Lajme aktuale nga vendi !

[Neferta]

80 Mesues fallcifikatore edhe pse te denuar per fallsifikim diplomash marin rroge sikur mos te kete ndodhur asgje e pushtetaret flejn.
Arsimtarëve me diploma false jo vetëm që u janë konfi skuar “diplomat”, por janë dënuar edhe me 900 euro gjobë. Kështu ka vendosur Gjykata Komunale e Gjakovës për rreth 80 mësimdhënës të Malishevës, për të cikët është konstatuar se ishin me diploma të falsifikuara.
Aktgjykimet po shpërndahen në disa shkolla si në Carrallukë, Panorc, Temeqinë, Bubavec etj. dhe marrësit po i mbajnë në heshtje të plotë dhe kopjet e tyre e kanë të vështirë t’i sigurojnë edhe zyrtarët e Drejtorisë Komunale të Arsimit, si dhe vetë drejtorët
e shkollave.
Sipas këtyre aktgjykimeve, kopje të të cilave ka arritur t’i sigurojë “Zëri”, dënimi primar është gjoba prej 900 euro, e cili duhet të paguhet brenda dy javësh, ndërkaq në të kundërtën do të zëvendësohet me dy muaj burg dhe krahas kësaj, bëhet edhe konfiskimi i diplomave që janë rezultat i veprës penale.
Krahas mësimdhënësve të Malishevës, akuzohen edhe Neki Myha dhe Njazi Xharavina, zyrtarë në Shkollën e Lartë në Gjakovë, të cilët për dhënien e këtyre diplomave kanë marrë para nga të akuzuarit.
Në arsyetimin e aktgjykimeve thuhet se gjatë vitit 2010 Prokuroria Komunale në Gjakovë ka kërkuar urdhër ndëshkimor për veprën penale të falsifikimit të dokumentit nga neni 332 i KPK, kurse denoncimin e kishte bërë Policia në Pejë pas hetimit të rastit dhe marrjes në pyetje të mësimdhënësve.
Isuf Morina, drejtor i Drejtorisë Komunale të Arsimit, thotë se aktgjykimet nuk u janë drejtuar as DKA-së e as drejtorëve të shkollave, por u janë shpërndarë të dënuarve.
“Jam i informuar se ka filluar shpërndarja në disa shkolla, por kjo është përgjegjësi individuale dhe aktgjykimet janë individuale”, thotë Morina, duke siguruar se në rast të kërkesës për veprim, DKA do të veprojë sipas ligjit.
Aktvendimet janë të shkallës së parë dhe mund të kundërshtohen në afat prej 8 ditësh dhe merrte vesh se shumica kanë parashtruar kundërshtim, i cili zgjat procedurat gjyqësore deri në plotfuqishmërinë e tyre.

[Llapjani_HH]

Serbia paguante Petrovicin si roje te “Boro-Ramizi”

Përmes rrjetit social Twitter, ministri serb i Mbrojtjes,
Dragan Sutanovac, është marrë me zëvendëskryeministrin e Qeverisë së Kosovës, Slobodan Petrovic.

"Slobodan Petrovic ka marrë deri në gusht pagë nga buxheti i Serbisë, sepse ishte roje në Qendrën Sportive ‘Boro dhe Ramizi’.
Deri kur kështu?”, shkruan Sutanovac, transmeton Kurir.

Petroviq kohë më parë ka thënë se është serb me nënshtetësi të Kosovës.

"Unë jam një serb i Kosovës dhe nuk e kam asnjë problem ta them këtë. Kosovar është term për njerëzit me nënshtetësi të Kosovës, e ky është përkthim literal nga shqipja dhe shumë i drejtë”, ka thënë Petrovic.
Telegrafi

[Llapjani_HH]

Rroga e Jahjagës dyfish më e madhe se e Tadicit

Duke iu referuar shënimeve të publikuara të martën në shtypin e Prishtinës për rrogat e funksionarëve të Kosovës, shtypi i Beogradit shkruan sot se anëtarët e qeverisë, deputetët dhe drejtorët në Kosovë mesatarisht fitojnë nga 500 e më shumë euro nga kolegët e tyre në Beograd.

Kështu presidentja e Kosovës, Atifete Jahjaga merr dyfish rrogë më të madhe se presidenti serb, Boris Tadic, rroga e të cilit është 1.400 euro. Jahjaga merr 2.837 euro.

Ndonëse, kryeministri i Kosovës e ka rrogën dyfish më të vogël se presidentja Jahjaga, megjithatë ai merr rreth 250 euro më shumë se homologu i tij serb, Mirko Cvetkovic, rroga e të cilit është 1.200 euro, ndërsa rroga e ministrave të tij është 1.000 euro.

Ndërkaq rroga bazë e parlamentarëve të Kosovës është 1.488 euro dhe rreth 400 euro shtesa nëpër komisione e këshilla, ajo e deputetëve serbë është 750 euro plus paushalli mujor 300 euro, transmeton Qik.

Rroga e drejtorit të Agjencisë së Privatizimit të Kosovës është 2.653 euro, ndërsa e kolegut të tij serb ka rrogë 1.520 euro, plus dy shtesa si anëtar i Komisionit Kombëtar për Kontabilitet me rreth 350 dhe si asistent në Fakultetin Ekonomik rreth 75 euro.
Telegrafi

Korrupsioni lë Kosovën pa “Mercedes”

Ministri i Zhvillimit Ekonomik, Besim Beqaj, e ka privilegjin që është zyrtari i fundit, i cili me para të buxhetit të Kosovës ka blerë veturë zyrtare të tipit “Mercedes”. Kjo për faktin se gjiganti gjerman dhe botëror i automobilave “Mercedes” ka vendosur që prej muajit të ardhshëm mos t’i shesë vetura Qeverisë së Kosovës.

“Babai” i veturave luksoze në botë jo që nuk dëshiron t’i shesë prodhimet e veta në Ballkan, por një vendim të tillë e ka marrë për faktin se Kosova ka një nivel të lartë të korrupsionit, të cilën gjë e konfirmon edhe “Transparency International”, shkruan “Zëri”.

Sipas kësaj të fundit, shteti më i ri në Evropë radhitet në vendin e 112, që do të thotë se konsiderohet si një vend me nivel të lartë të korrupsionit, duke u vendosur kështu në një grup me shtetet si: Algjeria, Egjipti, Moldavia, Senegali dhe Vietnami.

Burimet e sigurta të gazetës “Zëri” bëjnë të ditur se përfaqësuesit e autorizuar të Mercedesit” në Kosovë nuk mund t’iu shesin vetura institucioneve të Kosovës, nëse këto të fundit shpallin tenderë publikë për blerje të veturave të këtilla.
Telegrafi

[Llapjani_HH]

Daçiq: Nuk biem edhe nëse mbesim pa Kosovën

Ne do të shkojmë në BE për Serbinë, vetëm nëse kjo është në interesin tonë. Serbia nuk do të shembet edhe nëse mbetet pa Kosovën. Ka thënë zëvendëskryeministri dhe njëherësh kryetar i Partisë Socialiste të Serbisë, Ivica Dacic.

Në një intervistë për ditoren Kurir, ai ka thënë se duhet të “korrektohet linja administrative me Kosovën”.

“Serbia mund ta anulojë vendimin e para 40 vjetëve me të cilin disa komuna u zhvendosën në Kosovë”, ka thënë Dacic, sipas të cilit këtë ide ia kanë përmendur qarqet në Vatikan.

“Bashkësia ndërkombëtare duhet të pranojë se serbët nuk duan të jetojnë në një shtet të pavarur të Kosovës, sikur që Serbia u detyrua të pranojë se shqiptarët nuk duan të jetojnë në Serbi. Prandaj, duhet të bëhet demarkacioni, ndoshta në një konferencë ndërkombëtare”.
Telegrafi

Po shihet kujt po i ndihmon vatikani
Ku jan përkrahsit e vatikanit në Kosovë apo e përkrahin edhe ata këtë mendim të tyre?

[Llapjani_HH]

Vazhdon lejimi i targave të Serbisë në Kosovë

Automjetet me targa të lëshuara nga Serbia do të lejohen të qarkullojnë në territorin e Kosovës edhe për një afat të pacaktuar.

Një gjë të tillë e ka bërë të ditur ministri i Punëve të Brendshme, Bajram Rexhepi.

Sipas tij, edhe kur është marrë vendimi që këto targa të ndalohen më 31 dhjetor, institucionet e Kosovës kanë qenë të vetëdijshme se kjo nuk do të mund të realizohet për shkak të procedurave që nevojiten për regjistrim.

Sipas ministrit Rexhepi, për dallim nga pjesa tjetër e Kosovës ku ka një interesim të madh të serbëve për t`u pajisur me targa të lëshuara nga institucionet e Kosovës, në veri është një situatë pak më ndryshe, mirëpo, siç tha ai, edhe nga ajo pjesë ka filluar të rritet interesimi.
Bota Sot

Thojn: mos e vet se kallxon vet.

Edhe ky Bajrami po kallxon vet që ka rrejt kur ka than se: targat e lëshuara nga Serbia do të ndalohen më 31 Dhjetor.
Qka pritet nga një Ministër që sa her që flet vetëm rrenë.
Qysh nuk po i vjen marre me dal me deklarue diqka e mas disa ditëve me than: jo veq kam rrejt se na nuk mujna me krye atë punë.
Qka pritet prej një qeverie që mundohet me e rrejt popullin e n'fakt po e rren vetëm vetveten?!

[Neferta]

A do te investoj Donalld Tramp ne Kosove
Me datë 21 dhe 22 shtator në Ballkan do të qëndrojnë përfaqësues të “Holding Kompani Siva Partners” me seli në Nju Jork, e cila operon në tregun e financave dhe patundshmërive.
Kjo kompani aktualisht po investon në rajon, në banka/financa, sigurime, energji, miniera etj. Sipas informacioneve jo zyrtare, kjo kompani fillimisht do të investojë në Shqipëri bashkë me Donald Tramp në një objekt madhështor për turizmin, i cili do ketë vlerën e rreth 2 miliardë dollarëve.
Kjo kompani nga data 15 deri 21 do jetë në Shqipëri ku takohen edhe me kryeministrin Sali Berisha, më pas do të shkojë në Kosovë, Maqedoni e Mali të Zi. Në Kosovë “Siva Global” do të investojë mbi 3 miliardë dollarë në fusha të ndryshme, si: banka/financa, sigurime, energji, miniera etj.
Lajmin e ka bërë të ditur, njëri nga partnerët e “Siva Global”, Blerim Grainca, që sipas tij ata vijnë me iniciativë të tij. Gjatë qëndrimit në Kosovë, përfaqësues të kësaj sipërmarrje gjigante do të mbajnë edhe konferencë për gazetarë.NGA L I F

[Neferta]

Shtypi i Serbise per Veselinoviqin

'' vellezerit siamez''
Partneri kryesor të tij të biznesit është një Mentor Beqiri me të cilin ai formoi një grup kriminal atë vit, "rrotullojne " dhjetëra miliona euro. Beqiri, përveç, kontrabandës e naftës dhe të lëndëve narkotike dhe të armëve, merej edhe me mësitëri ekonomike te produkteve të porositura kontrabandë dhe të paisjeve me dokumente të ndryshme. Në një grup i shqiptarëve partnerë te Veselinovićevit dhe vllaut te tije janë edhe vllezerit të Ismet dhe Qazim Osmani që kanë të bëjnë me kontrabandën e produkteve të naftës, droge, skllavëria te bardhë, metale të çmuara etj. Kadri Banjska, pronar i kompanisë së transportit Banjska Trans, gjithashtu permendet edhe Sahit Jashari, qe eshte nga Skenderaj

[MemphiSx]

Tadici erdhe ne Kosove,e po vjen sa her po i cohet!!! Po pse p.e nones ky kusherini i tij spo i thot hajde me helikopter,e mos mi nxit njerzit kunder meje!

He robt te dyvee...qysh jon thi dyt nisoj bre nonen ahhahah :D

[arti69]

Jahjaga uron Krishtlindjet ortodokse

E shtune 7 Janar 2012
Presidentja e Republikës, Atifete Jahjaga, uroi të gjithë besimtarët serbë dhe qytetarët e vendit me rastin e Krishtlindjeve ortodokse.
“Uroj që këtë ditë të dashurisë dhe të mirëkuptimit për njëri tjetrin ta kaloni me gëzim në familjet tuaja, në paqe dhe në harmoni me të gjithë të dashurit tuaj”, thuhet në urimin e presidentes Jahjaga.
“Vendi ynë është shembull i mirë i bashkëjetesës, i mirëkuptimit dhe i tolerancës në mes njerëzve me etni dhe besim të ndryshëm. Le të shërbejë kjo ditë feste për të shtuar edhe më shumë dashurinë dhe respektin ndërmjet gjithë qytetarëve, me besimin e plotë për një të ardhme më të mirë dhe më të begatë për të gjithë”, theskohet në fund të mesazhit të urimit të presidentes Jahjaga.
Mesazhe urimi besimtarëve serbë dhe peshkopit Teodosije me rastin e Krishtlindjeve ortodokse kanë dërguar edhe kryeparlamentari Jakup Krasniqi dhe kryeministri Hashim Thaçi./zeri/

[Neferta]

Mbyllet gazeta qe perfitoj sa ishte MTPK
“Infopress”


Gazeta “Inofpress”, dje botoi numrin e fundit të saj. Ish-deputeti i PDK-së në Kuvendin e Kosovës, Rexhep Hoti që nga dje ia vendosi drynin gazetës së tij.
"Për pesë vjet e gjysmë ishim me ju dhe në shërbim tuajin. Në fund jemi të detyruar, që me pikëllim, të u themi lamtumirë, por shumë krenar me ju lexuesit tanë besnikë. Infopress heshtë. Sot është numri i fundit i gazetës dhe ky nuk është lajm i mirë besojmë për asnjërin prej nesh, si gazetarë, redaktorë por edhe juve si lexues besnikë. Bota mediale në Kosovë po pëson ndoshta edhe një goditje... Ishte nder dhe përgjegjësi t'ju informojmë për më shumë se pesë vjet. Faleminderit dhe Lamtumirë!", thuhet në editorialin e kësaj gazete të botuar dje.
Jo rrallë herë gazeta “Infopress” ka bërë vetë disa sondazhe që sipas saj e mbanin atë si gazetën më të lexuar në Kosovë, por ja që doli e kundërta, pasi “Infopress” u shua.


“Infopress”

Mjafte rrase profiter te erdhi fundi i maskarallekut.

[Llapjani_HH]

Policia arrestoi edhe të hendikepuarin

Një përkrahës i hendikepuar i Lëvizjes “Vetëvendosje”, është arrestuar nga Policia e Kosovës në protestën e 14 janarit, e të cilit i janë kërcënuar se nëse ik do ta rrahin keq.

Njeriu në fotografi nuk është në pranga meqenëse është pa duar, njofton Demotix.

Fotografia është bërë nga fotografi Vedat Xhymshiti, i cili po ashtu është goditur nga Policia e Kosovës, në protestën e Vetëvendosjes më 14 janar.

Lidhur me këtë të dielën ka reaguar Asociacioni i Gazetarëve Profesionistë të Kosovës dhe Unioni i Gazetarëve të Kosovës, duke e dënuar ashpër dhunën dhe kërkuar nga Inspektorati policor që të marrin masa ndaj policit në fjalë.
Telegrafi

Ivanovic i druhet forcimit të Vetëvendosjes

I ashtuquajtur sekretar për Kosovën, Oliver Ivanovic,
ka thënë se Lëvizja "Vetëvendosje" do të përpiqet përsëri të organizojë protestë, sepse në këtë mënyrë fitojnë famë duke treguar se janë konsekuent, se i zgjidhin shpejtë punët dhe se e marrin situatën në dorë.

Ai ka thënë se sipas programit të kësaj lëvizjeje, "të gjithë fajin e ka Serbia, komuniteti ndërkombëtar është i padëshirueshëm, ndërsa se në Kosovë janë rreth 300 mijë të papunë”. Sipas tij, kjo është arsye pse rritet popullariteti i Vetëvendosjes.

Në një intervistë për televizionin Pink, Ivanovic ka thënë se partia e kryeministrit të Kosovës, Hashim Thaçi, ka fraksione prej 3-4 deputetë të cilët nuk mund t’i kontrollojë.

“Dallimi mes tyre po thellohet dhe ata kanë tendenca të mbështesin lëvizje ekstremiste. Ky grup mendon se pushteti duhet të bie, ndërsa pozicioni antiserb i motivon njerëzit”.

Kur është fjala për referendumin e serbëve në veri të Kosovës, Ivanovic ka thënë se për këtë ka pikëpamje negative nga të gjithë.

“ Shumica e shqiptarëve mendojnë se referendumi mund të prodhojë pasoja juridike, por kjo përdoret për të inkurajuar ndjenjën antiserbe, sepse shumë shqiptarë ndjejnë frikë nga pushtim serb dhe nga dëbimi”.
Telegrafi

Qysh po tuten shkiet se mos po i largohet Hashimit edhe naj deputet e nuk munet me i realizue planet e përbashkta me ta.

[Neferta]

Zbardhen derivatet, droga dhe armët e kapos së krimit në veri



Pas arrestimit të Zvonko Veselinoviqit kohë më parë në Serbi, grupe speciale të MUP-it serb në Beograd, Kralevë, Krushevc, Pirot dhe Novi Pazar, janë duke punuar me intensitet në zbardhjen e punëve të dyshimta mes kompanive dhe biznesmenëve të ndryshëm nga këto qytete me njeriun që konsiderohet kapoja e kontrabandës dhe kriminalitetit në veri, si dhe të dyshuarin se është një prej personave që ka gisht në vrasjen e policit Enver Zymberi.

Burime të Kosovapressit bëjnë të ditur se ndër kompanitë që kanë punuar më së shumti kohët e fundit me Zvonko Veselinoviqin janë pompat më të mëdha private të benzinës në Serbi.
Sipas këtyre burimeve, rreth vëllimit të punës dhe fitimit të mundshëm dëshmojnë më së miri të dhënat gjatë hetimeve që po zhvillohen, se nevojat ditore për derivate të naftës në veri të Kosovës janë rreth 100 tonë, ndërkohë që sipas dokumentacioneve, në veri të Kosovës çdo ditë kanë hyrë rreth 300 tonë derivate.
Burimet më tej kanë shtuar se shumë autobote që kanë hyrë në veri të Kosovës nuk kanë bartur fare derivate, por ujë, ndërsa nafta ka shkuar për partnerët e Veselinoviqit në Serbi.
Këto malverzime janë mbuluar me dokumentacion në të cilin është cekur se bëhet fjalë për derivate të siguruara nga tatimet.
“Përveç punës me derivate, Veselinoviq ka bashkëpunuar ngushtë edhe me grupet kriminale nga Jagodina dhe Krushevci në transportimin e narkotikëve dhe armëve, të cilat përmes territorit të Kosovës kanë vazhduar destinacionin e tyre në tregun evropian, para së gjithash në Zvicër”, kanë thënë burimet, duke shtuar se dëshira e grupeve kriminale në veri është mbajtja e sistemit të barrikadave, rrugëve alternative pa kontroll dhe anarkisë në atë pjesë të Kosovës.
Kjo gjendje kaotike, vazhdojnë burimet, përputhet me interesat dhe qëllimet edhe të disa liderëve politik lokalë, të cilët synojnë mbajtjen e referendumit në shkurt./Kosovapress/

[Llapjani_HH]

Kamionët e Veselinovicit punuan në “Rrugën e Kombit”

Vepra me të cilën krenohet kryeministri Hashim Thaçi është ndërtuar edhe nga persona të kërkuar për krim të organizuar. Kamionët e kriminelit të shumëkërkuar Zvonko Veselinovic kanë kontribuuar në ndërtimin e autostradës “Ibrahim Rugova”.

Këtë fakt e ka nxjerrë Prokuroria e Beogradit, e cila ka hapur hetimet mbi marrjen e jashtëligjshme të 32 kamionëve nga Zvonko Veselinovic dhe dy personave të tjerë, kamionë këta të kompanisë ’Hipo alpe Adria lizing’, shkruan Koha Ditore.

Prokurori serb Milko Radisavlevic ka thënë për mediat serbe se ka nisur hapja e hetimeve për marrjen në pronësi në mënyrë kriminale të 32 kamionëve, të cilët janë angazhuar në ndërtimin e autostradës së parë kosovare.

Sipas prokurorit, përveç Veselinovicëve, të dyshuar për këtë janë edhe Milan Radojncic dhe Dragan Curcic.

“Sipas prokurorit Radisavlevic, këta kamionë janë përdoruar në ndërtimin e autostradës Prishtinë – Tiranë”. /Telegrafi/

Londra mbështet 4 pikat e Tadicit, me kusht

Britania e Madhe mbështet planin e ri katërpikësh të
presidentit të Serbisë, Boris Tadic, nëse Serbia paraprakisht, heq barrikadat ne veri të Kosovës, zbaton marrëveshjet e arritura në dialogun teknik dhe i shuan strukturat e veta paralele në Kosovë.

Ambasadori i Britanisë së Madhe në Kosovë, Ian Cliff, ka thënë për “Kohën Ditore” se të katër pikat e propozuara nga presidenti i Serbisë jenë të njëjta me dispozitat e Planit të Ahtisaarit, andaj Londra zyrtare nuk do të kundërshtonte diskutimin e tyre.

Presidenti i Serbisë, Boris Tadic, javën e kaluar tha se marrëdhëniet mes Kosovës dhe Serbisë do të mund të zgjidhen nëse nëpërmjet një dialogu trajtohen katër çështje: një zgjidhje të veçantë për manastiret ortodokse serbe dhe administratën e tyre, garanci të veçantë për serbët në enklava, zgjidhjen e çështjes së pronave të qytetarëve serbë të Kosovës dhe një zgjidhje speciale për veriun e Kosovës.

Londra zyrtare po e mbështet propozimin nëpërmjet ambasadorëve në Kosovë e Serbi.

Fillimisht ka qenë ambasadori britanik në Beograd ai që ka dalë në mbështetje të planit, ndërkaq tek ka folur për “Kohën Ditore” të hënën, idenë e ka mbështetur edhe ambasadori i Mbretërisë së Bashkuar në Kosovë, Ian Cliff.
Telegrafi

Avokati i Popullit: Protestuesit janë rrahur në praninë tonë

Avokati i Popullit, Sami Kurteshi, në deklaratën lidhur me protestën e Lëvizjes Vetëvendosje, në Merdare dhe te Dheu i Bardhë, ka nxjerrë në pah shumë gjëra. Përveç që protestuesit janë rrahur edhe në praninë e përfaqësuesve të Avokatit të Popullit, pjesëtarët e Njësisë speciale nuk i posedonin numrat e tyre identifikues.

Avokati i Popullit përmes një kumtese për media ka vlerësuar se përzgjedhja e mjeteve dhe e metodave si dhe përdorimi i dhunës gjatë protestës ka qenë e panevojshme, e pajustifikueshme dhe joproporcionale.

“Përveç në vendin e protestës, dhuna e pjesëtarëve të Njësisë speciale është përdorur edhe gjatë transportimit të të arrestuarve, madje edhe në stacionin policor në Podujevë, në praninë e përfaqësuesve të Avokatit të Popullit, të cilët në një moment janë kërcënuar dhe penguar në kryerjen e punëve të tyre nga ana e pjesëtarëve të Njësisë speciale”, thuhet në kumtesë.

Mësohet se përgjithësisht, në fillim arrestimet janë bërë në mënyrë përzgjedhëse, me fokus të veçantë tek organizatorët, sidomos deputetët e Kuvendit të Republikës së Kosovës të pranishëm në protestë, ndaj të cilëve është përdorur dhunë, e përcjellë me veprime degraduese dhe poshtëruese. Po ashtu gjatë ndërhyrjes së policisë dhunë është përdorur edhe ndaj një përfaqësuesi të mediave në krye të detyrës.

Për më tepër në Podujevë janë bërë edhe arrestime arbitrare në lokale të ndryshme afariste si dhe në oborret e shtëpive, duke arrestuar edhe persona në vendet e tyre të punës, si dhe kalimtarë të rastit, që nuk ishin pjesë e protestës. Po ashtu, arrestimet janë përcjellë me dhunë të pakontrolluar dhe me fyerje e poshtërime, në baza personale edhe në baza gjinore.

“Shumica e të arrestuarve, në stacionet policore në Podujevë dhe në Gjilan, janë vizituar nga përfaqësuesit e Institucionit të Avokatit të Popullit. Është vërejtur se ishte mjaft vështirë të bëhet identifikimi i zyrtarëve policorë, nga ana e të arrestuarve, por edhe e vëzhguesve.
Po ashtu vërehej se pjesëtarët e njësisë speciale nuk i posedonin numrat e tyre identifikues”, thuhet në kumtesë.

Avokati i Popullit ka shprehur keqardhje për të gjithë të lënduarit me rastin e protestës së 14 janarit dhe kërkon një hetim të detajuar gjyqësor të sjelljeve të pjesëtarëve të policisë, si dhe kërkon identifikimin e të gjithë personave që kanë përdorur dhunë gjatë protestës.

Avokati i Popullit po ashtu kërkoi nga të gjitha palët respektimin e zbatimin e ligjeve në fuqi, kurse nga autoritetet publike garantimin e të drejtës së lëvizjes së lirë, mbrojtjen e jetës dhe shëndetit të njerëzve si dhe mbrojtjen e pronës, pa tejkaluar kompetencat e përcaktuara me ligj dhe kushtetutë.
Telegrafi

Mos i kanë ardhë në ndihmë Hashimit nga Tadiqi qita speciallcat pa numra?

[Neferta]

Komisioni i Qendrës Klinike Universitare të Kosovës (QKUK), ka publikuar rezultatet e konkursit publik për drejtorë të klinikave dhe instituteve të QKUK-së. Në mesin e emrave të drejtorëve të emëruar, është edhe dr. Lutfi Dervishi, i cili është i dyshuar dhe i akuzuar për transplant të paligjshëm të organeve njerëzore në ordinancën private “Medicus”.

[Naki]

Publikuar: 22.01.2012 - 22:35 koha ditore

Dheu i Bardhë, 22 janar – (Plotësuar)- Krerët e Lëvizjes Vetëvendosje të tubuar afër pikëkalimit kufitar te Dheu i Bardhë kanë vendosur ta shpallin të përfunduar për sot protestën e nisur në orën 13. Sipas reporterit të KTV-së në terren, ky vendim sipas të gjitha gjasave erdhi pas një incidenti, përkatësisht një përleshje midis aktivistëve të Vetëvendosjes nga Gjilani dhe atyre nga Ferizaj për të zënë vende në autobusin që duhej t’i kthente ata nga kanë ardhur.
Në anën tjetër, në afërsi të Merdarës, një numër protestuesit qëndrojnë ende aty, me gjithë motin shumë të ftohtë gjatë natës dhe mungesës së mjeteve përkatëse për t’u ngrohur dhe strehuar nga acari.