Lajme aktuale nga vendi !

Postimi origjinal është bërë nga jadore

more edhe prapa diellit se le pertej Karpateve , neve le te na hjeken qafe ..se boll mo .. keshu si duket ka qene pergjate krejte historise, qesi yrrnek qeverije kishim pas qysh ne kohe te Ilirise e teknej , qe ata u shtrine e u shtrine e neve na izolun e zvoglun ..

....pasha zotin jadore topi se luan, tani e perjetum vete ne lekuren tone pse jemi ketu ku jemi edhe pse i kemi punet keshtu, krejt fajet i ka karriga edhe inati mes veti e te hujt i kemi marre ne gji.

[Neferta]

Fyerjet ne tabelat e serbëve dhe mesazhi për KFOR-in
S’ka fund përqeshja e përluja që serbët e veriut bëjnë në drejtim të KFOR-it. Një fotografi e re që po qarkullon online tregon se si serbët kanë bërë vetë shenjat e tyre treguese për vendbanimet.


Mitrovica, Beogradi, Leposaviqi, Kraleva, e vendbanime të tjera janë shkruar për të përfunduar me anën e djathtë ku sipas serbëve ndodhen “Gomarët e KFOR-it”. Fotoja është bërë afër një prej vendkalimeve ilegale kufitare në veri. /indeksonline/

SHBA: As ndarje as këmbim territoresh


16-11-2011 11:12 CET


Ndihmësseketari amerikan i Shtetit, Philip Gordon ka porositur Serbinë që anembanë Kosovës duhet patjetër të ekzistojë pa kusht liria e lëvizjes, duke theksuar se Uashingtoni pret nga qeveria e Serbisë që plotësisht të bashkëpunojë me KFOR-in dhe EULEX-in në heqjen urgjente të bllokadave në rrugët e veriut të Kosovës dhe të sigurojë kontroll përkatës të kufijve.
Po ashtu ndarja dhe shkëmbimi i territoreve është zgjidhje e papranueshme, ka thënë Gordon në Nënkomitetin e Dhomës Përfaqësuese për Evropë dhe Evroazi kushtuar situatës në Ballkan, ku më së shumti është diskutuar për Serbinë e dhe Kosovën dhe problemet e Bosnjës e Hercegovinës, njofton “Zëri i Amerikës” në gjuhën serbe, transmeton Koha.
“Vështirë është të imagjinohet që Bashkimit Evropian t'i bashkohet vendi i cili financon aktivisht institucionet e ndara në shtetin fqinjë dhe i cili me të ndan kufijtë që nuk janë rregulluar, kontrolluar dhe njohur. Ky është mesazhi që bashkë me Bashkimin Evropian përpiqemi t'ia transmetojmë Serbisë”, është shprehur ndihmësseketari Gordon.
“Nëse nis cilido qoftë nga këto procese, kjo kurrsesi nuk mund të jetë i kufizuar vetëm në një linjë kufitare, as që mund të përfundojë me rrugë paqësore. Retorika, me të cilën bëhet thirrje për ndarjen e Kosovës dhe vihet në dyshim aftësia e njerëzve të përkatësive të ndryshme etnike të jetojnë bashkë, është e dëmshme për pajtimin rajonal dhe në kundërshtim me përpjekjet e gjata me dekada të komunitetit ndërkombëtar që të nxjerrë rajonin nga periudha e konflikteve brutale të 1990-ve”, ka theksuar Gordon.
Kriza në Kosovë ka qenë temë debati e kongresistëve amerikanë në Këshillin për Politikë të Jashtme, njoftojnë medie serbe. Në Këshill janë paraqitur ide të ndryshme, që nga qëndrimi se Serbia është përgjegjësja e vetme për ngjarjet në Kosovë deri tek ideja për ndarje. Të gjithë pajtohen se dialogu është e vetmja rrugë për zgjidhjen e problemeve
Kongresisti nga Ohajo Jen Schmidt dhe kongresisti nga Nju Jorku, Eliot Engel kanë thënë se Serbia është fajtore për situatën në veri dhe se për këtë arsye asaj nuk duhet lejuar vazhdimin mëtejmë të integrimeve evropiane përderisa të mos zgjidhet kjo çështje.
“Problemi është te Serbia. Kosovën e kanë njohur 86 shtete e Serbia po shkakton incidente. Nuk duhet harruar se kosovarët janë miqtë më të mirë të Amerikës në rajon”, ka thënë Schmidt.
Kongresisti Engel ka thënës e Serbia nuk bën të hyjë në BE para Kosovës sepse ajo mund të bllokojë pastaj hyrjen e Kosovës në BE.
2

Ivanoviq: Pavarësia e Veriut, çështje ditësh!?

20-11-2011 11:23 CET


Deklaratën e Ivanoviqit se serbët në veri të Kosovës mund ta shpallin pavarësinë, analistët e Beogradit e shohin si një manovër taktike. Sipas tyre, kjo ide nuk mund të realizohet, sikur që nuk mund të realizohet edhe ideja që serbëve të Kosovës t’u ndahet nënshtetësia ruse.
Edhe pse nuk donte të tregonte se si do të dukej ajo pavarësi, Ivanoviq ka përsëritur se “kjo ide nuk është larg realitetit”.
“Në Kosovë ka shumë serbë që janë duke menduar në këtë drejtim. Unë tani nuk do të hyj në detaje, sidomos kur mendoj se ideja është e keqe. Me rëndësi është që bashkësia ndërkombëtare ta ndalë presionin mbi serbët e Kosovës, se në të kundërtën shpallja e pavarësisë së Kosovës veriore është çështje ditësh”, ka thënë për “Press” i ashtuquajturi sekretar për Kosovën, Oliver Ivanoviq, transmeton Telegrafi.
Analisti Dejan Vuk Stankoviq thotë se kjo ide është e pazakontë, sepse fillimisht nuk dihet se çfarë pavarësie do ta shpallin ata.
“Nga Serbia apo Kosova? Meqë serbët e Kosovës insistojnë se janë pjesë e Serbisë, atëherë kjo do të thotë shpallja e pavarësisë nga vetvetja. Në anën tjetër, nëse pavarësia shpallet nga Kosova, atëherë dalin se ata po e njohin Kosovën si shtet. Unë nuk besoj se dikush në Beograd është duke menduar në atë drejtim”, ka thënë Stankoviq, duke shtuar se ky veprim nuk është i matur.
Bashkëpunëtori i Institutit të Shkencave Sociale, Nenad Cveticanin, e cilëson si taktike e jo kërcënuese deklaratën e Ivanoviqit.
“Deklaratën e dha në mënyrë të kujdesshme, duke mos insistuar në pavarësinë e veriut të Kosovës, por duke e vënë në dukje këtë mundësi. Ajo duhet të rrisë hapësirën manovruese të serbëve, që bashkësia ndërkombëtare të kuptojë se serbët e Kosovës nuk përjashtojnë mundësinë e tërheqjes së lëvizjeve radikale”, ka thënë ai.

Bisedimet, dallime të mëdha


21-11-2011 13:13 CET


(E plotësuar) Në selinë e Bashkimit Evropian në Bruksel, delegacionet nga Kosova dhe Serbia kanë rifilluar të hënën dialogun, i cili ishte ndërprerë para disa muajsh.
Edhe në ditën kur rifilloi ky dialog, të dyja palët shprehën qëndrimet e tyre që tregojnë dallime të qarta rreth bazave ligjore të asaj që mund të arrihet në këtë dialog dhe të zbatohet si marrëveshje.
Zëvendëskryeministrja e Kosovës, Edita Tahiri, njëherësh shefe e delegacionit të Kosovës në këtë dialog, ka insistuar se të gjitha marrëveshjet duhet të jenë në përputhje me Kushtetutën e Republikës së Kosovës, ndërkohë që shefi i delegacionit të Serbisë, Borisllav Stefanoviq, i është kundërpërgjigjur, duke thënë se nuk do të pranohet asgjë nga ana e Serbisë, që do të ishte në kundërshtim me Kushtetutën e saj.
Në fillim të dialogut, palët kanë paralajmëruar si tema kryesore: telekomin, energjinë dhe bashkëpunimin rajonal, ndërsa Edita Tahiri ka paralajmëruar se do të hapet edhe tema e re – ajo për menaxhimin e integruar të kufijve.
Tahiri ka shpjeguar se kjo nuk do të thotë se Kosova do të pranojë ndonjë negociatë për kufijtë, sepse “Kosova, si shtet i pavarur, i ka kufijtë e saj të definuar, ashtu si edhe integritetin territorial”.
Shefi i delegacionit të Serbisë, Stefanoviq, ka thënë se nuk mund të flitet për kurrfarë kufijsh, sepse, sipas tij, “mes Serbisë dhe Kosovës nuk ka kufi, sepse Kosova nuk është shtet dhe Serbia do të insistojë në qëndrimin e saj”.
I pyetur se si mund të arrihet kompromisi nëse të dyja palët insistojnë se nuk do të pranohet asnjë zgjidhje po qe se nuk është në përputhje me kushtetutat respektive, Stefanoviq ka thënë se deklarata të tilla do të ketë edhe në të ardhmen dhe se ka pasur edhe në të kaluarën, por “qëndrimet e tilla nuk kanë parandaluar që të ketë marrëveshje në disa pika”.
Palët sot kanë shkëmbyer kritika edhe rreth asaj se përse nuk janë zbatuar marrëveshjet e arritura deri më tani.
Përderisa Stefanoviq ka thënë se nuk ka pasur mundësi të arrihej përparim më i madh për shkak të, siç është shprehur, “kokëfortësisë së Prishtinës”, Edita Tahiri ka kritikuar Serbinë për mungesë të gatishmërisë për zbatimin e marrëveshjeve të arritura.
I pyetur se përse Serbia nuk i ka zbatuar marrëveshjet, Stefanoviq ka thënë: “Për dallim nga Kosova, Serbia është shtet dhe si shtet i ka ligjet dhe procedurat e veta”.
Rifillimi i dialogut ka qenë një ndër kushtet për Serbinë për të marrë statusin e kandidatit për anëtarësim në Bashkimin Evropian. Se si do të reflektohet rifillimi i dialogut, mbetet të shihet në qëndrimet e vendeve anëtare të BE-së. /rel/

Sllovenia - model për Kosovën evropiane


21-11-2011 16:14 CET


Ministri i jashtëm i Kosovës, Enver Hoxhaj në vizitën e tij zyrtare në Lubjanë, është pritur nga kryeministri i Sllovenisë, Borut Pahor dhe homologu i tij, Samuel Zbogar.
Në takimin me Pahor, Hoxhaj ka falënderuar atë për mbështetjen që Sllovenia i ka dhënë Kosovës në 10 vjetët e fundit.
Nga ana tjetër, kryeministri Pahor ka siguruar ministrin Hoxhaj që Sllovenia edhe më tutje do të jetë një zë i fuqishëm brenda Bashkimit Evropian për proceset integruese të Republikës së Kosovës në BE.
Në takimin që Hoxhaj pati me homologun e tij slloven, Samuel Zbogar, të dy ministrat u pajtuan që dy vendet kanë marrëdhënie të shkëlqyera diplomatike. Me këtë rast, Hoxhaj ka thënë se marrëdhëniet e mira diplomatike duhet të shndërrohen edhe më shumë në marrëdhënie ekonomike, tregtare, kulturore etj.
Si parakusht për këtë, dy ministrat kanë nënshkruar Protokollin për Bashkëpunim, i cili do t’i hapë rrugë nënshkrimit të shumë marrëveshjeve të tjera, të cilat do ta thellojnë edhe më shumë bashkëpunimin mes dy shteteve.
“Ne kemi relacione të shkëlqyera. Sllovenia është një partner i fuqishëm në fushën e ekonomisë dhe tregtisë dhe në fushën e arsimit. U pajtuam që vitin e ardhshëm të nënshkruajmë edhe disa marrëveshje që janë shumë të rëndësishme, me qëllim që marrëdhëniet tona politike, të lëvizin drejt fuqizimit të marrëdhënieve ekonomike”, ka thënë ministri Hoxhaj në një konferencë për media që është organizuar pas këtij takimi.
Në këtë takim, ministri Hoxhaj po ashtu ka informuar ministrin Zbogar për situatën në veri, për dialogun teknik si dhe për proceset euroatlantike.
Me këtë rast, Hoxhaj ka bërë të qartë qëndrimin e Kosovës për zhbërjen e menjëhershme të strukturave paralele ilegale të Serbisë nga Kosova, për largimin e barrikadave, për implementimin e marrëveshjeve të arritura në dialogun teknik mes Republikës së Kosovës dhe Republikës së Serbisë si dhe për implementimin e plotë të Pakos së Ahtisarit.
“Qëndrimi ynë është që Pakoja e Ahtisarit është korniza e vetme, më e mira për integrimin e veriut. Por, kësaj duhet t’i paraprijë shpërbërja e plotë e strukturave paralele ilegale, operacionalizimi i EULEX-it në tërë territorin e Kosovës, zbatimi i marrëveshjeve në Bruksel etj”, ka shtuar ministri Hoxhaj.
Ministri Hoxhaj në këtë takim, ka kërkuar mbështetjen e kryeministrit dhe ministrit të jashtëm të Sllovenisë edhe në procesin e liberalizimit të vizave.

“Qytetaret e Kosovës meritojnë të lëvizin lirshëm në Evropë. Kosova nuk duhet të mbetet vendi më i izoluar dhe qytetarët e saj një popull i harruar”, ka thënë ministri Hoxhaj.
Nga ana tjetër, ministri i Punëve të Jashtme i Republikës së Sllovenisë, Samuel Zbogar ka thënë se shteti i tij do ta mbështesë Republikën e Kosovës në rrugën e saj evropiane.
Ministri Hoxhaj gjatë qëndrimit të tij në Slloveni do të mbajë edhe një ligjëratë në Fakultetin Ekonomik të Universitetit të Lubjanës. /Zëri/
0

Assesi nuk e pranojmë pavarësinë e Kosovës


21-11-2011 15:53 CET


Presidenti i Serbisë, Boris Tadiq, deklaroi sot se bisedimet teknike me Prishtinën, nuk do të sjellin njohjen e Kosovës.
“Do të vazhdojmë të udhëheqim politikë konstruktive, por nën asnjë kusht nuk do ta pranojmë pavarësinë e Kosovës, as në mënyrë eksplicite e as në mënyrë implicite”, u tha sot Tadiq gazetarëve në vendin Banatski Dvor.
Ai mëtutje, siç raporton REL, ka theksuar se në Bruksel po udhëhiqen bisedime teknike, të cilët mund ta sjellin në pyetje pozitën e Serbisë, nëpërmjet të rrezikut të njohjes implicite të pavarësisë, por sipas tij, në këtë aspekt negociatorët serbë janë të kujdesshëm.
Zoti Tadiq ka theksuar se Serbia do të vazhdoj me nismat për Kosovën, pasi ajo është burim potencial i jostabilitetit për Serbi, rajon dhe Evropë.
“Mbrojtja e serbëve në Kosovë është misioni më i rëndësishëm i presidentit dhe i qeverisë së Serbisë”, tha Boris Tadiq.
Ai e falënderoi Rusinë për mbështetje në ruajtjen e integritetit territorial dhe sovranitetit.

Zarif: Serbët të lejojnë kalimin e KFOR-it dhe EULEX-it


21-11-2011 16:19 CET


Shefi i misionit të OKB-së në Kosovë, Farid Zarif, ka kërkuar sot nga përfaqësues të serbëve në pjesën veriore të Kosovës, që të lejojnë kalimin e KFOR-it dhe EULEX-it, ta ruajnë paqen dhe ta krijojnë atmosferën, e cila do të jetë e përshtatshme për dialog.
“Kryetarët e komunave i kam lutur të gjejnë zgjidhje, në mënyrë që KFOR-i dhe EULEX-i, të kenë liri të lëvizjes, sipas rezolutës 1244”, tha Zarif, pas takimit me përfaqësues të serbëve të veriut të Kosovës, të cilët kanë përsëritur se kjo do të jetë e mundshme, vetëm nëse EULEX-i heqë dorë nga transporti i doganierëve dhe policëve kosovarë në Bërnjak dhe Jarinë.
Shefi i UNMIK-ut, Farid Zarif, ka “apeluar te njerëzit në veri të Kosovës, që të kontribuojnë në mbajtjen e paqes dhe të stabilitetit, dhe t’i shmangen konfrontimit dhe dhunës dhe të jenë të përmbajtur, ashtu sikur edhe deri tash”. /rel/

Kamikazët politikë


Jeton Llapashtica | 21-11-2011 00:11 CET


Pavarësisht që iu është “shuar” ëndrra për t’u bërë deputetë në këtë nomenklaturë, dy ish-deputetët “rebelë” të Kuvendit të Kosovës, Naim Rrustemi dhe Driton Tali, nuk i kanë rënë pishman që kanë “pensionuar” ish-presidentin Fatmir Sejdiu, madje nuk ndiejnë keqardhje që ky veprim i tyre i çoi ata drejt “vetëflijimit”.
Personat që gjatë mandatit të kaluar legjislativ janë cilësuar si me të “zhurmshmit” të Kuvendit, cilët mbahen mend si deputetët që duke iu drejtuar Gjykatës Kushtetuese për ish-presidentin, përveç se i “djersitën” gjykatësit e Kushtetueses, gjithashtu ua mësuan rrugën edhe të tjerëve se si të veprohet në raste kur dyshohet se është shkelur Kushtetuta.
Të apostrofuar si “deputetët kamikazë”, Rrustemi dhe Tali tani punimet e Kuvendit të Kosovës i shikojnë nga televizori, ndërsa merren më zanatin për të cilin “e kanë kryer shkollën”. Po ashtu, ata nuk ndiejnë fare keqardhje që e kanë prishur koliacionin e dikurshëm PDK-LDK.
Ish-deputeti Rrustemi thotë se nuk e ka bërë “namin” duke punuar, por se deputetët tjerë kanë qenë tërësisht jashtë detyrës, ndërkaq është i bindur se keqpërdorimi i votave e ka lënë pa u rizgjedhur deputet.
“Pse sot nuk jam në Kuvend, normalisht nuk kam pasur grup të madh të hajnave për të vjedhur vota. T’i kisha pasur dyqind hajna siç i kishte Hashim Thaçi, i kisha bërë pesëdhjetë mijë vota”, ironizon ai.
Deputeti që në Kuvend hyri si anëtar i Partisë Demokratike të Kosovës, të cilën pasi e kishte braktisur pati vepruar si deputet i pavarur, pohon se momentalisht është anëtar aktiv në Aleancën për Ardhmërinë e Kosovës (AAK) dhe se njëkohësisht është asistent-profesor në Universitetin e Nju Jorkut në Tiranë.
“Nuk dua të bëhem mendjemadh, por mendoj se i kemi vendosur së paku disa themele të lehta si duhet të zhvillohet jeta demokratike në Kosovë, me rastin e presidentit dhe shumë aferave tjera korruptive”, shprehet ai, duke theksuar se është dëm për legjislaturën aktuale që nuk i ka dy ish-deputetët, Naim Rrustemin dhe Driton Talin.
Ndryshe nga ai, bashkëpunëtori i tij më i ngushtë, Tali, duket se është gati t’i “çojë duart” nga Kosova. Ai thotë se ka provuar të bëjë biznes në vend, por kjo sipas tij i është pamundësuar nga, siç thotë ai, armiqtë që ka krijuar sa ka qenë deputet, prandaj familjen e ka dërguar në Angli, meqenëse posedon nënshtetësi të këtij vendi, ndërsa vetë ende nuk e ka vendosur nëse do të shkojë atje apo do të qëndrojë në Kosovë.
“Familjen i kam dërguar në Londër, ndërsa vetë po mbijetoj këtu. Ndoshta në të ardhmen do të shkoj në Londër dhe atje do të merrem me biznes, ngase është më lehtë sesa këtu. Nuk jam i interesuar të punoj në universitete, pavarësisht nga titulli që e kam”, shprehet Tali.
Ish-deputeti i pavarur i Kuvendit të Kosovës, epitet ky të cilin e pati marrë pasi pati braktisur Aleancën Kosova e Re, dhe i cili në zgjedhjet e fundit pati garuar në kuadër të listës së AAK-së, thotë se falë keqpërdorimeve të votave nga anëtarët e kësaj partie nuk ka arritur të fitojë edhe një mandat.
Tali thotë se fakti që ai dhe Rrustemi janë nismëtarë të “rrëzimit” të ish-presidentit Sejdiu, është dëshmi e mjaftueshme se sa i fuqishëm është individi dhe gjithashtu tregon se shpeshherë “i vogli është më i fuqishëm se i madhi”.
Ai nuk e përjashton mundësinë që në të ardhmen të rimerret me politikë.
8

[Llapjani_HH]

Shefat e Universitetit të Prishtinës marrin deri 8 mijë euro

Të dy, Mujë Rugova dhe Mehdi Jashari, janë mësimdhënës me përvojë të gjatë në Universitetin e Prishtinës dhe ka rreth dy vjet që kanë mbërritur moshën e pensionit. Ata janë akoma në Universitet, por ka dy gjëra që i dallon - funksioni dhe të ardhurat që marrin.

Rugova, profesor i kimisë, është rektor i UP së, e Jashari, që tani ligjëron notin, i është lënë të mbajë tri orë mësimi në javë në Fakultetin e Sporteve. Që të dy kanë realizuar të ardhura gjatë tetorit. Bazuar në listën e pagave, të cilën e ka siguruar "Koha ditore", Rugova ka marrë fiks 143 herë më shumë para sesa Jashari.
Të jesh në mesin e shefave në këtë Universitet publik, lë pas me të ardhura jo vetëm kolegët që kanë gradën më të lartë akademike, por edhe drejtuesit më të lartë të shtetit. Për muajin tetor Universiteti ka paguar njerëz deri në 8 mijë euro.
Vetë rektori Mujë Rugova - i cili po t'u bindej ligjeve do të merrte vetëm pensionin prej 80 eurosh që nga 16 marsi i 2010 s, kur ka mbushur të 65 at - ka realizuar të ardhura për tetor në lartësinë 5,112.63 euro. Këtë nivel e ka mbërritur duke stimuluar veten dhe duke e futur nëpër komisione.

Paga e rektorit është 1 643 euro. Në ekuacionin e tetorit janë përfshirë "stimulimi" prej 1 790 eurosh, "kompensimi" prej 1.579 eurosh dhe 100 euro të tjera, të arsyetuara me pjesëmarrjen e rektorit në program të doktoratave.

E profesori Jashari për të njëjtin muaj ka realizuar të ardhura vetëm në lartësinë 35.74 euro. Edhe këto nuk i ka marrë, ngaqë ka një marrëdhënie të komplikuar kontraktuale me UP në.
"Për tetor akoma s'i kemi marrë", ka thënë ai. "Akoma as kontratat nuk i kanë kryer".

Dhe, nuk është vetëm rektori që "stimulohet" për punën që bën. Ka anëtarë të ekipit të ngushtë të tij në Rektorat që realizon të ardhura, me të cilat e tejkalon Rugovën.

Rasti është me prorektorin për financa, Enver Kutllovci. Në xhepin e tij UP ja ka arkëtuar për muajin tetor fiks 6, 925.33 euro. Nga rreth 2 mijë euro më pak kanë marrë dy prorektorët e tjerë, Naser Mrasori e Bajram Berisha.
Nga anëtarët e Këshillit Drejtues është Nijazi Ibrahimi, që ka marrë gjatë muajit të ardhurat më të larta. Fiks 5,168.78 euro i janë arkëtuar atij.
QIK-u

Edita dhe suita - 8853 euro mëditje

Raundi i shtatë i dialogut me Serbinë, vetëm për
mëditje i ka kushtuar buxhetit të varfër të Kosovës afër 9 mijë euro, duke përjashtuar këtu shpenzimet e udhëtimit e të tjera.

Kjo ka ndodhur pasi në ekipin kosovar kanë marrë pjesë gjithsej 13 veta. Përveç stafit të ekspertëve, zëvendëskryeministrja Tahiri ka marrë me vete pesë anëtarë nga kabineti i saj.

RTK ka raportuar se sipas udhëzimit administrativ të Qeverisë për udhëtime zyrtare, për në Belgjikë, çdo zyrtar merr nga 227 euro mëditje në ditë, pa shpenzimet e udhëtimit.

Delegacioni kosovar prej 13 anëtarëve nga 227 euro mëditje në ditë bëjnë 2951 euro, ndërkohë tre ditë të tyre, i kanë kushtuar buxhetit të Kosovës gjithsej 8853 euro.

“Mirëpo, përveç këtyre mëditjeve, sipas një udhëzimi administrativ të nxjerr në vitin 2009, zyrtarëve të lartë u garantohet edhe një kredit kartelë. RTK jo zyrtarisht, ka mësuar se shuma që mund të përdoret në këtë kredit kartelë, është deri në 10 mijë euro për zyrtarët e lartë, e deri në 5 mijë për stafin përcjellës”, ka raportuar RTK.

Emrat e pesë këshilltarëve politik të Tahirit: Dren Zeka, këshilltar kryesor politik i Edita Tahirit; Arjeta Rexhaj, këshilltare politike; Gazmir Raci, këshilltar politik; Elona Cecelia, këshilltare politike; Visar Xani – këshilltar politik.
Telegrafi

[sherri]

Mediat elektronike greke i janë referuar konferencës shkencore të mbajtur në universitetin amerikanë “Kean”, rreth çështjes Çame.
Ato nuk fshehin befasinë e tyre, ndaj reagimeve të fundit nga ana e shqiptarëve për ta kthyer këtë çështje në epiqendër të vëmendjes botërore.
Mediat greke, akuzojnë qeverinë e tyre dhe e fajësojnë atë, përsa i përket “gjumit” të rëndë që ajo fle lidhur me këtë çështje.
Sipas tyre: “Nuk është e mundur që pala shqiptare ta ndjekë deri matanë atlantikut çështjen Çame, si dhe të organizojë deri dhe konferenca ‘shkencore’ për këtë çështje delikate dhe historinë e saj në Universitetin “Kean” të Amerikës. Pasi për ne, ajo është inekzistente, nuk ekziston si problem. Po qeveria greke çfarë ka bërë dhe çfarë masash duhet të marrë lidhur me këtë çështje?”.
Gjithashtu, ato analizojnë tepër të shqetësuara deklaratën dhe kërkesat e parashtruara nga ana e shqiptarëve si dhe deklarimeve të kryetarit të partisë së PDIU-s, Tahir Muhedini, ku ky i fundit ka deklaruar: “Ne presim që Greqia të kërkojë njëlloj ndjese për atë që ka bërë. Ne presim që të ketë një zgjidhje graduale pajtuese për çështjen çame. Pra një ligj që të parashikojë afate për kompensime, riatdhesime të atyre që dëshirojnë, etj, madje dhe në përputhje me ligjet greke të riatdhesimit të emigrantëve politikë që u miratuan në vitet 70-80. Sot ne kemi instrumenta në dorë për të patur sukses në kërkesat tona. Ne kemi një parti politike. Ne kushtëzojmë qeverisjen në vend. Ne kemi krijuar shpresë tek popullsia jonë. Ne I kemi treguar të gjithë popullit shqiptar, të rinjve se plaga e popullsisë çame kullon ende gjak. Ndaj, ne besojmë se do ketë zgjidhje problemi çam. Na duhet ndihma juaj dhe besojmë shumë në dituritë tuaja. Nuk mund të mbetet pa zgjidhje, me këto ligje ndërkombëtare, një problem si yni. E drejta vonon, por nuk mënon thotë populli shqiptar.”, tha z. Muhedini.
Sipas mediave greke është e pa pranueshme që Muhedini të kërkojë: “Ne presim që të ketë një zgjidhje graduale pajtuese për çështjen çame. Pra një ligj që të parashikojë afate për kompensime, riatdhesime të atyre që dëshirojnë, etj, madje dhe në përputhje me ligjet greke të riatdhesimit të emigrantëve politikë që u miratuan në vitet 70-80”, pasi ato i konsiderojnë këto deklamime si ultimatum ndaj Greqisë, që kjo e fundit të pranojë kërkesat e shqiptarëve, t’i kompensoj ata dhe të pranoj riatdhesimin e tyre.
Për gazetarët grek, mbajtja e kësaj konference në nivel shkencor dhe akademik në universitetin Amerikan, përbën një problem madhor dhe ndoshta kombëtar për Greqinë, pasi në të morën pjesë shumë figura të shquara, ku dalloi ajo e gazetarit të famshëm Anglez, njëkohësisht dhe lektor në Akademinë Mbretërore të Mbrojtjes, James Pettifer.
Gjithashtu në këtë konferencë morën pjesë dhe amtarë të kryesisë së Institutit Ndërkombëtar të Drejtave të Njeriut.

[Neferta]

Rregula te reja nga KFOR
KFOR-i më në fund duket se e ka humbur durimin ndaj serbëve në veri të vendit, që po vazhdojnë të sulmojnë pjesëtarët e misionit të NATO-s në Kosovë.

Nëpërmjet një komunikate, KFOR-i ka kërcënuar serbët në barrikada se do të përdorin plumba të vërtetë në rast se rrezikohet jeta e ushtarëve.

Ky mision ka shpjeguar rrjedhën e situatës së sotme, duke thënë se në mëngjesin e sotëm, largimi i bllokadës rrugore nga KFOR-i është bërë ashtu siç ishte planifikuar. KFOR-i ka zbatuar mandatin e vet në rivendosjen e lirisë së lëvizjes. Operacioni ishte i suksesshëm dhe është kryer pa dhunë ndaj demonstruesve.

“Më vonë demonstruesit sulmuan pozicionet e KFOR-it dhe shkaktuan lëndime. Protestuesit kanë shtënë me armë të vogla zjarri në drejtim të trupave të KFOR-it dhe dy ushtarë janë plagosur. Dhuna nga protestuesit ende vazhdon. Protestuesit përdorin mjete eksploduese dhe koktej Molotovi kundër KFOR-it. Deri më tani, dhuna ka rezultuar në 23 ushtarë shtesë të lënduar gjatë pasdites së vonshme dhe mbrëmjes”, thuhet në reagimin e KFOR-it.

Sipas tyre, protestuesit nuk mund aspak të cilësohen si demonstrues paqësorë, por si të dhunshëm dhe kriminalë.

“Deri më tani KFOR-i ka përdorur vetëm sprej piperi, gaz lotsjellës, plumba gome dhe cisterna të ujit. Megjithatë, në situata kërcënuese për jetën sikurse kjo, ushtarët e KFOR-it do të përgjigjen me te gjitha mjetet proporcionale. Misioni i KFOR-it është t’i kontribuojë një ambienti të qetë e të sigurtë në Kosovë e cila përfshinë lirinë e lëvizjes në përputhje me mandatin e tij, nën Rezolutën 1244 të Këshillit të Sigurimit të Kombeve të Bashkuara. Çfarëdo veprimi që kërcënon ambientin e qetë dhe të sigurtë si dhe jetën e cilitdo është i papranueshëm”, thuhet ndër tjera në reagim.

Mirëpo, se sa seriozisht e ka kësaj radhe, KFOR-i tregon se nuk do të kursehen as plumbat e vërtetë.

“KFOR-i do të ndërmarrë masa të duhura për të siguruar sigurinë e të gjithë njerëzve në Kosovë, por gjithashtu edhe të ushtarëve të vet.Ne nuk duam ta vrasim askënd, por po e përsëris edhe njëherë se nëse ushtarët tanë gjenden në situata kur jeta e tyre rrezikohet, ata do të përgjigjen me plumba të vërtetë”. /Indeksonline/

[Neferta]

Sekiraqa i frigohet gjykimit nga shoket e tije mafioz
Enver Sekiraqa po interesohet t’i jap fnd jetës si “kaçak”. I shumëkërkuari për një seri veprash penale po “negocion” dorëzimin e tij tek autoritetet ndërkombëtare në Kosovë për të dalë edhe para organeve të drejtësisë. Kurrsesi para drejtësisë kosovare. Ai po i beson vetëm EULEX-it.

Burime nga Prokuroria Speciale e Republikës së Kosovës kanë thënë se familjarët e Enver Sekiraqës kanë përcjellë mesazhin e familjarëve të tyre, se është i gatshëm t’u dorëzohet autoriteteve ndërkombëtare në Kosovë, raporton Koha Ditore.

[Fshatari]

Postimi origjinal është bërë nga Neferta

Sekiraqa i frigohet gjykimit nga shoket e tije mafioz
Enver Sekiraqa po interesohet t’i jap fnd jetës si “kaçak”. I shumëkërkuari për një seri veprash penale po “negocion” dorëzimin e tij tek autoritetet ndërkombëtare në Kosovë për të dalë edhe para organeve të drejtësisë. Kurrsesi para drejtësisë kosovare. Ai po i beson vetëm EULEX-it.

Burime nga Prokuroria Speciale e Republikës së Kosovës kanë thënë se familjarët e Enver Sekiraqës kanë përcjellë mesazhin e familjarëve të tyre, se është i gatshëm t’u dorëzohet autoriteteve ndërkombëtare në Kosovë, raporton Koha Ditore.

Prokuroria Speciale e Republikës së Kosovës nuk eshte organizate mafioze, siç le te nenkuptohen nga titulli.

Kriminelet "kaçak"(sekira ne mal...), bllaca i shumadise, "deshmitari" kunder deputetit Limaj, nuk i besojne Drejtesise se shtetit sovran te Kosoves po i dorezohen "drejtesise" udbashe t'euleshit. Ne mungese te mjeteve materiale(per shkak te krizes zhdukese te eurozones) euleshi po perdore kohet e fundit metoda te çuditshme juridike : po i gjykon keta matrapaza neper parqe publike gjermane duke i vare neper lisa...! Mora vesh se shteti i fuqishem gjerman nuk po i pranon me "dhuratat" e euleshit :" e keni parkun e Germise ne dispozicion; çoni e varni atje", eshte pergjigjur policia e shtetit me te fuqishem evropian, e Gjermanise.

[shef-qeti]

Prokuroria Special e Kosoves, se paku eshte dashte te kerkoj ekstradimin e Sekiraqes ne Kosove, nga Irlanda, para se ai te kerkoj ndihme apo gjykim nga eulex-i. E duke e dite se sa te AFTE dhe te SHPEJTE :) i kem prokuroret, te cilet per 11 vjet nuk u morren me asnje rast per hajni, vrasje, etj, atehere veq muj me mendu qe ky Sekiraqa u tregu ma i afte se ta (Speedy Gonzales)...