Lajme Aktuale....

[Llapjani_HH]

Asfalti në Kosovë i cilësisë së dyshimtë

Në dy vitet e fundit në Kosovë janë shtruar më shumë kilometra asfalt se në çdo vit tjetër pas lufte, megjithatë cilësia e asfaltit shpeshherë ka qenë pjesë e diskutimeve publike. Mungesa e cilësisë së rrugëve, sipas një eksperti, është e ndërlidhur nga faza e parë e ndërtimit të një rruge.

“Projektimi i rrugës bëhet gabim. Kjo nis në momentin kur kompania fillon punimet, sheh që duhet të largohet një shtresë më e madhe e dheut dhe se duhet vendoset më shumë zhavorr.

Rëndësia kryesore është shtresa e fundit, nëse zalli është me dhe, ai normalisht që do të lëvizë. Dhe, nëse baza e rrugës nuk shtrohet si duhet, asfalti normalisht që dëmtohet”, ka thënë ky ekspert në kushte anonimiteti.

Zyrtarët e Ministrisë së Transportit kanë thënë se shtresa finale e cila shtrohet në rrugëve nacionale do të jetë më cilësore dhe më e qëndrueshme. Megjithatë, deri më tani vetëm në rrugën nacionale M2, segmenti prej udhëkryqit për Gjilan deri tek udhëkryqi për Lipjan (QMI) ka filluar shtrimi i shtresës finale të asfaltit.

Xhevdet Pozhari, zëdhënës në Ministrinë e Transportit dhe Postë-Telekomunikacionit, ka thënë se çdo rrugë e ndërtuar, në bazë të kontratës, ka garanci prej 2 viteve.

“Në rast se brenda kësaj kohe ka ndonjë prishje apo dëmtim të rrugës, kompania është e obliguar t’i sanojë dëmtimet”, ka thënë Pozhari.
Ai ka shtuar se për riparimet e rrugëve që ndodhin brenda garancisë, Ministria nuk ndan mjete shtesë, por është kompania përkatëse që mbulon koston e riparimeve.

Por, riparimi i dëmtimeve nuk është masa e vetme, pasi sipas Pozharit në bazë të Ligjit të prokurimeve publike ndërmerren edhe masa të tjera ligjore, mirëpo nuk saktësoi për çfarë masash bahet fjalë. Ai gjithashtu nuk deklaroi nëse për shkak të punës së dobët ndonjë kompani iu është ndaluar të konkurrojnë në tenderët e kësaj ministrie.

Avni Arifi, anëtar i Kryesisë së Aleancës për Ardhmërinë e Kosovës, ka thënë se në vazhdimësi ka pasur dyshime për keqpërdorime në shpenzimin e 450 milionë eurove, sa janë shpenzuar për ndërtimin e rrugëve.

“Shqetësimet tona kanë qenë që këto rrugë nuk po bëhen për rrugë, por po bëhen për tenderë të rrugës dhe për krijim të një percepsioni të rrejshëm se po e rregullojmë infrastrukturën e vendit”, është shprehur Arifi.

Sipas tij, me tërë ato mjete që janë shpenzuar ka pasur mundësi që të sigurohet ekspertiza nga vendet e gjithë botës. Ai thotë se në të ardhmen do të kemi disa pasoja nga shtrimi i rrugëve që është bërë.

“Pasoja e parë është krijimi i kulturës së vjedhjes në faza të ndryshme të asfaltimit të rrugës, sepse nuk vidhet vetëm në asfalt, por po vidhet në çdo shtresë të rrugës, e kjo do të ketë pasoja afatgjate.

Dhe e dyta është kostoja financiare që ndërlidhet me asfaltimin e keq të këtyre rrugëve”, ka thënë Arifi.

Njëri nga pronarët e një kompanie që është shumë aktive në shtrimin e rrugëve, i cili ka preferuar të jetë anonim, ka thënë se dëmtimet në rrugët e shtruara vijnë pasi kriteri për dhënien e kontratës është përdorur “çmimi më i ulët”.

“Një shtëpi 100 metra katrorë mund të rregullohet me 50 mijë apo me 100 mijë euro. Varet krejt çka parasheh në projekt. Cilësia e rrugës varet direkt nga parashikimi i projektit, me çfarë materiali paraqitet etj.

Zakonisht tek ne kërkohen kosto sa më e lirë, apo si kriter për marrjen e kontratës është çmimi më i lirë. Krejt gropat që i shihni janë probleme që rrjedhin nga lloji i kontratës”, ka thënë ky ekspert i rrugëve.

Për shtrimin e një rruge, sipas tij, duhet të kërkoni standarde, ndërsa kriteri për dhënien e kontratës duhet të jetë “çmimi ekonomikisht më i favorshëm”.

Ai ka thënë se në vitin e fundit ministria i ka shtuar kontrollet në materialet që përdoren për shtrimin e rrugëve, por edhe në cilësin e rrugëve.

“Ka ekspertë dhe ka kompani që dinë të shtrojnë rrugë të standardeve të larta, ashtu siç janë shtruar disa rrugë nëpër kohë. Tash së fundi janë shtuar kontrollet edhe për materiet që përdoren për shtrimin e rrugëve”, është shprehur ai.

Në rastin e shtrimit të një rruge, caktimi i fituesit në bazë të kriterit, çmimi më i ulët është gabim, sepse, sipas tij, duhet të kërkohen edhe standarde.

“Në rastin e kriterit, çmimi më i lirë mund të fitojë një kompani për realizimin e projektit dhe të humbë një kompani që është me renome botërore”, ka thënë ai.

Punimet për rinovimin e rrugës nacionale që lidh Prishtinën me Lipjanin edhe janë duke vazhduar. Këto punime janë duke u bërë nga kompanitë, të cilat e kishin shtruar këtë pjesë, në bazë të garancisë 2-vjeçare që ka pasur kjo rrugë.

Përveç kësaj rruge, dëmtime ka pësuar edhe rruga Prishtinë-Fushë-Kosovë, rrugë e kontraktuar në kohën e ministrit Qemajl Ahmeti, ndërsa punimet ishin kryer në kohën e ministrit Limaj.
Koha.net

[Llapjani_HH]

Patrollimet në Veri të Mitrovicës pa policë shqiptarë

Policët shqiptarë të policisë së Kosovës që momentalisht janë duke punuar në Stacionin e policës në veri të Mitrovicës, janë larguar nga patrollimet e përbashkëta policore që nga e enjta, njoftojnë burime të Kohës Ditore nga policia, me kusht të anonimitetit.

Sipas burimit, rreth 20 policët shqiptarë,i me urdhër të komandantit të stacionit të policisë në veri të Mitrovicës, janë dislokuar që nga e enjta në ruajtjen e zyrës për rexhistrimin civil si dhe në urën lindore mbi Ibër.


Deri më tani në veri të Mitrovicës, në lagjet e përziera dhe në fshatrat shqiptare kanë partolluar, patrolla të perziera policore. Ndërsa që nga e enjta në lagjet dhe fshtatrat shqiptare në veri të Mitrovicës, si në lagjen e Boshnjakëve, Kroin e Vitakut, Kodren e Minatorëve dhe në fshatrat etnikisht të pastërta shqiptare patrollojnë vetëm policët serb të Kosovës, ka nojftuar burimi.

Sipas burimit, policët shqiptare janë lënë të kujdesën vetëm për Zyren e rexhistrimit civil në Lagjen e Boshnjakëve dhe atë pa makina, si dhe në urën mbi lumin Ibër.

Sipas këtij burimi, kjo ndarje e policisë është bërë në bazë të planit operativ të policisë së Serbisë e që respektohet nga stacioni i veriut.

Për këtë ndarje, sipas burimit, është e njoftuar edhe komanda rajonale e policisë së Kosovës në Mitrovicë, për çka përgjegjësit e operativës të komandës rajonale kanë kërkuar raport nga policët shqiptarë.

Gjithnjë, sipas burimit, anashkalimi i policëve shqiptarë në veri është bërë me qëllim që t’iu ipet hapësirë policëve të MUP-it serb që të patrullojnë lirshëm dhe të organizohen në dëm të institucioneve të shtetit të Kosovës.

Në anën tjetër, zyrtarë të policisë së Kosovës kanë mohuar një ndarje të tillë duke theksuar se për momentin jemi të përqëndruar në Lagjen e Boshnjakëve.

"Jemi të përqëndruar në Lagjen e Boshnjakëve”.

Nuk ka policë shumë shqiptarë në veri dhe për këtë ka ardhur kjo", ka thënë zëdhënësi i policisë së Kosovës, Besim Hoti.

Ai ka mohuar që policia e Kosovës të jetë në dijeni për këtë ndarje. Policia e Kosovës në tërë rajonin e Mitrovicës vepron si një, ka nënvizuar Hoti.
Koha.net

Luzha rrugës së tre deputetëve serbë, Myzejenja hyn në betejë

Berat Luzha ka shkuar rrugës së kolegëve të tij serbë Dragisha Miriq, Mihailo Shçepanoviq e Vladimir Todoroviq.

Ky deputet i Partisë Demokratike të Kosovës (PDK) i ka rënë pishman pse kishte vënë firmën në një kërkesë adresuar Gjykatës Kushtetuese për të nxjerrë verdiktin, nëse është duke e shkelur presidenti Fatmir Sejdiu Kushtetutën përmes mbajtjes së postit të ngrirë të kryetarit të Lidhjes Demokratike të Kosovës (LDK).

Të premten, ai ka arkivuar në Kushtetuese deklaratën për tërheqje të nënshkrimit. Këtë Luzha ia ka konfirmuar gazetës Koha Ditore, pa dhënë arsyet e tërheqjes.

Së paku, për shkak të ndonjë presioni ka thënë të mos e ketë bërë.

“Po, i kam rënë pishman. Kam të drejtë t’i bie pishman”, ka thënë shkurt deputeti Luzha. “Kam dashtë”, është përgjigjur ai, kur është lutur të tregojë arsyen e tërheqjes së nënshkrimit.

Me tërheqjen e tij dhe të tre deputetëve serbë, të cilën gjë e kanë bërë të mërkurën, numri i të firmosurve në kërkesë kishte mbetur 28, nga 30, sa është e nevojshme që çështja të trajtohet nga Gjykata. Mirëpo, vetëm disa çaste pas deponimit që kishte bërë Luzha, në Kushtetuese është kompensuar humbja e këtij nënshkrimi.

Myzejene Selmani, deputete e Aleancës Kosova e Re (AKR), u është bashkuar deputetëve në kërkesën, me të cilën synohet t’i jepet përgjigje dilemës nëse presidenti po shkel Kushtetutën.

Naim Rrustemi, deputeti që ka iniciuar çështjen e kërkesës, ka thënë ta ketë çuar në Kushtetuese nënshkrimin e radhës dhe ka bërë të ditur se ka shumë deputetë të tjerë që mbështesin iniciativën e tij.

Ai ka shprehur bindjen se kolegët e tij po tërheqin nënshkrimet, për shkak të presioneve që po bën në ta presidenti dhe zyrtarët e lartë të partisë, të cilën presidenti drejton.

“Është e vërtetë se një deputete e AKR-së e ka nënshkruar dhe sot e kam dërguar në Gjykatë, si mbështetje kërkesës.

Posa të marrim vesh se është tërhequr dikush, ne do ta çojmë një tjetër”, ka thënë Rrustemi.

“Nuk e di nëse është i vetëdijshëm presidenti se në çfarë loje ka hyrë dhe çfarë presedani po bën me presionin për tërheqje nënshkrimesh. Kam edhe informacion se bisedat (për tërheqje të nënshkrimeve v.j.) i ka udhëhequr Ismet Beqiri”.

Gazeta ka provuar ta kontaktojë Beqirin, që është shef i Grupit parlamentar të LDK-së, për të marrë qëndrimin e tij rreth kësaj çështjeje, mirëpo ai nuk u është përgjigjur telefonatave.

Një gjyqtar i Gjykatës Kushtetuese i ka thënë gazetës në kushte anonimiteti se numri i nënshkrimeve do të jetë pa relevancë deri në momentin e aktgjykimit. Po kështu, ai ka theksuar se në momentin kur do të vendoset në kontekst të kërkesës, janë të nevojshme 30 nënshkrime.

“Deputetët mund të tërheqin nënshkrime, të tjerët mund t’i shtohen numrit të nënshkruesve të kërkesës. Për ne me rëndësi është momenti kur duhet të nxirret vendimi”, ka thënë ky gjyqtar. “Ne besojmë se përgjigje kërkesës do t’i japim në shtator ose tetor, dhe atëherë duhet t’i kemi minimum 30 nënshkrime të deputetëve”.

Të premten e shkuar “çështja Sejdiu” ka dalë në Kushtetuese. Ajo është iniciuar nga deputeti i pavarur, Naim Rrustemi, dhe është mbështetur fillimisht nga 32 deputetë të pothuajse të të gjitha partive parlamentare.

Në të thuhet se interpretimi kushtetues kërkohet nga fakti se presidenti i Republikës së Kosovës ka kryer shkelje serioze të Kushtetutës, sipas nenit 88 pika 2 e Kushtetutës së Kosovës.

“Presidenti nuk mund të ushtrojë asnjë funksion tjetër publik; dhe pas zgjedhjes, presidenti nuk mund të ushtrojë asnjë funksion në parti politike”, thuhet në këtë nen të Kushtetutës.

Ashtu siç parasheh Rregullorja e punës së Gjykatës Kushtetuese, presidenti është njoftuar me kërkesën. Ai ka kohë edhe rreth 10 ditë për t’u përgjigjur supozimeve të ngritura nga ligjvënësit.

Po ndodhi aktgjykimi, sipas një eksperti të çështjeve kushtetuese, përfundimi i tij do të dihej – mbajtja e njëkohshme e postit të presidentit dhe një posti partiak përbën shkelje kushtetuese.

Në kushte anonimiteti ai ka deklaruar për gazetën se nuk ka jurist në vend e as në botë që mund të japë interpretim ndryshe.

Është neni 88, pika 2 e Kushtetutës, që sipas këtij juristi, e bën të qartë edhe për çdo laik, se presidenti nuk mund të ushtrojë asnjë funksion publik e partiak pas zgjedhjes në krye të shtetit.
Koha.net

[Llapjani_HH]

Mripa: Incidenti është shkaktuar nga MUP-i i Serbisë

Dy ditë pas incidentit në veri të Mitrovicës, situata në 'Lagjen e boshnjakëve' vazhdon të jetë e qetë, por e tensionuar. Nuk ka lëvizje të njerëzve dhe qarkullim të automjeteve si rëndomë, ndërkohë që edhe dyqanet vazhdojnë të jenë të mbyllura.

Banorët shqiptarë vazhdojnë të mbajnë rojat e veta gjatë natës, ndërkohë që shprehen se e kanë të njohur autorin e incidentit të para dy ditëve, pas të cilit humbi jetën një person dhe 11 të tjerë u lënduan.

Adem Mripa, përfaqësues i 'Lagjes së boshnjakëve', tha se banorët shqiptarë këtu janë në vazhdimësi duke bërë roje natën pasi që ndihen të pasigurt. Sipas tij, gjatë natës qarkullojnë grupe të ndryshme ekstremiste serbe, të cilat provokojnë në mënyra të ndryshme.

"Policia e pjesës veriore për ne nuk është garanci i sigurisë, pasi që nuk kemi garanci prej tyre. Haptazi e them se ata janë duke u paguar nga MUP-i i Serbisë", ka thënë Mripa, transmeton Kosovapress.

Në incidentin e së premtes ka humbur jetën një pjesëtar i komunitetit boshnjak, ndërsa janë lënduar dhjetë serbë. Mripa dyshon se protesta është organizuar nga grupi “Obraz”.

"Nuk mund të them se është e saktë, por ka mundësi, pasi që një natë më parë grupi "Obraz" ka qarkulluar nëpër lagje këtu. Të nesërmen në mëngjes ka qarkulluar një automjet i "Obraz"-it, me mbishkrimin "Obraz" në dritare të veturës dhe i cili i detyronte serbët t'i mbyllnin shitoret dhe të dilnin në protesta. Ka mundësi se ky është një inskenim i MUP-it dhe i grupeve ekstreme, në këtë rast i grupit "Obraz"”, ka thënë Mripa.

Për më tepër, Mripa konsideron se i gjithë incidenti është një inskenim i Ministrisë së Punëve të Brendshme të Serbisë.

"Unë jam më se i sigurt se ajo që ka ndodh është një organizim i MUP-it të Serbisë, pasi që legalisht këtu, në mënyrë legale qarkullon këtu dhe vepron në mënyrë legale në këtë pjesë të territorit të Kosovës", shprehet Mripa.

Pas këtij incidenti, në ‘Lagjen e Boshnjakëve’ kanë patrullime më të shpeshta të policisë, por banorët shqiptarë nuk ndihen të sigurt, andaj janë detyruar që të organizojnë roja gjatë natës.

Fevzi Beqiri, banor i lagjes, tregon se ata janë të detyruar të organizohen në forma të ndryshme, pasi që përkundër prezencës të forcave të shtuara të sigurisë, ata kërkojnë njësinë speciale të policisë së Kosovës, sepse ndryshe nuk ndjehen të sigurt.

"Kjo është shumë normale se nuk ju besojmë dhe nuk ju kemi besuar që 11 vite, e nuk ju besojmë edhe sot, përderisa nuk shtrihet pushteti shqiptar këtu, njësitë speciale dhe policia jonë. Ne nuk ju besojmë kurrfarë forcave tjera, do të thotë në njëfarë forme jemi të detyruar t'i mbrojmë familjet dhe pronat tona prej kriminelëve çetnikë të Beogradit", ka thënë Beqiri.
Gazeta expres

Policia e Kosovës e ndarë në Veri

Askush nga pjesëtarët serbë të Policisë së Kosovës nuk dëshiron të bëjë sigurimin e Zyrës për Regjistrim Civil në Lagjen e Boshnjakëve në veri të Mitrovicës, njoftojnë burime të Kosovapressit brenda policisë, ndërkaq ndarjen e policisë e pohojnë edhe banorët shqiptarë nga lagjet veriore.

Ngjarjet e tri ditëve më parë që ndodhën në pjesën veriore të Mitrovicës, kanë reflektuar edhe në funksionimin e Policisë së Kosovës në atë pjesë.

Një zyrtar i ka thënë Kosovapressit në kusht të anonimitetit se një gjë e tillë ka ndodhur me urdhër të komandantit të stacionit të policisë në veri, Milija Millosheviq.

“Rreth 16 policë shqiptarë që momentalisht janë duke punuar në stacionin e policës në veri të Mitrovicës, janë larguar nga patrullimet e përbashkëta policore që nga dita e enjte, dhe janë vendosur te kjo zyrë dhe tek ura lindore e Ibrit.

Kjo ndarje e policisë është bërë në bazë të planit operativ të policisë së Serbisë, e që respektohet nga stacioni i veriut”, thotë ky zyrtar.

Sipas tij, lagjet veriore që administrohen nga komuna e Leposaviqit e ku jetojnë edhe shqiptarët si Tre Rrokaqiejt, Lagjja e Boshnjakëve, Kroi i Vitakut, Lagjia e Doktorëve, Kodra e Minatorëve, si dhe fshatrat Cerajë, Bistricë dhe Koshtovë e Vllahisë, janë duke u patrulluar vetëm nga policë serbë.

Në anën tjetër komandanti i Policisë së Kosovës të stacionit veri, Milija Millosheviq ka mohuar një ndarje të tillë.

“Policia e Kosovës në Mitrovicë vepron si një”, ka thënë ai shkurt.

Mirëpo, ndarjen e ka konfirmuar edhe përfaqësuesi i këtyre fshatrave dhe drejtuesi i zyrës lokale të Komunitetit për këto tri fshatra në veri, Haki Imeri.

“Bëhen 4-5 ditë që nuk kemi parë policë shqiptarë në këto anë”, ka pohuar Imeri.

Ngjashëm është shprehur edhe Driton Gërguri, përfaqësues i banorëve shqiptarë të Kodrës së Minatorëve, i cili thotë se ka disa ditë që nuk ka parë policë shqiptarë.

Ndërkohë zëdhënësi rajonal i policisë në Mitrovicë, toger Besim Hoti ka thënë se nuk bëhet fjalë për ndarje të policisë dhe se struktura organizative dhe ajo operative është duke funksionuar si më parë. /kosovapress/
Gazeta expres

Kosova heq dorë nga hidrocenterali në Fushën e Llukovës

Pas shënimit të kufirit, sipas të cilit Fusha e Llukovës tërësisht i takon Maqedonisë, Kosova heq dorë nga ndërtimi i përbashkët i hidrocentralit në këtë lokacion, i cili ndodhet në zonat malore mes dy shteteve.

Ministri i ekonomisë Fatmir Besimi dhe ministrja e energjetikës në Qeverinë kosovare Justina Pula Shiroka theksuan se hidrocentralin do ta ndërtojë kompania energjetike shtetërore ELEM me kredi nga Banka Botërore. Vlera e ndërtimit të këtij hidrocentrali pritet të arrijë në 40 milion euro.

“Ky projekt ka qenë projekt për të cilin e kemi biseduar si projekt të përbashkët, mirëpo për shkak të situatës politike, e cila ka ndodhë, atë do ta ndërtojë ELEM-i me financim nga Banka Botërore”, thotë Justina Pula Shiroka, Ministre e Energjetikës dhe minierave në Qeverinë kosovare.

Duke folur për projektet e përbashkëta, Besimi tha se Maqedonia dhe Kosova do të intensifikojnë edhe investimet kapitale në ndërtimin e linjave të tensionit të lartë 400 kilo-voltëshe.

“Kemi aplikuar me dy projekte, një linjë të re ndërmjet Maqedonisë dhe Kosovës prej 400 kilo-voltësh dhe studim fizibiliteti ndërmjet Maqedonisë dhe Shqipërisë për linjë transmetimi 400 kilovoltëshe.

Me këtë ne e rumbullaksojmë lidhjen e interkonjeksioneve, përkatësisht linjat e transmetimit të Maqedonisë me gjitha vendet fqinje”, tha Fatmir Besimi, ministër i Ekonomisë.

Dy shtetet firmosën marrëveshjen e 8-të të bashkëpunimit në sektorin energjetik, e cila do t’u mundësojë shkëmbimin e përvojave në hartimin e projekteve për ndërtimin e hidrocentraleve dhe termocentraleve.
ALSAT M

[Llapjani_HH]

Status i veçantë për veriun e Kosovës?

Bashkimi Evropian është i gatshëm për bisedime rreth statusit të veçantë për veriun e Kosovës në përpjekjet për të gjetur një kompromis përfundimtar ndërmjet Beogradit e Prishtinës, shkruan “EU Observer”, të cilin e transmetojnë mediet e Beogradit.

Bisedimet rreth kësaj çështje do të mund të fillonin posa të marr vendimin Gjykata Ndërkombëtare e Drejtësisë mbi legalitetin e shpalljes së pavarësisë së Kosovës.

Zgjidhja e problemit në veriun e Kosovës, për cilin angazhohen diplomatët evropianë, do t’u bënte të mundur serbëve të atjeshëm një lloj statusi special, të ngjashëm me atë të aplikuar në Tirolin Jugor, dhe në Irlandën Veriore, por pa hapur negociatat rreth statusit ose ndarjes së Kosovës.

“Autoritetet në Beograd do të duhej të demonstronin qëndrim konstruktiv ndaj Kosovës, por pa detyrimin të njohin pavarësinë”, shkruan “EU Observer”, duke theksuar se veriu i Kosovës, përkatësisht rreth 10 % e territorit në veri të Ibrit, nuk do të ndahej plotësisht ashtu siç është ndarë Republika Srpska në BeH.

Megjithatë, serbët në veri të Kosovës do të gëzonin autonomi të plotë, më të madhe nga ajo e paraparë me planin që e ka hartuar ish-presidenti finlandez Marti Ahtisari, kurse garantues të asaj autonomie do të ishin Prishtina dhe Beogradi.

Në matematikën e komplikuar, që e kanë prezantuar diplomatët perëndimorë, Serbia nuk do të ishte e detyruar të njoh pavarësinë e Kosovës, por do të duhej të mbante qëndrim konstruktiv ndaj pjesëmarrjes së Prishtinës në organizatat rajonale, tregti...si kundërshpërblim Serbisë do t’i ofrohej rrugë e lehtësuar për anëtarësim në BE.

“EU Observer” thekson se Gjermania, Franca dhe Britania e Madhe tashmë ia kanë tërhequr vërejtjen Serbisë se përpjekjet që të rifillojnë negociatat mbi statusin e Kosovës nuk do të hasin në përkrahje, duke propozuar që Beogradi dhe anëtarët e BE-së të hartojnë një projektrezolutë të përbashkët pasi të publikohet mendimi i Gjykatës Ndërkombëtare të Drejtësisë mbi legalitetin e pavarësisë së Kosovës.

“Pala serbe e ka hedhur poshtë këtë propozim dhe ka vendosur të hartojë vet projektrezolutën, të cilën në shtator do ta prezantojë para Asamblesë së Përgjithshme të KB”, shkruan “EU Observer”, duke theksuar se anëtarët e BE-së ia kanë tërhequr vërejtjen Beogradit se “fushata në Asamblenë e Përgjithshme të KB kundër BE-së për Kosovën do të kenë pasoja të pashmangshme për fatin e aplikimit të Serbisë për anëtarësim në BE”.

Mirëpo, nëse Serbia nuk do të lobojë me agresivitet dhe të shmangë fushata të zjarrta, dhe nëse toni i rezolutës do të jetë i pranueshëm për anëtaret e BE-së, Londra, Parisi dhe Berlini janë të gatshme që në tetor të nisin procedurën e kandidimit të Serbisë për anëtarësim në BE, përfundon shkrimi.
Koha.net

Siq po shihet, Evropa dëshiron ti ndihmoj sa më shum serbis dhe e gjithë kjo ndihmë shkon në dëm të Kosovës

[Llapjani_HH]

Rexhepi: Në veri do të instalohet ligji pavarësisht protestave

Ministri i Punëve të Brendshme i Kosovës, Bajram Rexhepi, është zotuar se në Mitrovicë do të instalohen rendi dhe ligji, me gjithë përpjekjet e Beogradit për ta destabilizuar gjendjen në këtë qytet.

Në një intervistë për “Kohën Ditore”, e cila do të botohet e plotë të premten, Rexhepi ka vlerësuar se kështu Serbia synon të përfitojë politikisht duke u përpjekur "të argumentojë" se Kosova nuk është në gjendje të vërë rend dhe ligj.

“Para opinionit të GJND-së ka pasur interes të ndodhë ky tensionim.

Kemi pasur do informacione paraprake se janë të interesuar ta tensionojnë situatën, si pretekst e kanë shfrytëzuar hapjen e Zyrës për regjistrim civil, në të cilën edhe Ministria e Pushtetit Lokal ka një prezencë të vogël në ekipin përgatitor për komunën në veri, dhe ata e kanë shfrytëzuar si një pretekst dhe është tensionuar pak gjendja”, ka thënë Rexhepi.

Sipas tij, hapja e Zyrës civile të Qeverisë së Kosovës është pjesë e strategjisë për veriun. Ai ka thënë se kjo zyrë nuk do të mbyllet "pavarësisht protestave të serbëve".

Ministri Rexhepi është tërhequr nga zotimi i së premtes së kaluar kur ndodhën protestat në veri, se zyra do të mbahet e hapur "me çdo çmim".

“Po, çmimi ndoshta është fjalë e rëndë, por pavarësisht protestave”, shprehet ai.

Sipas tij, rasti i plagosjes së deputetit të Kuvendit të Kosovës, Petar Miletiq, është lehtë për t’u zbuluar, pasi që ka incizime të videokamerave të instaluara në atë pjesë.

Rexhepi ka thënë se Policia e Kosovës ka bashkëpunim të mirë me atë të EULEX-it, ndërsa vlerëson se pengesat në veri vijnë edhe si pasojë e hezitimit të policëve serbë për t’i kryer detyrat.

“Ka pasur hezitime pak për ruajtjen 24 orë të këtij objekti nga disa pjesëtarë të Policisë së Kosovës, mirëpo megjithatë ato janë rregulluar dhe na kemi thanë që nëse ata nuk janë të gatshëm të ruajnë objektin, ne kemi mjaft policë nga pjesë të tjera dhe do t’i dërgojmë ata që janë të gatshëm”, ka thënë ai.

Ministri Rexhepi pavarësisht se beson që kolegu i tij, Fatmir Limaj, është i pafajshëm, thotë se është në gjendje të urdhërojë policinë që ta arrestojë atë nëse shpallet fajtor.

Rexhepi flet edhe për veprimtarinë e Shërbimit Informativ të Kosovës – strukturë sekrete e afërt me partinë e tij – PDK-në. Për udhëheqësin shumëvjeçar të SHIK-ut flet në superlativ, duke mos e fshehur dëshirën që ai të ishte në vend të shefit të Agjencisë Kosovare të Inteligjencës, Bashkim Smakaj.

Rexhepi e pranon po ashtu se kontrabanda vazhdon në veri, por e një niveli më të ulët: me nga 500-1.000 litra naftë.

Ministri i Punëve të Brendshme po ashtu e pranon se ka pjesëtarë të Policisë së Kosovës që përveç që paguhen nga buxheti i Kosovës, paguhen edhe nga MUP-i i Serbisë.

Kjo thotë se nuk do të zgjatë shumë. Në intervistën e cila do të botohet e plotë në numrin e nesërm, ministri Rexhepi flet në hollësi edhe për shumë çështje të tjera të ndjeshme në sektorin e tij./koha/
Mesazhi.com

Petroviq: Të gjenden autorët e sulmit ndaj Miletiqit

Zvarritja e hetimeve për sulmin ndaj shefit të Grupit Parlamentar të SLS-së, Petar Miletiq, e ka shqetësuar deputetin e kësaj partie në Kuvendin e Kosovës, Sllobodan Petroviq, i cili gjithashtu ka drejtuar kritika ndaj ICO-së, EULEX-it dhe strukturave tjera që janë të obliguara të garantojnë siguri për të gjithë qytetarët e Kosovës. Ndërkohë ai ka kërkuar ndihmën e të gjitha institucioneve për zbardhjen sa më shpejtë të rastit të plagosjes së deputetit Miletiq.

Petroviq i ka bërë këto komente të enjten në seancën plenare të Kuvendit të Kosovës, me ç’rast ka shprehur falënderimet për dënimin publik që i është bërë sulmit ndaj deputetit Miletiq, por ka kërkuar që zbardhja e rezultatit hetimor rreth këtij sulmi të bëhet sa më shpejt dhe kryesi i kësaj vepre të nxirret para gjyqit.

Një veprim i shpejtë, sipas Petroviqit, do të ishte një inkurajim për serbët që të integrohen edhe më shumë në institucionet e Kosovës.

“Është dita e katërt dhe hetimet nuk janë duke u zhvilluar rreth këtij akti të padëshirueshëm dhe kjo është diçka që duhet të na brengosë të gjithë neve.

Gjithashtu adresoj kritika edhe në llogari të EULEX-it, ICO-s dhe gjithë atyre strukturave që janë të obliguara ta zbatojnë sigurinë ndaj të gjithë qytetarëve të Kosovës, posaçërisht tash që e kemi rastin kur një zyrtar i lartë i cili merret me politikë, në interes të sigurisë së qytetarëve dhe në të është bërë atentat dhe tash e katër ditë asgjë nuk po ndodhë, e sigurisht që për të gjithë neve kjo është një çështje serioze”, ka thënë Petroviq.

Ai ka thënë se ka tendenca të manipulimit me autorët e aktit kriminal, me qëllim që akti të hidhet në taborin tjetër, prandaj ka kërkuar që kjo çështje të trajtohet me seriozitetin më të madh të mundshëm.

“Ajo që mund t’ju them nga dora e parë është se ka policë në veriun e Kosovës në kuadër të Policisë së Kosovës, të cilët nuk dëshirojnë që këto hetime të zhvillohen dhe ajo që dëshiroj t’ju them është se kamerat që e kanë bërë incizimin e rastit në ndërtesën e OSBE-së dhe të Raiffeisen Bankës dhe ndërtesës së qendrës së studentëve dhe policëve që dëshirojnë ta zgjedhin këtë rast duhet të zbatojnë mandatin për këtë”, është shprehur Petroviq.

Deputeti serb i Kuvendit të Kosovës ka tërhequr vërejtjen se me kalimin e kohës çështja mund të vjetërsohet dhe faji rrezikon të hedhet në drejtim krejt tjetër.

Petroviq ka thënë se kryesi i këtij sulmi ka emër të qartë, ai është kriminel, atentator që ka gjuajtur në të gjithë deputetët.

“Unë ju lus që këtë ta merrni seriozisht, edhe pse e di që nuk është krejt në duart tuaja, por po ju lus juve kryetar i kuvendit, juve kryeministër dhe zëvendëskryeministër dhe juve ministra, deputetë të popullit që të merrni pjesë dhe ta jepni kontributin tuaj në zbardhjen e këtij rasti”, ka theksuar Petroviq.

Ai është shprehur se deputetët e SLS-së nuk ndjehen të frikësuar për pozicionimin e saj në institucione, por vetëm janë motivuar edhe më shumë për të qenë në rrugën e drejtë, por ka kërkuar ndihmë për gjetjen e aktorëve të sulmit ndaj Miletiqit, si një ndihmë shtesë për qëndrimin e drejtë politik. /kosovapress/
Gazeta expres

[Llapjani_HH]

Gjilan: Arrestohen 14 aktivistë të Vetëvendosjes

Policia e Kosovës ndërhyri ndaj aktivistëve të Lëvizjes Vetëvendosje, të cilat kanë sot bllokuar hyrjen e Kuvendit Komunal të Gjilanit, për të pamundësuar mbajtjen e seancës, ku ishte paraparë shqyrtimi i statutit të Komunës.

Gjatë ndërhyrjes së policisë ka arrestuar 14 aktivistë të saj.

Sipas Vetëvendosjes, mbledhja e Kuvendit Komunal ëshët cajtuar sot për të nxjerrë statutin e ri të Gjilanit, me të cilinsynohet t'i heqet komunës së Gjilanit më shumë se 30% e territorit të tanishëm.

"Me territoret e kësaj komune do të krijojnë komuna të reja serbe në të cilat pushtetin po e mbajnë ende strukturat paralele të Serbisë që e luftojnë pavarësinë dhe shtetësinë e Kosovës", pohojnë aktivistët e Vetëvendosjes, duke shtuar se "ndarja e Gjilanit është kundër pavarësisë së Kosovës dhe ajo i konvenon Serbisë".

Ndërkaq thuhet se "Gjilani i decentralizuar mbi baza etnike do të jetë edhe më i pasigurt", ndërsa e "izolon Luginën e Preshevës".
QIK-u

Studentët e Tiranës kërkojnë mbrojtjen e interesave kombëtare

Bazuar në ngjarjet e së premtes në Gjilan ku u arrestuan aktivistë të lëvizjes “Vetëvendosje” studentët e Tiranës kërkuan lirimin e menjëhershëm të aktivistëve si dhe ndaljen e punimeve të kuvendi komunal gjilanas për ndarjen e komunës.

Përmes një njoftimi për media, Qendra e Studentëve të Universiteteve të Tiranës “Studim Kritikë Veprim” i bëri thirrje liderëve të shtetit shqiptar të veprojnë menjëherë kundër kësaj tkurrjeje territoriale të shqiptarëve.

“Kërkojmë nga Presidenti i Republikës së Shqipërisë të marrë përsipër përgjegjësitë që Kushtetuta e Shqipërisë i jep në mbrojtjen e interesave kombëtare dhe në mbrojtjen e bashkëkombësve tanë përtej kufirit”, thuhet në njoftim, duke shtuar se copëtimi i Gjilanit i paraprinë copëtimit përfundimtar të Kosovës.

“...Copëtim që ka marrë konsensusin e qeveritarëve të Kosovës, të Serbisë e të ndërkombëtarëve që qeverisin de fakto Kosovën, por që bie ndesh me interesat e popullit e që kundërshtohet nga ai”, thuhet në njoftim.

Sipas tyre, ngjarjet e së premtes në Gjilan tregojnë edhe një herë se rendi policor i Kosovës, përfaqësuar nga Njësia Speciale e Policisë së Kosovës vazhdon të dhunojë e të arrestojë aktivistët e lëvizjes “Vetëvendosje”, duke synuar të shtypë rezistencën qytetare në Kosovë.
Telegrafi

Lirohen aktivistët e “Vetëvendosjes” në Gjilan

Zyrtarë nga Policia Rajonale e Gjilanit, kanë bërë të ditur se aktivistët e Lëvizjes “Vetëvendosje”, të arrestuar pas protestës të së premtes, me rastin e bllokimit të hyrjes së Kuvendit Komunal të Gjilanit, janë liruar.

Ata janë intervistuar dhe më pas prokurori komunal kishte urdhëruar që rasti të procedohet në Gjykatën Komunale në procedurë të rregull, ndërsa të dyshimtit të lirohen.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan, ka thënë se policia ka qenë e detyruar të intervenojë, pasi që në hyrje të Kuvendit Komunal, rreth 50 aktivistë të “Vetëvendosjes”, kanë penguar hyrjen e këshilltareve në asamblenë komunale.

“Atyre iu është tërhequr vërejtja të lirojnë hyrjen në objekt, por nuk u janë bindur urdhrave. Policia ka qenë e detyruar të veprojë, duke arrestuar 20 aktivistë të “Vetëvendosjes”. Me këtë rast, dy prej tyre kanë pësuar lëndime të lehta trupore, të cilëve u është ofruar ndihma mjekësore”, tha Hashani.

Gjatë arrestimit të personave të lartpërmendur janë lënduar edhe tre zyrtarë policor nga Stacioni Policor i Gjilanit, të cilët janë trajtuar në Emergjencën e Gjilanit. Sipas Hashanit, protestuesit rreth orës 14:00, janë shpërndarë dhe situata është normalizuar.

Dhjetëra aktivistë të “Vetëvendosjes” të arrestuar dhe të lënduar

Intervenimi i Policisë së Kosovës për të larguar aktivistët e Lëvizjes “Vetëvendosje”, të cilët kishin bllokuar hyrjen e Kuvendit Komunal të Gjilanit, me qëllim që t’i pengojnë këshilltarët gjilanas ta mbajnë seancën, ku ishte paraparë të shqyrtohej statuti i Komunës, ka rezultuar me dhjetëra të arrestuar dhe të lënduar.

Aktivisti i “Vetëvendosjes”, Valdrin Ahmeti, ka theksuar se sipas njohurive momentale kanë evidentuar 15 aktivistë të arrestuar, por ka edhe më tepër, derisa numri i të lënduarve nuk dihet pasi policia nuk lejon qasje as në stacionin e tyre as në qendrën e emergjencës.

“Të arrestuar momentalisht janë diku rreth 15 aktivistë, por ka shumë të lënduar në mesin e aktivistëve. Më i lënduari në mesin e aktivistëve është Arsim Maqastena dhe Zenel Selimi, ndërsa policia ka intervenuar tepër dhunshëm me rastin e bllokimit të hyrjes së KK-së nga ana e aktivistëve të “Vetëvendosjes””, ka thënë Ahmeti.

I pyetur të komentojë deklaratën e zëdhënësit të policisë rajonale, Ismet Hashani, i cili tha se nuk ka informacione dhe askush nuk ka raportuar për protestues të lënduar, Ahmeti tërheq një paralele edhe me deklarimet e mëparshme të policisë të cilët më pastaj demantoheshin nga faktet.

Ndërsa, Ismet Hashani, zëdhënës i Policisë së Kosovës (PK), në Drejtorinë Rajonale në Gjilan, ka thënë se nuk ka raportime për aktivistë të lënduar, ndërsa sipas tij është një polic të lënduar rëndë, i cili po trajtohet në emergjencën e Gjilanit derisa ka bërë të ditur për 15 të arrestuar.

“Janë arrestuar deri tani 15 persona, dyshohet se kanë qenë të involvuar këtu, ndërsa një polic është i lënduar rëndë dhe është dërguar në Emergjencë në Gjilan ku është duke u trajtuar për momentin. Për momentin nuk kam informata për protestues të lënduar. Nuk kemi informata dhe deri më tani jo nuk është ankuar askush”, ka thënë ai.

Për më tepër, ai thekson se qytetarët mund të ankohen në polici nëse konsiderojnë se ka pasur tejkalim të kompetenca të policisë.

Fillimisht para se policia të intervenojë, aktivisti Frashër Krasniqi kishte bërë të ditur arsyen e kësaj proteste ku aktivistë të lidhur krah për krah, përmes gypave të gomës dhe me zinxhirë, kishin mbyll hyrjet për në objekt ku ndodhet Kuvendi Komunal.

“Sot po miratohet statuti i ri i kësaj komune, në të cilin statut nuk përfshihet afër një e katërta e territorit të Gjilanit. Ky statut po miratohet përkundër vullnetit të qytetarëve të Kosovës, i cili vullnet është kundër ndarjes së territorit tonë. Sot aktivistët e Lëvizjes “Vetëvendosje” janë lidhur me zinxhirë dhe me goma, në mënyrë që ta parandalojnë hyrjen e cilido asamblist në këtë kuvend ku do të miratohet ky statut”, ka thënë Krasniqi.

Ai tha se kjo protestë është paqësore dhe nuk ka asnjë arsye për dhunë, dhe se policia po spekulon se po pengohen edhe qytetarët, vetëm për të gjetur arsye për intervenim.

Edhe kreu komunal i Gjilanit Qemajl Mustafa por edhe kryesuesi Izmi Zeka janë përpjekur të merren vesh me protestuesit e lëvizjes, nga të cilët kanë kërkuar zhbllokimin e hyrjes dhe lejimin e kuvendarëve të hyjnë brenda për të proceduar me seancën e rregullt, por pa sukses.

Izmi Zeka ka deklaruar se ndryshimet statutare nuk kanë të bëjë me decentralizimin, porse është duke u punuar në bazë të Kushtetutës së Kosovës dhe ligjeve në fuqi.

“Ne sot nuk vendosim kurrgjë, ne vetëm vendosim të kemi propozim-vendimim që duhet të qitet në kuvend dhe ai të miratohet për numrin e njerëzve sa do të marrin pjesë në komision dhe ndryshimet i bënë ky komision, i cili do të punojë 3-4 muaj dhe do të dalë në Kuvend dhe ndryshimet që do t’i bëjë Komisioni. Ne do rishqyrtojmë edhe njëherë dhe vendosim më tutje”, ka thënë Zeka.

Kryetari i komunës së Gjilanit, Qemajl Mustafa ka kërkuar nga protestuesit të lirojnë hyrjen e ndërtesës, në mënyrë që këshilltarët të mund të mbajnë seancën e paraparë.

“Lironi rrugë qytetarëve të komunës ta kryejnë punën e vet. Ne gjithashtu e kemi qëndrimin shumë të qartë, derisa propozimi i zotit Ahtisari nuk ka shkuar dhe nuk është votuar në Kuvendin e Kosovës, nuk jemi pajtuar me mënyrën se si ka ndodh, qoftë për shkak të mënyrës se si është komunikuar me Gjilanin, qoftë për shkak të propozimit, sidomos kur është në pyetje zgjerimi i komunës së Novobërdës, i cili ka gllabëruar jashtëzakonisht shumë territor.

Por ajo është votuar, është kategori kushtetuese, në themelet e Kushtetutës së Kosovë dhe ne jemi të thirrur për ta implementuar, gjegjësisht ka qenë njëri nga parakushtet, deshët ju apo jo, për shpalljen pavarësisë së Kosovës”, ka thënë Mustafa.

Por, aktivistët e “Vetëvendosjes” ia kanë rikujtuar Mustafës që deri sa ka qenë opozitë e ka kundërshtuar këtë decentralizim, bile edhe KK-ja e Gjilanit kishte nxjerrë vendim kundër decentralizimit, por tani ai po angazhohesh për implementim të saj, duke bërë të kuptohet se Mustafa nuk e paska pas seriozisht por e paska pas vetëm për pushtet.

Pas kësaj, ka ardhur deri te ndërhyrja e policisë, e cila pas përpjekjeve të shumta, ku ka pas të arrestuar e të lënduar, ia arriti ta lirojë hyrjen. Pas largimit të protestuesve nga hyrja, kuvendarët kanë hyrë në objektin e KK-së dhe kanë filluar seancën, por sipas informacioneve të fundit, mësohet se këshilltarët e Lidhjes Demokratike të Kosovës (LDK) e kanë braktisur seancën pasi nuk është përfill kërkesa e tyre që ajo të shtyhet, për shkak të gjendjes së krijuar.
Gazeta expres

[Llapjani_HH]

Dhuna policore

Një polic i Kosovës, B. M, e ka rrahur dhe e ka bërë për spital qytetarin Xhelal Dobroshi. Aktin e rrahjes, në korridorin e Gjykatores së Pejë, e kanë regjistruar kamerat e sigurisë. Tash polici është i suspenduar dhe në paraburgim.

Është rrahur dhe bërë për spital, pikërisht në vendin ku ndahet drejtësia, në gjykatë. Për më keq, ai është qëlluar me grushte nga një polic, i cili në rast të kundërt do të duhej ta mbronte.

Xhelal Dobroshi nga Peja është viktimë e sjelljeve brutale të një polici kosovar, B. M.

Derisa ka qenë i ulur në Gjykatën e Pejës për të marrë pjesë në një seancë gjyqësore ndaj nipit të tij, Xhelali është rrahur nga ky polic.

Si pasojë e goditjeve të forta, Xhelali ka pësuar thyerje të nofullës, brinjëve dhe ka marrë lëndime të rënda në shpinë dhe kraharor.

Në bisedë për Express, Xhelali, me profesion tregtar argjendi, shpjegon se ka qenë duke biseduar me policin, kur për një moment ai ka filluar ta godasë, duke e lënë 43 vjecarin pa vetëdije.

“Ka qenë ora 11. Isha ulur në një karrige duke pritur seancën ndaj djalit të motrës, kur ky polic për një moment më ka goditur dhe më ka thyer nofullën, brinjët dhe kraharorin”, thotë Xhelali për Express.

Ai sqaron se nuk e ka ofenduar policin, përveç bisedës së zakonshme që ka pasur me të.

Pa goditjeve mbi Xhelalin, ky polic, ashtu të shtrirë, e ka lidhur atë duke e dërguar në stacionin policor në Pejë.

Sipas tij, polici B. M. në deklaratën e tij ka gënjyer se është ofenduar ose kërcënuar nga viktima.

Ndoshta të gjithë do ta besonin policin në detyrë, sikur të mos ishin kamerat e vëzhgimit për siguri, të cilat fatmirësisht punojnë 24 orë.

“Kur i ka parë xhirimet komandanti i Pejës, është shokuar me sjellën dhe forcën që ka përdorur ndaj meje ky pjesëtar i policisë”, thotë Xhelali i cili shumë shpejt i duhet të operohet.

Si pasojë e plagëve të marra, Xhelali është detyruar të qëndrojë në spitalin e Pejës për 24 orë për kurim, kurse për sigurinë e tij është kujdesur Policia e Kosovës.

“Më është dashur të qëndroj në spital për shërim. Kam qenë edhe në Prishtinë dhe brenda dy ditëve do të operohem sepse e kam të thyer nofullën”, thotë ai.

Xhelali thotë se i tërë rasti ka filluar kur djalit të motrës së tij, një 24 vjeçari, polici nga komuniteti egjiptas i kishte kërkuar që ta largojë një motor që gjendej para dyqanit të tyre.

Meqë nipi i tij nuk ka mundur për një çast t’i gjejë çelësat e motorit, polici duket se është nervozuar shumë. Ai e arreston atë dhe, sipas fjalëve të nipit, e rrah rrugës dhe brenda stacionit policor të Pejës.

Por, për këtë pjesë të rastit, Xhelali tregon se as që i ka thënë ndonjë fjalë këtij polici, derisa priste në gjykatore.

Pas dëshmisë së Xhelalit dhe pamjeve të regjistruara nga kamerat e sigurisë, tashmë polici B. M. është suspenduar nga detyra me urdhër të komandantit të policisë së Pejës, nën arsyetimin e keqpërdorimit të detyrës zyrtare, duke e rrahur brutalisht këtë qytetar.

Këtë rast e konfirmon edhe Policia e rajonit të Pejës, duke sqaruar se i njëjti polic, të cilit i referohen vetëm me numrin identifikues, është dërguar në mbajtje për 48 orë dhe se ndaj tij pritet të ngrihet kallëzim penal.

“Stafi komandues i stacionit policor në Pejë menjëherë ka reaguar duke mbledhur fakte dhe dëshmi për inicimin rastit ndaj zyrtarit policor, i cili kishte shkaktuar dhunë të panevojshme ndaj këtij qytetari”, thotë policia e rajonit të Pejës në deklaratën e tyre për media.

Sipas tyre, policia tregon se janë vëzhguar kamerat për të identifikuar oficerin policor , në të cilat xhirime qartë shihet oficeri policor duke e goditur viktimën me tre boksa në fytyrë dhe grushtime tjera në gjoks, dhe si pasojë i ka shkaktuar lëndime të rënda trupore.

Sipas raportit të mjekëve, viktima ka frakturë (thyerje) në ashtin e fytyrës dhe çarje të eshtrave në regjionin e gjoksit si pasojë e atyre goditjeve .

“Drejtori i Drejtorisë Rajonale të Policisë në Pejë, bazuar në veprën e kryer nga oficeri policor i cekur më lart dhe autorizimet e tij, sipas procedurave dhe rregullores policore, ka lëshuar vendimin për suspendim në afat prej 48 orësh dhe ndaj policit do të iniciohet edhe rasti në Inspektoratin e Policisë së Kosovës në Ministrinë e Punëve të Brendshme”, thuhet në sqarimin zyrtar të policisë.
Gazeta expres

Qyshtu ndodh kur ti jepet magjupit pozita

[Neferta]

Gafi i gazetarit apo mosnjohja politike, Arber Vllahiut ne interviste me Toni Blerin BBC: Ju jeni tani i dërguar i BE-së në Lindjen e Mesme. A mundet të hiqni një paralel midis historisë së kosovarëve nën regjimin e Miloseviqit, dhe mënyrës se si palestinezët, veçanërisht në Gaza, po trajtohen nga Izraeli, një shtet i fortë që nuk dëgjon kritikat ndërkombëtare ndaj mënyrës si si po trajton palestinezët?
Tony Blair: Kjo nuk ka aspak afërsi, në të vërtetë. Janë dy gjendje të ndryshme. E vetmja gjë që do të thoja në fund të fundit, është se nëse jetoni në Kosovë apo në Bregun Perëndimor apo Gaza, kudo qoftë, ndërtimi i ekonomisë suaj do të thotë ndërtimi i një pjese thelbësore të të ardhmes suaj.

[Llapjani_HH]

Rrahje multietnike në Soçanicë të Leposaviqit

B.V, F.S. dhe H.M, janë rrahuar nga një grup serbësh në fshatin Soçanicë të komunës së Leposaviqit, pasi ata kishin ndaluar për një kafe në rrugëtim e sipër për në Mitrovicë, ka njoftuar një burim “Koha Ditore”.

Incidentin e ka konfirmuar edhe policia në Mitrovicë. Tre persona janë rrahuar në një përleshje që ka ndodhur në kafenenë “Klubi B”, në fshatin Soçanicë të Komunës së Leposaviqit, ka thënë policia.

Sipas policisë rasti është regjistruar mbrëmë rreth orës 21:30, ndërsa në vendngjarje kanë reaguar edhe hetuesit policorë të Drejtorisë rajonale të Policisë së Kosovës, në Mitrovicë.

Në këtë rrahje janë involvuar një pjesëtar i përkatësisë etnike serbe nga Leshaku i Leposaviqit, një boshnjak, banor i fshatit Rvatska të Leposaviqit, dhe një shqiptar banor i Mitrovicës, ka thënë policia.

Sipas policisë në vendngjarje, në lokalin “Klub B”, policia e Kosovës nuk ka arritur të gjej diç nga provat e mundshme materiale, pasi lokali ishte mbyllur para se policia të arrinte aty. Besohet se pronari i lokalit paraprakisht ka urdhëruar që lokali të pastrohet pas incidentit, ndërsa më pas të mbyllet, ka thënë policia në Mitrovicë.

Në anën tjetër burime të gazetës nga veriu i Mitrovicës kanë theksuar se viktimat, serbi dhe boshnjaku, janë sulmuar në momentin kur kanë dalë nga makina, ndërsa shqiptari ka ndenjur në makinë dhe nuk është sulmuar deri sa atu ka ardhur policia.

Sipas burimit gjatë incidentit sulmuesit kanë përdorur edhe armë zjarri, por gëzhojat janë mbledhur.

Në sulm kanë marrë pjesë pjesëtarë të MUP-it të Serbisë, që veprojnë në Leposaviq.

Lidhur me këtë policia thekson se lëndimet e regjistruara tek personat në këtë rast, nuk janë shkaktuar nga armë zjarri. Hetuesit policorë po zhvillojnë hetime në kërkim të motivit të mundshëm të këtij incidenti, ka njoftuar policia.
Koha.net

Zyra në veri, cak i ekstremistëve serbë

Zyra për Regjistrim Civil e Qeverisë së Kosovës, e hapur dy javë më parë në veri të Mitrovicës, mund të jetë cak i ndonjë sulmi me mjete shpërthyese gjatë kësaj jave, shkruan sot “Koha Ditore”.

Burime të gazetës brenda policisë kanë bërë të ditur se Inteligjenca ka sinjale të qarta se kjo zyrë mund të sulmohet nga elementë ekstremistë.

“Kemi pasur informacione se mund të sulmohet zyra të premten e javës së kaluar, por një gjë e tillë nuk ka ndodhur.

Sinjalet janë që edhe gjatë kësaj jave mund të ndodhë një gjë e tillë”, ka thënë burimi.

“Informacione ka pasur edhe më 2 korrik, kur është hapur zyra, se gjatë protestës së serbëve kundër hapjes së saj mund të sulmohet me mjete shpërthyese. Mirëpo KFOR-i nuk ka lejuar që ata të kalojnë afër zyrës”, ka thënë burimi.

Burimet e gazetës kanë thënë se në krye të një organizimi kundër kësaj zyre qëndrojnë dy udhëheqës të një kompanie të sigurimit fizik në veri, N.B. dhe I.M., në bashkëpunim me pjesëtarë të Ministrisë së Punëve të Brendshme të Serbisë - MUP.

“Kjo kompani është për sigurimin fizik, mirëpo ajo shfrytëzohet nga MUP-i si kompani legale për veprimtari ilegale”, ka thënë burimi.

Zyrtarisht, Policia e Kosovës thotë se janë marrë masa të nevojshme që kjo zyrë të jetë e sigurt.

“Ne nuk kemi informacione të tilla. Sa i përket Inteligjencës s’mund të komentoj, sepse ata mund të kenë informacione për vete”, ka thënë Besim Hoti, zëdhënës i Policisë së Kosovës për rajonin e Mitrovicës.

Ndërkohë në zyrën e hapur dhjetë ditë më parë vetëm dhjetë persona kanë aplikuar për dokumente të ndryshme si certifikata lindjeje, shtetësie për t’u pajisur pastaj me dokumente personale. Aplikuesit janë kryesisht shqiptarë, boshnjakë, por ka edhe serbë (gjerësisht në numrin e sotshëm të “Kohës Ditore”).
Koha.net

[Llapjani_HH]

Kosova ka kapacitete për vendosjen e njësive speciale në veri

Institucionet kosovare kanë kapacitete vetjake që në rast ngurrimi të EULEX-it, t’i dërgojnë vetë njësitet speciale policore në veri të Kosovës, dhe për këtë nuk kanë nevojë që të bëjnë marrëveshje me Misionin Evropian për Sundim të Ligjit (EULEX). Kështu janë shprehur për gazetën Koha Ditore njohësit e rrethanave të sigurisë në Kosovë.

Për kryetarin e Komisionit Parlamentar për Punë të Brendshme dhe Siguri në Kuvendin e Kosovës, Rrustem Mustafa, pikërisht vendosja e rendit dhe e ligjit është detyrë e EULEX-it.

“Politika vendimmarrëse në vendin tonë bëhet nga Qeveria e Kosovës bashkë me udhëheqësit aktivë ndërkombëtarë. Askush nuk ka nevojë që të bëjë marrëveshje me EULEX-in, sepse ky mision është këtu për ta kryer punën e vet, që është ndërtimi i rendit dhe i ligjit”, ka thënë Mustafa.

Shefi i EULEX-it, Yves de Kermabon, të shtunën ka mohuar ekzistimin e ndonjë marrëveshjeje ndërmjet EULEX-it dhe Policisë së Kosovës për dërgim të përbashkët të njësiteve speciale në veri, siç kishte deklaruar ministri i Punëve të Brendshme të Kosovës, Bajram Rexhepi,në një intervistë dhënë “Kohës Ditore”.

Qëndrimin e shefit të vet e ka ritheksuar të dielën për gazetën edhe zëdhënësja e EULEX-it, Karin Limdal. “Si keni dëgjuar edhe nga Kermabon, nuk ka pasur marrëveshje për vendosjen e njësive speciale të Policisë në veri. S’ka pasur marrëveshje as me gojë e as me shkrim.

Siç ka thënë ai (Kermabon v.j.) dje, është me rëndësi që të përmbahemi nga çdo aktivitet që do të mund të merrej si provokim, dhe kreu i misionit e ka bërë të qartë për të gjithë se nuk do të ketë vendosje të njësive speciale”, ka thënë ajo.

“Unë mund t’ju përgjigjem pyetjeve vetëm në emër të EULEX-it. Se çfarë planesh ka bërë MPB-ja duhet t’i pyesni ata”, ka shtuar Limdal.

Sqarimit të situatës së krijuar midis EULEX-it dhe institucioneve të Kosovës i është shmangur të dielën ministri i Punëve të Brendshme, Bajram Rexhepi, duke thënë se s’mund të përgjigjet në ditë pushimi.

Ndërkaq kryetari i Komisionit Parlamentar për Punë të Brendshme dhe Siguri në Kuvendin e Kosovës, Rrustem Mustafa, mendon se Kosova ka kapacitete për vendosjen e njësiteve speciale të Policisë në veri të vendit në rast se i mungon EULEX-it vullneti për të participuar në një gjë të tillë.

“Kosova ka kapacitete që të dërgojë njësite speciale në veri të vendit dhe në këtë kuadër duhet llogaritur edhe EULEX-in, sepse ata kanë ardhur këtu për Kosovën, nuk kanë ardhur për tjetër gjë”, ka theksuar Mustafa.

“Mund të jetë një njeri që nuk dëshiron në një kohë të caktuar që të ndërmarrë hapa, por ai njeri nëse nuk do, duhet të ndërrohet. EULEX-i është i ndërtuar që të vërë rend dhe ligj në vendin tonë”.

Optimist se Kosova mund të dërgojë njësitet speciale të Policisë në veri të vendit në mënyrë vetjake është shfaqur analisti i çështjeve të sigurisë, Ramadan Qehaja.

Duke e lavdëruar qasjen e ministrit Rexhepi përballë veriut, Qehaja është shprehur t’u besojë kapaciteteve të Policisë së Kosovës.

“Unë mendoj që me Policinë tonë kemi kapacitete, por një gjë e tillë duhet të përcillet me gatishmëri të lartë vepruese politike dhe diplomatike, duke shprehur kërkesa të zëshme ndaj faktorit ndërkombëtar, e jo duke zgjedhur heshtjen e tipit: prit se do të rregullohet puna.

Ne që njëmbëdhjetë vite po presim, prandaj tash kur Beogradi zyrtar është shumë i dëshpëruar dhe i frustruar para çështjes së GJND-së, është koha që Kosova të veprojë, meqë po shihet që ata po duan që ta ndajnë këtë pjesë të territorit tonë”, ka theksuar ai.

“Ne nuk duhet ta lejojmë një gjë të tillë: me mjete politike të mbështetura edhe me forcë policore duhet ta rikthejmë këtë pjesë.

Kosova ka forcë të mjaftueshme që t’i qërojë hesapet me ata njerëz destruktivë që janë në atë pjesë”.

Përkrahje qasjes deklarative të ministrit të Brendshëm kundrejt veriut të Kosovës nuk i ka munguar as nga Partia e Drejtësisë.

“PD-ja mbështet fuqishëm paralajmërimin e ministrit të Punëve të Brendshme, Bajram Rexhepi, për veprimin e Njësisë speciale të Policisë së Kosovës në veriun e vendit si masë konkrete për vendosjen e kushtetshmërisë dhe ligjshmërisë në këtë pjesë të territorit shtetëror”, ka thënë nënkryetari i PD-së, Amir Ahmeti, të dielën në një konferencë për shtyp.

“Me këtë rast PD-ja apelon në misionin EULEX, misionin e Përfaqësuesit Ndërkombëtar Civil, dhe në gjithë spektrin politik të vendit që të mbështetë përpjekjet e Qeverisë për vendosjen e rendit dhe ligjit si veprim me rëndësi strategjike për të ardhmen e vendit dhe stabilitetin në rajon”, është shprehur ai, duke thënë se veprimi energjik në këtë drejtim paraqet parakusht për zhvillimin ekonomik të vendit dhe luftën kundër krimit të organizuar.

“Kjo, sepse veriu i vendit qëmoti është shndërruar në vatër të kontrabandës dhe bashkëpunimit të kriminelëve nga të dyja anët e kufirit”, ka thënë Ahmeti, njëherazi ministër i Administratës Publike në ekzekutivin e vendit.

Lideri i Lëvizjes Kombëtare Shqiptare, Orhan Rexhepi, njëherësh dhe zëvendëskryetar i Asamblesë Komunale të Preshevës, ka reaguar të dielën ndaj betejës verbale Kosovë-Serbi lidhur me veriun e Kosovës.

Rexhepit ia ka prekur nervin deklarata e ministrit të Punëve të Brendshme të Serbisë, Ivica Daçiq, i cili ka reaguar përkitazi me një deklarim të ministrit Rexhepi për gazetën, duke thënë se "Serbia nuk mund të shikojë me sy mbyllur se çfarë po u ndodh serbëve në veri të Kosovës".

“Serbia mundet, Daçiqi mundet, edhe gjithë të tjerët në Serbi munden që më 26 dhjetor 2008, dhe pastaj pandalur deri më tani, të sjellin rreth 2 mijë e 6 qind (2. 600) pjesëtarë të xhandarmërisë së tyre dhe disa herë të kidnapojnë djem të rinj shqiptarë, plotësisht të pafajshëm, vetëm e vetëm se janë shqiptarë, dhe merreni me mend i akuzojnë ata se kanë kryer krime lufte, dhe atë pas përfundimit të luftës, dhe kjo nuk e destabilizon gjithë rajonin fare, derisa Bajram Rexhepi po e destabilizon këtë rajon vetëm me tentativën e vënies nën kontroll të rendit dhe qetësisë në territorin e vet”, ka thënë ai.

Sipas Rexhepit, Serbia është jo kryesori, por problemi i vetëm i këtij rajoni, dhe derisa nuk zgjidhet problemi i Luginës së Preshevës, ajo do të vazhdojë të mbetet po i vetmi problem.

“Ne këtu asnjëherë nuk bisedojmë për ndarjen e Kosovës, por për ndarjen e Serbisë”, është shprehur Rexhepi, njëherësh edhe ish-epror ushtarak i UÇPMB-së.

“Më 1992 e mbajtëm referendumin për bashkëngjitje me Kosovën, viteve 2000-2001 e bëmë luftën gjithashtu për bashkëngjitje me Kosovën, dhe rezultatet e të dyja këtyre ngjarjeve të mëdha duhet patjetër të realizohen”, shprehet Rexhepi, duke shtuar se “më në fund duhet të përmirësohen gabimet e mëdha historike ndaj tokave shqiptare që u bënë në Konferencën e Londrës më 1913”.

Ndaj paralajmërimeve të ministrit kosovar për shtim të forcave policore në veri, me qëllim të vendosjes së rendit dhe ligjit në këtë pjesë të Kosovës, nuk ka reaguar vetëm “homologu” i tij matanë veriut.

Ato e kanë nxitur edhe reagimin e presidentit serb Boris Tadiq dhe të të ashtuquajturit Këshilli Kombëtar Serb për veriun e Kosovës, të cilët përveçse i kanë cilësuar luftënxitëse deklarimet e ministrit kosovar, Tadiq ka paralajmëruar se “institucionet e Kosovës do të jenë përgjegjëse për pasojat katastrofale të zbatimit eventual të këtij kërcënimi”.

Rexhepi i pati quajtur të frustruara dhe të keqinterpretuara deklaratat e bëra nga Tadiq.
Koha.net

[Llapjani_HH]

Vetëm 30 për qind punë

Kuvendi i Kosovës në vitin 2009 nuk ka mundur të realizojë mbi 70 për qind të planit të punës, thuhet në një studim të “Forumit 2015”, që vë në pah vonesat në realizimin e detyrave dhe përgjegjësive, me të cilat institucionet ngarkohen me Kushtetutë. Publikimi i studimit ka nxitur debate mes vetë deputetëve në pushtet, nga të cilët kanë rrjedhur dhe kritika për vetë ekzekutivin dhe legjislativin.

Publikimi i një studimi nga “Forum-2015”, mbi vonesat kryesore të institucioneve të Kosovës në realizimin e detyrave dhe përgjegjësive të tyre, është shndërruar në polemikë ndërmjet deputetëve në pushtet.

Studimi që vë në pah moskryerjen e punëve kryesisht në drejtësi dhe legjislativ, ka shkaktuar pakënaqësi te deputeti i Partisë Demokratike të Kosovës, Rexhep Hoti, i cili problemet e trajtuara në studim, i ka cilësuar si të tejkaluara.

“Shumica e ligjeve janë të tejkaluara. Shumica e problemeve që ju i cekët rreth Qeverisë, janë tejkaluar - nuk keni hyrë në probleme reale dhe nuk e kuptoj përse. Do të doja të flisja këtu për qeverisjen valide që ka Qeveria e Kosovës. Ju po flisni për gjëra që kanë shkuar realisht”, është shprehur Hoti.

Por, vetë nënkryetari i Partisë Demokratike të Kosovës, njëherësh deputet i Kuvendit, Rrustem Mustafa, ka kritikuar organet ekzekutive dhe legjislative për mospërmbushje të detyrave që dalin nga Kushtetuta e Kosovës.

“Ka shumë ligje në Kuvendin e Kosovës që janë proceduar, ne i kemi miratuar, por ato nuk janë funksionalizuar. Do të thotë duhet gjetur tash edhe një problem tjetër; se çka po ndodh me ato ligje që ne i kemi miratuar, e që nuk po zbatohen”.

“Po shkoj edhe më larg - ne e kemi të aprovuar Kushtetutën e Republikës së Kosovës, e që nuk është funksionale në gjithë vendin. Krejt çka dua të them është se mungojnë kapacitetet, mungojnë njerëzit që organizojnë kapacitetet ekzistuese në vendin tonë, qofshin edhe në Qeveri, edhe në të gjitha institucionet e tjera”, ka thënë Mustafa.

Deputeti Rrustem Mustafa, nuk ka kursyer kritikat edhe për ministrat nga radhët e partisë së tij, si ai i Ekonomisë dhe i Arsimit, duke vlerësuar se ata nuk janë personat e duhur për të mbajtur ato poste.

“Jemi munduar që në Qeveri t’i gjejmë njerëzit më të mirë që dinë t’i organizojnë mirë kapacitetet. Ekonomia e zhvillimi nuk është prej një njeriu të duhur sado që personi ka studiuar jashtë – e kam fjalën për ministrin e Financave - nuk po arrin t’i organizojë këto kapacitete. Ka rrezik edhe të mbyllen bizneset”.

“Të flasim edhe për edukimin, që ne e kemi lënë si prioritet dhe është shumë mirë. Mirëpo, edukimi nuk duhet kuptuar si ndërtim i shkollës. Edukimi nuk duhet të kuptohet si ndërrim i terminologjisë prej plan-programit në kurikula, nuk është e rëndësishme fare se si e formon. Vendi ynë ka nevojën për fuqi dhe kapacitete pak më ndryshe”, ka theksuar Mustafa.

Raporti i nga “Forum-2015”, vë në pah se Kuvendi i Kosovës në vitin e kaluar nuk ka arritur ta realizojë 71.5 për qind të planit të punës.

Deputetja nga radhët e partisë opozitare, Aleanca për Ardhmërinë e Kosovës, Gjylnaze Syla, ka thënë se edhe në vitin 2010 mund të përsëritet e njëjta gjë.

“Nëqoftëse 2009-ën është realizuar 29 për qind e punës, ndërsa nuk është realizuar 71 për qind, dhe 2010 aktualisht kur duhet të priten 123 projektligje të miratohen, megjithëse nuk dihet ende e dhëna se sa do të jetë, meqë jemi brenda muajit korrik, por jam e bindur se do të jetë përafërsisht e njëjtë, kjo duhet të jetë alarmuese sidomos për përfaqësuesit e Qeverisë, deputetët dhe për gjyqësorin”, është shprehur Syla.

Ndër dhjetë vonesat kryesore që janë theksuar në studimin e “Forum- 2015”, janë mungesa e legjislacionit në sistemin gjyqësor, numri i madh i lëndëve ta pazgjidhura nëpër gjykata, vonesa në riemërimin e gjykatësve dhe prokurorëve, si dhe mungesa e shumë ligjeve të rëndësishme.


Eksperti për çështje ligjore, Kujtim Kërveshi, ka theksuar se këto probleme po shkaktohen si pasojë e ngërçit që po has Kosova në këtë periudhë tranzicioni.

“Shumica e ligjeve në Kosovë kanë vonesa, për shkak të mungesës së kapaciteteve njerëzore për të pasur ligje cilësore. Është krijuar praktikë, është krijuar normë në institucione të Kosovës që ligjet të fabrikohen shpejt, të dërgohen në Kuvend dhe Kuvendi të miratojë procedurë të shpejtë. Pastaj, me vite të tëra ngelen të pazbatuara".

"Ka një numër të ligjeve që janë tejet të politizuara, kjo për faktin se Kosova ende nuk ka gjetur një rrugëdalje në tranzicionin e saj ligjor”, ka vlerësuar Kërveshi.
Radio Evropa e Lirë

[Guri i madh]

Gjergj Dedaj, “zëvendës" i Limajt

Publikuar: Sot, më 13 korrik 2010


$(document).ready(function(){ var px_def =14; var px = 0; var px_uplim=25; var px_downlim=10; $(".resizer-plus").click( function(){ var px = $(".articleDetails").css("font-size"); px= parseFloat(px, 10);// returns x as an integer in base 10 parseInt(x, 16 if(px = px_downlim){ px-=2; $(".articleDetails").css("font-size", px+"px"); } }); });


Prishtinë, 13 korrik - Qeveria e Kosovës ka emëruar zëvendësministër në Ministrinë e Transportit dhe Postë-Telekomunikacionit Gjergj Dedajn, ish-zëvendësministrin e Punës dhe Mirëqenies Sociale i cili nga kjo pozitë është shkarkuar nga kryeministri i vendit jo më larg se dy muaj më parë.
Sipas portalit, “Ekonomisti”, lajmin për emërimin e Dedajt në postin e zëvendësministrit të Transportit e kanë marrë të gjithë ministrat e kabinetit qeveritar.
“Qeveria e Kosovës ka emëruar zëvendësministër të dytë në Ministrinë e Transportit dhe Postë Telekomunikacionit Gjergj Dedajn. Vendimi është marrë dje dhe janë njoftuar të gjitha ministritë”, ka thënë zyrtari i lart i Qeverisë i cili nuk deshi që t’i përmendej emri,
shkruan “Ekonomisti”.
Lajme e ka konfirmuar përmes telefonit edhe vet Gjergj Dedaj.
I njëjti ka thënë së ky vendim është duke u komentuar si një ndër vendimet më të çuditshme të Qeverisë sa i përket emërimeve dhe shkarkimeve të zyrtarëve të lart të institucioneve.
“Gjergj Dedaj është shkarkuar nga e njëjta pozitë të cilën e ka pasur në një ministri tjetër dhe shkarkimet e atyre z/v/ministrave janë bërë me arsyetime së nuk kanë qenë efikas në punët e tyre dhe kanë pasur edhe shkelje të tjera. Tash vjen një vendim që i njëjti person i shkarkuar jo me larg se dy muaj më parë është emëruar prapë në të njëjtën pozitë, vetëm së i është ndërruar ministria”, ka thënë burimi i “Ekonomisti”.
Ndryshe, postin e zëvendësministrit të parë në këtë ministri, pas dorëheqjes së Adem Grabovcit, e mban Emin Krasniqi.

[Guri i madh]

Rrustem Mustafa kritikon ministrat Shala e Hoxhaj

Publikuar: Sot, më 14 korrik 2010


$(document).ready(function(){ var px_def =14; var px = 0; var px_uplim=25; var px_downlim=10; $(".resizer-plus").click( function(){ var px = $(".articleDetails").css("font-size"); px= parseFloat(px, 10);// returns x as an integer in base 10 parseInt(x, 16 if(px = px_downlim){ px-=2; $(".articleDetails").css("font-size", px+"px"); } }); });


Prishtinë, 13 korrik – Opozita nuk duket të jetë kritikuesja e vetme e Qeverisë. Një gjë të tillë e ka bërë të martën edhe nënkryetari i PDK-së, njëherësh deputet i Kuvendit të Kosovës, Rrustem Mustafa. Në një debat me temën “Duke pritur vendimmarrjen”, të organizuar nga “Forumi 2015”, nënkryetari i PDK-së, Rrustem Mustafa, e ka shprehur vlerësimin e tij se Qeveria Thaçi me ministër Ahmet Shalën nuk mund ta zhvillojë Kosovën, por vetëm se do ta përkeqësojë edhe më tej ekonominë e saj. Deputeti Mustafa e ka cilësuar ministrin Ahmet Shala si një menaxher të dobët, i cili nuk po mund t’i organizojë kapacitetet në dikasterin që ai e drejton, duke shkaktuar kështu edhe mbyllje të bizneseve.
“Për zhvillimin ekonomik jemi përpjekur për të gjetur njerëz më të mirë në qeveri që organizojnë kapacitetet. Mirëpo te zhvillimi ekonomik nuk është te një person i duhur sado që ai ka qenë jashtë dhe ka kryer kurse dhe shkolla, pra e kam fjalën për ministrin e Financave, Ahmet Shala, i cili nuk po mund t’i organizojë këto kapacitete dhe kështu ka rrezik edhe për mbyllje të bizneseve”, është shprehur nënkryetari i PDK-së, Rrustem Mustafa. Fjalë të mira ky i fundit nuk ka thënë as për ministrin e MASHT-it, Enver Hoxhaj. Sipas Mustafës, reformimi në arsim nuk mund të bëhet duke ndërtuar shkolla e duke ndryshuar terminologji të Ligjit për arsim.
“Reformimi në edukim nuk duhet të kuptohet si ndërtim i shkollës apo të kuptohet si ndërrim i terminologjisë prej planprogramit në kurikulë, sepse dihet se vendi ynë ka nevojë për reformim të mirëfilltë të sistemit arsimor”, është shprehur nënkryetari i PDK-së, Rrustem Mustafa. Me këtë rast ai ka çmuar lart punën e hartuesve të raportit, “Duke pritur vendimmarrjen”, të cilët i ka quajtur si infuzion për ndryshimin e gjendjen aktuale në vend.

[Guri i madh]

Rrustem Mustafa kritikon ministrat Shala e Hoxhaj

Publikuar: Sot, më 14 korrik 2010





Prishtinë, 13 korrik – Opozita nuk duket të jetë kritikuesja e vetme e Qeverisë. Një gjë të tillë e ka bërë të martën edhe nënkryetari i PDK-së, njëherësh deputet i Kuvendit të Kosovës, Rrustem Mustafa. Në një debat me temën “Duke pritur vendimmarrjen”, të organizuar nga “Forumi 2015”, nënkryetari i PDK-së, Rrustem Mustafa, e ka shprehur vlerësimin e tij se Qeveria Thaçi me ministër Ahmet Shalën nuk mund ta zhvillojë Kosovën, por vetëm se do ta përkeqësojë edhe më tej ekonominë e saj. Deputeti Mustafa e ka cilësuar ministrin Ahmet Shala si një menaxher të dobët, i cili nuk po mund t’i organizojë kapacitetet në dikasterin që ai e drejton, duke shkaktuar kështu edhe mbyllje të bizneseve.
“Për zhvillimin ekonomik jemi përpjekur për të gjetur njerëz më të mirë në qeveri që organizojnë kapacitetet. Mirëpo te zhvillimi ekonomik nuk është te një person i duhur sado që ai ka qenë jashtë dhe ka kryer kurse dhe shkolla, pra e kam fjalën për ministrin e Financave, Ahmet Shala, i cili nuk po mund t’i organizojë këto kapacitete dhe kështu ka rrezik edhe për mbyllje të bizneseve”, është shprehur nënkryetari i PDK-së, Rrustem Mustafa. Fjalë të mira ky i fundit nuk ka thënë as për ministrin e MASHT-it, Enver Hoxhaj. Sipas Mustafës, reformimi në arsim nuk mund të bëhet duke ndërtuar shkolla e duke ndryshuar terminologji të Ligjit për arsim.
“Reformimi në edukim nuk duhet të kuptohet si ndërtim i shkollës apo të kuptohet si ndërrim i terminologjisë prej planprogramit në kurikulë, sepse dihet se vendi ynë ka nevojë për reformim të mirëfilltë të sistemit arsimor”, është shprehur nënkryetari i PDK-së, Rrustem Mustafa. Me këtë rast ai ka çmuar lart punën e hartuesve të raportit, “Duke pritur vendimmarrjen”, të cilët i ka quajtur si infuzion për ndryshimin e gjendjen aktuale në vend.

[Llapjani_HH]

Postimi origjinal është bërë nga Guri i madh

Gjergj Dedaj, “zëvendës" i Limajt

Publikuar: Sot, më 13 korrik 2010



Prishtinë, 13 korrik - Qeveria e Kosovës ka emëruar zëvendësministër në Ministrinë e Transportit dhe Postë-Telekomunikacionit Gjergj Dedajn, ish-zëvendësministrin e Punës dhe Mirëqenies Sociale i cili nga kjo pozitë është shkarkuar nga kryeministri i vendit jo më larg se dy muaj më parë.
Sipas portalit, “Ekonomisti”, lajmin për emërimin e Dedajt në postin e zëvendësministrit të Transportit e kanë marrë të gjithë ministrat e kabinetit qeveritar.
“Qeveria e Kosovës ka emëruar zëvendësministër të dytë në Ministrinë e Transportit dhe Postë Telekomunikacionit Gjergj Dedajn. Vendimi është marrë dje dhe janë njoftuar të gjitha ministritë”, ka thënë zyrtari i lart i Qeverisë i cili nuk deshi që t’i përmendej emri,
shkruan “Ekonomisti”.
Lajme e ka konfirmuar përmes telefonit edhe vet Gjergj Dedaj.
I njëjti ka thënë së ky vendim është duke u komentuar si një ndër vendimet më të çuditshme të Qeverisë sa i përket emërimeve dhe shkarkimeve të zyrtarëve të lart të institucioneve.
“Gjergj Dedaj është shkarkuar nga e njëjta pozitë të cilën e ka pasur në një ministri tjetër dhe shkarkimet e atyre z/v/ministrave janë bërë me arsyetime së nuk kanë qenë efikas në punët e tyre dhe kanë pasur edhe shkelje të tjera. Tash vjen një vendim që i njëjti person i shkarkuar jo me larg se dy muaj më parë është emëruar prapë në të njëjtën pozitë, vetëm së i është ndërruar ministria”, ka thënë burimi i “Ekonomisti”.
Ndryshe, postin e zëvendësministrit të parë në këtë ministri, pas dorëheqjes së Adem Grabovcit, e mban Emin Krasniqi.

Ministria nuk e di ku i shpenzoi Dedaj 33 mijë euro

Vitin e fundit të mandatit të tij, ish-zëvendësministri i Punës dhe i Mirëqenies Sociale, Gjergj Dedaj, ka shpenzuar mbi 33 mijë euro nga kartela financiare, të cilën ministrat dhe zëvendësministrat e Qeverisë e shfrytëzojnë gjatë udhëtimeve jashtë vendit.

Këto mjete janë limiti që një zëvendësministër do të mund t’i harxhonte gjatë udhëtimeve zyrtare, ndërsa ish-zv.ministri Dedaj i ka shpenzuar ato në maksimum për secilin muaj.

Ka mjaftuar që atij t’i dalë një rrugë të paktën edhe deri në Shqipëri dhe paratë e atij muaji të cilat i kanë takuar si zëvendësministër për shpenzime gjatë udhëtimeve zyrtare t’i shpenzojë deri në centin e fundit.

Dedaj gjatë mandatit në postin e zëvendësministrit të Punës dhe të Mirëqenies Sociale ka përdorur kartelën edhe për të bërë transaksione dhe për të paguar gjësende të blera në njërin nga supermarketet e Kosovës.

Për 11 muaj, ish-zëvendësministri Dedaj i ka përdorur të gjitha të hollat e lejuara nga Qeveria të cilat i ka pasur në dispozicion, duke mbërritur çdoherë limitin e caktuar prej 3 mijë eurosh në muaj.

Gazeta ka siguruar listat bankare për 11 muajt vijues, prej kur Dedaj ka në dispozicion kredit-kartelën tërheqëse.

Këto dokumente janë nxjerrë nga vetë Ministria e Punës dhe e Mirëqenies Sociale, pas shkarkimit nga posti i zëvendësministrit të Gjergj Dedajt.

Ky i fundit thotë se për shpenzimet e bëra gjatë mandatit në qeverinë Thaçi ka sjellë edhe faturat përkatëse tek zyrtarët financiarë të Ministrisë së Punës.

Ai ka sugjeruar gazetën që të mos shkruajë për të, pasi që ka vlerësuar se ka kohë deri në fund të vitit, kur, sipas tij, edhe priten të bëhen bilancet dhe të shihet se kush ka shpenzuar më shumë e kush më pak nga zyrtarët qeveritarë për udhëtime zyrtare jashtë vendit.

Nexhat Syla, shef i sektorit financiar në Ministrinë e Punës, thotë se tashmë janë duke u shqyrtuar raportet financiare dhe faturat të cilat i ka sjellë si mbulesë ish-zëvendësministri Dedaj për shpenzimet e bëra gjatë udhëtimeve të tij.

Për secilin muaj gjatë shpenzimit të të hollave Ministria e Ekonomisë dhe e Financave i ka tërhequr nga buxheti i Ministrisë së Punës dhe Mirëqenies Sociale nga 3 mijë euro, aq sa ka qenë limiti i shpenzimeve të ish-zëvendësministrit Dedaj.

Përveç shpenzimeve nga kredit-kartela e të hollave nga buxheti nëpërmjet bankës “Raiffeisen”, Dedaj ka përdorur edhe mbi 8 mijë e 300 euro, të holla të cilat i ka përfituar nga buxheti në formë të avancës për udhëtimet e bëra gjatë muajve shkurt, prill dhe qershor të vitit të kaluar.

Vetëm për dy ditë qëndrimi në Vjenë të Austrisë, Dedaj ka shpenzuar rreth dy mijë euro, bazuar në listën e tërheqjes së parave nga bankomatet.

Gazeta ka siguruar dokumentet të cilat tregojnë për secilën euro të shpenzuar nga ish-zëvendësministri Dedaj nga qershori i vitit 2009 deri në fund të majit të këtij viti gjatë udhëtimeve zyrtare.

Të gjitha këto para, ashtu si edhe përcaktohet në Udhëzimin Administrativ për udhëtime zyrtare, kalojnë nëpërmes “Raiffeisen Bank”, ndërkaq shfrytëzohen në formë të mbitërheqjes nga qeveritarët, e më pas paratë barten nga buxheti në arkën e bankës në fjalë.

Nga Ministria e Ekonomisë dhe e Financave, përkatësisht nga Departamenti i Thesarit nga edhe mbikëqyren kredit-kartelat e qeveritarëve, është thënë se të gjithë mbajtësit e kredit-kartelave duhet të implementojnë marrëveshjen individuale që ua jep kontraktuesi apo “Raiffeisen Bank”, dhe se duhet të pajtohen të veprojnë sipas Udhëzimit Administrativ për udhëtime zyrtare.

“Për çdo mbajtës të kredit-kartelës është një shumë maksimale e caktuar nga vetë organizata buxhetore e mbajtësit të kartelës.

Organizata buxhetore gjatë caktimit të limitit duhet të ketë parasysh frekuencën e udhëtimeve zyrtare gjatë vitit paraprak dhe shpenzimet gjatë këtyre udhëtimeve.

Shpenzimet e bëra gjatë udhëtimeve zyrtare me kredit-kartelë duhet të arsyetohen nga vetë mbajtësi në pajtim me Udhëzimin Administrativ”, ka thënë zëdhënësi i Ministrisë së Ekonomisë dhe Financave, Muharrem Shahini.

Sipas zyrtarëve të Ministrisë së Ekonomisë dhe Financave, kredit-kartela lejohet që të përdoret vetëm për shpenzimet e udhëtimeve zyrtare, qofshin ato brenda apo jashtë vendit.

“Për të gjitha kartelat e lëshuara për zyrtarët qeveritarë dërgohen raportet me detaje çdo muaj për çdo transaksion të bërë me kartelë tek MEF-i, organizata buxhetore dhe vetë mbajtësi i kartelës, dhe është e pamundur edhe legalisht, edhe teknikisht të bëhen transfere nga kredit-kartela në ndonjë konto tjetër”, thuhet në përgjigjen e Ministrisë së Ekonomisë dhe të Financave.
Koha.net