Lajme Aktuale.... - Page 90

Neferta · 09-06-11, 07:56

Qeverisë i avullohen edhe 100 milionë euro donacione të KE

Përveç humbjes së 156 milionë eurove, Qeveria e Kosovës ka humbur edhe mundësinë për ti përfituar edhe 100 milionë euro të tjera nga Komisioni Evropian.
Shefi i Operacioneve në këtë institucion, Kjartan Bjornson ka thënë se nga 50 milionë eurot e parashikuara për Buxhetin e Kosovës, 20 milionë nuk kanë qenë në gjendje të shfrytëzohen.
"Ne së shpejti shpresojmë të nisim bisedat për mbështetjen mikrofinanciare me vlerë prej 100 milionë euro, por për shkak të vonesave dhe vështirësive në hartimin e buxhetit dhe problemet me FMN-në, ne ende nuk mund të nisim bisedat për të siguruar këtë mbështetje. Kjo nuk do të thotë se paratë janë humbur, por me siguri që paratë do të vonohen, megjithatë është vështirë të parashikojmë se kur këto mjete do të jenë në dispozicion", ka thënë Bjornson.

Neferta · 09-06-11, 08:04

Kryedoganieri nen llupet e madhe

Prishtinë, 8 qershor – Pas ngritjes së aktakuzës kundër drejtuesit të PTK-së, Shyqëri Haxha, duket se edhe një drejtues tjetër i një institucioni kosovar, drejtori i Doganave të Kosovës do të përballet me drejtësinë. Drejtori i doganierëve, Naim Huruglica së shpejti do të përballet me drejtësinë pasi Misioni i Bashkimit Evropian për Sundimin e Ligjit (EULEX) pritet që këto ditë të publikojë ngritjen e aktakuzës kundër tij, shkruan KosovaOnline, duke theksuar se burime të saj brenda EULEX-it bëjnë të ditur se tashmë është përgatitur aktakuza nën dyshimet për krim të organizuar dhe shpërdorim të detyrës zyrtare.

Ndryshe, hetimet për korrupsion ndaj drejtuesve të doganave EULEX-i i ka nisur kohë më parë. Me 17 dhjetor 2010 policia e EULEX-it, në kuadër të këtyre hetimeve, ka bastisur zyrën e drejtorit Huruglica dhe të shefit të zyrës së këtij institucioni, Lulëzim Rafuna.

Mësohet se zyrtarët në fjalë dyshohen të jenë përfshirë në kontrabandimin e një sasie të madhe të duhanit, e cila është futur në vend duke iu shmangur akcizës gjatë vitit 2008.

Neferta · 09-06-11, 08:22

Paralajmrohet një grevë edhe me mija ish ushtarë të UÇK-së
Një numër i madh i grevistëve të Këshillit për Mbrojtjen e të Drejtave të Luftëtarëve të UÇK-së edhe në ditën e pesëmbëdhjetë po vazhdojnë grevën përpara objektit të Qeverisë së Kosovës, gjersa gjendja e tyre shëndetësore është përkeqësuar për shkak të temperaturave të larta. Por temperaturat nuk po i pengojnë që të rritet numri i grevistëve, nga një shator që ishte në fillim, tani para Qeverisë janë shtatë shator me grevistë.

09-06-11, 13:23

http://www.botasot.info/def.php?gjuh...ry=0&id=122623

**Zero Cool** · 09-06-11, 19:16

KE: Shqipëria nuk plotëson asnjë kriter

Ndërkohë që procesi zgjedhor në Shqipëri ende nuk ka përfunduar, Komisioni Europian hedh dritë mbi vlerësimin që do të përmbajë raporti i radhës i progresit për Shqipërinë, i cili publikohet më 12 tetor.
Përvec lëvdatave për mosabuzimin me regjimin e lirë të vizave, Komisioni, i cili nuk ka marrë ende planin e korrigjuar të aksionit për zbatimin e 12 kritereve kyce nga Shqipëria, vlerëson se nuk është përmbushur “as një i vetëm” prej tyre.

Raporti, i cili pritet të jetë një ndër më të rreptët në historikun e marrëdhënieve BE-Shqipëri, do t'i kushtojë një hapësirë mjaft të vecantë edhe procesit zgjedhor, e sidomos paqartësisë ligjore të vendimit të KQZ-së për numërimin e votave të hedhura në kutitë e gabuara.

“Ka një shqetësim të qartë për mënyrën sesi vendimi është marrë në këtë moment të fazës së pas-numërimit. Por është gjithashtu e rëndësishme që tani procesi i ankesave të bëhet në qetësi, në respekt të rregullave institucionale dhe mendoj se cështja e saktësisë ligjore për këtë hap të ndërmarrë nevojitet qartazi që të zgjidhet, në mënyrë transparente, të ndershme dhe ligjore, duke respektuar rendin ligjor shqiptar. Pra, unë do të thoja jo vetëm fjalët e legjislacionit në letër, por edhe frymën e legjislacionit shqiptar”, ka deklaruar Marta Garcia Fidalgo, shefe e Njësisë për Shqipërinë në Drejtorinë e Zgjerimit të KE.

Përballë një prezantimi rozë nga qeveria shqiptare, Komisioni Europian rreshtoi vlerësime në të 12 kushtet që duhen përmbushur nga Shqipëria, duke vlerësuar mënjanë procesin zgjedhor, të cilin e ndau në disa faza.

“Mendoj se situata, ashtu sic qëndron sot, është më pak e ndritur se c'ishte dy vite më parë. Prioriteti i parë kyc, ne nuk konsiderojmë këtë parlament se funksionon sic duhet.

Prioriteti i dytë lidhet me miratimin e legjislacionit që kërkon shumicë të cilësuar. Njësoj mbi emërimin e Avokatit të Popullit dhe anëtarëve të Gjykatës së Lartë e asaj Kushtetuese, që kërkojnë shumicën parlamentare.

Prioriteti numër 4 i Opinionit lidhet me rëndësinë për të modifikuar kuadrin ligjor në përputhje me rekomandimet e OSBE-ODIHR. Realiteti faktik është përsëri se këto modifikime nuk u bënë.

Duke shkuar në prioritetin e 5-të kyc, atë për garantimin e zgjedhjeve në përputhje me standartet europiane e ato ndërkombëtare, më lejoni të kthehem në fund për këtë ndërhyrje mbi sjelljen dhe organizimin e zgjedhjeve.

Prioriteti numër 6, rekrutimi në shërbimin civil vijon të bëhet me procedura jotransparente.

Prioriteti kyc numër 7, korrupsioni në gjyqësor, mbetet shqetësim. Vijmë tek prioriteti numër 8, që lidhet me korrupsionin. Hetimet për rastet e korrupsionit nuk po bëjnë progres sic pritej.

Kjo bën që në përgjithësi rastet e dënimit për korrupsion të mbetet i ulët dhe korrupsioni mbetet shqetësim në Shqipëri.

Prioriteti kyc numër 9. Mendoj se lufta kundër trafikut të drogës dhe trafikut të qënieve njerëzore mbeten fusha shqetësuese.

Për prioritetin kyc numër 10, mbi të drejtat e pronës. Përsëri realizojmë se ka një progres të vogel në këtë fushë. Por puna dhe kjo është punë shumë e rëndësishme për qytetarët e thjeshtë dhe investimet, mbetet për t'u bërë.

Prioriteti i 11-të, ne shënojmë incidentin që ndodhi me romët në shkurt. Prioriteti i fundit kyc, ai numër 12. Mendoj se nuk ka progres gjithashtu për trajtimin e të burgosurve me probleme mendore.

Ne shënojmë se ka patur disa shqetësime për ushtrim të tepruar dhune gjatë arrestimit dhe ndalimit të bërë nga policia pas ngjarjes së 21 janarit.

Më lejoni të kthehem shkurt tek zgjedhjet. Mund të diferencojmë faza të ndryshme. Mendoj se periudha parazgjedhore kishte polarizim të lartë, kishte mosbesim të qartë mes partive politike, sjellje konfrontuese, por mendoj se është e drejtë që të njohim se pati zgjedhje konkurruese dhe transparente. Problemet nisën pas procesit të numërimit, kur ata nisën me tabulatet dhe përballjen me ankesat.

Të gjitha këto nivele do të qartësohen kur ne të vijmë me raportin e progresit në tetor. Mendoj se shqetësimi për votat e hedhura në kutitë e gabuara do të jetë kyc në fund”, ka nënvizuar Fidalog.

Pjesa e dytë e këtij takimi përgatitor të delegacionit për Europen Juglindore të Parlamentit Europian u zhvillua me dyer të mbyllura. Europarlamentarët do të takohen me kolegët e tyre shqiptarë më 14 dhe 15 qershor në Bruksel.

Tashmë e njohin njëri-tjetrin gjithmonë e më mirë, pas dy takimeve të mëparshme, të cilat dështuan në prodhimin e një deklarate të përbashkët përfundimtare.

**Zero Cool** · 11-06-11, 08:02

Ambiciet e Çekut, acarim me NATO-në

Ambiciet “astronomike” të ish-kryeministrit Agim Çeku, mund t’i kushtojnë shumë Kosovës. E, më së shumti ushtrisë së ardhshme të Kosovës – Forcës së Sigurisë së Kosovës (FSK), sepse “komandanti” i saj. ministri Çeku, ka ndërmarrë një iniciativë shumë të “çuditshme”.
Ai, së bashku me kolegun e tij, Bajram Rexhepi, kanë hartuar një memorandum mirëkuptimi, përmes të cilit synojnë që ta “policojnë ”, FSK-në, shkruan Zëri.

Sipas gazetës duke u thirr në burime ndërkombëtare implementimi eventual i kësaj marrëveshje, ka vënë në dilemë edhe të ardhmen demokratike e evropiane të Kosovës.

Implementimi eventual i këtij memorandumi, i cili do ta obligonte FSK-në që të ndihmojë Ministrinë e Punëve të Brendshme (MPB) në “aktivitetet për realizimin e misionit të saj”, ka vënë në dilemë edhe të ardhmen demokratike dhe evropiane të Kosovës.

Sipas burimeve ndërkombëtarë të Zërit janë identifikuar qartë edhe motivet e ministri Çeku për të ndërmarrë një hap të tillë.

“Me këtë veprim ministri Çeku ka pretenduar qe te fitojë poena politikë dhe ta përforcojë pozicionin, në synimin për të ardhur në krye të shtetit”, ka thënë një burim për gazetën.

Për më keq, sipas këtij burimi, kjo marrëveshje është kontrabanduar.

“Marrëveshja është bërë në mënyrë të fshehtë. Për të nuk janë njoftuar as NATO, e as shtetet mike që kanë kontribuar aq shumë në ngritjen operacionale të FSK-së ,e as Kuvendi i Kosovës”, ka thënë ky burim ndërkombëtar. /Telegrafi/

**Zero Cool** · 11-06-11, 08:43

Stefanovici bëhet pishman për pasaportat e Kosovës

Vetëm disa orë pas një deklarate dhënë për Radio Dukagjinin, ku është cituar të ketë thënë se së shpejti Serbia do të lejojë qytetarët e Kosovës që të udhëtojnë lirshëm në Serbi me pasaporta kosovare, shefi i delegacionit serb në dialogun me Kosovën, Borislav Stefanovic, të premten mbrëma demantoi këtë.
Në një deklaratë të re dhënë gazetës Blic, Stefanovic ka thënë se “nuk ka deklaruar që qytetarët e Kosovës munden të kalojnë në Serbi me pasaporta kosovare”.

Pos këtij mohimi, Blic nuk sjellë asnjë prononcim tjetër të Stefanovicit lidhur me këtë demant, raportoi Koha.

Ndryshe, gjatë të së premtes, ai deklaroi se qytetarët e Kosovës do të mund të udhëtojnë në Serbi me pasaporta kosovare.

Në një intervistë dhënë Radio Dukagjinit, Stefanovic ka thënë se në marrëveshjet e ardhshme do të ketë “shumë gjëra të dobishme” për të dy palët, duke mos prejudikuar me këtë rast statusin e Kosovës.

“Mund të them se ka shumë gjëra të mira nga të cilat do të kenë dobi të gjithë që jetojnë në Kosovë dhe përfundimisht njerëzit do të mund të udhëtojnë lirisht dhe të shfrytëzojnë të drejtat dhe dokumentet e tyre, pa prejudikim të statusit të Kosovës. Besoj se kjo do të ndikojë në marrëdhëniet tona për të ndërtuar besim dhe fleksibilitet më të madh, pasi që, siç e dini, jemi përballuar me shumë vështirësi”, ka thënë Stefanovic. /Telegrafi/

Fshatari · 11-06-11, 08:43

Citim:

Postimi origjinal është bërë nga Zero Cool

Ambiciet e Çekut, acarim me NATO-në

Ambiciet “astronomike” të ish-kryeministrit Agim Çeku, mund t’i kushtojnë shumë Kosovës. E, më së shumti ushtrisë së ardhshme të Kosovës – Forcës së Sigurisë së Kosovës (FSK), sepse “komandanti” i saj. ministri Çeku, ka ndërmarrë një iniciativë shumë të “çuditshme”.
Ai, së bashku me kolegun e tij, Bajram Rexhepi, kanë hartuar një memorandum mirëkuptimi, përmes të cilit synojnë që ta “policojnë ”, FSK-në, shkruan Zëri.

Sipas gazetës duke u thirr në burime ndërkombëtare implementimi eventual i kësaj marrëveshje, ka vënë në dilemë edhe të ardhmen demokratike e evropiane të Kosovës.

Implementimi eventual i këtij memorandumi, i cili do ta obligonte FSK-në që të ndihmojë Ministrinë e Punëve të Brendshme (MPB) në “aktivitetet për realizimin e misionit të saj”, ka vënë në dilemë edhe të ardhmen demokratike dhe evropiane të Kosovës.

Sipas burimeve ndërkombëtarë të Zërit janë identifikuar qartë edhe motivet e ministri Çeku për të ndërmarrë një hap të tillë.

“Me këtë veprim ministri Çeku ka pretenduar qe te fitojë poena politikë dhe ta përforcojë pozicionin, në synimin për të ardhur në krye të shtetit”, ka thënë një burim për gazetën.

Për më keq, sipas këtij burimi, kjo marrëveshje është kontrabanduar.

“Marrëveshja është bërë në mënyrë të fshehtë. Për të nuk janë njoftuar as NATO, e as shtetet mike që kanë kontribuar aq shumë në ngritjen operacionale të FSK-së ,e as Kuvendi i Kosovës”, ka thënë ky burim ndërkombëtar. /Telegrafi/

- Evropa "demokratike" ka perseritur ne vazhdimesi se "TMK-ja" do te shnderrohej ne Ushtri të shtetit kosovar. Kjo nuk ndodhi.
- serbia dhe evropa "demokratike" i larguan qellimisht shqiptaret (Shqiperi e Kosove) nga e "ardhmja demokratike" evropiane.

Sipas kritereve te evropes, çdo iniciativë e Qeverisë se shtetit kosovar eshte e "kontrabanduar"(s'di çka ka dasht me thane ky jarani i telegrafit ne kete stilin e vete telegrafik!).

PS : një këshillë miqësore për çdo shqiptar kudo që ndodhet:
-tregohu i vëmendshëm; për çdo nismë, qoftë ajo edhe për nevoja elementare biologjike, psh. me shkue n'qenef me psh..., telefonoj eulexit ose ashtonit, ose dergoja nje telegram t'shkurt e tregoje se çfare gjesti ke ndermend me ba; perndryshe, akuzohesh per "kontrabande", trafikim me "urine", me "mu.." , me organe njerzore (edhe ai seni per shurr... eshte organ)...!
Nisma e ministrit Çeku jo vetem qe duhet inkurajuar por duhet te mbeshtet me force, perkushtim e vendosmeri : kjo i siguron shtetit kosovar dhe atij shqiptar ardhmeri te sigurte demokratike.

**Zero Cool** · 11-06-11, 16:21

Rusia bllokon me veto vendimin e KB për Sirinë

Rusia, fuqi me të drejtë vote në Këshillin e Sigurimit refuzon të aprovojë rezolutën që po diskutohet aktualisht kundër udhëheqjes në Siri.
Kjo mund ta ashpërsojë edhe më shumë gjendjen, tha Ministria e Jashtme në Moskë.

Komuniteti ndërkombëtar duhet t’i japë kohë kryetarit të shtetit Bashar al-Assad që të realizojë reformat e premtuara.

Teksti i rezolutës, i sjellë në KB nga Gjermania, Britania e Madhe, Franca dhe Portugalia kërkon t`i jepet menjëherë fund dhunës kundër opozitës siriane si dhe ndalimin e pushtimit të qyteteve nga ushtria.

Përveç kësaj kërkohen reforma politike si dhe embargo armësh. Ndërkohë Turqia është duke u përgatitur për 1 milionë refugjatë nga vendi fqinjë, bënë të ditur mediat e atjeshme. Rreth 1800 vetë ia kanë dalë deri tani të shpëtojnë duke kaluar kufirin. /Dw/Telegrafi/

Komenti im: Edhe një hërë vërtetohet vëllazëria slavo-harape.

**Zero Cool** · 12-06-11, 11:21

Kosova multietnike, përrallë që duhet harruar

Zëvendëskryeministri serb dhe ministri i Punëve të Brendshme, Ivica Dacic, ka thënë se “përrallën për një Kosovë multietnike duhet ta harrojmë”, ngase, sipas tij, “ajo është pjesë e projektit të krijimit të Shqipërisë së Madhe”.
Në një intervistë për javoren Press të Beogradit, Dacic ka folur për disa nga propozimet dhe tezat që ai i paraqiti kohët e fundit mbi Kosovën, që është e pavarur, dhe se ajo duhet ndarë, e “të jetë e kufizuar me Shqipërinë”.

“Në Kosovë nuk vendosin as serbët e as shqiptarët, por fuqitë e mëdha”, ka thënë Dacic.

Sipas tij, ndoshta jo menjëherë, mirëpo Kosova nuk është as Monako e as San Marino, një shtet i vogël e parajsë turistike, që do të mund të mbijetonte e vetme.

“Për këtë arsye duhet biseduar me Shqipërinë. Në këtë formë ne i ikim procesit të njohjes së Kosovës”, ka thënë Dacic, i cili është kryetar i SPS-së, partisë së ish-diktatorit serb, Slobodan Milosevic. /Telegrafi/

**Zero Cool** · 14-06-11, 13:13

Der Spiegel: Përpjekje për puç në Prishtinë

Tri vjet pas shpalljes së pavarësisë veteranët e ish-Ushtrisë Çlirimtare të Kosovës (UÇK) e mbajnë fuqishëm pushtetin në shtetin më të ri të Evropës. Kjo trupë dikur kishte luftuar kundër serbëve, shkruan revista gjermane Der Spiegel.
Nëse puna shkon sipas ministrit të brendshëm Bajram Rexhepi, i cili edhe vetë ka qenë njëri nga eksponentët e UÇK-së, organizata pasardhëse–Forca e Sigurisë e Kosovës me 2500 pjesëtarë, do duhej të merrte së shpejti madje edhe funksione policore, transmeton Koha Ditore.

“Ky do të ishte qartë një puç”, thotë një përfaqësues i lartë i trupave paqeruajtëse të KFOR-it. Në fakt trupat e sigurisë do duhej të vepronin si një lloj organizate për ndihmë teknike.

Megjithatë, trupat e FSK-së mund të bartin armë të lehta dhe me qejf sillen si “armatë” e Kosovës. Së fundi në shtypin kosovar u përvijua një memorandum, të cilin e kishin nënshkruar Rexhepi dhe ministri përkatës Agim Çeku. Në nenin 3 thuhet se Forcat e Sigurisë së Kosovës në të ardhmen mund të ndërhyjnë në rast trazirash dhe madje të kontrollojnë persona.

Nëse miratohen këto rregulla, atëherë elita e vjetër e UÇK-së do të krijonte një instrument plotësues të pushtetit. Parlamenti në Prishtinë i ka ftuar të dy ministrat– dhe ata u ngutën të minimizojnë planet e tyre. Bashkësia ndërkombëtare është gjithsesi e zemëruar.

Tek para disa ditësh Fondi Monetar Ndërkombëtar ngriu një pagesë prej 87 milionë eurosh, sepse kryeministri dhe komandanti i dikurshëm i UÇK-së, Hashim Thaçi, nuk po u përmbahet kushteve të kursimit. Edhe më tutje janë aktuale akuzat se ai në vitet 90 ka qenë i përfshirë në tregtinë me organe të armiqve të vrarë. Po ashtu bisedime mbi statusin e Kosovës veriore të banuar kryesisht me serbë po zhvillohen ngadalë, mes tjerash për shkak se udhëheqja në Prishtinë refuzon të bëjë kompromise.

**Zero Cool** · 15-06-11, 11:58

Bastiset Ministria për Komunitete dhe Kthim

Një ekip i përbashkët i Policisë së Kosovës dhe i Policisë Ekzekutive të EULEX-it kanë kryer bastisje në Ministrinë për Komunitete dhe Kthim (MKK), në një kompani të quajtur “Fimex” në Prishtinë dhe në dy adresa private.
Sipas një komunikate të EULEX-it, bastisjet u kryen në kontekst të një hetimi për korrupsion lidhur me disa tenderë ndërmjet vitit 2007 dhe 2009. Gjatë bastisjes janë konfiskuar materiale.

Akuzat në këtë rast kanë të bëjnë me keqpërdorim të pozitës-përvetësim, marrje dhe dhënie të mitës.

Bastisjet u autorizuan nga një gjykatës i EULEX-it i procedurës paraprake i Gjykatës së Qarkut të Prishtinës.

Një prokuror special i EULEX-it ishte i pranishëm në vendngjarje në MKK në mënyrë që ta mbikëqyrë rastin, të sigurojë mbledhje efektive të materialit dëshmues dhe të ofrojë sqarim të plotë dhe të duhur për personat e pranishëm në vendngjarje.

Hetimi i përbashkët i Policisë së Kosovës dhe EULEX është nën mbikëqyrjen e një prokurori të EULEX-it të Prokurorisë Speciale (PSRK).

**Zero Cool** · 15-06-11, 12:06

Dëshmitari “X” kishte menduar ta vriste Limajn

Dëshmitari “X” pretendon se kishte planifikuar ta vriste Fatmir Limajn. Arsyeja pse dëshironte ta bënte këtë sipas këtij dëshmitari ishin kërcënimet që po merrte nga Limaj dhe grupi i tij.
Në pjesën e dytë të dëshmisë që i ka dhënë prokurorit Maorizio Salustro, dëshmitari bashkëpunues i koduar me shkronjën “X”, shkruan Koha Ditore ka folur për raportet e tij me Limajn, takimet më të, planet për ta fajësuar Isak Musliun, veprimtarinë në Shërbimin Informativ të Kosovës etj.

“Pas aksidentit me veturë, që më ka ndodhur në Carralevë, isha aq i inatosur, sa për një kohë të caktuar madje kam menduar ta vras Fatmir Limajn. Tërë kohën kam qenë nën kërcënime nga grupi i Fatmirit. Ai ma ka bërë jetën mizerie”, ka thënë dëshmitari, sipas dosjes së EULEX-it, një kopje të së cilës gazeta e posedon, për të shtuar se në një moment kishte vendosur që të shkonte në KFOR, ta dorëzonte armën dhe ta denonconte ish-ministrin Limaj.

Dëshmitari ka thënë se pas përfundimit të luftës në vitin 2001 kishte marrë një urdhër nga Fatmir Limaj që të shkonte dhe t’i largonte trupat e varrosur në Kleçkë. Pasi kishte shkuar në shtëpinë e Skënder Shalës në Kleçkë, sipas urdhrit të Limajt për ta “pastruar zonën”, “X”-i kishte shkuar në këmbë deri te vendet ku ndodheshin trupat e varrosur së bashku me Sabit Shalën dhe Naser Shalën.

Mirëpo aty nuk kishin ndërmarrë asnjë veprim pasi që, sipas dëshmitarit, Sabit Shala dhe Naser Shala kishin “thënë të mos prekim asgjë”.

“Më vonë ne e takuam Fatmir Limajn në shtëpinë e Skënder Shalës në Kleçkë. Fatmiri më pyeti pse nuk e kisha bërë atë punë. Unë i thashë: pyeti nipat e tu. Ata qeshën dhe thanë e bëjmë dajë, e bëjmë. Kurrë nuk e kam kuptuar pse ata hezituan ta kryenin punën, mendoj se e kishin nga përtesa”, ka thënë dëshmitari.

Ai ka thënë se me Fatmir Limajn ka pasur marrëdhënie të mira që nga viti 1998, kur e kishte njohur, me gjithë lëkundjet që kishin pësuar këto marrëdhënie. Mirëpo sipas dëshmitarit pas përfundimit të luftës, Fatmir Limaj kishte dërguar Naser Krasniqin që t’i rrinte pranë.

“Unë e ndieja se ai kishte dërguar Naserin që të më përcillte se çfarë bëja. E di se Naseri operonte nën ombrellën e SHIK-ut. E di këtë sepse unë vetë kam punuar për SHIK-un për tre muaj pas luftës. Mbase kam qëndruar edhe më gjatë, por më kujtohet se i kam marrë tri rroga. Rroga ime ishte 500 marka gjermane në muaj me para në dorë”, ka thënë dëshmitari.

Pas Nazim Bllacës, dëshmitari “X” është njeriu i dytë që tregon se ka punuar për Shërbimin Informativ të Kosovës, duke marrë përsipër edhe vepra penale të kryera në llogari të këtij shërbimi.

**Zero Cool** · 15-06-11, 12:09

Pacolli e kërkon Hysenin si “përforcim”

Zëvendëskryeministri i Kosovës, Behgjet Pacolli, i ka bërë thirrje publike të martën ish-ministrit të Jashtëm, Skender Hyseni, që të përfshihet në procesin e lobimit për shtimin e njohjeve dhe në këtë formë t’i tregojë aftësitë e tij në fushën e politikës së jashtme.
Pacolli ka thënë se diplomati i dikurshëm i Kosovës, Hyseni, ka përvoja të mira në fushën e politikës së jashtme, prandaj kontributi i tij do të ishte i mirëseardhur në diplomaci.

Deklarata e Pacollit pason një intervistë të ish-ministrit Hyseni dhënë për “Zëri”, i cili ka kritikuar drejtuesit e Qeverisë së Kosovës për strategji të gabuar të lobimit. Ky gabim, sipas Hysenit, ka bërë që njohjet për Kosovën ta “harrojnë” rrugën. Ish-shefi i diplomacisë Hyseni ka kundërshtuar idenë që të lobohet në Afrikë e në Azi, duke preferuar që lobimi të përqendrohet kryesisht në qendra të mëdha si: Uashington, Londër, Paris, Berlin, Romë.

Pacolli ndërkaq është treguar i matur në raport me Hysenin. “Unë e respektoj mendimin e zotit Hyseni dhe e ftoj atë që në vend se të japë komente, të veprojë. Nëse ai mendon se Washingtoni apo Londra janë vendet ku duhet të lobohet, atëherë të shkojë dhe të lobojë. Unë e mbështes dhe asnjëherë nuk do ta refuzoj”, ka thënë Pacolli.

Ish-presidenti, që aktualisht mban pozitën e zëvendëskryeministrit të parë në Qeverinë e Kosovës, thotë se vendi ka nevojë për Hysenin, ndërsa nuk pajtohet që lobimi duhet të bëhet vetëm në qendra të mëdha të botës. Sipas tij, njohjet ‘vilen’ pikërisht nga zonat periferike të botës.

I kontaktuar nga gazeta, ish-ministri Hyseni nuk ka dashur ta komentojë ftesën e Pacollit.

Derisa qeveria dhe opozita kanë qasje të ndryshme rreth lobimit, për pjesëtarët e shoqërisë civile ky veprim është interes i përgjithshëm kombëtar dhe në të cilin duhet të përqendrohet një pjesë e madhe e energjisë së institucioneve të Kosovës.

**Zero Cool** · 15-06-11, 14:35

Leka i II vizitoi Strugën – Stabiliteti në Ballkan interes madhor

Princi i Shqipërisë, Leka Zogu i II, qëndroi për një vizitë private dy ditëshe në Strugë. Me këtë rast,ai zhvilloi takime edhe me autoritetet e komunës së Strugës, kryesuar nga kryetari Ramiz Merko. Gjatë takimit dhe bisedës që zhvilluan në ambientet e hotelit “Drim”, kryetari i komunës, Ramiz Merko e njoftoi Princin Leka Zogu i II, për të gjitha zhvillimet në Strugë.

Në bisedën e ngrohtë, Princi Leka i II, është shprehur mes tjerash se stabiliteti në rajon është imperativ dhe domosdoshmëri, për paqe dhe qetësi. Dihet mirëfilli se Leka Zogu i II është njohës i mirë i politikës ndërkombëtare, aq me tepër zhvillimeve aktuale në rajon dhe më gjerë, por megjithatë, është përmbajtur nga deklarimet për media. Përkundër qëndrimit për të mos u prononcuar me ndonjë deklaratë për media, ai megjithatë ka theksuar se pa stabilitet, nuk mund të ketë as zhvillim të mirëfilltë ekonomik, e as prosperitet në rajon” është shprehur Princi i Shqipërisë, Leka Zogu i II. Nga biseda e zhvilluar me Princin Leka Zogu i II, kreu i Strugës Merko tha se Struga ishte e nderuar që ishte nikoqire e Princit Leka Zogu i II, me çka është informuar hollësisht për jetën dhe funksionimin e komunës së Strugës. “Ishte kjo vizitë pothuaj private, ndërsa së shpejti presim që të na vizitojë edhe zyrtarisht”, tha Merko.
Po ashtu gjatë ditës së diel, Princi leka Zogu i II, vizitoi edhe Universitetin “Euro College”, ku u njoftua me stafin drejtues, kuadrin universitar, kushtet e punës dhe të akomodimit, strukturën etj.
“Ju përgëzoj për punën dhe angazhimet në hapjen e këtij Universiteti. Oborri Mbretëror, do të japë mbështetjen në drejtim të zhvillimit, përforcimit dhe të bashkëpunimit edhe me Universitetet me të cilat bashkëpunon Oborri Mbretëror, duke kërkuar mundësitë më efektive të bashkëpunimit. Në këtë kontekst, Oborri Mbretëror, është i gatshëm që të ndihmojë edhe materialisht, përmes bursave studentore dhe kredive që Oborri Mbretëror, ndan nga fondi për arsim të lartë”, tha leka Zogu i II gjatë qëndrimit në “Euro College”.
Princi i Shqipërisë, Leka Zogu i II, gjatë qëndrimit në Strugë, i shoqëruar nga kryetari i komunës së Strugës, Ramiz Merko me bashkëpunëtorët e tij, bëri një shëtitje rrugëve të qytetit, ku u prit me ngrohtësi të madhe nga të gjithë qytetarët shqiptar të Strugës.
Vlen të përmendet se kjo nuk është vizita e parë e Princit Leka Zogu i II që i bën Strugës. Lartëmadhëria e Tij, në Strugë ka qëndruar edhe para disa ditësh, duke u këthyer nga Kosova, por kjo vizitë ka mbetur pa shënuar nga “paparacët” kurreshtar.