Lajme Aktuale....

[Guri i madh]

Thaçi do të vizitojë Haradinajn në Hagë?

Publikuar: Sot, më 17 dhjetor 2010


Artikuj të ngjashë

Prishtinë, 17 dhjetor - Për shkak se Tribunali i Hagës të enjten anuloi vendimin për lirimin e përkohshëm të Ramush Haradinajt nga paraburgimi, kryeministri në largim i Kosovës dhe lideri i PDK-së, Hashim Thaçi pritet që gjatë javës së ardhshme të udhëtojë në Hagë për ta takuar liderin e AAK-së. Lajmin e kanë bërë të ditur për gazetën Lajm burime të PDK-së të afërta me kryeministrinë. Në fillim të tetorit ishte mbajtur një takim të strukturave udhëheqëse të dy partive, PDK dhe AAK, me qëllim të arritje së një konsensusi për krijimin e një strategjie të përbashkët lidhur me bisedimet midis Prishtinës dhe Beogradit, temë bosht e së cilave do të jetë veriu i vendit. Bashkësia ndërkombëtare, përkatësisht BE dhe SHBA, kanë bindur Prishtinën dhe Beogradin për fillimin e dialogut për ta mbyllur kapitullin e stabilitetit të vendit dhe pritet që këto bisedime të fillojnë pas formimit të qeverisë së re, e cila do të dalë pas certifikimit të rezultateve të zgjedhjeve të 12 dhjetorit. Burime të Lajmit nga kreu i PDK-së thonë se është në interes të Kosovës që të gjithë aktorët politikë shqiptarë të vendit t’i lënë anash ndasitë dhe inatet personale për hir të përmbylljes sa më të suksesshme të bisedimeve të ardhshme me Serbinë, që do të ndërmjetësohen nga BE-ja dhe të ndihmuara nga SHBA, krejt kjo me qëllim të futjes së veriut të vendit nën kontroll të plotë shtetëror, ku do të sundojë ligji dhe rendi. Në pyetjen nëse kreu i PDK-së është “zgjuar vonë nga gjumi” lidhur me nevojën e unifikimit të faktorit politik shqiptar për çështjen e fatit të veriut të vendit, pas ideve që dolën nga qarqe të ndryshme perëndimore për një status eventual të posaçëm politik dhe territorial të veriut të vendit dhe, tash kur Prishtina zyrtare edhe faktori politik gjenden para presioneve të ndryshme, burimet nuk deshën që të deklarohen. Burimi i gazetës tha se, “fati i veriut të vendit është çështja që duhet t’i bashkojë tërë faktorin politik në prag të bisedimeve me shtetin fqinj nga veriu”.

[Oqeani]

Duke i marrur parasushe te gjitha rrethanat, nje takim i tille do te refuzohej nga Tribunali !

[Llapjani_HH]

Daçiq hyn në Kosovë pa pyetur kënd

Serbia ka shfrytëzuar vakuumin institucional për të hyrë në Kosovë dhe për të dhënë deklarata ndërsyese për serbët kosovarë.

Ministri i Punëve të Brendshme i Serbisë, Ivica Daçiq, njëherësh kryetar i Partisë Socialiste të Serbisë, të formuar nga Slobodan Milosheviqi, ka qëndruar të dielën në Zveçan, ku ka takuar strukturat paralele serbe, krerët e MUP-it serb, që vepron ilegalisht në Kosovë dhe të ashtuquajturit “komandantët e mbrojtjes territoriale serbe në Kosovë”.

Ai ka ftuar këto struktura që “të ngjeshin radhët”.

Daçiqi në Kosovë ka hyrë i papenguar dhe pa njoftuar institucionet e Kosovës.

Policia e Kosovës nuk ka ndërhyrë për ta penguar Daçiqin të hyjë në Kosovë, duke u arsyetuar se nuk ka qenë e njoftuar për vizitën.

Megjithatë, Daçiqi nuk ka hyrë tinëz.

Ardhjen e tij, zyrtarisht, Ivaca Daçiq e ka arsyetuar me ndjekjen e premierës së filmit “Montevideo” në Zveçan.

Qeveria e Kosovës pati deklaruar disa herë gjatë këtij viti se në emër të pavarësisë së shtetit të Kosovës nuk do të lejojë hyrjen e zyrtarëve të Serbisë në territorin e Kosovës, pos me leje nga Prishtina zyrtare.

Në disa raste, zyrtarë serbë janë penguar të hyjnë në Kosovë. Mirëpo, në shumë raste të tjera, zotimi i qeveritarëve të Kosovës është shpërfillur, sikur të mos ekzistonte fare Qeveria.

Ivica Daçiq në Zveçan është takuar me Gjorgje Dragoviqin, i njohur me nofkën “Gjole”, e që komandanti i përgjithshëm i strukturave të MUP-it serb në Kosovë.

Daçiqi është takuar edhe me komandantin e strukturave serbe për Mitrovicë Aleksandar Ivanov, për Leposaviq Sreçko Banoviq dhe ai për Zubin Potok Zhivojin Gjuriq, kanë njoftuar burime të gazetës.

Daçiq gjatë vizitës që i ka bërë Zveçanit është shoqëruar edhe nga Velko Odaloviq dhe aktori Bata Zhivojinoviq.

Gjithashtu Daçiq në Zvecan është pritur edhe nga kreu i Partisë Socialiste të Serbisë për Kosovën, Zvonko Steviq.

Në takimin me strukturat politike të Serbisë, që janë të instaluar në Kosovë, Daçiq u ka premtuar atyre se Serbia nuk do të heqë dorë kurrë nga Kosova.

”Ju duhet të mbaheni, se zgjidhjes së këtij problemi po i vjen fundi”, u ka thënë Daçiq serbëve në Zveçan. ”Mos harroni, as lideri i SPS, Slobodan Milosheviqi, kurrë nuk ka hequr dorë nga Kosova e Serbia e as ne nuk do t’i tradhtojmë fjalët e Milosheviqit”, kanë cituar burime të gazetës të këtë thënë Daçiq.

Daçiq në takimin me strukturat e sigurisë, të policisë së Serbisë dhe të mbrojtjes territoriale serbe ka theksuar se këto dy institucione duhet të ngjeshin radhët, në mënyrë që të mos lejohet në asnjë mënyrë shtrirja e institucioneve të Kosovës në veri të Mitrovicës dhe të Kosovës, citon burimi.

Sipas tij shtrirja e institucioneve të Prishtinës në veri të Mitrovicës dhe të Kosovës do të thotë për Serbinë humbje përgjithmonë e Kosovës.

I pari i MUP-it të Serbisë dhe njeriu më i përkëdhelur i diktatorit serb, Milosheviq, i ka përgëzuar strukturat e sigurisë së Serbisë në Kosovë për punën që kanë bërë në terren, duke pamundësuar daljen e serbëve në zgjedhjet e 12 dhjetorit, që i kanë mbajtur institucionet e Serbisë.

Daçiq ka hyrë në Kosovë nga pika kufitare G-1 në Jarinje të Leposaviqit rreth orës 10:00 të së dielës dhe ka qenë i shoqëruar me 6 truproja të armatosura me armë “Shkorpion”, ka thënë burimi.

Sipas burimit, komandanti i policisë së Kosovës në këtë pikë kufitare, kapiten Zvezdan Spasojeviq, nuk ka marrë asnjë masë për të ndaluar Ivica
Daçiqin dhe njerëzit e tij të armatosur që të futen në territorin e Kosovës.

Daçiq me bashkëpunëtorë dhe truproja ka lëshuar Kosovën në G-1 rreth orës 16:00, kanë njoftuar burime të gazetës.

Zëdhënësi i policisë për rajonin e Mitrovicës, Besim Hoti, në lidhje me këtë vizitë të të parit të policisë së Serbisë, ka theksuar se Policia e Kosovës nuk ka qenë e njoftuar për këtë vizitë dhe nuk ka pasuar kurrfarë aktiviteti të sigurimit të këtij personi.

Serbia haptazi ka penguar integrimin e serbëve të Kosovës në institucionet e këtij shteti të ri dhe ka penguar daljen e serbëve në zgjedhjet e 12 dhjetorit në pjesën veriore të Kosovës.

Në këtë pjesë, pak ditë para zgjedhjeve, është vrarë edhe një zyrtar i procesit zgjedhor në Kosovë, Shefko Salkoviq, në rrethana ende të pasqaruara.
Koha.net

[Guri i madh]

po kollaj hyn ne veri anej ftoft let vjen knej ka qafa e morines nese ka guxim

[Oqeani]

Postimi origjinal është bërë nga Guri i madh

po kollaj hyn ne veri anej ftoft let vjen knej ka qafa e morines nese ka guxim

Kosove ne veri, Kosove ne jug - Daça si Pança hyn kur don !!!

[Guri i madh]

Thaçi: Marty herë do kur do të përballet me drejtësinë

Publikuar: Sot, më 24 dhjetor 2010





Prishtinë, 24 dhjetor – Hashim Thaçi, sipas intervistës që i dha gazetës Koha Ditore, rreth raportit që e pandeh atë për përfshirje në trafikim organesh, po e pret me padurim ardhjen e një mysafiri në Kosovë. Ai është zvicerani Dick Marty, njeriu më i përfolur prej dy javësh.
Informatat që ka kryeministri në largim janë se Marty është ftuar nga Klubi për Politikë të Jashtme, për të prezantuar në Prishtinë raportin e tij që përmban akuza për trafikim organesh njerëzore nga Thaçi dhe nga ish-drejtues të UÇK-së, përfshirë edhe akuza që e pandehin kryeministrin në largim të Kosovës si “bos” të një rrjeti mafioz që merret edhe me trafikim të armëve e drogës. Marty në fakt është mandatuar nga Këshilli i Evropës për të hetuar dyshimet për përfshirjen e UÇK-së në trafikim organesh të pengjeve serbe. Por autoritetet kosovare e kanë cilësuar raportin e tij si të mbushur me shpifje. Kanë paralajmëruar edhe padi për Martyn, por ai u është kundërpërgjigjur se gëzon imunitet. E Thaçi ka thënë për zviceranin, në intervistën e botuar sot në gazetën Koha Ditore, se nuk do të mundë t’i ikë përballjes me drejtësinë. Beson se ka argumente e dëshmitarë rreth motiveve të tij inkriminuese dhe mënyrës inkriminuese të bërjes së këtij raporti, të cilat do t’ia prezantojë drejtësisë herë do kur. Edhe vetë Dick Marty, sipas tij, tashmë është në dijeni për këtë gjë.
Thaçi në një intervistë dhënë “Kohës Ditore”, në pjesën e parë të së cilës ka folur vetëm për raportin e Dickut, e ka quajtur atë si “raport horror” dhe si “pamflet politik”.
Sipas tij, përmbajtja e këtij drafti që synohet të bëhet dokument, është përgatitur në Serbi, dhe e ka marrë bekimin e Rusisë. Raporti, sipas tij, nuk do t’ia dobësojë pozicionin si kryeministër në një takim që e ka paralajmëruar të ndodhë shpejt me presidentin serb, Boris Tadiq. Vendin se ku do të realizohet takimi nuk e ka treguar, por ka thënë se po përgatitet nga Perëndimi. Nga ky takim Thaçi pret “përmbylljen e kapitullit të errësirës dhe të konflikteve dhe hapjen e kapitullit të bashkëpunimit” midis Kosovës e Serbisë.

[Guri i madh]

Kurti: Legjitimiteti i zgjedhjeve, legjitimitet i hajnave

Publikuar: Sot, më 24 dhjetor 2010





Prishtinë, 24 dhjetor - Lideri i lëvizjes “Vetëvendosje”, Albin Kurti, në një intervistë për gazetën Koha Ditore,të botuar sot, thotë se procesi i fundit zgjedhor për liderin e “Vetëvendosjes”, Albin Kurti, është i papranueshëm. “Nuk është as i ndershëm e as demokratik. Kurse rezultati i këtyre zgjedhjeve, meqë i përfshin të gjitha këto parregullsi dhe vjedhje, është rezultat i kontestueshëm. Për pasojë, legjitimiteti i këtyre zgjedhjeve është legjitimitet i hajnave dhe i dhunës”, ka deklaruar ai
Ka qenë një moment kur kreu i lëvizjes “Vetëvendosje”, Albin Kurti, e ka ndier të nevojshme mbikëqyrjen ndërkombëtare në Kosovë. Kjo ka ndodhur ditën e zgjedhjeve. Ai ka pritur që “ndërkombëtarët” së paku më 12 dhjetor nuk do të lejonin që të vidhej në mënyrë të pamëshirshme vullneti i qytetarëve.
Por u zhgënjye. “Pikërisht atë ditë mungoi mbikëqyrja ndërkombëtare”, thotë ai në një intervistë për “Kohën Ditore”. Legjitimimi i zgjedhjeve të fundit nacionale, që për “Vetëvendosjen” janë të parat, ai thotë se nuk do të jetë asgjë tjetër pos legjitimim i hajnave dhe i dhunës. Megjithatë, Kurti nuk e përjashton mundësinë e hyrjes në Kuvend, ndonëse nuk tregon nëse deputetët e “Vetëvendosjes” do të betohen në Kushtetutë. Por për një gjë shprehet i sigurt. Asnjëri nga ta, thotë se nuk do të pranojë të shëtitet me xhip, e aq më pak të jetë i rrethuar me truproja. Deputetët e “Vetëvendosjes”, sipas tij, do të angazhohen që veturat e blinduara dhe siguria fizike t’u ofrohet prokurorëve dhe gjyqtarëve, atyre që në fakt duhet ta luftojnë krimin e organizuar dhe korrupsionin. Kryeaktivisti i “Vetëvendosjes” nuk është ndier keq që lideri i PDK-së i ka vënë vijë të kuqe koalicionit të mundshëm me subjektin që ai e drejton, ashtu siç nuk është pajtuar me kreun e LDK-së për krijimin e një qeverie teknike. Me PDK-në, LDK-në, por edhe me partitë e tjera të pasluftës ai ka thënë se “Vetëvendosja” nuk bëhet bashkë në asnjë lloj kombinimi. Për dallim nga liderët e tjerë politikë të Kosovës dhe të Shqipërisë, Kurti nxjerr diçka “pozitive” në raportin e Dick Martyt. Raporti i Dickut, sipas tij, e “disiplinoi dhe e servilosi Hashim Thaçin si kurrë më parë”. Në intervistë ai shpreh edhe mospajtimin me mënyrën e përfaqësimit të interesave të veteranëve të luftës së UÇK-së.
(Intervistën në tërësi mund ta lexoni në gazetën e sotme Koha Ditore)

[Guri i madh]

“Tan Lepri”, protagonisti kryesor i shtabit elektoral të Thaçit

Publikuar: Sot, më 24 dhjetor 2010





Tiranë, 24 dhjetor - Krahas ndihmës së kompanisë amerikane, kreu i PDK-së në Kosovë, Hashim Thaçi është asistuar në zgjedhjet e fundit edhe nga një personazh i shumëpërfolur në Shqipëri, Dritan Avllaj.

Biznesmeni i njohur me nofkën “Tan Lepri” ka shërbyer në Kosovë si një ndër protagonistët kryesorë të shtabit elektoral të kreut të PDK-së, Hashim Thaçi, raporton revista MAPO.
Prania e Avllajt në Kosovë pranë PDK-së është pranuar edhe nga anëtarë të kësaj partie, ndërsa këta të fundit nuk pranuan që të specifikonin rolin e tij në këtë fushatë elektorale.

Nga ana tjetër, anëtarë dhe zyrtarë pranë LDK-së dhe “Vetëvendosjes” thanë për MAPO-n se prania e Avllajt është marrë vesh në Kosovë që prej një muaji, kur nisi fushata elektorale dhe, sipas tyre, Avllaj është një ndër drejtuesit e fushatës për PDK-në dhe një ndër ata pak njerëz, të cilëve Thaçi i ka besuar monitorimin, jo vetëm të fushatës, por edhe të organizimit të njerëzve që dje kanë kontrolluar dhe mbikëqyrur qendrat e votimit.
Pak a shumë, roli i Avllajt pranë Thaçit në Prishtinë ka qenë ai i një “eksperti” në çështjet e kontrollit mbi votat, i ngjashëm me pozicionin e Pjerin Ndreut pranë Partisë Socialiste, në zgjedhjet e 28 qershorit 2009.
Nga ana tjetër, përfshirja e një personazhi si “Tan Lepri” në procesin zgjedhor është një element më tepër, në imitimin e modelit shqiptar të zgjedhjeve nga politikanët kosovarë.
E ndërsa në Tiranë, përfshirja e Avllajt si njeri kyç në shtabin elektoral të Thaçit shkakton habi, në Kosovë duket se njeriu i shumëdiskutuar këtej kufirit, është bërë thuajse familjar, në underground-in e politikës kosovare.
“Zoti Avllaj vjen dhe viziton shpesh Kosovën. Në lidhje me përfshirjen e tij në fushatë, ne kemi informacion se ai ka mbërritur këtu që para një muaji, ose më saktë kur nisi fushata elektorale dhe në dijeninë tonë, ai është investuar dhe angazhuar posaçërisht në këtë fushatë për Partinë Demokratike të Kosovës, si një njeri i besuar dhe mik i ngushtë i kryetarit të PDK-së, Hashim Thaçi”, tha për “MAPO”-n një zyrtar i LDK-së.
Nga ana tjetër, anëtarë të “Vetëvendosjes” së Albin Kurtit njoftuan se kishin prej kohësh dijeni për praninë e Avllajt në Kosovë, por nuk e konsideruan këtë një problem. “Po, ne jemi në dijeni të këtij fakti dhe në dijeninë tonë, Avllaj është një ndër dirigjentët kryesorë të fushatës elektorale të PDK-së dhe një ndër më të besuarit e Hashim Thaçit që i ka ardhur në ndihmë”, deklaroi nga ana tjetër një burim i rezervuar nga “Vetëvendosja”.
Dritan Avllaj u bë një ndër emrat më të përfolur në Shqipëri, kur politika shqiptare u investua dy muaj më parë në një fushatë akuzash dhe kundërakuzash, për një projekt ndërtimi në zonën e Liqenit në Tiranë.
Ai u akuzua nga ana e Partisë Demokratike në Shqipëri, si një ndër njerëzit që ndërtonin në Tiranë, falë mbështetjes që i ofronte kreu i Bashkisë së Tiranës, Edi Rama.

Por lidhjet e Avllajt me Hashim Thaçin, sipas MAPO-s, kanë një histori shumë më të hershme se miqësia e përfolur e tij me Edi Ramën. Sipas njerëzve që e kanë njohur nga afër Avllajn, kjo miqësi e ka origjinën që prej fillimit të viteve 2000.

[Guri i madh]

Koalicionin do ta zyrtarizoj një javë pas 9 janarit

Publikuar: Sot, më 25 dhjetor 2010





Prishtinë, 25 dhjetor – Hashim Thaçi po pret që në janar t’i hiqet epiteti që aktualisht e ka – kryeministër në largim. Beson se në gjysmën e parë të këtij muaji do ta zyrtarizojë koalicionin që do t’ia siguronte shumicën e ulëseve në Kuvend, me çka do të siguronte edhe udhëheqjen e ekzekutivit deri në vitin 2014. Nuk tregon se më kë do ta bëjë atë koalicion, por tregon se kush nuk mund të bashkëqeverisë me të. E në grupin e dytë, pos “Vetëvendosjes” e lë edhe Lidhjen Demokratike të Kosovës. Konsideron se qëndrimi i partisë 21-vjeçare në opozitë do ta pasuronte tërë skenën politike në vend.
Nuk ngurron të përzihet në punë të brendshme të kësaj partie dhe t’i tregojë kryetarit të saj, Isa Musafa, se për të është më mirë që të merret me reformimin dhe forcimin e LDK-së në katër vjetët e ardhshëm. I thotë që të mos shpresojë në krijimin e ndonjë qeverie teknike, e as të mos përpiqet që krizën e brendshme të partisë ta zgjerojë në krizë vendi.
Me bindjen se është politikani më i votuar në Kosovë, ai e ndien veten përgjegjës për ta gjetur një president të mirë. Nuk thotë nëse ai mund të jetë Behxhet Pacolli, Blerim Shala, Murat Jashari apo Adem Demaçi, por konfirmon se presidenti i ri do të ketë edhe adresë politike. “Vijat e kuqe” që i nxjerrin disa prej drejtuesve të AAK-së për të mos hyrë në koalicion me PDK-në, Thaçi nuk i merr shumë seriozisht, ashtu sikur nuk e mohon se po t’i jepej mundësia do ta vizitonte Ramush Haradinaj në Tribunalin e Hagës. Gjerësisht për këto në pjesën e dytë të intervistës që e sjellë Koha ditore në numrin e së shtunës.

[Guri i madh]

KFOR-i amerikan nga shkurti kontrollon veriun e Kosovës

Publikuar: E shtune, më 25 dhjetor 2010





Prishtinë, 25 dhjetor - Trupat e shtetit më të madh aleat të Kosovës, Amerikës, pritet të marrin nën kontroll veriun e Kosovës. Lajmin e ka konfirmuar për Klan Kosova, Francisco Neuman, komandant i trupave amerikane në Bondsteel.
Ai ka thënë se KFOR-i amerikan është i gatshëm për të reaguar në çdo kohë dhe në secilën pjesë të territorit. Që në shkurt forcat amerikane do të jenë prezente në veri, dhe sipas burimeve të Klan Kosovës, forcat franceze do të tërhiqen krejtësisht nga aty.

KFOR-i amerikan ka premtuar se nuk do të zvogëlojë trupat e veta në Kosovë, dhe numri i madh i helikopterëve do t’ia bëjë më të lehtë operimin.

[Llapjani_HH]

Policët e Serbisë zbarkojnë në veri të Mitrovicës

Policët serbë në veri të Mitrovicës dhe Kosovës janë quar në këmbë të dielën duke ruajtur rrugën nacionale, magjistralen e ‘Ibrit’ që nga pika kufitare në Jarinje deri në jug të Mitrovicës, kanë njoftuar burime të “Kohës Ditore” nga ajo pjesë e Kosovës.

Në këtë ruajtje të rrugës policët e Serbisë janë duke u shoqëruar edhe nga Policët e Kosovës, ka thënë burimi.

Ky urdhër për ruajtje të rrugës ka ardhur nga Ministria e Punëve të Brendshme e Serbisë, e cila ka frikë se eskortat që udhëtojnë për në Prizren, në shugurimin e peshkopit Teodosije mos po sulmohen.

Burimi më tej ka specifikuar se frika e MUP-it të Serbisë për ndonjë sulm në eskorta vjen, pas vrasjes së udhëheqësit të boshnjakëve të Leposaviqit, Shefko Sallkoviq, i cili u vra më 8 dhjetor në një pritë në fshatin Jarinje të Leposaviqit.

Nëpër kuluare dhe në fshatra boshnajke flitet haptazi se Sallkoviq është vrarë me urdhër të MUP-it të Serbisë.

Ndërkohë Policia e Kosovës ka thënë të mos ketë informacione për zbarkim të policëve të Serbisë në Kosovë.

“Në kuadër të ngjarjes së sotme ekziston plani operacional në të cili përfshihet e gjithë Kosova, e gjithashtu edhe veriu. Ne kemi marr masat shtesë të sigurisë, ndërsa nuk jemi të njoftuar zyrtarisht për atë që po thoni ju”, ka thënë Avni Zahiti, zyrtar për informim i policisë rajonale të Mitrovicës.
Koha.net

[Guri i madh]

Ministër i Shëndetësisë, Muja ose Agani

Publikuar: Sot, më 27 dhjetor 2010





Prishtinë, 27 dhjetor - Ende pa u certifikuar rezultatet e zgjedhjeve të 12 dhjetorit, të cilat kanë rezultuar me rivotime në së paku tri komuna, kanë filluar të përfliten emrat që pritet ta drejtojnë dikasterin e shëndetësisë. Përmenden dy emra: Shaip Muja, këshilltar i kryeministrit në largim Hashim Thaçi, dhe kryetari i Partisë së Drejtësisë, Ferid Agani.
Të dy janë shprehur të gatshëm të drejtojnë dikasterin qeveritar, ku supozohet të ketë më së shumti probleme të grumbulluara me vite, duke thënë se janë të vetëdijshëm për këtë, dhe se do të punojnë në zgjidhjen e tyre.
Muja ka saktësuar se pas rezultatit të zgjedhjeve është çështje e partisë që të orientohet për resorët dhe ministritë që do t’i marrë dhe do t’i drejtojë.
“Unë jam i gatshëm për çdo resor që ma besojnë partia dhe kryeministri i nominuar, Hashim Thaçi”, ka deklaruar Muja për “Kohën Ditore”.
Sipas Mujës, në shëndetësinë kosovare duhet përmirësuar shumë gjëra.
“Aty ka shumë probleme, ngase shëndetësia është keqmenaxhuar deri tash”, ka vlerësuar ai.
Ndërsa Ferid Agani duket më shumë i entuziazmuar kur flet për kryesimin e Ministrisë së Shëndetësisë. Ai duket ta ketë marrë me shumë seriozitet këtë punë.
Dhe nuk e fsheh se ky ka qenë synim i kahershëm i tij, meqë thotë se kjo është diskutuar që kur kanë filluar negociatat e partisë që ai kryeson për të hyrë në partneritet me AKR-në në garën zgjedhore të 12 dhjetorit.
Duke mos dashur të flasë nëse janë bërë përparime në drejtim të arritjes së koalicionit me PDK-në për mandatin e ri qeverisës, Agani ka thënë se “detajet për koalicion do të kumtohen pas 9 janarit, por se AKR-ja me partnerët e saj të koalicionit parazgjedhor tashmë ka shprehur qartë synimin për të qenë pjesë e ekzekutivit”.

[Guri i madh]

Thaçi: Nuk bëjë koalicione me njerëz me mentalitet të Titos apo Enver Hoxhës Kryeministri në dorëheqje Hashim Thaçi tha se pas 9 janarit do të formohet shumë shpejt Qeveria e re. Në një intervistë ekskluzive për Radio Blue Sky, Thaçi tha se nuk parasheh probleme, duke mohuar se është lënduar procesi zgjedhor me 12 dhjetor, si...

[Guri i madh]

Thaçi: Nuk bëjë koalicione me njerëz me mentalitet të Titos apo Enver Hoxhës Kryeministri në dorëheqje Hashim Thaçi tha se pas 9 janarit do të formohet shumë shpejt Qeveria e re. Në një intervistë ekskluzive për Radio Blue Sky, Thaçi tha se nuk parasheh probleme, duke mohuar se është lënduar procesi zgjedhor me 12 dhjetor, siç ka deklaruar Presidenti në detyrë Jakup Krasniqi.... Postuar: 12:11:51 / 30.12.2010
Kryeministri në dorëheqje Hashim Thaçi tha se pas 9 janarit do të formohet shumë shpejt Qeveria e re. Në një intervistë ekskluzive për Radio Blue Sky, Thaçi tha se nuk parasheh probleme, duke mohuar se është lënduar procesi zgjedhor me 12 dhjetor, siç ka deklaruar Presidenti në detyrë Jakup Krasniqi. Thaçi përjashtoi opsionet për Qeveri teknike, duke thënë se zgjidhjet e tilla i takojnë së kaluarës.

Kryeministri në dorëheqje, Hashim Thaçi, thotë se nuk do ta ketë problem formimin e Qeverisë menjëherë pas 9 janarit. Fillimisht ai e vlerëson procesin zgjedhor të standardeve demokratike dhe nuk pajtohet me konstatimin e djeshëm të Presidentit në detyrë, Jakup Krasniqi, se procesi ka qenë i lënduar.

“Në asnjë rrethanë nuk ka qenë i lënduar, përkundrazi, ka qenë një proces i vlerësuar lartë ndërkombëtarisht. Mendoj se do të duhej informuar edhe më mirë për të gjitha zhvillimet që kanë ndodhur dhe të jepet vlerësimi që duhet të jepet. Është një vlerësim i lartë ndërkombëtar që del jashtë inateve partiake apo ndërpartiake apo thjesht frustrimeve personale të çdokujt”, ka thënë Thaçi.

Kryeministri Thaçi, partia e së cilit, sipas rezultateve preliminare doli fituese e zgjedhjeve të 12 dhjetorit, thotë se do të formojë një Qeveri kredibile, do të ketë një President të një uniteti politik dhe qytetar, si dhe një kryekuvendar të mirë. Por, ai nuk pranon të flas për formulën e koalicionit.

Në pyetjen tonë se a do të jetë edhe AAK në koalicion me PDK-në, Thaçi tha: “Unë do të ndërtoj një koalicion të prioriteteve të qendrës së djatht dhe jam në kontakt të vazhdueshëm me gjithë spektrin politik që i takon së ardhmes e jo mentalitet të së kaluarës komuniste, qoftë të njerëzve të mentaliteti të Titos apo Enver Hoxhës?

Kryeministri thotë se Qeveria do të ketë një madat katër vjeçar dhe në asnjë mënyrë nuk do të ketë zgjedhje të parakohshme me një Qeveri teknike, paraprakisht siç ka kërkuar LDK-ja.

“Është një mentalitet tipik komunist jugosllav. Njerëz që nuk janë mësuar me pluralizëm politik dhe rend demokratik. Prandaj, është edhe kërkesë antikushtetuese, antiligjore, zgjedhjet e ardhshme do të jenë në vitin 2014”, theksoi Thaçi.

Kryeminstri thotë se nuk do ta ketë problem qeverisjen as në mandatin e ardhshëm përkundër një opozite të fortë. Ai bënë këtë vlerësim për opozitën ardhshme.

“Kemi një opozitë të lezetshme, por të pareformuar. Prandaj, kërkohet që opozita të reformohet dhe të arrijë standardin e jetës së re demokratike, si parakusht i vetëm që të jetë opozitë serioze”, ka shtuat Thaçi.

Megjithkëtë, në intervistën ekskluzive për Radio Blue Sky, Kryeministri në largim Hashim Thaçi thotë se do të bashkëpunojë me opozitën për çështje të interesit shtetëror. Ai premton një qeverisje rrënjësisht të reformuar dhe garanton realizimin e të gjitha premtimeve të bëra gjatë fushatës parazgjedhore.

(Xhevat Sopi)

[Oqeani]

Pacolli per "Politika" te Beogradit


Do t'i kthej te gjithe sebet ne KS, keshtu Kosova do te behet multietnike!
Veriu i Kosoves do te jete zone e ekonomise se lire ne menyre qe te investohet nga biznismenet e fuqishem !

Eh aga Pacoll breh sa Kosova ty te duhetn i " thash" !
Nje multietnike dhe nje me zone te lire te ekonomise!!
Phaaaaa po dojka me investu Pacolli ne Kosove siç po e shoh se boll e kan kritikuar !
Edhe kesaje i thuhet politike !
( Mjer Kosova ne duart te kujte ka mbete, kam "bindjen" se: Beogradi me mire i zgjidhte politikajt ne Kosove se sa vet populli ) !!!!