Lajme Aktuale....

[Dani11]

Cila ministri nuk ka nevoj per nje minister te mire thuj ti, krejt kjo qeveri eshte ruana Zot.

[Llapjani_HH]

Gruevski: Sejdiu të fokusohet në marrëdhëniet e mira fqinjësore

Kryeministri Nikolla Gruevski duke komentuar deklaratën e presidentit të Kosovës Fatmir Sejdiu për masën e reciprocitetit në raport me Maqedoninë, tha se me këtë Sejdiu dëshiron të fitojë pika politike në llogari të fqinjësisë së mirë e cila sipas Gruevskit nuk e dërgon rajonin në drejtim të mirë. Gruevski ftoi Sejdiun të fokusohet në marrëdhëniet e mira fqinjësore, por vet ai nuk tha se pse për hirë të marrëdhënieve të mira fqinjësore, Maqedonia ende nuk ka vendosur marrëdhënie diplomatike me Kosovën.

“Marrja e poenave të caktuara në plan të brendshëm në llogari të fqinjësisë së mirë nuk do të shpiejnë rajonin në drejtim të mirë. Unë nuk e di se cila ishte ideja e deklaratës së z.Sejdiut por në përgjithësi do ti thërrisja të gjithë liderët e rajonit, presidentë, kryeministra e kështu me radhë të sillen jo vetëm korrekt por edhe me përgjegjësi dhe asnjëherë të mos kemi situata kur në llogari të marrëdhënieve me vende tjera dhe nga bashkëpunimi në rajon të bëjmë ndonjë përfitim politik në plan të brendshëm para votuesve vendor”, deklaroi kryeministri Nikolla Gruevski.

Ndaj deklaratës së presidentit kosovar Sejdiu për reciprocitet ka reaguar edhe opozita në vend. Vllado Buçkovski nga LSDM-ja vlerëson se reciprocitetin në këtë rast Kosova mund të përdorë gjatë vizitës së Ivanovit në Prishtinë.

“Duhet të pritet të qetësohet situata dhe përderisa nuk kemi sërish normalizim të komunikimeve, mund të presim që masa e reciprocitetit të zbatohet kur atje të shkoj kryetari apo ndonjë përfaqësues i qeverise pasi u involvua në këtë rast, pra që ata atje të trajtohet si në vizitë pune dhe të mos priten me nderime të larta zyrtare që duhet ti kenë përfaqësuesit e shtetit të Maqedonisë”, theksoi Vllado Buçkovski – deputet i LSDM-së.
Nga Prishtina Presidenti Sejdiu ka dërguar një mesazh se me Maqedoninë nuk ka përkeqësim të marrëdhënieve dhe theksoi se Bashkësia Evropiane kërkon raporte të mira mes dy vendeve.

“Ne nuk kemi denormalizim të marrëdhënieve. Mund të jenë sekuenca të caktuara për të cilat natyrisht se ekziston përgjigja. Është e përbashkët e vendeve evropiane që vendet fqinje të kenë raportet më të mira të mundshme”, tha Fatmir Sejdiu – president i Kosovës.

Kosova do të zbatojë një masë e cila është e njohur në politikën ndërkombëtare e ajo është reciprociteti, kishte deklaruar presidenti Sejdiu ditë më parë pas anulimit të vizitës së tij në Shkup.

Shkëlzen Aqifi
ALSAT M

Dënime të reja të ashpra për banorët e Sopotit

Me 14 vjet burg është dënuar Zenel Klaiqi nga fshati Sopot i Kumanovës i arrestuar në dhjetor të vitit të kaluar për rastin e shpërthimit të minës para 6 viteve në Sopot nga e cila kishin humbur jetën dy ushtarë polak të forcave të NATO-s. Gjykata e Shkupit në mungesë me nga 15 vjet burg ka dënuar edhe gjashtë banorë tjerë të Sopotit, Samet Limanin, Shaqir Sulejmanin, Afrim Ukshinin, Bashkim Ukshinin, Selman Jahiun dhe Musa Klaiqin, ndërsa i dyshuari i shtatë Orhan Bajrami është liruar nga akuza.

Skender Klaiqi vëllai i të dënuarit, Zenel Klaiqi thotë se rasti i Sopotit është proces i montuar politik.

“Ne kemi mbetur në mëshirë të Zotit vetëm edhe ata fëmijë që si kanë dënuar edhe mua s’ka mbet tjetër pa dënuar ata, i kanë dënuar krejt fshatin 12 vetë 160 – 70 vjet burg, për çka për kurrgjë hiç. Kemi qenë edhe tek Alia, kam folur para dy ditëve edhe me Xhemal Jasharin edhe me Shpatin edhe me krejt, na thanë se ne kemi punuar për çështjen për mos me u dënuar, ata siç po e shoh unë paskan punuar që të dënohen e jo mos të dënohen.

Vetëm ti ngrejmë duart te Zoti se s’ka tjetër ku të ankohemi. Do ti marrim fëmijët edhe t’i shkojmë 3-4 muaj Alisë atje edhe para Qeverisë këtu me qebe jorgana, shatora do të ngrejmë edhe aty me ndejtë. Le të na ruajnë edhe neve po e lëshojmë katundin krejt edhe ditën e mirë ata neve 12 vetave nga 14, 15... 170 vjet burg një fshat unë nuk e di”, deklaroi Skender Klaiqi – vëllau i të dënuarit Zenel Klaiqi.

Për rastin e njëjtë është dënuar më herët me 14 vjet burg edhe vëllau i Zenelit, Hasan Klaiqi i cili dënimin është duke e vuajtur në burgun e Idrizovës së bashku edhe me bashkëfshatarët e tij Sulejman Sulejmani, Samet Lutfiu që janë të dënuar me 14 vjet burg dhe Shaban Limani po nga fshati Sopot i dënuar me 10 vjet burg.

Shkëlzen Aqifi
ALSAT M

[Llapjani_HH]

Ministria e Brendshme arsyetohet për pasaportat jobiometrike, akuzon qeverinë e kaluar, ish-qeveria nuk pajtohet

Edhe pse kanë deklaruar dhe ende deklarojnë se pasaportat e Kosovës i përmbushin standardet evropiane, megjithatë nuk duket se gjithçka është sipas atyre standardeve. Bashkimi Evropian ka kërkuar nga Ministria e Brendshme që pasaportat të jenë biometrike dhe kjo kërkesë është bërë e obligueshme për Ministrinë e Brendshme vetëm kur këtë e ka vënë si kusht obligues BE-ja këtë vit. Këshilltari politik i ministrit të Brendshëm, Fisnik Rexhepi, ka thënë se për Ministrinë e Brendshme ka qenë e njohur se pasaportat duhet të jenë biometrike. Por ai arsyetohet se UNMIK-u ka lëshuar pasaporta deri në qershor të 2008-ës dhe koha e shkurtër prej shpalljes së pavarësisë në shkurt e deri në qershor ka pamundësuar përgatitjen e pasaportave biometrike. Për pamundësinë e bërjes së pasaportave biometrike Rexhepi arsyetohet se mandati i kaluar i Ministrisë së Brendshme nuk ka përgatitur kurrfarë projekti për pasaporta që do t’i lehtësonte punën mandatit aktual. Mirëpo, konstatime të tilla hedhen poshtë kategorikisht nga Burim Ramadani, këshilltar i ish-ministrit të Brendshëm, Blerim Kuçi. Përderisa shprehet se pasaportat biometrike në vitin 2008 do të kushtonin trefish më shumë sesa pasaportat aktuale, Rexhepi ka thënë se tash ato do t’i kushtojnë buxhetit të Kosovës shumë më pak. Por, ai nuk flet me shifra, nuk tregon se sa do të paguajnë qytetarët e Kosovës për të vendosur çipin elektronik në pasaportat e Kosovës dhe nuk e konsideron luks që në vitin 2010 do të bëhen pasaportat biometrike. Kur ishin bërë pasaportat e para të Kosovës, zyrtarë të Ministrisë së Brendshme kishin thënë se ato janë gjysmë-biometrike, ndonëse qartazi atyre u mungon çipi elektronik i një pasaporte biometrike.
KTV

BIRN-i reagon ndaj deklarimeve të Lushtakut i cili Jeta Xharren e quan bashkëpunëtore të UDB-së

Gati një javë pas transmetimit të një kronike që trajton problemet e komunës me të cilën udhëheq, kryetari i Skënderajt, Sami Lushtaku, e quan bashkëpunëtore të UDB-së udhëheqesën e emisionit “Jeta në Kosovë”, Jeta Xharra.
Drejtori ekzekutiv i BIRN-it, Faik Ispahiu, thotë se me pohimet e Lushtakut do të duhej të merrej policia.
Përndryshe, fushatën kundër Xharrës dhe BIRN-it, Ispahiu e sheh si tendencë të pushtetit për ta shtetëzuar Televizionin Publik të Kosovës, ku transmetohet ky emision. Ndërkohë, Asociacioni i Gazetarëve Profesionistëve të Kosovës ka dënuar dhunën e ushtruar ndaj ekipit të BIRN-it në Skënderaj. Mentor Shala, kryetar i AGPK-së, pohon se në vend të linçimeve publike, kontestet duhet të zgjidhen në mënyrë ligjore.
“Jeta në Kosovë” ka transmetuar javën e kaluar një kronikë për funksionimin e Komunës së Skënderajt, në të cilin kryetari i degës së LDD-së thotë se në Drenicë nuk ecet pa armë. Ekipi i BIRN-it është sulmuar fizikisht gjatë xhirimeve atje, kurse kryetari i kësaj Komune, Sami Lushtaku, ka thënë se Jeta në Kosovë ka tendenca për ta denigruar rajonin e Drenicës.
KTV

Arrestime dhe bastisje në Kondovë dhe Gazi Babë

Arrestohen dy vëllezërit e Agim Krasniqit, Ali dhe Kadri Krasniqi nga fshati Kondovë si dhe Fadil dhe Avni Toçi pjesëtarë të të ashtuquajturit “Grupi i Kondovës”. Zëdhënësi i MPB-së, Ivo Kotevski tha se të arrestuarit dyshohen për involvim në shumë vepra penale si dhe posedim dhe tregëti me armë.

"Gjatë bastisjeve janë sekuestruar 3 pistoleta dhe një numër i madh i municionit. Pistoletat janë pa leje nga MPB-ja dhe për këtë shkak për personat te të cilët janë gjetur ato do të ngritet padi penale, për armë mbajtje pa leje. Të dhënat flasin se personat tani më të arrestuar dyshohet të jenë të përfshirë në vepra të rënda penale dhe vjedhje, gjegjësisht disa nga të arrestuarit ku dhe janë kryer bastisjet edhe më parë kanë qenë të njohur për policinë për shumë vepra të rënda penale", thotë Ivo Kotevski, zëdhënës i MPB-së.

Ndërkohë gjatë një aksioni tjetër të policisë janë bastisur edhe disa shtëpi në lagjen e Gazi Babës me pretekst, kërkim të armëve dhe substancave narkotike. Sipas MPB-së gjatë këtij aksioni janë arrestuar dy persona Rijad dhe Qenan Tahiri, të njohur dhe më parë për policinë. Ndërkohë, Kuatli Tahiri vëllau i të dy të arrestuarve dhe pronarë i një shtëpie të bastisur është shprehur për ALSAT se policia i ka torturuar familjen dhe demoluar shtëpinë.
"Edhe mua më kanë rrahur dhe më kanë tërhequr zvarë pa kurfarë preteksi.Dy vllezërit mi kanë marë, Qenanin dhe Rijadin. Nuk kanë gjetur asgjë në shtëpinë tonë sepse nuk është e para here, por hera e 10-të dhe prap nuk kanë gjetur asgjë", tregon Kuatli Tahiri.

Ndërkohë Arben Çeli një fqi i familjes Tahiri thotë se është marrë me forcë nga policia për të qenë dëshmitar i bastisjes së tyre në këtë familje.
"Hiç pa më pyetur nëse ka mundësi me qenë dëshmitar apo jo, më thanë dil përjashta menjëhere edhe më kapën dhe më sollën si dëshmitar këtu!
Më goditën pse pyeta komandantin nëse ka mundësi për t'u treguar anëtarëve të familjes sime se këtu jam dhe ai më lejoi, por une duke folur në telefon erdhën nga mbrapa dhe më qëlluan dhe ja...", rëfen dëshmitari Arben Çeli.
Dy akisonet e forcave speciale të policisë në Kondivë dhe Gazi Babë janë zhvilluar në të njejtën kohë në orët e hershme të mëngjesit.Sipas policisë për dy grupet e arrestuara që më herët ishte lëshuar fletarrest nga organet kopmetente.

Valmir Kuçi
ALSAT M

[Llapjani_HH]

Ekstra zgjedhje për serbët

Nëse serbët e Kosovës nuk i përgjigjen në masë të nevojshme thirrjes për të dalë para kutive të votimit në zgjedhjet e sivjetme komunale të Kosovës, ky nuk duket se do të përbëjë rastin e fundit për ta.

Institucionet në Prishtinë kanë ndërmend që ta zgjerojnë gatishmërinë për fleksibilitet, duke u ofruar atyre raste tjera, transmeton e përditshmja Express.

Në kulmin e dyshimeve të opinionit në Kosovë se zgjedhjet mund të shtyhen për vitin e ardhshëm për shkak të mundësisë që ato të bojkotohen nga serbët vendorë, ministri i Administrimit të Pushtetit Lokal, Sadri Ferati ka hedhur poshtë një mundësi të tillë.

Në një bisedë për Express, Ferati që udhëheq procesin e decentralizimit, shprehet në favor të lënies hapur të derës për serbët që të dalin në zgjedhje atëherë kur ata do të binden për të qenë bashkëpunues me institucionet e Prishtinës.

“Komunat e reja nuk implementohen pa zgjedhje. Unë jam ithtar i asaj që ne të vazhdojmë aty ku ka mundësi që të implementohen komunat e reja, ndërsa lokaliteteve tjera t’u japim kohë për një herë tjetër”, ka thënë Ferati, duke shpjeguar se Ligji për Qeverisjen Lokale dhe Ligji për Kufijtë Administrativë ka paraparë që të bëhen zgjedhje edhe në pesë komunat e reja.

Këto pesë komuna, bashkë me tri tjerat që ishin themeluar më herët (Hani i Elezit, Juniku dhe Mamusha), e çojnë në 38 numrin e komunave në të cilat do të zgjidhen organet drejtuese në zgjedhjet e ardhshme.
Telegrafi

Kushtetuta e Kosovës, probleme në zbatim në zonat me shumicë serbe

Me 15 qershor Kosova me një manifestim solemn do të festojë një vjetorin e hyrjes në fuqi të Kushtetutës. Megjithatë akti më i lartë juridik ë vendit vazhdon të mos gjejë zbatim në një pjesë te territorit të Kosovës, të banuar me serbe, në veri dhe në enklave ku veprojnë strukturat paralele serbe. Në Graçanicë, 10 km larg kryeqytetit, janë vendosur strukturat paralele serbe, të financuara nga Beogradi. Serbët vazhdojnë të mos njohin institucionet e Kosovës, ndërsa përdoret vetëm vula e Qeverisë serbe.

Opozita për këtë gjendje, një pjesë të fajit ja hedh qeverisë së Kosovës.

“Për fat të keq Kushtetuta e Kosovës nuk funksionon në një pjesë të madhe të territorit, dhe kjo është neglizhencë edhe e institucioneve të Kosovës por po ashtu edhe nxitje e nga ana e Beogradit për pakicën serbe që të mos i përgjigjet institucioneve” thotë Ahmet Isufi nga AAK.

“Funksionimit dhe fuqizimit të strukturave paralele të një pjese të territorit të Kosovës, dëshmon më së miri pa aftësinë dhe mungesën e vullnetit politik të institucioneve të Kosovës që këtë çështje ta trajtojnë seriozisht” shprehet Lulëzim Zeneli nga LDD.

Ndërsa koalicioni qeverisës fajin ia hedh Beogradit. “Unë nuk do të thosha që ka ndonjë pushtet që rrezikon aktualisht integritetin e Kosovës dhe kushtetutshmërinë e veprimit në Kosovë dhe zbatimit të ligjit, ka mos-pajtueshmëri, ka veprime të paligjshme të grupeve të caktuara” thotë Xhavit Haliti i PDK.

Pjesa më e madhe e serbëve në Kosovë vazhdojnë të kundërshtojnë realitetin e krijuar në vend, pas shpalljes së pavarësisë. Shumica e tyre marrin paga dhe pensione nga Beogradi dhe punojnë për struktura komunale, të cilat janë shpallur ilegale nga institucionet e Kosovës.

Shkëlzen Osmani
ALSAT

[Llapjani_HH]

Bogdanoviq paralajmëron vizitë në Leposaviq – nuk ka kërkuar leje nga institucionet e Kosovës

I ashtuquajturi ministër serb për Kosovën – në qeverinë serbe, Goran Bogdanoviq, ka paralajmëruar për sot një vizitë në Leposaviq, komunën në pjesën veriore të Kosovës. Mediat serbe raportojnë se përveç takimeve me zyrtarët e komunës së Leposaviqit, Bogdanoviq do të përurojë aneksin e një shkolle serbe që është financuar nga e ashtuquajtura Ministri serbe për Kosovën. Policia e Kosovës njoftoi se delegacioni serb nuk ka kërkuar leje për këtë vizitë.

Ndërkohë, Qeveria e Kosovës ka vlerësuar se me kësi lloj veprimesh zyrtarët e Qeverisë serbe po vazhdojnë të krijojnë iluzion për Kosovën. Mirëpo, zv/kryeministri Hajredin Kuçi nuk ka dhënë përgjigje nëse ministrit serb do ti ndalohet nesër hyrja në Kosovë.
Vizitat e delegacioneve të Serbisë në Kosovë janë bërë tema shumë të përfolura pas shpalljes së pavarësisë, për faktin se delegacione të ndryshme nga Beogradi janë kthyer disa herë në pikat kufitare në pjesët tjera të Kosovës, por asnjëherë nuk janë kthyer nga pikat kufitare 1 dhe 31 që ndodhen në veri të Kosovës.
RTK

Bogdanoviq fton serbët kosovarë për bashkëpunim me Eulex-in?

Ministri serb Goran Bogdanoviq ka ftuar udhëheqësit e komunave me shumicë serbe në veri të Kosovës që të bashkëpunojnë me misionin Eulex. Siç njoftojnë mediat beogradase, ai ua ka kujtuar atyre se qeveria e Serbisë ka dhënë pajtimin për shtrirjen e atij misioni vitin e kaluar.

Ai ka zhvilluar takim me liderët lokal, pas paralajmërimeve për mbajtjen e tubimit protesues, të planifikuar per nesër, për shkak të vendimit të Eulex-it që të niset me funksionimin e doganave në pikat kufitare të cilat deri tash ishin jashtë çfarëdo kontrolli, në Jarinje dhe në Bërnjak.

“Është e pamundur që qeveria e Serbisë të sjell një vendim, ndërsa vetadministrata lokale të sjell vendime të tjera. Kjo është e papranueshme dhe shpie drejt shtimit të konfuzionit dhe hutisë tek të gjithë serbët e Koosvës. Ua përcolla udhëheqësve lokalë mesazhin se duhet të bisedohet me misionin dhe se në bashkëpunim me ta duhet të gjejmë zgjidhje për problemet” , ka thënë Bogdanoviq.
Bogadanoviq po ashtu ka bërë të ditur se qeveria e Serbisë nuk ka nënshkruar marrëveshje për kthimin e doganës në ato dy pika kufitare.
Ai po ashtu ka përsërtitur formulën e dertashme se Serbia nuk do ta njohë Kosovën.
RTK

Deputetja Selmani kritikon Ministrinë e Tregtisë për “parregullsi të shumta brenda saj”

Deputetja e Aleancës Kosova e Re (AKR) në Parlamentin e Kosovës, Myzejene Selmani, njëherit edhe kryetare e Komisionit për Ekonomi, Tregti, Industri, Energjetikë, Transport dhe Telekomunikacion, ka kritikuar Ministrinë e Tregtisë për, siç thotë, “parregullsi të shumta brenda saj”.

Moszbatimi i Marrëveshjes së CEFTA-s, moszbatimi i Ligjit për mbrojtjen e konsumatorëve, zhvillimi i industrisë në sektorin e Ministrisë së Tregtisë, mungesa e planit të strategjisë për të joshur investitorët e huaj, kanë qenë disa nga fushat në të cilat deputetja e AKR-së në Parlamentin e Kosovës Myzejene Selmani, ka kritikuar institucionet e vendit.

Selmani tha se në Zyrën e pronësisë industriale në Ministrinë e Tregtisë dhe Industrisë mbi 18 mijë aplikime presin përgjigje.

“Ministria e Tregtisë dhe Industrisë gjatë zhvillimit të saj në periudhën prej një vit e 6 muaj ka një nepotizëm të madh, brenda saj konflikt interesi dhe një monopol të madh në këtë ministri për çështjen e biznesit“, ka thënë deputetja Myzejene Selmani.

Sipas Selmanit, buxheti i Kosovës vazhdon të dëmtohet dhe biznesi kosovar vazhdon të ketë humbje në saje të pozitave që kanë të punësuarit në Ministrisë së Tregtisë.
Sipas saj Fatos Sahiti, vëlla i gruas së ministrit Zharku, ka postin e këshilltarit politik të vetë ministrit.

“Mund të dini kush është këshilltari politik i ministrit, ky këshilltar është vendosë edhe si përfaqësues në komunitetin e CEFTA-s , është emëruar edhe negociues për inicim të kontratës për projektet e Bankës Botërore dhe direkt kemi një konflikt interesi. Arsyet e vendosjes së njerëzve politik në këtë marrëveshje shumë të rëndësishme i kushton mjaft shumë Kosovës dhe bizneseve kosovare, andaj nuk merren donacione për arsye të konflikt interesave”, ka theksuar Myzejene Selmani.

Deputetja e AKR-së Myzejene Selmani, Ministrinë e Tregtisë dhe Industrisë, madje e ka quajtur Ministria e Kaçanikut.
RTK

Aktivistë të Lëvizjes “Vetëvendosje” hedhin pleh para MAPL-së

Ministri i pushtetit lokal Sadri Ferati është akuzuar sot nga aktivistë të lëvizjes “Vetëvendosje”, duke e fajësuar atë për procesin e decentralizimit. Rreth 50 aktivistë të Lëvizjes “Vetëvendosje”, me një aksion simbolik kundërshtuan edhe një herë sot decentralizimin në Kosovë, duke hedhur pleh para objektit të Ministrisë së Administrimit të Pushtetit Lokal.

Aktivistët thanë së në vend që të shtrihet sovraniteti në veriun e Kosovës, nëpërmjet decentralizimit gjendja e veriut po riprodhohet edhe në Anamoravë. Sipas tyre decentralizimi është projekt i Serbisë për ta kanonizuar Kosovën. Në fjalimet e tyre kritika më të ashpra kanë dhënë në adresë të ministrit të Pushtetit Lokal, Sadri Ferati. Ata po ashtu ju kanë bërë thirrje disa qytetarëve në komunën Vitisë, të cilët do të punësohen në projektin për decentralizim, që të mos i pranojnë ato vende të punës.
RTK

Kushtetuta e Kosovës, probleme në zbatim në zonat me shumicë serbe

Më 15 qershor Kosova me një manifestim solemn do të festojë një vjetorin e hyrjes në fuqi të Kushtetutës. Megjithatë akti më i lartë juridik ë vendit vazhdon të mos gjejë zbatim në një pjesë te territorit të Kosovës, të banuar me serbe, në veri dhe në enklave ku veprojnë strukturat paralele serbe.

Në Graçanicë, 10 km larg kryeqytetit, janë vendosur strukturat paralele serbe, të financuara nga Beogradi. Serbët vazhdojnë të mos njohin institucionet e Kosovës, ndërsa përdoret vetëm vula e Qeverisë serbe.

Opozita për këtë gjendje, një pjesë të fajit ja hedh qeverisë së Kosovës. “Për fat të keq Kushtetuta e Kosovës nuk funksionon në një pjesë të madhe të territorit, dhe kjo është neglizhencë edhe e institucioneve të Kosovës por po ashtu edhe nxitje e nga ana e Beogradit për pakicën serbe që të mos i përgjigjet institucioneve” thotë Ahmet Isufi nga AAK.

“Funksionimit dhe fuqizimit të strukturave paralele të një pjese të territorit të Kosovës, dëshmon më së miri pa aftësinë dhe mungesën e vullnetit politik të institucioneve të Kosovës që këtë çështje ta trajtojnë seriozisht”, shprehet Lulëzim Zeneli nga LDD.

Ndërsa koalicioni qeverisës fajin ia hedh Beogradit. “Unë nuk do të thosha që ka ndonjë pushtet që rrezikon aktualisht integritetin e Kosovës dhe kushtetutshmërinë e veprimit në Kosovë dhe zbatimit të ligjit, ka mospajtueshmëri, ka veprime të paligjshme të grupeve të caktuara”, thotë Xhavit Haliti i PDK.

Pjesa më e madhe e serbëve në Kosovë vazhdojnë të kundërshtojnë realitetin e krijuar në vend, pas shpalljes së pavarësisë. Shumica e tyre marrin paga dhe pensione nga Beogradi dhe punojnë për struktura komunale, të cilat janë shpallur ilegale nga institucionet e Kosovës. /Alsat/
Telegrafi

[Llapjani_HH]

PK: Bogdanoviq erdhi në cilësinë e banorit të Kosovës

Prishtinë, 9 qershor - Sipas Ministrisë së Punëve të Brendshme të Kosovës ministri serb Goran Bogdanoviq dje në veri të Kosovës kishte hyrë në cilësinë e banorit të Kosovës. Zëdhënësi i Policisë së Kosovës, Arbër Beka, ka thënë se Bogdanoviq kishte hyrë në Kosovë të premten, përmes portës 1. "Ai është banor i Leposaviqit, shtetas i Kosovës. Ka hyrë në cilësinë e qytetarit", ka thënë Beka. Këshilltari i Ministrit të Brendshëm, Fisnik Rexhepi, ka thënë se Bogdanoviq do të merrte të njëjtën përgjigje nëse do të kërkonte vizitë zyrtare. Por Bogdanoviq ka tejkaluar natyrën e vizitës së tij dhe ka zhvilluar një aktivitet politik në Leposaviq, duke keqpërdorur natyrën e vizitës së tij.
QIK-u

Sërish rrënohen gurët e kufirit me Kosovën

Vija kufitare mes Kosovës dhe Maqedonisë në pjesën e Tanushës dhe Debëlldesë vazhdon të jetë mollë sherri mes dy vendeve. Banorët e fshatrave kufitare nga ana e Kosovës edhe një herë kanë rrënuar pjesën më të madhe të gurëve që shënonin vijën kufitare, në shenjë pakënaqësie pasi vlerësojnë se 2500 hektarë tokë e tyre i mbetet Maqedonisë. Kontestuese mbetet vendi i quajtur Kodra Fura për të cilën kosovarët konsiderojnë se duhet t'i takojë shtetit të tyre.

“Më herët komisioni i Maqedonisë ka thënë se do të jetë kufiri aty ku ka qenë, ndërkohë ka ndërruar fjalët, ka thënë se Kodrën e Furës nuk do ta lejojmë ta lëshojmë, për atë moment janë heq gurët dhe momentalisht kjo nuk është e kryer se ato janë prona tona private. I kemi heq në shenjë pakënaqësisë se atë tokë nuk do t'ia lejojmë jo vetëm qeverisë së Maqedonisë, por askujt se s'kemi tokë t'ia shesim e t'ia falim askujt. Kërkesat e tona janë që kufiri të jetë aty ku ka qenë, të paguhet dëmshpërblimi që tash e 10 vite nuk kemi qasje në tokat tona”, thotë Shemsedin Murseli, banor i fshatit Debëllde.

“Maqedonia po tenton me çdo kusht me i marr tokat tona. Për mua dhe fshatin tonë është e papranueshme kjo marrëveshje mes Serbisë dhe Maqedonisë. Ne jemi në tokat tona, nuk kërkojmë as më shumë, as më pak, vetëm ku ka qenë kufiri aty të mbetet, të na lejojnë të punojmë tokat tona, të kthehemi në shtëpitë tona, sepse kufiri që kanë caktuar maqedonët është deri në murin e shtëpisë. Kjo është e papranueshme për neve si banorë të fshatit Mjak”, tregon Samet Metallari, banor i fshatit Mjak.

“Gurët janë heq se banorët janë të pakënaqur me vendosjen e kufirit. Maqedonët i marrin Kosovës shumë territor, ia marrin së paku 2530 hektarë, edhe janë të pakënaqur banorët e Debëlldesë, Lubishtës, Bozovikit, Mjakut, Korbliçit, Letnicës. Autoritetet nuk munden pa pëlqimin e banorëve. S'ma merr mendja se munden me i vendos gurët.”, thotë Rrahim Ismaili, banor i fshatit Debëllde.

Në zonën kufitare mes Kosovës dhe Maqedonisë në fshatin malor Tanushë, i vetmi guri kufitar që shënon Kosovën dhe Maqedoninë është ky këtu, gurët tjerë janë larguar nga banorët e fshatit Mjak dhe Debëllde të revoltuar ngase nga demarkacioni i janë marrë pronat e tyre.

Situatën e krijuar rreth shënimit të vijës kufitare e ka komentuar edhe Xhezair Shaqiri, ish komandant Hoxha, sipas të cilit ky proces ka shënuar ngecje 3 muajt e fundit. Për këtë fajësoi partnerët e koalicionit qeveritare BDI-në dhe VMRO-DPMNE-në

“BDI-ja dhe VMRO-ja e kanë bllokuar punën e kufirit. E dimë rastin, na vjen keq që VMRO-DPMNE-ja e ka kushtëzuar BDI-në patjetër të bëhet demarkacioni i kufirit e mandej të vendosen marrëdhëniet diplomatike mes Kosovës dhe Maqedonisë, por ne në këto intriga të VMRO-DPMNE-së, unë personalisht me banorët e kësaj ane nuk duam të marrim pjesë.

Më njerëz të pabesë të VMRO-së dhe BDI-së nuk kam parë deri më sot në jetën time, nuk kanë përmbush asnjë nga ato marrëveshjet që janë marr vesh me banorët e Tanushës apo të Debëlldejit, Mjakut, Lubishtës apo Stançiçit që unë kam qenë ndërmjetësues.

Revolta vetëm është, shumica e gurëve që i kanë vendosur vet fshatarët sot nuk janë dhe asksuh nuk e ka guximin me ardh me i vendos ato gurë për arsye se ato janë vendosur në prona private.”, thotë Xhezair Shaqiri, ish komandant Hoxha.

Sipas burimeve të ALSAT, mos përfundimi i shënimit të vijës kufitare mes Maqedonisë dhe Kosovës është problemi kryesor që vendi ende nuk ka vendosur marrëdhënie diplomatike me Kosovën.

Shkëlzen Aqifi
ALSAT M

Deputetja e parë me mbulesë në Belgjikë

Një grua me origjinë turke ka arritur të behët deputete në parlamentin Belg gjatë zgjedhjeve të 7 Qershorit.
Mahinur Ozdemir, një 28 vjeçare, me origjinë Turke hyri në Parlamentin Rajonal të Brukselit, qe është një arritje e parë në historinë belge.

Ajo kishte punuar si këshilltare në komunën Schaerbek në Bruksel që nga viti 2006 që ndryshe quhet "Kuarti Turk".
Ky është një sukses i ri për të dhe brezin e ri Turk në Belgjikë.
Në zgjedhjet rajonale të 7 Qershorit, 6 persona me origjinë Turke fituan në mesin e 60 kandidatëve të zgjedhur.

Mahinur Ozdemir që morri 2851 vota ishte në shënjestër të partive të djathta ekstreme gjatë fushatës zgjedhore për shkak të mbulesës së saj.

Disa nga mediat botonin lajme kundër saj, dhe kishte pasur tensione edhe në partinë e saj kur mbulesa e saj ishte mbuluar në afishet zgjedhore.

worldbulletin
Mesazhi.com

[Llapjani_HH]

Reagime pas shkuljes së gurëve kufitar me Kosovën

Për MPJ-në e Maqedonisë shënimi i vijës kufitare me Kosovën ka përfunduar. Kështu kanë deklaruar zyrtarë të kësaj ministrie për televizionin Alsat-M, duke komentuar lajmin e djeshëm se banorët e fshatrave kufitare nga ana e Kosovës, në shenjë revolte kanë rrënuar pothuajse të gjithë gurët kufitar në zonën e Tanushës.

‘Presim që çdo akt të sulmit, prishjes së gurëve dhe mbishkrimeve të trajtohet në mënyrë adekuate nga institucionet dhe aktorët e këtyre rasteve të nxirren para drejtësisë’, është shprehur në linjë telefonike për ALSAT zëdhënësi i MPJ-së Petar Çulev.

Largimin e gurëve nga ana e banorëve të Debëlldesë dhe Mjakut e komentoi edhe nënkryetari i BDI-së Rafiz Haliti i cili tha se banorët duhet të respektojnë vendimet që merren në nivel shtetëror.

“Dy shtetet kanë formuar komisionet për demarkacionin e kufirit dhe mendoj se duhet të respektohen vendimet që merren në nivel shtetëror qoftë nga ana e Maqedonisë, qoftë nga e Kosovës dhe nuk shoh hapësirë për intervenime individuale në këtë drejtim.
Unë besoj se komisionet që ishin të formuar qoftë nga ana e shtetit të Kosovës qoftë nga ana e Maqedonisë nuk kanë marrë vendimet në dëm të qytetarëve qoftë atyre të Debëlldesë apo të Tanushës pasiqë informata tjera ne nuk posedojmë”, deklaroi Rafiz Haliti, nënkryetar i BDI-së.

Për DR-në e Imer Selmanit largimi i gurëve është refleks i fuqishëm që jep alarmin e fundit për sjelljen nënçmuese të Maqedonisë ndaj Kosovës.
“Bëhet fjalë për mllefin e banorëve të kësaj ane të cilët nuk pajtohen me një realitet të ri që kryetari i shtetit apo Qeveria e Maqedonisë dëshiron ta vendos ndaj Republikës së Kosovës, dhe thash kjo është vendosja e një marrëdhënie jokorrekte me Republikën e Kosovës, marrëdhënie që bënë nënçmimin e Republikën e Kosovës dhe pavarësisë së Kosovës.
I drejtohemi Qeverisë sidomos partnerit shqiptar në Qeveri që shumë seriozisht dhe shpejt të merret me çështjen e vendosje së marrëdhënieve diplomatike me Kosovën”, theksoi Besim Dogani, deputet i DR-së.

Siç njoftoi, Alsat ditë më parë pikërisht mospërfundimi i shënimit të vijës kufitare me Kosovën dhe kontesti se kujt ti takoj pika e quajtur Kodra e Furrës në Tanushë, është pengesa kryesore pse deri më tani nuk janë vendosur marrëdhëniet diplomatike midis dy vendeve. Nga MPJ e Maqedonisë zyrtarisht tonë se institucionet vendore dhe kosovare janë në koordinim për këtë çështje dhe kur të krijohen kushtet e volitshme për të do të vendosen edhe marrëdhëniet diplomatike.

Shkëlzen Aqifi
ALSAT M

Më 23 qershor protesta: “Barazi të plotë kombëtare për shqiptarët”



Më 23 qershor në sheshin “Skënderbeu” të Shkupit nën moton “Barazi të plotë kombëtare për shqiptarët” do të zhvillohet protesta e paralajmëruar ditë më parë nga BDK-ja e Hisni Shaqirit, e që u mbështet edhe nga parti tjera dhe organizata qytetare shqiptare.
Përmes kësaj proteste organizatorët dëshirojnë të sensibilizojnë opinionin e gjerë në vend për situatën politike dhe statusin e shqiptarëve në këtë vend. Kërkohet ndryshim i kushtetutës dhe shqiptarët të gëzojnë të drejtat e barabarta me maqedonasit në këtë shtet. Hisni Shaqiri i ka bërë thirrje edhe partisë shqiptare në pushtet BDI dhe atyre opozitare parlamentare DR e PDSH ti bashkëngjiten kësaj iniciative.

“Meqë protestat i kemi definuar si protesta kombëtare, mendoj se edhe anëtarësia e dy partive që janë më të mëdha me vetë faktin që kanë marrë verdiktin e popullit në zgjedhjet e fundit, duhet që anëtarësia e tyre të kyçet me të vetmin qëllim. Qëllimi është shumë i qartë, ideja është e njohur për opinionin, ne kërkojmë ndryshime, ne kërkojmë ndryshimin e statusit juridiko-kushtetues të shqiptarëve në kuadër të këtij shteti”, deklaroi Hisni Shaqiri, kryetarë i BDK-së.

Protestat për barazi të plotë kombëtare të shqiptarëve në Maqedoni janë mbështetur nga PPD-ja, BDSH-ja, Lëvizja Kombëtare Shqiptare për Iliridën, Shoqata e ish të Burgosurve Politik, dhe së fundmi edhe nga Unioni studentor i USHT-së.

“Kemi mbështetur dhe do të mbështesim edhe në të ardhmen të gjitha iniciativat të cilat janë me karakter të përmirësimit të gjendjes të shqiptarëve në Maqedoni, meqë edhe ne jemi pjesë e kësaj shoqërie edhe ne kemi të njëjtat halle me të gjithë këta që janë prezent këtu dhe normalë që do të protestojmë gjithë së bashku për ti kërkuar të drejtat tonë. Ne nuk kemi asgjë kundër askujt mirëpo kërkojmë që të jemi të barabartë me gjithëkend këtu në Maqedoni”, deklaroi Gadaf Uzairi, kryetarë i unionit të studentëve të USHT-së.

Sipas organizatorëve, protesta e 23 Qershorit ka karakter kombëtar dhe në nuk do të ketë simbole partiake, por vetëm flamujt shqiptar, amerikan dhe të BE-së.

Bedri Rexhallari
ALSAT M

[Llapjani_HH]

Pas arrestimit të tre serbëve, policia është në kërkim të dyshuarit të katërt

Tre personat e nacionalitetit serb të arrestuar nga Policia e Kosovës, dyshohet se kanë kryer vepër kriminale në Kosovë. Të arrestuarit dyshohen të kenë nxitur familjarë të serbëve të zhdukur për të trilluar aferën për gjoja marrjen dhe trafikimin e organeve njerëzore gjatë luftës në Kosovë bëri të ditur policia. Zëdhënësi Arbër Beka tha se po vazhdojnë hetimet edhe për arrestimin e personit të katërt, të dyshuar të jetë përfshirë në këtë aktivitet kriminal.

Millutin Radanoviq, Predrag Zhelkoviq shtetas të Serbisë dhe Igor Juçinac shtetas i Kosovës, njëherit edhe ish pjesëtar i Policisë së Kosovës, janë tre personat e arrestuar në afërsi të Çagllavicës, nën dyshimin se kanë kryer aktivitete kriminale.

Në konferencën e rregullt të Policisë së Kosovës me gazetarë, gjithashtu është bërë e ditur se të arrestuarit akuzohen të kenë nxitur familjarë të serbëve të zhdukur për të bërë dëshmi të rrejshme me qëllim të aferës për gjoja trafikimin e organeve njerëzore gjatë luftës në Kosovë.

“Personat e arrestuar dyshohen se kanë kryer aktivitete kriminale dhe atë duke përdorur të holla e të mira materiale së paku një personi, që i njëjti të deklarojë dhe të dëshmojë rrejshëm se kanë qenë viktima të transplantimit të organeve gjatë kohës së luftës në Kosovë. Që të tre të arrestuarit ( si dhe i katërti i cili gjendet në arrati dhe është në kërkim nga hetuesit policorë ) kanë vepruar në bashkëveprim duke iu ofruar shuma deri në 100 mijë euro për personat që do të shprehnin gatishmëri për të dhënë deklarata të tilla, si dhe premtime të tjera siç është: banesë, punësim, veturë etj.”, ka sqaruar zëdhënësi i Policisë së Kosovës, Arbër Beka.

Policia e Kosovës nuk ka konfirmuar nëse personat e arrestuar kanë qenë pjesëtar të shërbimit të inteligjencës serbe.

Zëdhënësi Beka tha se procesi hetimor do të tregojë më shumë rreth detajeve të rastit, ndërkohë që vazhdojnë operacionet për kapjen e personit të katërt - në arrati dhe të involvuarve të tjerë të mundshëm në këtë rast.

Arrestohen tre serbë për aktivitete kriminale

Radio Kosova ka marrë vesh nga burime konfidenciale se ata akuzohen të kenë nxitur familjarë të serbëve të zhdukur për të bërë dëshmi të rrejshme me qëllim të trillimit të aferës për gjoja trafikimin (transplantimin) e organeve njerëzore gjatë luftës nga UÇK-ja. Informacioni i Radio Kosovës, se të arrestuarit dyshohen për inskenimin e kësaj afere u konfirmua për RTK-në edhe nga zëdhënësi i policisë, Arbër Beka

Policia e Kosovës në kuadër të luftës kundër krimit ka arrestuar tre serbë, njëri prej tyre qytetar nga Kosova kurse dy të tjerët shtetas të Serbisë. Arrestimi, sipas policisë, është bërë në afërsi të fshatit Çaglavicë. Policia ka thënë se tre të arrestuarit dyshohen për aktivitete kriminale në Kosovë. Radio Kosova ka marrë vesh nga burime konfidenciale se ata akuzohen të kenë nxitur familjarë të serbëve të zhdukur për të trilluar aferën për gjoja marrjen dhe trafikimin (transplantimin) e organeve njerëzore nga UÇK-ja. Informacioni i Radio Kosovës se të arrestuarit dyshohen për inskenimin e aferës për gjoja trafikimin me organeve të serbëve gjatë luftës është konfirmuar ekskluzivisht për RTK-në edhe nga Arbër Beka, zëdhënës i policisë së Kosovës. “Personat e arrestuar dyshohet se kanë kryera aktivitete kriminale dhe atë duke premtuar të holla dhe të mira materiale se paku një personi që ata të deklarojnë dhe të dëshmojnë se ata kanë qenë viktima të transplantimit të organeve njerëzore gjatë kohës së luftës në Kosovë”, ka deklaruar zëdhënësi Beka. Sipas burimeve të Radio Kosovës, tre të arrestuarit, njëri serb shtetas i Kosovës dhe dy të tjerët serbë - shtetas të Serbisë, viktimave iu kanë ofruar shuma të hollash mbi 50 000 euro që të bëjnë dëshmi të rrejshme për gjoja transplantimin e organeve njerëzore. Rreth sqarimit të arrestimit dhe akuzave, policia e Kosovës mban sot në orën 11:30 një konferencë shtypi. Fadil Gashi
RTK

BDK reagon kundër deklaratës së Ahmetit për ‘protestën nacionaliste’

http://alsat-m.tv/thumbnail.php?file...article_medium

Partia Bashkimi Demokratik Kombëtar reagon ashpër ndaj vlerësimit të djeshëm të kreut të BDI-së Ali Ahmeti, se organizimi i protestave kombëtare më 23 qershor, në sheshin Skenderbeu në Shkup, me kërkesën e vetme për barazi të plotë juridiko kushtetuese të shqiptarëve në Maqedoni, paraqet qëndrim radikal nacionalist.
Me anë të këtij reagimi i bëjmë me dije Ali Ahmetit, se me deklaratën e fundit në emisionin ‘Rruga Drejt’ në Alsat, është shqiptari i parë dhe shpresojmë se do të jetë i fundit, që e quan radikale dhe nacionaliste, kërkesën e shqiptarëve për barazi të plotë me maqedonasit, kërkesë të cilën shqiptarët e këtushëm përfshirë edhe anëtarët dhe simpatizuesit e partisë së Ahmetit, po e përsërisin plot dy dekada. Kur Ahmeti vlerëson se protestat me karakter kombëtar kanë për qëllim kthimin e dikujt në skenën politike, parashtrohet pyetja mos vallë edhe lufta e 2001-shit, kishte të njëjtin qëllim? Prandaj i mbetet opinionit shqiptarë të vlerësoj se kush ka të drejtë në këtë rast, ata që angazhohen për barazi të plotë juridiko kushtetuese të shqiptarëve, apo ata që kundërshtojnë këtë” thuhet në reagimin e Bashkimit Demokratik Kombëtar.
Kjo parti fton strukturat e BDI-së përfshirë deputetët, kryetarët e komunave dhe anëtarët dhe simpatizuesit e saj, që të mbështesin protestat e 23 qershorit, të cilat qëllim të vetëm kanë barazinë e plotë juridiko kushtetuese të shqiptarëve.
ALSAT M

[Llapjani_HH]

Shpërngulet Hashim Thaçi

Banorët e lagjes “Arbëria” nuk zgjohen më nën ritmin e sirenave dhe zhurmës kumbuese që lëshonin makinat nën përcjellje të kryeministrit Hashim Thaçi. Lagjja është qetësuar, ndërkohë që kojshillëku mes banorëve të “Arbërisë” dhe Thaçit ka marrë fund.

Siç shkruan revista “Profil”, kryeministri Thaçi tashmë është larguar përfundimisht nga “Arbëria” në Prishtinë, lagje kjo e cila pas pas luftës ia zëvendësoi fshatin Brojë të Skënderajt.

Thaçi, sipas kësaj reviste, e ka shitur shtëpinë në lagjen e mbushur me ambasada, zyra diplomatike dhe organizata të huaja, ndonëse nuk kishte banuar në të qe një vit. Tash, ish-shtëpia e tij – sipas kësaj reviste – është lëshuar me qira.

Hashim Thaçi – sipas kësaj reviste - tash banon një apartament te vendi i quajtur “Te Xhambazët”, pas një dështimi që ta blejë një shtëpi dykatëshe po në këtë lagje. Familja e këshilltarit të tij për shëndetësi, Shaip Muja, i ka ofruar një apartament në shfrytëzim.
Telegrafi

[Dani11]

Ish-ushtari i UÇK-së arrestohet në Hungari, ekstradohet në Serbi
Genc Zogaj është ekstraduar në Serbi me akuzë të ngritur për kinse krime të kryera në Kosovë gjatë kohës së luftës.
E shtunë, 13 Qershor 2009 19:00


Genc Zogaj, ish-luftëtar i Ushtrisë Çlirimtare të Kosovës, është arrestuar nga autoritetet e Hungarisë dhe më pastaj është ekstraduar në Serbi me akuzë të ngritur nga gjykatat serbe për kinse krime të kryera në Kosovë gjatë kohës së luftës, ka njoftuar familja Zogaj.

"Ai ka qenë i arrestuar nga organet e UNMIK-ut në vitin 2001 me të njëjtën akuzë, por gjykatësit ndërkombëtarë e kanë shpallur të pafajshëm", ka deklaruar për KTV-në motra e tij, Arta Zogaj.

Duke cituar fjalët e avokatit mbrojtës të Genc Zogajt, ajo ka thënë se ai është arrestuar në Hungari mbi bazën e fletarrestimit të ngritur nga gjykatat serbe, kurse autoritet hungareze ende nuk kanë lëshuar asnjë dokument zyrtar për të konfirmuar arrestimin dhe ekstradimin e tij në Serbi. Po ashtu, sipas avokatit të ti, Genci pas arrestimit në Hungari, të hënën është ekstraduar në Serbi, ku gjykata e Vranjës me procedurë të shpejtë i ka caktuar 30 ditë paraburgim.

Familjarët e Gencit kërkojnë nga të gjitha institucionet vendëse dhe ndërkombëtare që të ndikojnë te autoritetet serbe që Genci të kthehet në Kosovë. /ktv/

[Pupi]

Postimi origjinal është bërë nga Dani11

Ish-ushtari i UÇK-së arrestohet në Hungari, ekstradohet në Serbi
Genc Zogaj është ekstraduar në Serbi me akuzë të ngritur për kinse krime të kryera në Kosovë gjatë kohës së luftës.
E shtunë, 13 Qershor 2009 19:00


Genc Zogaj, ish-luftëtar i Ushtrisë Çlirimtare të Kosovës, është arrestuar nga autoritetet e Hungarisë dhe më pastaj është ekstraduar në Serbi me akuzë të ngritur nga gjykatat serbe për kinse krime të kryera në Kosovë gjatë kohës së luftës, ka njoftuar familja Zogaj.

"Ai ka qenë i arrestuar nga organet e UNMIK-ut në vitin 2001 me të njëjtën akuzë, por gjykatësit ndërkombëtarë e kanë shpallur të pafajshëm", ka deklaruar për KTV-në motra e tij, Arta Zogaj.

Duke cituar fjalët e avokatit mbrojtës të Genc Zogajt, ajo ka thënë se ai është arrestuar në Hungari mbi bazën e fletarrestimit të ngritur nga gjykatat serbe, kurse autoritet hungareze ende nuk kanë lëshuar asnjë dokument zyrtar për të konfirmuar arrestimin dhe ekstradimin e tij në Serbi. Po ashtu, sipas avokatit të ti, Genci pas arrestimit në Hungari, të hënën është ekstraduar në Serbi, ku gjykata e Vranjës me procedurë të shpejtë i ka caktuar 30 ditë paraburgim.

Familjarët e Gencit kërkojnë nga të gjitha institucionet vendëse dhe ndërkombëtare që të ndikojnë te autoritetet serbe që Genci të kthehet në Kosovë. /ktv/

Ky nuk qenka lajm, apo spaku nuk qenka lajm i mir, apo troq me than ky qenka skandal.
Kjo eshte pune e ministris se puneve te jashtme, kur dihet boterisht qe Hungaria ka pranuar Shtetesin e Kosoves.

[Llapjani_HH]

Diplomat e Kosovës presin dy vjet për nostrifikim në Maqedoni

Ka thuajse dy vjet që në Maqedoni nuk është nostrifikuar as edhe një diplomë e vetme e Universitetit të Prishtinës dhe shkollave të mesme të Kosovës, bën të ditur e përditshmja “Lajm” e Maqedonisë.

Ministria e Arsimit dhe Shkencës (MASH) të Maqedonisë duket se ka vendosur t’i mbajë “iso”-n politikës serbe të mos pranimit të institucioneve kosovare edhe pse Qeveria maqedonase e ka njohur shtetin e Kosovës në tetor të vitit të kaluar, kurse që prej vitit 2005 ka nënshkruar marrëveshjen e bashkëpunimit në sferën me të cilën Kosova dhe Maqedoni obligohen të njohin diplomat e këtyre dy vendeve.

“Këto ditë do të lëshohen nostrifikimet e 200 diplomave”, ka thënë Agim Rushiti, anëtar i brendshëm i MASH-it, ndërsa ka shtuar se “zvarritja e nostrifikimit është edhe për neglizhencë të Ministrisë së Arsimit të Kosovës”.

“Lista me rastet e paraqitura tek neve, qëndroi një kohë të gjatë në Ministrinë e Kosovës, ku duhej të na konfirmonin nëse ishin valide ato diploma”, tha Rushiti, ndërsa kandidatët, numri i të cilëve ka shkuar në disa qindra, tregojnë diçka tjetër. Ata thonë se në MASH kanë marrë përgjigje se, duhet pritur vendosjen e marrëdhenieve diplomatike mes dy vendeve.

“Na thuhet se nuk mund të bëhet nostrifikimi i diplomave pa u vendosur marrëdhëniet diplomatike mes dy shteteve”, ka thënë për këtë të përditshme Fatmir Fejzullahu, absolvent i farmacisë në Universitetin Shtetëror të Tetovës (USHT) – i cili që nëntë muaj ka dorëzuar në Shkup kërkesën për nostrifikimin e diplomës së shkollës së mesme.

“Ka studentë që kanë kryer studimet dhe nuk mund të marrin diplomë, sepse u bëhet pengesë në MASH, nuk u nostrifikohen diplomat e shkollës së mesme”, ka thënë ndërkaq, Sihana Ahmeti, kryetare e Unionit të studentëve të Fakultetit të Farmacisë, në USHT.

Pa dokumentin e nostrifikimit, në USHT nuk mund të nisën procedura për paraqitjen e temës së diplomës. Studentët dyshojnë se zvarritja është një padrejtësi e qëllimshme që u bëhet atyre.

Fejzullahu shpjegoi se ndryshe sillet MASH-i i Maqedonisë me diplomat që mbajnë vulën e Serbisë, pra me studentët nga Lugina e Preshevës. “I thërrasin me telefon, që të shkojnë ta marrin vërtetimin e nostrifikimit kur janë në pyetje diploma me vulën e Serbisë, kurse për diplomat e Kosovës nxjerrin lloj-lloj arsyetimesh”, ka thënë ai.

Nostrifikimi i diplomave, nisi të bllokohet në masë të madhe pas pavarësimit të Kosovës, më 17 shkurtit 2008, kurse në sirtarët e MASH-it qëndrojnë kërkesa edhe më të vjetra.
Telegrafi

Montgomery propozon ndarjen e Kosovës

Ndarja e Kosovës dhe referendumi për pavarësinë e Republikës Serbe të Bosnjës sipas ish-ambasadorit të SHBA-ve në Beograd, William Montgomery, janë zgjidhje për problemet në Ballkan. Megjithatë, ai ka thënë se do të jetë vështirë të bindet administrata amerikane që t’i qaset kësaj zgjidhjeje...

Montgomery, në një intervistë për të përditshmen Blic ka vlerësuar se, “insistimi që Bosnje-Hercegovina dhe Kosova të bëhen shoqëri multi-etnike është treguar si mision i pamundur”.

“Resurset e plota të bashkësisë ndërkombëtare, financiare dhe ato të personelit, janë duke u shfrytëzuar që më shumë se 15 vjet në Bosnje dhe më shumë se 10 vjet në Kosovë – ndërsa nuk i jemi afruar përmbushjes së këtij synimi. Një numër i madh i refugjatëve nuk është kthyer, interaktiviteti në mes të grupeve etnike është i vogël, që të dy bashkësi janë jofunksionale dhe për këtë gjë shkaktojnë jostabilitet jo vetëm brenda kufijve të tyre, por edhe në rajon”, ka vlerësuar Montgomery.

“Mu për këtë shkak, ndarja e Kosovës dhe referendumi për pavarësinë e Republikës Serbe janë zgjidhje”, ka thënë ish-ambasadori amerikan.

Montgomery po ashtu ka shpjeguar se do të jetë vështirë të bindet Perëndimi për të mbështetur këtë propozim, e sidomos administrata amerikane, mirëpo ai vlerëson se, “kjo ide duhet të hidhet në tavolinë nga Bashkimi Evropian”.

“Do të jetë shumë vështirë të bindet administrata amerikane që t’i qaset kësaj zgjidhjeje. Njerëzit në administratë, që janë direkt të përfshirë në këtë rajon, si Richard Holbrooke, nënpresidenti Joseph Biden dhe zv/ndihmës sekretari James Steinberg, do të jenë kundërshtarët më të ashpër të kësaj ideje. Mendoj se iniciativa për mendime rreth alternativave për çështjen e Kosovës, duhet të vije nga Bashkimi Evropian”, ka thënë ai.
Telegrafi

Kryetari i Deçanit paralajmëron padi kundër kryeministrit Thaçi

Kryetari Deçanit, Musa Berisha, ka paralajmëruar padi për shpifje kundër kryeministrit Hashim Thaçi.

Berisha nuk ka komentuar më shumë për atakimin që i ka bërë atij kreu i qeverisë. Ai i ka thënë KTV-së se nesër së bashku me kryetarin e AAK-së, Ramush Haradinaj, do të dalë në një konferencë për media, për të demantuar Thaçin dhe aty do të jepen të gjitha argumentet kundër deklarimeve të kryeministrit.

Kreu i ekzekutivit ka thënë dje në Kuvendin e Kosovës se kryetari i Deçanit nuk e njehë Qeverinë e Republikës së Kosovës, për faktin se nuk ka pranuar shumë investime për zhvillimin e komunës që drejton ai.

Thaçi, ka theksuar se kryetari i Deçanit i ka refuzuar investimet e qeverisë në rrugë, për shkolla dhe për ujësjellës.

Edhe deputetët që vijnë nga Deçani kanë reaguar ndaj deklaratës së kryeministrit. Ata i kanë kërkuar kryeministrit që të japë llogari për këtë, ndërsa kanë thënë se qytetarët e Deçanit janë ndier të ofenduar.

Ndërsa, ministri i Ekonomisë dhe i Financave, Ahmet Shala, ka thënë se Qeveria e Kosovës është pranë çdo qytetari të Kosovës dhe se edhe në të ardhmen do të mbështesë çdo iniciativë të tyre.

Deklarata e kryeministrit Thaçi ka vënë në pah bashkëpunimin në nivelin jo të duhur ndërmjet qeverisë dhe komunave, të cilat udhëhiqen nga Aleanca për Ardhmërinë e Kosovës.
Telegrafi

Sejdiu: Nuk anulova vizitën në Maqedoni për pikë politike

Anulimi i vizitës në Maqedoni nuk është bërë për të fituar pikë të brendshme politike, por me këtë vendim unë kam respektuar vendin tim dhe parimet e njohura ndërkombëtare. Kështu ka deklaruar në një intervistë ekskluzive për ALSAT, Presidenti i Kosovës, Fatmir Sejdiu.

“Ftesa ka qenë e drejtuar si vizitë zyrtare. E kam pranuar me kënaqësi. Jemi dakorduar që vizita të realizohet me 28 maj dhe natyrisht kanë ndodhur ato që praktikisht e kanë hedhur jashtë normales procesin në kuptimin që Republika e Maqedonisë, në këtë rast kabineti i Presidentit Ivanov dhe kush mund të jetë përgjegjës bashkë me të e kanë ndërruar karakterin e vizitës dhe natyrisht që unë nuk kam pranuar që të shkoj”, sqaroi presidenti Fatmir Sejdiu.

Sejdiu tha se Kosova do të bashkëpunojë me të gjitha vendet fqinjë, por vetëm në baza të barabarta.

“Ne do të vazhdojmë me qasjen tonë vërtetë për të pasur refleksionet më të mira të mundshme, për një fqinjësi të mirë dhe një partneritet të rëndësishëm të bashkëpunimit rajonal. E quaj një episod që nuk është dashur të ndodhë. Mendoj se nuk ka qenë racionale ajo mënyrë sesi është vepruar, por unë kujtoi se do të gjendet kohë dhe do të gjenden momente që secili ta kuptojë se cila është nevoja më e mirë e mundshme për bashkëpunime në baza të barabarta. Absolutisht them në baza të barabarta.

Kosova edhe pse është një shtet i ri,i porsalindur, respekton parimet ndërkombëtare të bashkëpunimeve në mes shteteve. Dhe në këtë kuadër ne do të reflektojmë pozitivisht, por natyrisht duke pasur ndjenjën paralele që edhe Maqedonia të ketë qasjen e mirë si ne që ofrojmë”, thekson presidenti Sejdiu.

Ai muajin e kaluar anuloi vizitën në Maqedoni, pasi kabineti i homologut të tij Ivanov ndërroi karakterin e saj nga zyrtare siç ishte ftesa në vizitë pune. Pas anulimit të vizitës kryeministri i Maqedonisë Nikolla Gruevksi akuzoi Sejdiun se e anuloi këtë vizitë për të fituar pikë të brendshme politike.
ALSAT M

[Llapjani_HH]

Surroi sqaron mospjesëmarrjen e tij në kremten për përvjetorin e Kushtetutës së Kosovës

Kryetari i bordit të Klubit për Politikë të Jashtme, Veton Surroi, iu ka dërguar letër presidentit Fatmir Sejdiu dhe kryeparlamentarit Jakup Krasniqi, duke shpjeguar arsyet e mospjesëmarrjes së tij në kremten e përvjetorit të fuqizimit të Kushtetutës së Kosovës. “Me gjithë vullnetin e mirë që të marr pjesë në këtë solemnitet, në veçanti duke pasur parasysh pjesëmarrjen e miqve të nderuar ndërkombëtarë, kam pengesa morale që më pamundësojnë ardhjen”, ka thënë Surroi në letrën e tij.

Sipas tij, ndonëse lista e pengesave mund të jetë më e gjatë, janë dy çështje që e determinojnë vendimin e tij për mosshkuarje.

“Gjatë këtyre 12 muajve të ekzistencës së Kushtetutës së Republikës së Kosovës, ju keni qenë shkelës i pari i saj, duke mos respektuar kërkesën eksplicite për mos ushtrim të funksioneve të tjera publike, gjegjësisht të atyre në parti politike. Veprimi juaj i kundërt me kërkesën kushtetuese e ka dëmtuar prerogativën presidenciale të garantimit të funksionimit të institucioneve të përcaktuara me këtë Kushtetutë dhe ka penguar zhvillimin demokratik të një pjese të jetës politike të vendit”, ka shkruar publicisti kosovar.

Sipas Surroit, gjatë këtyre 12 muajve, gjithashtu, është shënuar një rritje e kërcënimeve ndaj shprehjes së lire në media, për çka gjatë javëve të kaluara u është tërhequr vërejtja presidentit dhe kryeministrit të vendit, nga institucionet ndërkombëtare që gjatë viteve nëntëdhjetë, kur shtypeshin të drejtat shumicës së popullatës së Kosovës, qenë ngritur në mbrojtje.

“Kërcënimi ndaj jetës së dy gazetareve të Kosovës janë ilustrim publik i shumë rasteve të tjera, të kërcënimeve të ndryshme që i bëhen shprehjes së lirë. Si jurist i diplomuar, ka qenë obligim i juaji bazik profesional që të mbroni Kushtetutën e vendit, duke u tërhequr nga posti politik. Si president i vendit, është dashur të ngrini zërin tuaj për mbrojtjen e një liste të gjatë njerëzish që janë të përfshirë në media e i nënshtrohen presioneve të drejtpërdrejta fizike dhe ekonomike, në shumë raste nga përfaqësues të pushtetit të Republikës së Kosovës”, theksoi Surroi.

Ai beson që do të Presidenti do ta kuptojë se përse është e pamundur të marr pjesë në një solemnitet të organizuar për nder të njëvjetorit të Kushtetutës së vendit.

“Për mua, ka qenë një vit i shkeljes së saj”.

Ish-lideri i ORA-s, një letër tjetër i ka shkruar edhe Kryeparlamentarit, Jakup Krasniqi, lidhur me ftesën e këtij të fundit për mbledhjen solemne të Kuvendit të Kosovës në njëvjetorin e hyrjes në fuqi të Kushtetutës së Republikës. Ai e ka njoftuar Krasniqin, se përkundër vullnetit të mirë, nuk mund të marr pjesë në një kremtim të këtillë.

“Kushtetuta e Kosovës është shkelur që në ditën e parë të hyrjes së saj në fuqi, e Kuvendi i Kosovës, gjatë 12 muajve të fundit, ka qenë institucion i cili ka përcjellë, shumë herë pa bëzajtur, këto shkelje, që nga cenimi i unitetit të vendit, shkelja e funksionit të Presidentit të Republikës e deri te cenimi i dinjitetit të qytetarëve të Kosovës nga ana e abuzimeve të pushtetit”, ka thënë Surroi.

“Kam besuar, dhe ende besoj, se Pavarësia e Kushtetuta nuk janë emra festash e kremtesh, por emra obligimesh të qytetarëve ndaj vendit dhe të institucioneve të vendit ndaj qytetarëve”, përfundon letra e Surroit.
RTK

Kosovë, Ahtisaari mbërrin një orë më herët, protokolli i papërgatitur

Ish negociatori ndërkombëtar për statusin e Kosovës, Marti Ahtisaari i shoqëruar nga bashkëpunëtorët e tij kanë mbërritur në Aeroportin e Prishtinës një orë më parë nga sa ishte parashikuar duke zënë në befasi protokollin zyrtar. I shoqëruar nga bashkëpunëtori i tij gjatë periudhës së bisedimeve për statusin,Albert Rohan,fituesi i çmimit Nobel për Paqe vitin e kaluar ka gjetur në Aeroport vetëm Shefin e Zyrës Civile Ndërkombëtare,Pieter Feith por jo edhe ministrin e Jashtëm të Kosovës, Skënder Hyseni i cili ishte planifikuar të ishte në aeroport në momentin e uljes së avionit në orën 13:40.

Megjithatë, Garda e Kosovës ka qenë e gatshme për të bërë nderimet për arkitektin e shtetit të Kosovës në vizitën e tij të parë në Kosovën e pavarur.Ahtisaari dhe Rohan, bashkë me ish ndërmjetësin e BE-së për Kosovën, Volfgang Ischinger, do të marrin pjesë në ceremonitë festive të shënimit të njëvjetorit të hyrjes në fuqi të Kushtetutës së Kosovës.Ish ndërmjetësi amerikan, Frank Uizner ka anuluar vizitën në momentin e fundit për arsye shëndetësore.

Bul Salihu
ALSAT

Kosovarët pa viza në BE vetëm si shtetas të Serbisë

Ministrat e jashtëm të BE-së sot diskutojnë për liberalizimin e vizave

Ambasadori i Suedisë në BE, Danielson, pranoi se „ka kufizime në atë çfarë mund të bëjë BE-ja në raport me Kosovën, duke marrë parasysh ndasitë mes vendeve anëtare“. Ndërkohë organizata ESI i ka bërë thirrje BE-së që të mos e detyrojë Serbinë që të refuzojë dhënien e pasaportave kosovarëve. „Derisa të mos ketë një udhërrëfyes të veçantë për Kosovën, apo një plan tjetër që çon nga heqja e vizave, BE-ja në mënyrë të heshtur pranon se kosovarët janë shtetas të Serbisë dhe kanë të drejtë të kenë pasaporta të Serbisë“, thotë ESI
Koha Ditore

Dogana e Maqedonisë shpërfill shqiptarët

Në të gjitha sektorët dhe njësitë e doganave të Maqedonisë asnjë shqiptarë nuk mban postin udhëheqës.

Po ashtu edhe njësitë rajonale të doganës shqiptarët nuk janë emëruar në detyra udhëheqëse. Të punësuarit shqiptarë ndjehen të diskriminuar nga përbërja aktuale e doganave.

Siç bëhet e ditur treshja e mirënjohur në krye të këtij institucioni, drejtori Vanço Kargov dhe dy këshilltarët e tij, Vladimir Mijalkov, vëllai i shefit të Drejtorisë së Sigurimit Shtetëror si dhe Gjorgji Naumovski janë ata që mbajnë këtë gjendje diskriminuese të shqiptarëve.

Deri tani BDI mban të fshehur mospublikimin e emrin e kandidatit të saj për postin e zëvendësdrejtorit, për shkak se shumë kandidatura për këtë post ishin refuzuar nga ana e kryeministrit Nikolla Gruevski, njofton agjencia INA.

Pjesëtarët e komunitetit serb, konstaton kjo agjenci, janë më të avancuar në pozita udhëheqëse në dogana, të cilët mbajnë edhe postin e ndihmësdrejtorit në dogana.

Në Doganat e Maqedonisë vazhdon të ngecë përfaqësimi i shqiptarëve dhe se sipas shifrave të siguruara, ky përfaqësim nuk shkon as deri në 10 për qind.
Mesazhi.com

Energjinë elektrike për tunelet në autostradën Kosovë-Shqipëri do ta garantojë Kosova

Energjinë elektrike në tunelet e autostradës Kosovë-Shqipëri do ta garantojë Kosova, pohon gazeta proqeveritare "Rilindja demokratike". Burime zyrtare nga Elektrodistribucioni për gazetën deklaruan se është biseduar rreth projektit për vendosjen e transformatorit 220/110 kilovatësh në trafostacionin Prizren 2, si dhe ndërtimi i largpërçuesit Prizren-Kukës.

Ndërtimi i largpërçuesit Prizren-Kukës, siç njoftoi korrespodenti i MIA-s nga Tirana, do të jetë kryesisht në shërbim të furnizimit normal dhe pandërprerë me energji elektrike në tunelet, të cilat janë pjesë e autostradës Kosovë-Shqipëri (autostrada Durrës-Kukës-Prishtinë).

Gjatë vitit 2009 pritet të fillojë ndërtimi i largpërçuesit 400 kilovatësh Kosovë-Shqipëri. Ndërtimi i tij planifikohet të përfundojë për 20 muaj.

Burime të njëjta theksojnë se qeveria gjermane ka shfaqur gatishmëri për sigurimin e grantit për konsultantë dhe mbikëqyrje të realizimit të projektit nga ana shqiptare.

Njëkohësisht, komisioni adekuat qeveritar i Gjermanisë ka dhënë pajtueshmëri për financimin e pjesës kosovare të largpërçuesit prej 400 kilovatësh Kosovë-Shqipëri, nëpërmjet Bankës gjermane për zhvillim.
Telegrafi

[Dani11]

Zgjedhjet lokale më 15 nëntor
Më 15 nëntor të këtij viti, në Kosovë do të mbahen zgjedhjet lokale. Ky njoftim vjen nga kabineti i presidentit të Kosovës, Fatmir Sejdiu.
E martë, 16 Qershor 2009 14:49

Vendimi ka pasuar një sërë konsultimesh që ai ka zhvilluar me partitë politike në Kosovë.

Kjo datë ka qenë në qendër të debatit midis forcave politike në pushtet, të cilat preferonin nëntorin dhe atyre në opozitë, të cilat kërkonin që zgjedhjet të mbahen në tetor./rel/

[Llapjani_HH]

Agim Çeku priti kryetarin e Partisë Malazeze të Kosovës, Sllobodan Vujiçiq

Kryetari i PSD-së z. Agim Çeku priti sot në një takim pune z. Sllobodan Vujiciq, kryetarin e Partisë Demokratike Malazeze të Kosovës, parti kjo e posaformuar në Kosovë. Në këtë takim u bisedua për modalitetet dhe rrugët e bashkëpunimit të dy partive në të ardhmen, për çka ekziston vullneti dhe gatishmëria e plotë nga të dyja palët.

Kryetari i PSD-së z. Agim Çeku e përgëzoi liderin e komunitetit malazez të Kosovës z.Vujiçiq për nismën dhe e vlerësoi atë si një rrugë shumë të mirë në shërbim të mbrojtjes dhe afirmimit të identitetit të komunitetit malazez në Kosovë.
Edhe në këtë takim z. Çeku rikonfirmoi qëndrimin e partisë së tij se është në interes të Kosovës që komuniteti malazez i Kosovës te njihet dhe pranohet si komunitet në vete.
Ky komunitet do t’i shërbente forcimit të marrëdhënieve midis Kosovës dhe Malit të Zi dhe do të ishte një urë afrie dhe bashkëpunimi mes dy popujve dhe vendeve tona fqinje, thuhet në një komunikatë për opinion të lëshuar sot nga Zyra për informim publik pranë PSD-së.
RTK

Policia kufitare konfiskon te një serb dokumente të dyshuara për falsifikim

Derisa policia kufitare ishin duke i kryer punët e tyre rutinore nga drejtimi Serbi Kosovë ne PKK Merdar ka ardhur automjeti i udhëtareve Vw Golf CL ngjyrë e kuqe të cilën e drejtonte personi D. Stojaneviq nga qyteti i Nishit Republika e Serbisë.

Gjatë kontrollimit të dokumentacionit të veturës nga drejtuesi i automjetit është kërkuar që të hapet bagazhi i automjetit në të cilin nga ana e policisë është vërejtur një pako me ç'rast drejtuesi është deklaruar se në këtë pako ka dokumente të ndryshme të administratës civile: targa të automjeteve në PR, pasaporta të Republikës së Serbisë, disa kartonë për dhënien e letërnjoftimeve të Republikës së Serbisë, letërnjoftime të Republikës së Serbisë, disa dokumentacione për çlajmërim dhe lajmërim të vendbanimeve e etj , për të cilat nuk posedonte kurrfarë autorizimi Është informuar prokurori dhe me urdhër të tij sendet (dokumentacioni i dyshuar) është konfiskuar për të vazhduar procedurat e mëtutjeshme. I dyshuari D. Stojanoviq është intervistuar dhe me urdhër të Prokuror Komunal në Prishtinë i njëjti është liruar në procedurë të rregullt, ndërsa ndaj tij do të ushtrohet kallëzim penal për dyshim të falsifikimit të dokumenteve dhe njëkohësisht do të bëhet edhe verifikimi i tyre.
RTK

Topi bojkoton Novi Sadin, mungon ftesa për Sejdiun

Ndonëse ka qenë i ftuar, presidenti i Shqipërisë Bamir Topi ka bojkotuar një samit të krerëve të shteteve të Evropës Juglindore që zhvillohet në Novi Sad. Mospjesëmarrja e Topit lidhet me mosftimin e Kosovës në tryezë.

Samiti do të zhvillohet më 18 dhe 20 qershor dhe do të flitet për politikat ekonomike, energjetike të rajonit. Në samit do të marrin pjesë presidenti austriak, presidenti bullgar, ai kroat, moldav, çek, maqedonas, italian, slloven, sllovak, ukrainas dhe presidenti boshnjak.

Presidenca serbe nuk e ka komentuar mungesën e Topit, por mendohet se shkak të jetë bërë mosftesa e homologut kosovar, Fatmir Sejdiu. /tch/
Telegrafi