Lajme Aktuale....

[Lona]

Rusia i dërgon Iranit karburante për centralin bërthamor

Moskë, 17 dhjetor - Rusia njoftoi se ka bërë dërgesën e parë të karburanteve bërthamore për centralin bërthamor në Iran. Ministria e jashtme në Moskës tha se ka marrë garanca me shkrim se karburantet bërthamore, që janë dërguar në Bushehër, nuk do të përdoren për qëllime të tjera.

Nga stuhitë e borës vdesin vdekur të paktën 2 persona në Kanada dhe në SHBA

Otava, 17 dhjetor - Stuhi të mëdha të borës kanë përfshirë Kanadën lindore dhe zonat verilindore të Shteteve të Bashkuara, nga të cilat kanë vdekur të paktën dy persona dhe kanë shkaktuar çrregullime në trafikun ajror, njofton Rojter. Rreth qyteteve Toronto, Otava dhe Montreal, kanë rënë rreth 40 cm borë. Reshje të ftohta, stuhi të borës dhe erëra të fuqishme ka edhe në disa shtete të Nju Inglandit dhe të rajonit të Liqenëve të mëdhenj. Aeroportet në Kanada dhe në SHBA janë detyruar të anulojnë qindra fluturime.

Në përleshjet në Pnom Pen plagosen 3 priftërinj budistë dhe 6 policë

Pnom Pen, 17 dhjetor - Tre priftërinj budistë dhe gjashtë policë janë plagosur sot (e hënë) në përleshjet, që shpërthyen kur priftërinjtë u përpoqën të dorëzojnë një letër protestuese në ambasadën vietnameze në Pnom Pen, kanë bërë të ditur dëshmitarët dhe zyrtarët, njofton Rojter. Me këtë rast, rreth 40 priftërinj budistë u përpoqën të kërkojnë nga ambasada vietnameze të ndalohet persekutimi i budistëve. Kur u bllokua rruga e tyre, ata filluan të hedhin shishe dhe të godasin policinë, e cila ishte e paarmatosur.


Shtajnmajer: Evropa t'u thotë kosovarëve që tani është e dëmshme të vetëshpallen të pavarur

Berlin, 17 dhjetor - Pas përsëritjes së vazhdueshme të Grupit të Kontaktit që të dyja palët duhet t'i përmbahen premtimeve të tyre për heqjen dorë nga dhuna në Kosovë, shefi i diplomacisë gjermane Frank-Valter Shtajnmajer deklaroi se Evropa duhet "t'u thotë kosovarëve se tani më e dëmshme do të ishte që të vetëshpallen të pavarur, pa marrëveshje me bashkësinë ndërkombëtare". Shtajmajer në një intervistë për gazetën "Frankfurter algemajne cajtung", u angazhua që "në rajonin e krizës të mbetet prania ndërkombëtare, që të formohet Misioni civil i politikës mbrojtëse dhe të sigurisë, i cili do të marrë përsipër punën nga UNMIK-u". Pyetjes se a do të reagojë në mënyrë unike BE-ja nëse Kosova vetëshpallet e pavarur, Shtajnmajer tha: "Nuk besoj që evropianët do të lejojnë që pozicionet rreth kësaj të largohen mes tyre". Ministri i Jashtëm gjerman kujtoi se Kosova nuk është temë e re, por pjesë e një storjeje të njëjtë e cila tashmë është mbyllur me Slloveninë, Kroacinë dhe Bosnjën e Hercegovinën.


UP nis projektin e "Universitetit Dimëror të Prishtinës"

Prishtinë, 17 dhjetor Universiteti i Prishtinës me përkrahje të kompanisë "Business & Strategies in Europe" për herë të parë 50 studentëve do t'u mundësojë që gjatë muajit mars të vitit të ardhshëm, të vijojnë Universitetin Dimëror, i cili do të jetë i përqendruar në temën "E drejta evropiane". Sipas organizatorëve të Universitetit Dimëror, ky projekt do të organizohet për studentët e të dy niveleve - Bachelor dhe Master dhe do të jetë i kredituar sipas standardit ECTS, që do të mund të zëvendësojë një kurs të zgjedhur nga planprogrami i rregullt akademik dhe do të realizohet në gjuhën angleze. Programi ka për qëllim që t'i kontribuojë hartimit të kurikulës së programit të ri Master në "Studime evropiane". Rektori i UP së, Enver Hasani, shprehu besimin se viteve të tjera të ketë më shumë donacione për ta bërë këtë projekt tradicional. Hasani bëri të ditur se të drejtë aplikimi në këtë projekt kanë të gjithë studentët, pavarësisht profileve, por që duhet të dinë gjuhën angleze, pasi ligjëruesit kryesisht do të jenë të jashtëm. Sipas tij, mësimdhënia do të jetë një bashkëligjërim në mes të profesorëve e specialistëve të së Drejtës Evropiane nga Kolegji i Evropës në Belgjikë si dhe ligjërues nga UP, konkretisht nga Fakulteti Juridik. Ndërkaq, udhëheqësi i "B & S Europe", Aleksander Dardeli tha se ndjehet i lumtur që UP po përfshihet në proceset e integrimit evropian. "Shpresoj që përmes financimit dhe realizimit të këtij projekti - 'Universitetit dimëror', në UP të shërbejnë si analizë për një program të qëndrueshëm afatgjatë dimëror dhe të fokusuar si në proceset e integrimit evropian ashtu edhe në legjislacionin e Bashkimit Evropian", tha ai. Ky projekt financohet nga Bashkimi Evropianë. "Universiteti Dimëror i Prishtinës", ndërkaq do të fillojë më 1 mars të vitit të ardhshëm dhe do zgjasë deri më 21 mars 2008.

Kryeministri grek: Kosova është një rast i veçantë edhe unikal

Athinë, 17 dhjetor - Diplomacia greke e konsideron "gabim dhe jo produktiv çdo lidhje të perspektivës evropiane të Serbisë me Kosovën". Me anë të një deklarate, shefja e diplomacisë greke, Dora Bakojani, shprehet për respektimin e procedurës deri në përftimin nga ana e saj të statusit të vendit kandidat për integrim. Ndërkohë pozicionimi i Greqisë ndaj shpalljes së pritshme të pavarësisë së Kosovës u bë më se i qartë nga vetë kryeministri Karamanlis se kurrsesi nuk do të jetë ai i diferencimit nga partnerët e tjerë evropianë dhe aq më shumë i vetos siç do të deshironin në radhë të parë Rusia por edhe Qiproja. "Greqia siç ka bërë deri më sot do të jetë veçanërisht e kujdeshshme. Kriteri ynë është siguria dhe stabiliteti i rajonit më të gjerë, interesat e vendit dhe ruajtja e unitetit në Bashkimin Evropian, bile për një çështje absolutisht evropiane", tha Karamanlis, i cili nuk e fshehu as parapëlqimin e Athinës për një "zgjidhje konsesusi" qoftë edhe momentin e fundit as vendimin e saj për të mos u bashkerenduar me qendrimin e Qipros që gjithsesi kërcënon me veto. "Me ndërhyrjen tonë në konkluzionet e samitit u përfshi një nen që përcakton në mënyrë absolutisht të qartë se Kosova është një rast i veçantë edhe unikal", tha Kryeministri grek, duke përcaktuar caqet e solidaritetit ndaj shtetit simotër por duke ezauruar njëkohësisht dhe një rezervë të vendit të tij, atë të frikës së një "reaksioni zinxhir", që e radhit Greqinë ndër vendet skeptike përsa i përket pavarësisë së njëanshme të Kosovës. Karamanlis do të vizitojë të martën Moskën, ku do të synojë të sigurojë mirëkuptimin rus për bashkërendimin e Athinës me kancelaritë perëndimore për pavarësinë e Kosovës.

[Zero Cool]

Mbi 20 të vdekur e 80 të plagosur sot në Beixhi të Irakut

Nga shpërthimi i një autobombe në qytetin Beixhi të Irakut njoftohet se 20 persona kanë vdekur, ndërsa më shumë se 80 të tjerë janë plagosur, shumë prej tyre në gjendje të rëndë. Shpërthimi ka ndodhur mëngjesin e sotëm, në një pikë kontrolli të policisë irakiane.
Lajmi është publikuar nga zyrtarë të lartë të policisë irakiane.

Huazuar nga RTK 25 dhjetor 2007 - 11:43:44

[pirro]

Ne vitin 2007 jane vrar rreth 900 ushtar amerikan dhe 19.000 civil irakian.

[Bjeshka1]

E kush po i vret keta irakenet?

[Fokus]

Vritet Benazir Bhuto
Disa sulmues me armë zjarri dhe një sulmues vetëvrasës kanë shkaktuar vdekjen e ish kryeministres Benazir Bhuto.








Ish kryeministrija e Pakistanit, Benazir Bhuto, është vrarë në qytetin Rawalpindi gjatë një tubimi elektoral. Sulmin e kanë kryer një sulmues vetëvrasës dhe disa sulmues të tjerë me armë zjarri me ç'rast janë vrarë edhe rreth 20 persona të tjerë. Numri i të vrarëve dhe të plagosurve nuk dihet ende saktësisht. Po të njëjtën ditë është sulmuar edhe një ish kryeministër tjetër i Pakistanit, Nawaz Sharif. Me këtë rast janë vrarë katër persona dhe tre të tjerë janë plagosur. Nawaz Sharif ka akuzuar përkrahësit e kryetarit të Pakistanit, Perverz Musharaf, për aktet e dhunshme.
Këto ishin sulmet më të përgjakshme që kanë ndodhur gjatë kampanjës elektorale për zgjedhjet që do të mbahen më 8 Janar 2008.


Al Jazeera &(Mesazhi.com)

[device on line]

Postimi origjinal është bërë nga Bjeshka1

E kush po i vret keta irakenet?

jashte tokesoret kshu se paku mendoj une ,kurse per y nuk e di

[pirro]

Civilet irakian po vriten nga shiitet dhe sunitet te cilet jane barazim me IRAKAIN .

[Bjeshka1]

Po ket Bhuton kush e vrau?
Sa u gezuan talibanet kur u kthye kjo ne Pakistan. Thonion qe po fiton demokracia dhe behemi te lire. Nuk do te kete me diktature. Donin ta shihnin nje grue ne krye te nje shteti musliman, aq sa cdo gje kishte kaluar ne eufori..Mjere bota me ta.

[pirro]

Bhuton e vrane fundrrinat e Botes, e vrane ata te cilet bota po vuan nga ta dhe qe dikush mund ti quan se po veprojne drejte. E vrane terroristet radikal- islamik.

[uck_aksh]

Postimi origjinal është bërë nga Bjeshka1

Po ket Bhuton kush e vrau?
Sa u gezuan talibanet kur u kthye kjo ne Pakistan. Thonion qe po fiton demokracia dhe behemi te lire. Nuk do te kete me diktature. Donin ta shihnin nje grue ne krye te nje shteti musliman, aq sa cdo gje kishte kaluar ne eufori..Mjere bota me ta.

e vrau ai qe mendoi se to tja zer vendin e tij...........

[Lona]

Dënohet "kërcënimi i vrazhdë dhe në rritje" për lirinë e medieve në mbarë botën

Amsterdam, 8 janar - Udhëheqësit e pesë qendrave të njohura ndërkombëtare të informimit kanë dënuar atë që ata e cilësuan si "kërcënim i vrazhdë dhe në rritje" për lirinë e medieve në mbarë botën. Në takimin në Hilversum të Holandës, drejtorët e Zërit të Amerikës, të BBC-së, Deutche Velle, Radio France International dhe Radio Holanda thanë se ekziston një trend ndaj kufizimeve të medieve dhe sulmeve kundër gazetarëve në shumë vende, në të cilat ato transmetojnë program. U kërkua që qeveritë t'i respektojnë përkushtimet sipas Deklaratës për të Drejtat e Njeriut të OKB-së dhe të lejojnë transmetimin e lirë të informacioneve.

Në Moskë është rrahur një aktiviste e koalicionit opozitar

Moskë, 8 janar - Koalicioni opozitare "Rusia Tjetër" thotë se një aktiviste e tyre është rrahur në Moskë. Një anëtar i këtij koalicioni, u tha gazetarëve se dy persona të paidentifikuar e sulmuan 17-vjeçaren, Maria Koleda, afër shtëpisë së saj. Ajo kishte marrë pjesë në një demonstratë kundër zgjedhjeve parlamentare të dhjetorit, që partisë së presidentit Putin i sollën fitore bindëse.

Geits: Incidenti në Hormuz është "çështje për shqetësim real"

Uashington, 8 janar - Sekretari amerikan i mbrojtjes, Robert Geits tha mbrëmë se incidenti ndërmjet anijeve iraniane dhe anijeve luftarake amerikane në Hormuz është "çështje për shqetësim real". Ai u tha reporterëve se "do të ishte mirë që të shohim se qeveria iraniane nuk ka ditur" për incident dhe të thotë se "nuk do të ndodhë prapë". Zyrtarë të Shteteve të Bashkuara thanë se tri anijeve luftarake amerikane, që ishin nisur për Gjirin Persik, në ujërat ndërkombëtare u ishin afruar 5 anije të vogla, që besohet se i takonin marinës së Gardës revolucionare iraniane.

[Lona]

Rupel: Misioni civil evropian duhet të shkojë sa më parë në Kosovë

Lubjanë, 8 janar - Shefi i diplomacisë sllovene Dimitrij Rupel, në lidhje me statusin e Kosovës ka deklaruar sot në Lubjanë në Kosovë nuk do të ndodhë shpallja e njëanshme e pavarësisë, por do të arrihet një marrëveshje se si të zgjidhet kjo çështje, që siç ka thënë ai, nuk do të thotë se duhet vazhduar bisedimet e Beogradit dhe Prishtinës, sepse sipas vlerësimeve të Këshillit të Evropës, negociatat e tilla nuk do të sillnin përparime. Rupel ka thënë para gazetarëve se në zgjidhjen e çështjes së Kosovës nuk duhet nxituar, duke shtuar se kjo nuk duhet të jetë e ngadalshme dhe me shtyrje të reja. "Çështja e Kosovës është tepër serioze për ta kuptuar aq lehtë", ka thënë Rupel dhe ka shtuar se Sllovenia dhe Presidenca e saj me BE-në do të përcjellë vendimet e Këshilit të Evropës, i cili në dhjetor ka vendosr që në Kosovë të dërgohet misioni civil. Rupel është shprehur se misioni civil evropian duhet të shkojë sa më parë në Kosovë.

Në moshën 37 vjeçare vdiq gazetari Xhevdet Krasniqi

Prizren, 8 janar - Pas një sëmundjeje të shkurtër, në spitalin e Shkupit në moshën 37 vjeçare vdiq gazetari Xhevdet Krasniqi. I ndjeri për shumë vite ushtroi profesionin e gazetarit dhe ishte korrespondent i Radio Televizionit 21 nga Prizreni që nga vitet e para të pasluftës në Kosovë. Ceremonia e varrimit të Xhevdet Krasniqit bëhet sot në fshatin Nagavc të Rahovecit.

Hollbruk: Kosova do të shpallë pavarësinë në muajin shkurt

Budapest, 8 janar - Ish-diplomati amerikan Riçard Hollbruk ka deklaruar se Kosova do të shpallë pavarësinë në muajin shkurt. "Kosova që në muajin e ardhshëm do të shpallë pavarësinë dhe më e rendësishme është që kjo të realizohet në mënyrë paqësore", ka thënë kreatori i politikës amerikane në Ballkan në një emision të TV hungarez. Sipas mendimit të tij, është e sigurt që Serbia dhe Rusia do të hedhin poshtë shpalljen e pavarësisë së Kosovës, por atë do ta njohin SHBA-të, Britania, Franca, Italia dhe shumica e vendeve të tjera të BE-së. "Edhe Hungaria publikisht ka paralajmëruar se dëshiron të ecë kësaj rruge, domethënë do ta njohë pavarësinë e Kosovës, gjë që është shumë e rëndësishme, sepse bëhet fjalë për shtetin i cili gjeografikisht ndodhet më afër këtij rajoni", ka thënë Hollbruk dhe ka theksuar se në "Serbi jetojnë më shumë hungarezë sesa serbë në Kosovë". Hollbruk ka porositur që për procesin e Kosovës duhet të bëhen përpjekje që të mbyllet në mënyrë paqësore, ndonëse siç thotë nuk ka garancione. "Shtetet evropiane, përfshi edhe Rusinë, duhet të sigurojnë që serbët të mos shkaktojnë edhe një krizë të armatosur, por përgjegjësi e madhe bie edhe mbi shqiptarët, të cilët duhet të garantojnë të gjitha të drejtat e njeriut dhe të pronës për pakicën e atjeshme serbe", ka përfunduar Hollbruk.

[Preshevar]

Postimi origjinal është bërë nga pirro

Civilet irakian po vriten nga shiitet dhe sunitet te cilet jane barazim me IRAKAIN .

Aha... per ty qenkan Shi'itet, Sunitet & Irakianët ?!

Mir nifsha per ty.

[Preshevar]

Postimi origjinal është bërë nga Lona

Në moshën 37 vjeçare vdiq gazetari Xhevdet Krasniqi

Prizren, 8 janar - Pas një sëmundjeje të shkurtër, në spitalin e Shkupit në moshën 37 vjeçare vdiq gazetari Xhevdet Krasniqi. I ndjeri për shumë vite ushtroi profesionin e gazetarit dhe ishte korrespondent i Radio Televizionit 21 nga Prizreni që nga vitet e para të pasluftës në Kosovë. Ceremonia e varrimit të Xhevdet Krasniqit bëhet sot në fshatin Nagavc të Rahovecit.

.........Zoti e mëshiroftë !

[Lona]

Politikani austriak Frëhliç dënohet për mohim të holokaustit

Vjenë, 15 janar - Ish-politikani austriak, Volfgang Frëhliç, 56-vjeçar, i shpallur dy herë fajtor për mohimin e holokaustit, është dënuar me katër vjet burg pa kusht. Ai e ka quajtur përndjekjen e ebrejve gjatë kohës së nazismit ndër të tjera në një letër drejtuar konferencës së peshkopëve dhe papës Benedikti i XVI si “gënjeshtra satanike e gjenocidit”. Gjykata në Vjenë përveç kësaj ka tërhequr edhe një dënim të mëparshëm me kusht. Kështu që dënimi i Frëhliçit mund të arrijë në gjashtë vjet e gjysmë burg.

Rajs në vizitë të paparalajmëruar në Bagdad

Badgad, 15 janar - Sekretarja amerikane e shtetit, Kondoliza Rajs, po e bën një udhëtim të paparalajmëruar në Bagdad, për të biseduar me liderët irakianë. Zonja Rajs, aktualisht gjendej, së bashku me presidentin Bush, në Arabinë Saudite, në kuadër të turneut në Lindjen e Mesme. Zëdhënësi i Shtëpisë së Bardhëu tha reporterëve në Riad se Rajs do të kërkojë nga liderët irakianë më tepër progres në pajtimin politik. Ajo do te takohet me kryeministrin irakian, Nuri al Maliki, ministrin e jashtëm Hoshjar Sebari dhe përfaqësues të tjerë të qeverisë, me të cilët do të bisedojë për pajtimin politik midis shiitëve dhe sunitëve, njoftoi ambasada amerikane në Bagdad.

Bush: Çmimet e larta të naftës dëmtojnë ekonominë

Riad, 15 janar - Presidenti amerikan Xhorxh Bush, që gjendet në vizitë më Arabinë Saudite, tha sot se shpreson se prodhuesit e naftës do ta kenë parasysh ndikimin negativ të çmimeve të tashme të larta të naftës në ekonominë e Shteteve të Bashkuara. Ai tha se këtë çështje do ta shtrojë në takimet e tij me mbretin saudit, Abdullah. Unë përsëri do të bisedoj sonte lidhur me faktin se çmimet e naftës janë shumë të larta, që paraqet vështirësi për ekonominë tonë dhe shpresoj se OPEKU do t'i shqyrtojë nivelet e ndryshme të prodhimit, pasi nëse dëmtohet ekonomia e njërit prej shpenzuesve më të mëdhenj, atëherë kjo nënkupton më pak naftë dhe gaz të shitur, tha presidenti Bush në një konferencë për shtyp në Riad të Arabisë Saudite.