Arrestohen pes Vehabi në Prizren

[roadrunner]

Ani, Makresh. Qashtu osht

Postimi origjinal është bërë nga Makresh

Asgje s'thot qe ata kan kryer veper kriminale.
Edhe un mund te arrestohem e te denohem qe sonte duke supozuar qe jam DJALLI mbi tok !

[Makresh]

Postimi origjinal është bërë nga roadrunner

Ani, Makresh. Qashtu osht

Ma prishe tekstin qe e postova


ZEQ !
ARB !
GUR !
PR_RRACING!
...etj zolloma !

Mos harroni ta lexoni tekstin ne faqen e me parshme, do t'me bente qefi sikur ta shifnit veten se ne cfar niveli jeni

[roadrunner]

Per k'ta qe i ceke s'di qka te them, po per qet te fundit (pr-racing) te garantoj qe din ma shume se ti edhe ma shume se une ne lidhje me Islamin e paster, e per vehabista nuk i intereson edhe as sdon me ni bile.

Postimi origjinal është bërë nga Makresh

Ma prishe tekstin qe e postova


ZEQ !
ARB !
GUR !
PR_RRACING!
...etj zolloma !

Mos harroni ta lexoni tekstin ne faqen e me parshme, do t'me bente qefi sikur ta shifnit veten se ne cfar niveli jeni

[Lapsi]

19 shkurt 2006
Abdi Baleta

“VRASËSIN ME PAGESË NË PUBLICISTIKË” E RIHEDHIN NË VEPRIM

Kastriot Myftaraj nuk është polemist, por shpifograf

Pra Kastriot m… nuk ka polemizuar me askend e për asgjë siç mundohet ta paraqesë gazeta “Standard” që të fshehë faktin se shpifjet, denigrimet, trillimet, falsifikimet, fyerjet
që janë botuar me emrin e Kastriot m.. qenkan vetëm të këtij dhe jo të atyre që i kanë bërë në të vërtetë. “Standard” përpiqet të zbukurojë Kastriot m.., që të hiqet vëmendja nga ata që kanë përdorur këtë tip si vrasës me pagesë në publicistikë. Vladimir Karaj kur fton lexuesin t’i kushtojë vëmendje portretit të këtij tipi “ që polemizon me të gjithë” duhej të thoshte se me cilin ka polemizuar. Nuk janë polemika shpifjet e sulmet e ndyra që ai ka nënshkruar me radhë kundër disa njerëzve të politikës e të publicistikës. Kastriot m… deri në vitin 2000 ishte në anonimat të plotë. Përveç librarisë françeskane në Shkodër askush nuk ishte marrë me paloromanin e botuar në emër të tij “Një shenjtore për rekonkistën shqiptare”. Ishte harruar edhe një shkriM në “Albania” i botuar në vitin 1997 mbi zhvillimet në Korçë ku ishte atëherë Kastrioti. Ky shkrim madje është quajtur si një lloj denoncimi policesk i personave të caktuar që edhe e kanë kërcënuar dhe nga kjo ai u detyrua të braktiste me ngut Korçën, të vinte në Tiranë, të shkonte për atë specializimin në Romë. Para Çanit në “Zonë e lirë”, Kastrioti u trondit shumë kur ashtu shkarazi dikush përmendi se c’lidhje ka me “grupet e 5 dyqaneve” në Korçë.

Kundër kujt është përdorur Myftaraj si “vrasës me pagesë në
publicistikë”

Në vitin 2000 ustallarët që e kishin marrë në shërbim e çuan si spiun birucash në “Rimëkëmbja” dhe në saje të moskokëçarjes sonë për të mësuar kush ishte dhe për të verifikuar fjalët e tij se ishte nga fshatrat e Elbasanit, se punonte në një fondacion pa emër ai mundi disa muaj të botonte shkrime dhe i doli pak emri edhe në “Bota Sot”, ne ia dhamë këtë mundësi për pak kohë. Po kur ustallarët panë se nuk po i shkonte si donin ata misioni për të futur në “Rimëkëmbja” frymën “o sa mirë me qenë tropojan” e tërhoqën, e hodhën në provokime për të futur pyka midis “Rimëkëmbjes” e “Bota Sot” dhe pasi dështuan edhe këtu e lanë përsëri në qetësi deri në fund të vitit 2001 kur u shfaq palolibri “Nacional-islamizmi shqiptar, Baleta e Feraj”.
Vladimir Karaj duhet të mësojë se si “vrasës me pagesë në publicistikë” Kastriot m… është përdorur për herë të parë kundër Abdi Baletës, Hysamedin Ferajt, “Rimëkëmbjes”.Ishte
koha kur PD zemërohej në kulm me ne për kritikat e forta që i bënim politikës së saj në rrafshin e çështjes kombëtare e nacionalizmit, kur Berisha kishte nevojë të provonte para
opinionit shqiptar dhe disa qendrave politike të huaja se tërë punën gjatë kohës që kishte qenë në pushtet ia kishte ngatërruar nacionalizmi e ekstremizmi i Baletës, Ferajt dhe “Rimëkëmbjes. Këta gjoja e kishin armiqësuar me Greqinë, e kishin shtyrë madje në krahët e vendeve myslimane, e kishin futur edhe në telashe me minoritetin grek, me demokratët e
zonave jugore të Shqipërisë. Ama atë terminologjinë ngacamane “areal vllaho-labo- ortodoks” në “Rimëkëmbja” e kishte sjellë Kastriot m…, i cili më pas iu përkushtua me zell shpifologjisë pëdëiste. Gjatë emisionit të Çanit Kastriot m… e shpalosi pezmatimin e tij që ende Berisha nuk po arrin të përmirësojë pozitën duke zhdukur imazhin e politikanit që lidhi Shqipërinë me islamikët. Ndërsa në bisedën e kafenesë me Vladimir Karajn paska shprehur dëshpërimin që nuk po kuptohet “ideja e madhe e Kastriotit” se toskët e gegët shqiptarë janë për njëri tjetrin si serbët e kroatët, dy kombe të ndryshme. Myftaraj vetëm për një gjë e qorton Berishën, që në vitin1997 nuk e zgjidhi “konfliktin historik 2500-vjeçar brendashqiptar” duke rrëzuar urën e Rogozhinës për të ndarë përfundimisht toskët e gegët, duke i lënë toskët të bënin si të donin me grekët. Por edhe për këtë “mangësi” të Berishës ai akuzon këshillat e Abdi Baletës. Në vitin 2002 Kastrioti nuk gjeti kishë ku të falej në gazetat shqiptare që nuk donin të komprometoheshin nga firma e tij. Në vitin 2003 doli dhe një herë në skenë duke ribotuar në një formë ideore dhe gjuhësore më të përçudnuar palolibrin e tij me titull të ndryshuar “Kalvari i gjysëhanës”. Viti 2003 ishte vit kur islamofobia në Shqipëri shtriu veprimin e saj nga propaganda në veprimtaritë zyrtare shtetrore, kur u organizua edhe ajo konferenca famëkeqe për tolerancën ndërfetare nën drejtimin e Kadaresë, Pirro Mishës dhe nën autoritetin e Presidentit Moisiu. Prandaj duhej ribotuar palolibri i Myftarajt.
Kurse viti 2004 nisi me një “rehabilitim gazetaresk” të Myftarajt dhe me një shpërthim të ri të aksioneve të tij si vrasës me pagesë në publicistikë. Gazeta “Sot” u bë koburja me të cilën nxirrte tym Kastrioti. Në shënjestër u vunë politikanë e pushtetarë si Fatos Nano, Alfred Moisiu, Pandeli Majko. Fyerje, shpifje pa kandar kundër tyre. Majko e Moisiu mund të ishin vënë në shënjestër nga ata që zotëronin gazetën “Sot” për grindje të vjetra midis klanesh ushtarake në Shqipëri. Kurse Nano vihej në shënjestër nga rivalët politikë pëdëistë berishistë në kuadër të përgatitjes së fushatës zgjedhore të vitit 2005. Vulgaritetit të shpifjeve të nënshkruara nga Myftaraj nuk i shpëtoi as Teodor Laço, për të cilin përgatitej terreni i përjashtimit nga rrethi ortakëve të ngushtë partiakë të Berishës. Po me nënshkrimin e Kastriot m… u bë fushata e trysnisë dhe e shantazhit kundër pseudonimsave- sigurimsa që ishin të angazhuar në politikë nga të dy krahët që këta të rrinë sa më urtë e të mos u krijonin andrralla shefave të mëdhenj. Në gjysmën e dytë të vitit 2004 vrasësin me pagesë Kastriot m… e vunë në dispozicion të gazetës “Tema” e të Mero Bazes. Nëpërmjet nënshkrimit të tij u hodhën në faqet e kësaj gazete shumë shkrime që përçonin politikën e Greqisë e të Serbisë, që synonin ta paraqisnin figurën politike të Berishës sipas orekseve politike serbo-greke. Gjatë katër muajve të fundit të vitit 2004 u sulmuan me tërbim Oborri Mbretëror dhe Leka Zogu që kishin marrë nismën e krijimit të Lëvizjes për Zhvillim Kombëtar dhe PD e Berisha trembeshin se mund t’u shkëpuste ndonjë copë të mirë të elektoratit në zgjedhjet e ardhëshme. Shkrimet që dilnin me emrin e Kastriotit ishin tejet të fëlliqura, provokuese shpifëse. Po kështu një fushatë e tillë u bë kundër Abdi Baletës. Për këtë kam botuar një seri artikujsh në “Rimëkëmbja” për të demaskuar fytyrën e vrasësve me pagesë në publicistikë, Kastriot Myftaraj e Mero Baze, si propagandues të politikës së Serbisë e të Drashkoviçit, si imitues të propagandistë ve serbë e të frymës çetnike, si papagallë të tezave politike greke për të fajsuar Shqipërinë e shqiptarët. Kurse në vitin 2005 Kastriot Myftarajn e përdorën më së shumti për të botuar një libër që e kishte premtuar Nikollë Lesi kundër Nanos, por pastaj për frikë e dinakëri ia lanë Kastriotit ta adoptonte këtë shkrim. Më pas Kastrioti u përdor si vrasës me pagesë në publicistikë edhe kundër Ismail Kadaresë, duke nënshkruar në “Sot” artikuj fyes e trillues, ose shkrime analitike mbi veprat e hershme të Kadaresë që dukeshin fare mirë se ishin punime të përgatitura nga studiues të mirëfilltë dhe të stërvitur të veprës letrare të Kadaresë. E gjithë kjo fushatë e egër dhe e çekuilibuar antikadareane u bë në prag dhe menjëherë pasi Kadareja mori një çmim për letërsinë në Londër. Mosreagimi i ithtarëve më zhurmues të Kadaresë ndaj kësaj fushate ishte shenjë se këta ithtarë e dinin se prapa saj qëndronin njerëz me të cilët nuk u leverdiste të prishnin qejf. Kështu u mbeti disa admiruesve të veprës letrare të Kadaresë që nuk përfitojnë ndonjë gjë nga simpatitë e tyre për shkrimtarin të dilnin në mbështetje të tij. Më me sinqeritet e dinjitet reagoi zonja Nadire Buzo që edhe i fidoi kadareanët zhurmues në raste të tjera e fodullë në lëvdata, duke u bërë thirrjen të mos heshtnin. Por përsëri këta qëndruan në heshtjen e tyre utilitare. Përplasjet e mëvonshme midis Kadaresë e Besnik Mustafajt, si midis dy shemrave për përkëdhelitë franceze, ishin prova se vrasësi me pagesë në publicistikë kishte sulmuar Kadarenë për hir të Besnik Mustafajt. Edhe një herë u vërtetua se Kastriot Myftaraj mbetet gjithnjë në shërbim të të njëjtëve shtabe politike e fetare si në fillim, në vitet 2000-2001. Këtë bindje e përforcoi edhe sulmi i tij në gazetën “Metropol” në maj të vitit 2005 kundër antisemitizmit të Abdi Baletës dhe Hysamedin Ferajt. Këtë po e provon edhe aksioni i tij i parë për vitin 2006 kundër antisemitizmit të Ramës e të Erion Velisë, për t’i shërbyer të njëjtës propagande pëdëiste. “Standard” e paraqet mercenarin e greqizmës si roje të shqiptarizmës, krejt ndyshe nga sa ishte në kohën kur bëja polemikën me “Temën”, nga sa ka qenë më parë e nga çfarë do të jetë edhe tani e tutje.

[roadrunner]

Eshte kan mire me qel nje tem te re me keto artikuj qe po bihen, le te diskutohen mu per kete, e jo me u pru aty ku ska lidhje me temen.

[Makresh]

Postimi origjinal është bërë nga roadrunner

Per k'ta qe i ceke s'di qka te them, po per qet te fundit (pr-racing) te garantoj qe din ma shume se ti edhe ma shume se une ne lidhje me Islamin e paster, e per vehabista nuk i intereson edhe as sdon me ni bile.

Nuk e di sa din, e di qe ate qe duhet ditur nuk e din.

[Lapsi]

me sa vjet u denuan te arrestuarit?

[Makresh]

Postimi origjinal është bërë nga Lapsi

me sa vjet u denuan te arrestuarit?

1 muaj paraburgim se i jan gjetur briska t'rrojes, taze t'reja.


Kjo sigurisht vlen vetem per besimtaret, e ç'bejn kriminelët e vërtet ! Ajo eshte çeshtje qe i takon euleshit.


http://www.youtube.com/watch?v=IWYfcSNnZyk

[Prishtina-racing]

Nuk kom kohe me i lexu shkrimet kriminalistike tuat,,e tkisha preferu ty me lexu pak ma shum se besom qe spoja vlejke me u marr me ni njeri si ti.

Postimi origjinal është bërë nga Makresh

Ma prishe tekstin qe e postova


ZEQ !
ARB !
GUR !
PR_RRACING!
...etj zolloma !

Mos harroni ta lexoni tekstin ne faqen e me parshme, do t'me bente qefi sikur ta shifnit veten se ne cfar niveli jeni

[Prishtina-racing]

Islamizmi i pastert qysh i ka hije ni muslimani edhe VEHABIZMI jon dy sene te ndryshme si Basketbolli me fudboll edhe pse dyjat luhen me top.

[Gentiani]

Kush tha be qe prej Somalie kishin qene ne ushtrime te perbashketa taktike mi ushtrue piratat e Prizerenit, ne fshatin Pirane qysh mi sulmuar Maunat, Shliperat, Fliperat, Limuzinat e shacave qe kapercejne ne avtubanin qe po ndreqet!

[GURI SYLAJ]

Postimi origjinal është bërë nga Makresh

Hë Guri ? Cfar dallime kan besimtarët tradicional nga gjenerata e re qe studion ne universitetet me te famshme islamike ?

A recitojn ndryshe nga te parët ? Kryejn tjer rituale pos atyre qe i beshin tradicionalët ? Lëvizin ndryshe ? Ku jan dallimët, na trego pakes !

PS: Ceshtje personale, por a i kryen ti 5 vakte namaz qe i kritikon te tjerët per besim te sincert ?

Nuk ka dallime te mdhaja veq qato qi jan e sjellin stupcin ne Xhami !!
E sa per stuidime ,do qe i njoh une, tybe nuk ta kan as shkollen e mesme...!
Ose nese eshte ashtu sikur ju thoni atehere eshte faji te B.Islame qe nuk qele rruge per keta Intelektual te Universiteteve me te njohura te Islamit!!

P.s
Mjaftojn keto debete per te pa nivelin qe kemi edhe ne besim e edhe ne njohjen e problemeve per te cilat debatojme.
Me vjen keq qe nga ky mish -mash qe po krijojm neper tema te ndryshme ,shume rralle i kemi ne mesin tone ose nuk i kemi fare ata qe veretet i njohin problemet. Si H.Mehmetin ,Valiiii ,maxi etj!!

[Arb]

Makreshooo,

Paske bo mire qe na e paske pru kete shkrim te Kastriotit. I lumte tastiera!

Kastrioti i paska mbete borgj kombit Shqiptar edhe me anet tjera. I duhet te shtoj se pervec Islamizimit dhe gjithe sekteve magjupe te tij, Kombit Shqiptar i vjen rreziku edhe nga Katolicizmi, Protestanizmi, Ortodoksizmi e cfaredo izmi tjeter berllogo-fetar...

Ata qe shohin afersi me te madhe, e adhurojne Papen, Pejgamere arabe, e me dreqi e marrte vesh cfare qendrash, ata nuk ua dojne te miren Kombit Shqiptar.

[roadrunner]

-----------------------------

[Prishtina-racing]

Wehhabizmi u themelua nga Muhammed ibn 'Abdul-Wehhabi, që u lind në Hureimile të Nexhdit më 1115 H./1703 dhe vdiq më 1206 H./1791. Ai kishte udhëtuar për tregti në Basra, Bagdad, Iran, Indi dhe Damask, ku gjeti librat e ligë të Ahmed Ibn Tejmijjes (661-728H/1263-1328), përmbajtja e të cilëve nuk përputhej me Ehl-i Sunnetin. Duke qenë mendjehollë e fjalëshumë, ai u bë i njohur si Shejh en-Nexhdi. Për t'ia rritur famën vetes, ai ndoqi mësime nga dijetarë hanbeli të Medines e më pas të Damaskut dhe, pas kthimit në Nexhd, shkroi shumë libra. Libri i tij Kitab et-Teuhid [1] u plotësua me shënime nga nipi i vet, 'Abdur-Rahmani dhe depërtoi në Egjipt, ku u botua me titull Fet'h ul-Mexhid nga një wehhabi me emrin Muhammed Hamid [2] Idetë e Muhammed ibn 'Abdul-Wehhabit mashtruan banorët fshatarë të Dar'ijjes dhe prijësin e tyre, Muhammed ibn Sa'udin. Numri i atyre që pranuan idetë e tija, të cilat ai i quajti wehhabizëm, u rrit dhe ai u vetëcaktua kadi ndërsa Muhammed ibn Sa'udi, emir (sundimtar). Ai e deklaroi si ligj se vetëm pasardhësit e tyre mund t'i zëvendësonin ata.

Babai i Muhammedit, 'Abdul-Wehhabi, që ishte një musliman i mirë sunni si dhe dijetarët e Medines e kuptuan nga fjalët e Muhammedit se ai do niste një lëvizje heretike dhe i këshilluan të gjithë që të mos flisnin me të. Por ai e shpalli haptas wehhabizmin më 1150 H. (1737). Për t'i mashtruar dhe çorientuar të paditurit, ai përçmoi ixhtihadin e 'ulemave të Islamit. Ai madje shkoi aq larg sa t'i quante pjesëtarët e Ehl-i Sunnetit qafirë (jobesimtarë). Ai pohonte se ata që vizitojnë faltoren e një profeti ose ndonjërit nga eulija'të dhe i drejtohej atij më Ja Nebiullah (o Pejgamber i Allahut) ose p.sh. Ja 'Abdul-Kadir, bëhen politeistë (mushrikunë).

Sipas wehhabive, ai që thotë se ndokush përveç Allahut bën diçka është jobesimtar, kafir. Për shembull, ai që pohon se "ky ilaç ma zbuti dhimbjen", ose "Allahu ma pranoi namazin pranë varrit të filan waliu", bëhet jobesimtar. Për të vërtetuar këtë pretendim, ata shtrojnë si argument ajetin Ijjake nesta'in (vetëm nga Ti kërkojmë ndihmë) të Sures Fatiha dhe ajetet që flasin për tewekkul. [3]

Në fund të pjesës së dytë të librit el-Usul el-Arba'a fi Tardid ul-Wehhabijje, i nderuari Hakim es-Sirhindi el-Muxheddidi shkruan:

Wehhabitë dhe jomedhhebistët s'e kuptojnë dot domethënien e "mexhaz-it" (alegorisë, simbolit) dhe "isti'ara-së" (metaforës). Saherë që dikush thotë se ai bëri diçka, ata e quajnë politeist (mushrik) ose jobesimtar (kafir) edhe pse shprehja e tij është një mexhaz. [4]

Ndërkohë, Allahu Te'ala thotë në shumë ajete të Kur'anit Famëlartë se Ai është bërësi i vërtetë i çdo veprimi dhe se njeriu është veprues mexhazi (simbolik). Në ajetin 57 të Sures el-En'amë dhe në Suren Jusuf, Ai thotë: {Gjykimi (hukm) është vetëm i Allahut}, d.m.th. Allahu i Lartësuar është Gjykuesi i vetëm (Hakim).

Në ajetin 65 të Sures Nisa', Allahu thotë: {Për Zotin tënd (o Muhammed), ata nuk do të jenë besimtarë të vërtetë gjersa të mos zgjedhin ty gjykues (juhakkimuneke) të asaj për të cilën debatojnë}. Ajeti i parë pohon se Allahu Te'ala është i vetmi Hakim i Vërtetë, kurse i dyti pohon se njeriu mund të quhet hakim metaforikisht.

Çdo musliman e di se Allahu Te'ala është i Vetmi që jep jetë dhe e merr atë, sepse, në ajetin 56 të Sures Junus, Ai thotë {Ai jep jetë dhe jep vdekje}, e në ajetin 42 të Sures Zumer Ai thotë: {Allahu i merr shpirtrat kur është çasti i vdekjes së tyre}. Në ajetin 11 të Sures Sexhde, Ai thotë në mënyrë mexhazi: {Engjëlli i vdekjes, i cili është caktuar për ju, jua merr shpirtrat dhe pastaj do të ktheheni te Zoti juaj}.