Lajme Aktuale....

[Neferta]

Mekë, 2 gusht – Pjesëmarrësit e vendeve anëtare të Ligës Islame në Mekë, ku gjatë tri ditëve u shënua 50-vjetori i themelimit, i kanë bërë thirrje të gjitha vendeve në botë që të njohin pavarësinë e Kosovës dhe ta mbështesin rimëkëmbjen ekonomike të saj.
I ngarkuari me punë i Kosovës në Arabinë Saudite, dr. Rexhep Boja, përmes një bisede telefonike i konfirmoi Koha.netit se pjesëmarrësit e Ligës me unanimitet të plotë kanë mbështetur kërkesën e MPJ të Kosovës për njohje, duke e futur këtë thirrje në konkluzionet e takimit.
I ngarkuari me punë i Kosovës, Dr. Rexhep Boja ua kishte dorëzuar pjesëmarrësve Mendimin e GJND-së për pavarësinë e Kosovës, me të cilin konfirmohet se ajo nuk ka shkelur të drejtën ndërkombëtare, dhe letrën e ministrit të Jashtëm të Kosovës, Skender Hyseni, me thirrje për të njohur Kosovën.
Diplomati Boja, sidomos gjatë dy javëve të shkuara, ka zhvilluar shumë takime me diplomatë e përfaqësues të vendeve të akredituara në Arabinë Saudite, të cilët i ka informuar për vendimin e GJND-së dhe për realitetin e Kosovës[ nga KOHA

[Neferta]

• Martesa e vitit 2010 E BIJA E KLINTONVET.

[Neferta]

Hyseni në KS: Ka ardhur koha të ndërrohet 1244-shi


Nga Express më 03.08.2010 në ora 22:00

(E plotësuar) Ministri i Jashtëm i Kosovës, Skender Hyseni, ka thënë në mbledhjen e Këshillit të Sigurimit, se ka ardhur koha që Rezoluta 1244 të zëvendësohet me një rezolutë të re, e cila do të reflektonte realitetet e krijuara me pavarësinë e Kosovës dhe me Mendimin e qartë të GJND-së në favor të saj.

"Kërkesa jonë për zëvendësim të 1244 është në linjë me objektivin e Kosovës për t'u bërë anëtare e OKB-së. Anëtarësimi në OKB është objektiv të cilin synojmë t'a arrijmë sa më shpejtë që të jetë e mundshme, si një hap i natyrshëm pas Mendimit të GJND-së", është shprehur Hyseni, i cili ka falënderuar Kombet e Bashkuara dhe Këshillin e Sigurimit për rolin vital që kanë luajtur në të gjitha fazat e zhvillimit të pasluftës në Kosovë.

Hyseni ka theksuar se vendimi i Gjykatës Ndërkombëtare të Drejtësisë nuk ka lënë vend për paqartësi se shpallja e pavarësisë së Kosovës ka qenë në pajtim me të drejtën ndërkombëtare.

Prandaj, ai iu ka bërë thirrje vendeve që kanë pritur vendimin e GJND-së, para se të marrin vendimin për njohjen e Kosovës, që ta bëjnë këtë tani.

Kryediplomati i Kosovës ka theksuar se tani është çasti që Kosova dhe Serbia të nisin bashkëpunimin si shteti me shtet, për çështje të interesit të ndërsjellët.

"Ka ardhur koha që Kosova dhe Serbia të fillojnë një kapitull të ri, kapitull të bashkëpunimit shtet me shtet. Bashkëpunimi midis vendeve tona në çfarëdo çështjesh që mund të identifikohen si çështje të interesit për të dy vendet është thelbësore për të ardhmen tonë evropiane. Dëshiroj që edhe një herë në mënyrë të qartë të nënvizoj gatishmërinë e Republikës së Kosovës për bashkëpunim me Republikën e Serbisë. Bashkëpunimi në çfarëdo fushe duhet të zhvillohet mbi baza krejtësisht të barabarta dhe mund të ndodh vetëm mbi bazë të bashkëpunimit shtet me shtet", ka thënë Hyseni.

"Kemi një thirrje për të bërë sot. Edhe një herë i bëjmë thirrje Serbisë. Le të fillojmë të bashkëpunojmë si dy shtete fqinje për të mirën e vendeve tona. Kjo është e vetmja rrugë që duhet ndjekur. Mos hidhni më tepër postblloqe diplomatike në këtë rrugë. Këtë po e kërkon bota, këtë po na e kërkojnë miqtë e përbashkët. Le të bëhemi të përgjegjshëm", ka shtuar ai.

Ministri i Jashtëm i Kosovës ka rikujtuar se para më pak se dy vite, me kërkesë të Serbisë, Asambleja e Përgjithshme e OKB-së kërkoi nga GJND-ja të ofrojë një Mendim Këshillëdhënës për pavarësinë e Kosovës. "Atëherë, pata theksuar se 'është për keqardhje që një kërkesë e tillë është paraqitur'. Jo pse kisha dyshime në legjitimitetin dhe të drejtën e Kosovës për pavarësi, por brenga ime ishte se procesi në Gjykatë pashmangshëm do të kishte efekte të vonimit të shumë proceseve që lidheshin me Kosovën, por po ashtu edhe me Serbinë, dhe domosdoshmërisht do të vononte fillimin e normalizimit të marrëdhënieve ndërmjet dy vendeve tona. Po ashtu do t'ju kujtohet edhe deklarata ime e mëtejme lidhur me procesin në GJND të cilën dëshiroj t'a përsëris: ' Dua të ritheksoj përkushtimin tonë ndaj drejtësisë dhe besimin tonë në drejtësi dhe se ne kemi besim të plotë në drejtësinë e GJND-së. Prandaj, kemi besim të plotë se trajtimi dhe vendimi i GJND-së do të jetë i drejtë dhe i paanshëm", është shprehur Hyseni.

Më 22 korrik 2010, GJND-ja e paraqiti Mendimin Këshillëdhënës, të cilin Kosova e mirëpret. Gjykata konkludoi, me shumicë votash, se "Deklarata e Pavarësisë së Kosovës e shpallur më 17 shkurt 2008 nuk kishte shkelur të drejtën ndërkombëtare".

"Mendimi është eksplicit dhe i qartë dhe nuk lë hapësirë për dyshime. Gjykata Ndërkombëtare është deklaruar në favor të Kosovës në të gjitha pikat. Ne tani, presim me padurim njohjet tjera të Kosovës dhe bëj thirrje të gjitha shteteve të cilat e kanë shtyer njohjen e Republikës së Kosovës në pritje të Mendimit të Gjykatës, që tani t'a njohin Republikën e Kosovës. Asgjë në Mendimin e dhënë nga Gjykata nuk krijon dilema rreth shtetësisë së Republikës së Kosovës, që është një fakt i çimentuar. Është e qartë se pavarësia e Kosovës nuk ka krijuar asnjë precedent. Kosova ka është dhe gjithmonë ka qene rast i veçantë, përkatësisht sui generis. Pavarësia e Kosovës është në interes të gjithë Ballkanit Perëndimor. E ardhmja e Kosovës dhe e Serbisë është në Bashkimin Evropian dhe Në NATO. Për këtë arsye duhet të vendosen marrëdhënie të mira fqinjësore. Kjo është kërkesë e jona. Është koha që Serbia të zbatojë përgjegjësitë e saj", ka theksuar ministri Hyseni.

[Neferta]

Prishtinë, 3 gusht - Shtatë zyrtarë të Policisë së Kosovës janë suspenduar nga puna, për shkak të zhdukjes së disa pajisjeve të njësitit të specializuar të policisë, njofton RTK-ja.

Humbja është vërejtur gjatë zhvendosjes së njësiteve të specializuara nga Kishnica e Lebana në kampin Vrellë, në afërsi të aeroportit të Prishtinës. Janë vërejtur se mungojnë disa pajisje policore, përfshirë disa bateri të llojit ”Shtejnlajn”, rripa, një studio muzikore, si dhe një kuti me fishekë për trajnim si dhe një kuti me 1 mijë fishekë. Sipas policisë, ata janë suspenduar për shkak se ose kanë pasur lidhje me procesin e transportit, dislokimit të pajisjeve policore nga dy bazat, ajo e Kishnicës dhe ajo e Lebanës, ose për çështje të sigurisë për të cilat kanë qenë përgjegjës për sigurimin edhe gjatë transportit.

[Neferta]

SHBA PARALAJMËRON KUNDËR ÇDO LLOJ NDIHME NDAJ MLLADIÇIT


Një diplomat amerikan i rangut të lartë paralajmëroi për kundërpërgjigje ndaj rrjetit mbështetës në Bosnje të ish-gjeneralit Ratko Mladiç, i cili kërkohet nga drejtësia për gjenocid.

Një diplomat amerikan i rangut të lartë paralajmëroi për kundërpërgjigje ndaj rrjetit mbështetës në Bosnje të ish-gjeneralit Ratko Mladiç, i cili kërkohet nga drejtësia për gjenocid.

"Jam i bindur se disa masa kundër rrjetit mbështetës të Mlladiçit në Bosnje-Hercegovinë do të ndihmonin Serbinë t'i japë fund arratisë së tij", deklaroi Raffi Gregorian.

Gregorian, i cili ka mbajtur funksione të ndryshme në Bosnje që nga viti 2004, specifikisht atë të këshilltarit kryesor të përfaqësuesit të lartë të komunitetit ndërkombëtar, këto deklarata i bëri me rastin e përfundimit të mandatit të tij.

"Nëse kjo gjë arrihet (...), do të ketë një kontribut të veçantë ndihme ndaj forcave prodemokratike në Serbi, ndaj forcave që mbështesin shtetin e së drejtës dhe për t'i dhënë fund arratisë së Ratko Mlladiçit", theksoi diplomati amerikan.

[Neferta]

Bruksel, 4 gusht – Nuk është e vërtetë as që BE-ja ka hequr dorë nga ideja që të propozojë rezolutën e saj në Asamblenë e Përgjithshme të OKB-së rreth Kosovës, e as që ajo tashmë e ka dorëzuar këtë projektrezolutë. Këtë ia kanë thënë “Kohës Ditore” disa burime diplomatike të vendeve të Bashkimit Evropian duke nënvizuar se „nuk përjashtohet asnjëra nga tri idetë“ rreth kësaj. Ideja e parë ka qenë që, me një kompromis me Serbinë, BE-ja dhe Serbia bashkërisht të dalin me një rezolutë të paqartë, e cila do t’i linte të kënaqura dhe „faqebardhë“ të gjitha palët. Por kjo ide është gjithnjë e më pak e mundshme. Së pari, Serbia para se të shpallej Mendimi i Gjykatës Ndërkombëtare të Drejtësisë kishte refuzuar ofertën që bashkërisht me ekipin e përfaqësueses së lartë të BE-së, Catherine Ashton, ta draftojë propozimrezolutën. Kjo ofertë ka qenë në tavolinë para shpalljes së Mendimit të GJND-së, duke menduar se ky mendim do të jetë neutral. Serbia, e bindur se mendimi do të jetë pozitiv për Serbinë, e kishte refuzuar këtë ofertë. Më pas, edhe pash shpalljes së Mendimit të GJND-së, BE-ja ishte e gatshme për kompromis me Serbinë, për t’i ofruar Serbisë „dorën në këto momente të vështira për klasën politike në pushtet, e cila pësoi disfatë kaq të rëndë“. Por Serbia edhe më shumë irritoi vendet kryesore të BE-së, duke e dorëzuar në OKB tashmë propozimrezolutën e saj në kohën kur rreth të njëjtës konsultohej me disa vende të BE-së. Në këtë mënyrë Serbia pothuajse e ka mbyllur derën që të ketë kompromis me vendet e BE-së dhe që të evitohet konfrontimi në Asamblenë e Përgjithshme të OKB-së me vendet kryesore të BE-së. Megjithatë disa vende që janë kundër njohjes së pavarësisë së Kosovës, kryesisht Greqia dhe Spanja, po bëjnë çmos që ta shpëtojnë Serbinë. Përderisa sjellja e Greqisë duket konstruktive në shikim të parë, Spanja përsëri, sipas burimeve diplomatike, i është kthyer sjelljes agresive kundër Kosovës dhe në mbështetje të qëndrimit të Serbisë duke u bërë përsëri si pengesa kryesore për arritjen e një qëndrimi të përbashkët të BE-së. Por edhe opsioni i kompromisit me Serbinë nuk përjashtohet tërësisht nga BE-ja megjithëse nuk duket më i besueshëm.
Problemi me kompromisin me Serbinë qëndron në faktin se shtetet kryesore, si Britania e Madhe, Franca dhe Gjermania, e në një masë edhe Italia, e konsiderojnë si shumë të dëmshëm tekstin e propozuar nga Serbia. Madje disa diplomatë thonë se „ky tekst është edhe ofendues për shtetet që e kanë njohur Kosovën“ edhe pse Serbia, me disa trika, duke llogaritur se vendet e BE-së nuk do ta lexojnë me vëmendje tekstin e tyre, është orvatur të lërë përshtypjen se teksti është „i balancuar“. „Ne e kemi të qartë se ky tekst është krejtësisht i papranueshëm, sepse e trajton çështjen e statusit të Kosovës si diçka të pazgjidhur. Kosova për 22 vende të BE-së është shtet i pavarur dhe nuk ka më kthim prapa. Këtë e ka bekuar tash edhe GJND-ja dhe ne nuk mund të të pranojmë që të negociohet për statusin e Kosovës më“, i thanë “Kohës Ditore” disa diplomatë të vendeve të BE-së.

Ideja e dytë, njëherësh edhe ajo rreth së cilës më së shumti diskutohet në BE, është ajo që 27 shtetet e BE-së të dalin me një propozimrezolutë të tyre. Ky është një opsion i dëshiruar, sepse do ta paraqiste BE-në si një organizatë unike, e cila di të veprojë si e bashkuar në politikën e përbashkët të jashtme dhe të sigurisë, dhe e cila në skenën botërore, siç është Asambleja e Përgjithshme e OKB-së, do ta dëshmonte një unitet të tillë. Këtë ide e promovojnë më së shumti Britania e Madhe dhe Franca, mbështetur nga Gjermania dhe Italia, por edhe shumë shtete që e kanë njohur Kosovën. Në anën tjetër, është hasur në probleme të mëdha nga ana e vendeve që nuk e kanë njohur Kosovën. Spanja ka qëndrimin më të ashpër në këtë drejtim. Koordinimet rreth kësaj janë duke u bërë nga ambasadorët e vendeve të BE-së në OKB.
Nëse opsioni i paraqitjes së BE-së me një qëndrim të përbashkët nuk do të jetë i mundur, atëherë nuk përjashtohet opsioni i tretë, ai që vendet e BE-së që e kanë njohur Kosovën, me mbështetje nga ana e disa shteteve të tjera që nuk janë anëtare të BE-së, të dalin me propozimin e përbashkët. Ky opsion nuk pëlqehet dhe do të bëhen përpjekje maksimale që të mos ndodhë ky opsion. BE-ja më shumë sesa konfrontimit me Serbinë në Asamblenë e Përgjithshme të OKB-së në shtator druan nga turpi i konfrontimit në mes të vetë shteteve anëtare të BE-së, pasi që disa shtete që nuk e kanë njohur Kosovën, si Spanja, Qiproja, Sllovakia e Rumania, në vend që t’i bashkohen qëndrimit të shumicës së BE-së do të rreshtohen krahas shteteve që mbështesin Serbinë, si Rusia, Irani, Libia, Venezuela, Maroku etj. Por në çdo rast, në BE thonë se Serbia po rrezikon që, pas disfatës në GJND, të prishë edhe gjasat e saja për të hapur rrugën e integrimeve në BE, duke u konfrontuar me vendet kryesore anëtare. „Serbia duhet ta dijë se fati i saj për të ardhmen në BE vendoset nga shtetet anëtare të BE-së e jo nga shtete në Asamblenë e Përgjithshme të OKB-së“. Në BE po ashtu hedhin poshtë spekulimet se po bëhen përpjekje të përbashkëta me Kosovën për të paraqitur propozimrezolutën në Asamblenë e OKB-së. „Ne nuk kemi nevojë të koordinohemi me Kosovën, sepse Kosova nuk është anëtare e OKB-së. Por ajo që ne dëshirojmë shkon në favor të Kosovës“, thotë një diplomat i BE-së.

[Llapjani_HH]

Qeveria ndau 500 mijë euro për veriun e vendit

Qeveria e Kosovës ka miratuar propozim vendimin për ndarjen e mjeteve financiare në vlerë prej 500 mijë euro, për investime kapitale në pjesën veriore të Mitrovicës.

Kryeministri i Kosovës, Hashim Thaçi tha se qeveria në vazhdën e saj të investimeve kapitale për pjesën veriore të Mitrovicës merr vendim për të ndarë edhe 500 mijë euro shtesë për këto investime.

Siç raporton RTK, kryeministri Thaçi ka theksuar se qeveria ka për qëllim zhvillimin e ekonomik të kësaj pjese të vendit dhe ngritjen e mirëqenies për qytetarët e saj.

Në mbledhjen e 136 të qeverisë është larguar nga rendi i ditës Projektligji për statusin dhe të drejtat e dëshmorëve, invalidëve, veteranëve, pjesëtarëve të UÇK-së, viktimave civile dhe familjeve të tyre.

Zëvendëskryeministri, Hajredin Kuqi tha se ky ligj do t’u mundësojë të gjithë pjesëtarëve të këtyre kategorive që të bëjnë jetë dinjitoze. Kuqi tha se ky ligj pritet të miratohet nesër.

Në këtë mbledhje është bërë edhe miratimi i Raportit për Gjashtëmujorin e Buxhetit për vitin 2010. Sipas zëvendësministrit të Ekonomisë dhe Financave, Bedri Hamza, në gjashtëmujorin e parë të viti 2010, buxheti i Kosovës ka shënuar ngritje prej 27 për qind, krahasuar me të njëjtën periudhë të viti të kaluar.
Telegrafi

Për dasmën e synetisë shpenzon rreth 200 mijë euro!

Në kohën kur kriza globale ekonomike ka përfshirë gjithë botën dhe shumë njerëz ndjejnë pasojat serioze të saj, qoftë edhe gjatë përpjekjes për të siguruar nevojat elementare të jetës, disa qytetarë nuk i shmangin shpenzimet e qindra mijëra eurove për një dasmë sa më të veçantë dhe të pazakontë.

Në fshatin Debresh të Gostivarit prej dy ditësh po organizohet një syneti, për të cilën mendohet se janë shpenzuar rreth 200 mijë euro.

Grupe folklorike, këngëtarë të njohur të estradës shqiptare, madje edhe rreth 100 pehlivanë, që kanë ardhur nga vende të ndryshme të rajonit dhe Maqedonia, janë vetëm disa nga aktivitetet e pazakonta të këtij organizimi.

Por, këtyre shpenzimeve marramendëse i është shtuar edhe angazhimi i helikopterit, pasi babai kishte vendosur që djalin ta shëtiste me helikopter përpara synetisë.

“I përshëndes të gjithë mysafirët dhe këngëtarët që kanë ardhur sonte në këtë festë të madhe. Ju përshëndes me gjithë zemër, ju falënderoj me gjithë zemër.. Ma keni bo zemrën mal, ishalla ua kthej të gjithëve për të mirë”, tha Shazo Ferati.

Sabri Fejzullahu, Leonora Jakupi, Sinan Vllasaliu, Ilir Shaqiri, Ermal Fejzullahu, Shkurte Fejza, Remzije Osmani, ishin vetëm disa nga rreth 15 këngëtarët e ftuar në dasmën e familjes Ferati. Edhe këngëtarët ishin mjaft të kënaqur nga ky organizmin.

“Nuk kam kënduar nëpër dasma, mirëpo sinqerisht u mahnita shumë. Nuk mund t’i them dasmë përveç se një festë shumë e madhe... një madhështi, se kisha besuar se do të jetë e llojit të tillë”, u shpreh Leonora Jakupi për Alsat-M .

“Për mua është një dasmë shumë e veçantë e cila ndodh shumë rrallë, zakonisht kombinohemi në dasma shumë emra të ndryshme, por kështu kombinime me kaq shumë këngëtarë nuk ka pas”, theksoi Shkurte Fejza.

Edhe pse organizuesit e dasmës nuk kanë dashur të tregojnë për shumën e shpenzuar, mendohet se shifra arrin deri në 200 mijë euro.

Familja Ferati jeton në Zvicër dhe është pronare e një firme private.

Por dasmat e tilla me harxhime marramendëse janë bërë zakon për këtë periudhë dy mujore verore, veçanërisht në fshatrat e Gostivarit.

Pak kohë më parë në fshatin Gradec, edhe një nuse është marrë me helikopter, angazhimi i të cilit ka kushtuar mbi 30 mijë euro.
Koha.net

[Neferta]

P I SAT

Prishtinë, 4 gusht - Policia ka identifikuar dy të dyshuarit për vrasjen dhe grabitjen e armatosur, që ndodhi dje në orët e hershme të mëngjesit, në një shtëpi në fshatin Vragoli të Fushë-Kosovës. Ata janë Shaqir (R) Kuqi dhe Alfred (F) Zylfaj, të dy nga Suhareka. Policia u ka shpërndarë fotot pikave kufitare e stacioneve policore, sikurse dhe medieve, dhe u bën thirrje qytetarëve të kontaktojnë policinë nëse i vërejnë të dyshuarit.

[Neferta]

Irani është i gatshëm për të kontribuar në vendosjen e paqes dhe sigurisë në Ballkan dhe zgjidhjen e problemeve në rajon, veçanërisht mosmarrëveshjen midis Serbisë dhe Kosovës, "tha Motakireuter-stoyan-nenov_f.jpg?ver=1280936419i, njoftoi Agjencia e lajmeve iraniane Fars.

[Neferta]

Dyzetë miliarderë amerikanë dhe familjet e tyre u angazhuan për të dhuruar gjysmën e pasurisë së tyre për organizatat bamirëse, në kuadër të një nisme të dy personave më të pasur ndërmjet tyre, Bill Gates dhe Warren Buffett.

Themeluesi i CNN-it, Ted Turner, kryebashkiaku i Nju Jorkut, Michael Bloomberg, bashkëthemeluesi i ''Oracle''-s, Larry Ellison si edhe producenti George Lucas bëjnë pjesë në personalitetet, të cilët u bindën nga themeluesi i ''Microsoft''-it për një veprim të tillë.

"Nuk na mbetet gjë tjetër përveçse të fillojmë'', deklaroi Buffett.

Në mes të qershorit, Gates dhe Buffett kishin njoftuar iniciativën e mësipërme te miqtë e tyre miliarderë.

Sipas revistës ''Forbes'', Gates dhe Buffet zenë vendin e dytë dhe të tretë në botë për nga pasuria.

Gates ka një pasuri prej 53 miliardë dollarë. Ndërkohë më i pasuri i botës është bosi i telekomunikacionit meksikan, Carlos Slim, me një pasuri prej 53,5 miliardë dollarësh.

Buffett, 79 vjeç, ka një pasuri prej 47 miliardë dollarësh

[Llapjani_HH]

Në veri sulmohen policët e EULEX-it dhe të Kosovës

Në Zubin Potok dhe në Leposaviq, sot, në orët e hershëm të mëngjesit, kanë ndodhur dy sulme në pjesëtarët e policisë së EULEX-it dhe të Kosovës. Për fat të mirë nuk ka të lënduar. Mirëpo, ka dëme materiale, ka njoftuar policia.

Sulmin në pjesëtarë të policisë së EULEX-it dhe në atë të Kosovës e ka konfirmuar edhe policia në Mitrovicë.

“Në orët e hershem të mëngjesit të enjten ka ndodhur një sulm në një patrullë të policisë së EULEX-it, e cila po kthehej nga pika kufitare në Bërnjak, Zubin Potok, ndërsa sulmi i dytë ka ndodhur në magjistralen e ‘Ibrit’, në fshatin Ibarska Sllatina të Komunës së Leposaviqit, ku është sulmuar autobusi që bartë pjesëtarët e Policisë së Kosovës”, ka thënë Nystret Mehmeti, shefi i njësisë operative rajonale të policisë në Mitrovicë.

Sipas tij në të dy rastet makinat e policisë janë sulmuar me gurë. Për fat të mirë nuk ka të lënduar, ndërsa që dëmet materiale janë të konsiderueshme.

Mehmeti thotë se policia aktualisht nuk ka ndonjë të dyshuar, por po heton rastet.

Burime nga veri pohojnë se sulmin ndaj pjesëtarëve të policisë së EULEX-it dhe të Kosovës e kanë bërë ekstremistë serbë që kanë lidhje me OBRAZ dhe MUP-in serb, dhe që synojnë destabilizimin e situatës në këtë pjesë të Kosovës.

Bëhet e ditur se gjatë sulmit në policinë ndërkombëtar dhe atë të Kosovës, në vendet e sulmit janë dëgjuar edhe të shtëna me armë të zjarrit.

Zyrtarë të policisë në Mitrovicë thonë se policia nuk ka informacion për sulmuesit e mundshëm dhe se nuk ka informacion për të shtëna me armë të zjarrit, por se rasti po hetohet nga njësiti për krime serioze.
Koha.net

[Neferta]

5.08.2010
Pakistani shqyrton njohjen e Kosovës

[Neferta]

Pentagoi i kërkoi faqes informative të internetit Wikileaks "t'i kthejë menjëherë" mijëra dokumentet sekrete për Afganistanin që ka siguruar dhe t'i heqë ato prej saj, njoftoi zëdhënësi i saj Geoff Morrell.

"Departamenti i Mbrojtjes kërkon që Wikileaks t'i kthejë menjëherë qeverisë amerikane të gjitha dokumentet e marra drejtpërdrejt dhe në mënyrë të tërthortë nga baza të dhënash të Departamentit të Mbrojtjes dhe t'i fshijë ato nga faqet, kompjuterat dhe arkivat e saj", bëri të ditur ai në një konferencë shtypi.

"Publikimi nga Wikileaks i një numri të madh të dokumenteve tona i ka vënë tashmë në rrezik trupat tona, trupat aleate dhe qytetarët afganë që punojnë me ne dhe publikimi i informacioneve të tjera sekrete vetëm sa mund ta keqësojë situatën", shtoi ai, ndërkohë që faqja e internetit njoftoi se parashikon të publikojë 15 000 dokumente të tjera.

Faqja e internetit Wikileaks, e krijuar në vitin 2006 dhe e specializuar për zbulimin, ka publikuar tashmë përpara rreth 10 ditëve afro 92 000 arkiva sekrete që japin më tepër të dhëna rreth luftës në Afganistan, me të dhëna rreth viktimave civile dhe rreth lidhjeve të supozuara mes Pakistanit dhe rebelëve.

Publikimi i këtyre dokumenteve ka sjellë kritika të ashpra nga Shtëpia e Bardhë, Pentagoni dhe nga Presidenti afgan Hamid Karzai.

[Neferta]

Polonia ka vendosur të dorëzojë agjentin Izraelit në Gjermani

1. Gjykata e apelit në Poloni ka vendosur të dorëzojë në Gjermani agjentin izrealit që dyshohet se ka marrë pjesë në vrasjen e një komandanti të Hamasit në Dubai.Uri Brodsky është i dyshuar, se me ndihmën e një pasaporte gjermane ka mundur të kryej vrasjen e Mahmud al-Mabhouh në muajin janar.
   Brodsky një qytetarë i Izraelit u arrestua në Poloni në muajin qershorë, pas një urdhër arresti të lëshuar nga Gjermania.
   Agejntët sekret të Mossad janë të dyshuar se kanë vrarë militantin palestinez.
   Policia e Dubait ka thënë se 99% janë të sigurtë se anëtarë të agjensisë së shërbimit të fshehtë izrealit ishin të përfshirë edhe pse Izraeli zyrtarë e mohon një gjë të tillë.
   Pasaportat e falsifikaura nga Britania e Madhe, Republika e Irlandës, Franca, Australia dhe Gjermania u përdorën në operacionin e Dubait, duke ngushtuar kështu marrëdhëniet diplomatike të këtyre vendeve me Izraelin.
   Britania dhe Australia kanë dëbuar diplomatët e Izraelit në lidhje me fallcifikimet e dokumenteve.
   Ndërsa policia e Dubait ka indentifikuar më shumë se 30 të dyshuar që janë përfshirë në rastin në fjalë. (aktualiteti)
   
   

[Neferta]

Një grua ka tentuar të vetëvritet duke u hedhur nga kati i tretë i një ndërtese pasi kishte vrarë tre fëmijët e saj.
Ajo është gjetur në gjendje të rëndë dhe është çuar në spital nga kalimtarë të rastit.

Bëhet fjalë për tre fëmijë italoamerikanë që jetonin në Edinburg.

Viktimat dy vëllezër tetë vjeç dhe motra e tyre 5 vjeçe, janë gjetur të vdekur në një shtëpi ku kishte ndodhur një shpërthim.

Ndaj gruas ishte lëshuar një mandat kërkimi pasi nuk ishte paraqitur në seancën gjyqësore të divorcit nga i shoqi.

Gruaja ishte zhdukur edhe më parë së bashku me tre fëmijët të gjetur më pas në Edinburg.
6. 08. 2010.