A kemi nevojë për një shtet të tillë ?

[Zero Cool]

Komandant “Mjekrra” ka rënë dëshmor si shqiptar dhe jo për qëllime fetare






Në debatin publik të nisur mes liderit dukagjinas të Aleancës për Ardhmërinë e Kosovës (AAK), Ramush Haradinajt dhe partisë islamike LISBA që identifikohet me Fuad Ramiqin, janë përfshirë edhe veteranët e UCK-së në Viti dhe familja e dëshmorit Njazi Azemi Komandant “Mjekra”.

“Komandant MJEKRRA ishte shqiptar dhe vetëm shqiptar i madh - dëshmorët nuk ka rënë dëshmorë për qëllime të caktuara të klaneve të caktuara fetare, politike apo çfarëdo qofshin tjetër”, thuhet në reagimin e veteranë ve.

“Ne, veteranët e luftërave çlirimtare të Ushtrisë Clirimitare të Kosovës, të Ushtrisë Clirimtare për Preshevë Bujanoc dhe Medvegjë dhe të Ushtrisë Clirimtare Kombëtare, dhe Familja e Njazi Azemit-Komandant Mjekrrës,duke parë tendencat e disa grupeve të caktuara antikombëtare që për qëllimet e tyre apo atyre që ju shërbejnë ata, po përdorin emra të dëshorëve, reagojmë fuqishëm kundër tyre. Ditëve të fundit ka filluar një fushatë denigruese kundër udhëheqësve të luftës clirimtare të Kosovës, e në këtë fushatë po përdoren edhe emri dhe fotot e heroit kombëtar Njazi Azemi, i njohur si Komandant “Mjekrra””, thuhet tutje në kë të reagim.

Në kë të reagim, Dega e Organizatës së Veteranëve të Luftës së UCK-së në Viti, dhe Familja Azemi,kundërshtojmë fuqishëm përdorimin e emrit dhe veprës së Komandant “Mjekrrës” nga kushdo qoftë, që bëhet për qëllime të caktuara. “Njazi Azemi - Komandant “Mjekrra”, nuk ka luftuar kurrë për asnjë qëllim tjetër, pos për clirimin e Kosovës dhe bashkimin e trojeve shqiptare. Komandant “Mjekrra” është dhe do mbetet përjetë sinonim i trimërisë, guximit dhe frymëzim i brezave për bashkimin e kombit.

Ai ishte shqiptar dhe vetëm shqiptar i madh, dhe keqpërdorimi i veprës dhe heroizmit së tij nga ana e njerëzve jo-qëllimmirë, nga klane të caktuara që marrin urdhra kush e di nga ku, bëhet me qëllim të njollosjes së emrit të tij dhe të gjthë luftës clirimtare”, thuhet në reagim.

Nijazi Azemi, si ushtar i UCK-së në Zonën Operative të Dukagjinit, ku komandant e kishte Ramush Haradinajn, pastaj, si Zv/Komandant i Zonës së Preshevës, në luftën e UCPMB-së, ishte shembulli më i mirë se si luftohet dhe flijohet për atdhe, thojnë veteranë t.

“Ua tërheqim vërejtjen dhe ua kujtojmë të gjithë atyre që po e keqpërdorin emrin dhe veprën e komandantit tonë dhe të gjithë dëshmorëve të tjerë të kombit, t’i ndalojnë menjëheherë këto thirrje dhe etiketime, sepse as komandant Nijazi Azemi dhe asnjë bashkëluftëtar tjetër nuk kanë luftuar dhe nuk rënë dëshmorë për qëllime të caktuara të klaneve të caktuara fetare, politike apo cfarëdo qofshin tjetër. Në të kundërtën, nëse këta flliqtana vazhdojnë me abuzimet në emër të komandant “Mjekrrës” dhe dëshmorëve të tjerë, do të përballen me forcën e ligjit dhe me reagimin tonë qytetar, njerëzor e nacional”, thuhet në kë të reagim të veteranë ve.

Ramush Azemi, Baba i dëshmorit Nijazi Azemi, Komandat "MJEKRRA", sipas kë rij reagimi, gjithashtu bënë apel që dëshmorët e kombit të lihen të qetë në altarin e lirisë, emrat e tyre janë të shenjtë prandaj çdo keqpërdorim i tyre, neve si familjar na fyen dhe na bënë të ndjehemi keq.

[Zero Cool]

Përfshihen edhe veteranët e Gjakovës: Njerëzit me mjekra i cilësojnë fundërrina dhe matrapaz të shitur për interesa të huaja.







04 Janar 2014


Në debatin publik të nisur mes liderit të Aleancës për Ardhmërinë e Kosovës (AAK), Ramush Haradinajt dhe partisë islamike LISBA që identifikohet me Fuad Ramiqin, janë përfshirë edhe veteranët e UÇK’së nga Gjakova, pas atyre të Vitisë.

Kështu në një reagim të shpërndarë pak çaste më parë, ish-ushtarët e Brigadës 137 Gjakova, bëjnë thirrje të mos njolloset lufta dhe ideali për liri i dëshmorëve.

“Ne, veteranët e Brigadës 137 “Gjakova” të Ushtrisë Çlirimtare të Kosovës jemi shumë të shqetësuar me përpjekjet e grupeve militante dhe ekstremiste islamike, që kanë për qëllim të keqpërdorin idealin tonë kombëtar, për të cilin, në luftën e fundit kundër pushtuesit serb (si edhe në ato para saj) shumë bashkëluftëtarë tanë e dhanë jetën për liri”, thuhet në fillim të reagimit.

“U themi haptazi të gjithë këtyre matrapazëve dhe të shiturve për interesa të huaja, e që tani po krekosen me mjekra dhe gjysmë pantallona dhe me sjellje antishqiptare, se ne jemi radhitur gjatë luftës në radhët e Zonës Operative të Dukagjinit (ZOD) të Ushtrisë Çlirimtare të Kosovës (UÇK), përkrah komandantit Ramush Haradinaj, por edhe sot, për ideale kombëtare jemi së bashku”.

Në reagim thuhet se “në ditët e fundit, këto fundërrina nën petkun islam janë duke keqpërdorur dhe abuzuar edhe me emrat e luftëtarëve të Ushtrisë Çlirimtare të Kosovës, siç ishte edhe rasti i bashkëluftëtarëve dhe heronjve tanë, Komandant “Mjekrra” - Njazi Azemi, Mujë Krasniqit – “Kapuqit” e shumë të tjerëve”.

“Edhe njëherë iu themi këtyre që janë në shërbim të terrorit, se ne, luftëtarët e UÇK-së, në frontin e luftës na ka bashkuar ideali për të sakrifikuar edhe jetën për lirinë e atdheut, për lirinë Kosovës. Edhe atëherë, por edhe tani, nuk jemi ndarë sipas besimit, qoftë islam apo katolik, por krah për krahu kemi luftuar ashtu siç kanë luftuar historikisht shqiptarët, sepse, mbi të gjitha ka qenë dhe është atdheu”.

“Çdo person që bën përpjekje (kushdo qoftë, me mjekërr a pa të) për të denigruar, njollosur ose keqpërdorur këtë ideal, do ta konsiderojmë armik të atdheut tonë dhe të shqiptarizmit në tërësi”, përfundon reagimi.

[Zero Cool]

Hamiti: Mos e keqpërdorni fenë në dëm të kombit



Profesori i Fakultetit të Studimeve Islame, Xhabir Hamiti ka apeluar të gjithë prijësit e komuniteteve fetare në vend, intelektualët e të gjitha komuniteteve që të mos bien në grackën e armiqve të Kosovës dhe të shqiptarëve, të cilët, si në të kaluarën e ashtu edhe sot janë munduar dhe mundohen që kombin tonë ta ndajnë e dobësojnë edhe fetarisht.

Sipas tij, feja është e Zotit dhe askush nuk ka monopol mbi të.

“Ndarja, përçarja dhe urrejtja fetare nuk ka qenë dhe nuk duhet të jetë pjesë e vendit dhe kombit tonë. Kudo në botë, ku përçarja fetare ka zënë vend aty shoqëria nuk ka pasur asnjëherë rehati dhe kurrë nuk ka parë ditë të mira! Le t`i rikujtojmë paksa thëniet dhe porositë e disa rilindëseve tanë të mëdhenj dhe teologëve me nëmë, lidhje me rëndësinë e harmonisë fetare në mesin e shqiptarëve”, thuhet në reagimin e Hamitit.

Në reagim, Hamiti i ka bashkangjitur edhe disa thënie të rilindësve shqiptarë të cilët me vite të tëra kanë bërë thirrje kundër përçarjeve fetare që kanë qenë në dëm të shqiptarisë.

1. “Ne shqiptarët, prej çdo feje qofshim, jemi tanë vllazën gjaku dhe vllazën vatani . Do të shkojmë mbarë e mirë me shoq si jemi tue shkue, do të punojmë së bashku për lulzimin e atëdheut tonë dhe do ta mbrojmë atë me gjakun tonë” (H.Ibrahim Dalliu)

2. “Kristianë e myslimanë janë vëllezër shqiptarë të pandarë. Ta duam njëri-tjetrin, t'i tregojmë botës mbarë se shqiptarët pa dallim feje, janë vëllezër si bij të njëshëm të së dashurës sonë Shqipëri ( H. Vehbi Dibra )

3. “ Kemi tri fe, por kemi vetëm një Atëdhe të përbashkët, një gjak vëllazëror, një gjuhë , një diell e një Zot. Detyrë mbi detyrat kemi bashkimin dhe mbrojtjen e atdheut “. (Mulla Idriz Gjilani)

4. “Është e vërtetë se ne kemi Bajram e Pashkë, por Shqiptarinë e kemi të përbashkët”. ( Gjergj Fishta)

5.“ Ndarjet në besim nuk sollën çarje në mes të shqiptarëve. Gjendjet e besimit, jo vetëm në vendet e lindjes, por edhe në Evropë, e në vendet e ndriçuara me qytetërim, shumë herë kanë nxjerr vrasje të mëdha e të tmerruara; Në Shqipëri, këto grindje nuk ndihen dhe kurrë në këtë vend s`kanë ngjarë. T’ecim të dlirë n’udhë të Perëndisë, n’udhët të drejtësisë...në mes të shqiptarëve të vërtetë s’ka ndonjë ndarje, ndonjë çarje, ndonjë ndryshim! Janë të tërë vëllezër të gjithë: janë një trup, një mendje, një qëllim,një besë”.( Sami Frashëri)

6. “….megjithëqë elementi mysliman ka shumicën në Shqipëri, nuk besoj të ketë një shtet të qytetëruar, ku të mbretërojë aq tolerancë feje, sa në Shqipëri”. (Fan Noli)

[Zero Cool]

OVL në mbrojtje të Haradinajt: Ushtarët luftuan për liri e jo për fe.




Organizata e Veteranëve të Luftës së UÇK-së, ka vendosur t’I dalë në mbrojtje ish-komandantit Ramush Haradinajt. Në reagim thuhet se OVL, është e shqetësuar me debatin rreth fesë që po ndodh kohën e fundit nëpër media e portale të ndryshme.

“Ne konsiderojmë se nxitja e përçarjes fetare në Kosovë, është e panevojshme dhe e papranueshme. Gjithashtu, ne kundërshtojmë edhe përfshirjen e temës së luftës çlirimtare gjatë këtij debati të pakuptimtë”.

Sipas organizatës së veteranëve, lufta çlirimtare ka qenë e pastër dhe nuk i ka diferencuar njerëzit ideologjikisht, por i gjithë populli liridashës i ka pasur dyert e hapura të angazhohet për lirinë e Atdheut të vet e bashkimin e trojeve, pa dallim feje apo ideologjie. Dëshmorët e Kombit nuk mund të përvetësohen nga askush, ata nuk kanë qenë as të feve e as partive të ndryshme politike, por kanë qenë luftëtarë të bashkimit të trojeve shqiptare.

“Duke çmuar lartë kontributin e disa prijësve fetarë në luftën çlirimtare, ne kundërshtojmë ashpër sulmet që ju bëhen komandantëve të UÇK-së siç është rasti me Komandatin e ZO të Dukagjinit Gjeneral Ramush Haradinaj, nga persona të panjohur dhe të paditur, apo dhe nga të tjerë që këtë e bëjnë me qëllim të caktuar, e që gjatë luftës nuk iu rreshtuan famëmadhes Ushtri Çlirimtare të Kosovës. Për opinionin është e ditur, se familja Haradinaj, ka qenë gjithëherë në shënjestër të pushtuesit, pasi që në vazhdimësi ka punuar në shërbim të interesave kombëtare. Për gjysëm lirinë që e kemi sot, kjo familje ka dhënë dy dëshmorë të Kombit: Luanin dhe Shkelzenin”.

Organizata e Veteranëve të Luftës së UÇK-së, si përfaqësuese e idealit të luftës për liri, si përfaqësuese e vlerave dhe bartësve të saj, bën të qartë se një nga frytet e luftës është edhe liria e fesë, e cila ka luajtur rol të madh në unifikimin e popullit tonë, e asnjëherë rol përçarës.

“Kërkojmë që ky debat të mbyllet, në të mirën e interesave kombëtare, sepse shqiptarët ende janë të copëtuar e robëruar dhe ende nuk kanë realizuar aspiratat e tyre si komb”.

[Zero Cool]

3 - 4 fe, një popull pagan

Albanët, si fis ilir, përmenden në shekullin e I-rë nga Plini. Para se të përmendët ky etnonim për një popull, një trajtë e saj do të përdoret për të identifikuar një grup dualist heretik, të ndikuar nga maniheizmi. Për turqit fjala “arnaut” ishte sinonim i fjalës “i pafe”. Lakshman-Lepain thotë se koncepti i shpirtit është i huaj për shqiptarët, “të cilët madje nuk kanë term të saktë për ta përkthyer si duhet këtë fjalë”. Noli thoshte se shqiptarët janë paganë, Enveri ateistë, të tjerët materialistë... “Zoti ka vdekur. Dhe ne e kemi vrarë.”, thoshte Nietzsche. Por, ai nuk e vrau Zotin. Zotin e ka “vra” shqiptari.



Kosova u shpall shtet laik. Për disa fanatikë fetarë, laicizmi është vendim i gabuar, meqë ndarja e pushtetit politik nga ai fetar - sipas tyre - mund të ketë efekt negativ në moralin shoqëror. Të tjerët - shumica - që nuk mendojnë kështu, këtë vendim e analizojnë në kontekstin patriotik, të një uniteti që vë para interesin kombëtar e jo atë fetar.

“Shqiptaria”

“Feja e shqiptarit është shqiptaria”, ka thënë Pashko Vasa. Ky slogan romantik ishte i pranishëm në të gjitha lëvizjet shqiptare të bërjes dhe të ruajtjes së shtetit. Ithtari më i madh i këtij slogani ishte Enver Hoxha. Këtu ai e mbështeti idealin e tij për ateizëm.

Pashko Vasa u keqkuptua dhe u glorifikua nga Enver Hoxha, e ky keqkuptim - përderisa historia shqiptare nuk shënon ndonjë rast të një lufte të brendshme që bazën e ka në pikëpamjet fetare, dhe përderisa shqiptarët mburren për tolerancën ndërfetare - vazhdon edhe sot.

Mbijetesën dhe mirëqenien ekonomike shqiptarët e konceptonin gjithmonë me krijimin e shtetit kombëtar. Pikëpamja e tillë mund të haset edhe në mesjetë. Skënderbeu u lind ortodoks, u rrit si mysliman, vdiq katolik, por lufta e tij përtej principatës së trashëguar nga i ati, aleanca me princërit tjerë shqiptarë - katolikë dhe ortodoksë - ishin dëshmi e një lufte kombëtare që tejkalonte barrierat fetare.

Pashko Vasa e tha fjalinë e sipërpërmendur në kohën e dobësimit të pushtetit politik dhe ushtarak turk në Ballkan. Ndikimi negativ në lëvizjet e lodhëta nacionale shqiptare, mund të ushtrohej përmes institucioneve fetare. Këtë e bënte Turqia, po edhe të tjerët që në shekullin XIX kishin formuar shtetet e para nacionale në Ballkan (përjashtime bënte kleri bektashi, e edhe ai katolik).

“Shqiptaria” nuk ishte nocion që synonte të revidonte raportet ndërfetare shqiptare, por të shmangte ndasitë eventuale që mund të ndodhin në të ardhmen, në rast të mosrealizimit të idealit për formimin e shtetit shqiptar. “Shqiptaria” mbase ishte edhe mesazh që ua bënte me dije edhe të tjerëve se shqiptarët i bashkon kombi e jo feja.

Por, a janë shqiptarët vërtetë patriotë të mëdhenj, ideal ky për të cilin e anashkalojnë fenë, apo në pyetje është edhe diçka tjetër?

“Populli me tri fe, shumë letë e gjen edhe ndonjë Zot”. Kjo fjali mund të lexohet në internet, tek xenini.com. Tingëllon qesharake, dhe për të qeshur është edhe natyra e kësaj ueb-faqeje. Por, në kuptimin e saj ka diçka të vërtet, të ngjashme me atë që peshkopi Fan Noli e thotë te “Historia e Skënderbeut”: “Në orën e zezë të mjerimit, shqiptari hedh nga një grusht temjan në çdo altar të çdo perëndie që i ka dëgjuar emrin”!

I pafeu...!?

Kur flitet për fillet e fesë monoteiste shqiptare, studiuesi gjerman, Bernhard Tonnes, thotë se ishin 70 familje të krishtera në Durrës, në kohën e apostujve. Fillet e krishterimit në territorin e Ipeshkvisë Prizren-Shkup datojnë po ashtu nga kjo kohë. Në vitin 395, të ndarjes së Perandorisë Romake, trojet shqiptare ishin pjesë përbërëse të Perandorisë Lindore - Bizantit - por në aspektin kishtar të varura nga Roma. Gjatë Skizmës së Madhe të vitit 1054, shqiptarët e Jugut hynë në juridiksionin e Konstantinopojës, e ata të Veriut vazhdojnë të veprojnë nën juridiksionin e Romës. Kjo marrëveshje çekuilibrohet pas pushtimit otoman, kur 70 për qind e një popullate të krishterë konvertohet në fenë islame.

Studiuesit shqiptarë dhe të huaj përmendin - si shkak kryesor të përqafimit të fesë së re islame - përdorimin e forcës, diskriminimin ekonomik dhe fetar, kufizimin e lirisë individuale dhe të asaj kolektive. Por, meqë trajtime të tilla u bëheshin të gjithë të krishterëve në Ballkan, arsyet e konvertimit i gjejnë edhe te mungesa e klerit të shkolluar të krishterë, inatet e kota të besimtarëve me priftërinjtë, por mbi te gjitha te botëkuptimi materialist - ambiciet oportuniste të shqiptarëve për avancim në hierarkinë otomane dhe për pasurim.

Nëse i referohemi studimeve të fundit psikologjike në botë, konvertimi në religjionin tjetër, është rezultat i instalimit të një rrjeti të ri shoqëror, që shton nevojën e individit për të qenë pjesë e një grupi. Ata ballafaqohen me probleme të mëdha jetësore dhe, nga paaftësia apo pamundësia për t’i zgjidhur, kërkojnë identitet të ri fetar.

I tillë ka qenë edhe realiteti shqiptar, pas instalimit të pushtetit otoman. Shqiptari i varfër, me natyrë materialiste, konvertimin në religjionin e më të fortit e ka parë si rritje të vetëbesimit dhe të fuqisë, por jo si pjesë të identitet kombëtar. Këtë e dinin edhe turqit, për të cilët fjala “arnaut” (shqiptar) ishte sinonim i fjalës “i pafe”.

Shqiptari e “vrau” Zotin!

Idealja luan rol dytësor te shqiptarët. Këtë e pohon edhe historiania franceze, Rajwantee Lakshman-Lepain, në një studim të viteve të fundit. Koncepti i shpirtit është qendror si te feja e krishterë, ashtu edhe te ajo islame, por Lakshman-Lepain thotë se ky koncept është i huaj për shqiptarët, “të cilët madje nuk kanë term të saktë për ta përkthyer si duhet këtë fjalë”.

Në aspektin epistemologjik, njerëzit nuk mund ta njohin Zotin e as ta përcaktojnë ekzistencën e tij. Në aspektin filozofik dhe psikologjik, Ludwig Feurbach dhe Sigmund Freud thoshin se Zoti dhe feja janë zbulime të krijuara për të përmbushur nevojat psikologjike dhe emotive të njeriut. Të inspiruar nga puna e filozofit Feurbach, Karl Marx dhe Friedric Engels pohonin se besimi është veprim i përdorur nga pushteti për të shtypur klasën punëtore.

Konceptet e tilla i etablojnë më vonë të gjitha shtetet komuniste. Prandaj, më 1966, revista amerikane “Time” shtron pyetjen: “A ka vdekur Zoti”? Kjo dilemë ka të bëjë me kohën kur gati një në dy vetë të botës jetonin në sisteme antifetare komuniste, ndërsa qindra-miliona të tjerë në Afrikë, Azi dhe Amerikë Latine, në sistemet që nuk e njohin Zotin e krishterë. Teksti merr parasysh parimet filozofike për religjionin, që nga Soren Kierkegaard e deri te lëvizja teologjike “Vdekja e Zotit”, që mendonte se besimi në Zot, në kohët moderne, është i pamundur dhe i pakuptimtë.

Një vit pas këtij shkrimi, më 1967, i inspiruar nga Revolucioni Kulturor Kinez, Enver Hoxha e bën Shqipërinë shtetin e parë ateist në botë. Më 1976, me Kushtetutën e re, Neni 37 nuk pranon asnjë fe, ndërsa Neni 55 i Kodit Penal të vitit 1977, i dënon aktivitetet fetare, madje edhe me vdekje.

“Zoti ka vdekur. Dhe ne e kemi vrarë.”, shkruante Friedrich Nietzsche te “Shkenca gazmore”. Kjo është një nga fjalitë më të cituara dhe më të keqkuptuara të tij. Por, ai nuk e vrau Zotin, sepse këtë për herë të parë dhe të fundit e bënë vetëm shqiptarët.

Heretizmi

Gjërat ndryshuan pas rënies së Murit të Berlinit më 1990. Grupet antifetare nisën të zvogëlohen. Timothy Shah, nga Qendra PEW, më 2006 ka shkruar se lëvizjet fetare po e shtojnë ndikimin karshi lëvizjeve laike dhe ideologjike. Ai mendon se demokracia po u jep ndikim më të madh politik liderëve fetarë, në atë që ai e quan “lëvizja profetike fetare”. Sipas tij, ka dështuar mendimi se pasuria, edukimi dhe liria politike do ta bëjnë botën laike. “Zoti po fiton në politikën globale. Modernizimi, demokratizimi dhe globalizimi vetëm se e kanë bërë më të fortë”, thotë ai.

Por, a vlen kjo edhe për shqiptarët?

Me siguri jo, përderisa religjioni gjatë tërë historisë shqiptare, nuk është konceptuar si pjesë e identitetit kombëtar. Materialja, idealja apo balancimi i të dyjave, varen nga gjendja materiale dhe psiko-emotive e shqiptarit. Të shumtën e herëve, dominon kjo e fundit - natyra dualiste - ngjashëm me atë që Roger Waters e thotë te kënga “It’s a Miracle”: “Nga hirësia e Zotit të Gjithëpushtetshëm, dhe presioneve të tregjeve, raca njerëzore e ka qytetëruar veten”. Rrënjët e këtij koncepti filozofik hasen edhe në të kaluarën fetare shqiptare, të mesjetës së hershme.

Albanët, si fis ilir, përmenden në shekullin e I-rë nga Plini, dhe në të dytin nga Ptolemeu. Para se të përmendët ky etnonim për një popull - nga Mihail Ataliati më 1042 dhe Ana Komnena më 1081 - një trajtë e saj do të përdoret për të identifikuar një grup dualist heretik, të ndikuar nga maniheizmi.

Mani (210-276), i lindur në Babiloni, nga prindërit iranianë, ishte themelues i maniheizmit. Ky ishte religjioni më i madh i mesjetës së hershme, madje rivali më i madh i krishterimit. Kur krishterimi bëhet religjion zyrtar i Perandorisë Romake, nis përndjekja e maniheistëve që kulmon më 1209 kur Papa Inocenti III shpall luftë totale kundër tyre. Maniheistët e fundit vdesin në shekullin XVI, në Kinë (neo-maniheistët e sotëm janë simpatizues, e jo trashëgimtarë të drejtpërdrejtë të besimit të tij).

Mani e prezantonte veten si shpëtimtar dhe apostull të Jezu Krishtit. Në disa shkrime koptike, ai madje identifikohet me Shpirtin e Shenjt. Ai është edukuar dhe ka kombinuar doktrinat e mandenizmit, judaizmit, zaratustrianizmit, krishterimit, e më vonë edhe të budizmit, me bindjen se shpëtimi është i mundur përmes edukimit, vetëmohimit, vegjetarianizmit dhe dëlirësisë. Ai e shpall veten profet dhe trashëgimtarë të njerëzve të udhëhequr nga Zoti.

Dualizmi

Shumë nga mësimet e tij ndikuan në krishterimin, si ideja e natyrës së mirë dhe të keqe, ideja e Ferrit, ndarja e grupeve në të zgjedhur, dëgjues, mëkatarë, si dhe në refuzimin e akteve seksuale. Ndikimi i tij shihet edhe në islam. Mani thoshte se është trashëgimtar i Jezusit dhe profetëve tjerë, mësimet e të cilëve janë keqinterpretuar. Ai thoshte se është profeti i fundit dhe se kjo i është shfaqur nga një engjëll. Të njëjtën e thoshte edhe profeti Muhamed, sipas të cilit mësimet e profetëve të mëparshëm janë degjeneruar nga ndjekësit, në veçanti ata të krishterë.

Mani ishte dualist, dhe fliste për dy natyra të barabarta që ekzistonin që nga fillimi: drita dhe errësira. Mbretëria e dritës jeton në paqe, ndërsa e errësirës ishte në konflikt të përhershëm me veten. Universi është rezultat i përkohshëm i sulmit nga mbretëria e errësirës në mbretërinë e dritës. Ndërsa, njeriu është fushëbeteja e këtyre dy forcave. Pjesa e mirë është shpirti (i përbërë nga drita), dhe i keqi është trupi (i përbërë nga toka e errët). Shpirti është i paprishur, por nën dominimin e një fuqie tjetër. Njerëzit mund të shpëtojnë nga kjo fuqi, nëse e njohin veten dhe e identifikojnë veten me shpirtin.

Nën ndikimin e Manit ishin sektet më të mëdha heretike të mesjetës: paulicianët, katarët dhe bogomilët. Në këtë kategori futen edhe albanensët.

Në Enciklopedinë e Religjioneve, këta të fundit janë heretikët që kanë marrë emrin sipas dioqezës së Albit në Piemont. Por, Michael Heart thotë se heretikët e Albit janë patarenët. Ndërsa, sipas Enciklopedisë së Krishterë, të fillimit të shekullit XX, albanensët janë grup heretikësh që kanë jetuar në Shqipëri, rreth shekullit VIII.

Joshja për një besim dualist, nuk ka reshtur edhe në mesjetën e vonë. Nuk është vetëm identifikimi me jeniçerët që i joshi shqiptarët në religjionin e tyre bektashian. Haxhi Bekteshi (themeluesi i bektashizmit), si Mani dikur, kombinoi besime të ndryshme: islamin, krishterimin, judaizmin, budizmin dhe hinduizmin. Panteizmi, reinkarnimi, dashuria për të gjithë, Parajsa dhe Ferri në këtë botë, janë dëshmitë kryesore të këtij eklektizmi, që ua mundëson shqiptarëve të jenë herë materialistë, herë idealistë, herë dualistë, e herë asgjë.

“Katër besime të ndryshme, nuk kanë zënë rrugë në zemrën e një populli pagan”.

Kështu ka thënë Noli.

Nuk e ka pas të vështirë të vij në këtë konkludim. Mjafton t’i dëgjosh se si bëjnë be: në ujë, tokë, diell, bukë, dritë, ditë, coca-cola, fanta, limonadë e bozë...

E më së paku në Zot.

[Zero Cool]

Të dyshuarit për terrorizëm planifikonin rrëmbime dhe vrasje



Prishtinë, 18.01.2014

Policia e Kosovës kishte marrë informata se Bujar Behrami dhe Genc Selimi po përgatisnin rrëmbimin dhe vrasjen e një qytetari serb nga rajoni i Vushtrrisë. Hetimi kishte zbuluar se ata përbënin një grup të rinjsh me prirje radikale fetare. Të gatshëm për të kryer sulme terroriste, siç janë cilësuar nga Prokuroria. Për këtë kanë blerë edhe armë adekuate si snajper e eksploziv TNT.

Prokuroria vazhdon të kryejë hetime kundër Genc Selimit, Nuredin Sylejmanit, Valon Shalës, Ardian Mehmetit, Musli Hysenit, Fidan Demollit dhe Bekim Mulollit. Ata dyshohen se duke u përgatitur për të kryer vepra të rënda të lidhura me terrorizëm e që ishin të nxitura nga motivet e urrejtjes racore, fetare apo etnike, përçarjes apo mosdurimit kombëtar. Atyre u është vazhduar paraburgimi deri më 5 shkurt. Ky grup të rinjsh është arrestuar në kohën kur kosovarë të shumtë janë duke luftuar në Siri. Dyshohet se janë bërë pjesë e grupeve terroriste. Disa ditë pas arrestimit, dikush që veten e kishte quajtur Xhemati i TeHuidit dhe Xhihadit në Kosovë kishte kërcënuar Policinë me “sulme të dhimbshme”. Prokuroria pretendon se është zbuluar nga cili grup është lëshuar, por nuk janë identifikuar individët.

Rastin e këtyre të rinjve të dyshuar për përgatitje të sulmeve terroriste e ka marrë EULEX-it. Prokurori special i këtij misioni, Robert Kucharski është në krye të hetimit. Prokuroria nëpërmjet ndihmës ndërkombëtare pritet të kërkojë nga Facebooku dhe Microsofti për të marrë të dhënat e komunikimit të tyre elektronik.

[Zero Cool]

Ja si e financon Serbia Xhihadin Shqiptar

E Marte, 25.02.2014

Deputeti i PDK’së, Ramiz Lladrovci ka bërë një artikull denoncues ndaj të ashtuquajturit “Xhihadi Shqiptar”. Ai nuk heziton të denoncojë me emra ata që po i ndihmojnë këtë agjende serbe, sipas tij.
Lladrovci akuzon Albin Kurtin si njeri që kujdeset që mos të prishet me krerët e këtyre organizatave.
Në vazhdim po sjellim të plotë letrën e deputetit:
Që prej disa kohësh është bërë shqetësues lajmi se, mjaft djem të rinj, shqiptarë të Kosovës, janë bërë pjesë e palëve që luftojnë në Siri, më të shumtët në radhët e ndryshme opozitare, shumë nga të cilat kanë prirje të theksuara të islamit radikal apo të një formë të re të Xhihadit.

Janë bërë publike edhe fotot e tyre, ndërkohë që kanë ardhur informacionet edhe për të vrarët e parë, në një tokë të huaj, e cila, deri dje, ishte aq e largët dhe, lidhja mes dy vendeve tona, thuajse nuk ekzistonte. Shqetësimi erdhi duke u rritur, po bëhej një plagë serioze, dhe, qeveria, duke parë se mundësitë e parandalimit ishte të pamjaftueshme, vendosi të dekretojë një ligj pamor, sipas të cilit, kushdo që shkon të luftojë në vende të tjera, dënohet deri në 15 vite burg. Por, edhe pas këtij dekretligji, asgjë nuk ka ndryshuar, lëvizja islame, me tipare të forta tashmë vehabiste selafiste në Kosovë, sa vjen e bëhet më e pranishme, tonet e liderëve të saj, të njohur e të panjohur, po bëhen më të ashpra, prania e tyre në jetën e njerëzve është më e zëshme, dhe ndërkohë, ata po marrin primarin në disa nga ngjarjet e jetës sonë.
Ditë më parë, për të gjithë, u bë e njohur një deklaratë, që si duket kishte burimin tek agjencia jonë e informacionit, se shqiptarët po shkojnë të luftojnë në Siri më së shumti për çështjen e parave. Pra, si mercenarë. Një deklaratë e tillë, sido kudo, e zbehë problemin, e adreson në një kah tjetër, e bën atë nga një problem themelor në një çështje ekonomike, e shndërron nga një rritje e ndikimit dhe pranisë së formave ekstreme të besimit islam në një çështje të jetesës.

Duke qenë një pjesë e vogël e së të vërtetës, kjo nuk është e gjitha. Problemi është më i thellë se kaq, dhe shpeshherë, ne ngurrojmë ta themi, edhe nga droja e keqkuptimit me njerëzit, edhe nga ndikimi që krerët e kësaj rryme kanë në politikën shqiptare, por edhe nga egërsia e reagimeve në rrjetet sociale dhe jo vetëm aty. Është e ditur tashmë se ndaj çdo qëndrimi konstant, kombëtar, ndaj lëvizjeve vehabiste selafiste në Kosovë, do të kesh përballë një furtunë të organizuar, të cilat kërkojnë të krijojnë staturën e një njeriu të humbur, të shitur dhe pa din e pa imam, por po ashtu është e ditur, se edhe liderë të lëvizjeve politike, njëri ndër ta edhe Albin Kurti, bëjnë kujdes të mos e prishin në asnjë rast me liderët e kësaj lëvizje, prononcohen haptas edhe pro saj, lëshojnë e marrin mesazhe mirëkuptimi, e ndoshta edhe financimi; por edhe qeveria e Kosovës, duke dashur të mbulojë punën e saj vetëm përmes një projekt-dekreti, ka drojën se tashmë, në këtë fazë të Kosovës, kur vendi po shkon drejt zgjedhjeve të reja, mund të humbasë nga kundërvënia e kësaj force, që shfaqet tashti si religjioze, por që është edhe politike.
Ose më saktë, që ndikon në politikë e që nesër mund të jetë pjesë e furishme e politikës. Shpesh herë lindjen e kësaj rryme ekstreme islame e kemi parë si vazhdë e ndikimit të shteteve islame, të rrjeteve të ndërtuara prej tyre, e kontributit që kanë dhënë, qoftë shtetërore, si Arabia Saudite, apo jozyrtare, përmes individëve. Është e ditur se qeveria saudite ose jo zyrtarët e saj kanë dërguar donacione të mëdha në institucione ose tek individët, për hapjen e xhamive vehabiste selafiste, për të bërë të njohur ideologjinë ekstreme islame. Në këtë xhami, sipas traditës së tyre, mund të punojnë ose imamë të dërguar prej tyre, ose të përgatitur prej tyre, çka në fund të fundit është e njëjta gjë. Po ashtu, ata kanë ndikuar në krijimin e televizionit “PEACE TV”, ku themeluesi i saj, Zahir Narik, është i njohur për urrejtjen ndaj besimeve të tjera fetare, dhe fondet për këtë TV janë zyrtare ose jo zyrtare pikërisht nga sauditët. Ndërkohë, e gjithë popullsia shqiptare, kudo ka jetuar, ka qenë e shquar për tolerancën ndaj besimeve të tjera, i ka respektuar e mbrojtur ato, u ka hapë udhën e lirë të së drejtës për besimin përkatës dhe nuk është bërë pengesë as në kohërat më të vështira të përplasjeve fetare. Mirëpo, dhe vijmë kështu, në thelbin e këtij shkrimi, jo çdo gjë që është e dukshme, është e gjitha. Shpesh herë ajo që fshihet bart më shumë rreziqe.

Në Kosovë, ashtu si edhe në Bosnje një dekadë më parë, krijimi i terrenit për lëvizjet ekstreme islame, lindi pas luftës për çlirimin e vendit. Por, me një ndryshim të madh: në Bosnje atë, lëvizjen vehabiste selafiste, e bartën, i e sollën me vete, muxhahedinët, luftëtarët e fesë, që shkuan nga bota islame për të luftuar së bashku me vëllazërinë islame të Bosnjes. Që pas luftës, si shpërblim për atë që kishin bërë, qëndruan në Bosnje, morën shtetësinë e këtij shteti, dhe duke qenë të mirë-organizuar dhe , po ashtu të fuqishëm financiarisht, krijuan sektet e tyre, ndaj të cilëve shteti ose nuk reagoi,ose reagoi me shumë vonesë Në Kosovë, gjatë luftës, nuk patëm luftëtarë muxhahedinë, edhe ata pak vetë që deshën të ishin pjesë në fillim, u dëbuan dhe nuk zunë vend.
Por, edhe në Bosnje, edhe në Kosovë, ka një parapaskenë që pak njihet: shërbimi i fshehtë serb. Të gjitha shënimet e shërbimeve të ndryshme të inteligjencës, të cilat kanë studiuar rritjen e lëvizjes vehabiste në Bosnje janë në një emërues të përbashkët: ndikimin e shërbimit të fshehtë serb në këtë proces. por, në Kosovë, kjo është edhe më e dukshme se në Bosnje, dhe ka një zanafillë që në ditët e para të pas luftës, përmes rekrutimeve të mëhershme. Shërbimi i fshehtë serb në Kosovë, përmes disa nga liderët e njohur, si Zdravko Tolimir, Dragan Stojmenoviç, Simon Tomanov, që ishte njëkohësisht edhe zëvendësi i shefit të KOS-it, shërbimit të fshehtë ushtarak, Aleksandër Vasiljeviç, ndërtuan në Kosovë një rrjet bashkëpunëtorësh në mjedisin islam, shqiptar ose jo shqiptar, të cilët, të lidhur edhe me strukturat ushtarake të kohës, u bënë më pas edhe pjesë të politikës në Kosovë.

Por edhe vendi ku, një pjesë e politikës së Kosovës, gjeti strehën e saj. Në shtypin e Kosovës është cituar disa herë Fuat Ramiç, politikan i ditës, si i lidhur me këto qarqe të shërbimit të fshehtë serb, por, i njëjti është njëri ndër paraqitësit radikal të vijës së ashpër islame në Kosovë, bartës i protestave, i vendosjes së shamisë, përçmimit të besimeve të tjera fetare dhe intolerancës. Ose të kemi një shembull tjetër. Portali i njohur në Kosovë, sidomos për përforcimin e linjës vehabiste e selafiste në Kosovë është “botaislame.com”.

Përmes saj bëhen thirrje për luftë të shenjtë, për xhihad, për mbështetjen e si vëllezërve islamë në Siri dhe në botën arabe, ajo është bërë një strehë e njohur e mendimit radikal. Mirëpo pak vetë e dinë se pas kësaj faqe ekstreme islame qëndron shërbimi i fshehtë serb. Ky portal është e krijuar nga Milutin Jovanoviç, i cili tani jeton në Sigtuna, Suedi dhe është pronari i kësaj, ndërsa menaxhimi, i kësaj faqeje, e cila del haptas në përkrahje të Xhihadit, zihet në një kuzhinë serbe, në Kragujevaç, prej serbit tjetër Jovan Jovanoviç. Do të ishte naive të mendohej se serbët këtë faqe urrejtje e nxitjeje në gjuhën shqipe e kanë ngritur “për të kaluar kohën e lirë”dhe pa asnjë qëllim tjetër, ashtu si do të ishte naive të mendohej se kjo nuk mbështetet nga struktura zyrtare ose jo zyrtare serbe.

Dy rreziqet më të ndjeshme Që prej lëvizjes së Rezistencës në Kosovë, e gjithë media revanshiste pro-serbe, por edhe mendimi akademik i saj, në çdo kohë, është përpjekur të paraqesë rrezikun islamik në Kosovë si një rrezik për të gjithë perëndimin, si një vatër nga ku mund të bulojë e më pas të shpërthejë infeksioni islamik ekstrem.

Kjo është edhe arsyeja përse tashmë, në një formë më të sofistifikuar, mllefi i vjetër vjen në një formë të re. E vërteta është se ekstremi vehabist selafist në Kosovë nuk është në ato përmasa sa po shfaqet në Bosnje, përmasat e të cilit kanë kaluar edhe jashtë kufijve të tij. Por e keqja është se ajo po vjen e rritet, po fiton terren, dhe disa shfaqje të tij të sforcuara drejt dhunës, nesër mund të ndikojnë në heqjen e aureolës së tolerancës ndërfetare që ka populli ynë.

Dy janë rrezikshmëritë më të ndjeshme sot ndaj vendit, qeverisjes dhe mendimit politik në Kosovë: ringjallja e shërbimit të fshehtë serb në Kosovë, dhe kjo ka filluar të duket gjithnjë e më shumë, në politikë, në ekonomi, në propagandë, në rehabilitimin e figurave të njohura pro-serbe; dhe së dyti, në krijimin e një mjedisi të përshtatshëm për lëvizjen vehabiste selafiste, e cila, është tepër e dëmshme për njerëzit tanë, dhe që, njërën këmbë të financimit të saj të padukshëm, e ka pikërisht në qarqet e shërbimeve të fshehta serbe. Momenti është që t’u pritet hovi, të kenë ndalesën e tyre të domosdoshme, pasi nuk mund të jemi një vend perëndimor dhe i civilizuar nëse rrjetëzimi i këtyre strukturave rritet e bie ndesh me aspiratën tonë.

gazetaexpress

[Zero Cool]

Edi Rama: Shqipëria nuk është vend mysliman







12.06.2014

Në një intervistë për TV RFI në Francë, Kryeministri Edi Rama shprehet mbi çështjen e statusit, takimin me Hollande, premtimet që presidenti francez i bëri kreut të qeverisë shqiptare. Rama theksoi se ndjehet optimist për statusin, por shton se me Europën e ditëve të sotme asgjë nuk është tërësisht e parashikuar, po unë jam optimist sepse ne kemi bërë gjithçka që duhej bërë”. Rama shprehet se nuk ka lidhje me procesin e integrimit dhe as nuk mund të shtrohet për diskutim fakti se pjesa më e madhe e popullsisë në Shqipëri i përket besimit mysliman.

“Nuk ka krahasime, edhe pse, ka një reflektim për t’u bërë, në rastin e Turqisë, një Turqi në Europë do të ishte sot një Turqi me demokraci shumë më solide. Pikë. Por edhe ky është një diskutim tjetër. Kjo do t’i bënte më shumë mirë sesa keq Europës.

Por Shqipëria është tërësisht një rast tjetër, Shqipëria nuk është një vend mysliman, Shqipëria është një vend europian, me mysliman dhe të krishterë që festojnë së bashku, Ramazanin dhe Krishtlindjet. Është një rast unik dhe i mrekullueshëm i bashkëjetesës që do t’i vlente shumë edhe Europës. Dhe jam i bindur që Shqipëria dhe Ballkani ka nevojë për Europën ashtu si Eurpoa ka nevojë për Shqipërinë dhe Ballkanin”, thekson Rama.

Komisioni Europian ka konfirmuar, para disa ditësh rekomandimin e tij për t’i akorduar Shqipërisë statusin e kandidatit në Bashkimin Europian. Është hera e katërt që Shqipëria troket në dyert e Europës, deri tani kërkesat nuk janë marrë parasysh. Janë shefat e qeverive të bashkimit Europian që do të vendosin për statusin e vendit kandidat në mbledhjen e fundit të muajit që do të mbahet në datat 26 dhe 27 qershor, a mendoni, dhe a keni arsye për të shpresuar që kjo herë e katërt e kërkesës do të jetë e pranuar?

Me Europën e ditëve të sotme asgjë nuk është tërësisht e parashikuar, po unë jam optimist sepse ne kemi bërë gjithçka që duhej bërë, ne e kërkuam statusin edhe në dhjetor, por siç ju e përmendët Këshilli tha se ishte shumë herët, ndoshta sepse në atë kohë qeveria kishte vetëm tre muaj që kishte ardhur në pushtet. Edhe pse në atë kohë e theksuan që puna e bërë ishte mbresëlënëse, sërish konkluduan se kishin nevojë për kohë, kështu u kërkua Komisionit që të ndiqte sërish punën dhe të paraqiste një raport tjetër në muajin qershor, për të afirmuar, ose jo, vijueshmërinë e punës së bërë, veçanërisht kundër krimit të organizuar dhe korrupsionit.

Dhe Komisioni e nxori raportin, para pak ditësh, është shumë pozitiv, dhe për më tepër arsyeja që nuk u tha, ishin zgjedhjet europiane, ishin për t’u mbajtur. Tani që zgjedhjet europiane përfunduan, shpresoj shumë që do të shërbejnë dhe do të shtyjnë fort, për më shumë Europë dhe jo, më pak Europë.
Partitë anti-europiane, kanë arritur të marrin shumë pikë në zgjedhjet europiane në shumë vende europiane si psh në Francë, në Britaninë e Madhe, në Danimarkë, ne dimë që zgjerimi, ritmi shumë i shpejtë i zgjerimit në vitet e fundit ka kontribuar në këtë shmangie, në këtë eurofobi. A mendoni se për rrjedhim kjo mund të jetë një fren për hyrjen e Shqipërisë në Europë?

Nuk është ritmi i zgjerimit që është shumë i shpejtë, por është mungesa e më shumë reformave në Bashkim, është mungesa e më shumë vullneti dhe kurajoje për të arritur drejt realizimit të vizionit të baballarëve themelues, drejt Shteteve të Bashkuara të Europës. Duhet një Europë më politike dhe jo një Europë që është peng i takticizmit të lidhur me zgjedhjet e shumta në vend të ndryshme.

Ju keni takuar dje, presidentin e Republikës, François Hollande, a besoni se e keni mbështetjen e tij? Sepse Franca në të shkuarën ka qënë kundër hyrjes së Shqipërisë në Bashkimin Europian.
S’do të thosha që ka qenë kundër, por me një mbështetje të vetëdijshme. Jam shumë i gëzuar për mënyrën sesi presidenti na mirëpriti, dhe sa i kujdesshëm ishte në gjithë ato që kishim për të thënë, dhe sesi ai është i shqetësuar për të ardhmen e rajonit, rajonit ballkanik, ku 100 vjet më parë Lufta e parë Botërore filloi, dhe 100 vjet më pas, në 2014, jetojmë vitin e parë të paqes, pa luftë, pa asnjë konflikt sepse kemi të gjithë vendosur të bashkohemi drejt Europës. Dhe Europa, është ideali i Europës, është objektivi i Europës që na bëri të gjithëve të mbyllnim një kapitull të dhimbshëm konfliktesh dhe luftrash vëllavrasëse dhe të hapim një kapitull të ri bashkëpunimi rajonal. Dhe presidenti është shumë, shumë i kujdesshëm për këtë fakt.

Ai iu shprehu qartësisht një mbështetje për kandidaturën tuaj apo ishte më pak eksplicit?
Preferoj të pres Samitin ku do të merret vendimi sepse është një punë në vazhdim dhe nuk është vetëm Franca por janë shumë vende të cilët duhet të arrijnë në një konkluzion dhe i duhet lënë kohë kohës.
Në debatin për hyrjen eventuale të Turqisë në Bashkimin Europian evidentohet fakti se është një vend mysliman, argument që thirret shpesh kur hapet kjo çështje. Nga ana tjetër edhe Shqipëria është me një popullsi në shumicë myslimane. A besoni që kjo shtrohet si problem për Shqipërinë apo mund të shtrohet në të ardhmen?

Nuk ka krahasime, edhe pse, ka një reflektim për t’u bërë, në rastin e Turqisë, një Turqi në Europë do të ishte sot një Turqi me demokraci shumë më solide. Pikë. Por edhe ky është një diskutim tjetër. Kjo do t’i bënte më shumë mirë sesa keq Europës.

Por, Shqipëria është tërësisht një rast tjetër, Shqipëria nuk është një vend mysliman, Shqipëria është një vend europian, me myslimanë dhe të krishterë që festojnë së bashku, Ramazanin dhe Krishtlindjet. Është një rast unik dhe i mrekullueshëm i bashkëjetesës që do t’i vlente shumë edhe Europës. Dhe jam i bindur që Shqipëria dhe Ballkani ka nevojë për Europën ashtu si Eurpoa ka nevojë për Shqipërinë dhe Ballkanin.
Shqiptarët, qytetarët, populli, klasa politike ka një dëshirë për Europën që shprehet shumë qartë. Për çfarë arsye? Çfarë prisni ju prej Europës?

Çfarë Schumani, Adenaueri, De Gaulle, Mitterrand, Helmut Kol, çfarë të gjithë këta njerëz, dhe jo vetëm, kërkonin nga Europa? Një hapësirë të re për njerëzimin dhe qytetërimin tonë, një hapësirë me shumë më tepër perspektivë për brezat e rinj. Nuk mund t’i japim një perspektivë brezave të rinj duke folur për identitetin kombëtar që është në rrezik, për papunësinë që vjen si rrjedhojë e myslimanëve, për shkak të shqiptarëve, emigrantëve apo të gjitha këto. Të gjitha këto janë diskutime që bien në veshë të predispozuar si rrjedhojë e frustrimit të krijuar nga një Europë e paaftë për të ecur më tutje drejt projektit origjinal, drejt një Bashkimi Europian politik, drejt një BE që mbështetet shumë më tepër në identitetin e përbashkët europian, në vlerat dhe principet që na bëjnë europianë dhe shumë më pak në teknikalitetet financiare dhe në lojërat që janë të lidhura me zgjedhjet në çdo vend anëtar.

Si e gjykoni ju mënyrën, me të cilën Bashkimi Europian u soll me ukrainasit?
Kriza e Ukrainës besoj se është një shembull shumë i qartë se përse kemi nevojë për një Europë më të fortë, për një Europë politike dhe strategjike. Komuniteti Europian nuk mund të sillet ndryshe pasi qëndron pikërisht këtu dobësia. Ajo qëndron në faktin se Bashkimi Europian nuk është ende një projekt i realizuar. Është një projekt në zbatim, por ende i papërfunduar. Bota po ndryshon shumë më shpejt nga çfarë mund të imagjinohet, ndërsa Europa nuk ka ndryshuar me shpejtësinë me të cilën bota.

Nuk mund të shpërfillim ndikimin e Rusisë dhe Vladimir Putin, që janë armiqësor ndaj idesë së përfshirjes së një ish-sateliti të tyre në Bashkimin Europian?

Unë do të thosha se nëse do të kishim një Europë të ndryshme, atëherë do të kishim edhe një Rusi që do të sillej në mënyrë të ndryshme, pa dyshim.

[Zero Cool]

Lavdrim Muhaxhiri mobilizon institucionet e sigurisë, Presidentja thërret takim urgjent


Prishtinë, 30.07.2014


Skenat e djeshme ku terroristi Lavdrim Muhaxheri shihet duke prerë kokën e një të riu kanë nxitur reagimin e institucioneve të sigurisë në vend. Presidentja e Kosovës sipas një njoftimi ka takuar institucionet e sigurisë në vend, siç thuhet, për të parandaluar këtë dukuri të papranueshme.

Më poshtë mund të lexoni njoftimin e Presidentes.

Presidentja e Republikës së Kosovës, zonja Atifete Jahjaga ka takuar krerët e institucioneve të sigurisë së Kosovës për të diskutuar kërcënimin nga ekstremizmi dhe radikalizmi në vend dhe masat e ndërmarra nga këto institucione për të parandaluar dhe luftuar këtë dukuri të papranueshme.

Duke vlerësuar punën e këtyre mekanizmave dhe kontributin e tyre në sigurinë kombëtare, Presidentja Jahjaga ka kërkuar nga krerët e institucioneve të sigurisë që ta trajtojnë me prioritet dhenë bashkërendim këtë kërcënim ndaj sigurisë së Kosovës, rajonit dhe më gjerë dhe në bashkëpunim me partnerët tonë strategjik të parandalojnë që Kosova të bëhet eksportuese e këtij kërcënimi global.

Presidentja Jahjaga theksoi se Kosova në asnjë moment nuk do të lejojë që të bëhet burim i ekstremizmit e strehimore e kriminelëve që nxisin terror dhe urrejtje. Ajo i ka ftuar të gjithë qytetarët e Kosovës e komunitetet fetare që të bashkëpunojnë me autoritetet vendore dhe mekanizmat e sigurisë për t’i përndjekur penalisht individët që qëndrojnë prapa këtyre përpjekjeve për të destabilizuar Kosovën dhe traditën e saj të gjatë të harmonisë ndërfetare.

Është përgjegjësi e jona si institucione dhe si shoqëri t’i dënojmë këto fenomene të shëmtuara. Ne duhet të distancohemi nga këto akte mizore të kriminelëve, dhe ata duhet t’i denoncojmë dhe t’i trajtojmë si të tillë.

[Zero Cool]

Arrestohen 40 flliqana


Ja për çka i arrestoi Policia e Kosovës anëtarët e ISIS që luftuan në Siri


Prishtinë, 11.08.2014

Policia e Kosovës pas një pune operative-hetimore disa mujore në bashkëpunim me Prokurorinë e Shtetit, sot (11.08.2014) në orët e hershme të mëngjesit ka zhvilluar një operacion të gjerë në nivel të vendit për arrestimin e personave të dyshuar cilët kanë marrë pjesë në luftimet në Siri dhe Irak përkrahë organizatave të shpallura terroriste (ISIS dhe Al-Nusra).

Ky operacion policor, thotë kumtesa e Policisë së Kosovës është ndërmarrë duke vlerësuar rrezikun dhe rëndësinë për sigurinë nacionale, mbrojtjen e rendit kushtetues, ruajtjen e rendit dhe ligjit si dhe në frymën e ruajtjes së respektimit të të drejtave të secilit person të garantuara me Kushtetutën e Republikës së Kosovës.

Gjatë realizimit të këtij operacioni policor janë bastisur rreth 60 (gjashtëdhjetë) lokacione ku janë arrestuar 40 (dyzet) persona, nën dyshimin se kanë kryer vepra penale.

Personat e dyshuar tanimë të arrestuar janë:

• L. R. – (1990) – Prishtinë

• A. V. – (1991) – Prishtinë

• Sh.D. - (1962) – Prishtinë

• H. N. – (1988) – Prishtinë

• B. K. – (1983) – Prishtinë

• K. B. – (1986) - Prishtinë

• A. B. – (1987) - Prishtinë

• V. K. – (1985) - Prishtinë

• E. L. – (1994) – Gjilan

• F. R. – (1978) – Gjilan

• H. E. – (1971) – Gjilan

• B. S. – (1992) – Gjilan

• H. A. – (1994) – Gjilan

• K. R. – (1989) – Gjilan

• I . H. – (1993) - Gjilan

• B. H. – (1976) - Ferizaj

• F. D. – (1987) - Ferizaj

• Z. B. – (1984) - Ferizaj

• A. L. – (1982) - Ferizaj

• E. B. – (1978) - Ferizaj

• F. B. – (1983) - Ferizaj

• B.Sh. – (1982) - Ferizaj

• A. B. – (1987) - Ferizaj

• M. B. – (1988) - Ferizaj

• J. B. - (1990) - Ferizaj

• I . M. – (1989) - Ferizaj

• S. H. - (1973) - Prizren

• F. K. – (1982) - Prizren

• I . R. - (1977) - Prizren

• M.B. - (1984) - Prizren

• K. B. - (1981) - Prizren

• B. L. - (1978) - Pejë

• B. I. - (1987) - Pejë

• M. H. – (1961) – Pejë

• B. K. - (1988) - Pejë

• A. I. - (1978) - Mitrovicë

• S. K. - (1975) - Mitrovicë

• V. G. - (1983) - Mitrovicë

• J. H. - (1975) - Mitrovicë

• S. S. - (1981) - Mitrovicë

Ndërsa në cilësi të provave materiale janë konfiskuar materiale inkriminuese lidhur me veprat për të cilat dyshohen këta persona, duke përfshirë mjete eksplozive, armë dhe municion të kalibrave të ndryshëm si dhe dëshmi tjera që ndërlidhen me rastin.

Policia e Republikës e Kosovës përmes kësaj komunikate zyrtare dëshiron të njoftoj qytetarët e saj për rrezikun që i kanoset çdokujt që merr rrugë për t`iu bashkangjitur organizatave të dyshuara që operojnë në territorin e Sirisë dhe Irakut, ku deri më tani një numër prej 16 (gjashtëmbëdhjetë) personave nga RKS janë deklaruar të vrarë.

Një pjese e madhe e këtyre organizatave janë te shpallura Organizata Terroriste nga organizmat ndërkombëtar si dhe te njohura si te tilla edhe nga institucionet vendore, andaj duke parë rrezikun që marrin këta persona për të shkuar në zonë te luftimit Policia e Kosovës iu bën apel të gjithë personave që mos të bien pre e joshjeve dhe premtimeve të pavërteta dhe për çdo rast të njoftojnë Policinë e Kosovës.

Në të kundërtën Policia e Kosovës duke u bazuar në mandatin ligjorë do të ndërmerr të gjitha masat për të parandaluar dhe luftuar çdo formë të ekstremizmit të dhunshëm, përfshirjes së individëve në aktivitete kriminale në organizata apo grupe terroriste brenda dhe jashtë Kosovës , si dhe të gjithë atyre që në çfarëdo forme përkrahin, financojnë, rekrutojnë apo nxisin urrejtje kombëtare, racore apo fetare.

Lidhur me këtë operacion policor janë shoqëruar edhe 2 (dy) persona për pengim në kryerje të detyrës zyrtare dhe sulm ndaj personit zyrtar, të cilët me vendim të prokurorit kompetent janë liruar në procedurë të rregullt.

Operacioni policor është në vazhdim.


Bajram Rexhepi paralajmëron imamët e Kosovës


Ministri në detyrë i Punëve të Brendshme, Bajram Rexhepi duke folur për arrestime nga Policia e Kosovës ka thënë se ky nuk është aksion i rastit por janë bëtë hetime disa mujshe.

Rexhpi në një intervistë për RTV21, theksoi se kjo tregon gatishmërinë se institucionet e Kosovës janë të përkushtuara se vendi jonë nuk do të jetë asnjëherë teren i përshtatshëm për ekstremizmit dhe radikalizëm fetarë.

Ai tha se presin edhe nga Bashkësia Islame në një mënyrë që janë të lidhura me kultivimin e fesë dhe që bëhen jashtë kontestit të fesë të marrin masa të duhura dhe të bashkëpunojnë.

40 të arrestuarit po merren në pyetje, aksioni po vazhdon

Policia e Kosovës është duke i marr në pyetje 40 të arrestuarit, të cilët dyshohen se kanë marr pjesë në luftimet në Siri dhe Irak.

Ata tanimë janë në stacionin policor, ndërkohë, aksioni për arrestimin e pjesëtarëve të ISIS’it po vazhdon edhe aktualisht.

[Zero Cool]

Arrestimi i flliqanave vazhdon


Policia e Kosovës: Arrestuam Krasniqin, bastisëm 10 lokacione - dy OJQ islame


Policia e Kosovës përmes një njoftimi zyrtar ka treguar se ka shoqëruar Shefqet Krasniqin, si të dyshuar për veprën penale “nxitje e urrejtjes, përçarje ose mosdurim kombëtar, racor, fetar apo etnik”, sipas nenit 147 të KPK-së.

Gjatë zbatimit të urdhërkontrolleve janë bastisur dhjetë (10) lokalitete, prej tyre dy OJQ, një shtëpi private dhe shtatë konvikte banimi, si dhe është duke vazhduar intervistimi i disa personave që ndërlidhen me këto lokalitete, thuhet në njoftimin e Policisë.

“Si rezultat i vazhdimit të hetimeve, në ndërlidhje me operacionet policore të realizuara kohë më parë, sot me datën 4/9/2014 në orët e hershme të mëngjesit, Policia e Kosovës, sipas urdhëresës së lëshuar nga Gjykata Themelore e Prishtinës, ka ndërmarrë një operacion për zbatimin e urdhërkontrollit në dhjetë (10) lokalitete, duke përfshirë rajonin e Prishtinës, Ferizajt, Gjilanit, Pejës dhe Prizrenit”.

Përveç kësaj, PK-ja njofton se njësitet relevante policore në cilësi të provave materiale kanë sekuestruar dëshmi si pajisje elektronike dhe materiale të ndryshme që ndërlidhen me veprën penale.

“Rasti policor është në hetim e sipër dhe të gjitha veprimet e mëtutjeshme do të ndërmerren me konsultim dhe vendim të prokurorit kompetent”, përfundon njoftimi.

[Zero Cool]

Arrestimi i flliqanave ska te ndalur


Ja emrat e 12 imamëve flliqana të arrestuar


Prishtinë, 17.09.2014

Sipas burimeve të lajmi.net, Policia e Kosovës ka kryer të mërkurën në orët e hershme të mëngjesit një aksion policor në tërë vendin, në ndjekje të personave të dyshuar për nxitje të urrejtjes ndërfetare dhe përçarjes kombëtare, që bie ndesh me rendin kushtetues të Republikës së Kosovës.

Derisa vazhdon aksioni policor, lajmi.net mëson se deri më tani janë arrestuar 13 persona, prej tyre përveç liderit të partisë islamike LISBA, Fuad Ramiqit, të tjerët janë hoxhallarë nëpër rajone të ndryshme të Kosovës.

Më poshtë lexoni emrat e të gjithë të arrestuarve deri në këto momente, të dyshuar për nxitje të ekstremizmit fetar dhe shkuarjes të të rinjve nga Kosova për të luftuar “në emër të Zotit” përkrahë organizatave terroriste ISIL dhe Al Nusra.

1. Sabahudin Selimi,
hoxhë nga Vitia.

2. Enes Goga,
kryeimam në Këshillin e Bashkësisë Islame (BIK) në Pejë.

3. Eroll Nesimi,
hoxhë dhe administrues i poratalit perkujtimi.net

4. Idriz Bilibani,
hoxhë i komunitetit boshnjak dhe administrator i portalit stazomislama.com

5. Leonard Ruli,
i vetëquajturi Ebu beker Ruli, hoxhë nga Prizreni.

6. Dardan Gjuka,
imam nga Peja, ligjërues në radio radio-udhezimi.com

7. Shefqet Krasniqi,
i lindur më 20.6.1966, në fshatin Sibovc të Obiliqit, ligjërues në Fakultetin e Studimeve Islame (FSI) në Prishtinë, njëherësh edhe imam në Xhaminë e Madhe në Prishtinë.

8. Shefki Koraçi,
imam në Kaçanik.

9. Mazllam Mazllami,
jeton në Prizren, imam në xhaminë e “Jeni Mahallës”.

10. Bedri Robaj,
imam në xhaminë e improvizuar në lagjen Dardani të Prishtinës.

Ajo është jashtë juridiksionit të BIK-ut. Xhamia pa emër e vetëm me mbi shkrimin “XHAMI”, gjendet në lokalet e Ndërmarrjes Shoqërore (NSh) “Auto-Prishtina”, ndërsa qiraja e hapësirës financohet nga Fatos Rizvanolli, biznesmen nga Peja.

11. Ekrem Avdiu,
i lindur më 18 Korrik të vitit 1971, në qytetin e Mitrovicës, aktualisht imam dhe ligjërues në xhaminë e lagjes 'Tavnik' dhe është anëtarë i Këshillit të Bashkësisë Islame të Mitrovicës.

12. Enis Rama,
i lindur më 12 Qershor 1976, në qytetin e Mitrovicës, jeton dhe vepron në Mitrovicë, ku mban edhe ligjërata të rregullta javore si imam në xhaminë 'Isa Beg' në Mitrovicë, si dhe është kryeredaktor në televizionin Peace TV Shqip.

13.Fuad Ramiqi,
i linduar më 26 mars 1960, në Pozharan komuna e Vitisë. Aktualisht kryetar i Lëvizjes Islame Bashkohu – LISBA.

Policia e Kosovës e ka konfirmuar se të mërkurën në orët e hershme të mëngjesit njësiti antiterrorist ka filluar operacione policore në tërë Kosovën, dhe se ka arrestuar disa persona të dyshuar për nxitje të ekstremizmit fetar dhe përçarjes kombëtare – vepra penale që bien ndesh me rendin kushtetues të Republikës së Kosovës.

Zëdhënësi i Policisë së Kosovës, Baki Kelani, ka thënë për lajmi.net se operacioni policor po ndodh në disa rajone të Kosovës, dhe se janë arrestuar disa të dyshuar për nxitje të ekstremizmit fetar. Ai ka thënë se derisa operacioni është ende duke vazhduar, Policia nuk mund të jep detaje të tjera rreth këtyre arrestimeve.




Reagon BIK-u, askush mbi ligjin


Prishtinë, 17.09.2014

Bashkësia Islame e Kosovës (BIK) ka shprehur shqetësim pas arrestimit të 12 imamëve nëpër Kosovë, aksion ky që ndërmori policia në luftë kundër nxitjes së urrejtjes ndërfetare dhe përçarjes kombëtare.

Zëdhënësi i Bashkësisë Islame të Kosovës, Ahmet Sadriu, ka deklaruar për Radion Evropa e Lirë se BIK-u është i brengosur lidhur me, siç ka thënë ai, shoqërimin e imamëve në polici, porse ka shtuar se “askush nuk mund të jetë mbi ligjin dhe institucionet kompetente janë të thirrura ta kryejnë punën e tyre".

"Ne e kemi thënë edhe me parë dhe po e përsërisim, të gjitha paraqitjet e tyre janë publike dhe përgjegjësia është individuale", ka thënë Sadriu.




Prokuroria e shtetit konfirmon arrestimin e 15 të dyshuarve



Prishtinë, 17.09.2014

Me kërkesë të Prokurorisë Speciale të Republikës së Kosovës për Urdhër bastisje dhe ndalim dhe pas vendimit të Gjyqtarit të procedues paraprake të Gjykatës Kompetente, sot janë arrestuar 15 persona.

Në komunikatën për media thuhet se “me kërkesë të Prokurorisë Speciale të Republikës së Kosovës për Urdhër bastisje dhe ndalim dhe pas vendimit të Gjyqtarit të procedues paraprake të Gjykatës Kompetente, sot është zhvilluar një aksion i Policisë së Kosovës, me ç’rast janë bastisur dhe janë arrestuar 15 persona.

Të gjithë të arrestuarit janë të dyshuar për vepra penale kundër rendit kushtetues dhe të sigurisë të Republikës së Kosovës.

Pas veprimeve të ndërmarra sot, Prokuroria Speciale e Republikës së Kosovës në koordinim me institucionet tjera kompetente, do të vazhdojë me procedurat tjera të parapara me ligj”, thuhet në njoftim të Prokurorisë.







SHBA-të përgëzojnë Kosovën për arrestimin e imamëve, flliqana



Prishtinë, 17.09.2014

Ambasadorja amerikane, Tracey Ann Jacobson, ka mbështetur aksionin e sotëm të Policisë së Kosovës, duke thënë se e pëgëzon këtë të fundit “për qasjen e saj proaktive kundër luftëtareve të huaj dhe ekstremizmit”.

Tracey Ann Jacobson ka shkruar në profilin e saj në “Twitter” duke thënë: “Edhe njëherë, e përgëzojë Kosovën për qasjen e saj proaktive kundër luftëtareve të huaj dhe ekstremizmit”.

Policia e Kosovës, me urdhër Prokurorisë Speciale të Republikës së Kosovës kanë arrestuar 13 persona, prej të cilëve 12 janë imam të Bashkësisë Islame të Kosovës.