Të rejat nga bota e modës

[Zero Cool]

Sonte “Mis Zvicra 2013”, votoni për kandidatet shqiptare





Bern, 08.06.2013

Në një spektakël bukurie që do të mbahet sonte në Hallenstadion në Zürich, dhe që do të transmetohet drejtpërdrejt nga Sat1 i Zvicrës, në mesin e 12 finalisteve janë edhe dy shqiptaret me prejardhje nga Kosova, Heidi Lushtaku dhe Dorina Podrimja.

Vendimi është në duart e jurisë dhe të telespektatorëve. Në katër raundet e votimit në spektaklin e sontëm juria dhe telespektatorët kanë të drejtë të vendosin në mënyrë të barabartë për mbretëreshën e bukurisë “Miss Zvicra 2013”, raporton Albinfo.

Heidi Lushtaku nga Cugy (Vaud) dhe Dorina Podrimja nga Hägendorf (SO) synojnë që sonte të trashëgojë kurorën nga bartësja zyrtare e vitit 2012 Alina Buchacher.

Dorina Podrimja, 21 vjeçe, ka lindur në Olten të Zvicrës dhe është me origjinë nga Gjakova, kurse Heidi Lushtaku, 22 vjeçe, është me origjinë nga Vushtrria. Shqiptarët mund të votojnë me SMS në numrin 377, duke shënuar numrin 07 për Dorinën dhe 04 për Heidi Lushtakun.

Votat mund të shkojnë për kandidatet shqiptare edhe nëpërmjet numrit të telefonit: 0901544504.