iPhone

[Zero Cool]

Ja disa prej karakteristikave të iOS 7



Sipas faqes ueb MacRumors (faqe që publikon në kohë reale lajmet më të fundit dhe të gjitha fjalët që qarkullojnë për produktet Apple), së shpejti përdoruesit e iOS 7 do të përballen me disa ndryshime të reja dramatike përsa i përket ndërfaqes me të cilën ata tashmë ndjehen të familjarizuar.

Bazuar në një analizë shumë të shpejtë të versionit beta të këtij sistemi të ri, MacRumors arriti të zbulonte se sistemi do të ketë një dizajn të ri më të “sheshtë”, ikonat e menusë kryesore nuk do të kenë skaje të theksuara dhe disa prej tyre madje do të kenë ngjyrë dhe logo të ndryshuar si p.sh: ikona e Safari-t do të ketë një logo të rrumbullakët dhe më të thjeshtë.

Në përgjithësi pritet që ndërfaqja e këtij sistemi të jetë shumë më e thjeshtë dhe e organizuar. Është vënë re se në këtë sistem vijat e holla që tregojnë valët e telefonit ose cilësinë e internetit Wi-Fi janë zëvendësuar me disa pika të vogla me ngjyrë të bardhë ose gri.

MacRumors ka zbuluar se për aplikacione të ndryshme do të ofrohen dy sfonde të ndryshme njëri i bardhë dhe tjetri i zi.

Kjo është menduar për t’ju dhënë një mundësi përdoruesve të kombinojnë edhe sfondin e aplikacioneve me ngjyrën e jashtme të iPhone-it. Gjithashtu janë përhapur fjalë se ngjyrat e ikonave mund të ndryshojnë në varësi të orës ose dritës.

[Zero Cool]

Vjen më në fund Microsoft Office për iPhone






Për të gjithë ju që mezi po prisnit të kishit në iPhone-in tuaj suitën Microsoft Office, pritjes i ka ardhur fundi. Microsoft do të lançojë më në fund Office për iPhone, duke sjellë Word, Excel dhe PowerPoint në smartfonin më popullor në botë.

Versioni i Office për iPhone quhet Office Mobile dhe është pothuajse identitik me aplikacionet që gjenden në Windows Phone. Të vetmet aplikacione që përfshihen në suitën mobile janë Word, Excel dhe PowerPoint.

Zgjerimi i suitës edhe për platforma të tjera mobile vjen në sajë të strategjisë së re të Microsoft-it, sipas së cilës po synohet që të ofrohen produktet dhe shërbimet e kompanisë në mënyrë të pavarur nga platforma operuese. Një shërbim i tillë është edhe Office 365, i cili funksionon me abonime dhe mund të aksesohet nga lloje të ndryshme pajisjesh, duke eliminuar kufizimet e shkarkimit të një programi të vetëm.

Gjithsesi, përdoruesit kanë mundësi gjithashtu ta shkarkojnë aplikacionin por vetëm ata që janë të abonuar në Office 365 mund ta përdorin atë, duke qenë se aplikacioni kërkon që të hyni me llogarinë tuaj Office apo Microsoft.

Edhe pse prej kohësh priteshin lajme edhe për një version Office për iPad, Microsoft-i u shpreh se ky version është vetëm për iPhone. Sigurisht, pothuajse çdo aplikacion për iPhone mund të instalohet edhe në iPad, megjithatë eksperienca nuk është e njëjtë për shkak të ndryshimit të madhësisë së ekranit. Gjithsesi, Microsoft-i beson se për përdoruesit e iPad-it përshtaten më mirë aplikacionet ueb të Office 365.

“Duke qenë se është ekran i vogël, atëherë ndihet më tepër nevoja e një aplikacioni të mirëfilltë mobile. Ndërsa, kur ke një tablet, duke pasur më tepër hapësirë pune në ekran, aplikacionet ueb të Office ofrojnë eksperiencë mjaft të mirë,” u shpreh kompania.

Vlen të përmendet fakti që Office për iOS vjen para Android-it, edhe pse përdoruesit e kësaj të fundit mund t’i aksesojnë aplikacionet ueb të Office përmes shfletuesit Chrome.

[Zero Cool]

Siri-t i shtohet zëri mashkullor dhe karakteristika të tjera


Përdoruesit e iPhone, të cilët mund të jenë mërzitur me zërin femëror, do të kenë mundësi të zgjedhin tashmë opsionin e Siri-t në versionin mashkullor.

Apple prezantoi gjatë Konferencës Ndërkombëtare të Zhvilluesve (Worldwide Developers Conference) në San Françisko se përditësimet e Siri-t së bashku me iOS 7 do të vijnë në vjeshtën e këtij viti.

Versioni britanik i Siri-i ishte i vetmi që kishte zë mashkullor (zëri i një ish - gazetari të teknologjisë). Përveç dizajnit të ri, i cili përfshin një imazh në formë vale në fund të aplikacionit i cili tregon se kur po bëhet përpunimi i rezultateve, Siri do të ketë edhe një opsion për përdoruesit për të kaluar nga marrja e përgjigjeve me zërin femëror tek ai me zërin mashkullor.

Siri do të integrohet edhe me Wikipedia-n dhe rezultateve nga Bing – motori i kërkimit të Microsoft-it, diçka që vjen si një mesazh i hapur ndaj rivalëve të Google. Për më tepër, tani do të keni mundësi ta pyesni Siri-n se çfarë thonë njerëzit në Twitter.

Asistenti virtual zanor integrohet edhe me Apple iTunes Radio, i cili është shërbimi më i ri i Apple që ofron muzikë streaming. Përdoruesit do të kenë mundësi për shembull të pyesin “Who plays that song” (Kush e luan atë këngë), ose “Play more like this” (Luaj këngë të ngjashme me këtë) dhe rezultatet do të shfaqen menjëherë.

[Zero Cool]

Gëzuar 6-vjetorin iPhone







30.06.2013

Pikërisht gjashtë vite më parë (29 qershor) ishte dita kur iPhone debutoi për herë të parë në tregun amerikan. Pas rreth 356 milionë iPhone-ë më vonë, smartfoni është shndërruar në një ikonë kulturore, në një monument teknologjik si dhe në një produkt që ka transformuar biznesin e kompanisë së Kupertinos.

Portali statistikor online Statiska ka ndërtuar një infografik, ku paraqitet udhëtimi gjashtë vjeçar i Phone-it, sipas renditjes kronologjike.

Që prej lançimit të modelit të parë në 29 qershor 2007, pajisja ka kaluar mbi pesë përditësime të rëndësishme, e fundit prej së cilave ishte iPhone 5 – lançuar në shtator 2012. Me çdo përditësim, Apple është gjendur në krye të artikujve të revistave dhe portaleve teknologjike online dhe jo vetëm.

Në tremujorin e dytë të vitit 2013, iPhone përbënte rreth gjysmën e të ardhurave në Apple. Nëse do të flisnim me shifra, 22.96 miliardë $ të ardhura nga tremujori që përfundon në mars të këtij viti, vihet re se biznesi i iPhone në Apple është edhe më i madh se gjigandët si Microsoft, Coca-Cola dhe Walt Disney (20.49 miliardë$, 11.04 miliardë$ dhe $10.55 miliardë$, përkatësisht).

Megjithatë, rruga e iPhone nuk ka ecur gjithmonë e pashoqëruar nga kritikat. Së fundmi, Apple pati probleme me prodhuesin aziatik Foxconn, në të cilin dyshohej për kushte jo të mira pune për punonjësit.

Pas gjashtë vitesh, spekulimet për versionin e ri të iPhone vazhdojnë të jenë po aq të kudogjendura sa edhe më parë. Kësaj here bëhet fjalë për të ashtuquajturin “iPhone 5S”. Deri atëhere, Gëzuar Ditëlindjen iPhone!

[Zero Cool]

Si të eksportoni kontaktet tuaja nga iPhone


1. Për të filluar, shkoni tek menuja “Settings” e iPhone dhe shtypni “iCloud”.

2. Ndryshoni tani opsionin “Contacts” në “On”. Shtypni opsionin “Merge”. 3. Pastaj shkoni në iCloud.com dhe kyçni me hollësitë e llogarisë suaj Apple.

4. Klikoni në ikonën “Contacts”.

5. Kur të jetë hapur libri me adresa, klikoni në ikonën me dhëmbëza në këndin e poshtëm të majtë, pastaj zgjidhni “Select All”, pastaj “Export vCard”.

6. Ruani skedarin tuaj vCard në kompjuter. Tani keni ruajtur kontaktet nga iPhone dhe nëse dëshiron që t’i futni në Gmail, shikoni hapin vijues.

7. Në llogarinë tuaj në Gmail, klikoni në menunë e Gmail në këndin e majtë të sipërm dhe zgjidhni “Contacts”. Përdorni menunë rënëse “More” për të përzgjedhur opsionin “Import”.

8. Tani mund të zgjidhni skedarin tuaj vCard nga kompjuteri juaj dhe pastaj klikoni “Upload”.

9. Tani do të shihni kontaktet tuaja nga iPhone si një nën-seksion të menusë suaj “Contacts” në Gmail, të listuar sipas datës që i keni futur. Ju mund të zgjidhni që t’i bashkoni ato me kontaktet tuaj ekzistues, për t’i ikur dyfishimit të tyre, ose t’i mbani si skedarë të ndarë.

Ndiqni me kujdes udhëzimet e thjeshta të listuara më lart hap pas hapi për të realizuar me sukses eksportimin e kontakteve tuaj nga iPhone. Na tregoni në komente ndonjë rrugë tjetër të cilën e keni përdorur, apo që e dini.

[Zero Cool]

Apple sot prezanton iPhone 5S dhe iPhone 5C


iPhone 5S pritet të ketë dizajn të ngjashëm me iPhone 5, ndërsa ekrani i modelit të ri të iPhone do ta ketë ekranin me diagonalen prej 4 inç dhe rezolucionin prej 1136 x 640 pikselëve, edhe pse iPhone 5S do të jetë i pajisur me procesorin e ri Apple A7 dhe 2GB RAM, plus kamerën e pasme me 12 mega-piksel.

Gjithashtu është thënë se iPhone 5S do të vijë në katër ngjyra të ndryshme, duke përfshirë ngjyrën e artë, të bardhtë, të hhirtë dhe të zezë, ndërsa versioni i sistemit operativ, do të jetë ai i fundit - Apple iOS 7.

Në anën tjetër, iPhone 5C do të ketë ekranin e ndjeshëm në prekje me 4 inç dhe rezolucionin prej 1136 x 640 pikselëve, ndërsa procesori i këtij modeli do të jetë Apple A6 me 1GB RAM. Kamera e pasme e iPhone 5C pritet të jetë me 8 mega-piksel me ndriçuesin LED dhe mbështjellësin e plastikës.

[Zero Cool]

iPhone 5S vs. iPhone 5C



Nëse po mendoni të blini një iPhone të ri, kjo do të jetë hera e parë që do t’ju duhet të vendosni mes dy modelesh të cilat janë lançuar në të njëjtën kohë: iPhone 5S dhe iPhone 5C me çmim më të ulët.

Nëse ju pëlqejnë shumë aplikacionet dhe i përdorni shumë, atëherë iPhone 5S mund t’ju përshtatet më mirë. Nëse dëshironi një version më të lirë, iPhone 5C mund të jetë zgjedhja e duhur.

Gjithsesi, mes dy iPhone-ëve ka ndryshime të mëdha. Ata janë të njëjtë në aspektin e madhësisë, por ndryshojnë në pjesët fizike. iPhone 5C mbështillet nga një material i butë silikoni gome në vend të aluminit. Për më tepër, iPhone 5C ofrohet në disa ngjyra: blu, jeshile, të verdhë, pink dhe të bardhë, ndërsa iPhone 5S vetëm në gri, ngjyrë argjendi dhe ngjyrë floriri.

Ndoshta ndryshimi më i madh është procesori 64-bit në 5S, i cili ka performancë pothuajse dyfish sa ai në 5C. Nëse ju pëlqejnë dhe luani shumë lojëra, 5S është zgjidhja e duhur. Por, mos harroni se aplikacionet që shfrytëzojnë gjithë fuqinë e tij, nuk do të vijnë për pak kohë në App Store.

iPhone 5S ka edhe shumë veçori për fotografët. Ka përmirësim të kamerës, përfshi lente të reja, sensor më të madh si dhe përpunim më të sofistikuar të imazhit.

Një karakteristikë tjetër e iPhone 5S është sigurisht sensori i gjurmëve të gishtave, TouchID. Ai mund të zëvendësojë kodin që zhbllokon telefonin. Sensori gjendet në butonin “Home” dhe mund të shërbejë edhe si identifikues për blerje në iTunes.

iPhone 5S ka gjithashtu edhe një CureMotion API të re, e cila mund të sjellë aplikacione më të mira për shëndetin dhe fitnesin. Nëse ju interesojnë këto, iPhone 5S është zgjidhja më e mirë.

Megjithatë, 5C nuk mbetet prapa. Faktikisht, ai është si iPhone 5 por me ngjyra. Sigurisht, ka disa përditësime, përfshi FaceTime dhe suport për më shumë rrjete LTE. Me pak fjalë, ka gjithçka që kishte paraardhësi i tij, por me një çmim më të ulët. iPhone 5S fillon nga 650 $ për 16 GB, ndërsa iPhone 5C fillon nga 550 $ për 16 GB.

[Zero Cool]

Sensori i shenjave të gishtave në iPhone 5S do të përballet së shpejti me konkurrentë







Me teknologjinë e sensorit të shenjave të gishtave (TouchID), Apple mund të ndikojë në zgjerimin e biometrikës në fushën e pajisjeve mobile.

Faktikisht, shumë ekspertë të kësaj industrie mendojnë se prodhuesit e tjerë do ta ndjekin shumë shpejt kompaninë duke sjellë edhe ata skanuesit e tyre të shenjave të gishtave. TouchID, pjesë e iPhone 5S, skanon shenjat e gishtave të personit që shtyp butonin “Home”.

Për personin që e zotëron telefonin, ky i fundit zhbllokohet menjëherë, pa pasur nevojë për kod. Po ashtu, sistemi mund të mënjanojë nevojën e vendosjes së një fjalëkalimi sa herë që shkarkohen aplikacione nga App Store.

Zv. Presidenti i sektorit të marketingut, Phil Schiller, shpjegoi se sensori është shumë i ndjeshëm ndaj prekjes. Fizikisht, ai është shumë i hollë – 170 microns, ose konkretisht, vetëm pak më i trashë se një fije floku.

Ka rezolucion shumë të lartë, 550 pixels per inch. Gishtin mund ta rrotullosh si të duash, pasi sensori do ta lexojë gjithsesi.

Për ta mbrojtur sensorin, Apple ka përmirësuar jetëgjatësinë e butonit duke shtuar kristal safir, e duke e rrethuar atë me një unazë çeliku që bën dedektimin e gishtit. Duke marrë parasysh këto karakteristika, mund të jetë e vështirë për konkurrentët si Samsung, butonat e së cilit kanë madhësi jo të rregullt, ose BlackBerry, telefonët e së cilit nuk kanë buton “Home”.

Megjithatë, ekspertët mendojnë se kjo veçori do të mbetet e kufizuar edhe për disa kohë, duke qenë se ofruesit e biometrikës janë ende duke bashkëpunuar me prodhuesit e smartfonëve dhe në shumë raste, nuk është vendosur diçka e qartë mes tyre.





Sa të sigurta janë gjurmët e gishtave tuaj në iPhone 5S







Me prezantimin e sensorit të gjurmëve të gishtave në iPhone 5S, kanë ardhur një lumë shqetësimesh lidhur me çështjen e privatësisë.

Ideja e “dorëzimit” të gjurmëve të gishtave tek Apple përmes iPhone 5S ka filluar të nervozojë njerëzit. Telefoni do të dalë në shitje më 20 shtator dhe në butonin Home do të ketë të përfshirë edhe një sensor që do të skanojë gjurmët e gishtave. Fillimisht, përdoruesit duhet t’i regjistrojnë gjurmët e tyre në telefon e më pas mund ta përdorin sensorin për të zhbllokuar telefonin.

Ideja konsiston në faktin se shenjat e gishtave janë unikë për çdo person dhe në ndryshim nga kodet apo fjalëkalimet që përdoren, ato janë më të sigurta. Gjithsesi, mos prisni që skanuesi të jetë perfekt. Përgjithësisht, ai nuk funksionon kur gishtat janë të lagur apo të djersitur.

Por, problemi që ngrihet është nëse mund t’i besojmë Apple-it shenjat tona të gishtave? Përtej saj, a mundet një haker të thyejë sigurinë e telefonit dhe të gjejë një mënyrë për “t’ia hedhur” sensorit?

Përgjigjet që kanë ofruar ekspertët për këto pyetje janë:

1) Ndoshta, të paktën për momentin.

2) Po, edhe pse ka shumë pak mundësi të ndodhë.

Teknologjitë e reja duhet të shihen gjithmonë me një farë kriticizmi ose shqetësimi. Joe Schumacher, këshilltar në firmën e sigurisë Neohapsis, shprehet se lexuesi i shenjave të gishtave është më tepër një veçori komerciale, për të rritur shitjet, sesa një opsion vërtet i vlefshëm për rritjen e sigurisë. Ai shton se duhet të kryhen ende kërkime mbi mënyrën se si ruhet kjo gjurmë gishtash, si mund të hakohet apo të menaxhohet në iCloud.

Shenjat e gishtave në cloud?







Problemi në këtë rast qëndron në ndërhyrjen që bëhet shpesh nga NSA për të marrë të dhëna mbi përdoruesit. Nëse qeveria jep urdhër, kompanitë janë të detyruara të japin të dhënat e kërkuara. Në fund të fundit, Apple u raportua se kishte qenë partnere në programin e mbikëqyrjes së NSA-së (Prism) dhe e ka pranuar se i dorëzon qeverisë të dhëna nëse kjo e fundit ia kërkon.

Megjithatë, informacionet mbi shenjat e gishtave do të enkriptohen dhe do të ruhen në mënyrë të sigurt brenda çipit të ri A7 në iPhone 5S. Pra, ato nuk do të ruhen nëpër serverët e Apple apo në iCloud. Kështu, edhe nëse një haker akseson çipin, duke qenë se shenjat janë të enkriptuara, ai, me shumë mundësi, nuk do të arrijnë t’i aksesojnë ato përmes inxhinierimit të kundërt. Apple ka deklaruar gjithashtu se nuk do të lejojë aplikacione të palëve të treta të aksesojnë skanuesin, të paktën për momentin jo.

Ky është lajm i mirë për sigurinë e përdoruesit, edhe pse disa burime thonë se NSA mund të kontrollojë e të spiunojë smartfonët. “iPhone juaj e di se cilët telefononi dhe ku gjendeni. Në versionin e fundit, do të shtohet në këtë listë edhe gjurma e gishtave. Duke marrë parasysh këto gjëra, a duhet të shqetësohemi mbi të dhënat biometrike? Jo, jo, jo. Absolutisht jo,” shkruan Philip Bump në The Atlantic.

“Gjurmët tuaja të gishtave nuk do të lëvizin nga telefoni. A ka shanse që NSA t’i kërkojë Apple-it të ngarkojë shenjat e gishtave të një personi të caktuar dhe më pas t’ia dërgojë agjencisë? Sigurisht. Por, kjo nuk mund të kërkohet nga PRISM; ndoshta do të kishte nevojë për një urdhër të posaçëm. Shanset për këtë janë shumë, shumë të pakta, edhe pse nuk mund të themi se është e pamundur që të ndodhë.



Hakimet e shenjave të gishtave



Ekziston edhe shqetësimi i riprodhimit të shenjave të gishtave nga hakerët për të hyrë në telefon. “Shenjat e gishtave nuk janë private, sepse në fund të fundit ne i lemë kudo ku shkojmë dhe prekim sende. Nëse dikush ka burimet dhe vullnetin apo arsyen, mund të përpiqet të thyejë çdo mjet sigurie që besoni,” shkruan kërkuesi i sigurisë Graham Cluley në blogun e tij. “Diçka është e sigurt. Me lançimin e iPhone 5S, do të rritet numri i njerëzve që do ta përdorin sensorin si pjesë të përditshme të jetës së tyre. Kjo do të rrisë interesin e hakerëve për gjetur një mënyrë se si mund ta thyejnë sigurinë,” shton ai.

Dino Dai Zovi, bashkautor i “The iOS Hacker’s Handbook,” u shpreh se nëse do të përpiqej të hynte në një iPhone 5S, fillimisht do të përpiqej të merrte gjurmët nga një vend tjetër në pajisje dhe të gjente një mënyrë se si mund t’i çonte ato mbi sensor, për të aksesuar telefonin. Faktikisht, kjo metodë nuk është edhe aq e vështirë sa duket. 10 vjet më parë, një kriptograf japonez dëshmoi se si mund t’ia hedhësh një sistemi që njeh shenjat e gishtave, duke vendosur një gisht të përbërë nga xhelatina, të cilit përmban një riprodhim të gjurmëve të gishtave.







Metoda u quajt në atë kohë”Gummi bear hack.” Gjithsesi, teknologjia e përdorur sot nga Apple supozohet të jetë më e sofistikuar se sistemet e vjetra. Për më tepër, riprodhimi i tillë i shenjave të gishtave, mund të mos ofrojë të dhëna të mjaftueshme për të zhbllokuar telefonin, argumenton eksperti i sigurisë dixhitale, Robert Graham.

“Për zhbllokimin e iPhone-it tuaj përdorni një pjesë të ndryshme të gishtit në krahasim me atë që përdorni për të prekur gjëra të tjera. Kjo do të thotë se pavarësisht se hakerët mund të përpiqen t’i marrin shenjat e gishtave nga objekte të tjera që mund të keni prekur, ose nga pjesë të tjera të telefonit, ka shumë mundësi që nuk do të kenë pjesën e duhur që nevojitet për zhbllokimin e iPhone-it,”shton ai.

“Pra, me pak fjalë, bazat e të dhënave të NSA-së, FBI-së dhe sigurisë kufitare, të cilat mbajnë shenjat e gishtave, nuk vlejnë për zhbllokimin e telefonit tuaj sepse nuk mbulojnë të njëjtën pjesë të gishtit,” shprehet Graham.

Ka edhe një shqetësim tjetër po kaq serioz sa ato më lart. Sistemi Touch ID mund të përdoret edhe për të aprovuar blerjet nga iTunes apo App Store, çka i ve në mëdyshje disa ekspertë sigurie. “Nëse Apple pretendon se shenjat nuk dalin nga pajisja, kjo do të thotë se iPhone-ët e rinj do të dërgojnë një farë autentikimi në serverët e Apple për të bërë verifikimin nëse përdoruesi fundor ka dërguar një gjurmë të vlefshme apo jo,” shkruan Dan Goodin, partner i CNN.com. “Nëse sulmuesit gjejnë një mënyrë për të kapur dhe riprodhuar këto gjurmë, kjo mund të sillte në rrugë të reja për vjedhjen e llogarive të përdoruesit.” Në fund, duke marrë parasysh se faktin se nuk ka teknologji të pahakueshme, përdoruesit kanë gjithmonë alternativën e çaktivizimit të sensorit. Në këtë mënyrë, iPhone nuk do të regjistrojë gjurmët e tyre të gishtave dhe kështu mund të ndihen më të qetë.

[Zero Cool]

Google Hangouts mundëson thirrje pa pagesë në SHBA dhe Kanada.






Google Hangouts ka pranuar një përditësim të ri dhe të rëndësishëm, i cili ka sjell përmirësime dhe specifika të reja në aplikacion, por thirrjet pa pagesë brenda SHBA-së dhe Kanadasë janë risia më e madhe që ky aplikacion sjell sot.


Versioni më i ri i aplikacionit Google Hangouts për iOS, u mundëson përdoruesve të thërrasin numra të telefonit drejtpërdrejt nga vetë aplikacioni, pa u ngarkuar me pagesë për thirrjet që ata i bëjnë brenda SHBA-së dhe Kanadasë.

Përdoruesit e aplikacionit gjithashtu mund të thërrasin numra ndërkombëtar, mirëpo për këtë ata duhet të paguajnë një kosto të vogël.

Për thirrje nuk nevojitet SIM-kartelë, dhe krejt çka duhet është lidhja me rrjetin e internetit WiFi. Aktualisht, ky përditësim i Google Hangout nuk është në dispozicion për përdoruesit e sistemit operativ Android. Aplikacioni punon për iPhone, iPad dhe iPod.

[Zero Cool]

Jailbreak iOS 7 (7.0 , 7.0.1, 7.0.2, 7.0.3, 7.0.4)

Për: iPhone 5s, iPhone 5c, iPhone 5, iPhone 4S, iPhone 4, iPad 4, iPad 3, iPad 2, iPad Air, iPad mini, iPad mini 2, iPod touch 5

Rekomandoj një backup në Icloud apo përmjet Itune ne pc para se të bësh Jailbreak !

1. Shkarko Evasi0n Jailbreak :

* Për Windows këtu

* Për Mac këtu

* Për Linux këtu



2. Sigurohuni që NUK KENI të aktivizuar ndonjë paskod në paisjen tuaj.
Nëse po, atëherë deaktivizoni duke hyrë në: Settings -> General -> Passcode Lock -> Off.







3. Sigurohuni që iTunes dhe Xcode (nëse vec e keni të instaluar) i keni mbyllur.



4. Hape programin e jailbreak Evasi0n në kompjuterin tuaj (të shkarkuar në pikën 1.).






5. Lidhe iPhone /iPad me kompjuterin tuaj përmes USB kabllos.



6. Zgjedhe opsionin (kliko pullën) Jailbreak edhe pije një relax derisa të përfundoj.






7. Duke e pi relaxin me siguri do të qetësohesh me një fjalë: mos prek asgjë në paisjen tënde dhe në kompjuterin tënd gjatë procesit të jailbreak.



8. Kur të përfundoj procesi, hape Iphone/Ipad dhe do të shohësh një aplikacion të quajtur “Jailbreak”. Hape këtë aplikacion dhe mos u frigo nëse ekrani do të bëhet i zi për ca qaste. Pas pak, do të kthehet në gjendje normale.






9. Pjesa e mbetur e procesit është e automatizuar, dhe kjo përfundon kur në programin në kompjuter ju shfaqet “Jailbreak complete!“.






10. Pas pak Iphone/Ipad do të restartohet disa herë në mënyrë që të përfundojë procesin.
Kur kjo të përfundoj ju do të kesh Cydia në iPhone/iPad .







11. Knaqu me app falas nga Cydia, sukses, zc

[Zero Cool]

Iphone 6

[Zero Cool]

Matematika kurrë nuk ka qenë ma e lehtë sesa tani ! ! !


Qysh me i zgjidh detyrat e Matematikës në iPhone?


PhotoMath lexon dhe zgjidh problemet matematikore në kohë reale duke përdorur kamerën e telefonit tuaj. Kjo e bën Matematikën të lehtë dhe të thjeshtë duke edukuar përdoruesit si të zgjidhin problemet e matematikore.

Përparësi e këtij aplikacioni është se përveç rezultatit, tregon edhe hapat e zgjidhjes së detyrës. Për momentin, ky aplikacion është i disponueshëm në platformën iOS dhe Windows Phone.


Demonstrimin e aplikacionit mund ta shikoni në videon më poshtë: