Lajme Aktuale....

[Llapjani_HH]

Forcimi i strukturave paralele (ilegale)

Përfaqësuesit e strukturave paralele serbe në veri të Kosovës thonë se nuk i shqetëson fakti që organet, të cilat i drejtojnë, konsiderohen ilegale dhe të papranueshme nga institucionet e Kosovës dhe ato të pranisë ndërkombëtare.

Duke mos i njohur institucionet e shtetit të Kosovës, këta përfaqësues thonë se gradualisht edhe ajo pjesë e pranisë ndërkombëtare që nuk i njeh institucionet e pushtetit paralel të Serbisë në Kosovë, do t’i pranojë ato, pasi që, sipas tyre, ata janë përfaqësuesit legjitimë të serbëve.

Marko Jakshiq, nënkryetar i Asamblesë së Komunave Serbe të Kosovës, organ ky i cilësuar si ilegal nga Prishtina zyrtare, thotë se nuk është e gjithë bashkësia ndërkombëtare kundër strukturave të pushtetit të Serbisë në Kosovë.

“Kjo nuk është bashkësia ndërkombëtare. Aty janë vetëm vendet perëndimore. Bashkësia ndërkombëtare përbën një numër më të madh shtetesh, si Rusia, Kina e India, të cilat nuk e pranojnë shtetin e Kosovës”, thotë Jakshiq për Radio Evropa e Lirë.

Ndërkohë, edhe sekretari në Ministrinë për Kosovën në Qeverinë e Serbisë, Oliver Ivanoviq beson se udhëheqësit e strukturave të pushtetit paralel një ditë do të merren seriozisht nga ndërkombëtarët, duke i njohur ata si përfaqësuesit legjitimë të serbëve.

“Është krejtësisht e parëndësishme ajo që përfaqësuesit ndërkombëtarë e përsërisin, se nuk do të na njohin, ngase ata nuk do të kenë bashkëbisedues të tjerë”, thotë Ivanoviq.

Duke besuar se udhëheqësit e strukturave paralele janë të zgjedhurit e serbëve, Ivanoviq pret që edhe bashkësia ndërkombëtare t’i trajtojë ata si liderë të vërtetë të këtij komuniteti, duke i injoruar serbët që marrin pjesë në institucionet e shtetit të Kosovës.

Zgjedhjet e fundit lokale serbe në Mitrovicë, të mbajtura më 30 maj të këtij viti, sollën si rezultat formimin e komunës serbe të Mitrovicës, e cila nuk njihet nga Qeveria dhe institucionet e Kosovës.

Kryetarja e zgjedhur nga ky proces, i cilësuar si ilegal, Ksenija Bozhoviq, pret që në rend të parë të bashkëpunojë me përfaqësuesit e Kombeve të Bashkuara, në kuadër të misionit të UNMIK-ut.

Sidoqoftë, Zyra Civile Ndërkombëtare dhe Qeveria e Kosovës tashmë po punojnë që në Mitrovicë dhe komunat veriore, bazuar në Planin e Ahtisaarit dhe procesin e decentralizimit, të organizojnë zgjedhje të lira, duke synuar kështu vendosjen e ligjshmërisë atje, në harmoni me Kushtetutën e Republikës së Kosovës.

Tags: Veriu i Kosovës, strukturat paralele, Marko Jakshiq

Me zgjedhjet e fundit komunale, institucionet e Kosovës kanë margjinalizuar në një masë të caktuar strukturat e pushtetit të Serbisë në pjesën qendrore dhe lindore të vendit, duke ngritur institucione legale nëpër komunat, ku serbët përbëjnë shumicën.

Por, veriu mbetet ende një hapësirë ku këto struktura funksionojnë tërësisht jashtë kontrollit të autoriteteve të Kosovës dhe pranisë ndërkombëtare, andaj zgjedhjet atje dhe shuarja e strukturave paralele shihen si më sfiduese.
Koha.net

Ende nuk dihet fati i pushimores së fëmijëve “Pishat e Deçanit”

Largimi i forcave paqeruajtëse ndërkombëtare nga kompleksi i objekteve të pushimores së fëmijëve në Deçan “Pishat e Deçanit” dhe kthimi i saj fëmijëve të Kosovës po bëhet një proces gjithnjë e më i ndërlikuar sesa që është deklaruar muajt e kaluar nga forcat italiane të KFOR-it, të cilat para 11 viteve e shndërruan atë në kamp ushtarak.

Që nga fillimi i këtij viti është proklamuar largimi i forcave italiane nga pushimorja, kur edhe janë ulur në tavolinë ushtarakët italianë, pushtetarët deçanas dhe priftërinjtë e Manastirit të Deçanit, që të gjejnë zgjidhjen më të mirë për të gjitha palët.

Në fillim të pranverës ishte caktuar muaji qershor si datë e lirimit të pushimores “Pishat e Deçanit”, por këtij vendimi nuk i janë përmbajtur forcat italiane të KFOR-it, të cilat duket që nuk i kanë më kompetencat e vendimit për lirimin e pushimores, pasi që në deklaratën zyrtare të KFOR-it për KosovaLive nuk jepen sqarime dhe përgjigje konkrete lidhur me pyetjet e parashtruara për arsyet e mospërmbajtjes së premtimeve të dhëna.

“Transferimi i përgjegjësive nuk është implementuar në mënyrë autonome nga KFOR-i, sipas direktivave nga ana e Komandës Aleate Strategjike për Evropë e NATO-s me seli në Bruksel, e cila mbështetet në vlerësimin e komandantit operativ për kushtet e sigurisë.

Kurse për çdo informatë tjetër për çështjen e pushimores drejtohuni Komandës kryesore të KFOR-it në Prishtinë”, deklaroi shefi i Zyrës për informim i Grupit Shumëkombësh Luftues Perëndim, nënkoloneli Angelo Vesto.

Derisa më herët flitej për kohën kur mund të lirohet pushimorja, tash forcat italiane nuk japin datë të caktuar kur mund të ndodhë kjo, përveç që premtojnë se të gjitha transferimet do të realizohen me transparencë maksimale dhe pa asnjë befasi.

Edhe po të lirohej pushimorja, Komunës së Deçanit nuk do t’i lejohet menaxhimi i këtij kompleksi, ngase kjo është menduar t’i besohet “Karitasit” italian, i cili, me dëshirën e vet apo me kërkesë të dikujt tjetër, ka paraqitur një ofertë.

“Kemi formuar një komision për vlerësimin e kësaj oferte dhe tash komisioni është duke e shqyrtuar atë.

“Karitasi” italian dëshiron ta marrë pushimoren në menaxhim për 30 vjet, por ne jemi të pajtimit vetëm për 10 vjet”, jep një arsye të mundshme të bllokimin e procesit për lirimin e pushimores, kryetari i Deçanit, Rasim Selmanaj, i cili në fakt është më tepër në rolin e shikuesit sesa të vendimmarrësit në këtë çështje.

Selmanaj nuk përmend ndonjë arsye tjetër për mbetjen peng të pushimores, megjithëse ai nuk e mohon ekzistimin e problemeve më të thella.

Manastiri i Deçanit nuk përmendet nga asnjëra palë si faktor bllokues për lirimin e pushimores, por fakt është se kjo pushimore së bashku me shumë ndërmarrje të tjera me rreth një mijë hektarë tokë tash konsiderohen “pronë” e Manastirit me Pakon e Ahtisaari-t, pasi me atë pako përcaktohet se çdo tokë apo ndërmarrje që ndodhet në “zonën mbrojtëse” është pasuri e Manastirit, prandaj Manastiri e ka fjalën e fundit për çdo vendim që ka të bëjë me tokat në këtë zonë, përfshirë edhe shumë prona private, pronarëve të të cilave edhe më tej po u mohohet e drejtat mbi pronën.
Koha.net

[Llapjani_HH]

Komunizmi në EULEX

Deputeti Nait Hasani ka akuzuar edhe shtatë ish-udhëheqës kosovarë të kohës së Jugosllavisë. Ata i ka paditur për krime kundër njerëzimit dhe gjenocid. Hasani tashmë padinë e re me emra dhe fakte të zgjeruara, e ka dorëzuar edhe në EULEX. Ai i bën thirrje Prokurorisë së Kosovës, Gjykatës dhe EULEX-it, që këta ish-funksionarë të lartë të dënohen për veprat që kanë bërë.

Nait Hasani, deputet i Kuvendit të Kosovës nga radhët e PDK-së, padinë që e ka bërë kundër udhëheqësve të Kosovës në kohën e ish-Jugosllavisë dhe pjesëtarë të aparatit shtetëror të asaj kohe, tashmë e ka dorëzuar edhe në EULEX.

Përveç EULEX`it, kjo padi tashmë është deponuar dhe në Prokurorinë Publike të Qarkut në Prishtinë dhe në Prokurorinë Speciale të Kosovës.
Gazeta ka arritur ta sigurojë këtë padi, e cila është dorëzuar në EULEX më 29 korrik 2010.

Padisë i janë shtuar edhe emrat e shtatë personave që kanë qenë në funksione të ndryshme në kohën e ish-Jugosllavisë.

Hivzi Sylejmani, Bajram Tmava, Bajram Maraj, Mehmet Hoxha, Kolë Shiroka, Syrja Popovci, Kurtesh Salihu, Riza Sapunxhiu janë emrat e rinj që janë futur në kallëzimin penal që është dorëzuar në Prokurorinë e EULEX-it.

Në padi thuhet se në bazë të nenit 198 paragrafi 1 të KPPK-së thuhet se plotësohet, precizohet, zgjerohet dhe përmirësohet kjo padi ndaj 39 udhëheqësve në kohën e ish-Jugosllavisë.

Të paditurit e mëhershëm nga deputeti Nait Hasani janë Fadil Hoxha, Sinan Hasani, Dushan Mugosha, Ali Shukriu, Rexhai Surroi, Ymer Pula, Veli Deva, Xhevdet Hamza, Xhavit Nimani, Sahit Zatriqi, Mehmet Maliqi, Mehmet Shoshi, Jusuf Karakushi, Mahmut Bakalli, Azem Vllasi, Remzi Kolgeci, Rrahman Morina, Jusuf Zejnullahu, Hashim Rexhepi, Metë Kuçi, Mehmet Lumi, Hasan Mehmeti, Ibush Kllokoqi, Nazmi Mustafa, Xhemshit Duriqi, Hazër Susuri, Nikë Lumezi, Miftar Jasiqi, Hilmi Zhitia, Rexhep Haxhimusa dhe Vesel Latifi.

Sipas kësaj padie, e cila është dorëzuar nga avokati Bajram Krasniqi, i autorizuar nga deputeti Nait Hasani, thuhet se këta persona akuzohen për vepra penale krime kundër njerëzimit, gjenocid e vepra të tjera të rënda penale.

Deputeti i PDK-së ka thënë se këta persona janë pjesëmarrës të Masakrës së Tivarit, të Lidhjes së Dytë të Prizrenit, të Byrosë Informative të njohur si Gol Otok, të shpërnguljes masive, ose aksionit të armëve në kohën e Rankoviqit dhe mbështetës të politikës së Rankoviqit për shpërnguljen e 250 mijë shqiptarëve për në Turqi, po ashtu janë pjesëmarrës të ngjarjeve të viteve 1968, 1981, 1990 e tutje.

”Unë i kam mbledhur personat në fjalë, të cilët prej vitit 1945, kur është mbajtur më 10 qershor 1945 në Prizren, Lidhja e Dytë e Prizrenit, që është vendosur që Kosova të bashkohet me Serbinë dhe prej aty kanë filluar masakrat kundër popullit shqiptar në Kosovë. Nga këta njerëz, të cilët të inspiruar nga lufta e tyre, atëherë “liridashëse”, dhe këta kanë bërë krime kundër njerëzimit ndaj popullit të vet”, pati thënë Nait Hasani kohë më parë.

Ai ka thënë për Express se pret nga EULEX-i që të ndërmarrë hapa konkretë duke thënë se personat e përfshirë në këtë akuzë duhet të dënohen për veprat që i kanë bërë.

“I bëj thirrje Prokurorisë së Kosovës, EULEX-it, që personat që kanë bërë krime, e që janë përfshirë në padi, të dënohen”, thotë Nait Hasani.

Në listën e të paditurve të deputetit Hasani ka edhe persona që tashmë nuk janë gjallë.

Për këta persona, Nait Hasani ka thënë se duhet të ketë një dënim moral, ndërkaq ata që janë sot në pozita nëpër pushtet, duhet të deklarohen për krimet e bëra dhe të japin dorëheqje morale.

Të gjithë këta persona të përmendur në padi akuzohen për krim kundër njerëzimit dhe gjenocid.
Në padi për secilin është dhënë edhe arsyetimi për këta persona se duhet të dënohen për veprat e kryera në kohën e ish-Jugosllavisë.

Fadil Hoxha, Sinan Hasani, Mehmet Hoxha, Dushan Mugosha, Ali Shukriu, Hivzi Sylejmani, Kolë Shiroka, Ymer Pula, Xhavit Nimani, Xhevdet Hamza, Mehmet Maliqi- Cikulli, Veli Deva dhe Sahit Zatriqi, sipas padisë, bazuar në Kodin Penal të Kosovës, neni 117, akuzohen për vrasje, shfarosje, skllavërim, depërtim ose përzënie me dhunë e popullsisë, burgosje ose privime të tjera të rënda të lirisë fizike në kundërshtim me rregullat themelore të së drejtës ndërkombëtare, persekutim të një grupi ose kolektivi të identifikuar për arsye politike, kombëtare etnie etj, zhdukje e detyruar e personave, krim i aparteidit etj.

Hasani e ka bërë këtë kallëzim penal në mënyrë individuale, mirëpo nuk e përjashton mundësinë që të ketë padi të tjera nga Shoqata e të burgosurve politikë dhe nga Këshilli për Mbrojtjen e të Drejtave dhe Lirive të Njeriut.

Personat që janë përfshirë në padinë e fundit:
Hivzi Sylejmani,
Bajram Tmava,
Bajram Maraj,
Mehmet Hoxha,
Kolë Shiroka,
Syrja Popovci,
Kurtesh Salihu,
Riza Sapunxhiu.

Personat që janë paditur kohë më parë:
Fadil Hoxha,
Sinan Hasani,
Dushan Mugosha,
Ali Shukriu,
Rexhai Surroi,
Ymer Pula,
Veli Deva,
Xhevdet Hamza,
Xhavit Nimani,
Sahit Zatriqi,
Mehmet Maliqi,
Mehmet Shoshi,
Jusuf Karakushi,
Mahmut Bakalli,
Azem Vllasi,
Remzi Kolgeci,
Rrahman Morina,
Jusuf Zejnullahu,
Hashim Rexhepi,
Metë Kuçi,
Mehmet Lumi,
Hasan Mehmeti,
Ibush Kllokoqi,
Nazmi Mustafa,
Xhemshit Duriqi,
Hazër Susuri,
Nikë Lumezi,
Miftar Jasiqi,
Hilmi Zhitia,
Rexhep Haxhimusa dhe
Vesel Latifi.

Fakte:
Faktet të cilat janë përfshirë në kallëzimin penal janë të ndryshme. Ato fillojnë që nga dëshmitë e botuara të atyre që i kanë mbijetuar Masakrës së Tivarit në vitin 1945, e deri te librat hulumtues të botuar vite më vonë. Akuzat me të cilat këta persona ngarkohen, janë të ndryshme dhe fillojnë që nga viti 1945, shpërnguljet në Turqi, demonstratat e ndryshme, e deri te bashkëpunimi i tyre në vitet ‘90 me ish-regjimin serb.
Gazeta expres

[Llapjani_HH]

LDK-ja “jeton” e poshtëruar nga PDK-ja

Kryeministri i Kosovës, Hashim Thaçi (PDK) është duke bërë gabime, por ato duhet të korrigjohen nga anëtarët e kabinetit qeveritar dhe pjesëtarët e opozitës, ka deklaruar ministri i Shëndetësisë në Qeverinë e Kosovës, Bujar Bukoshi (LDK).

Bukoshi për të relativizuar paksa “kritikat” ndaj Thaçit, ka thënë se nuk ka qeveri ideale. “Sigurisht që ka gabime. Edhe unë kur kam qenë kryeministër kam bërë gabime, por qëllimi është që gabimet të parandalohen... Unë mendoj po ashtu se janë bërë përparime nga qeverisja aktuale”.

Lidhja Demokratike e Kosovës (LDK), sipas ministrit Bukoshi, vazhdon të “jetojë” e poshtëruar dhe e nënshtruar përballë partnerit të koalicionit qeverisës, Partisë Demokratike të Kosovës (PDK).

“Ky problem daton prej formimit të koalicionit të madh, i cili mund të thuhet se nuk ka funksionuar për shkak të raportit jo të barabartë mes dy partnerëve kryesor qeverisës. LDK-ja ka qenë shumë e dobët, e poshtëruar dhe e nënshtruar karshi PDK-së. Dhe, këto janë probleme me të cilat duhet të merret LDK-ja”.

Në një intervistë për Zërin, Bukoshi po ashtu ka thënë se nëse kryetari i Prishtinës, Isa Mustafa do të kandidohej për kryetar të LDK-së, atëherë ai do ta përkrahte pa asnjë rezervë.

LDK-ja, sipas tij nuk do të dëshmojë asnjë vlerë dhe as demokraci të brendshme, në qoftë se presidenti Fatmir Sejdiu, i cili pritet të jetë kandidati i vetëm për kryetar të partisë, nuk do të ketë kundërkandidat gjatë zgjedhjeve të brendshme partiake në vjeshtën e këtij viti.

Ish-kryeministri në ekzil, Bukoshi, nuk heziton të pranojë se në 100 ditët e marrjes së postit të ministrit të shëndetësisë nuk janë arritur suksese, të mëdha, por megjithatë vlerëson se janë bërë “disa punë të mira”. Sipas tij sigurimet shëndetësore vazhdojnë të mbesin sfidë për dikasterin që drejton. Telegrafi

Fija e parë

Prokurorët e EULEX’it i kanë rënë në gjurmë vjedhjes së një viti më parë në Dhomën e Dëshmive. Ata i kanë identifikuar të dyshuarit. Hetimet komplekse për këtë çështje ende po vazhdojnë. Më në fund, duket se ngjarjes së rëndë për reputacionin e Policisë së Kosovës i është gjetur filli.

Prokuroria Speciale e Kosovës, saktësisht prokurorët e EULEX-it, duket se më në fund kanë gjetur fillin e lëmshit në lidhje me rastin e vjedhjes në dhomën e dëshmive.

Ngjarja e rëndë për reputacionin e Policisë së Kosovës, ku ishte vjedhur drogë e para, ka ndodhur në prill të vitit të kaluar, ndërkohë që deri më tash, hetimet nuk kanë sjellë ndonjë rezultat konkret.

Por më në fund, duket se diçka ka lëvizur në zbardhjen e rastit më të rëndë për policinë e vendit.

Edhe pse deri më tash në lidhje me këtë rast, vetëm janë marrë në pyetje disa persona dhe janë suspenduar për kohë të shkurtër disa policë, duket se të dyshuarit janë gjetur.

“Në lidhje me këtë rast, ka persona të dyshuar dhe kemi arritur t’i identifikojmë ata”, thotë Kristiina Herodes, një nga zëdhënësit e EULEX-it për Express.

Por ajo nuk jep shumë detaje duke u arsyetuar se meqë hetimet janë shumë komplekse dhe se janë duke vazhduar, atëherë nuk mund të tregojë detajet për të mos dëmtuar hetimet.

“Prokuroria Speciale është duke u marrë me këtë rast dhe hetimet janë duke vazhduar”, thotë zëdhënësja Herodes.

Sipas saj, edhe Policia e Kosovës është duke e kryer një pjesë të punës së vet, ndërkohë që pjesa tjetër e punës është duke u bërë nga EULEX-i.

Në lidhje me këtë rast, zyrtarë të Policisë së Kosovës nuk duan të japin shumë sqarime, por në të njëjtën kohë shpjegojnë se kanë bashkëpunim shumë të mirë me EULEX-in.

“Por për raste të caktuara dhe procese të hetimeve të caktuara, ka detaje që nuk mund të bëhen publike për opinion”, thotë Arbër Beka, zëdhënës i Policisë së Kosovës.

Ndërkohë, burime të gazetës brenda Policisë së Kosovës, shpjegojnë se në fillim kanë qenë ata që kanë nisur menjëherë hetimet për këtë rast.

“Pas pak kohësh, EULEX-i e ka marrë rastin dhe ata janë duke e hetuar tërësisht çështjen, duke përfshirë prokurorë dhe hetues”, thotë një zyrtar i lartë i Policisë së Kosovës për Express.

Megjithëkëtë, sipas tij, askush nuk e ndalon Policinë e Kosovës që të arrestojë ndonjë person nëse për të gjen fakte të mjaftueshme.

Ky zyrtar shpjegon se tash për tash, interesimi i medieve në drejtim të Policisë së Kosovës, për të kuptuar për hetimet në lidhje me këtë rast, është i gabueshëm.

“Ne nuk kemi asnjë të dhënë sa i përket kësaj dosjeje, përveç hetimeve fillestare”, thotë burimi i gazetës.

Pas vjedhjes në dhomën e dëshmive, Policia kishte suspenduar pesë zyrtarë të saj, prej të cilëve një nënkolonel, dy majorë dhe dy oficerë të sigurimit.

Por të njëjtit, dy javë më vonë, janë kthyer sërish në vendet e tyre të punës pasi në atë kohë ishte thënë se nuk janë gjetur dëshmi të mjaftueshme.

Në dhomën e cila do të duhej të ishte e sigurt, janë vjedhur 47 kilogramë e 627 gramë substanca narkotike të llojit heroinë, 7 bimë kanabis, 3 mijë e 828 euro para të gatshme, 520 rupi indianë, 6.5 milionë lira turke, 5 mijë lejë rumunë, 950 lekë shqiptarë dhe një çantë e zezë sportive.

Ish-të suspenduarit

Eprorët e suspenduar, të kthyer në punë janë: nënkolonel Fatos Haziri, zëvendësi i tij, majori Haxhi Krasniqi dhe majori Senan Kelmendi si dhe dy oficerë të sigurimit.

Por ata kanë nisur punën në Policinë e Kosovës në pozita të tjera nga ato që kanë mbajtur deri në përfundimin e hetimit nga ana e Inspektoratit të Policisë.

Përkundër kërkesës së vazhdueshme të deputetëve, analistëve dhe ekspertëve të sigurisë se përgjegjësia për këtë vepër duhet të bjerë mbi drejtuesit më të lartë të sigurisë në vend – skandali i vjedhjes në polici kishte ndikuar vetëm në suspendimin e këtyre pesë zyrtarëve policorë, të cilët së fundi janë kthyer në punë.
Gazeta expres

UNMIK: Vendos KS-ja, e jo Prishtina

Derisa Këshilli i Sigurimit të vendosë ndryshe, ne do të vazhdojmë punën tonë, thonë përfaqësues të misionit të OKB-së në Kosovë.

Zhvleftësimi i Rezolutës 12 44 të Këshillit të Sigurimit, mbi të cilin bazohet puna e UNMIK-ut, ishte kërkuar sërish nga Prishtina zyrtare. Pas mendimit të Gjykatës Ndërkombëtare të Drejtësisë, i cili flet edhe për Rezolutën 12 44, duket të jenë shkaktuar disa paqartësi lidhur me masat legale që mund të ndërmerren për ta larguar UNMIK-un nga Kosova dhe për t’i dhënë fund 12 44-shit.

Administrata e Kombeve të Bashkuara në Kosovë duket se nuk ndihet e kërcënuar nga kërkesat e vazhdueshme të Prishtinës zyrtare për zhvleftësimin e Rezolutës 12 44 të Kombeve të Bashkuara.

Një kërkesë e tillë u paraqit edhe në seancën e fundit për Kosovën të Këshillit të Sigurimit të OKB-së. Veprimi i diplomacisë kosovare u quajt i gabuar ngase, siç thuhej, me mendimin këshillëdhënës të Gjykatës Ndërkombëtare të Drejtësisë është konsumuar Rezoluta 12 44.

Në UNMIK thonë se është në duart e Këshillit të Sigurimit të vendosë për ndryshimet eventuale. Zëdhënësi i këtij misioni, Rasëll Gik, thekson se UNMIK-u do të vazhdojë punën derisa Këshilli i Sigurimit të vendosë ndryshe.

“UNMIK-u do të vazhdojë të punojë në kuadër të mandatit të tij që vjen nga Këshilli i Sigurimit, derisa Këshilli i Sigurimit vendos ndryshe. Mendoj se ajo që kemi dëgjuar në seancën e fundit për Kosovën në Këshilli të Sigurimit, ishte një mbështetje për punën tonë nga anëtarët e këshillit”, deklaron Giki.

Opozita në Kosovë, ndërkaq, vlerëson se Prishtina zyrtare, që nga procesi në GJND duhet ta injorojë 12 44-shin dhe të veprojë si shtet.

Sekretari i përgjithshëm i Aleancës për Ardhmërinë e Kosovës, Burim Ramadani, sugjeron që Prishtina zyrtare të shfrytëzojë sesionin e 64-të të Asamblesë së Përgjithshme të OKB-së për të aplikuar për anëtarësim në OKB pa u thirrur në Rezolutën 12 44, por duke u bazuar në opinionin këshillëdhënës të GJND-së, i cili, sipas tij, e ka vendosur de fakto Kosovën në një pozicion të pakthyeshëm politik e legal.

“Kosova nuk duhet të vendoset në pozicion defansiv për të filluar debatin nëse 12 44-shi është gjallë ose jo. 12 44-shi faktikisht nuk është më i gjallë dhe Kosova duhet të jetë në ofensivë në këtë drejtim”, shprehet Ramadani.

Pavarësisht karakterit këshillëdhënës të mendimit të GJND-së, i cili nuk obligon asnjërën palë për veprime të caktuara, analistët në Prishtinë thonë se Kosova do të duhej të përfitonte nga vlerësimet e trupit më të lartë të drejtësisë në botë.

Analisti Halil Matoshi, pohon që në aspektin legal 12 44-shi mbetet ende në fuqi dhe se për shkak të përbërjes së Këshillit të Sigurimit nuk mund të pritet ndonjë ndryshim i saj.

Megjithatë, ai thotë se duhet të priten zhvillimet në Nju-Jork në vjeshtën e këtij viti.

“Besoj që Asambleja e Përgjithshme do t’u bëjë kërkesë palëve si shtete -Serbisë dhe Kosovës, që të bisedojnë për çështje të kufijve, të krimit të organizuar, luftimin e trafikimit dhe të tjera”, thekson Matoshi.

Rezoluta 12 44 ishte miratuar më 10 qershor të vitit 1999. Në mendimin e GJND-së thuhet se qëllimi i dokumentit në fjalë ishte krijimi i një regjimi të përkohshëm e të jashtëzakonshëm juridik që synon stabilizimin e Kosovës dhe se si i tillë, është projektuar për ta bërë këtë në një bazë të përkohshme.
Radio Evropa e Lirë

[Llapjani_HH]

Ivanoviq: Ndarja e Kosovës, nuk përjashtohet

Në Serbi nuk bisedohet për idenë e ndarjes së Kosovës, por kjo ide nuk mund të përjashtohet, tha Oliver Ivanoviq, sekretar shtetëror në Ministrinë për Kosovën, në Qeverinë e Serbisë. Në intervistën për Radion Evropa e Lirë, ai i quajti të nevojshme bisedimet në mes të Kosovës dhe Serbisë, pavarësisht qëndrimeve diametralisht të kundërta të të dyja palëve. Sipas tij, Kosova dhe Serbia duhet të kërkojnë një zgjidhje të pranueshme për të dyja palët.

RADIO EVROPA E LIRË
Zoti Ivanoviq, mendimi këshillëdhënës i Gjykatës Ndërkombëtare të Drejtësisë për pavarësinë e Kosovës tashmë është i ditur. Për mesin e shtatorit është paralajmëruar seanca e Asamblesë së Përgjithshme të Kombeve të Bashkuara. Çfarë prisni nga kjo seancë?

OLIVER IVANOVIQ
Unë po shpresoj që Asambleja e Përgjithshme, megjithatë do të përpiqet të korrigjojë efektin negativ, të cilin e ka krijuar mendimi këshillëdhënës i Gjykatës Ndërkombëtare të Drejtësisë dhe se do ta pranojë rezolutën e Serbisë.

Por, sido që të jetë, kjo seancë e Asamblesë së Përgjithshme, duhet të paraqesë rrugën hyrëse për bisedime. Bisedimet janë të nevojshme dhe kjo është më se e dukshme. Vetëm se dallimi është që njëra palë, shqiptarët, konsiderojnë se me ta mund të bisedohet vetëm për çështjet teknike.

Ndërkaq, ne mendojmë se çështjet teknike janë të rëndësishme dhe se për to duhet të bisedohet, por edhe statusi gjithashtu ende nuk është përfundimisht i definuar dhe si i tillë do të jetë, tash dhe në të ardhmen, shkaktar i destabilitetit politik.

RADIO EVROPA E LIRË
Autoritetet në Kosovë kanë thënë se Serbia do të marrë goditje të reja, befasuese dhe se ato, siç kanë thënë ata, do të jenë rezultat i veprimeve të vetë Serbisë. Cili është komenti juaj lidhur me këtë?

OLIVER IVANOVIQ
Mendoj se kjo më shumë ka të bëjë me një lloj propagande dhe reklamë, e cila është e destinuar për opinionin publik vendor. Do të thotë, përfaqësuesit e institucioneve në Prishtinë iu flasin kështu shqiptarëve të Kosovës në Prishtinë, të cilët kanë probleme të mëdha sociale dhe papunësi të madhe.

Në këtë mënyrë ju japin, të them ashtu, një lodër, me të cilën do të mashtrohen, në mënyrë që thjesht të kalojë edhe pak kohë. E, nuk po zgjidhen problemet e mëdha sociale.

Kanë probleme me korrupsionin dhe krimin e organizuar. Ndërkaq, në vazhdimësi keni deklarata të tilla bombastike në mediat e Kosovës, të cilat iu drejtohen njerëzve që i lexojnë ato.

RADIO EVROPA E LIRË
Në vazhdimësi ekzistojnë zëra që thonë se bisedimet teknike në mes të Kosovës dhe Serbisë janë të domosdoshme. Në anën tjetër, disa politikanë serbë vlerësojnë se shumica e çështjeve të ashtuquajtura teknike, prekin edhe çështjen e statusit të Kosovës. A mendoni se do të ketë bisedime, duke pasur parasysh pozicionimet e kundërta të autoriteteve të Kosovës dhe të atyre në Serbi?

OLIVER IVANOVIQ
Unë mendoj se bisedime do të ketë dhe se ato janë nevojë e situatës dhe nevojë e momentit. Zgjidhja e disa çështjeve teknike janë të nevojshme për shqiptarët, për serbët dhe gjithë të tjerët.

Por, e thënë objektivisht, është vështirë të bisedohet për çështje teknike, si për shembull problemet e energjisë elektrike, nëse nuk vërtetohet se kush është sovran që të sjellë vendimin që të vihet në punë shërbyesi i dytë.

Pastaj, për telekomunikacionin, duhet të vërtetojmë se kush është sovran që të sjellë vendime lidhur me këtë. A duhet këtë ta bëjnë vetëm institucionet në Prishtinë, apo duhet që ta kenë edhe përkrahjen, fundja, të bashkësisë ndërkombëtare, nëse nuk dëshirojnë që serbët t’i përfshijnë në procesin e sjelljes së vendimeve?

RADIO EVROPA E LIRË
E gjithë kjo, a vendos disa barriera që këto bisedime të mos fillojnë fare?

OLIVER IVANOVIQ
Unë nuk mendoj se kjo do të jetë barrierë. Thjesht, bisedimet do të duhet të fillojnë, vetëm se është i rëndësishëm formati, sepse, nga ajo që Serbia nuk do të tërhiqet, është formati ku do të ulen të dyja anët dhe në mes është prania e UNMIK-ut, nga e cila nuk do të hiqet dorë, Do të thotë, UNMIK-u është i vetmi që ka legjitimitetin e politikës së jashtme.

RADIO EVROPA E LIRË
Çfarë mendoni se do të mund t’i zbuste qëndrimet diametralisht të kundërta të të dyja palëve në bisedimet eventuale?

OLIVER IVANOVIQ
Ndonjë perspektivë e qartë evropiane dhe, do të thosha, harta e rrugës, e cila do të kishte edhe kohët kalimtare dhe pikët kalimtare, si dhe vërtetimin e të arriturave.

Kjo do të mund të ishte atraktive për të dyja anët dhe mendoj se kjo do të sillte deri te relaksimi dhe marrëveshja, sepse kjo që tash kemi, është zgjidhje e njëanshme, e cila i intereson vetëm njërës prej dy palëve të interesuara.

RADIO EVROPA E LIRË
Disa ditë më parë, kryetari i Serbisë, Boris Tadiq, është cituar të ketë thënë se shqiptarëve të Kosovës duhet t’iu ofrohet zgjedhja e autonomisë nga 1 deri në 100. Numri 100 nënkupton pavarësinë. Por, një gjë të tillë ai e ka kërkuar edhe për serbët e veriut të Kosovës. Sipas jush, kjo kërkesë, a nënkupton ndarjen e Kosovës dhe a po e favorizon Serbia idenë e tillë?

OLIVER IVANOVIQ
Në Serbi nuk ka ide të tillë, gjegjësisht, ndarja nuk është temë, për të cilën bisedohet. Por, thënë objektivisht, ajo nuk mund të përjashtohet, sepse kjo gjendje, që është e tendosur dhe në të cilën të dyja anët mbajnë pozicionim të fortë, Serbia nuk e njeh Kosovën dhe Kosova nuk e pranon veriun, kjo gjendje kërkon një zgjidhje.

Zgjidhja është prapë bisedimet për statusin, gjë që do të sjellë deri te një rezultat, çfarëdo qoftë ai. Nëse ai rezultat është i pranuar nga të dyja palët, gjegjësisht, nëse është fryt i kompromisit në mes të dy opsioneve të kundërta, Evropa dhe bota do ta pranojnë atë. Do të thotë, çfarëdo që merremi vesh ne, Evropa do ta pranojë.

RADIO EVROPA E LIRË
Por, për bisedime të tilla për statusin, nuk janë të gatshme autoritetet në Kosovë. Si mendoni se mund të dilet nga ky, nëse mund të quhet, rreth vicioz?

OLIVER IVANOVIQ
Autoritetet në Prishtinë duhet t’iu përgjigjen qytetarëve të tyre ose atyre që i perceptojnë si autoritete. Si do t’i zgjidhin problemet sociale, nëse problemi me Serbinë do të mbetet tash e 100 vjet? Si do ta zgjidhin çështjen e mbretërimit të ligjit, si do të luftojnë kundër krimit të organizuar dhe korrupsionit, nëse vazhdimisht para kësaj luftë vendoset çështja politike?

Ndërkaq, çështja politike është e kushtëzuar me statusin e pazgjidhur. Si do të shkojnë tutje nëse nuk mund të hyjnë në asnjë organizatë ndërkombëtare, sepse një gjë të tillë Serbia do ta bllokojë? Si do të shkojnë tutje, nëse askush nuk do të vijë që të investojë nën një atmosferë të tillë?

Mendoj se këto janë çështje, të cilat duhet t’i vënë para vetes politikanët e përgjegjshëm, qofshin ata serbë ose shqiptarë. Unë, mendoj se është interes, jo vetëm i Serbisë, por i të gjithëve në këtë hapësirë dhe më gjerë në Ballkanin perëndimor, që serbët dhe shqiptarët të gjejnë një zgjidhje të përbashkët.

Unë e di që është e vështirë, kur kihet parasysh se shqiptarët e Kosovës kanë krijuar një bindje për këtë se çështja është e kryer dhe në këtë mënyrë kanë krijuar pritje joreale në mesin e popullit shqiptar.

Por, është fakt se do t’iu duhet që ta gëlltisin pilulën e hidhur dhe të thonë ‘po, ne e kemi shpallur pavarësinë, por ajo është e pamjaftueshme për të jetuar më mirë. Dhe, për të jetuar më mirë, duhet që me Serbinë të gjejmë një marrëveshje’, para së gjithash edhe për atë se si do të duket ajo autonomi, nga 1 deri në 100.

RADIO EVROPA E LIRË
Por, kjo autonomi, nga 1 deri në 100, nëse do të realizohej, a paraqet kjo, në njëfarë mënyre, një ndarje të brendshme të Kosovës?

OLIVER IVANOVIQ
Unë po ju them se kjo është çështje e marrëveshjes së dy palëve. Unë nuk e dua fjalën ‘ndarje’ dhe nuk e përdori atë kurrë në paraqitjet e mia publike.

Thjesht, mendoj se kjo nuk është një zgjidhje e mirë. Por, çfarëdo zgjidhje, të cilën do ta sillnin të dyja palët dhe do të dakordoheshin bashkërisht për të, do të jetë e pranueshme për gjithë botën dhe duhet të jetë e pranueshme për të gjithë njerëzit që jetojnë këtu.

Do të thotë, unë mund të jetoj me zgjidhjen, për të cilën do të merreshin vesh të dyja palët.
Radio Evropa e Lirë

[Llapjani_HH]

Lajçi e Haraçia përkrahin Bukoshin

Deklarata e ministrit të Shëndetësisë, Bujar Bukoshi, se Lidhja Demokratike e Kosovës është e nënshtruar dhe e poshtëruar në raport me partnerin e koalicionit, PDK-në, ka ndarë në dy grupe anëtarët e kësaj partie.

Për më tepër, “shokët” e Bukoshit janë të ndarë edhe në raport me përkrahjen që ministri i Shëndetësisë ka shprehur për kryetarin e Prishtinës, Isa Mustafa, nëse ai do të garonte për kryetar të Lidhjes Demokratike të Kosovës, shkruan sot gazeta Zëri.

Derisa qeveritarët dhe personat e afërt me ta mbrojnë idenë se LDK-ja nuk është duke u poshtëruar e nënshtruar nga PDK-ja, anëtarë të tjerë të Kryesisë i kanë dhënë mbështetje të plotë deklaratës së Bukoshit.

Sipas Zërit, anëtari i Kryesisë së LDK-së, Ali Lajçi, thotë se partia e tij është e nënshtruar dhe atë jo vetëm nga PDK-ja por edhe nga “klani i Sejdiut”, siç e quan ai grupin që e përkrah presidentin Sejdiu.

“LDK-ja nuk mund të ngjallet as të bëhet parti numër një derisa kryetari e mban pengë atë, dhe derisa bëjnë politikë kote Lutfi Haziri dhe Eqrem Kryeziu”, thotë Lajçi.

Edhe anëtari tjetër i Kryesisë, Astrit Haraçia, pajtohet me Bukoshin.

“Edhe unë mendoj kështu. LDK-ja me këtë formë siç është duke u bërë tash, është e poshtëruar dhe e nënshtruar në raport me PDK-në, ndërsa sa i përket kandidatit për kryetar nuk do të thotë që duhet të jetë vetëm Isa, mundet të jetë edhe tjetërkush”, thotë Haraçia.

Ndërkaq, anëtarë të Qeverisë nga LDK dhe udhëheqës të kësaj partie, thonë se partia e tyre “ka hise” në qeveri aq sa ka marrë vota nga qytetarët, ndërsa presidentin e Kosovës, Fatmir Sejdiu, e shohin si personin më ideal për të udhëhequr partinë.

Nënkryetari i LDK-së, Eqrem Kryeziu, thotë se temat e theksuara nga Bukoshi janë çështje personale dhe tregim i shijes së tij, gjë që sipas tij, nuk e jep mundësinë e debatit.
Koha.net

Bogdanoviq vizitoi serbët e kthyer në tri fshatra të Istogut

Ministri për çështje të kthimit në Qeverinë e Serbisë, Goran Bogdanoviq, të dielën, ka marrë pjesë në shënimin e 10- vjetorit të fillimit të kthimit të serbëve në komunën e Istogut, ndërsa pastaj ka vizituar edhe serbët e kthyer në Zallq dhe Dragolec.

Ai në Osojan , në një prononcim të shkurtër për gazetarë, ka thënë se Qeveria e Serbisë është e gatshme për dialog me shqiptarë dhe ka porositur serbët që “t’ u shtrijnë dorën e pajtimit fqinjve shqiptarë”, si dhe ka porositur të dy palët që të mos shikojnë nga e kaluara, por nga ardhmja, sepse nëse ka vullnet, ka edhe perspektivë për jetë të përbashkët.

Ai, zgjidhjen e problemeve ndërmjet shqiptarëve dhe serbëve e sheh përmes kompromisit, siç tha ai.

“Nuk është mirë që të favorizohet njëra palë më shumë se tjetra, sepse kjo i bie sikur ke dy fëmijë dhe njërin prej tyre e përkrah më shumë se tjetrin. Nuk duhet njëra palë ta ndiej vetën të favorizuar më shumë se pala tjetër në Kosovë, në këtë kontekst, populli shqiptar nuk guxon ta ndiejë veten si popull i dorës së parë në raport me popullin serb”, ka theksuar ministri serb para objektit të shkollës fillore “Radosh Toshiq” të Osojanit.

Ndërkaq në një pyetje të një gazetari lokal se a është trajtuar populli shqiptar ndonjëherë si popull i dorës së dytë, Bogdanoviq, si me ironi , tha se kjo fatkeqësisht është e vërtetë, por një e vërtetë që duhet të harrohet.

Ministri Bogdanoviq ka njoftuar se Qeveria e Serbisë ka ndarë 10 milion dinarë si dhe ka siguruar edhe një traktorë me pajisje buqësore, ndihmë në farëra dhe plehra për të mbjella vjeshtore për serbë të kthyer.

Ndërkaq, Dragan Jevtiq , përfaqësues i serbëve të kthyer ka posositur ministrin Bogdanoviq që të mos politizohet situata e sigurisë në Zallq dhe kjo te arrijë deri në KS të OKB-së, ngase e vërteta është ndryshe dhe problemet që ndodhen në Zallq , të njëjtat ndodhin çdo ditë në të gjitha vendet e botës.

Ai ka falënderuar për sigurinë dhe për kujdesin gjatë gjithë kohës policinë e Kosovës.

Jevtiq e ka njofuar Bogdaniviqin se Ministria për Kthim e Kosovës ka nisur ndërtimin e 15 shtëpive në fazën e parë dhe 5 të tjera pritet të fillojnë në fazën e dytë dhe ka bërë të ditur se serbët nuk kanë problem me sigurinë dhe se ata qarkulojnë lirshëm anënkënd Kosovës.

”Unë mund të shkoj lirshëm të pijë kafe në Istog, Pejë, Llaushë, Skenderaj, Prishtinë… pa asnjë problem”, ka përfunduar fjalën e tij Jevtiq.

Në anën tjetër, në fshatin Zallq, ku është pritur ftoftë nga numër i vogël serbësh të kthyer , Bogdanoviq, derisa ishte i shoqëruar edhe me të ashtrëquajturin kryetar i konmunës së Istogut, Soro Repanoviq , ka kërkuar nga ta që të shtrijnë dorën e pajtimit fqinjve shqiptarë dhe të jetojnë bashkarisht dhe të mos shikojnë prapa.

“ Unë kam ardhur këtu të di për së afërmi se cilat janë prioritetet e juaja, në mënyrë që Qeveria e Serbisë t’ u ofrojë ndihmë”, ka potencuar Bogdanoviq.

Ministri për Kosovë dhe Metohi në Qeverinë e Serbisë, Goran Bogdanoviq, lejen për qëndrimin e tij në Kosovë e ka marrë nga Qeveria e Kosovës.

Këshilltarja për media në Ministrinë e Punëve të Brendshme në Qeverinë e Kosovës, Dafina Myrtaj, i ka thënë Kohës Ditore se Bogdanoviq do të qëndrojë në Kosovë me lejen e institucioneve.

“Lejen që të hyjë në Kosovë ai e ka marrë nga institucionet e Kosovës, respektivisht nga zëvendëskryeministri i Kosovës, Hajredin Kuçi”, ka thënë Myrtaj.

Zëdhënësi i Policisë së Kosovës, Arbër Beka, ka thënë se PK-ja do t’i ofrojë përcjellje Bodanoviqit gjatë qëndrimit të tij në Kosovë.
Koha.net

[Neferta]

Ficxherald nesër në Kosovë

09.08.2010

Kreu i komandës së Forcës së Bashkuar në Napoli, admirali Mark Ficxherald, do të vizitojë nesër Kosovën.

Ficxherald do të vizitojë fshatin Harilaq ku trupat e Forcës Kosovare të Sigurisë po zhvillojnë ushtrime çminimi. Admirali Ficxherald do të takohet dhe me komandantin e KFOR-it, Markus Bentler

[Llapjani_HH]

(S')ka bisedime të fshehta me Serbinë

Aleanca për Ardhmërinë e Kosovës ka akuzuar Qeverinë se po zhvillon bisedime të fshehta me Qeverinë e Serbisë.

Deklaratat dhe akuzat e AAK-së drejtuar Qeverisë për bisedime sekrete me Serbinë, kryeministri Hashim Thaçi i ka cilësuar si qesharake.

Gjatë një konference për gazetarë, anëtari i Kryesisë së AAK-së, Ardian Gjini, tha se ka informacione që Qeveria e Kosovës po zhvillon bisedime të fshehta me Serbinë, pa dijeninë e popullit dhe pjesës tjetër të spektrit politik.

Ndonëse nuk dha detaje se nga kush dhe për çfarë po bisedohet, Ardian Gjini i AAK-së tha se këto bisedime, si të tilla, nuk mund të jenë në të mirën dhe interesin e Kosovës, pasi që, sipas tij, ato po zhvillohen pa dijeninë e opinionit dhe mediave.

“Kemi informacione të sakta se në këtë kohë po zhvillohen takime dhe bisedime sekrete me Serbinë - takime dhe bisedime, të cilat do t’ia humbin plotësisht kuptimin çfarëdo forme të bisedimeve, që do të ndodhin më tutje”.

“Çfarëdo bisedimesh që mbahen fshehur, nuk mund të jenë në asnjë variant në të mirë të popullit të Kosovës, qofshin ato teknike, për biznese të ndryshme apo për çfarëdo aranzhimi që mund të ndodhë, qofshin për veriun e Kosovës, për pjesë të ndryshme, apo tema për të cilat Kosova sot ka interes tepër të madh”, theksoi Gjini.

Duke iu referuar këtyre deklaratave të zyrtarëve të AAK-së, kreu i Qeverisë, Hashim Thaçi, tha se ato janë qesharake.

Thaçi nuk u përqendrua shumë në akuzat e AAK-së për bisedime sekrete me Serbinë, duke kaluar në një temë tjetër - atë të rëndësisë që ka për Kosovën mendimi këshillëdhënës i Gjykatës Ndërkombëtare të Drejtësisë dhe sesioni i ardhshëm i Asamblesë së Përgjithshme të OKB-së.

“Fitorja historike e Qeverisë, diplomacisë, institucioneve dhe popullit të Kosovës në GJND, është një fitore që duhet t’i gëzohet secili. Prandaj, është një fitore e gjithë shtetit të Kosovës, e gjithë popullit të Kosovës, e miqve, e partnerëve ndërkombëtarë...”.

“Unë siguroj dhe garantoj qytetarët e Republikës së Kosovës se po ashtu edhe në Asamblenë e Përgjithshme do të kemi një lajm të mirë për Kosovën dhe nuk do të kemi më tutje deklarata qesharake”, tha Thaçi.

Në anën tjetër, Ardian Gjini i AAK-së i tërhoqi vërejtjen Qeverisë se nëse nuk jep detaje rreth këtyre bisedimeve, atëherë kjo parti politike do të dalë të tregojë se cilët nga zyrtarët e Qeverisë së Kosovës po takohen me ata të Serbisë dhe në cilat vende po zhvillohen këto bisedime.

“Nëse ata (Qeveria) do t’ju thonë se nuk po mbahen këto bisedime, po ju them se shumë shpejt do të na detyrojnë neve që t’u bëjmë pyetje publike atyre se çfarë keni bërë atëherë në këtë e atë vend, ky e ai person”, theksoi Gjini.

AAK-ja po ashtu ka kundërshtuar edhe kërkesën e përsëritur disa herë nga kryeministri Hashim Thaçi për përmbylljen e fazës së pavarësisë së mbikëqyrur, pasi që, sipas kësaj partie, kjo kërkesë ka të bëjë me largimin e misioneve ndërkombëtare pa u zgjidhur problemi i veriut.

Përderisa Kosova ka problemin e veriut, prania ndërkombëtare, ka vlerësuar AAK-ja, është e domosdoshme.
Radio Evropa e Lirë

Ekspertët kërkojnë eshtrat e boshnjakëve, kroatëve dhe shqiptarëve në liqenin Peruçac

Riparimi që po i bëhet një dige në Bosnjen lindore, i pari pas shumë dekadash, po i lejon ekspertët të kërkojnë në shtratin e zbrazur të liqenit eshtrat e trupave të hedhur atje.

Ato janë trupa myslimanësh të Bosnjes, shqiptarësh të Kosovës dhe madje nazistësh gjermanë.

Për breza me radhë, forca të ndryshme luftuese i kanë hedhur trupat e viktimave në Lumin Drina që ndan Serbinë nga Bosnja por kalimi i kohës nuk ka bërë që ato viktima të harrohen.

Javët e fundit, ekspertë mjeko ligjorë kanë vazhduar kërkimet në liqenin Peruçac të Drinas, i cili u zbraz nga uji për të bërë riparimin e digës.

Ata po zbulojnë eshtra myslimanësh të Bosnjes, shqiptarësh të Kosovës dhe madje edhe nazistësh gjermanë që mbajnë medaljen e kryqit të hekurt.

Eksperti Matt Vennemeyer, shpjegon: "Po shfrytëzojmë këtë kohë kur niveli i ujit është i ulët për të gjetur sa më shumë eshtra para se uji të ngrihet përsëri, ndoshta muajin tjetër".

Ekspertët ecin përgjatë brigjeve të lumit për të gjetur trupat. Vetëm analiza e AND së mund të identifikojë eshtrat në këtë vend që quhet lumë i përgjakur dhe ku janë hedhur kryesisht viktima myslimane të luftës së Bosnjes si ato nga Lufta e Dytë Botërore.

"Eshtrat duket se i takojnë periudhave të ndryshme. Disa trupa mund të jenë këtu prej 15 vjetësh, të tjera që prej 100 vjetësh.

Puna është të dokumentojmë sa më shumë brenda kësaj kohe të shkurtër dhe ndoshta të identifikojmë sa më shumë trupa sidomos me anë të AND së", thotë Vennemeyer.

Brenda dy javësh, ekspertët kanë gjetur rreth 50 trupa në një zonë që shtrihet deri në 120 kilometra.

"Dihet se më tepër se 2 mijë boshnjakë si dhe një numër kroatësh dhe shqiptarësh nga Vishegradi janë vrarë gjatë agresionit kundër Bosnjes dhe trupat e tyre janë hedhur këtu", shpjegon eksperti nga Bosnja Amor Mashoviq.

Mashoviq, i cili ka drejtuar shumicën e zhvarrimeve në Bosnje, thotë se ai kurrë nuk ka qenë dëshmitar i një operacioni në këto përmasa.

Ky, tha ai, është shansi i fundit për të gjetur viktimat.

"Pas 10 ose 15 vjetësh kur të bëhet riparimi tjetër, do të jetë e pamundur të gjenden eshtrat për shkak të rritjes së nivelit të ujit në liqen dhe të shtresave të baltës që do të mbulojnë brigjet e lumit", thotë Mashoviq.
QIK-u

[Llapjani_HH]

Thellohet varfëria në Kosovë?

Pas lëvizjeve të çmimeve në tregun kosovar, ekspertët e çështjeve ekonomike në Prishtinë alarmojnë për thellim të varfërisë në vend. Ata thonë se ngritja e çmimeve dhe do të ketë ndikim negativ te shtresat e varfra të shoqërisë kosovare.

Kryetari i Odës Ekonomike Amerikane, Lekë Musa, thotë se thellimi i varfërisë do të ndikojë edhe në tensione sociale të popullatës kosovare.

“Rritja e çmimeve dhe ngritja e inflacionit do të ketë ndikim negativ kryesisht te shtresat e varfra; do të ketë tensione dhe do të ketë një shtytje shtesë në këto shtresa të popullsisë, të cilat janë afër varfërisë së skajshme dhe pasi që nuk kemi një trend të ngritjes së punësimit, atëherë të gjitha këto do të kenë efekte negative sociale në Kosovë”, vlerëson Musa.

Ngritja e çmimeve të produkteve të konsumit në Kosovë çdo herë vjen si pasojë e ngritjes së çmimeve në Evropë, e cila përcillet në Kosovë pasi që i tërë konsumi është i bazuar në importe.

Ndërkohë, të dhënat e fundit zyrtare të Entit të Statistikave të Kosovës tregojnë për një ngritje të indeksit të çmimeve të konsumit në vend. Sipas ESK, indeksi i tërësishëm i çmimeve të konsumit në Kosovë është më i lartë për 0,2 për qind në muajin qershor, krahasuar me muajin maj të po këtij viti.

Ngritje e çmimeve kryesisht vërehet te perimet, përdorimi i pajisjeve për transportin personal, pemët, veshja, furnizimi me ujë dhe shërbimet e ndryshme që kanë të bëjnë me vendbanimin.

Në anën tjetër, tregtarët thonë se çmimet e reja në veçanti ajo e bukës vjen si pasojë e ngritjes së çmimit të miellit.

Mirsad Bytyçi, pronari i njërës nga byrektoret në Prishtinë, tregon se janë dëmtuar shumë nga ngritja e fundit e çmimit të miellit. Megjithatë, ai thotë se ende janë duke shitur produktet e tyre me çmimet e vjetra.

“Ngritja e çmimit të miellit na ka dëmtuar shumë. Çmimet i kemi me të vjetrën, punë nuk ka, varfëri është madhe në Kosovë. Po i ngritëm çmimet, nuk do të ketë punë, po s’i ngritëm - dëmtohemi ne. Nuk dimë se si do të veprojmë”, shprehet Bytyçi.

Shumë nga prodhuesit e bukës në Kosovë e kanë rritur çmimin nga 25 centë sa ishte, në 30 centë dhe në shumë raste edhe në 35 centë.

Nga kjo ngritje, sipas shitësit Milaim Halili, në njërin nga dyqanet e Prishtinës, thotë se qytetarët vazhdimisht ankohen për çmime të shtrenjta.

“Blerësit nuk janë të kënaqur me ngritjen e çmimit të bukës, por kjo nuk varet prej dyqanit tonë, por prej çmimit të furrtarëve. Nuk është pritur mirë se i bien mbi 20 për qind që është më shtrenjtë. Për momentin, një lloj të bukës jam duke e shitur 30, një lloj tjetër 25, por edhe kjo do të shtrenjtohet javën tjetër për 25 për qind më shtrenjtë”, thotë Halili.

Sidoqoftë, raportet e organizatave ndërkombëtare, kanë theksuar se Kosova mbetet një nga shtetet më të varfra në Evropë. Ndërsa, sipas të dhënave zyrtare, përqindja e papunësisë në Kosovë mbetet 47 për qind, ndërsa ajo e varfërisë 25 për qind.

Por, se si mund të kalohet nga kjo gjendje e vështirë ekonomike, kryetari i Odës Ekonomike Amerikane, Lekë Musa, shprehet:

“Ne, vazhdimisht kemi bërë thirrje që të bëhet një ekonomi më e orientuar drejt investimeve të huaja, investitorët e huaj janë ata, të cilët krijojnë vende të reja pune dhe që kanë ndikim drejtpërdrejt në rritjen e eksportit dhe rritjen e të ardhurës në vend”.
Radio Evropa e Lirë

Në liqenin e Peruçacit gjendet motori i kamionit që mbante kufomat e shqiptarëve

Policia e ka gjetur në liqenin Peruçac motorin dhe një pjesë të kamionit frigorifer, i cili në vitin 1999 ishte hedhur në ujë bashkë me kufomat e 50 shqiptarëve nga Kosova, ka njoftuar televizioni i Serbisë.

Bëhet e ditur se aktualisht në Peruçac po zhvillohen hetime lidhur me dyshimet se mund të gjenden edhe mbetjet mortore të shqiptarëve të Kosovës.

Në deklaratën për televizionin serb, prokurori për krime të luftës Vladimir Vukçeviq nuk i ka bërë publike detajet e hetimeve, por ka theksuar “gatishmërinë e organeve shtetërore për të hetuar edhe gjurmët më të vogla të çfarëdo krimi të luftës”.
Koha.net

Serbët kanë gërmuar në vend të gabuar?

Shefi i zyrës së Fondit për të Drejtën Humanitare në Prishtinë, Bekim Blakaj, është habitur nga informacioni se në lokalitetin te Rashka nuk gjendet asnjë provë e trupave të varrosur të shqiptarëve nga Kosova, transmeton agjencia serbe FoNet.

Blakaj për radion KiM ka thënë se dyshon se autoritetet serbe kanë kryer gërmimet në vend të gabuar.

“Mendohet se aty gjenden 250 trupa të shqiptarëve nga Kosova. Sa kujtoj, edhe vitin e kaluar, gërmimet janë bërë në një vend tjetër. A është e mundur që përsëri është gërmuar në vendin e gabuar dhe aty nuk ka asnjë trup”, ka pyetur Blakaj.

Gërmimet e terrenit te Rashka kanë filluar para dhjetëra ditëve.

Pas analizës së tokës është zbuluar se në lokalitetin Rudnicë-Majdan, në pjesën para ndërtesës së administratës së kompanisë “Kosmet Put” në Rashkë , nuk ka gjurmë të materieve organike.
Koha.net

Konfirmohet aktakuza ndaj Xhabir Zharkut e të tjerëve

Gjyqtari i procedurës paraprake i EULEX-it, Charles Smith III, e ka konfirmuar aktakuzën kundër kryetarit të komunës së Kaçanikut, Xhabir Zharkut dhe të tjerëve, shkruan sot e përditshmja “Zëri”.

Sipas kësaj gazete, Xhabir Zharku, Arsim Kolshi, Besnik Hasani, Fikri Hasani, Afet Dalloshi, Nysret Cena dhe Nesim Currit, u konfirmohet aktakuza për pikën 1, për veprën penale të detyrimit, për pikën 2, për veprën penale të kërcënimit, kurse Xhabir Zharkut dhe Arsim Kolshit edhe për veprën penale të pronësisë, kontrollit, posedimit apo përdorimit të paautorizuar të armëve.

Xhabir Zharku dhe të tjerët, siç shkruan sot “Zëri”, akuzohen se në bashkëveprim, si pjesë e një grupi kriminal, në data të ndryshme prej 26 korrikut deri më 1 gusht 2006, kanë kryer veprën penale të detyrimit, duke përdorur kërcënime ndaj Sheket Lurit, Xhelil Sumës dhe Azem Sumës, në mënyrë që të përfitojnë financiarisht.

Rreth datës 27 korrik 2006, sipas aktakuzës, ata kërcënuan se do të vrasin palët e dëmtuara, nëse këta të fundit nuk tërhiqen nga tenderi i fituar nga AKM, Vala e 16-të për fermë delesh në sipërfaqe prej 32 hektarësh në fshatin Raka, komuna e Ferizajt.

Në seancën për konfirmimin e aktakuzës, Zharku dhe të akuzuarit e tjerë e kanë mohuar se ata kanë të bëjnë diçka me veprat që përshkruhen në aktakuzë, shkruan sot ndër të tjera “Zëri”.
Koha.net

Paralajmërohet modifikimi i Pakos së Ahtisaarit

Për autoritetet kosovare zgjidhja e integrimit të veriut nuk nënkupton kryekëput formën e parashikuar në propozimin gjithëpërfshirës të presidentit Martti Ahtisaari.

Kryeministri Hashim Thaçi, të martën, ka lënë të hapur mundësinë që pakoja të “preket”.

Ai ka theksuar se edhe modalitete të tjera do të kihen në konsideratë, gjatë përpjekjeve për të vënë kontroll në këtë pjesë të territorit të Kosovës.

“Ne kemi vetëm një zgjidhje, implementimin e plotë të dokumentit të presidentit Ahtisaari, me ide kreative, të reja, me ide integruese në kuptimin gjithetnik dhe territorial”, ka theksuar kryeministri Thaçi, pas vizitës bërë Odës Ekonomike.

“Por duhet të vazhdohet edhe me formimin e komunës së re (të Mitrovicës v.j.) dhe organizimin e zgjedhjeve të lira në tri komunat e tjera, dhe me vazhdimin e investimeve socio-ekonomike”.

Muajin e shkuar ambasadori amerikan në Kosovë, Christopher Dell, dhe këshilltari i kryeministrit Thaçi, Dukagjin Gorani, ishin cituar të kenë përmendur mundësinë e dhënies së një autonomie për veriun.

Më pastaj ata kishin demantuar ta kenë përmendur fjalën autonomi.

Ndërkaq kryeministri Thaçi kishte theksuar se autoritetet kosovare “njohin natyrën e veçantë rajonale të Kosovës veriore”.

Veriu i Kosovës që nga përfundimi i luftës, më shumë se dhjetë vjet më parë, ka vepruar jashtë kornizave ligjore të autoriteteve të Prishtinës dhe serbët e atjeshëm kanë qenë më shumë të ndikuar nga Beogradi zyrtar. Shkrimin e plotë për këtë temë mund ta lexoni në numrin e sotëm të Kohës Ditore.
Koha.net

Gjini premton fakte për takimet sekrete

Zyrtarët e lartë të Aleancës për Ardhmërinë e Kosovës ende nuk janë të gatshëm që të japin detaje për pretendimet e tyre se Qeveria e Kosovës dhe ajo e Serbisë po mbajnë takime sekrete mes vete, mirëpo nënkryetari i AAK-së, Ardian Gjini tha se partia e tij i ka të gjitha faktet për këto takime.

Nënkryetari i AAK-së Ardian Gjini nuk ishte i gatshëm të jap detaje, për sipas tij takime sekrete Prishtina dhe Beogradi zyrtar po mbajnë mes vete dhe larg syve të opinionit të gjerë.

Gjini i është kundërpërgjigjur deklaratës së djeshme të kryeministrit Thaçi, se pohimet e zyrtarëve të AAK-së janë qesharake. Gjini ka thënë se në vend që të bëjë kualifikime, kryeministri duhet të tregojë se pse zyrtarët e lartë të Qeverisë së tij udhëtojnë në takime sekrete në vende të ndryshme.

Nënkryetari i AAK-së për Radio Kosovën gjithashtu ka thënë se mënyra e përgjigjes së kryeministrit nuk është e drejtë, ndërsa ka premtuar se shumë shpejtë do të dalë me fakte.

Duke mos dhënë detaje rreth kësaj çështjeje, Gjini u ka rekomanduar gazetarëve kosovarë që të angazhohen më shumë dhe ta zbulojnë, sipas tij, këtë të vërtetë. Gjini edhe në konferencën e djeshme për media, bisedimet sekrete i ka quajtur të rrezikshme pasi që, së paku, agjenda duhet të jetë transparente.
Telegrafi

[Guri i madh]

Ministrja Pula nuk flet për “Kosovën e Re”


Enis Veliu | 10-08-2010 18:47 CET
Prishtinë. Zhargitje në ndërtimin e termocentralit të ri “Kosova Re” vazhdon të trajtohet si çështje konfidenciale nga Zyrtarë të ministrisë së Energjisë dhe Minierave, por edhe zyrtareve që janë të kyçur në këtë projekt.

Deri më tash zyrtarë të Ministrisë së Energjisë dhe Minierave kanë dhënë shumë data për fillimin e punimeve, por tashmë ato deklarata i takojnë se kaluarës.
Procesi për tenderim ecën disa muaj dhe dikur kthehet ne pikë zero, sepse kompanitë e mëdha nga fusha e energjetikës janë tërhequr përfundimisht nga Kosova.
Zyrtarë të ministrisë së Energjisë dhe Minierave nuk donë të flasin rreth këtij projekti, duke e trajtuar gjithçka konfidenciale.
Zëvendësministri i Energjisë Blerim Rexha thotë se për çështjen e “Kosovës Re”deklaratat për media i jep vetëm ministrja Pula.
Por, as vetë ministrja nuk ka koment rreth vonesave që po i bëhen këtij projekti “Për këtë çështje pyetni Qeverinë”tha ajo.
Por, në anën tjetër, Ethem Ceku, ish ministër i Energjisë dhe Minierave nga radhët e AAK-së, thotë se ikja e investitorëve serioz, në madhe të madhe ka dëmtuar ekonominë e Kosovës, por edhe këtë projekt.
Sipas tij, ndërtimi i termocentralit të ri është në pikëpyetje, sepse sipas tij nuk ka interesim për gjë të tillë.
Ai tha se Qeveria e Kosovës duke bërë ndryshime të shpeshta është


treguar e pa aftë që të menaxhoj me sektorin e energjisë në vend. “Asnjë arsye nuk ka pasur që të vonohet ndërtimi i termocentralit zë ri për vite të tëra. Pas këtyre zvarritjeve që janë bërë, unë e vë në pikëpyetje ndërtimin e këtij centrali”, tha ai.
Sipas tij, nga mungesa e energjisë Kosova po shpenzon shumë para për import të energjisë, bizneset dëmtohen në masë te madhe, por dhe investitorët e huaj ia kthejnë shpinën Kosovës sepse nuk e shohin si vend atraktiv për të investuar.
Edhe Myzejene Selmani, kryetare e komisionit Parlamentar për ekonomi në vazhdimësi ka hedhur kritika në drejtim zë Qeverisë për vonesa në realizimin e këtij projekti.
Selmani në një farë mënyre këtë projekt e sheh si të dështuar për shkak të zvarritjeve të
mëdha që janë duke u bërë në vite të tëra.
Edhe Lumir Abdixhiku, drejtor i Institutit “Riinvest”thotë se energjia është resurs kryesor
i zhvillimit të ekonomisë së një vendi.
Ai tha se zvarritja me vite me radhe e këtij projekti është bërë një barrierë ekonomik e pa arsyeshme.
“Kemi harxhuar 10 vite kohe dhe nuk kemi ndonjë strategji energjetike. Kapacitetet aktuale energjetike në Kosovë janë shumë të vjetra dhe nuk i përmbushin nevojat aktuale.
Çdo prodhues i ri në Kosovë nën 1000 megavat është i pamjaftueshëm për ekonominë e vendit”tha ai.
Sipas tij, institucionet e vendit duhet ti qasen me më seriozitet këtij projekti, sepse ekonomia e Kosovës është duke humbur direkt, por edhe indirekt.

[Neferta]

JERUZALEM (AP) - Arkeologët thonë se kanë zbuluar monedhë më të rënda dhe më të vlefshme ari ndonjëherë te gjetur në Izrael. Monedha 2200-vjeçar peshon një ons (28 gramë), dhe u gjet në vendinTel Kedesh pranë kufirit me Libanin më 22 qershor The 2,200-year-old gold coin is seen at the Israel Museum, in Jerusalem, on Aug. 11, 2010.

[Neferta]

• Copa gjigande e akullit e shkëputur nga Grenlanda po lundron në Detin e Ngrirë të Veriut.

Ky bllok akulli me sipërfaqe prej 260 km katrorë, është ai më i madhi që shkëputet nga hemisfera veriore prej vitit 1962 e këtej. Ishulli i ri i akullt është më i madh se katërfishi i Manhattanit dhe përbën rrezik për platformat e naftës dhe transportin në rajon.
Skenari më pesimist është ai i mbërritjes së bllokut të akullit në zonën me trafik detar të rënduar, ku në vitin 1912 ndodhi edhe tragjedia e Titanikut...
Ndërsa ndikimi i ndryshimit klimatik në procesin e shkëputjes së copës gjigande nga Grenlanda është bërë temë diskutimesh.


Sipas specialistëve, është mjaft e vështirë të bësh një lidhje të drejtpërdrejtë mes shkëputjes dhe ndryshimit klimatik.

11.08.2010.

[Neferta]

/www.reuters.com/news/video/story?videoId=135814136&videoChannel=1 Ndodhe edhe kjo, per shkak te emrit ta psoje nje familje

[Neferta]

TËRMET NË VUSHTRI

Divizioni Sizmologjik i Ministrisë së Energjisë dhe Minierave të Kosovës, sot në ora 05:58, sipas orës lokale, ka regjistruar një tërmet me magnitudë 2,7 ballë sipas shkallës Rihter, dhe me intensitet IV ballë të Merkalit më 12.08.2010 08:49:08


Bëhet e ditur se epiqendra e këtij tërmeti ishte 7.5 km në juglindje të qytetit të Vushtrrisë dhe 18.5 km në veriperëndim të Prishtinës, ndërsa thellësia 10.2 km. Sipas Divizionit Sizmologjik, për shkak të thellësisë jo të madhe të vatrës së tërmetit, ai është ndjerë dukshëm nga banorët e komunës se Vushtrrisë dhe në disa komuna përreth.

[Neferta]

Palestina e kënaqur me vendimin e GJND-së për Kosovën
Autoriteti Kombëtar i Palestinës është shprehur i kënaqur me opinionin e Gjykatës Ndërkombëtare të Drejtësisë, sipas të cilit pavarësia e Kosovës nuk është e paligjshme dhe nuk shkel ligjin ndërkombëtarë.

Njoftimi bëhet i ditur nga Komiteti i hebrenjve të Amerikës. Jaser Shtrat Rabbo, një këshilltar i presidentit Abaz gjatë vitit 2008, kur Kosova kishte shpallur pavarësinë e saj, kishte thënë se "Palestinës i ishte dhënë një mundësi. Kosova nuk është më e mirë se Palestina".

Ndërkohë Andrew Standlly, shef i delegacionit të BE-së në Izrael ka deklaruar se BE-ja ka një përvojë me Kosovën, opsion ky që ne e kemi në plan për ta përdorur në rastin e Palestinës.

Por, ideja e shpalljes së një anshme të pavarësisë së shtetit palestinez është kundërshtuar në vazhdimësi edhe nga faktorë ndërkombëtarë. Përkundër faktit se kryeministri i Autoritetit Nacional të Palestinës, Sallam Fajad, kishte paraqitur një vit më parë, planin e tij për të ngritur infrastrukturën e një shteti palestinez, edhe pa njohjen e Izraelit, Qeveria amerikane kishte hedhur poshtë shpalljen e njëanshme të një shteti palestinez duke deklaruar se ajo që mbështesin SHBA-të është një shtet palestinez, i cili rezulton nga bisedimet me Izraelin.

Autoriteti Kombëtar i Palestinës i cili siç u tha, është shprehur i kënaqur me opinionin e Gjykatës Ndërkombëtare të Drejtësisë, sipas të cilit pavarësia e Kosovës nuk është e paligjshme dhe nuk shkel ligjin ndërkombëtarë, nuk ka përjashtuar mundësinë që zgjidhjen e problemit të statusit të Kosovës, ta përdor si model edhe për zgjidhjen e statusit të Palestinës.

[Neferta]

Konfirmohet aktakuza ndaj Xhabir Zharkut e të tjerëve

Prishtinë, 11 gusht – Gjyqtari i procedurës paraprake i EULEX-it, Charles Smith III, e ka konfirmuar aktakuzën kundër kryetarit të komunës së Kaçanikut, Xhabir Zharkut dhe të tjerëve, shkruan sot e përditshmja “Zëri”.

Sipas kësaj gazete, Xhabir Zharku, Arsim Kolshi, Besnik Hasani, Fikri Hasani, Afet Dalloshi, Nysret Cena dhe Nesim Currit, u konfirmohet aktakuza për pikën 1, për veprën penale të detyrimit, për pikën 2, për veprën penale të kërcënimit, kurse Xhabir Zharkut dhe Arsim Kolshit edhe për veprën penale të pronësisë, kontrollit, posedimit apo përdorimit të paautorizuar të armëve.

Xhabir Zharku dhe të tjerët, siç shkruan sot “Zëri”, akuzohen se në bashkëveprim, si pjesë e një grupi kriminal, në data të ndryshme prej 26 korrikut deri më 1 gusht 2006, kanë kryer veprën penale të detyrimit, duke përdorur kërcënime ndaj Sheket Lurit, Xhelil Sumës dhe Azem Sumës, në mënyrë që të përfitojnë financiarisht. Rreth datës 27 korrik 2006, sipas aktakuzës, ata kërcënuan se do të vrasin palët e dëmtuara, nëse këta të fundit nuk tërhiqen nga tenderi i fituar nga AKM, Vala e 16-të për fermë delesh në sipërfaqe prej 32 hektarësh në fshatin Raka, komuna e Ferizajt.

Në seancën për konfirmimin e aktakuzës, Zharku dhe të akuzuarit e tjerë e kanë mohuar se ata kanë të bëjnë diçka me veprat që përshkruhen në aktakuzë, shkruan sot ndër të tjera “Zëri”.