Shqipërinë ai ka theksuar se mjafton vetëm vendimi dhe vullneti politik, por kjo nuk bëhet, sepse dikujt brenda në Kosovë i rrezikohen interesat e ngushta.

Premtimet e Ministrisë
Lidhjen me një vend tjetër, eksperti i telekomunikacioneve, Mejdi Xhokli, e ka vlerësuar shumë të mundshme. Kjo ka mundur të bëhet shumë herët dhe kjo nuk bëhet vetëm për shtetet. "Kjo mund të bëhet qoftë edhe për një anije të caktuar. Kjo çështje është më shumë e karakterit politik". Ai ka shtuar se para disa vjetësh kemi pasur një kod të rezervuar, por është penguar nga delegacioni kinez që ka qenë kryesues i ITU-së". Sipas tij, nuk është kusht i domosdoshëm përqindja e votave brenda ITU-së. "Mund të merren kode të përkohshme, për të cilat nuk mund të pengojë askush". Tani, sipas tij, është një mundësi dhe një argument më shumë, sepse nëse Serbia mund të bllokojë mallrat e Kosovës, kjo është një alibi e mjaftueshme që ne të shkëputemi dhe të ndërlidhemi me Shqipërinë ose Maqedoninë, pa asnjë problem. Kjo do të bëhej nëse Qeveria do të përgatiste një konsulencë profesionale, se cili nga shtetet ofron shërbimet më të mira dhe të pranohet një kod me kushte më të volitshme", ka thënë ai.
Zëvendësministri i MTPT-së, Adem Grabovci, për "Kosova Sot" është shprehur se aplikacioni për kodin e telefonisë është përgatitur nga njerëzit më profesionistë që ka ministria. Sipas tij, bisedimet janë duke u zhvilluar në atë drejtim. Grabovci nuk ka dhënë datë e as afate, por është shprehur i bindur se Kosova do të bëhet me kod telefonik në afatin sa më të shpejtë të mundshëm. Zëvendësministri Grabovci kështu u pat përgjigjur edhe para një viti. Ai ka shtuar se kjo gjë nuk varet drejtpërdrejt nga MTPT-ja. "Janë shumë faktorë, por para së gjithash duhet të aderosh në organizatat ndërkombëtare, të cilat po na kushtëzojnë shumë me njohjen e Kosovës si shtet në OKB. Megjithatë, ne po përpiqemi të gjejmë forma të tjera për të siguruar kodin tonë apo numeracionin telefonik". Se deri ku kanë shkuar përpjekjet për të siguruar kodin, Grabovci nuk ka dhënë hollësi të tjera, përveç asaj se po bëhet çmos që të sigurohet kodi.
I. GASHI
Kosova Sot

[Llapjani_HH]

Problemet me kodin shtetëror

Republika e Kosovës edhe pak ditë mbush njëvjetorin e lindjes, por telashet e saj në zbatimin e kushtetutshmërisë nuk kanë të ndalur. Edhe pse Kushtetuta e Kosovës hyri në fuqi qershorin e kaluar, ajo nuk po zbatohet në gjithë territorin e shtetit kosovar. Veriu i Kosovës ende nuk është futur nën kontrollin e shtetit, plani 6-pikësh po zbatohet, që do të thotë se po e anashkalon Kushtetutën e vendit, kurse Republika nuk po mund t’i tregojë muskujt në rastin e shkeljes së Marrëveshjes së CEFTA-s nga ana e Serbisë dhe e Bosnjës.
Shteti i ri është në hall edhe me kodin telefonik. Kosova, ndonëse shtet i pavarur, vazhdon t’i paguajë Serbisë miliona euro në vit, për shkak të mungesës së kodit shtetëror telefonik. Zyrtarët qeveritarë, megjithëse patën premtuar se brenda 9 muajsh pas pavarësisë Kosova do ta kishte kodin, kjo ende nuk ka ndodhur. Dhe me gjasë, kjo nuk do të ndodhë edhe për shumë kohë.
Kosova tashmë është shtet dhe ajo duhet ta tregojë fuqinë e saj. Pengesat për kodin telefonik, sikurse edhe ajo për moszbatim të Marrëveshjes së CEFTA-s, tregojnë qartë se Kosova nuk është duke e aktivizuar sa duhet diplomacinë e saj. Diplomaci nuk do të thotë vetëm të hapësh disa ambasada në botë, të presësh në mos ndonjë ishull do të na njohë pavarësinë ose që të presim e të përcjellim zyrtarë të lartë shtetesh perëndimore, sa për të dalë para kamerave televizive. Diplomacia shtetërore kërkon që të mbrohen interesat e vendit dhe të qytetarëve, sa herë që ato pretendojnë të shkelen. Interesi i shtetit kërkon që vendi ynë ta ketë kodin telefonik, pa të cilin humbim në vit 30 milionë euro. Për këtë vend të varfër, ku qytetarët ballafaqohen me probleme të mëdha sociale, 30 milionë euro janë shumë.
Zyrtarët më të lartë shtetërorë duhet të tregojnë se kanë vullnet politik për t’i zgjidhur problemet e qytetarëve dhe t’i mbrojnë interesat e shtetit. Mjaft lëshime i janë bërë deri më tash Serbisë. Një ditë duhet t’u thuhet stop këtyre gjërave.
Kosova Sot

[Llapjani_HH]

Ivanovic: Digjni doganat

Mbi 2.000 protestues serbë kanë kërkuar të martën që Parlamenti i Serbisë, ditën e shpalljes, sipas tyre, “ilegale” të pavarësisë së Kosovës, të mbajnë një seancë parlamentare në veri të Mitrovicës, përmes së cilës do t’i dëshmonte popullit serb se janë me ta, ndërkohë që u është bërë thirrje publike qytetarëve serb t'i djegin sërish pikat doganore në kufirin Kosovë-Serbi.

Në protestën e organizuar nga “Këshilli nacional serb” dhe “Komunat serbe të veriut të Kosovës”, është kundërshtuar vendosja e pikave doganore 1 dhe 31, krijimi i FSK-së dhe vendosja e EULEX-it në atë pjesë të Kosovës.

Radenko Nedelkovic, i ashtuquajtur përfaqësues i rajonit të Mitrovicës, tha se ata që kanë marrë pjesë në formimin e FSK-së janë të shantazhuar, dhe ka kërkuar nga përfaqësuesit ndërkombëtar që ta shpërbëjnë këtë forcë ushtarake, e cila sipas tyre, paraqet kërcënim për sigurinë e rajonit.

“Ajo çka na brengos është se pjesëtarët e KFOR-it dhe të NATO-s po ndihmojnë edhe në formimin, edhe në pajisjen e këtij formacioni. KFOR-i direkt është pozicionuar në anën e shqiptarëve”, tha Nedelkovic.

Ndërkaq, “kryetari” i Komunës së Zubin Potokut, Slavisha Ristic, theksoi se me formimin e FSK-së është shkelur mbi Rezolutën 1244 të KS së OKB-së dhe se nëse tentohet që kjo forcë të vendoset në veri, “...banorët do ta mbrojnë këtë territor”.

Ndërkaq, vendosja e doganës në pikat administrative në Jarinë dhe Bërnjak nga ana e EULEX-it, sipas tij, është e papranueshme për serbët, sepse shkel marrëveshjen 6-pikëshe dhe tregon njëanshmërinë politike të EULEX-it për krijimin e një shteti tjetër në Ballkan.

Kryetar i “Këshillit nacional Serb”, Milan Ivanovic, tha se shfaqja e doganierëve të EULEX-it në pikat administrative në veri të Kosovës, është një nga hapat për vendosjen e doganave, por që kjo nuk do të lejohet pa marrëveshje ndërmjet UNMIK-ut dhe Beogradit.

Publikisht, Ivanovic të martën u bëri thirrje serbeve që t’i djegin prapë dy pikat doganore në veriun e Kosovës, gjegjësisht në kufirin Kosovë-Serbi.

Pjesëtarë të policisë së Kosovës të stacionit veri, kanë siguruar mbarëvajtjen e protestës, derisa njësitë e specializuara të policisë së Kosovës dhe atyre të EULEX-it, e po ashtu edhe trupa të KFOR-it, kanë qenë në gjendje gatishmërie në anën tjetër të lumit Ibër. (Kosovalive)
Gazeta Exprex

[Dani11]

Letër e intelektualëve muslimanë Obamës
Letër e hapur e 39 intelektualëve myslimanë kryetarit të ri të Amerikës Barack Hussein Obamës.
E hënë, 09 Shkurt 2009 10:39

Në emër të Allahut, Mëshiruesit, Mëshirëbërësit
Ekselenca e tij: kryetarit amerikan Barack Hussein Obamës

Në mëposhtë të nënshkruar, dijetarë, intelektualë, politikanë, jurist dhe punëtorë tjerë akademik nga vendet myslimane, shfrytëzojmë zgjedhjen tuaj për kryetar të SH.B.A., t'u drejtohemi si njeri humanist, dhe që nëpërmes teje t'i drejtohemi popullit amerikan, sepse ju jeni kryetari i saj dhe gëzoni besimin e tyre.

Shpresojmë që ekselenca juaj me kujdes do ta lexojë këtë letër në tërësi dhe që më parë presim qëndrimin tuaj objektiv dhe të paanshëm në interes të tërë njerëzimit.
Zotëri kryetar,

Ekselencës suaj do të dëshironin t'ua paraqesim qëndrimet tona për shumë çështje që janë të interesit të përbashkët dhe që kanë ndikim të madh në botë.

Para se të fillojmë të flasim për këtë, ju drejtojmë urimet e përzemërta popullit amerikan për shkak të këtij gjesti historik të bërë me zgjedhjen tuaj si kryetar - nga inati i oponentëve racistik të cilët bënë çdo gjë që të ndalin zgjedhjen e një njeriu me prejardhje afrikane.

Kjo, padyshim është sukses i madh. Këtë fakt mund ta kuptojnë ata të cilët e kanë të afërt historinë amerikane - zhvillimin e saj dhe ndryshimet e saj por njëkohësisht ky sukses vë në përgjegjësi të madhe dhe tejet serioze në supet tuaja në krahasim ma ata që mendojnë që shpresat e tyre me ardhjen tuaj në shtëpinë e bardhë do të realizohen. Kjo përsëri është përgjegjësi ndaj tërë botës në të cilën Amerika është lojtari kryesor - e para se fletët e zbrazëta të historisë të filloni t'i shkruani me shenja të ndritshëm ose të errët dhe të zi mu sikur ato që i shkruajti kryetari i kaluar George W. Bush.
Zotëri kryetar,

Na lejoni t'i parashtrojmë disa prej problemeve të cilat do të dëshironim t'i ndanim me ju. Këto janë të përmbledhura në këto pika vijuese:
1. Ju ftojmë juve dhe popullin tënd të keni kujdes në rëndësinë e bashkëpunimit me të gjithë popujt tjerë me qëllim të arritjes së interesave të përbashkët, në mënyrë që t'i kundërviheni rreziqeve të përbashkëta siç janë problemet ekologjike, paqja, vlerat morale, mbrojtja e etikës, të drejtat e njeriut, energjia, zhvillimi, lufta kundër epidemive dhe katastrofave natyrore, por pa diskriminim, pa propagimin e vizioneve individuale ose ideologjive, dhe pa privilegj në dobi të interesave të popujve të caktuar. Ju bindim ekselencën tuaj që bashkëpunimi për mirëqenien e njerëzimit është esenca e mësimit të fesë sonë.

Allahu i Plotfuqishëm në Kur'an thotë:
". . . Ndihmohuni mes vete me të mira dhe në të mbara, e mosni në mëkate e armiqësi . . ."
(El - Maide, 2)

Përsëritim që popujt muslimanë posedojnë moral dhe potencial material dhe janë të furnizuar me elementet e fuqisë të dukshëm dhe të fshehtë të cilët i kualifikojnë që të jenë partnerë kyq në formimin e ardhmërisë në botë. Përveç kësaj ju bindim juve, që injorimi i popujve tanë ose të drejtave të tyre në vetpërcaktim ose kryerjen e tradhëtive me të cilat sulmohen interesat e tyre ose okupohen vendet e tyre ose cungohen liritë e tyre, nuk mund të ekzistojë. Populli ynë mysliman fton në bashkëpunim reciprok të bazuar në barazi, por njëkohësisht ai në të njëjtën kohë do të luftojë me të gjitha mjetet e mundshme kundër çdo përpjekje që të ç'rrënjoset ose zhduket identiteti i tyre ose të privohen resurset e tyre.

2. Nga përgjegjësia jonë si myslimanë ne nuk i frikësohemi askujt përpos Allahut të Plotfuqishëm, lajmërojmë ekselencën tuaj dhe popullin amerikan që besojmë fuqishëm në të drejtën e të gjitha religjioneve, kulturave dhe civilizimeve dhe shoqërive në dallime dhe zgjedhje të lirë.
Allahu i Plotfuqishënë Kur'an thotë:
"Në fe nuk ka dhunë . . ."
(El - Bekare, 256)

Gjithashtu, ju lutemi të mos lejoni këso të drejte dhe bëhuni të bindur që sjellja e modelit amerikan në pjesët tjera të botës me forcë, presion dhe frikësim, vetëm do të thellojë krizën botërore dhe konfliktet dhe e para që do të goditej me këtë është mu Amerika. Dëshirojmë që t'ju përkujtojmë që logjika historike, sikurse as tradita, nuk lejojnë vazhdimësi as fitore të qasjes së këtillë, çfarëdo fuqi materiale të ketë apo çfarëdo slogane botërore të bartë. Padyshim situata të cilën globalizimi gjeneralisht ka arritur, e sidomos situata e brendshme amerikane paraqet argument të gjallë për atë që dëshirojmë t'u themi atyre që dëshirojnë të ballafaqohen me faktet dhe kthehen në realitet nga iluzionet e vetmashtrimit.

3. Ju përkujtojmë juve, zotëri kryetar në bazë të religjionit dhe kulturës sonë, që civilizimi nuk mund të lulëzojë, nëse në paqe dhe siguri në botë nuk mund të arrihet, nëse drejtësia nuk dominon në tokë dhe nuk dominon në marrëdhëniet në mes njerëzive. Ne sinqerisht mendojmë që secili person i kuptueshëm thellë në vete beson që asnjë popull tjetër gjatë historisë nuk ka përjetuar padrejtësinë sikur ajo e bërë ndaj popullit palestinez.
Ky fakt, ndoshta ka qenë i injoruar nga ana e SH.B.A. si shkas, qoftë financiar, politik, qoftë presioneve mediale për shkak të iluzioneve ideologjike, legjendave ose ambicjeve zgjedhore.
Zotëri kryetar,

Mos prisni marrëdhënie normale me arabët dhe myslimanët dhe ata që përpiqen për të vërtetën dhe drejtësi në botë, nëse nuk mënjanohet padrejtësia e bërë ndaj popullit palestinez, para se gjithash e përkrahur nga SH.B.A. dhe të drejtat dhe toka e tyre t'u kthehet. Suvernitetin e Irakut dhe Afganistanit nuk e mbajnë popujt e tyre dhe nëse nuk kompenzohen humbjet e tyre që na janë bërë, dhe nëse forcat okupuese kryqtare nuk largohen nga tokat e okupuara. Këto forca kanë kthyer kujtimet e luftave të kryqëzatave të shekullit të mesëm dhe në luftërat koloniale dhe rifillimin e armiqësive në mes popujve në botë.

Zotëri kryetar,

Ata që i kanë të njohura faktet historike e dijnë që popujt tanë janë lojal i miqve të tyre, të dashur ndaj atyre që i respektojnë dhe të përkushtuar ndaj aleatëve të tyre. Por, ata nuk i përulen okupatorëve të tyre ose dorëzohen agresionit dhe asnjëherë nuk pranojnë nënçmim - me dëshirë e marrin lirinë me forcë se sa të fitojnë duke u përulur.

Padyshim situata momentale e rezistencës së okupimit në vendet myslimane, Palestinë, Irak, Afganistan, është udhërrëfyes i mjaftueshëm për Amerikën që thellësisht dhe me sinqeritet të vlerësojë metodat e saj të pronës me njerëzit në botë, gjeneralisht, e sidomos me popujt mysliman.

SH.B.A. si superfuqi kryesore duhet të lirohet nga diktatura e lobit cionist kur është në pyetje marrrëdhënie ndaj botës myslimane dhe duhet të kuptojnë që interesat reale të popullit amerikan qëndrojnë në bashkëpunimin me një miliard e gjysëm mysliman, në mënyrë që të përkrahet drejtësia dhe e drejta.

Gjithsesi, ky qëndrim kërkon një lloj trimërie të udhëheqjes amerikane - që të vendoset mbi interesat personale dhe partiake.
Zotëri kryetar,

Nëse amerikanët nuk mund ta përkrahin të drejtën dhe drejtësinë, më e pakta që mund të pranohet nga ata është mosanimi. Përkrahja e juaj padrejtësisë dhe okupimit do të nxitë rezistencë dhe udhëheqë neve kah ajo që ne tërë këtë ta vëzhgojmë.

4. Nuk ka dyshim, zotëri kryetar, që ju keni rrjedhur nga bashkësia multikulturale, djalë i grupeve të ndryshme etnike prejardhja e së cilës rrjedhë nga zezakët, të cilët kanë vuajtur për shkak të padrejtësisë, eksploatimit dhe diskriminimit racor, bile edhe për më tepër, ju jeni ekspert i punëve legjislative dhe të avokaturës - të kthyer kah drejtësia, dhe nuk ka dyshim të dini që drejtësia nuk mund të arrihet nëse nuk arrihet barazia në ndarjen e pasurisë, dhe nuk mbrohet eksploatimi dhe plaçkitja e pasurive të popujve.

VAZHDON....

[Dani11]

Ekselenca juaj, pa mëdyshje do të pajtohet me ne që popujt e botës së tretë nuk kanë vuajtur nga plaçkitja e pasurisë dhe eksploatimit të resurseve të tyre dhe sulmeve në suvernitetin e tyre në të njëjtën mënyrë sa kanë vuajtur nga kompanitë e mëdha multiuniversale amerikane të cilat kanë pushtuar shtete dhe rrëzuar regjime dhe ngulfatur çdo përpjekje të vendosjes çfarëdo qoftë rezistence popullore për mbrojtjen e pasurive të këtyre vendeve.
A thua ne dhe tërë bota kërkojnë të fillojë faza e re e cila shpreh drejtësinë në ndarjen e pasurive dhe pjesëmarrjen në zhvillimmin e tërë botës por pa mobilizim të institucioneve financiare ndërkombëtare që shërbejnë për plotësimin e interesave amerikane - siç janë organizimi tregtar Botëror, Banka Botërore, fondi monetar Ndërkombëtar dhe institucionet e tjera të cilat janë themeluar vetëm për atë që fuqive të mëdha t'u mundësohet, sidomos SH.B.A-së, të kontrollojë pasuritë e shteteve të pazhvilluara.
Padyshim, ekselenca juaj është e vetëdijshme për faktin që eksploatimi i njerëzve dhe plaçkitja e pasurisë së tyre, shkaku kryesor i luftërave të mëdha, krizave të mëdha e të pandershme të cilat kanë lëvizur dhe rrjedhur nga SH.B.A.


Zotëri kryetar,

Ftojmë Amerikën, që kur kjo përjeton krizën e thellë financiare që të fillojë të gjejë disa solucione në legjistativin financiar dhe qasjeve ekonomike të popujve tjerë dhe të cilët mund të kontribojnë që Amerika ta tejkalojë krizën e saj financiare dhe situatën katastrofale në ekonomi - e cila kthen botën prapa për disa decenie.

Këtu theksojmë rolin e sistemit banker islam dhe qasjes ekonomike islame i cili është i lavdëruar nga ekspertet e vjetër dhe me përvojë e të paanshëm të ekonomistëve perëndimor.

5. Zotëri kryetar,
Liria është instiktive për gjithë njerëzit dhe kjo është një prej vlerave të përbashkëta që e ndajnë të gjithë popujt, bile edhe nëse ata dallojnë në konceptet e tyre për liri dhe vëllimin e saj. Edhepse Amerika, vendi i cili thërret në liri dhe respektimin e të drejtave të njeriut, më shumë se asnjë vend tjetër në botë, dhe në praktikë më së shumti rrënojnë të drejtat e njeriut, dhe marrin lirinë e njerëzve, për çfarë kanë bërë luftëra më shumë se vendet tjera, kanë bërë gjenocid, burgosur paligj dhe maltretuar njerëzit.
Për më tepër, kjo është e dukshme në përkrahjen e regjimeve diktaturiale, tradhëtive kundër demokracive në rritje, puqeve ushtarake të planifikuara duke mos përfillur organizatat ndërkombëtare. Popujt në botë që kanë vuajtur shumë për shkak të kësaj politike amerikane presin në kredibilitetin tuaj dhe çfarë do të bëni ju në këtë kontekst - a do të jeni njeri i etikës, principeve dhe ëndërrave, siç keni premtuar popullit tuaj dhe botës, apo do të jeni të ndikuar nga dëshirat e njerëzve afarist dhe nënshtrimit të presioneve të lobistëve cionist dhe organizatave të fshehta.

Zotëri kryetar,

Ju me siguri, jeni të vetëdijshëm për faktin për marrjen e vendit të caktuar pozitiv në histori, nuk është e mjaftueshme që vetëm të klithen slogane pozitive - përveç nëse nuk paraqiten në realitet dhe ju me siguri e dini që karakteri në historinë e secilit udhëheqës në masë të madhe përcaktohet edhe nga kualiteti i ekipit të tij.

6. Në bazë të fesë sonë dhe principeve, ne ftojmë në dialog ndërkulturor, ndërfetar dhe ndërcivilizues.

Allahu i Plotfuqishëm në Kur'an thotë:
"Ithtarët e librit mos i polemizoni ndryshe (kurr i thirrni në fenë tuaj) vetëm ashtu si është më së miri . . ."
(El - Ankebut, 46)

Për më tepër ne respektojmë diturinë dhe pranojmë të vërtetën nga cilido burim.

Allahu i Plotfuqishëm në Kur'an thotë:
"Thuaju: "Sillni argumentin tuaj (çka thoni) po qe se jeni të drejtë."
(El - Bekare, 111)

Ne fuqishëm e hudhim idenë e konfliktit të civilizimeve dhe mitin për fundin e historisë - që të dyja kanë rrjedhur nga kultura amerikane.

Allahu i Plotfuqishëm në Kur'an thotë:
"Thuaju (o i dërguar): "O ithtarë të librit (Tevrat e Inxhil), ejani (të bashkohemi) te një fjalë që është e njëjtë (e drejtë) mes nesh dhe mes jush: Të mos adhurojmë, pos All-llahut, të mos ia bëjmë Atij asnjë send shok, të mos e konsiderojmë njëri - tjetrin zotër pos All-llahut!"
(Ali Imran, 64)

Dialogu fiton rëndësinë dhe produktivitetin nëse mendohet si mjet i lejuar nga dy palët. Por, nëse njëra palë praktikon okupimin dhe invadimin, atëherë nuk ka mënyrë tjetër për palën tjetër përveç rezistencës, xhihadit dhe luftës për liri me të gjitha mjetet.

Me siguri, rezistenca në disa vende myslimane është rezultat i agresionit, padrejtësisë dhe tiranisë, të praktikuara ose sponzoruar nga SH.B.A. dhe këto rezistenca nuk shkaktojnë dhunë dhe terror - si disa qarqe në Amerikë dëshirojnë të proklamojnë.

Për këtë, nëse disa rezistenca ju brengosin dhe ju dëshironi të vie deri te paqja, duhet të përfundoni okupimin dhe t'ua ktheni popujve lirinë she suvernitetin e tyre.

Zotëri kryetar,
Popujt tanë ëndërrojnë për bashkim, liri, pavarësi, të drejtat e njeriut, siguri, progress dhe prosperitet - si të jetë e mundur, shumica nga këta popuj beson se Amerika është pengesa kryesore që të realizohen këto ëndërra dhe ne besojmë që ekselenca juaj si kryetar, nuk mund të kundërshtojë autenticitetin e disa prej këtyre padive, e që është shkas që disa prej këtyre popujve kanë tendencë që të qëllojnë Amerikën me të gjitha mjetet.
Ne shpresojmë dhe sinqerisht ju ftojmë që ju të bëheni ai i cili do të fillojë tipin e ri të interaksionit në marrëdhëniet e SH.B.A.-së dhe popujve të botës myslimane.


Vazhdon....

[Dani11]

7. Ekselenca juaj, kryetar,
Ne sot mund të flasim për marrëdhëniet mysimano-amerikane e jo ta përmendim atë që është e lidhur me terrorizmin, të cilin ia ka imponuar Amerika botës. Në këtë kontekst do të dëshironim ta tërhiqnim vëmendjen tuaj në sa vijon:

a.) Ne, paraprakisht fesë sonë dhe nga prespektiva islame, tërësisht refuzojmë frikësimet e të pafajshmëve, keqpërdorimin ose vrasjet - për ne kjo është korrupsioni në tokë, e që është njëra prej fatkeqësive më të mëdha që kemi.

b.) Do të dëshironim të tërheqim vëmendjen në faktin që qëndrimi i islamit ndaj luftës dhe betejës - nëse është e domosdoshëm në mbrojtjen e të drejtës dhe si mbrojtje nga padrejtësia - ka principet morale dhe ligjore të cilët bëjnë që në këtë luftë dhe betejë njeriu të jetë i mëshirshëm sa të jetë i mundur. Duke respektuar këtë, islami ndalon caqet joushtarake dhe shkatërrimet, rrënimet masovike dhe agresionin e paarsyeshëm.
Gjithashtu, islami kërkon plotësimin dhe respektimin e marrëveshjes si dhe marrëdhënie humane ndaj të robëruarve, si dhe mbrojtjen e të drejtave të qytetarëve. Në këtë themel ne bëjmë dallimin në mes terrorizmit të ndaluar dhe të rezistencës legjitime dhe ne fuqishëm e hudhim që rezistenca legjitime e okupimit të shikohet si terrorizëm.

c.) Dëshirojmë që juve t'ju përkujtojmë në qëndrimin e shumë personave akademik të spikatur në Amerikë dhe Evropë, të cilët bindin se ngjarjet e 11 shtatorit 2001 nuk kanë qenë asgjë tjetër përveç dramë e fabrikuar nga disa fuqi me ndikim në Amerikë në bashkëpunim me Mosadin izraelit. Tërë këtë e kanë bërë me qëllim që të gjejnë shkas për të filluar luftën e tretë botërore të cilën e kanë planifikuar dhe përcaktuar si dhe caqet e caktuara.
Edhepse dijetarët islam, shtetet dhe njerëzit e gjykuan atë që ndodhi në shtator 2001, SH.B.A. nga prapa mobilizoi shumë shtete, diç me dëshirë e diç me forcë dhe fillon luftën kundër islamit si fe, kundër myslimanëve si individ dhe si grup popujve, institucioneve, kulturës dhe historisë. Ishte kjo luftë që rrënoi pushtete, u okupuan vende, theu njerëz, prishi të gjitha konventat morale dhe legale ndërkombëtare - luftë në të cilën miliona myslimanë u vranë dhe u dëbuan nga tokat e tyre, qindra mijë njerëz u vendosen në burgje të fshehta dhe publike ku të gjitha të drejtat e njeriut u rrënuan, qytete dhe xhamia u rrënuan, Kur'ani Fisnik u ofendua, ndërsa me ligje kombëtare u përdoren armët e ndaluara.
Ka qenë e qartë që nga dita e parë që kjo luftë e ndyrë në të cilën Amerika hyri, ka qenë e bazuar në gënjeshtra dhe paqartësi. Zotëri George W. Bush me shkas ishte nën presion që të pranojë që lufta në Irak ka qenë e bazuar në shënime të gabuara dhe ne besojmë që drejtësia e Zotit nuk do të lejojë që tiranët t'i shmangen dënimit. A thua të presim që Amerika t'i proceson dhunën dhe dënimin për veprat e tyre?

d.) Asnjëherë nuk do të kemi sukses të ç'rrënjosim atë që është e njohur si terrorizëm, nëse nuk besojmë dhe praktikojmë të vërtetën, objektivitetin, paanësinë dhe transparencën gjatë kërkimit të shkaseve të tij - atëherë do ta disfatojmë.

Me siguri që cilido qoftë fenomen social ose kulturor do të shumohet dhe vazhdojë përderisa shkaset për të cilat ai është këtu janë prezent.
Ne jemi të bindur që shkaku kryesor i urrejtjes së dhunshme dhe të thellë ndaj Amerikës në botën myslimane dhe tjetër kund, është agresioni i saj direkt në botën myslimane dhe përkrahja e saj e pakufishme që ajo i ofron secilit agresion kundër myslimanëve.

Ekselenca juaj mundet përsëri të rishikojë qëndrimin amerikan ndaj rezultave të cilat kanë të bëjnë me arabët dhe Izraelin - për të parë qartë standartet e dyfishta të Amerikës dhe që të pyetet a është kjo që duhet bërë.
Shumica e shteteve në botën myslimane nuk ju flet juve të vërtetën nga frika, presioni apo dëshira për sponzorizimin amerikan. Por, për shkak të humanitetit, ne juve, zotëri kryetar, me plot objektivitet ju bindim - marrëdhënia në mes SH.B.A. dhe botës myslimane nuk mund të jetë normale nëse agresioni kundër kundër myslimanëve nuk ndalet dhje nëse ndaj tyre nuk vendoset marrëdhënia fer dhe e barabartë. Kjo tani është në duart tuaja.

Nëse ndërmerrni hap në këtë drejtim, me siguri do të arrini sukses të paparashikuar në skenën amerikane.

Zotëri kryetar,
Ne besojmë që arsenali bërthamor vdekjeprurës i Izraelit të cilin Amerika ia ka dhënë Izraelit, paraqet kërcënimin më të madh terroristik për popujt tanë dhe për tërë botën. Kjo përkrahje e pakufishme e Izraelit rezulton me prishjen e të gjitha të drejtave ndëkombëtare dhe vlerave, dhe fut në bërjen e formave më të rënda të terrorizmit kundër popullit të paarmatosur palestinez.
Ju bindim, me një këshillë të vogël, që përdorimi i forcës, shtypja, përkrahja e Izraelit dhe pranimi i disa grupacioneve shekullore, nuk do të bëjë asgjë tjetër përveç komplikimit të krizës dhe nxitë konfliktin. Me siguri, drejtësia, ndershmëria, objektiviteti dhe mënjanimi i padrejtësisë paraqesin ruajtësit më të mirë të mbrojtjes së sigurisë nacionale amerikane.
A do të filloni ju në këtë drejtim? Kjo është ajo që ne shpresojmë.
Nënshkruesit e letrës:
Shejh Jusufi Kardawi, dr. Rashid El-Ganoushi, dr. Kazi Husejn Ahmed, dr. Fet'hi Jakan, Ebu Lubaba Et-Tahir Husejn, dr. Ahmed Bajatili, dr. Ahmed El-Rajsuni, dr. Ahmed El-Kattan, dr. Aliffdin Et-Turabi, dr. Teufik Jusuf El-Vai dhe 29 dhe dijetarë tjerë myslimanë.


Përktheu dhe përshtati: Prim.dr.med.sc. Ali F. Iljazi

[Llapjani_HH]

Heqja e flamurit kosovar në takimin e Aviacionit Civil, reagime të ashpra

Heqja e flamurit të shtetit të Kosovës nga tryeza e takimit të Organizatës të Aviacionit Civil,të mbajtur në Tiranë,për shkak të kundërtshimit të Serbisë ka ngjallur reagime të ashpra në Prishtinë.Kjo ka qenë edhe pyetja e parë me të cilën është ndeshur ambasadori i sapoemëruar i Shqipërisë në Kosovë,Islam Lauka, i cili ka realizuar takimin e parë zyrtar me shefin e diplomacisë kosovare Skënder Hyseni.

"Informacion zyrtar unë nuk kam. Është hera e parë që po dëgjoj tani. Por kush ka qenë organizatori ka shumë rëndësi, sepse që është mbajtur në Tiranë, nuk do të thotë se ka qenë organizator. Pse është hequr dhe në ç'kushte është hequr, me cfarë argumenti.Argumenti qe ata përdorin është se derisa është UNMIK-u, i cili herë shkon dhe herë nuk shkon, atëherë të qëndroi UNMIK-u dhe përfaqësuesi i Kosovës të marrë pjesë në tavolinë por jo me flamurin e Kosovës. Gjithësesi heqja e flamurit sipas meje, në një takim të aviacionit civil nuk e ul dhe nuk e zbeh atë që spo thash. Në qoftëse merr pjesë në CEFTA e cila është organizatë e fuqishme dhe e njohur tashmë", u shpreh Islam Lauka.Ambasador i Shqipërisë në Kosovë.

"Duke patur paraysh rrugën krejt të vecant që ka ndjekur Kosova deri te pavarësia e saj për Kosovën nuk është kurrëfarë befasie që Serbia do të ndjek përpjekjet e saja të dështuara që ta pengojë procesin e konsolidimit të shtetësisë dhe sovranitetit të Kosovës. Këto janë pëpjekje të dështuara sepse Kosova me njohje që ka fituar dhe që po fiton akoma më shumë po ecën sigurt drejt integrimit dhe anëtarësimit në të gjitha strukturat ndërkombëtare", tha Skënder Hyseni.Ministër i Punëve të Jashtme të Kosovës.

Zyrtarët e institucioneve kosovare ende nuk kanë marrë një shpjegim zyrtar për shkaqet e heqjes së flamurit të Kosovës nga tryeza e takimit të Organizatës së Aviacionit Civil, ku delegacioni kosovar ka vazhduar të marrë pjesë edhe pas heqjes së tij.
Bul Salihu
ALSAT

[Llapjani_HH]

Kosova heq dorë nga masa e reciprocitetit

Kosova nuk do ta zbatojë masën e reciprocitetit ndaj mallrave të Serbisë dhe Bosnjës, thonë zyrtarë të Ministrisë së Ekonomisë. Ekspertë të çështjeve ekonomike dhe përfaqësues të bizneseve e konsiderojnë të padrejtë vendimin e tillë.

Përfaqësues të Qeverisë së Kosovës thonë se nuk do të hyjnë në gara, siç i quajnë ata, të dështuara me Bosnjë e Hercegovinën dhe Serbinë, sa i përket masës së bllokadës për produktet që këto dy vende ua kanë vënë Kosovës që nga 3 dhjetori i viti të kaluar.

Ministri i Ekonomisë dhe Financave, Ahmet Shala, potencon se masa absolute e reciprocitetit është një vendim që Qeveria e Kosovës nuk e konsideron si adekuat, masë kjo e cila nuk do ta zgjidhë ketë problem mes këtyre dy vendeve.

"Sa i përket embargove, janë mënyra të cilat nuk kanë sjellë lumturi te popujt e këtij regjioni, por vetëm ngatërresa. Qeveria e Kosovës ka një filozofi konform sjelljeve të qytetëruara", thotë minstri Shala.

Megjithatë, ai konsideron se qytetarët e Kosovës me sjelljet e tyre dhe në të mirë të vendit të vet, do ta bëjnë përzgjedhjen më të mirë dhe më të përgjegjshme për produktet që ata konsumojnë.

Paralajmërime të bllokimit të mallrave të Serbisë dhe Bosnjë e Hercegovinës, zyrtarët e Qeverisë kanë dhënë prej dhjetorit 2008, kur ishte bllokuar nga Serbia dhe Bosnja eksporti i prodhimeve kosovare, por një gjë e tillë deri më tani nuk ka ndodhur.

Ministri Shala konfirmon se në bashkëpunim me mekanizmat ndërkombëtarë, janë në rrugë të duhur për eksportimin e produkteve të Kosovës në këto dy vende.

"Ne do t’i përzgjedhim rrugët e fundit diplomatike, do t'i përzgjedhim të gjitha mënyrat që të mos luajmë me lojëra të vjetra dhe të mos biem në grackat që disa mendje të krisura në Ballkan ende i përdorin. Por, nëse këto mënyra nuk rezultojnë me rezultatet, do të veprojmë si shtet", thotë ministri.

Ndërkohë, ekspertë për çështje ekonomike shtyrjen e këtij vendimi e quajnë humbje të madhe për Kosovën, si në aspektin ekonomik, ashtu edhe politik. Eksperti për çështje ekonomike, Ibrahim Rexhepi, shpjegon:

"Mosmarrja e këtij vendimi është shumë e padrejtë. Qeveria e Kosovës duhet të identifikohet dhe të marrë forcë që të tregohet si një shtet, i cili kërkon ndikimin dhe hisen e vet në relacionet qoftë ekonomike, apo politike në rajon", tha Rexhepi.

Megjithatë, ai thekson se ndoshta embargoja do të ishte një masë radikale, një masë e cila nuk ka dhënë efekte të mëdha kudo qoftë që është aplikuar, mirëpo Kosova duhet të marrë vendim, duke aplikuar masa fiskale apo doganore që t'i kundërpërgjigjet qëndrimit të Bosnjës dhe Serbisë.

Në anën tjetër, Agim Shahini, kryetar i Aleancës Kosovare të Biznesit, thotë se mosmarrja e masës së reciprocitet për këto dy vende, të cilat ua kanë vërë embargo produkteve të Kosovës, është marrë nën presionin e faktorit të jashtëm.

"Qeveria e Kosovës, edhe këtë radhë, këtë vendim e ka shtyrë, për shkak të presionit ndërkombëtar që është bërë ndaj institucioneve tona. Por, ky presion nuk është i drejtë, pasi që një presion i tillë do të duhej të bëhet për të dyja palët dhe jo vetëm për kosovarët", thotë Shahini.

Megjithatë, zoti Shahini thotë se institucionet e Kosovës duhet të marrin ndonjë vendim tjetër, duke mos njohur origjinën e produkteve të këtyre dy vendeve, në mënyrë që produktet t'u nënshtrohen proceduarve të doganimit të mallrave.

"Kosova është duke humbur shumë, për shkak të embargos. Bizneset e Kosovës janë të detyruara të bëjnë alternativa të ndryshme për eksportimin e mallrave të tyre dhe që po kushtojnë shumë", tha ai, duke shtuar se institucionet e Kosovës duhet që në të ardhmen me dialog ta zgjidhin ketë problem dhe këto barriera të eliminohen nga këto dy vende fqinje.

Ndryshe, eksporti i Kosovës në Serbi është shumë i ultë, krahas importit. Gjatë vitit 2007, Serbia kishte eksportuar në Kosovë mallra në vlerë prej 220 milionë eurosh, ndërsa kishte importuar vetëm 9.5 milionë euro. Ndërsa, në vitin 2008, eksporti serb në Kosovë ka rënë në 148 milionë euro dhe po ashtu ka shënuar rënie edhe importi, ku deri në muajin nëntor, 2008, ka qenë 7.5 milionë euro.
Radio Evropa e Lirë

Qysh nuk po ju vjen marre me rrejt?!
Jo kena me i ba bllokadë ekonomike serbis e tash jo se me këtë mënyrë nuk ka zgjidhje.
Po pse po rrejn niher e tani po kthehen e po i bien pishman?!
Nuk po dojn me e prishë shoqnin me shkie që e kanë, apo po tuten prej shkieve?!
Oj qeveri, qysh nuk po ju vjen marre qa jeni tu ba?
Ani tash kishe po festojn njëvjetorin e pavarsis, po pse nuk po i dilni zot kësaj pavarsie por po luan gjithkush me juve?!

[Llapjani_HH]

Xhepi më i rëndësishëm se pavarësia

Nga Ardian Jasiqi më 18.02.2009 në ora 13:20

Asnjë nga yjet kryesor të estradës kosovare nuk e panë të denjë për të dalë dhe kënduar në sheshin Nëna Terezë për Ditën e Pavarësisë se Kosovës.

Me përjashtim të Leonora Jakupit dhe disa këngëtarëve të reja, që kanë filluar të bëjnë emër, si Dafina Zeqiri, që ishin të pranishëm, aty munguan Genta Ismajli, Adelina Ismajli, Zanfina Ismajli, Sabri Fejzullahu me djalë, Sinan Vllasaliu dhe shumë të tjerë.

Duket se estrada kosovare më shumë ka shikuar si ta pasuroj xhepin e vet në Ditën e Pavarësisë se sa të bashkohet me gëzimin e qytetarëve të saj në ditën më të madhe të tyre, atë të pavarësisë se vendit.

Koncerti ke sheshi ka filluar me grupin e mirënjohur pejan, NRG Band, të cilët kanë kënduar dy këngë. Pas tyre në skenë është paraqitur këngëtari i ri Blero që po ashtu ka kënduar dy këngë.

Këngëtarja e re dhe seksi, Bubulina Krasniqi, ka ndezur paksa publikun në shesh, por sa vlen kjo ku pas pesë këngëve të muzikës bashkëkohore ka dal në skenë këngëtari i muzikës popullore, “Malsori”.

Ndoshta, organizimi i tillë nuk do ia vlente të mbahet fare, aq më pak ku ai nuk ka pas skenar. Prej një zhanri muzike kalohej në një zhanër tjetër. Prej muzikës rok këndonin Motrat Mustafa, kurse prej teknos dilnim tek ndonjë grup rok, apo rep.

I pari i komunës se Prishtinës, Isa Mustafa, ka qenë ai që i ka uruar qytetarët e Kosovës për Ditën e Pavarësisë. “Urime kjo ditë e madhe”, ka thënë Mustafa.

Gazeta Expres

[Llapjani_HH]

Vala shkon në Shqipëri

Operatorit Vala iu lejua nga qeveria që të futet në një konzorcium për të marrë pjesë në garën për licencën e telefonisë së katërt mobile në Shqipëri. Vala do të përbëjë 30 për qind të konzorciumit

Nga Arben Hyseni më 19.02.2009 në ora 11:00
Qeveria e Kosovës i ka lejuar Postës dhe Telekomit të Kosovës të futet në tregun e telefonisë mobile në Shqipëri. Konkretisht në konzorcium me kompani tjera. Në këtë rast, operatori Vala do të përbëjë 30 për qind të konzorciumit. Kjo u pranua në qeveri një ditë pasi që Bordi i PTK-së kishte bërë kërkesë t’i lejohet kjo shtrirje.

Këtë projekt, në mbledhjet e qeverisë, të mërkurën e paraqiti Ministri i Ekonomisë dhe i Financave, Ahmet Shala, njëherë edhe kryesues i Këshillit Ndërministror për Ndërmarrjet Publike. Ai tha se PTK i ka bërë tashmë të gjitha përgatitjet për të investuar në tregun e telefonisë mobile në Shqipëri. Ky shtet para disa ditësh ka shpallur konkursin për telefoninë e katërt mobile. Aty pretendojnë të futen edhe shumë kompani telefonike tjera nga regjioni dhe Evropa, në mesin e të cilave do të futet edhe Vala.

“Neve kërkesa na ka ardhur nga drejtuesit e Postës, prandaj si këshill kemi paraparë që qeveria është mirë të lejojë këtë investim”, tha ministri Shala.

Sipas tij, kjo do t`i ndihmonte shtrirjen e kapitalit të kësaj kompanie dhe do ta rriste vlerën në tregun ndërkombëtar. Ai tregoi se nuk është definuar ende çështja e shumës për investime. Në këtë fazë asaj vetëm i është dhënë leja për futje në konzorcium.

Drejtuesit e Postës kanë deklaruar më herët se nëse të gjitha punët shkojnë siç duhet, atëherë Vala do të jetë kompania e parë e cila investon jashtë Kosovës.
Drejtori i PTK`së, Shyqyri Haxha, tha se aktualisht bëhet fjalë për formimin e një konsorciumi për t`u futur në konkurrencë për marrjen e licencës së katërt të telefonisë mobile në Shqipëri. Ai thotë se ende nuk mund të flitet për shumën dhe mënyrën e investimeve.

Në anën tjetër, Organizata Antikorrupsion – Çohu ka akuzuar për pazare të dyshimta me kompaninë më fitimprurëse në vend. Përmes një deklarate kjo organizatë ka thënë se qeveria po vazhdon të bëjë marrëveshje të fshehta në emër të kompanisë më fitimprurëse publike.

“Me iniciativën e fundit, qeveria po vazhdon veprimet joligjore duke kërcënuar shkatërrimin e kësaj kompanie për shkak të mostransparencës në vendimet e saja”, thuhet ne komunikatë.

Çohu e lidh këtë investim me takimet e fshehta të kryeministrit Thaçi, i cili në një storie televizive është parë duke dalë nga një lokal i rrugicave të kryeqytetit të Maqedonisë.

http://www.youtube.com/watch?v=BYED5...eature=related

“Informacionet nga brenda procesit flasin për mundësinë që milionat e PTK`së të investohen nga Shqipëria në një konzorcium me kompaninë QTU, kompani e blerë nga Delta Holding që është në pronësi të milionerit serb Miroslav Mishkoviq”.
Sipas informacioneve të siguruara, “Delta Holding” e milionerit serb ka blerë rrjetin e supermarketeve në Shqipëri, pronar i të cilave ka qenë kompania amerikano-zvicerane QTU.

Në Shqipëri operojnë për momentin tre operatorë të telefonisë mobile me çmime dy deri në tri herë më të larta se në Kosovë.
Gazeta Expres


S’ka zbritje, por ngritje

Sindikata e autoshkollave të Kosovës hedh poshtë deklaratat e zyrtarëve të MTPT-së se kinse do të ketë zbritje për patentë shofer deri në 35 për qind. Kryetari i Sindikatës tregon vendimin e Fatmir Limajt, sipas të cilit, çmimet si për orë trajnuese, ashtu edhe për provim, do të ngrihen dhe nuk do të zbriten

Nga Besiana Xharra më 19.02.2009 në ora 12:27
Zyrtarë të Ministrisë së Transportit dhe Postë Telekomunikacionit kanë deklaruar se prej muajit prill të këtij viti, për të gjitha pajisjet për marrjen e patentë shoferit, çmimet e tyre do të zbriten deri në 35 për qind. Duke filluar prej orëve trajnuese nëpër autoshkolla, e deri te pagesa për të hyrë në provim për patentë shofer.

Kryetari i Federatës së autoshkollave të Kosovës, Xhemshit Cakolli, thotë se kjo aspak nuk është e vërtetë dhe se deklaratat e tilla kanë krijuar keqkuptime dhe se tashti të interesuarit për marrjen e patentë shoferit, po mendojnë se po mashtrohen nga autoshkollat.

“Realisht, Ministria e Transportit i ka ngritur çmimet e pagesave, si për orët trajnuese, ashtu edhe për paraqitje të provimit për patentë shofer, ndërsa deklaratat se do të ketë zbritje për 35 për qind kanë krijuar keqkuptime mes autoshkollave dhe nxënësve, të cilët nuk po kuptojnë se nuk është ashtu realisht”, tha Cakolli.

Ai tregoi se të premten kanë pasur takim me ministrin e MTPT-së, Fatmir Limajn, ku është arritur marrëveshja dhe është nënshkruar udhëzimi me çmimet e reja në të.

Përderisa deri më tani, për 30 orë trajnuese në autoshkolla ke paguar 200 euro, në çmimet e reja, vetëm për 16 orë do të duhet të paguash 160 euro, që i bie se nëse nxënësi i merr 30 orë, do të duhet të paguajë 300 euro, e jo 200 si më parë.

“Pra, MTPT-ja mund të thuhet se ka shkurtuar orët trajnuese prej 30 në 16, po kjo nuk i bie që i ka liruar. Dhe plus kësaj, me vetëm 16 orë nuk mund të trajnohen mirë nxënësit, kështu do t’u duhet të marrin orë shtesë, të cilat kushtojnë 10 euro ora”, shpjegoi Cakolli.

Kurse, sa i përket paraqitjes së provimeve, ai tha se sipas çmimores së re, e cila hyn në fuqi prej 1 prillit, aplikuesi për patentë shofer do të duhet të paguajë 24 euro në autoshkolla për marrjen e vërtetimit që i ka kryer orët trajnuese, pasi që pa këtë vërtetim nuk mund të hyjë në provim, pastaj duhet t’i paguajnë në MTPT 10 euro për provim, për pjesën teorike dhe 25 të tjera për pjesën praktike, pra për vozitje, që gjithsej i bie 59 euro më shtrenjtë se që është tani.

Në anën tjetër, Endrit Shala, këshilltar i lartë në MTPT, tha se nuk dëshiron t’i komentojë fjalët e Xhemshit Cakollit, pasi që ai flet vetëm për Ministri dhe se sipas Ministrisë, zbritja përfshin 35 për qind si në orë trajnuese, ashtu edhe në paraqitje të provimit.
Për këtë, i vetmi shpjegim, sipas disa autoshkollave, është se Ministria zbritje mund ta quajë shkurtimin e orëve trajnuese prej 30 në 16.

Ndryshe, kryetari i Federatës Cakolli, thotë se mes autoshkollave dhe MTPT-së është arritur një mirëkuptim dhe se shumë prej marrëveshjeve janë realizuar në të mirë të autoshkollave, përveç paraqitjes së provimeve, e cila prej 1 prillit kalon prej autoshkollave në MTPT.
Gazeta Expres

[Llapjani_HH]

Për 3 vjet, Kosova me 38 komuna, 10 me shumicë serbe


19.02.2009
Zijadin Gashi

Për tri vjet, Kosova do të ketë 38 komuna; prej tyre - dhjetë me shumicë serbe, një me shumicë turke dhe të tjerat me shumicë shqiptare, ka thënë ministri i Administrimit të Pushtetit Lokal, Sadri Ferati.

Decentralizimi u mundëson komuniteteve që të jenë pjesë e vendimmarrjes nëpër komunat ku jetojnë, tha sot ministri i Administrimit të Pushtetit Lokal në Qeverinë e Kosovës, Sadri Ferati.

Ai tha se ky proces, përveç se e ndihmon decentralizimin e pushtetit me kalimin e shumë përgjegjësive nga niveli qendror në atë lokal, jep mundësi të mëdha që komunitetet dhe komunat të zhvillojnë një administrim më autonom në fusha të caktuara, çka do të mundësojë që qytetari të jetë më afër vendimmarrjes.

Decentralizimi, tha ministri Ferati, është një prej obligimeve që Kosova ka marrë mbi vete dhe të cilin do ta zbatojë. Por, njëkohësisht, ai tha se për një proces të suksesshëm, nevojitet edhe pjesëmarrja e komuniteteve, sidomos atij serb.

Ministri Ferati tha se për tre vjet, decentralizimi do të prodhojë komuna të reja, prej tyre edhe pesë plus një komuna të reja, që gjithsejtë do të përbëjnë dhjetë komuna me shumicë serbe.

“Siç parashikohet me Ligjin e Republikës së Kosovës, është paraparë që të jenë 38 komuna; prej tyre, 10 në lokalitete me shumicë serbe, një me shumicë turke në Mamushë, ndërsa tjerat janë të parapara me shumicë shqiptare".

"Kjo është faza e parë e procesit trevjeçar, pas së cilës do të bëhet një analizë dhe procesi i decentralizimit pastaj do të mund të vazhdohet edhe me hapjen e temave, që ky decentralizim të begatohet me ide tjera, si në rrafshin e decentralizimit funksional, e po ashtu edhe atë të decentralizimit territorial më tutje”, tha Ferati.

Një pjesë e komunave, sipas Planit të Ahtisaarit, nënvizoi ministri Ferati, do të kenë mundësi që të marrin mbi vete edhe përgjegjësi në fushat e arsimit e shëndetësisë sekondare, në kulturë, regjistrim të bizneseve dhe ndërmarrjeve e përgjegjësi tjera.

Duke u ndërlidhur në debat, përfaqësuesi i Zyrës Civile Ndërkombëtare, Rafael Nargel, tha se decentralizimi paraqet një nga elementet kryesore për reformimin e pushtetit, çka reflekton edhe në përmirësimin e jetesës për komunitetet pakicë.

Sidoqoftë, Nargel tha se pavarësisht mbështetjes që kanë komunat e caktuara nga Qeveria e Kosovës dhe prania ndërkombëtare, ky proces nuk mund të fillojë pa akceptimin e atyre që u destinohet, përkatësisht pakicës serbe.

“Që kjo punë të jetë e suksesshme, të gjithë kosovarët, nga të gjitha komunitetet, duhet të binden se decentralizimi nuk paraqet kërcënim, por ndikon në përmirësimin e jetës së tyre”, tha zyrtari i ICO-së, Rafael Nargel.

Si shembull të suksesit që ka pasuar bashkëpunimin mes autoriteteve qeverisëse dhe komuniteteve, ministri Sadri Ferati mori ish-pilot projektin e Mamushës, të banuar me shumicë turke, që tani ka fituar statusin e komunës së re.

“Rasti i Mamushës dëshmon se si një lokalitet dhe një fshat, është shndërruar në një qytezë shumë simpatike dhe me një perspektivë të qartë, që do të jetë në gjendje që qytetarëve të saj t'u shërbejë edhe në aspektet tjera, siç janë arsimi, shëndetësia dhe të gjitha fushat tjera, në të cilat ajo komunë, sikurse edhe komunat tjera, ushtron kompetencat e saj”, theksoi ministri Ferati.

Sidoqoftë, decentralizimi në radhë të parë është menduar që të jetë si një proces që ndikon pozitivisht në integrimin e pakicës serbe, marrë parasysh se ky proces u siguron atyre një autonomi më të gjerë në komunat ku jetojnë.

Por, deri më tash, përfaqësuesit serbë nuk kanë dhënë shenja pozitive politike se do të bashkëpunojnë me autoritetet kosovare dhe ato ndërkombëtare në jetësimin e këtij procesi.
Radio Evropa e Lirë

[Shqiptare_ne_Turqi]

Ja njé lajm nga arti



Filmi "Slumdog Millionaire" kandidon për çmimin Oskar
Penelope Poulou
Zëri i Amerikës
22-02-2009

Një nga kandidatët më të fortë për çmimin Oskar për figurën më të mirë këtë vit është filmi Slumdog Millionaire. Mgjarjet zhvillohen në Bombei të Indisë dhe historia është për fatin e njeriut. Xhamal, një djalë nga lagjet e varfëra, konkuron në shfaqjen indiane “Kush do të bëhet milioner.” I ngjashëm me shfaqjen televizive amerikane, versioni indian ofron 20 milion rupi për fituesin. Me regjizor Dani Bojl, ky produksion i pavarur s’para pritej që të arrinte deri tek çmimet Oskar. Por Slumdog ka fituar zemrat e shikuesve dhe vlerësimet e kritikëve. Me 9 kandidatura, ai është një konkurent i fortë për çmimin Oskar.
Xhamal Malik nuk është shumë i ditur. Ai qëllon që di vetëm përgjigjet e pyetjeve të caktuara. Sejcila pyetje ka lidhje me ngjarje që kanë qenë vendimtare për jetën e tij.
Pas vdekjes së nënës së tyre, Xhamali dhe vëllai i tij Perm fillojnë të vjedhin, të bëjnë tregëti dhe të flenë ku të munden për të mbijetuar.
Por momenti më i rëndësishëm në jetën e Xhamalit është kur një vajzë jetime e quajtur Latika u bashkohet atyre.
Latika merret nga gangsterët dhe Xhamali nuk gjen qetësi deri sa ta shohë atë përsëri.
Vite më vonë, si i ri, ai e gjen atë në shtëpinë e një gangsteri. Ajo rri e kyçur brenda dhe argëtimi i saj i vetëm është shfaqja televizive “Kush do të bëhet milioner.” Xhamali merr pjesë në shfaqje vetëm që ajo të mund ta shohë.
Latika përgjigjet në telefon. Kur ishin fëmijë, ajo ishte musketierja e tretë. Xhamal dhe Prem ishin Atosi dhe Portosi.
Historia e dashurisë së regjizorit Dani Bojl është ndikuar nga Bolliudi, industria e filmit në Indi, ku gjithçka është ekstreme.
Sikurse shumica e filmave indianë, Slumdog Millionaire ofron pasion të gjithanshëm, që nga lotët e deri tek përfundimi i gëzueshëm. Muzika dinamike e filmit dhe ngjyrat e gjalla i shtojnë emocionet. Por megjithëse ka cilësitë e një përralle, kjo nuk e cënon mënyrën si e paraqet Dani Bojl Indinë, si një vend plot me ekstreme.//mm//