Lajme Aktuale....

[Neferta]

Mos festoni lirimin e bombarduesit


Megrahi u prit si hero në Libi Qeveria britanike i ka kërkuar Libisë të mos festojë përvejtorin e parë të lirimit të 'bombarduesit të Lockerbisë'.
Një vit më parë një gjykatë në Skoci i fali lirinë libanezit Abdel Baset Al- Megrahi i cili ishte dënuar për bombën në avionin që ra në Lokerbi të Skocisë.
Lirimi i tij u bë për arsye njerëzore, pasi vuante nga kanceri vdekjeprurës në prostat dhe mjekët thanë se i kishin mbetur vetëm rreth tre muaj jetë.
Lirimi i tij shkaktoi zemëratë në Amerikë. Ka kaluar një vit nga lirimi i tij dhe ai vazhdon të jetojë në Libi.
Katër senatorë amerikanë kanë kërkuar të kryhet një hetim i pavarur për të gjetur asryen pse u lirua personi i vetëm i dënuar për tragjedinë e Lokerbisë në 1988-ën ku humbën jetën 270 persona.
Senatorët kërkojnë më shumë informacion për opinionin mjeksor që çoi në marrjen e këtij vendimi, dhe për komunikimin mes qeverisë britanike dhe kompanisë së naftës British Petroliom e cila ishte në negociata me Libinë në atë kohë. bbc.

[Neferta]

Rrahen per loje

Athinë: Basketbollisti i Serbisë u lirua nga burgu

20.08.2010
Basketbollisti i Serbisë, Nenad Kërstiq, është liruar sot nga burgu në Athinë, pasi është mbajtur gjatë natës, lidhur me problemet e shkaktuara në ndeshjen me Greqinë.

Afro 5 mijë shikuesit e habitur në Arenën Olimpike në Athinë, ku zhvillohej takimi Greqia – Serbia, e panë situatën kur lojtarët e të dy palëve e goditnin njëri-tjetrin, vetëm disa minuta para përfundimit të ndeshjes finale të turneut Akropolis.

Lojtari Nenad Kërtsiq e kishte kapur për fyti një lojtar grek dhe e kishte hedhur një karrigë drejt një lojtari tjetër kundërshtar. Karriga e kishte goditur basketbollistin e Greqisë, Yannis Bouroussis, duke e përgjakur në kokë. eu. e lire

[Neferta]

1. Viktor But do të ekstradohet në SHBA

20.08.2010, 13:43
Gjykata e Apelit e Tajlandës mori vendimin mbi ekstradimin e biznesmenit dhe trfikantit te armeve nga Rusia Viktor But në SHBA. Vendimi i kësaj instance nuk mund të bëhet kurrsesi objekt shqyrtimi, rishikimi. But do të niset për në Uashington tashmë pas disa ditësh. Në SHBA biznesmenin kontrabandist rus e akuzojnë për trafikim armësh dhe krime ekonomike. Qytetari rus e quajti vendimin e gjykatës së Tajlandës provokim dhe e lidhi atë me presionin politik që ushtrohet nga Uashingtoni mbi Bangkokun. kerkohej qe moti nga gjygjesija Amerikane.cnn

[Llapjani_HH]

Bogdanoviq qëndron në veri të Mitrovicës

Ministri serb për Kosovën në Qeverinë e Serbisë, Goran Bogdanoviq është duke qëndruar sot në veri të Mitrovicës, me ç’rast bëhet e ditur se do të bisedojë me përfaqësuesit e sindikatave për çështjen e shtesave të tyre.

Sipas burimeve nga veriu, Bogdanoviq do t’i diskutojë me përfaqësuesit e këtyre sindikatave problemet e punëtorëve, por në mënyrë të veçantë në lidhje me aktivitetet e qeverisë për vazhdimin e pagesës së shtesave.

Pas këtij takimi, Bogdanoviq do të mbajë një konferencë me gazetarë në zyrën e Ministrisë për Kosovën në veri të Mitrovicës.

Zyrtarët nga Policia e Kosovës deklaruan se pasi është konfirmuar se Bogdanoviq vjen në Kosovë në cilësinë e qytetarit të Kosovës edhe i është lejuar hyrja nga autoritetet e EULEX-it.

“Po Bogdanoviq ndodhet në pjesën veriore të Mitrovicës, por ai është duke qëndruar si banor i Kosovës”, ka thënë zëdhënësi Besim Hoti, i cili theksoi se nëse ka ndonjë ndryshim të agjendës së tij dhe sillet si zyrtar i Serbisë, atëherë policia do të respektoj vendimet e institucioneve të Kosovës.

Ditë më parë kryeministri i Kosovës, Hashim Thaçi ka marrë vendim që mos të lejohen vizitat e zyrtarëve serbë në Kosovë, për shkak të provokimeve politike që janë shkaktuar nga këto vizita deri më tash.

Vendimin e kryeministrit Thaçi për bllokimin e vizitave të liderëve serbë në Kosovë, ministri Bajram Rexhepi e ka quajtur ndëshkim ndaj atyre të cilët vizitat e paralajmëruara për qëllime fetare i përdorin për qëllime politike.(KosovaPress)
Gazeta expres

Zyrtarët e PTK-së rrisin rrogat e veta, ia tejkalojnë presidentit të Kosovës

Në prag të privatizimit të Postës dhe Telekomit të Kosovës, 11 zyrtarë të këtij institucioni i kanë rritur pagat e tyre.

Kështu Bardhyl Sejdiu ia ka dalë që për 100 euro t’ia kalojë me pagë edhe vetë babait të tij, Fatmirit, që ka pagën më të madhe nga buxheti i Kosovës, si president i vendit.

Përderisa edhe Demir Limaj i bën konkurrencë të madhe vëllait të tij, Fatmirit, që është ministër dhe deputet, raporton KTV.

Me të kuptuar se Posta dhe Telekomi sigurt do të privatizohet, zyrtarë të kësaj ndërmarrjeje janë ngutur që pagat të cilat janë quajtur të majme, t’i rrisin edhe më.

11 zyrtarë të lartë të Postës dhe Telekomit të Kosovës kanë përfituar nga rritja e gradave brenda institucionit ku punojnë.

Kjo ngritje në gradë ka sjellë edhe rritje të pagave të tyre, në kohën kur PTK-ja pritet të privatizohet.

KTV-ja nëpërmjet burimeve brenda këtij institucioni i ka mësuar edhe emrat e përfituesve që i bën ata ekipin me pagat më të mëdha në ndërmarrjet kosovare.

Prej gradës 15, e cila paguhet me 2 mijë euro, kanë kaluar shefi i prokurimit Fatmir Gjonbalaj dhe drejtori për marrëdhënie me jashtë, Menduh Abazi.

Tash që të dy do të paguhen 3 mijë e 500 euro bruto.

Të njëjtin fat e kanë edhe 9 zyrtarë të tjerë të cilët e kanë pasur gradën 16 dhe diferenca nga e cila kanë përfituar është 1 000 euro.

Ata janë:

Xhevdet Smakiqi (këshilltar),

Elvis Pista (Këshilltar),

Bardhyl Sejdiu (shef i sigurimeve),

Besnik Jani (drejtor i burimeve njerëzore),

Bedri Barku (u.d. i drejtorit të “Valës”),

Fatos Shema (menaxher),

Visar Xhaferi (menaxher ),

Demir Limaj (drejtor i marketingut),

Slobodan Petroviq (departamenti i kthimeve).

Tash e disa ditë askush nga zyra e komunikimit me media nuk ka qenë e gatshme t’i përgjigjet KTV-së në interesimin për këtë temë.

Grada 17 është më e larta në këtë ndërmarrje, por përjashtim bën vetëm kryeshefi ekzekutiv, Shyqri Haxha, i cili paguhet 5 mijë euro bruto.

Paga prej 3 mijë e 500 euro është më e madhe se sa e presidentit, i cili paguhet 3 mijë e 400 për muaj si dhe e kryeministrit, i cili paguhet 2 mijë e 400 euro bruto.

Bordi i PTK-së kishte premtuar se do të bëjë nivelimin e pagave pasi ndërmarrjet e tjera kishin filluar ta bënin këtë.

Pavarësisht kësaj, kanë qenë rritjet e pagave të cilat e kanë karakterizuar këtë ndërmarrje krejt kohën.

Paga mesatare në Kosovë është 272 euro.

Koha.net

[Llapjani_HH]

"Beteja” para Asamblesë së Përgjithshme

Analistët në Prishtinë tërheqin vërejtjen se miratimi eventual i rezolutës së Serbisë në Asamblenë e Përgjithshme të Kombeve të Bashkuara do të minimizonte rolin pozitiv që pati mendimi i Gjykatës Ndërkombëtare të Drejtësisë për Kosovën. Por, një mundësi e tillë hidhet poshtë nga zyrtarët e Qeverisë të cilët thonë se nëse do të ketë rezolutë, ajo do të jetë në favor të Kosovës dhe në harmoni me mendimin e GJND-së.

Qeveria e Kosovës pret që rezultatet e sesionit të radhës të Asamblesë së Përgjithshme të Kombeve të Bashkuara në çështjet që kanë të bëjnë me Kosovën, të reflektojnë me mendimin e Gjykatës Ndërkombëtare të Drejtësisë.

Ndërkohë, analistët tërheqin vërejtjen se kalimi eventual i rezolutës së propozuar atje nga Serbia do të minimizonte rolin e ndikimit politik që pati mendimi pozitiv i GJND-së për pavarësinë e Kosovës.

Por, një gjë të tillë nuk e pret dhe nuk e beson zëvendësministrja e Jashtme, Vlora Çitaku. Ajo thotë se nëse do të nxirret ndonjë rezolutë nga Asambleja e Përgjithshme, ajo do të jetë në favor të Kosovës dhe në harmoni me mendimin e GJND-së.

Në rast se do të ketë rezolutë të miratuar nga ana e Asamblesë së Përgjithshme për përmbylljen e procesit në GJND, ajo do të reflektojë opinionin e GJND-së dhe jo diçka tjetër...

“Në rast se do të ketë rezolutë të miratuar nga ana e Asamblesë së Përgjithshme për përmbylljen e procesit në GJND, ajo do të reflektojë opinionin e GJND-së dhe jo diçka tjetër”, thotë Çitaku.

Ndërkaq, analistët tërheqin vërejtjen se, nëse rezoluta e propozuar serbe kalon, atëherë ajo do të kishte pasoja politike për Kosovën.

Driton Lajçi thotë për Radion Evropa e Lirë se duhet pritur diplomacinë evropiane dhe atë amerikane nëse do t’ia dalin që ta bindin Serbinë të heqë dorë nga rezoluta, pasi që edhe modifikimi i saj, sipas tij, nuk paraqet zgjidhje.

“Nëse ajo kalon, që do të ishte një situatë tejet e paimagjinueshme, atëherë do të balancohej, minimizohej roli politik i mendimit të GJND-së, i cili është në favor të deklaratës së pavarësisë së Kosovës”.

“Besoj se ajo nuk do ta marrë votën e duhur për t’u miratuar, sepse do të ishte e pakuptimtë dhe jo e logjikshme të votojnë një draft-rezolutë që është në kundërshtim me mendimin e GJND-së, organ ky i OKB-së", vlerëson Lajçi.

Analisti Driton Lajçi thekson se Serbia është në avantazh, pasi që ky vend tashmë e ka dorëzuar i pari draft-rezolutën në Nju-Jork.

Andaj, sipas tij, nismat e ndonjërit nga vendet mike të Kosovës për ndonjë rezolutë tjetër nuk mund të procedohen, pasi që bëhet fjalë për të njëjtin problem.

“Serbia është një hap përpara. Ajo e ka dorëzuar zyrtarisht tashmë projekt-rezolutën në Asamblenë e Përgjithshme dhe sipas procedurave diskutohet apo hyn në rend ditë projekt-rezoluta e parë dhe nuk ka mundësi që për të njëjtën çështje të draftohen, të dorëzohen dy projekt-rezoluta”.

“Prandaj, kjo është një situatë e palakmueshme e papritur, e madje e pafavorshme edhe për ato shtete që duan ta respektojnë mendimin e GJND-së”, thekson Lajçi.

Në anën tjetër, zëvendësministrja Vlora Çitaku thotë se Kosova nuk është vetëm dhe se ajo si edhe në të kaluarën mbështetet nga miqtë e saj ndërkombëtarë.

Ajo shton se mund t’i sigurojë qytetarët e Kosovës se edhe në Asamblenë e Përgjithshme Kosova do të dalë fitimtare në raport me Serbinë, sikurse edhe në Gjykatën Ndërkombëtare të Drejtësisë.

“Unë vetëm mund t’ju siguroj që ne po i bëjmë të gjitha përgatitjet dhe se ne gjithmonë kemi bashkërenduar përpjekjet dhe hapat tanë me partnerët ndërkombëtarë”.

“Edhe në Asamblenë e Përgjithshme nuk do të jemi vetëm dhe besojmë se edhe atje (Asamblenë e Përgjithshme të OKB-së) do të dalim të suksesshëm”, deklaron zëvendësministrja Çitaku.

Sesioni i radhës i Asamblesë së Përgjithshme të OKB-së pritet të nisë nga mesi i muajit shtator. Kosova nuk është anëtare e Kombeve të Bashkuara dhe nuk do të mund të marrë pjesë atje, por shpreson që pikëpamjet e saj të paraqiten dhe mbrohen nga vendet mike.

Por, pavarësisht këtij fakti, tashmë është paralajmëruar që në Nju-Jork do të udhëtojnë udhëheqësit më të lartë të Kosovës, të cilët në margjinat e këtij sesioni, pritet të zhvillojnë takime me përfaqësues e udhëheqës të shteteve të ndryshme botërore.
Radio Evropa e Lirë

Kush e mbron Kosovën?

Ish-zyrtarë të institucioneve të Kosovës dhe mekanizmave të sigurisë theksojnë nevojën për ngritjen e kapaciteteve të mbrojtjes për Kosovën. Veprimi i mekanizmave që merren vetëm me sigurinë e brendshme, sipas tyre, nuk është i mjaftueshëm për shtetin. Përfaqësues të Kuvendit të Kosovës, ndërkaq, thonë se me mbështetjen ndërkombëtare po forcohen autoritetet vendore të sigurisë.

Pavarësisht vlerësimeve që flasin për një gjendje të qëndrueshme të sigurisë me, siç thuhet, incidente të izoluara në veri të vendit dhe për mosekzistimin e kërcënimeve nga jashtë, Kosova duhet të nisë debatin për mbrojtjen e të mos përqendrohet vetëm në krijimin e kapaciteteve të brendshme të sigurisë, thonë ekspertë të sigurisë në Kosovë.

Komandanti i Ushtrisë Çlirimtare të Kosovës gjatë 1999-ës, dikur kryeministër i Kosovës, Agim Çeku, thotë se përveç aspektit të sigurisë, institucionet kosovare duhet të nisin të mendojnë për hartimin e planeve të mbrojtjes.
Agim Çeku

“Është shumë e gabueshme dhe ne disi po e tolerojmë se në Kosovë flitet vetëm për sigurinë - nuk flitet për mbrojtjen. Në çdo vend tjetër, në çdo vend normal flitet për mbrojtje dhe siguri. Këto janë dy gjëra që dallojnë shumë”.

“Faktori ndërkombëtar na ka imponuar të bisedojmë vetëm për sigurinë, të kemi vetëm forca të sigurisë, të kemi vetëm polici e assesi të mos bisedojmë, të planifikojmë apo të ndërtojmë kapacitetet për mbrojtjen e Kosovës”, thotë Çeku.

Policia e Kosovës është mekanizmi kryesor në vend, i cili, bashkë me pjesëtarët e policisë së EULEX-it, është përgjegjës për mbajtjen e rendit dhe të sigurisë në Kosovë. Mbrojta, ndërkaq, garantohet nga trupat e misionit të NATO-s.

Aktualisht, në Kosovë janë të angazhuar më pak se 10 mijë ushtarë të KFOR-it, formacion ky që nga ushtarakë të lartë në NATO është paralajmëruar të pësojë reduktime të mëtejme në 5000 e më pak ushtarë.

Forca e Sigurisë së Kosovës, ndonëse në zhvillim e sipër, sipas legjislacionit në fuqi nuk është e përcaktuar të jetë ushtri. Çeku thekson varësinë aktuale të Kosovës nga prania ndërkombëtare, duke shprehur nevojën për ngritjen e kapaciteteve ushtarake.

“Kosova sot është plotësisht e varur në aspektin e mbrojtjes; mbrojtjes së integritetit territorial, tërësisë territoriale, sovranitetit të saj në tërë territorin, nga faktori ndërkombëtar, konkretisht nga KFOR-i apo nga NATO-ja”.

“Siguria apo sektori i sigurisë nuk është fare prioritet i qeverisë. Nuk ka resurse, nuk ka interesim, nuk ka angazhim që të ndërtohen kapacitetet e Kosovës për siguri”, thekson Çeku, duke kritikuar Strategjinë Kombëtare të Sigurisë së Kosovës, të cilën Qeveria e ka proceduar, kohë më parë, në Kuvendin e Kosovës.

Mirëpo, strategjia në fjalë, sipas përfaqësuesve të legjislativit kosovar paraqet një kornizë të qartë për mënyrën dhe format e garantimit të sigurisë në Kosovë.

Kreu i Komisionit parlamentar për punë të brendshme dhe siguri, Rrustem Mustafa, hodhi poshtë vlerësimet që flasin për varësinë e institucioneve të Kosovës nga mekanizmat ndërkombëtar të sigurisë.

“Ne nuk e llogarisim veten të varur nga Bashkësia Ndërkombëtare, por të përkrahur nga Bashkësia Ndërkombëtare dhe me mbështetjen e tyre po ngremë kapacitetet vendore. Ju e dini se FSK-ja po shkon në rrugë të mbarë e të mirë sikurse policia”, shprehet Mustafa.

Kohë më parë, autoritetet vendore theksuan nevojën për themelimin e bashkëpunimit me shtetin serb për t’u ballafaquar me problemet aktuale lidhur me sigurinë rajonale.

Serbia, ndërkaq, vazhdon të kërkojë kthimin e një pjese të forcave ushtarake serbe në territorin e Kosovës - gjë që është kundërshtuar nga mekanizmat përgjegjës ndërkombëtar të sigurisë në vend.
Radio Evropa e Lirë

[Llapjani_HH]

Ohri, vendi i mundshëm i takimit Prishtinë-Beograd

Maqedonia mund të jetë vendi i mundshëm për bisedimet teknike Prishtinë-Beograd, kur të vendoset nga palët, shkruan e përditshmja Lajm, duke cituar burime diplomatike në Maqedoni.

Sipas këtyre burimeve, Ohri është në mesin e qyteteve kandidate, ku do të mund të zhvilloheshin bisedimet eventuale mes Kosovës dhe Serbisë, nëse dy vendet arrijnë marrëveshje për një gjë të tillë.

“Nëse vendoset që këto bisedime të zhvillohen në Ballkan, atëherë qyteti i Ohrit është konsideruar në mesin e adresave më të mira ku do të ulen të dy palët.

Ohri njihet si qyteti ku u arrit Marrëveshja kornizë e Ohrit, me të cilën qe ndërprerë konflikti i armatosur ndërmjet shqiptarëve dhe maqedonasve në vitin 2001, andaj llogaritet si vend i përshtatshëm edhe për negociata mes palës serbe dhe kosovare”, tha një diplomat që kërkoi të mbetet anonim.

I njëjti burim nuk përjashton mundësinë që selia e bisedimeve sërish të jetë Vjena, ose ndonjë kryeqendër tjetër evropiane, por nuk përjashtohet mundësia që negociatat të zhvillohen me raunde - njëherë në Prishtinë e njëherë në Beograd.

Faktori ndërkombëtar vazhdimisht po bën presion mbi Prishtinën zyrtare dhe Beogradin që të ulen në bisedime për të zgjidhur disa mosmarrëveshje.

Vetë ulja e tyre në bisedime do të thotë se të dyja vendet do të pajtohen të vazhdojnë rrugën për hyrje në BE.

Të dyja palët janë të gatshme të bisedojnë, por për tema të ndryshme.

Kosovarët pranojnë të bisedojnë me Serbinë vetëm si një shtet fqinj dhe vetëm për çështje teknike, kurse Beogradi kërkon që me Kosovën të bisedohet për statusin final, pasi e konsideron të papranueshme pavarësinë e shpallur më 17 shkurt 2008.
Koha.net

Eskorta e kryeministrit anashkalon komunat e AAK-së

Eskorta e kryeministrit Hashim Thaçi shpesh kalon midis qytetit të Suharekës dhe kurrë nuk ndalon aty.

Andej është parë edhe të premten pasdite, kur kryeministri udhëtonte drejt Prizrenit për të shkuar në iftar.

Kryeministri viziton më së shpeshti këtë komunë, ngaqë të njëjtën ditë kur partia e tij ka humbur statusin prej opozitareje në nivel vendi, edhe atje ka fituar për herë të parë zgjedhjet lokale.

Por, në Suharekë nuk ndalon.

Zgjedhjet e fundit lokale kanë vënë në krye të Komunës Blerim Kuçin, i kandiduar për këtë post nga partia më e zhurmshme opozitare në nivel qendror, Aleanca për Ardhmërinë e Kosovës.

Ndërkaq për një përqindje të vogël kishte humbur këtë garë elektorale Ramë Vataj, kandidat i subjektit politik që drejton Thaçi.

Në cilësinë e kryetarit të komunës, Kuçi s’ka mundur ta takonte ndonjëherë kryeministrin.

“Veç me ia zanë pritën një ditë edhe me ia qitë një kafe”, ka thënë në humor, tek ka treguar për pamundësinë e takimit me të.

Dhe, jo vetëm me të.

“Kemi bërë kërkesë për t’u takuar me ministrin e Arsimit, me të Transportit, të Planifikimit Hapësinor, të Kulturës, ..., dhe me asnjërin nuk është realizuar ndonjë takim.

Vetëm ministri i Transportit më ka caktuar një termin, por u anulua me arsye, ndërsa ka të tillë si ministri i Arsimit që gjen arsye për të mos u takuar, edhe pse kam përsëritur 6-7 herë kërkesën”, është ankuar Kuçi.

“Unë mund të marr me mend se kjo po bëhet për shkak se nuk ka fituar PDK-ja, dhe duke na bojkotuar me takime dhe duke mos na përkrahur projektet që dorëzojmë për financim, mundohen të na qesin si komuna të pasuksesshme”.

Çka thotë për këtë nënkryetari i parë i AAK-së, Blerim Shala, çka zëdhënësi i qeverisë Memli Krasniqi, çka Ali Berisha i Pejës e të tjerë, për këtë lexoni gjerësisht në numrin e sotëm të Kohës Ditore.
Koha.net

Protestë multietnike

Shqiptarë, serbë, boshnjakë, goranë etj, kanë protestuar bashkërisht në mënyrë të qetë, për shkak të mungesës së ujit të pijshëm, duke i bllokuar rrugën që shpien në lagjen “Kodra e Minatorëve”.

Kjo është protesta e parë që banorë të saj, pa dallim etnie e feje, së bashku kanë protestuar për problemet që ata i preokupojnë. Protesta është mbajtur të premten në orët e pasdites, raporton KD.

Mungesa e ujit të pijes është problem i të gjithëve andaj edhe kanë dal të gjithë së bashku për të protestuar në mënyrë të qetë dhe të kërkojnë nga autoritetet që ky problem të zgjidhet sa më shpejtë, kanë thënë protestuesit.

Elizabeta Kelmendi tha se është duke hequr të zitë e ullirit në këto ditë vape nga mungesa e ujit. “Lagjes po i vjen era pisllëk e për këtë nuk e çan kush kokën, ndonëse ne banorët kemi reaguar me kohë”, është shprehur ajo.

Edhe Nenad Jakshiq tha se ka dalë të protestojë për shkak të mungesës së ujit dhe se banorët e lagjes janë të irrituar edhe më shumë për faktin se askush nuk u jep kurrfarë sqarimi. “Ne kërkojmë ujë dhe asgjë tjetër.

Nuk duam të bëjmë politikë, sepse uji nuk është politikë, uji është çështje jetike”, ka thënë ai.

Përfaqësuesi i serbëve të lagjes, Nenad Mariq, tha se është ky një tubim i qetë protestues për shkak të mungesës së ujit, për zgjidhjen e të cilit problem është trokitur në çdo derë, por pa sukses.

“Ne kemi marrë vetëm premtime dhe asgjë tjetër, e me premtime nuk mund ta shuajmë etjen.

Ne lagje kemi 74 fëmijë nga 1 deri në 3 vjet, kemi persona të hendikepuar, kemi pleq dhe mungesa e ujit në këtë vapë të tmerrshme po na vështirëson jetën e të gjithëve, e sidomos kategorive që përmenda”, ka thënë ai.

Gjatë gjithë kohës protestuesit ishin të rrethuar nga forca policore, të cilët kërkonin të lirohet rruga, por një gjë e tillë nuk ndodhi. Madje, aty pari nuk janë lejuar të qarkullojnë as automjetet e KFOR-it.

Në ndërkohë, në lagje ka arritur edhe nënkryetari i komunës paralele serbe, Sasha Dedoviq, i cili i ka pyetur qytetarët përse nuk kanë ardhur në Komunë për të kërkuar zgjidhjen e problemit, duke u premtuar pastaj se problemi do të zgjidhet menjëherë.

Protesta ka përfunduar e qetë dhe pa incidente, kurse banorët kanë vendosur që nëse nuk zgjidhet problemi, ata sërish do të dalin bashkërisht në protestë.
Gazeta expres

Pse nuk kan shkue edhe politikuajt Shqiptar aty e me ju ndihmue atyre?
Por dalin vetëm me deklarata: jo na kena me rregullue ujin,rrugën, etj etj, e në të vërtet punojn vetëm ta mbushin gjepin e tyre sa ma shum me para të popullit

Statusi i ish ushtarëve të UÇK-së i ngatërruar në labirintin e afateve politike

Derisa dikush manipulon me data dhe bën matematika se statusi i ish pjesëtarëve të UÇK-së do të zgjidhet, deri në fund të vitit 2009, këtë muaj, këtë vit, dhe së fundi deri në fund të këtij mandati, dikush që është i prekur nga lufta, që i përket kësaj kategorie, e që ka status të pazgjidhur si ish ushtarë I UÇK-së, ja se në çfarë kushtesh jeton.

Zija Serani nga fshati Tanushë, ish luftëtar i UÇK-së, ka mbi supe familjen shtatë anëtarësh, të cilën e mban me shumë sakrifica, pa punë, pa asistencë sociale por me ndihmën e shokëve të tij të luftës.

“Shtatë anëtarë jemi, 5 fëmijë kamë, e përballojmë skam çka me bo, tani po duhet me e përballu, s’kemi kurrfarë ndihmë, punë jo”, shprehet Zija Serani, ish luftëtarë i UÇK-së

Serani përveç skamjes përballet edhe me mungesën e dokumenteve personale, problem ky që e bën edhe më të vështirë jetën e kësaj familje dhe i shton edhe më shumë brengën.

Tani afrohet viti i ri shkollor të cilin të gjithë fëmijët e presin me shumë gëzim, por jo edhe fëmijët e Zijaut, të cilët në mungesë të dokumentit të shtetësisë, ndonëse të gjithë të lindur në Maqedoni, nuk mund të vijojnë mësimin.

Tre vajzat e rritura të Zijaut, të cilat nuk deshën t’i filmojmë, tani sikur të kishin dokumentet e duhura, do të duhej të vijonin mësimet në klasë të 6, të pestë dhe të parë.

“Për në shkollë shkaku i dokumenteve fëmijët në shkollë s’po mundem me i dërgua.

I kam dërgua këtu në Shkup, nuk i pranojnë shkaku i dokumenteve.

Në Tanush i kam pas në shkollë, këtu nuk i pranojnë”, tha Zija Serani, ish luftëtarë i UÇK-së

Fatin e Zija Serjanit, sipas organizatave të dala nga lufta, e përjetojnë të paktën 170 familje.
ALSAT M

[Llapjani_HH]

AKI-ja nën presionin e SHIK-ut

Gazeta Koha Ditore në një tekst më të gjatë shkruan sot se nuk është vetëm David L. Philips nga Komiteti Kombëtar për Politikë të Jashtme Amerikane, ai që ka ardhur në përfundim se Shërbimi Informativ i Kosovës, është duke e penguar punën e Agjencisë së Kosovës për Inteligjencë, në mënyrë që ajo të mos mund t’i bëjë konkurrencë.

Së fundmi, edhe kryetari i Komisionit parlamentar për mbikëqyrjen e AKI-së, Gani Geci, është vënë në dijeni se struktura të caktuara të SHIK-ut, janë duke i shantazhuar kandidatët që pretendojnë të bëhen agjentë shtetërorë, e që më përpara nuk kanë qenë pjesëtarë të SHIK-ut.

Geci ka thënë të shtunën se format e shantazheve janë nga më të ndryshmet, por më të theksuara janë ato përmes letrave.

“Si kryetar i komisionit jam njoftuar me këtë që po ndodh dhe këtë shqetësim e kam shprehur edhe në një bisedë që kam zhvilluar me drejtorin e AKI-së, Bashkim Smakaj”, tregon deputeti Geci, i cili është nga partia opozitare, Lidhja Demokratike e Dardanisë.

Ai ka drojën se AKI-ja nuk do të mund të pastrohet në tërësi nga njerëzit që kanë shërbyer më herët në strukturat informative partiake, por zotohet se do të bëjë çmos që t’i identifikojë dhe t’i bëjë publikë ata që kanë qenë më herët të përzier.

Geci nuk e mohon se ka pasur dyshime mbi të kaluarën e disa kandidatëve që tashmë janë bërë agjentë të AKI-së.

(Tekstin e plotë mund ta lexoni në gazetën e sotme Koha Ditore)
Koha.net

Partitë politike dëmtojnë AKI-në

Ekspertë të çështjeve të sigurisë në Kosovë vlerësojnë se funksionimin e Agjencisë Kosovare të Inteligjencës po e dëmtojnë partitë politike.

Agjencia Kosovare e Inteligjencës ndonëse është themeluar qe në një kohë të gjatë, sipas ekspertëve të sigurisë, ajo ende është duke vendnumëruar.

Vonesën e funksionalizimit të këtij institucioni, ekspertët e shohin si shumë të dëmshme për vendi.

Ramadan Qehaja, drejtori i Qendrës Kosovare për Studime të Sigurisë, thotë se është e pakuptimtë vonesa e funksionalizimit të AKI-së.

“Kjo vonesë pati refleksione deri në ditët e sotme, kur agjencia ende nuk është funksionale edhe nuk po e kryen punën e vet. Pavarësisht asaj që është thënë se deri në fund të këtij viti do të funksionalizohet pjesërisht dhe do të fillojë puna, unë mendoj se kjo vështirë se do të ndodhë, por edhe nëse ndodh, rezultatet do të jenë minimale”, vlerëson Qehaja.

Për funksionalizimin e këtij organi të sigurisë, eksperti Qehaja thotë se duhet të ketë një angazhim institucional.

Ai shpreh mendimin se udhëheqjes së AKI-së i duhet një përkrahje për rekrutimin e njerëzve të rinj. Në të kundërtën, sipas zoti Qehaja, Kosova do të jetë shumë prapa pa funksionimin e AKI-së dhe funksionimin e shërbimeve tjera në Kosovës.

“Pa një shërbim të mirëfilltë të Inteligjencës, qoftë ai numerikisht i vogël, ne nuk mund të presim që dikush ta rregullojë këtë punë, por ne vetë duhet të ndërmarrim masa në mënyrë që të jetë funksionale kjo agjenci”.

“Ne nuk e kemi agjencinë, e cila do të zbulonte të gjitha aktivitete që kanë të bëjnë me destabilizimin e Republikës së Kosovës, qoftë përbrenda apo edhe nga jashtë”, thekson Qehaja.

Eksperti Qehaja vëren dy probleme, të cilat po ndikojnë direkt në funksionalizimin e agjencisë së Inteligjencës

“Ka shumë njerëz, të cilët janë paraqitur, por nuk ka njerëz të duhur. E dyta është që ka refleksione të ndryshme nga jashtë, pse mos ta themi edhe shërbime partiake që kanë ekzistuar edhe më herët, ka njerëz të tillë që dëshirojnë të hyjnë në ketë shërbim”, deklaron Qehaja.

Nga ana tjetër, përfaqësues të partive politike opozitar hedhin kritika në drejtim të institucioneve qendrore për vonesën funksionimit të AKI-së.

Ibrahim Selmanaj, anëtar Komisionit për Mbikëqyrjen e Agjencisë Kosovare për Inteligjencë nga Aleanca për Ardhmërinë e Kosovës, thekson se mosmarrëveshjet politike brenda koalicionit qeverisës që nuk do të duhej të ishin, bëjnë që AKI-ja të mos jetë funksionale.

“Ka pasur probleme politike për themelimin e funksionalizimit të Agjencisë Kosovar të Inteligjencës dhe këtu është i qartë një mosbashkëpunim në mes të dy forcave politike që e udhëheqin Qeverinë dhe pre e këtyre zhvillimeve prapë është mosfunksionalizimi i AKI-së”.

“Pra, janë interesa të ngushta të partive në pushtet dhe nuk kanë një strategji apo nuk kanë besim që t’i japin hapësirë zhvillimit dhe funksionimit të AKI-së”, shprehet Selmanaj.

Selmanaj potencon se nga mospuna e AKI-së, do të ketë edhe situatë të paqëndrueshme të sigurisë.

“Pasojat do të jenë në vazhdimësi. Për AKI-në, ka nevojë qytetari i Kosovës dhe mekanizmat e tjerë mbrojtës. Kjo gjendje do ta sjellë një situatë jo të qëndrueshme në Kosovë”, thotë Selmanaj.

Drejtori i Agjencisë Kosovare të Inteligjencës kohë më parë kishte deklaruar se ky institucion është duke funksionuar, edhe pse, sipas tij, ende nuk është kompletuar i gjithë stafi.

Ndryshe, veç drejtorit të AKI-së në shtatorin e vitit të kaluar janë emëruar zëvendësdrejtori Latif Merovci dhe inspektori i përgjithshëm Agron Selimaj.

AKI-ja, tashmë ka hapur konkursin për agjent dhe, siç thuhet, ka pasur interesim të madh për të qenë pjesë e kësaj agjencie.
Radio Evropa e Lirë

Ndërtimi i autostradës nuk kalon pa telashe rreth pronave

Remzi Ismajli nga fshati Milloshevë, është arrestuar nga Policia e Kosovës pasi kishte penguar punimet në tokën e tij.

Gjatë 4 orëve sa kishte qëndruar në stacionin e Policisë së Kosovës në Obiliq, Ismajli tregon se familja e tij kishte qëndruar jashtë, ndërsa punëtorët kishin nisur punën, duke shfrytëzuar mungesën e tij, ka raportuar KTV.

Nga punimet që po zhvillohen për ndërtimin e autostradës drejt Mitrovicës, një pjesë e tokës së tij është zënë tashmë, ndërsa sipas Ismajlit, askush nuk i është ofruar për kompensim, ose për shpronësim.

Ismajli, është ankuar edhe në EULEX dhe tashti është në pritje të veprimeve të tij.

Shtëpia e tij, është shënuar dhe sipas parashikimeve pritet të rrënohet, për t’i hapur mundësi nënkalimit afër shtëpisë së tij, që është pjesë e autostradës.

Ismajli ka shpjeguar se kërkesat e tij janë minimale, nga ajo që faktikisht do t’i merret.

Ndërsa nga Ministria Transportit dhe Postë-Telekomunikacionit, bëjnë të ditur se është në proces shpronësimi dhe se ai do të bëhet në mënyrë kolektive.
Koha.net

Polici rrahet nga policët në Patishka Rekë

Rrihet, maltretohet dhe më pas suspendohet nga puna për shkaqe të panjohura.

Kjo i ka ndodhur një polici shqiptar pas bastisjes së shtëpisë së tij nga kolegët e tij të njësitit për intervenim të shpejtë.

Afrim Zaimovski, polic në stacionin policor të Gazi Babës, nga fshati Patishka Rekë, më 16 gusht është sulmuar fizikisht dhe më pas është dërguar në stacionin policor në lagjen Kisella Vodë, në Shkup.

Gjatë marrjes në pyetje nga policia, Afrimit nuk i është dhënë asnjë shpjegim për arsyen e bastisjes së shtëpisë së tij, por edhe pse është sulmuar nga njësiti policor.

Përkundrazi, për fatkeqësinë e tij, rasti është kthyer në disfavor të tij, duke akuzuar atë se ai ka qenë autorë i sulmit ndaj njërit nga policët.

“Dy vetura Golf dhe një xhip Toyota, 6 njerëz kanë qenë këtu te shpija jonë dhe e kanë vëndu një dry.

Na lajmërun neve, unë erdha prej shtëpisë si isha duke punuar, edhe ata sa kishin dalë prej këtu, i takova pak më tutje edhe i ndala, thash më falni unë jam pronari i shtëpisë, çka lypni te shpija jonë.

Tha kush je ti? Unë i kallëzova se jam polic në stacionin policor në Gazi Babë.

Njëri prej tyre më shtyri, tjetri ma mëshoj në boks, mi venduan kurthet.

Në fillim nuk u deklaruan se kush ishin, por pasi më çuan në stacionin e Kisella Vodës, më tregun se ishin të njësitit për intervenim të shpejtë.

Atje 4 orë më kanë mbajt, nuk dishin se çfarë të rrejnë dhe kur më futën në xhip këtu njëri e shkoqi maicën vet, kinse unë e kam sulmu, e ku mundem unë me 6 vetë me u rreh...”, thekson Afrim Zaimovski.

30 vjeçari Zaimovski, një ditë më pas është suspenduar edhe nga puna me pretekstin se ka sulmuar pjesëtarë nga njësiti për intervenim të shpejtë.

Në raportin policor vetëm 3, nga 6 pjesëtarët e njësitit janë paraqitur, por nuk është paraqitur pikërisht personi që ka sulmuar Afrimin.

“Të nesërmen, me të 17-tin më thirrën atje dhe ma dhanë vendimin për suspendim, derisa të kryehet ky proces.

Arsyeja për suspendim ishte kinse unë fizikisht i kam sulmuar ato.

S’e di me çfarë të drejtash ata kanë hy në pronën e dikujt kur ne jemi pronarë të atij, dhe mendoj se jetojmë në një shtet demokratik që s’duhet me bë kështu rastesh ta vendojn drynin në pronën e dikujt tjetër, plus neve na paraqesin sikur jemi fajtor.

Në vend që të merren masa kundër atyre, ata kanë marrë masa kundër meje, dhe në biltenin çka e kanë shkruar se unë e kam sulmuar fizikisht, personi që ma ka mëshu mua nuk është aspak i shkruar aty”, plotësoi Afrim Zaimovski, polici i suspenduar.

Por, nga Ministria e Punëve të Brendshme hodhën poshtë pretendimet e policit.

Zëdhënësi, Ivo Kotevski tha për Alsat se kundër Afrim Zaimovskit është ngritur padi penale pasi ka sulmuar fizikisht pjesëtarë të njësitit për intervenim të shpejt, gjatë kryerjes së detyrës të tyre.

Kotevski mohon që policët të kenë kryer bastisje në shtëpinë e tij.

Sipas zëdhënësit të MPB-së, polici Afrim Zaimovski do të jetë i suspenduar deri sa të zgjidhet rasti.
ALSAT M

[Neferta]

Pengmarje ne Filipine23.08.2010, 12:47

Në kryeqytetin e Filipineve - Manila një burrë i armatosur, ish bashkëpunëtor policie, mori peng një autobus me pasagjerë. Pengje të tij u bënë 26 turistë nga Hongkongu, ndër të cilët ka edhe fëmijë. Organet filipinase të ruajtjes së rendit hynë në bisedime me keqdashësin, gjë pas së cilës ai liroi 6 pengje. Presupozohet se ai kërkon rivendosjen e vet në detyrë. Krimineli është i armatosur me pushkë amerikane sulmi.

[Neferta]

Vlene edhe per ne.

1. Ditë historike për Gjermaninë - Si u vendos 20 vjet më parë bashkimi i RDGJ-së me RFGJ-në?

.

[Llapjani_HH]

Mbështesin Isa Mustafën

Partitë opozitare në Kosovë mbështesin deklaratat e kryetarit të Prishtinës, Isa Mustafa, i cili kërkoi ndërprerjen e koalicionit aktual PDK-LDK. Me gjithë përkrahjen, opozita beson se Mustafa nuk e ka mbështetjen e nevojshme as në LDK që të bëjë ndryshime, kështu që fton edhe qytetarët që t’i mbështesin kërkesat dhe idetë për zgjedhje të parakohshme parlamentare.

Opozita në Prishtinë kritikon Qeverinë dhe koalicionin aktual për mungesë të vizionit qeverisës dhe fton qytetarët të mbështesin idetë për zgjedhje të parakohshme parlamentare.

Nënkryetari i Lidhjes Demokratike të Dardanisë, Naser Rugova, thotë se është fakt që sot, në Kosovën e pavarur, njerëzit po jetojnë në kushte më të rënda sesa në kohën e administrimit nga Kombet e Bashkuara.

Në formën e pyetjeve, Rugova shtroi shumë dilema pse, sipas tij, në Kosovë sot mbretëron një gjendje kaq e rëndë.

Kanë dështuar në reformimin e shtyllave kryesore të shtetit, në drejtësi, siguri, arsim dhe shëndetësi.

“Çka po ndodh me strategjinë për veriun, ku është projekti i Termocentralit 'Kosova e Re'? Në vitin e tretë si shtet, nuk kanë qenë në gjendje të prodhojnë targa për automjete, dështuan në procesin e privatizimit; korrupsioni dhe krimi i organizuar lulëzon në institucione, kanë premtuar zvogëlimin enorm të shpenzimeve qeveritare, fatkeqësisht statistikat flasin se ato janë trefishuar. Kanë dështuar në reformimin e shtyllave kryesore të shtetit, në drejtësi, siguri, arsim dhe shëndetësi”, thotë Rugova.

Ai fton edhe qytetarët që t’i përkrahin idetë për zgjedhje të parakohshme, duke e parë procesin zgjedhor si shpëtimin e vetëm nga kjo qeverisje.

Ndërkaq, duke iu referuar deklaratave të djeshme të kryetarit të Prishtinës, Isa Mustafa, anëtar i Këshillit të Përgjithshëm të Lidhjes Demokratike të Kosovës, i cili tha se kjo qeverisje nuk i sjell ndonjë dobi Kosovës, dhe kërkoi prishjen e koalicionit, sekretari i përgjithshëm i Aleancës për Ardhmërinë e Kosovës, Burim Ramadani, thotë se Mustafa vetëm e ka konfirmuar atë që e ka thënë më herët edhe opozita.

Ramadani merr si shembull tenderin e fundit për targat e veturave dhe vlerën prej 706 mijë eurosh mbi ofertën reale, duke e cilësuar atë si shumë të shtrenjtë dhe shembull, që, sipas tij, tregon se populli i Kosovës po vazhdon të plaçkitet nga qeveritarët.

“Isa Mustafa e ka përsëritur qëndrimin që e ka AAK-ja për dy vjet me radhë. Ato janë çështje të brendshme të LDK-së, por unë them se konstatimet e AAK-së për dy vjet janë se kjo qeverisje po i bën dëm shtetit të Kosovës dhe edhe ky rast i targave të veturave me 706 mijë euro më shumë sesa që është dashur, është shembull, tregues se sa dëm po i bën qytetarit të thjeshtë të Kosovës. Prandaj, deklaratat e Mustafës janë ato që i ka thënë AAK-ja për dy vjet”, thekson Ramadani.

Ndërkohë, nënkryetari i LDD-së, Naser Rugova, thotë se kërkesat e Isa Mustafës hasin në veshë të shurdhër, pasi që kryetari i Prishtinës, sipas Rugovës, është një zë i vetmuar në LDK.

“Zoti Mustafa ka ngelur një zë i vetmuar, i cili po e përsërit dhe po e sheh se kjo keqqeverisje po e dëmton edhe atë si kryetar i kryeqytetit. Unë e kuptoj shqetësimin e Mustafës, por anija e këtij koalicioni duket se do të shkojë deri në fund, në limanin e tyre, që emërues të përbashkët e ka dështimin dhe falimentimin politik”, shprehet Rugova.

Ndryshe, opozita ka vazhduar me kritika e akuza edhe në drejtim të diplomacisë dhe politikës së jashtme të Kosovës për faktin se pavarësisht mendimit pozitiv të GJND-së për pavarësinë e Kosovës, ende nuk është shënuar asnjë njohje e re.

Ky fakt, sipas opozitës, mund ta zbehë pozicionin e Kosovës tani në prag të sesionit të radhës së Asamblesë së Përgjithshme të Kombeve të Bashkuara.
Radio Evropa e Lirë

[Llapjani_HH]

Fyerje anti-shqiptare në fakultetin ekonomik, arsim të lartë

Një shoqatë jo-qeveritare e akuzoi kryeministrin Nikola Gruevski se po ndjekë një politikë anti-shqiptare dhe së fundi kjo është përhapur edhe në sistemin e arsimit.

Shoqata ‘realiteti’ tha se fyerjet ndaj shqiptarëve mund të ilustrohen edhe me rastin e fletëparaqitjeve për regjistrim në fakultetin ekonomik në Universitetin ‘Shën Kiril dhe Metodij’ në Shkup, ku shqiptarët nuk duken askund në listën e nacionaliteteve të vendit.

“Kjo fyerje serioze paraqitet si vazhdim i politikës më anti-shqiptare të parë ndonjëherë nga ana e Kryeministrit Gruevski.

Ky veprim shovinist dhe tendencioz i ngjan politikave te ish Jugosllavisë për eliminimin demografik të shqiptarëve dhe sot atë e bën një institucion akademik që injoron studentët e vet”, thanë përfaqësuesit e realitetit në një konferencë për shtyp të sotme.
Mesazhi.com

Shqiptarët kanë prejardhje rome?!

Libri “Shoqëria”, për nxënësit e shkollave fillore në Maqedoni, duket lojë fëmijësh, krahasuar me librin “Gjeografia”, për nxënës të vitit të dytë të shkollave të mesme.

Ky i fundit do ishte skandaloz edhe sikur të ishte botuar në Serbi.

“Vendosja e paraardhësve prej të cilëve rrjedh popullsia shqiptare në Maqedoni ka filluar para 220 vjetëve, gjegjësisht kah fundi i shekullit të XVIII.

Në fillim kishte numër të vogël të tyre.

Në shekullin XIX, fillon valë e re e vendosjes së shqiptarëve në Maqedoni, atëherë kur edhe është vendosur numri më i madh i shqiptarëve.

Duhet theksuar se vendosja e re e shqiptarëve në Republikën e Maqedonisë nuk është proces i mbaruar, ai bëhet edhe sot, në fillim të shekullit të XXI.

Një vendosje e këtillë, në momente e pakontrolluar dhe në mënyra të ndryshme, mund t’i dëmtojë të gjithë në Republikën e Maqedonisë”.

Kështu thuhet në librin “Gjeografia”, për nxënësit e vitit të dytë të shkollës së mesme, nga i cili tash 7 vjet nxënësit “mësojnë” për historinë dhe prejardhjen e shqiptarëve në Maqedoni.

“Në mesin e shqiptarëve të Maqedonisë ekzistojnë edhe fise që veten e llogarisin si autoktonë.

Ata kryesisht janë popullatë maqedone që gjatë periudhës së sundimit turk e kanë pranuar fenë islame dhe gradualisht janë shqiptarizuar.

Mes tyre ka edhe ndonjë fis që ka prejardhje turke, rome ose çerkeze”, sqarojnë autorët maqedonë prejardhjen e shqiptarëve në Maqedoni.

Libri “Gjeografia”, që është botim i vitit 2003, është shkruar nga 5 autorë maqedonë, që të gjithë doktorë shkencash: Dragan Vasileski, Blagoja Markoski, Nikola Panov, Nikola Dimitrov dhe Giorgji Pavlovski.
Gazeta expres

S'ka përgjegjësi për tekstin që shqiptarët i bën ardhacak

Nga Ministria e Arsimit askush nuk pranoi sot të prononcohet lidhur me skandalin në librin e Gjeografisë për vitet e II-ta të shkollave të mesme, të cilën një ditë më parë e mësoi Alsat-M.

As përgjegjësi për tekstet shkollore në Ministrinë e Arsimit në atë kohë, Agim Rushiti, përkundër përpjekjeve tona nuk deshi të komentojë se si është lejuar një libër me kaq gabime trashanike lidhur me prejardhjen e shqiptarëve të kalojë nëpër duart e tij, dhe të mos reagojë për të njëjtën.

As zëvendësministrja Lindita Qazimi, nuk u prononcua se si ka ardhur deri te një gabim i tillë dhe se kush do ta mbajë përgjegjësinë për këtë skandal.

Ndërkohë zëvendëskryeminstri Abdylaqim Ademi, me një deklarata të diskutueshme, lë të kuptojmë që nuk ndjehet fajtor për këtë skandal, duke mos bërë të ditur nëse do të ndërmerret ndonjë masë.

Ai madje thotë se nuk ka nevojë të ngritet padi kundër autorëve, pasi bëhet fjalë për një problem disa vjeçar për të cilën reagohet në momentin kur Qeveria dhe Ministria e Arsimit ka marrë iniciativë për rishikimin e librave.

Por kjo deklaratë e Ademit nuk mban, duke pasur parasysh faktin se Ministria e Arsimit deri më tani ka marrë vendimin për rishikimin vetëm të librave të shkollës fillore dhe jo edhe të këtij libri skandaloz.

“Unë nuk mendoj se për momentin ka nevojë të ngriten gjëra të tilla sepse ai tekst ka ekzistuar siç thoni 7 vite, ka mundur edhe më herët të aktualizohet, sepse profesorët të cilët e ligjërojnë këtë lëndë apo nxënësit të cilët kanë mësuar prej këtij libri e kanë parë.

Mirëpo aktualizohet në momentin kur ne si Qeveri dhe Ministria e Arsimit, ndërmori masa për ti pastruar të njëjtat”, thotë zëvendëskryeministri Abdylaqim Ademi.

Madje Ademi, akoma nuk është i sigurt nëse ka nevojë të tërhiqet një tekst i tillë skandaloz.

“Unë do të kisha apeluar që për këto tekste mos të krijohet ndonjë huti, mos krijohet dhe mos politizohen këto gjëra, pasi janë të ekspertëve të cilët tani më janë formuar si ekipe të recensioneve në Ministrin e arsimit dhe shpresoj se këto do të arrijnë t’i tejkalojnë tekste dhe t’i tërheqin nëse ka nevojë të njëjtat”, shton Ademi.

Ndërkohë as ligjëruesit dhe drejtorët e shkollave, të cilët i kontaktoi TV Alsat M, nuk pranojnë se kanë qenë të heshtur për këtë problematikë.

Drejtori i Gjimnazit të Tetovës, Gazmend Arifi thotë se gabimin e kanë vërejtur moti dhe se kanë kërkuar ndërrimin e këtij teksti shkollor.

“Aktivi i gjeografisë çdo herë ka kërkuar përgjegjësi për këtë dhe ka kërkuar ndërrimin e teksteve shkollore me tekste adekuate, sepse ka gabime të shumta duke filluar nga ajo ideologjike dhe nga terminologjia e shumtë që është përdorur në këto libra.

Ne do kërkojmë tërheqjen e këtij libri dhe besojmë se duhet të bojkotohet ky libër dhe të na sillen libra adekuat të cilat i përshtaten kohës dhe rrethanave ekzistuese në këtë shoqëri”, Gazmend Arifi / drejtor i Gjimnazit “Kiril Pejçinoviç”, Tetovë

Një ditë më parë Alsat M mësoi se në librin e gjeografisë të vitit të dytë të shkollave të mesme,botim i vitit 2003 , shqiptarët janë të paraqitur si të rrezikshëm për Maqedoninë dhe se kanë prejardhje maqedonase, rome apo turke.

Deri më tani askush nuk e ka marrë përgjegjësinë për këtë skandal, kurse nuk dihet nëse libri do të tërhiqet nga përdorimi.
ALSAT M

[Llapjani_HH]

Tekstet shkollore me të pavërteta për shqiptarët

Nxënësit e shkollave në Maqedoni vitin e ri shkollor do ta fillojnë pa libra, është vendimi i ministrit të Arsimit, Nikolla Todorov, ndërkaq të gjithë librat që janë në përdorim do të rishikohen.

Ky vendim vjen pas reagimit të ekspertëve, Lidhjes së Arsimtarëve shqiptarë dhe sektorit civil, për shkak të përmbajtjes sa i përket historisë dhe kulturës shqiptare në brendi të librave.

Ministri Todorov paralajmëroi se rishikimi do të realizohet nga komisionet përkatëse brenda 30 ditëve.

Iljaz Halimi, udhëheqës i Sektorit për Arsim në Komunën e Tetovës, thotë se disa institucione shtetërore vazhdimisht eksperimentojnë me nxënësit shqiptarë dhe edukimin e tyre.

“Me gjithë këto lëshime të mëdha që janë bërë, me gjithë këto gabime në libra, mbase dhe tendencioze si përmbajtje të teksteve shkollore, me të cilat shërbehen nxënësit shqiptarë, duhet që me automatizëm të japë dorëheqje ministri i Arsimit, Nikolla Todorov, dhe zëvendësministrja që është shqiptare”, vlerëson Halimi.

Por, ministri i Arsimit, Nikolla Todorov, thotë se nuk ndihet fajtor dhe shprehet se nuk ka ndërmend të japë dorëheqje, ngase, sipas tij, përgjegjës janë recensentët.

"Pse duhet të japë dorëhejqje, për diçka që nuk jam fajtor? Përgjegjësia është një gjë tjetër dhe të qenët fajtor është çështje krejtësisht tjetër”, thotë Nikolla Todorov.

Nga ana tjetër, Muzafer Bislimi nga Instituti i Historisë thekson se pos dikasterit të arsimit, përgjegjësi për tekstet shkollore ku shtrembërohet kultura dhe historia e shqiptarëve, mbajnë edhe historianët dhe arsimtarët shqiptarë.

“Po përgjegjësia është edhe te kuadri, sepse kemi shumë libra, brendia e të cilave është me pikëpyetje të madhe, ndërsa si autorë ose përkthyes figurojnë autorë shqiptarë, të cilët gjithsesi duhet të pyesin veten si kanë pranuar të jenë anëtarë të një libri ku ka shpifje për shqiptarët”, shprehet Muzafer Bislimi.

Ndërkaq, Lidhja e Arsimtarëve shqiptarë të Maqedonisë, përshëndet vendimin e ministrit të Arsimit që të revidohen të gjitha tekstet shkollore.

Kryetari i LASH-it, Nuhi Dardhishta, thekson se për të shmangur gabimet e këtilla, dikasteri i Arsimit gjatë hartimit të librave duhet t`i përfshijë dhe institucionet shqiptare dhe jo individë të caktuar, nga të cilët nuk mund të kërkohet përgjegjësi institucionale.

“Ne kërkojmë që të ketë ekipe profesionale edhe prej shqiptarëve, sidomos kur ministri Todorov insiston që Instituti i Gjuhës maqedonase të bëjë recensimin e teksteve shkollore”.

“Ne, si Lidhje e Arsimtarëve Shqiptarë kërkojmë që edhe Instituti i Gjuhës dhe Letërsisë Shqipe të inkuadrohet me ekipin e tij dhe t`i përmirësojë të gjitha ato gabime, qofshin terminologjike apo në përkthim”, nënvizon Nuhi Dardhishta.

Ndryshe në librin e Shoqërisë së klasës së pestë ishte vendosur një fotografi që përfaqësonte profetin Muhamed, që është jashtë rregullave islame.

Në po këtë libër, theksohet se Maqedonia kufizohet vetëm me Serbinë, por jo edhe Kosovën, si dhe një varg gabimesh tjera.

Ndërkohë libri i Gjeografisë, i cili përdoret nga nxënësit shqiptarë të vitit dytë në shkollat e mesme, i cili nuk është paraparë të revidohet, thuhet se “vendosja e shqiptarëve në Maqedoni ka filluar para 220 vjetëve, nga Shqipëria dhe Kosova, dhe kjo shpërngulje ende vazhdon dhe paraqet rrezik për Maqedoninë”.

Ky libër, gjithashtu i mëson nxënësit se fiset shqiptare kanë prejardhje maqedonase, turke apo edhe rome.

Shefqet Zekolli, udhëheqës i sektorit të arsimit në Komunën e Çairit të Shkupit, thekson se edhe librat e arsimit të mesëm duhet të rishikohen, sepse me vjet ato edukojnë gabimisht gjeneratën e re.

“Në të vërtetë, rrënjët e këtyre problemeve janë shumë të thella në histori, shkojnë 50 vjet më parë kur dhe u ndërtua një mentalitet i tillë ku patjetër një nacionalitet duhet të qëndrojë mbi tjetrin. Këto gjëra ne mundohemi t`i ndryshojmë dhe shpresoj se janë duke u ndryshuar për të mbarë”, shprehet Shefqet Zekolli.
Radio Evropa e Lirë

[Llapjani_HH]

Freizer: Ka fleksibilitet për shkëmbim territorial

“Ka më shumë fleksibilitet në Kosovë dhe Serbi sesa qw ka dëgjuar dikush në të kaluarën”, thotë Sabine Freizer nga GNK.

RADIO EVROPA E LIRË
Grupi Ndërkombëtar i Krizave, në raportin e fundit, argumenton se një nga rezultatet e bisedimeve të mundshme midis Prishtinës dhe Beogradit mund të jetë këmbimi i veriut të Kosovës me Luginën e Preshevës. A nuk mendoni se është një propozim befasues nga Grupi Ndërkombëtar?

SABINE FREIZER
Ky është një raport, në të cilin kemi filluar të punojmë që në pranverë, kur mendonim se edhe në Serbi, edhe në Kosovë, ka një formë gatishmërie për t’u ulur dhe biseduar për çështje thelbësore, të cilat i ndajnë të dyja palët.

Kemi zbuluar se ka ende gjasë për Kosovën dhe Serbinë, të ulen rreth tavolinës dhe të bisedojnë mbi këto çështje, për të arritur deri te një pozicion, nga i cili Serbia do të mund ta njohë deklaratën e pavarësisë së Kosovës.

Natyrisht, ka shumë dimensione se si do të arrinim deri në këtë pikë. Ne do të preferonim të ekzistojë një situatë, në të cilën Serbia do të mund ta pranonte këtë, nëse Kosova i ofron një autonomi më të gjerë veriut të saj.

Por, nëse kjo nuk është e mundshme, atëherë mendojmë se palët duhet të vazhdojnë të bisedojnë dhe në fund, nëse pajtohen se shkëmbimi territorial është i nevojshëm, atëherë mendojmë se komuniteti ndërkombëtar nuk duhet të ndërhyjë për t’i ndalur Serbinë dhe Kosovën nga pajtueshmëria mbi këtë zgjidhje të ndërsjellë.

RADIO EVROPA E LIRË
A keni fakte në terren ose informacione, qoftë nga Kosova apo Serbia, se këmbimi territorial mund të jetë zgjidhje e pranueshme?

SABINE FREIZER
Grupi Ndërkombëtar i Krizave funksionon nëpërmjet ekipeve të analistëve në Ballkan, ata punojnë në Serbi, Kosovë, e më gjerësisht në Bosnjë. Për këtë - raportin e fundit, ata shkuan edhe më tej dhe bënë hulumtime të zgjeruara edhe në Maqedoni dhe Shqipëri, për të dëgjuar pikëpamjet e elitave politike në këto vende mbi mënyrën më të mirë për të zgjidhur konfliktin midis Kosovës dhe Serbisë.

E gjithë kjo ka zgjatur disa muaj, rreth 6 muaj, të intervistave të hollësishme me zyrtarë të të gjitha këtyre vendeve dhe bazuar në këto intervista, kemi arritur në konkludimin se ka më shumë fleksibilitet në Kosovë dhe Serbi sesa që ka dëgjuar dikush në të kaluarën dhe mund të ketë një ambient, në të cilin të dyja palët do të mund të pajtoheshin.

Nuk mund të them se të gjithë zyrtarët e nivelit të lartë në Kosovë dhe Serbi kanë thënë haptazi se do të jenë të gatshëm ta marrin në shqyrtim shkëmbimin territorial, apo edhe se Serbia do të jetë e gatshme ta njohë Kosovën, por në nivele të ndryshme të qeverive kemi parë shenja të caktuara se do të ishin të gatshëm ta marrin këtë rrugë.

RADIO EVROPA E LIRË
Burimet që i keni, të cilat kanë dhënë shenja fleksibiliteti, sa janë të afërta me elitat në pushtet, në Prishtinë dhe Beograd?

SABINE FREIZER
Mund të them se burimet tona janë shumë të afërta me elitat në pushtet, në Kosovë dhe në Serbi.

Sërish, kjo nuk nënkupton domosdoshmërisht se kemi premtime të qarta se presidentët apo kryeministrat e këtyre dy vendeve do ta bënin këtë që nesër.

Por, megjithatë, jemi të bindur se zyrtarë të nivelit të lartë të të dyja vendeve janë duke e menduar një gjë të këtillë.

RADIO EVROPA E LIRË
Qëndrimi zyrtar i Uashingtonit dhe Brukselit, është se ndarja e Kosovës nuk vjen në konsiderim, duke argumentuar se një skenar i këtillë do të nxiste një domino efekt shkatërrimtar në Maqedoni dhe Bosnjë e Hercegovinë. Si i shihni ju këto ndikime të mundshme negative në rajon?

SABINE FREIZER
Natyrisht, në të kaluarën, ne kemi qenë shumë të shqetësuar për ndikimet që mund të ketë shkëmbimi territorial në Maqedoni dhe Bosnjë. Por, ajo që kemi zbuluar në kërkimet tona të fundit, është fakti se problemet në Maqedoni dhe Bosnjë janë më shumë probleme të brendshme vendore.

Kur flasim për Maqedoninë, gjatë bisedave që kemi bërë atje, posaçërisht me liderët shqiptarë, kemi arritur në përfundimin se nuk ka ndërlidhje të drejtpërdrejtë midis asaj që ndodh në Maqedoni dhe zhvillimeve në Kosovë.

Bosnja natyrisht përballet me një sërë problemesh. Por, atje në fakt kemi parë shenja mjaft pozitive nga vetë zoti Dodik, i cili pas mendimit të GJND-së, ka thënë se nuk do të dëshironte ta shohë Republikën Serbe të Bosnjës në një situatë të ngjashme me atë të Qipros Veriore të banuar me turq dhe se beson se duhet të bëjë përpjekje të sigurojë zbatimin e Marrëveshjes së Dejtonit.

Radio Evropa e Lirë

[Llapjani_HH]

Bukoshi, kandidat për kryetar të LDK-së

Kuvendi zgjedhor i LDK-së do të mbahet më 23 dhjetor të këtij viti, ditën kur edhe festohet datëlindja e kësaj partie- raporton Klan Kosova. Për këtë gjë, është folur të premten në takimin e Kryesisë me kryetarët e degëve, ndërsa merret vesh se gara për zgjedhjet në LDK do të nisë me 10 shtator.

Pjesë e luftës për të parin e partisë do të jetë edhe ministri aktual i Shëndetësisë, Bujar Bukoshi. Sipas burimeve të televizionit, ai, bashkë me një grup jo të vogël të njerëzve me ndikim në LDK, ka shfaqur gatishmërinë të kandidojë për postin kryetarit dhe këtë ia ka bërë me dije edhe Fatmir Sejdiut, që mban të ngrirë postin e të parit në këtë parti.

Në anën tjetër, merret vesh se grupi i afërm me presidentin, po përgatit një strategji tjetër, pasi që nuk e shohin si serioze kandidaturën e Bukoshit, ndonëse e vlerësojnë si punë e demokracisë së brendshme futjen e tij dhe të tjerëve në garë.

Burimet e Klan Kosova thonë se Sejdiu ka propozuar 50 emra të rinj e të njohur për publikun, për t’i kooptuar në strukturat e larta të partisë, në mënyrë që ata të hyjnë në garën për funksione në këtë subjekt politik.
Bota Sot

[Neferta]

Sulmohet autobusi ne Greqi

1. 

Arkiv

Një autobus me targa shqiptare është sulmuar mesnatën e së dielës në zonen e Mesologjit në Greqinë Qendrore.Sipas policisë greke,ngjarja ndodhi në vendin e quajtur Qefalovrisi në afërsi të qytetit të Mesologjit. Mësohet se persona ende të panjohur,goditën me gurë dhe me tre bomba Molotov,autobusin që kryente linjën Athinë –Sarandë me targe SR 5892 B,prone e kompanise 'Saranda Ekspres',qe drejtohej prej Leonard Berberit nga Saranda.

Si pasojë e sulmit,autobusit iu thye xhami i përparmë dhe dy xhama anesore,si dhe u demtua prej zjarrit. Policia po heton lidhur me ngjarjen. Burime te saj thane per Top Channel se ka mundesi qe autobusi te jete goditur nga tifoze te zemeruar,pasi ne qytetin e Patres mbasditen e se dieles u zhvillua nje ndeshje futbolli midis ekipit te Pan Ahaikise dhe Korfuzit, e cila disa here degjeneroi ne akte dhune midis tifozeve te dy ekipeve.Paralelisht po hetohet edhe pista e nje sulmi racial.

Ky eshte rasti i dyte brenda pak muajsh qe autobuse te linjave shqiptare behen objekt sulmi ne te njejten zone.Ne muajin qershor,kater persona u plagosen prej nje sulmi te armatosur,vetem 20 kilometra larg vendit qe ndodhi ngjarja e se dieles.TOP CHANEL