Lajme nga Mjekesia

[Jana]

Çokollata ndihmon pacientët me sulme në zemër

Një hulumtim i zhvilluar në Suedi këshillon se konsumimi i çokollatës nga personat të cilët kanë përjetuar sulm në zemër është i lidhur me një rrezik më të vogël për vdekje.
Journal of Internal Medicine ka publikuar rezultatet e mbledhura nga një hulumtim ku kanë marrë pjesë 1169 persona të moshës nga 45 deri në 70 vjet, të cilët janë të shoqëruar me hospitalizim pasi kanë mbijetuar një sulm të parë.

Është treguar se personat të cilët kanë ngrënë çokollatë së paku dy herë në ditë, kanë rrezik trefish më të ulët për të vdekur nga sëmundja e zemrës.

Hulumtuesit besojnë se është fjala për pasojat e veprimit të përbërësve bioaktiv, si ato të llojit të antioksiduesve të pranishëm në kakao.

[Jana]

Çaji i zi mbron nga diabeti

Çaji i zi, i njohur për përmbajtjen e lartë të antioksiduesve, përforcimin e imunitetit dhe rregullimin e shtypjes së gjakut- duket se ka edhe disa efekte tjera dobiprurëse.
Duke krahasuar efektet pozitive të çajeve të ndryshëm, shkencëtarët kanë zbuluar se çaji i zi përmban sasi më të madhe të një polisakaridi, i cili mund të jetë shumë i dobishëm për personat që vuajnë nga diabeti, duke qenë se ndihmon në absorbimin e ngadalshëm të glukozës.

Për më shumë, revista “Journal of Food Science" njofton se çaji i zi kishte qenë më i suksesshëm edhe në luftën kundër radikaleve të lira.

[Jana]

Kokoshkat burim i antioksiduesve

Shumë rrallë produktet e ndryshme përtypëse shihen në kontekstin pozitiv në shëndet, por kjo ka ndryshuar në një studim të fundit.
Shkencëtarët kanë zbuluar se kokoshkat përmbajnë sasi befasuese të polifenoleve, një grup antioksiduesish të cilët lidhen me rrezik më të ulët nga sëmundjet e zemrës dhe karcinoma.

Duke marrë parasysh përbërjen e lartë të lëndëve ushqyese, ndërsa tash edhe antioksiduesve, kokoshkat janë në maje të produkteve përtypëse më të shëndetshme.

[Jana]

Kola ul nivelin e kaliumit

Konsumimi i pijeve me kola (Coca Cola, Pepsi) mund të rezultojë me mungesa serioze dhe mbase edhe fatale të kaliumit, bëjnë të ditur studimet e reja.
Mungesa e kaliumit do të thotë një nivel jonormal i ulët i këtij elementi në gjak që manifestohet me lodhje, dobësim të muskujve, ngërçe, konstipacion dhe dhimbje në bark. Në rastet më të rënda është e mundshme edhe paralizë, aritmi e zemrës madje edhe vdekje.

Personat në studim në ditë kanë konsumuar nga 1.5 deri në një sasi të pabesueshme, prej 9 litrash kola. Të gjithë janë shtruar në spital për shkak të disa prej simptomave të mungesës së kaliumit, ndërsa rasti më i vështirë është parë te meshkujt të cilët kanë konsumuar rreth 9 litra çdo ditë, me të cilën ka arritur edhe deri te paraliza e mushkërive.

Shkencëtarët besojnë se kombinimi i kafeinës dhe sheqerit, të pranishëm në sasi të madhe në pijet me koka, shkakton mungesë të kaliumit.

[Naki]

Psikosomatika ndikon në shëndetin fizik më shumë sesa mendohej

Është vënë re se personat që në të shumtën e rasteve janë në tension, frikë, panik a në ankth të vazhdueshëm paraqesin simptoma të sëmundjeve fizike.
Gjithashtu, ekzistojnë mjaft shembuj kur personi "paralizohet" nga frika ose kur mendon se është i sëmurë, sëmuret me të vërtetë.
Por ka ndodhur edhe e kundërta; kur personi i sëmurë fizikisht, e ka bindur veten se nuk është i tillë, dhe "mrekullisht" është shëruar plotësisht.
Sëmundje a shërime të tilla, quhen psiko-somatike, psikike-fizike, që do të thotë se ndjenja, mendja, emocioni ndikon në gjendjen trupore.

Shpesh i ndodhur nënstres, njeriu provon dhimbje në kokë, gjoks, stomak e gjetkë pa ndonjë shkak fizik. Edhe pse lindin nga mendimi a ndjenjat, sëmundjet psikosomatike sjellin pasoja të rënda fizike.
Përllogaritet që rreth 90 përqind e vizitave tek mjeku kryhen për shkak të problemeve të ndikuara pjesërisht nga stresi, prandaj sëmundjet psikosomatike janë më të shpeshta sesa mendohet.

Jo rrallë njeriu ankohet nga dhimbjet që mund të jenë shkaktuar nga gjendja psikologjike. Sëmundjet a vështirësitë fizike që shkaktohen nga mugesa e vitaminave ose lëndime të trurit mund të sjellin simptoma të rënda psikologjike. Por sipas ekspertëve, kur shkaktari është i pasigurt, mundësia është që sëmundja të jetë psikosomatike ose inorganike, pra e shkaktuar nga stresi a gjendja shpirtërore a mendore.

Disa sëmundje që më parë mendoheshin se ishin psikosomatike, si për shembull alergjitë, tani dihet se shkaktohen kryesisht nga faktorë organikë. Një faktor ndërlikues është se psikosomatika apo gjendja emocionale a psikike ndikon në zhvillimin e shumë sëmundjeve si ato në zemër ose në stomak, përfshi ulçerin e llojit peptik që shpesh krijohet në dueoden.

Megjithëse në 80 përqind të rasteve ulçeri në stomak shkaktohet nga infeksioni bakterial, shkencëtarët ende jo të bindur për këtë, vazhdojnë kërkimet për të parë nëse stresi është një shkaktar i mundshëm ose të paktën ndërlikohet në zhvillimin e semundjes. Në rastet kur nga stresi a ankthi shfaqen shenja si dhimbje në kokë, stomak, gjoks, ose kur pjesë të trupit mbulohen nga njolla të kuqe në lëkurë pa ndonje shkak fizik, ekspertët thonë se mënyrat qetësuese si meditimi, ushtrime fizike a teknika të tjera shlodhëse, dhe gjumi i mjaftueshëm, shpesh herë japin rezultate të mira.


Nga VOA,A.Lulushi

[Jana]

Presioni i rritur vështirëson të mbajturit mend

Personat më të moshuar se 45 vjet të cilët kanë presion të rritur të gjakut, kanë gjasa më të mëdha të kenë probleme me të mbajturit mend, siç bëjnë të ditur shkencëtarët nga University of Alabama.
Revista Neurology shkruan se me rritjen e nivelit të presionit diastolik të gjakut për çdo 10 njësi, gjasat për të pasur problem me të mbajturit mend rriten për 7%.

Hulumtuesit potencojnë se në rezultatet e fituara nuk kanë ndikuar faktorë të tjerë të rrezikut që prekin aftësitë njohëse, si periudha, pirja e duhanit, aktiviteti fizik, shkalla e arsimimit, diabeti ose përqendrimi i rritur i kolesterolit në gjak.

Në studim kanë marrë pjesë 19836 persona. Shkencëtarët besojnë se presioni i rritur diastolik çon në dobësimin e enëve të vogla të gjakut në tru, që shkakton edhe dëmtimin e indit në afërsi.

[Jana]

Acidet yndyrore ndikojnë në riprodhimin e meshkujve

Studimet e reja tregojnë se konsumimi i acideve yndyrore omega-6, dhe konsumimi i ulët i acideve yndyrore omega-3, mund të ndikojë negativisht në aftësitë e meshkujve për riprodhim.
Arsyeja qëndron në faktin se acidi dokozaheksanik, (DHA) është pjesë e membranës së spermatozoideve, ndërsa mungesa e acideve omega-3 rezulton me qeliza jonormale të spermës, që ndikojnë në aftësitë riprodhuese të meshkujve.

Autorët e studimit thonë se do të ishte më mirë të konsiderohet konsumimi i acideve omega-3 me anë të tabletave shtesë, si terapi ndihmëse te meshkujt jopjellor.

[Jana]

Dieta me pak kalori vonon menopauzën

Një dietë shumë e fortë mund të çoje në zgjatjen e periudhës së fertilitetit.
Ky është përfundimi i nxjerre nga një hulumtim i realizuar te krimbat e tipit C. Elegans, i kryer nga shkencëtarët e Qendrës për hulumtimin e kancerit “Fred Hutchinson”, në Seattle të SHBA-ve.
Shkencëtarët kanë vërtetuar se menopauza vinte më shpejt te krimbat të cilët ngrijnë jetën e tyre riprodhuese. Por kur ata fillonin të konsumonin ushqimin bazuar në një dietë strikte me shumë pak kalori, fertiliteti rifillonte, dhe kështu jeta riprodhuese zgjatej për një periudhë më të madhe se normalja, njësoj sikur menopauza të shtyhej për më vonë te femrat.

Ky studim, i publikuar në revistën “Science”, tregon një efekt tjetër të dietës hipokalorike, duke qenë se tashmë dihet që ajo zgjat jetën.

[Jana]

Alkooli motivues për aktivitetin fizik?


Hulumtuesit nga University of Miami kanë analizuar studimet të cilat thonë se personat të cilët konsumojnë alkool, janë më të prirë për stërvitje trupore në krahasim me personat të cilët aspak nuk konsumojnë pije alkoolike.
American Journal of Health Promotion ka publikuar edhe se konsumimi i rritur i alkoolit ka qenë në mënyrë proporcionale i lidhur edhe me rritjen e ushtrimeve trupore, por aktiviteti i shtuar trupor nuk mund t’i eliminojë të gjitha pasojat e konsumimit të tepruar të alkoolit.

Në hulumtim janë marrë parasysh të dhëna të mbledhura nga 230 mijë persona. Në mesatare, lidhja në mes të konsumimit të alkoolit dhe stërvitjeve më të shumta trupore ka qenë më e shprehur te femrat.

Stërvitjet intensive kanë qenë mesatarisht 10% më të shpeshta te konsumuesit e alkoolit.

[Jana]

Thekra të ngop më shumë ..


Ushqimi i cili siguron substanca të bollshme ushqyese nga thekra, rrit ndjenjën e të ngopurit dhe ul sasinë e ushqimit të konsumuar gjatë ditës.
Megjithëse ende nuk është e qartë se si ndodh kjo, studimet e fundit qartas kanë zbuluar se lëndët ushqyese përbërëse të thekrës, shkaktojnë një ngopje shumë më të madhe se drithërat tjera, për shembull gruri.

Edhe pse janë të nevojshme edhe studime shtesë, ky zbulim do të mund të jetë një armë shumë e mirë në luftën kundër trashësisë, thonë studiuesit.

[Jana]

Të moshuarit vuajnë nga mungesa e vitaminës B12

Në mesin e 827 pacientëve mbi moshën 60-vjeçare në Shangai, shkencëtarët kinez kanë zbuluar se madje 19.7 % e tyre vuajnë nga mungesa e vitaminës B12.
Po ashtu është treguar se femrat janë më shpesh të prekura nga mungesa e kësaj vitamine se meshkujt.

Mungesa e vitaminës B12 lidhet më së shumti me sëmundjet gastrointestinale, diabetin, presionin e rritur të gjakut, sëmundjet e zemrës dhe një varg çrregullimesh tjera. Për më tepër, në shumicën e personave me mungesë të vitaminës B12, janë vërejtur edhe çrregullime neurologjike.

Autorët e studimit kanë arritur në përfundim se vitamina B12 është një rast më i shpeshtë në mesin e popullatës së moshuar.

[Jana]

Pasojat e ushqimit të pasur me yndyra

Hulumtimet e reja në minj kanë treguar se ushqimet e pasura me yndyra dukshëm ulin qëndrueshmërinë dhe aftësitë mentale edhe atë pas vetëm 9 ditësh ushqimi.
Shkencëtarët mendojnë se prania e sasive të larta të yndyrave në ushqim ndikon negativisht në efektivitetin e muskulit të zemrës dhe kështu ta ulë qëndrueshmërinë e organizmit.

Ushqimi yndyror do të thotë kur yndyrat përbëjnë rreth 55% të energjisë së përgjithshme ditore dhe, edhe pse kjo është vështirë për t’u arritur, nuk është e pazakonshme, veçanërisht në vendet e perëndimit, që yndyrat të sigurojnë madje edhe më shumë energji.

Ky studim është i realizuar në kafshë, por rezultatet paraprake në njerëz po ashtu japin rezultate të ngjashme.

[Jana]

Ndikimi i ushtrimeve në shëndet varet nga gjinia

Të dhënat e grumbulluara nga 15.000 pjesëmarrës në një studim, tregojnë se gjinia ka rëndësi të madhe në efektin e ushtrimeve trupore, njoftojnë shkencëtarët amerikanë.
“Journal of Lipid Research” shkruan se ushtrimet javore prej 30 minutash me intensitet mesatar, ndikojnë në rritjen e nivelit të ‘kolesterolit të mirë’ (HDL), dhe njëkohësisht vjen deri te zvogëlimi i pranisë së triglicerideve në gjak- te të dyja gjinitë.

Por studimi, i realizuar nga shkencëtarët pranë Universitetit të North Carolinas, ka treguar se kjo sasi dhe ky intensitet ushtrimesh, kishte ndikuar në uljen e nivelit të ‘kolesterolit të keq’ (LDL-kolesterolit, përgjegjës për formimin e shtresave të rrezikshme në enët e gjakut) vetëm te femrat.

Ekspertët pohojnë se kjo ndodh për arsye të dallimeve hormonale ndërmjet gjinive.

[Jana]

Kozmetika me afat të skaduar rrezikon shëndetin

A e dini se kozmetika zbukuruese mund të jetë e rrezikshme? Nëse i ka skaduar afati i përdorimit, mund ta rrezikojë seriozisht shëndetin tuaj.
Në bazë të hulumtimeve të reja është vlerësuar se vetëm ¼ e femrave i kushtojnë kujdes afatit të skadimit të preparateve për makijazh, derisa femrat tjera i përdorin ato edhe pas skadimit të afatit, madje shpesh nuk u pengon edhe kur preparatet fillojnë të kenë aromë të pakëndshme ose ndryshojnë ngjyrën.

Autorët e kësaj analize thonë se është shumë me rëndësi të dihet se produktet e makijazhit me afat të skaduar rrezikojnë shëndetin. Ata ahojnë se “ngjashëm sikurse ushqimi, produktet kozmetike mund të jenë shumë të rrezikshme për përdorim pas skadimit të afatit”.

Sipas tyre, shumica e femrave e blejnë një produkt kozmetik dhe harrojnë kur e kanë blerë, ndërkohë që asnjëherë nuk e shikojnë afatin e skadimit, ndërsa disa prej këtyre produkteve pas përdorimit e bëjnë organizmin të jetë i ekspozuar ndaj baktereve të dëmshme për shëndetin e njeriut.

[Jana]

Pagjumësia dhe shtypja e lartë e gjakut


Njerëzit të cilët vuajnë nga pagjumësia mund të kenë probleme me zemër, tregon një studimi i ri.
Në studimin e realizuar në Universitetin e Montrealit në Kanada, është krahasuar shtypja e gjakut te personat të cilët kanë probleme me pagjumësi dhe tek ata të cilët flenë normalisht.

Rezultatet kanë treguar se personat që vuajnë nga pagjumësia kanë dukshëm shtypje më të lartë të gjakut.

Autorët e studimit të botuar në revistën “Sleep” thonë se gjatë gjumit zemra zakonisht pushon dhe vjen deri te ulja e shtypjes së gjakut, ndërsa në rast të pagjumësisë rritet shtypja e gjakut, kështu që në afat më të gjatë kohor shtohet edhe rreziku për sëmundjet tjera të sistemit kardiovaskular.