Facebook

[Zero Cool]

Facebook, shkaktari kryesor i divorceve


Qe Facebook eshte shkaktari i grindjeve dhe ndarjeve tashme dihet, por tashme eshte edhe shkaku kryesor i divorceve, te pakten ne Mbreterine e Bashkuar sipas zbulimit te faqes se internetit Divorce-Online, e cila ofron sherbime per ciftet qe duan te ndahen.

Facebook, eshte i permendur ne mesin e pergjegjesve ne 33 per qind te divorceve (ne vitin 2009 ishte 20 per qind) ndersa rrjetet e tjera sociale si Twitter nuk arrine 0.5 per qind.

Nder sjelljet me te zakonshme te perdorura si prove jane mesazhet e papershtatshme te derguara personave te seksit tjeter.

[Zero Cool]

Doni të dashur në Facebook, tani kushton 5 dollarë


Tani ju mund të bëni sikur keni një të dashur në Facebook. Kjo është e reja e fundit që ka zbarkuar nga rrjeti social Facebook.Në këtë kohë krize, një studente 23 vjeçare në New York ka gjetur një mënyrë të vërtetë origjinale për të shtuar buxhetin e saj.Vajza, e quajtur Cathy, afron një marrëdhënie të rreme me të për një afat dhjetë-ditor në Facebook kundrejt një shume modeste prej pesë dollarësh, duke përfituar nga ata persona të dëshpëruar që duan të ekspozojnë një të dashur virtuale në profilin e tyre në sytë e miqve.“Kjo është për të bërë xheloz një ish që nuk harrohet, për të mbajtur persona të padëshiruar larg ose për tu dukur në sytë e miqve”, thotë Cathy.Njoftimi shfaqet në “www.fiverr.com” ku ju mund të blini apo të shisni shërbime të tilla, deri në pesë dollarë. Në çmim përfshihen dhe një maksimum prej tre mesazhesh të ngrohta që shfaqen në murin e Facebook në kohën e dëshiruar. Pritet që kjo ide të jetë e suksesshme.

[Zero Cool]

Covera për Facebook Timeline!





A e keni pyetur vetën ndonjëherë se ku mund të gjeni ose të krijoni Covera për profilin e ri Facebook Timeline. Edhe pse shumica e përdoruesve të Facebook, si shqiptarët ashtu edhe të huajt, nuk ju pëlqen Facebook Timeline, por ne nuk mund të bëjmë asgjë rreth kësaj, sepse për Facebook vendos vetëm stafi i Facebook, prandaj ju mund të krijoni një Cover të bukur dhe profili juaj i Facebook do të duket më i mirë e më tërheqës.

Më poshtë kemi mbledhur disa faqe interneti, të cilat ofrojnë krijimin ose zgjedhjen e Coverave të ndryshëm për Facebook Timeline.

newfacebookbanners.com – kjo faqe ju ofron një sfond të bardhë në të cilën ju mund të ngarkoni një fotografi tuajën ose ta zëvëndësoni me shumë sfonde të ndryshme, të cilat mund t’i gjeni po ne këtë faqe. Pas ngarkimit të fotografisë, ju mund ta ndryshoni kontrastin, madhësinë e shkronjave dhe ngjyrën. Ju gjithashtu, mund të shtoni funny emoticons, scrapbook arts, dhe banner frames.

myfacebookcovers.com – këtu mund të gjeni covera nga të gjitha kategoritë si nga muzika, teknologjia, veturat, stinët, lulet, shkollat etj. Gjithashtu mund të krijoni një Timeline Cover duke klikuar këtu. Pas krijimit të Coverit klikoni “Make My Facebook Cover” dhe Coveri i krijuar do të ngarkohet automatikisht në profilin tuaj.

faceitpages.com – Më e përshtatshme për profesionistët që e shfrytëzojnë Facebook’un si një vegël për të gjetur shoqëri të re. FaceItPages’ është një shërbim pa pagesë që kërkon një regjistrim të thjeshtë në fillim. Në momentin që jeni brenda, ju mund të zgjidhni disa prej sfondeve, të ngarkoni një logo apo një imazh më të vogël sekondar dhe të shtoni linka me tekst drejt rrjeteve tjera sociale. Madje ju mund të ngarkoni edhe imazhin tuaj si sfond.

addacover.com – ka një gjenerator të avancuar për rregullimin e Facebook Timeline Cover, gjithashtu ju lejon të ngarkoni fotot tuaja ose logon e kompanisë tuaj. Ju mund të shfletoni edhe kategoritë të cilat gjenden në addacover.com dhe të gjeni ndonjë cover të përshtatshëm dhe ta ngarkoni në Timelinen tuaj.

coverphotomagic.com – ju lejon të rregulloni një cover tërheqës për Timelinen tuaj. Ju duhet të lidheni me llogarinë tuaj në Facebook për krijimin e Coverit.

Faqe tjera ku mund të gjeni dhe krijoni Facebook Timeline Cover:

http://picscatter.com/
http://timelinecoverbanner.com/
http://thesitecanvas.com/
http://coverjunction.com/

[Suelaa]

Mese e vertet me shkrimet ma lart, edhe une mendoj se asht problem deri dikund, por gjithmone nese ne ja lejojme vetes.

[Zero Cool]

Facebook prezantoi Timeline aplikacionet e reja me aktivitete


Ashtu siç pritej, të enjten Facebook paraqiti aplikacionet e reja Open Graph të cilat do të ndryshojnë menyrën e shpërndarjes të përmbajtjeve.

Në vendëse siç ishte deri tani vetëm „Like“ të postimeve dhe lidhjeve, tashmë përdoruesit do të mund të lexojnë, udhëtojnë, vrapojnë, shqyrtojnë filma, tregojnë përalla, gatuajnë etj…

Aplikacionet në Facebook, janë nisur nga disa partnerë siç janë Foodily, Ticketmaster, Pinterest, Rotten, Tomatoes etj do ti paraqesin aktivitetet e tyre në kohë reale në Timeline të përdoruesit.







Përdoruesit do të mund të shtojnë aplikacione varësisht nga aktiviteti i tyre në Timeline. Momentalisht gjinden 60 aplikacione të cilat janë të integruara në Facebook, por do të ketë edhe më tepër.

“Së shpejti do të ketë aplikacione nga më shumë pikpamje të intereseve. Pavarësisht se a ju pëlqen snowboarding, shëtitje, qëndisje apo diçka tjetër do të ketë aplikacion për atë”, thotë Facebook.

Përdoruesi vetë do të mund të zgjedh kur të shton aplikacionin, të zgjedh postet të cilat do të shfaqen në Timeline, dhe të redaktoj zgjidhjet lidhur me aplikacionin nëpërmjet Activity Log.

Nëqoftëse ndonjë shok/shoqe i/e juaj përdor të njejtin aplikacion, ai/ajo do të mund të shoh detajet dhe historinë e aktiviteteve lidhur me atë aplikacion.

[Zero Cool]

Allahile KUJDES ne fb, mos i pranoni qato aplikacione, si : sa fmij ke mi pas, me kan te pershtatet emri, cfare kerri ke me pas, kujt i perngjan e qesi lloj budallakohonesh.
Po ju tham allahile mos i instaloni se ne vete permbajne edhe kode qe munden me jua marre fjalekalimin.
Se spo kam qef masanej me than zc na ka boe ket te keqe, se ky qeshtu po manipulon me shkrime e reputacione e fb-ja.

Allahileeeeeeeeeeeee KUJDEEEEEEEEEEEEEEEEES!

[doGzona]

Mbi 45,000 llogari të vjedhura në Facebook nga krimbi Ramnit

Një krimb, më parë i shfrytëzuar për të bërë mashtrime financiare, tani është duke vjedhur të dhëna të kyçjes në Facebook, duke komprometuar më shumë se 45,000 llogari në Facebook dhe përveç kësaj synimi mbetet shpërndarja e mëtejme duke postuar linka të dëmshëm drejt miqve të “victims” dhe duke përfituar qasje prej së largu në rrjete korporative.
Kompania e sigurisë Seculert ka qenë duke vëzhguar avancimin e Ramnit, një krimb i zbuluar së pari në muajin prill të vitit 2010, dhe përshkruar nga Microsoft si “malware multi-komponentësh që infekton skedarë .exe në Windows, skedarë të Microsoft Office dhe skedarë HTML” në mënyrë që të vjedh “të dhëna të ndjeshme siç janë kredencialet FTP dhe cookies të shfletuesit”. Ramnit më parë është shfrytzëuar për të “tejkaluar autentikimin dy-faktorësh dhe sistemet e nënshkrimit të transaksioneve, për të përfituar qasje prej së largu në institucione financiare, për të komprometuar seanca bankare online dhe për të penetruar disa rrjete të korporatave” tha Seculert.

Së fundi, Seculert ka vendosur një rrjetë testimi dhe ka zbuluar se 800,000 makina janë infektuar mes muajit shtator dhe dhjetor. Përveç kësaj, Seculert ka gjetur se më shumë se 45,000 të dhëna të kyçjes në Facebook, shumica prej UK dhe Francës, janë vjedhur nga një variant i ri i krimbit.

“Ne dyshojmë se sulmuesit prapa Ramnit janë duke përdorur kredenciale të vjedhura për tu kyçur në llogaritë e viktimave dhe për të transmetuar linka të dëmshëm drejt miqve të tyre” tha Seculert.

E sa i përket mashtrimeve në Facebook, këto nuk janë risi. Facebook vet ka pranuar se përjeton mbi 600,000 kyçje të komprometuara çdo ditë, edhe pse kjo nënkupton vetëm 0.06 për qind të kyçjeve totale prej më shumë se 1 miliard sa janë në Facebook brenda një dite.

[Zero Cool]

Kujdes nga virusi i ri në Facebook “Chuck Norris ka vdekur”?


Shumherë janë shfrytëzuar viktima të ndryshme në Facebook, duke i përdorur emrat e yjeve të njohur nëpër botë për të vjedhur llogaritë e përdoruesve të Facebook dhe për infektimin e kompjuterëve të tyre me viruse.

Këtë herë, si objektiv është zgjedhur aktori i njohur komik, Chuck Norris, dhe kushdo që klikon në Facebook mbi lidhjen me titull “Chuck Norris dies at age 71! Not a Joke.” ka mundësi të infektoj kompjuterin e vet me virus.

Kjo lidhje ka edhe përshkrimin e vet, ku shfaq një video kinse se si ka vdekur Chuck Norris-i. Pas klikimit të lidhjes nga ju kërkohet që të shpërndani këtë lajm me miqtë tuaj në Facebook, e pastaj edhe një formë regjistrimi për kinse një shërbim me pagesë në celularët tuaj.

Kujdes: Mos klikoni në çdo lidhje që e shpërndajnë miqtë tuaj. Sa herë që shihni diçka të dyshimtë, kërkoni pak në internet rreth asaj dhe konfirmoni se a është e vërtetë apo lidhje e rrezikshme.

[Zero Cool]

Facebook Timeline së shpejti për të gjithë


Facebook do të fillojë që t’iu kërkojë mbi 800 milionë përdoruesve të vet aktivë që të kalojnë në formatin e ri të profilit të njohur si Timeline, duke i bërë fotografitë, lidhjet, audiot dhe videot më të lehta për t’u gjetur nga e kaluara.
Timeline është një album me copa të ngjitura të një jete të tërë në Facebook, në krahasim me një pamje të cilën mund ta gjeni sot në faqen e profilit tuaj tradicional në rrjetin Facebook. Sapo të aktivizohet, Timeline e zëvendëson profilin e tanishëm.

Megjithëse disa njerëz tashmë kanë kaluar në mënyrë vullnetare tek Timeline, Facebook tani e ka bërë të detyrueshëm kalimin në këtë format të profilit.

Përdoruesit i kanë shtatë ditë për t’i pastruar profilet e tyre përpara se Timeline të aktivizohet automatikisht.

[Zero Cool]

Facebook përsëri kopjon Google+


Facebook sërisht ndryshon një pjes të opsioneve pa ndonjë paralajmërim. Ndoshta disa prej jush kanë vënë re tashmë mënyrën se si fotografitë shfaqen shum më ndryshe.

Bëhet fjalë për ndryshim që mund të thuhet se kopjon mënyrën se si Google shfaq fotografitë. Me ndryshimet e reja, fotografitë janë shum më të mëdha, përnderisa komentet dhe “llajket” ndodhen në pjesën e djatht të ekranit, në vend se posht fotografive siç ishte deri më tani. Edhe një ndryshim, i cili është origjnal nga Facebook, është vendosja e reklamave gjatë shikimeve të fotografive.

Facebook më parë gjat futjes së opsionit Lists, mundësoi për tu grupuar shokët në lista të ndryshme, në mënyrë direkte kopjoi opsionin e Circles të Googles.

[emine]

Zyra Federale e Hetimeve FBI është duke planifikuar të zhvillojë një aplikacion që mund të vëzhgojë postimet publike në Facebook, Twitter dhe rrjete tjera sociale, në mënyrë që të ndihmojë në formën sesi parashikon dhe reagon ndaj një sjellje kriminale, duke përfshirë prishjen e rendit public dhe terrorizmin.
Një kërkesë e FBI për dokumente informimi është publikuar, duke kërkuar kontraktor potencial për t ë kontaktuar zyrën deri më 10 shkurt. FBI dëshiron që ata që përgjigjen në dokument të theksojnë sesi do të dëshirojnë të ndërtojnë një sistem të këtillë dhe sa do të kushtojë.Zyrja Federale ka thenë se sistemi që dëshiron duhet të jetë në gjendje që në mënyrë automatike të kërkojë “materiale publike” prej Facebook, Twitter dhe rrjeteve tjera sociale. Agjentët më pas do të lajmërohen kur në kërkime shfaqet dëshmi për “ngjarje me rëndësi, incidente dhe kërcënime”.
Agjentët do të kenë mundësinë për të shfaqur informacionet në një hartë, të cilën më pas mund ta ngarkojnë me shtresa tjera të informimit, duke përfshirë incidente në të kaluarën dhe lokacione të ndërtesave të rëndësishme si ambasada dhe instalime ushtarake.

[emine]

Mos ndani fotografitë e fëmijëve të sëmurë të cilëve Facebook gjoja do të ju ndihmoj në operacion ose do të ju jap para – bëhet fjalë për një mashtrim kështu që më së miri është që të ia raportoni fotografitë Facebookut.
Edhe pse tashmë pothuajse jemi mësuar me mashtrimet e shumta në rrjetin më të madh shoqërorë në botë, duhet cekuar se ditëve të fundit shfrytëzuesit e Facebooku në masë të madhe po ndajnë fotografitë e fëmijëve të sëmurë për shkak se në atë mënyrë kjo kompani “do të u mundësoj shërimin ose do të ju jap para”.Si dhe deri tani, Facebook askujt nuk do ti paguaj asgjë as që do ti ndihmoj në shërbim, por këto mashtrime kanë për qëllim vetëm të krijojnë spam në murrët e shfrytëzuesve.
Siç kanë shkruar në blogun e sigurisë të kompanisë Sophos, ajo çfarë është për të ardhur keq është fakti se nëpër rrjet po qarkullon fotografia e vajzës të cilës do ti transplantohet pa pagesë zemra nëse ajo foto ndahet 10 mijë herë, ndërsa bëhet fjalë për një vajzë të cilës në vitin 2007 i është transplantuar zemra, por fatkeqësisht ka ndërruar jetë një vit më vonë.
Për çdo ndarje të një fotografie në të cilën ndodhet vajza e cila gjoja ka kancer, Facebook do të bëj “donacion” tri cent për ti ndihmuar asaj në shërim. Natyrisht, edhe këtu bëhet fjalë për mashtrim dhe fotografia e të njëjtës vajzë nëpër Facebook është duke qarkulluar qe disa vite.
Përveç këtyre mashtrimeve, nëpër Facebook është shpërndarë edhe lajmi i rremë se ka vdekur Chuck Norris (Chuck Norris dies at age 71! Not a joke) – këtë lajm me gjasë askush nuk e besoi, ndërsa kur klikohet lidhja, hapet faqja në të cilën duhet plotësuar njëfarë ankete.
Nëse hasni në fotografi të këtilla, lirisht paraqitini ato pranë Facebookut për të ju ndihmuar atyre që të zgjidhin këto probleme.

[Zero Cool]

Prezervativi, tani me anë të Facebook mund tregoni vendin ku bëni seks !


Tashmë vesi i të ndenjurit me orë në Facebook dhe në Twitter është bërë i zakonshëm për gjithë. Asnjë i ri nuk ka shpëtuar nga kjo mani dhe komentet, vendosja e statuseve të zgjedhur dhe bërja e “pëlqej” duket se është kthyer në një garë pa mbarim. Por ja ku vjen dhe një ide e çmendur.

Me anë të një prezervativ me kod QR, ju mund të tregoni vendin se ku kryet akti seksual. Ideja duket se kalon limitet e imagjinatës, por pavarësisht kësaj kompania duket se e ka të garantuar tregun e të rinjve. Prezervativi quhet 2.0 dhe është realizuar nga kompania “Plannet Parenthood”.

Pas vendosjes së kodit QR që ndodhet në ambalazhin e prezervativit me anë të celularit mund bëhet lidhja direke me sajtin “Where Did You Wear It?” që tregon dhe vendin ekzakt ku jeni.

Programi për prezervativin quhet “Ku e ke përdorur” , ka si qëllim të tregoj vendin ku keni kryer aktin seksual. Sigurisht që kjo gjë nuk u intereson shumë atyre që tradhtojnë, por sipas prodhuesve të prezervativëve, ka shumë të rinj që duan të kujtojnë dhe ruajë eksperiencat e tyre në rrejt.

Duke u nisur nga teknologjia, mjekët thonë se kjo risi mund të jetë pozitiv pasi do të nxisë të rinjtë që të shmangin shtatzëninë e padëshiruar dhe sëmundjet ngjitëse.

[Zero Cool]

Ne kohen e fundit po rrezohet facebook-u:







Sipas disa raporteve të lëshuara nga përdorues të ndryshëm, Facebook nuk është hapur në Shqipëri, Belgjikë, Bosnjë, Bullgari, Kroaci, Qipro, Republikën Çeke, Danimarkë, Estoni, Francë, Finlandë, Gjermani, Hungari, Islandë, Irlandë, Izrael, Itali, Maqedoni, Maltë, Norvegji, Holandë, Portugali, Poloni, Rumani, Rusi, Serbi, Suedi, Zvicër, Turqi, Ukrainë dhe Britani të Madhe.

Por nuk është vetëm Evropa e prekur, mos-qasje në Facebook kanë pasur edhe Abu Dabi, Egjipti, Gana, Nepali, Pakistani, Afrika e Jugut, Sri Lanka, Emiratet e Bashkuara dhe Zimbabve.

Zanafilla e problemit mund të jetë çështja e DNS, që ka shkaktuar problem global në faqen e Facebook. Mediat elekronike kanë kontaktuar Facebook-un, dhe ai është përgjigjur “kemi disa përditësime dhe do kthehemi.”

Ndërsa ende ka probleme, Facebook është i arritshëm në shumicën e vendeve të lartpërmendura, e poashtu edhe në Shqipëri e Kosovë kemi aktivitete të përditshme nga shqiptarët, që do të thotë se Facebook është kthyer në mesin tonë.



Burimi: http://www.itshqip.com/#ixzz1preLw4lT

[Zero Cool]

Nuk e marr pergjegjesine per instalimin e mundshem te ketij aplikacioni, vetem po e jap si info ketu !


Dislike

Krejt e njihni LIKE-n , shihne edhe DISLIKEN pak :D


A jeni të lodhur nga aq shumë “pozitivizëm” në “Facebook”, ku secili shokë bënë “like” ndaj secilit dhe për gjithçka? Në faqet e rrjeteve shoqërore, siç është “Facebook”, shumica e përdoruesve presin që njerëzit tjerë t’u shfaqen si të lumtur, të suksesshëm dhe shoqëror, tregoi një hulumtim i zhvilluar kohë më parë.

Miliona njerëz kërkuan “dislike-n”
Por Dean Terry, profesori në një kolegj, është lodhur, siç tha, nga sasia e madhe e pozitivitetit në “Facebook”, dhe kështu e bëri aplikacionin i cila u mundëson, sikur miqtë, në “Facebook” t’i përcaktoni dhe keni edhe armiqtë tuaj.

Siç shkruajnë mediet e huaja, prof. Terry konsideron që bota reale e marrëdhënieve ndër njerëzore është shumë më komplekse se sa që këtë e ofron dhe mundëson “Facebook”.
Për shembull, më shumë se tre milionë njerëz janë paraqitur në faqen e “Facebook-ut” dhe të cilët kërkojnë të vendoset edhe “butoni” “dislike”.

Nëse tani e kemi “like”, pse atëherë të mos keni edhe “dislike”, pyesin shumica, por “Facebook” e ndalon rreptësisht këtë fjalë në faqen e saj dhe për programorët e saj.

Ngutuni nëse dëshironi ta keni
Megjithatë, “Facebook” nuk ka asnjë rregull që kanë të bëjnë me emërtimin e armiqve tanë, kështu që prof. Terry e bëri aplikacionin “EnemyGraph”, e cila u mundëson që të merrni cilëndo pjesë nga “Facebook”, personin, vendin, ngjarjen, aplikacionin tjetër..., dhe ta konsideroni armik.

Ky aplikacion interesant po ashtu do t’u dërgoj raportet e caktuara, përkatësisht do t’ju lajmërojë secilin herë kur njëri nga miqtë tuaj bënë “like” (pëlqen) diçka nga armiqtë tuaj.

Ky profesor që e bëri këtë aplikacion më parë ishte bërë i njohur për aplikacionin e cila u mundëson t’i shihni “tweet-it” e fshirë. Ai konsideron se aplikacionin “EnemyGraph” “Facebook” shumë shpejt do ta largojë, andaj ngutuni derisa ende mund të shkarkohet.