Lajme Aktuale....

[Llapjani_HH]

Tri propozimet e GNK-së për Kosovën dhe Serbinë

Grupi Ndërkombëtar i Krizave (GNK) ka rekomanduar negociatat urgjente ndërmjet presidentit të Serbisë, Boris Tadiq, dhe kryeministrit të Kosovës, Hashim Thaçi, shkruan sot “Politika”.

Ky grup njëherësh ka ofruar tri variante, gjithsesi të papranueshme për Kosovën dhe krejtësisht të favorshme për Serbinë, për zgjidhjen e statusit të veriut të Kosovës.

Po e transmetojmë shkrimin për të parë deri ku shkojnë pretendimet serbe.

Në raportin mbi “Kosova dhe Serbia pas Mendimit të Gjykatës Ndërkombëtare të Drejtësisë”, në rekomandimet e GNK-së për qeverinë e Serbisë e të Kosovës, siç shkruan kjo gazetë, konsideron se në bisedimet e partnerëve të barabartë duhet të shqyrtohen tri propozime:

Njohja e Kosovës në kufijtë aktualë

Autonomia e gjerë për territorin në veri të Ibrit, në përputhje me integritetin territorial të Kosovës, që vetëkupton pushtetin rajonal, legjislativ e ekzekutiv.

Kontrolli i shumicës së të ardhurave doganore dhe i tatimeve dhe statusi autonom për objektet fetare të KOS (SPS), duke përfshirë të gjitha dispozitat e planit të Ahtisarit, të plotësuara me dispozitat mbi mbrojtjen ndërkombëtare të armatosur pas largimit të KFOR-it, që do të garantojë marrëveshjen ose rezolutën e Këshillit të Sigurimit të KB.

Për veriun e Kosovës, në rekomandimet e GNK-së janë përmendur tri opsione:

I pari është “plani i Ahtisarit, i cili, siç thuhet, serbëve u ofron autonomi të gjerë dhe lidhje me Serbinë, dhe, në sajë të decentralizimit, u lejon komunave serbe funksionimin pa ndikim të madh të Prishtinës”.

Rekomandimi i dytë i GNK-së, shkruan kjo gazetë, lidhet me çështjen e autonomisë së gjerë, meqë, “në bazë të bisedave me funksionarë në Prishtinë, GNK vë re se ata kanë filluar të pranojnë se ‘veriu’ nuk është si jugu dhe se në vend të qëllimit të mëhershëm ‘që komunat paralele serbe’ t’i zëvendësojë me ato zyrtare, tash janë gati të shqyrtojnë legalizimin e strukturave aktuale serbe brenda sistemit të vet”.

Kompensim për “normalizimin” të marrëdhënieve me Serbinë – shkëmbimin e përfaqësuesve diplomatikë dhe heqjen e vetos për anëtarësim në institucionet ndërkombëtare – Kosova në këtë variant mund t’i ofrojë ‘veriut’, pos kompetencave sipas planit të Ahtisarit, komandën e ndarë të policisë dhe mbledhjen e drejtpërdrejtë të pjesës më të madhe të taksave doganore në kufirin verior, propozon GNK.

Mirëpo, siç theksohet, Beogradi do të duhej ta pranonte kontrollin e kufijve që do ta bënte Prishtina dhe sistemi i përbashkët juridik.

“Veriu”, propozon GNK, do të mund të kishte parlamentin rajonal me kompetenca të plota në fusha përkatëse juridike dhe zbatimin në disa të tjera.

Autoritetet legjislative do të ishin të autorizuara të caktojnë ditën e zgjedhjeve lokale, që do të duhej të mbaheshin në të njëjtën kohë si edhe zgjedhjet në pjesë tjera të Kosovës.
Parlamenti do të zgjidhte edhe kryetarin, shkruan “Politika”.

“Veriu”, konsideron GNK, do të mund të formonte forca lokale të policisë dhe gjykata lokale me kompetenca në konteste civile dhe me juridiksion penal për vepra më pak të rënda penale.

“Policia e ‘Veriut’ do të mund të bashkëpunonte drejtpërdrejt me policinë e Serbisë, me kusht që për këtë të informohet Policia e Kosovës”.

“Veriu” mund të mbledh përqindje të lartë të hyrave doganore nga qarkullimi me Serbinë dhe Malin e Zi dhe të marr përqindje sipas marrëveshjes nga tatimi dhe TVSH-ja e mbledhur në rajon, si dhe të mbajë të gjitha tatimet lokale.

Do të kishte të drejtën për mjete shtesë nga Serbia, kurse “Veriu” do të bëhej pronar i gjithë pasurisë shtetërore në territorin e vet, pos asaj me rëndësi nacionale, siç është Liqeni i Gazivodës, propozon GNK.

Serbia dhe Kosova do të pranonin njëra tjetrën dhe do të vendosnin “kufij të butë”, jo vetëm në “Veri”, “në mënyrë që qytetarëve nga të dy shtetet do t’u mjaftonte vetëm letërnjoftimi për kalim, Serbia do të njihte të gjitha dokumentet e Kosovës dhe diplomat universitare”.

Propozimi i tretë sipas “Politikës”, është shkëmbimi i territoreve, meqë GNK-ja konkludon se “Beogradi më me qejf e ka ndarjen, me ç’rast ‘Veriu’ do t’i takonte (ose do t’i mbetej Serbisë), kurse pjesën tjetër të Kosovës ta konsideronte shtet të pavarur”.

Grupi i Krizës konsideron se në Beograd “janë të ndjeshëm nga imazhit të keq të fjalës ndarje, prandaj në vend të kësaj përdorin sintagmën përshtatja interne e kufirit administrativ që shpie nga kufiri i ri i jashtëm”.

“Duke theksuar se Prishtina është kundër ‘ndarjes së territorit të vet’, GNK konstaton se Beogradi ka filluar të mendoj, ndonëse nuk e thotë haptas, për shkëmbimin e pjesës më të madhe të Luginës së Preshevës për Veriun e Kosovës.

“Për Serbinë ‘vijë e kuqe’ në Luginën e Preshevës është baza ushtarake e ndërtuar “risht-jug” në Cepotinë, në jug të Bujanocit, autostradat që çon në drejtim të Selanikut që kalon nëpër Preshevë e Bujanoc dhe Komuna e Medvegjës”, thekson gazeta,

Kryeministri i Kosovës, Hashim Thaçi, siç pohon “Politika”, ka hedhur poshtë rekomandimet e GNK-së, duke theksuar se Kosova është shtet i pavarur dhe sovran dhe se problemi i Veriut të Kosovës mund të zgjidhet vetëm në përputhje me planin e Ahtisarit, përfundon shkrimi.
Koha.net

[Llapjani_HH]

Ministri Shala punëson në PTK 30 veta

Ministri i Ekonomisë dhe Financave, Ahmet Shala, në vend se t’i zbatojë vendimet e qeverisë së Kosovës, ai bën të kundërtën, i shkel ato, shkruan sot gazeta “Zëri”.

Qeveria, më 13 maj 2010, kishte ngarkuar Shalën që të zbatojë vendimin që nëpërmjet Bordit të Drejtorëve të ngrijë punësimin dhe ngritjen e pagave në Post Telekomin e Kosovës (PTK), ndërsa Ahmet Shala muaj më parë ka aprovuar kërkesën e kësaj kompanie publike që t’i punësojë rreth 30 punëtorë të rinj, pavarësisht se ishte e obliguar që të mos lejojë punësime të reja.

Burimet e gazetës bëjnë të ditur se PTK i ka realizuar këto punësime, në bazë të një liste me emrat e kandidatëve që duhet pranuar, e cila u është dërguar nga niveli i lartë qeveritar.
Koha.net

Shqipëria dhe Serbia bashkëpunojnë për shëndetin Shpërndaje

Për t’i dhënë agjendës së qëndrimit dy ditorë në Shqipëri një karakter jo vetëm kortezie, por dhe pune, dr. Milosavljevic zhvilloi në fundjavë vizita e biseda të drejtpërdrejta me drejtues dhe ekipe mjekësore në dy qendrat më të mëdha spitalore, në Tiranë dhe në Durrës, si dhe Institutin e Shëndetit Publik. Ministri serb e përshkroi qëndrimin e tij në Shqipëri si një fillim të bashkëpunimit konkret mes institucioneve dhe spitaleve, pasi “as shëndeti dhe as sëmundjet nuk njohin kufij”.

Ndërkohë që për homologun e tij shqiptar, Petrit Vasili, bashkëpunimi në nivel specialistësh e bën marrëveshjen dypalëshe të nënshkruar pak kohë më parë në Beograd “që të funksionojë konkretisht”. Zëvendësministri i shëndetësisë së Shqipërisë, Albert Gajo, shikon mjaft hapësira që kooperimi të intensifikohet më tej.

“Nisur kjo dhe nga fakti se Shqipëria dhe Serbia janë pjesë e një territori, pjesë e një territori, në të cilin bashkëpunimi rajonal është një nga kushtet kryesore të integrimit evropian dhe ka një vullnet qoftë të qeverisë serbe qoftë të qeverisë shqiptare për bashkëpunimin dhe thellimin e këtyre reformave”, tha Gajo.

Shkëmbimi i informacionit dhe eksperiencave, si dhe arsimimi dhe trajnimit i personelit, janë disa nga aspektet ku do të aplikohen fillimisht projektet e përbashkëta për të dy vendet ballkanike në fushën e shëndetit.
Telegrafi

[Llapjani_HH]

Patrikana e Pejës ngreh edhe një mur pa leje të Komunës së Pejës

Patrikana e Pejës ka filluar së ndërtuari edhe një mur rrethues.

Si edhe më parë, kur kishte ndërtuar një mur mbi 3 metra të lartë dhe mbi 500 metra të gjatë, as kësaj here nuk ka kërkuar leje ndërtimi nga organet kompetente.

Tashmë, kur punimet janë duke vazhduar intenzivisht kanë filluar edhe reagimet e para institucionale, por dhe të komunitetit.

Kryetari i Pejës, Ali Berisha, të martën ka treguar se Patrikana e Pejës as kësaj here nuk ka kërkuar leje ndërtimi për murin që po bëhet buzë Lumit të Bardhë.

“Vendi në të cilin Patrikana është duke ndërtuar këtë mur është zonë e mbrojtur.

Pavarësisht kësaj kërkohet respektimi i ligjeve në fuqi, d.m.th. kërkohet që ndërtimet të bëhen me lejen e KK-së”, ka thënë Berisha.

Ka shtuar se në takimin e parë të Bordit të Drejtorëve do të ngreh këtë çështje për të bashkërenduar veprimet në harmoni edhe me shqetësimet e banorëve të lagjes Kapeshnicë.

Banorët e kësaj lagjeje kundërshtojnë ndërtimin e tij, duke thënë se ai ndërron rrjedhën e natyrshme të Lumit të Bardhë dhe se në rast të vërshimeve mund të rrezikohen shtëpitë e tyre.

“Ne do të jemi shumë të kujdesshëm që veprimet të jenë të matura, prandaj do të fillojmë bisedimet edhe me autoritetet e kësaj godine të kultit ortodoks”, ka thënë Berisha.

Sipas banorëve të lagjes “Kapeshnicë”, e cila shtrihet matanë lumit, përtej Patrikanës, ndërtimet e këtij muri kanë nisur para disa javëve dhe punimet është duke i kryer një firmë nga Suhareka.

Naim Berisha, ka thënë se pavarësisht nëse ky mur bëhet me leje a pa të, e vërteta është se po ndërhyhet në rrjedhën e lumit dhe se kjo paraqet rrezik për disa shtëpi të kësaj lagjeje.

Derisa Berisha shprehet i pakënaqur që autoritetet e Patrikanës, edhe përkundër raporteve tashmë të vëna me KK-në, janë duke ndërtuar pa lejen e institucionit komunal, njeriu i parë për ruajtjen e trashëgimisë kulturo-historike, Avdyl Hoxha, thotë se Instituti Rajonal për mbrojtjen e trashëgimisë kulturo-historike, të cilin ai drejton, nuk është informuar për ndërtimet e reja.

Hoxha ka pranuar të jetë informuar “miqësisht” vetëm gojarisht për këtë ndërtim nga një autoritet i UNESCO-s, nën mbrojtjen e të cilit është kjo godinë kulti. ë Bardhë u paraprinë parapërgatitjeve për zyrtarizmin, sipas kërkesës së tij, të punës së patriarkut të ri të Kishës ortodokse serbe, Irinej Gavriloviçit, që pritet të ndodhë më 3 tetor të këtij viti.
Koha.net

[Neferta]

LIDERI I PARTISË SHAS SHPREHET ME URREJTJE PËR PALESTINEZËT

Lideri i partisë fundamentaliste Shas, Rabini Ovadia Yosef, bëri thirrje për zhdukjen e të gjithë palestinezëve nga faqja e dheut.









Izraeli diskuton deklaratat plot urrejtje të liderit të partisë Shas, partnere e koalicionit qeverisës. Lideri i partisë fundamentaliste Shas, Rabini Ovadia Yosef, bëri thirrje për zhdukjen e të gjithë palestinezëve nga faqja e dheut.

Në një fjalim që mbajti në një ritual, Yosef, i cili ka peshë në rrethet fetare të Izraelit, i cilësoi palestinezët si armiq të Izraelit dhe shejtan.

Yosef tha se palestinezët dhe lideri i tyre Mahmut Abbas duhet të zhduken nga kjo botë. -"Zoti ti dënojë ata me murtajë", u shpreh rabini izraelit.

Departamenti amerikan i Shtetit në deklaratën që bëri tha se fjalët e Yosefi 89-vjeçar nuk i shërbejnë paqes, ndërsa Kryeministri i Izraelit Benjamin Netanjahu u distancua nga dënimi i pohimeve të liderit shpirtëror të partisë Shas, duke u mjaftuar me fjalët: "këto janë mendimet personale të Yosef-it".

Çdo vit me dhjetëra mijëra nxënës ndjekin një numër të madh shkollash private që administrohen nga Shas.

[Neferta]

Në kufirin e Azerbajxhanit ndodhi një përplasje


1.09.2010, 14:10
Në kufi të Azerbajxhanit dhe Nagorno Karabahut ndodhi një përplasje e armatosur midis ushtarakëve të të dy vendve. Si rezultat i shkëmbimit të zjarrit vdiqën dy ushtarë azerbajxhanas, është plagosur një ushtar tjetër i ushtrisë së Nagorni Karabahut. Deri më sot mbetet e paqartë, se çfarë shërbeu si shkak për kërë agresion dhe kush e filloi atë. Presidenti i Azerbajxhanit Ilham Aliev deklaroi, se konflikti Nagorno-karabah është punë e brendshme e vendit, prandaj Baku ka të drejtë ta zgjidhur atë me çdo lloj rruge. ria

[Neferta]

Nju Jork: Mbijeton rënien nga kati 40

01.09.2010

Një njeri nga Nju Jorku ka mbijetuar rënien nga kati i 40, pasi ra mbi një makinë të parkuar.

Dëshmitarët dhe policia thanë se 22 vjeçari Tomas Mekgill, të martën ka rënë nga rrokaqielli mbi makinë dhe ka thyer të dyja këmbët, ndërsa ende ka jetën në rrezik.

Policia po zhvillon hetime për shkaqet e hedhjes së njeriut nga kulla.

Ky nuk është njujorkezi i parë që mbijeton rënien nga rrokaqielli. Në dhjetor 2007, pastruesi i xhamave, Alsides Moreno, ra nga çatia e ndërtesës 47 katëshe. Mjekët thanë se ai mund të ecë përsëri.

[Neferta]

Kryetari i parlamentit të Grenadës Letër Kryetares së Kuvendit: "Së shpejti rritje e menjëhershme e vendeve që do të njohin pavarësine e Kosovës"


31 Gusht, 2010

Kryetarja e Kuvendit Jozefina Topalli mori sot një letër nga kryetari i Parlamentit të Grenadës, George J.Mc Guire lidhur me çështjen e pavarësisë së Kosovës.
Kjo letër vjen pas dhjetra takimesh që Kryetarja e Kuvendit zhvilloi në Konferencën botërore të kryeparlamentarëve në Gjenevë, të fokusuara kryesisht në lobimin për njohjen e pavarësisë së Kosovës.
Në letrën e tij z.Mc Guire shkruan se “ Jam i lumtur t’ju njoftoj se pas takimit që ne patëm në Konferencën Botërore të Gjenevës, Grenada ka marrë në konsideratë kërkesën tuaj për njohjen e Kosovës si një vend legjitim dhe krejtësisht i pavarur.
Kam kënaqësinë t’ju informoj gjithashtu se vendet e CARICOM pritet të marrin një vendim të përbashkët për çështjen e Kosovës.”
CARICOM është një bashkësi shtetesh që përfshin 15 vende , ku bëjnë pjesë Antigua dhe Barbuda, Bahamas, Barbados, Belize, Dominica, Grenada, Guyana, Haiti, Jamaica, Montserrat, ST. Kitts dhe Nevis, Saint Lucia, St.Vincent dhe Grenadines, Suriname, Trinidad dhe Tobago.
Në letrën e tij, Kreu i Parlamentit të Grenadës e siguron Kryetaren e Parlamentit se “autoritetet më të larta të Grenadës do të lobojnë dhe më gjërë në mbështetje të kauzës suaj të drejtë.”
Letra e z.MC Guire vjen pas një sërë letrash që Kryetares së Kuvendit Jozefina Topalli ka marrë në përgjigje të takimeve të saj lobuese për njohjen e pavarësisë së Kosovës.

[Llapjani_HH]

Shala punëson kushërinjtë në PTK

Ministri i Ekonomisë dhe Financave, Ahmet Shala, ka shkelur vendimin qeveritar për ngrirjen e punësimit në Postë-Telekomin e Kosovës (PTK), por ka përfituar punësimin e dy kushërinjve të tij në kompaninë më profitabile në vend.

Gazeta Zëri shkruan në numrin e sotëm se në valën e fundit të punësimeve në PTK, në mesin e 30 të punësuarve në këtë kompani, janë edhe dy kushërinjtë e ministrit Shala me inicialet H. Shala dhe A. Shala (emrat e tyre i posedon gazeta) nga fshati Akrashticë e Vushtrrisë.

Ministri Shala ka qenë i ngarkuar më 13 maj 2010 nga Qeveria e Kosovës që ta zbatojë vendimin për ngrirjen e punësimeve në PTK deri në përfundimin e procesit të privatizimit të kompanisë, ndërsa rreth dy muaj më vonë e ka shkelur këtë vendim duke mos e refuzuar kërkesën e Bordit të Drejtorëve të PTK-së, që t’i punësojë 30 punëtorë të rinj në këtë kompani.

Po ashtu, sipas gazetës, për punësimin e këtyre punëtorëve nuk është shpallur konkurs publik, mirëpo PTK-së i është dërguar një listë nga nivelet e larta qeveritare me emrat e kandidatëve që duhet të pranohen.

Ministria e Ekonomisë dhe Financave ka dërguar demant lidhur me punësimet e fundit në PTK, duke u arsyetuar se arsyeja e plotësimit të këtyre pozitave është bazuar në nevojën e ristrukturimit të korporatës dhe të lirimit të pozitave për shkak të pensionimit të punëtorëve.

Zëdhënësi i Ministrisë së Ekonomisë dhe Financave, Muharrem Shahini, nuk e ka pohuar as mohuar punësimin e dy kushërinjve të Shalës në valën e fundit të punësimeve në PTK, mirëpo ka thënë se për punësimet në kompaninë publike nuk vendos ministria. Ai ka thënë se për punësimet në PTK vendos PTK-ja.

Ndërkohë për punësimet e fundit në PTK kanë reaguar edhe deputetë të Kuvendit të Kosovës dhe përfaqësues të shoqërisë civile. Kreu i organizatës “Çohu”, Avni Zogiani, ka thënë se prej vitit 2008 e deri më tani në PTK në PTK janë punësuar rreth 2000 punëtorë. Sipas tij, një prej argumenteve për privatizimin e PTK-së ka qenë se kjo kompani ka mbipunësim, prandaj duhet të privatizohet.
Telegrafi

Vetëvendosje shpreh pakënaqësi ndaj procesit të privatizimit

Lëvizja Vetëvendosje shprehu pakënaqësinë për mënyrën e zhvillimit të procesit të privatizimit në Kosovë.

Kjo lëvizje më një performansë të shfaqur në Sheshin Nënë Tereza, të Prishtinës (kishte kamufluar fytyrat e udhëheqësve të vendit, dhe të AKP-së me trupa të ndërtuar prej letre të cilët siç thanë zyrtarët e Vetëvendosjes janë në shitje) ka kundërshtuar mënyrën me të cilën po privatizohen ndërmarrjet publike, duke e vlerësuar si të dëmshme për ekonominë e Kosovës.

Kukulla në kokat e të cilave ishin vendosur fotografitë e liderëve kryesor të shtetit dhe disa fjali shpjeguese, kanë qenë pjesë e performancës të aktivistëve të “Vetëvendosjes”, të cilët në qendër të Prishtinës i kanë nxjerr në shitje presidentin Fatmir Sejdiu, kryeministrin Hashim Thaçi, kryeparlamentarin Jakup Krasniqi dhe disa ministra, si dhe drejtorin e AKP-së, Dino Asanaj.

Në këtë valë speciale të privatizimit të “Vetëvendosjes” ishin të vendosura edhe pankarta me mbishkrimin “Shiten Shitësit”, “Çmimi i pa negociueshëm 0:0 euro”, “Shiten vetëm për eksport. Pra, blerësi duhet t’i marrë me vete dhe t’ua ndërpres të gjitha kontaktet me Kosovën”, etj.

Aktivisti i kësaj lëvizjeje, Frashër Krasniqi, siç raporton TV21, vlerësoi se forma e deritashme e privatizimit ka sjell vetëm dëme për ekonominë e Kosovës dhe se deri më tash nga ky proces kanë përfituar vetëm liderët, duke ndërtuar shtëpi dhe blerë vetura më luksoze.

Duke vlerësuar se ndërmarrjet të cilat do të mund të ishin bazë e fortë për zhvillimin ekonomik dhe social të vendit, po shkatërrohen në mënyrë që të shiten sa më lirë dhe sa më shpejt, Krasniqi tha se nëse vazhdohet me trendin e njëjtë të privatizimit të kompanive, siç janë PTK, KEK-u dhe Trepça, në Kosovë vetëm sa do të rritet varfëria.

Madje, aktivisti Krasniqi ka dhënë edhe një ide për procesin e privatizimit, duke thënë se i vetmi privatizim përmes të cilit do të përfitonte Kosova është shitja e politikanëve edhe atë vetëm për eksport.

Aktivistët e Lëvizjes “Vetëvendosje”, janë shprehur kundër privatizimit që po bëhet në Kosovë, për shkak se sipas tyre ky proces nuk mbështetet në një projekt më të gjerë ekonomik për zhvillimin e vendit dhe në këtë formë sjell vetëm shkatërrim të ekonomisë. Kundër procesit të deritashëm të privatizimit, janë shprehur edhe shoqëria civile, nga e cila janë dhënë kritika të shumta për shitjen e pasurisë së Kosovës.
Koha.net

[Llapjani_HH]

Bukoshi kandidat për kryetar të LDK-së

Ministri i Shëndetësisë, Bujar Bukoshi, ka shpallur sot kandidaturën për kryetar të Lidhjes Demokratike të Kosovës.

Pas përfundimit të seancës solemne të Kuvendit të Kosovës për nder të 100-vjetorit të lindjes së Nënës Terezë, ish-kryeministri i Kosovës në ekzil, ka konfirmuar kandidaturën e tij për kreun e LDK-së, parti kjo që aktualisht udhëhiqet nga presidenti i Kosovës, Fatmir Sejdiu.

Bukoshi gjithashtu ka thënë se e ka bërë ekipin e tij për zgjedhje, në të cilin është edhe kryetari i Prishtinës Isa Mustafa, dhe ka përkrahjen edhe të Ukë Rugovës, djalit të dytë të ish-presidentit Ibrahim Rugova.

Bujar Bukoshi është njëri nga themeluesit e Lidhjes Demokratike të Kosovës, në dhjetor të vitit 1989, dhe i Kryesisë së parë të saj.
Koha.net

FSK-ja lyp hua fishekë nga Policia

Ajo që shihet si ushtria e ardhshme, Forca e Sigurisë e Kosovës, po planifikon që këto ditë të mbajë një ushtrim për të demonstruar përgatitjet e saj. Mirëpo ka hasur në një problem – nuk ka fishekë. Për ta zgjidhur këtë i është drejtuar Policisë së Kosovës, nga e cila ka kërkuar hua 20 mijë fishekë të kalibrit 9 milimetra.

Për të rregulluar këtë çështje, burime të gazetës brenda Policisë kanë bërë të ditur se udhëheqësit e Forcës së Sigurisë të Kosovës janë takuar të hënën në një takim të shkurtër me menaxhmentin e Policisë, nga të cilët ka kërkuar që t’u huazohen fishekët.

“Kanë kërkuar hua 20 mijë fishekë dhe kanë garantuar se do të na i kthejnë në të ardhmen. Ne natyrisht që kemi gjetur mirëkuptim dhe në ditët në vazhdim do të kryhen procedurat e huazimit të kësaj sasie të fishekëve”, ka thënë burimi i gazetës.

Nga ana tjetër zyrtarët e FSK-së kanë mohuar të kenë kërkuar fishekë nga Policia e Kosovës. Zëdhënësi i FSK-së, Enver Dugolli, ka thënë se kjo nuk është e vërtetë.

“Unë bisedova me ata që janë në rrjedha dhe thanë se kjo nuk është e vërtetë”, ka thënë shkurt nëpërmjet telefonit zëdhënësi Dugolli. Ai madje nuk ka dashur të flasë as për ushtrimin e FSK-së.

Mirëpo zyrtarët e Policisë së Kosovës e kanë konfirmuar kërkesën e Forcës së Sigurisë për huazimin e fishekëve.

Zëdhënësi i Policisë së Kosovës, Arbër Beka, ka thënë se gjatë një takimi në mes të eprorëve të Forcës së Sigurisë të Kosovës dhe Policisë së Kosovës është diskutuar për nevojat e FSK-së për disa fishekë për ushtrime.

Mirëpo, sipas tij, FSK-ja akoma nuk e ka përcjellë te Policia e Kosovës kërkesën me shkrim për një gjë të tillë.

“Së pari ata duhet të bëjnë kërkesën dhe edhe nëse do t’i kishim ndihmuar kjo nuk është hera e parë, sepse edhe në të kaluarën e kemi ndihmuar FSK-në, për shkak se janë institucione për siguri”, ka thënë Beka.

Forca e Sigurisë e Kosovës është forcë e re e sigurisë, e uniformuar dhe e armatosur lehtë.

Procesi i ndërtimit të kësaj force është duke u udhëhequr nga NATO-ja. Ajo parashihet t’i ketë 2500 pjesëtarë të rregullt dhe 800 rezervë.

Misioni i FSK-së është reagimi ndaj krizave, fatkeqësive natyrore dhe rasteve të tjera emergjente si kërkim-shpëtimi, çminimi, asgjësimi dhe largimi i materialeve të rrezikshme, reagimi ndaj zjarreve dhe pjesëmarrja në misionet paqësore jashtë vendit.

FSK-ja është formuar pas procesit të shpërbërjes së TMK-së, ndërkohë që ende nuk i ka ndërtuar të gjitha kapacitetet.
Koha.net

[Neferta]

• 
  GYL: TË MOS KEQKUPTOHEN PËRPJEKJET E TURQISË PËR STABILITET NË BALLKAN
  
  Presidenti i Abdullah Gyl tha se nuk duhet konceptuar si ndërhyrje në punët e brendshme të ndonjë vendi përpjekja e Turqisë për krijimin e klimës së besimit dhe stabilitetit në Ballkan.
  
  
  nga TRT
  
  
  
  
  më 03.09.2010
  
  
  Presidenti i Abdullah Gyl tha se nuk duhet konceptuar si ndërhyrje në punët e brendshme të ndonjë vendi përpjekja e Turqisë për krijimin e klimës së besimit dhe stabilitetit në Ballkan.
  Gjatë vizitës në Bosnjë-Hercegovinë, një nga 3 anëtarët e mekanizmit tresh, Presidenti Gyl vuri theksin në domosdoshmërinë e stabilitetit dhe sigurisë së qëndrueshme në Ballkan.
  Në aeroporti Presidenti Abdullah Gyl u prit nga Kryetari i Këshillit Presidencial të Bosnjë-Hercegovinës, Haris Silajdziç.
  Kjo pritje ishte tregues i hapur i miqësisë dhe sinqeritetit që ekziston ndërmjet dy vendeve.
  Ndërsa ceremonia zyrtare e pritjes për Presidentin Abdullah Gyl u bë në Rezidencën Presidenciale.
  Pas takimit me anëtarët e Këshillit Presidencial Tresh u kalua në bisedimet mes delegacioneve.
  Pas takimeve dyshja doli para kamerave.
  Gyl iu përgjigj edhe pretendimeve sikur Turqia përzihet në punët e brendshme të vendeve të Ballkanit, duke thënë: “Ju rikujtoj se duhet keqkuptuar përpjekja e angazhim ynë në solidaritet me këto vendeve për të krijuar në Ballkan një atmosferë besimi, stabiliteti dhe bashkëpunimi”.
  Stacioni i radhës i Presidentit Gyl ishte parlamenti i Bosnjë-Hercegovinës.
  Gyl iu drejtua deputetëve me një fjalim, ku vuri theksin në domosdoshmërinë e sigurimit dhe rrënjosjes në Ballkan të klimës së paqes, sigurisë dhe stabilitetit.
  Më pas Abdullah Gül mori pjesë në Forumin e Biznesit Turqi-Bosnjë Hercegovin. Gyl i ftoi biznesmenët turq të investojnë në Bosnjë Hercegovinë.

[Neferta]

1. Termeti i fuqishem 7.1 shkalle ne Zelanden e re Numri i te vdekurve dhe te leduarve ene nuke eshte publikuar http://http://www.nzherald.co.nz/nz/news/image.cfm?c_id=1&gal_cid=1&gallery_i
   
   

[Llapjani_HH]

E paske shkelë Kushtetutën, President

Gjyqtari amerikan Robert Corolan ka përfunduar punën në Lëndën e Presidentit të Kosovës.

Burime të Express thonë se ai ka konkluduar që Fatmir Sejdiu ka rënë ndesh me Kushtetutën, duke mbajtur postin e Kryetarit të LDK’së.

Konstatimet tash ndodhen në Kolegjin Shqyrtues të Gjykatës Kushtetuese, ndërsa në fund të shtatorit jepet verdikti. Dilemat për të ardhmen politike të Sejdiut po hapen

Gjyqtari raportues Robert Corolan ka përfunduar punën në Lëndë e Presidentit Fatmir Sejdiu dhe konstatimet e tij tashmë i ka dërguar në Kolegjin Shqyrtues të Gjykatës Kushtetuese të Kosovës.

Ky është një hap i madh në këtë proces gjyqësor, të iniciuar nga më shumë se tridhjetë deputetë, të cilët kërkojnë nga Gjykata Kushtetuese të deklarohet nëse Fatmir Sejdiu po e shkel Kushtetutën duke mos dhënë dorëheqje nga posti i Kryetarit të LDK’së.

Gazeta Express, përmes burimeve të saj të afërta me Gjykatën Kushtetuese, ka mësuar se brenda disa ditësh Kolegji Shqyrtues duhet të marrë vendim për t’i dërguar apo jo konstatimet e Gjyqtarit Amerikan te Paneli i Gjykatës.

“Normalisht pritet që Kolegji Shqyrtues t’i dërgojë në Panel konstatimet e Gjyqtarit. Por, në bazë të procedurave dhe pas konsultimeve të gjithanshme, Kolegji ka të drejtë edhe t’i hedhë poshtë ato konstatime”, ka thënë në kushte anonimiteti për Express një zyrtar i afërt me zhvillimet në Gjykatën Kushtetuese.

Gazeta mëson se Gjyqtari Robert Corolan ka konstatuar se Fatmir Sejdiu ka rënë ndesh me Kushtetutën, duke mos dhënë dorëheqje nga posti i Kryetarit të LDK’së.

Në këtë situatë, thonë burimet, ai duhet të japë dorëheqje nga njëri post, për të qenë në rregull me aktin më të lartë juridik të vendit.

“Nëse Paneli i Gjykatës pajtohet rreth konstatimeve të gjyqtarit, Sejdiu do të jetë i detyruar që të japë dorëheqje nga njëri post që mban aktualisht”, ka thënë burimi i gazetës.

Robert Carolan, aktualisht gjyqtar në Gjykatën Kushtetuese të Kosovës, ka shërbyer si Gjykatës ndërkombëtar në Misionin e Kombeve të Bashkuara në Kosovë nga viti 2002 deri në vitin 2003 dhe pastaj nga viti 2004 deri në vitin 2005 ka shërbyer si Kryesues i Këshillit Gjyqësor dhe Prokurorial të Kosovës.

Ai, po ashtu, është një prej njerëzve që ka punuar në hartimin e Kornizës Kushtetuese të Kosovës, dokument ky që nuk dallon aspak me Kushtetutën e Kosovës kur flet për detyrat dhe përgjegjësitë e Presidentit të Kosovës.

Nëse konstatimet e Gjykatësit amerikan pranohen nga Gjykata, atëherë kjo është goditja më e madhe për karrierën politike të Fatmir Sejdiut.

Presidenti duket se është i vetëdijshëm për këtë.

“Unë nuk dua ta paragjykoj vendimin e Gjykatës”, ka thënë Sejdiu, të premten, në një prononcim dhënë mediave.

Por, ai nuk ka mundur të mos i paragjykojë edhe motivet që shtyn mëse tridhjetë deputetë që ta padisin atë në Gjykatën Kushtetuese.

“Pse nuk e bënë më parë këtë, por tash? Kanë mundur ta bëjnë që katër vjet e gjysmë”, ka thënë Presidenti.

Ai duket se procesin kundër tij e ndërlidh me zhvillimet në LDK, e ku gara për Kryetar të partisë çdo ditë e më shumë po ashpërsohet.

Sipas gjitha gjasave, Gjykata Kushtetuese do ta përfundojë Lëndën e Presidentit në fund të muajit shtator.

Nëse Sejdiu vendos të japë dorëheqje nga posti i Kryetarit të LDK’së, atëherë ai do ta ketë të pamundur që të kandidojë sërish për këtë post në zgjedhjet e sivjetshme.

Naim Rrustemi, deputet i pavarur i cili mblodhi nënshkrimet për të dërguar Presidentin në Gjykatën Kushtetuese, është i bindur se Gjykata do të konstatojë se Sejdiu po e shkel Kushtetutën.

“Unë nuk kam asnjë dilemë se ligji, e drejta, është në anën e ankuesve. Dihet që Presidenti është duke e shkel Kushtetutën”, ka thënë Rrustemi për Express, të shtunën.
Gazeta expres

Bukoshi: LDK-ja ka nevojë për një kryetar që e nxjerrë nga kriza

Nesër në Koha Ditore (në Perëndim pasnesër) mund të lexoni intervistën ekskluzive të Bujar Bukoshit, kandidatit për postin e kryetarit të Lidhjes Demokratike të Kosovës.

- Pse është kandiduar Bujar Bukoshi dhe pse mendon se kreu i tanishëm i LDK-së ka punuar në dëm të partisë.

- Cilat janë interesat grupore të kryetarit Sejdiu dhe grupit rreth tij që e kanë dëmtuar LDK-në?

- Pse sipas Bukoshit LDK-ja gjendet në krizë dhe situate është alarmante.

- Si u bë Ukë Rugova përkrahës i kandidaturës së Bukoshit

- Kush dhe pse po i frikësohet hyrjes së Ukë Rugovës në politikë dhe LDK

- Cilat janë raportet e Bukoshit me Isa Mustafën.

- Për cka kanë biseduar Bujar Bukoshi e Isa Mustafa dhe për cka janë dakorduar ata

- A do të tërhiqet Bujar Bukoshi nga kandidimi nëse Isa Mustafa hyn në garë

- Pse Kuvendi i karrigave nuk mund të përsëritet në LDK?

- Nëse fiton, a do ta prish Bukoshi koalicionin me PDK-ne dhe Thacin

- A mund të kthehet LDD-ja në LDK nëse fiton Bukoshi?

- Si i shpjegon Bukoshi kontroversat e së kaluarës: prej Fondit të 3 përqindshit e deri tek marrëdhëniet e tija gjatë luftës me Ibrahim Rugovën dhe Hashim Thaçin e UÇK-në
Koha.net

[Llapjani_HH]

Strukturat paralele kërkojnë ndihmë nga Policia e Kosovës

Strukturat e paralele në veri të Kosovës kanë kërkuar ndihmën e Policisë së Kosovës, pas hyrjes më dhunë të disa ish- punëtorëve të shërbimit të mbrojtjes civile në komunën e veriut të Mitrovicës, raporton RTK-ja nga Mitrovica.

Policia e Kosovës nuk iu është përgjigjur kësaj kërkese, sepse i konsideron jolegjitime struktura paralele, tha zëdhënësi i rajonit të Mitrovicës, Besim Hoti.

Ish- punëtorët e Shërbimit të Mbrojtjes Civile në veri të Mitrovicës, kanë hyrë sot me dhunë në ndërtesën e komunës në veri dhe kanë kërkuar përjashtimin e të punësuarve që nuk janë nga Kosova dhe kthimin e tyre në punë.

Stafi që ka punuar në këtë organ të strukturave paralele serbe ka kërkuar ndihmën e policisë së Kosovës për të qetësuar situatën, por Policia e Kosovës nuk iu është përgjigjur.

Zëdhënësi i policisë për rajonin e Mitrovicës, Besim Hoti tha se policia ka qenë në dijeni për një protestë të tillë dhe për hyrjen me dhunë të protestuesve në objekt, por tha se ato janë probleme të brendshme të strukturave paralele, për të cilat nuk përgjigjet Policia e Kosovës.

Megjithatë, Hoti tha se policia është e gatshme të reagojë në rast të prishjes së rendit dhe qetësisë publike

Ndërkohë bëhet e ditur se në Zveçan, është mbajtur mbledhje urgjente e krerëve të njësive të MUP-it, ku temë kryesore e diskutimit ka qenë prezenca e njësive speciale të Policisë së Kosovës në veri.

Mësohet se kryeshefi i Punëve të Brendshme të Serbisë për rajonin e Mitrovicës, Gjorgje Dragojeviq, ka urdhëruar të gjithë komandantët e njësive të MUP-it që veprojnë në veri të Kosovës, që të intensifikojnë patrullimet e këtyre njësive, si dhe të sulmohen pjesëtarët e njësive speciale të Policisë së Kosovës, në rastet kur ata paraqiten në veri.

Zëdhënësi i policisë së Kosovës Besim Hoti tha se kërcënimet e tilla nuk do të ndikojnë në veprimtarinë e policisë së Kosovës edhe në veri. Ai tha se policia e Kosovës është e gatshme të veprojë në çdo situatë që mund të paraqitet edhe në këtë pjesë.
Koha.net

[Neferta]

Deklarata e shkieve te Kosoves ne Zveqan Deklarata miratuar 7 Shtator 2010. Burimi |: Beta Kuvendi i Asociacioneve të Komunave të Kosovës dhe Metohisë, miratoi një Deklaratë ne Zveçan per mbrojtjen e Kosovës dhe Metohisë, si një ", pjesë integrale e patjetërsueshme e Serbisë." Kjo deklarat ishte demantuar perfolur pergenjeshtuar nga personalitete publike te kosoves si e paqene etj etj.

[Guri i madh]

une qysh e knova nji gazet qe quhet BOTA SOT qeveria e kosoves esht pro negiciatave me shkinin ,po nen mbikqyrjen e SHBAave ,po kjo kerkes ishte para lufte kjo kerkes ishte kur kta qe po na qeverisin ju shtronin greka patrullave te milicis se milloshit


a do te thot kjo se bisedimet jan para perfundimit bisedimet e fshehta qeveri e kosoves shkini nen presionin mnikqyrjen e ambasadorit KTISTOFER DELL