Lajme Aktuale....

[Zero Cool]

Bruksel, takimi Shqipëri – BE



Situata e tensionuar politike ne Shqipëri, pas zgjedhjeve lokale te tete majit ka qene edhe ne këtë dite te dyte ne fokus te debatit ne takimin e trete nderparlamentar Bashkim Evropian-Shqipëri, te mbajtur ne Bruksel.
14 ligjvënësit shqiptare, kane debatuar serish për situatën paszgjedhore lidhur me ligjshmërinë ose jo te vendimit nga ana e Komisionit Qendror Zgjedhor per te numëror fletët e votimit te kontestuara te hedhura ne kutitë e gabuara. Ne fokus te debatit te nisur rreth orës 9:00 te mëngjesit ne Bruksel ka qene edhe situata aktuale ekonomike dhe liria mediatike. Te martën pasdite ligjvënësit shqiptare kane debatuar për me shume se katër ore ne një takim ku i pranishëm ka qene edhe Komisioneri per Zgjerim Stefan Fyle. Gjate fjalës se tij Fyle tha se ne një vlerësim te përgjithshëm procesi i votimit ka qene i qete, përveç situatës se krijuar për mbledhjen e rezultateve ne KQZ për bashkine me te madhe ne vend atë te Tiranes. Fyle tha se ekzistojnë interpretime te ndryshme ne lidhje me te ashtuquajturat vota te hedhura ne kutitë e gabuara duke cituar këtu raportin e OSBE-ODIHR ku thuhet se thuhet se kodi zgjedhor nuk përmend direkt vlefshmërinë e votave te gjetura ne kutitë e tjera çka e bën vendimmarrjen e KQZ-së te dyshimte.

[Zero Cool]

Zhduket dëshmitari “X”?


Bashkëshortja e dëshmitarit të koduar si “X” thotë se nuk di se ku ndodhet bashkëshorti i saj. Ajo thotë se më 19 mars është marrë nga EULEX-i dhe nuk e ka kthyer më në shtëpi.

Gjykata ndërkohë ua ka vazhduar paraburgimin, konkretisht arrestin shtëpiak të pandehurve në “rastin Lima”, shkruan Koha Ditore, transmeton Indeksonline.

Dëshmitë e dëshmitarit kjo gjykatë i konsideron të besueshme.

Nga ana tjetër, dy ish-pjesëtarë të UÇK-së, Ali Mejzinolli, ish-komandant i kompanisë IV të batalionit “Ymer Alishani” dhe Naser Shala, ish-drejtor për marrëdhënie publike dhe administrim civil kanë paralajmëruar padi kundër dëshmitarit “X” në një reagim publik.

Ata kanë thënë se dëshmitë e tij janë të pavërteta.

[Zero Cool]

Në zonat turistike në Shqipëri patrullon edhe Policia e Kosovës



Drejtori i Përgjithshëm i Policisë së Kosovës, Reshat Maliqi dhe drejtori i Përgjithshëm i Policisë së Shtetit të Shqipërisë kanë nënshkruar Marrëveshje bashkëpunimi mes dy policive, që ka të bëjë me organizimin e shërbimeve të përbashkëta të Policisë, në akset kryesore rrugore të Republikës së Shqipërisë gjatë sezonit veror.
Marrëveshja ka për qëllim vendosjen e bashkëpunimit konkret në fushën e parandalimit të kundërvajtjeve administrative për rritjen e efikasitetit të luftës ndaj humbjes së jetëve njerëzore në aksidentet rrugore dhe zbatimin me rigorozitet të legjislacionit rrugor, për krijimin e një ambienti më të sigurt për të gjithë qytetarët dhe përdoruesit e rrugës, që qarkullojnë në akset rrugore që lidhin dy vendet .

Zbatimi i Marrëveshjes pritet të realizohet menjëherë duke filluar nga data 20.06.2011.

[Zero Cool]

Policët kauboj



Një numër i madh i pjesëtarëve të Policisë së Kosovës sillen si kauboj, duke bartur revolen në brez edhe gjatë kohës kur janë jashtë detyrës zyrtare. Nuk është vetëm rruga ku ata bartin revolen, por edhe nëpër institucionet publike parashkollore, shëndetësore...
Ekspozimi i armës nga një polic, edhe kur nuk është në detyrë zyrtare, sikurse të ishte duke “xhiruar filma gangsterësh”, përbën shkelje ligjore dhe është e sanksionuar me ligj.

Pjesëtari i Policisë së Kosovës, N. N, i cili shërben pranë forcave të rendit për më shumë se një dekadë, tregon se armën e tij e bart në çdo kohë, edhe kur është jashtë detyrës zyrtare. Ai madje rrëfen se revolja e tij zyrtare i është bërë pjesë e pandashme e jetës, dhe e bart edhe derisa shkon t’i marrë fëmijët në çerdhe.

Sipas Kodit të Policisë, një pjesëtar i forcave të rendit edhe kur është jashtë detyrës zyrtare dhe me rroba civile ka të drejtë ta bartë armën zyrtare, por jo edhe të ekspozojë atë, pasi që prania e revoles krijon pasiguri tek masa ku ata mund të qëndrojnë. Ndërkaq, përdorimi i armës jashtë detyrës zyrtare mund të bëhet vetëm në rastet e vetëmbrojtjes apo kur cenohet siguria e ndonjë qytetari.

Edhe zëdhënësi i Policisë, Baki Kelani ka sqaruar se “një pjesëtar i policisë mund ta bartë armën edhe jashtë detyrës zyrtare, por gjithnjë duke e mbajtur atë nën këmishë apo xhaketë, në mënyrë që mos të shihet nga masa, në të kundërtën ekspozimi i armës është i ndaluar me ligj. Gjithashtu, një pjesëtar i policisë ka të drejtë ta përdorë armën në momentet kur rrezikohet jeta e tij, apo e dikujt tjetër” , ka thënë Kelani.

[Zero Cool]

Pasaportat biometrike kushtojnë mbi 14 milionë euro


Ministria e Punëve të Brendshme nënshkroi kontratën për prodhimin e pasaportave biometrike me kompaninë austriake, OESD. Pas nënshkrimit të kontratës, me vlerë 14.127.003.24 euro, brenda një muaji do të vendoset për dizajnin e pasaportave biometrike dhe masat e sigurisë, ndërsa pas katër muajve pritet të arrijë kontingjenti i parë me pasaporta biometrike.
Në njoftimin për media thuhet se nga të gjithë ofertuesit ekonomikë që kanë aplikuar për këtë tender, në pajtim me Ligjin e Prokurimit Publik dhe duke respektuar të gjitha procedurat tjera administrative, fitues është shpallur kompania OESD, që i ka plotësuar të gjitha kushtet dhe kriteret e përcaktuara në tender.

“Ministria e Punëve të Brendshme ka paraparë, që brenda 3 viteve të prodhohen më tepër se 1 milion e 300 mijë pasaporta biometrike, që do të jenë të mjaftueshme dhe të gjithë qytetarët e Republikës së Kosovës do të pajisen me pasaporta biometrike”, thuhet në njoftim.

[Llapjani_HH]

Kosova “heq dorë” nga Republika për qarkullimin me Serbinë

Lëvizja e lirë, çështja e tregtisë së lirë, çështja e telekomunikacionit, e energjisë, si dhe kthimi i dokumenteve kadastrale dhe civile janë gjashtë çështjet për të cilat Kosova dhe Serbia do të arrijnë marrëveshje gjatë muajit korrik.

Në intervistën për “Koha Ditore” zëvendëskryeministrja Edita Tahiri, që është edhe udhëheqëse e ekipit kosovar të bisedimeve, ka folur në detaje për secilën marrëveshje.

Ajo i ka pranuar edhe lëshimet e Kosovës e edhe të Serbisë. Ka thënë se marrëveshjet janë evropiane dhe se ato e afrojnë Kosovën me BE-në.

Sipas Tahirit, Kosova nuk po bën kompromise dhe të dyja palët po mundohen që të përfitojnë sa më shumë.

Qytetarët kosovarë do të mund të udhëtojnë në Serbi, por vetëm me letërnjoftim.

Ata nuk do të kenë nevojë që ta tregojnë pasaportën e tyre në shtetin fqinj.

Doganat e Kosovës do të mbajnë vulat “Dogana e Kosovës”, dhe dokumentet përcjellëse nuk do ta kenë fjalën Republikë.

Qytetarëve serbë të Kosovës do t`u hiqen tabelat e Serbisë, por do t’u mundësohet mbajtja e tabelave KS të kohës së UNMIK-ut.
Zëvendëskryeministrja Tahiri ka thënë se ky do të jetë një transicion.

Duke folur rreth marrëveshjeve që pritet të nënshkruhen Tahiri ka thënë se Për gjashtë prej tyre kemi afrim të pikëpamjeve dhe presim rezultate konkrete të marrëveshjeve gjatë muajit korrik.

Këto çështje janë çështja e lëvizjes së lirë, çështja e tregtisë së lirë, çështja e telekomunikacionit, e energjisë, si dhe kthimi i dokumenteve kadastrale dhe civile që janë marrë gjatë luftës.

Në dialog është hapur edhe çështja e të pagjeturve, çështja e dëmeve të luftës në trashëgiminë kulturore, çështja e njohjes së diplomave universitare, si dhe çështja e pjesëmarrjes në mekanizmat rajonalë.

Për sa u takon këtyre gjashtë projektmarrëveshjeve të mundshme, me lejoni t’u them veç e veç se cilat janë parimet e tyre.
Sa i përket lëvizjes së lirë është përdorur parimi i reciprocitetit.
Qytetarët e Republikës së Kosovës do të kenë mundësi që të udhëtojnë në Serbi ashtu siç qytetarët e Serbisë kanë udhëtuar lirshëm në Kosovë.
Kosova me kohë ka zbatuar parimin e lëvizjes së lirë si parim esencial evropian.
Serbia e ka shkelur dhe kjo marrëveshje do ta bëjë edhe atë, ta zbatojë këtë parim.
Elementi kryesor për të cilin kemi biseduar është që të mundësohet udhëtimi me letërnjoftim, praktikë që Kosova e zbaton me Maqedoninë dhe Shqipërinë dhe jemi duke punuar edhe për Malin e Zi.
Kalimi mund të bëhet edhe nëpërmjet dokumenteve të tjera të udhëtimit.
Kemi diskutuar për tabelat e automjeteve, librezave të regjistrimit.
Ngjashëm siç veprohet në rastin e Maqedonisë me Greqinë, ngjashëm do të realizohet edhe kjo marrveshje
Koha ditore

[Llapjani_HH]

Detyrojnë shqiptarin të bëjë seks oral para të burgosurve

Ngjarje tronditëse për mbarë opinionin publik është ajo që ka ndodhur në kryeqytetin grek Athinë, me viktimë një të ri shqiptar, i cili u detyrua të bëjë skena perverse përballë dhjetëra të burgosurish e forcash policore.

Korrespondenti i agjencisë NOA raporton se ngjarja ka ndodhur të mërkurën në mbrëmje, në rajonin policor Menidi në Greqi. Viktimë e skenave perverse ishte një i ri shqiptar, i datëlindjes 1989, emri i të cilit për arsye etike nuk publikohet.

I ndodhur si i ndaluar dhe në pritje për t’u dërguar për proces gjyqësor, 22 vjeçari shqiptar është vendosur në mjediset e paraburgimit të rajonit policor në Menidi (Athinë) prej pak javësh.

Por, kurrë nuk ka menduar se do të detyrohej të bënte skena perverse të kërkuara me dhunë nga policët e rajonit.

Në zonën kryesore të mjediseve të paraburgimit, disa policë perversë kanë nxjerrë të riun shqiptar përballë tyre dhe disa dhjetëra të burgosurve të tjerë, dhe e kanë detyruar të kryejë seks oral virtual.

Ata i kanë futur në gojë një send të qelqtë, të veshur me një prezervativ dhe e kanë detyruar djalin shqiptar që të bëjë lëvizje me gojë të sendit, pikërisht si një seks oral.

Duke mos u ndalur në fantazinë e tyre të pistë, policët e detyronin të riun shqiptar të lëpinte sendin e mbuluar me prezervativ dhe më tej i kanë bllokuar gojën me të.

Skena, që ka zgjatur disa minuta, është parë nga rreth 20 të burgosur, kryesisht grekë, por edhe disa emigrantë e disa forca policie, të cilët edhe organizuan shfaqjen e ndyrë.

Pas këtij akti, i riu është rrahur ashpër nga policët që më tej kanë përmbyllur “shfaqjen” duke e mbyllur në një qeli.

Ngjarja është arritur të bëhet publike në sajë të një të burgosuri, i cili ka komunikuar më pas me avokatin. Ngjarja u denoncua në një televizion të vogël lokal, i cili mbajti qëndrim kritik ndaj veprimeve tronditëse të policëve.

Lidhur me këtë veprim kanë reaguar autoritetet policore greke. Ata kanë marrë në pyetje policët e përfshirë në ngjarje dhe kanë zbardhur se të dyshuarit e kishin kryer aktin pervers në shenjë shpagimi dhe shembulli ndaj të tjerëve.

Sipas tyre, i paraburgosuri shqiptar kishte ndryshuar thëniet e tij lidhur me një vepër penale për të cilën akuzohej, vjedhje farmacie, duke deklaruar në prokurori të dhëna të ndryshme me ato të deponuara pranë rajonit të tyre policor.
Koha.net

[Zero Cool]

Kandidati për president të Egjiptit: Do ta njohim menjëherë Kosovën





Njëri nga kandidatët për president të Egjiptit, Abdulmunim Ebul Futuh, ka deklaruar se do të angazhohet që vendi i tij ta njohë sa më shpejtë pavarësinë e Kosovës, ndërsa nëse ai do të fitonte zgjedhjet, Kosova do të njihet menjëherë nga vendi i tij.
Këto komente ai bëri gjatë një takimi me Prof. Dr. Beqir Ismailin, pasi ky i fundit e njoftoi për rrjedhat e ngjarjeve më të reja në Kosovë, për perspektivën e Kosovës drejt anëtarësimit në Organizatën e Kombeve të Bashkuara.

“Kosova është njohur prej 76 shteteve, tashmë ka ardhur radha që qeveria e Revolucionit të shqyrtojë sa më shpejt çështjen e njohjes së pavarësisë së Kosovës dhe populli martir i Kosovës e meriton lirinë e arritur me gjakun dhe sakrificat e bijve më të mirë të saj”, është shprehur Ismaili.

Futuh ka thënë se do të japë kontributin e tij personal, si Sekretari i përgjithshëm i Unionit të Mjekëve Arabë dhe si kandidat për zgjedhjet presidenciale 2011, në këtë çështje. Ai premtoi që në takimin e radhës në Ministri dhe Kryeministri do t’i parashtrojë kryetarit të Këshillit të Forcave të Armatosura propozimin e tij për njohjen sa më të shpejtë të Kosovës nga Egjipti.

Ai deklaroi se nëse kërkesa e tij nuk do të merrej në konsideratë deri në zgjedhjet parlamentare, nga organet aktuale egjiptiane, nëse ai fiton postin e presidentit, do të deklarojë menjëherë njohjen e pavarësisë së Kosovës.

Abdulmunim Ebul Futuh është kandidat për zgjedhjet presidenciale 2011, Sekretar i përgjithshëm i Unionit të Mjekëve Arabë dhe ish-anëtar dhe udhëzues i Zyrës së Vëllazërisë Myslimane në Egjipt.

[Zero Cool]

PS dorëzon ankimimin e dytë





Pak minuta më parë juristët e Partisë Socialiste kanë depozituar ne KQZ ankesen hetimore ku kërkohet kundërshtimi i vendimit Nr. 1158 datë 25/06/2011 të KQZ-së, që është edhe kërkesa e parë ankimore.
Kërkesa e dytë ka si qellim shpalljen si të pavlefshme të zgjedhjeve në 284 qendra votimi, ku socialistët kanë argumentuar se ka patur probleme.Shkeljet e pretenduara dhe pasojat janë përmbledhur në këtë kërkesë ankimore për të cilën është autorizuar nga PS deputeti Fatmir Xhafaj.

Në kërkesën ankimore thuhet se sipas vetë tabelave të rezultateve të hartuara nga Grupet e Numërimit Vendor fillimisht dhe vetë KQZ në procesin e realizuar prej saj, rezulton se ka mospërputhje të rënda në rezultatin e kësaj zone zgjedhore, mospërputhje të cilat nuk janë pasojë e ndonjë gabimi njerëzor, pasi në atë rast do të ishte i korrigjueshëm, por që janë produkt i vetë procesit të votimit e numërimit, mospërputhje që demonstrojnë qartësisht shkeljen e ligjit.

Të gjitha këto fakte janë shkelje flagrante të ligjit, pasi janë pasojë e veprimeve në kundërshtim me parashikimet e ligjit zgjedhor. Mosrakordimi i tabelave të rezultateve përbën një shkelje të Kodit Zgjedhor. Në nenin 3, pika 4 të Kodit, Partia Socialiste në kërkesën ankimore gjithashtu thotë se sipër rezulton se, në rreth 35 % të kutive u konstatuan dhe dokumentuan probleme serioze të integritetit dhe sigurisë së tyre, gjë që vendos në pikëpyetje të drejtëpërdrejtë integritetin e materialit zgjedhor që ndodhet brenda tyre dhe për rrjedhojë bazueshmërinë dhe ligjshmërinë e vet vendimit të KQZ-së objekt të këtij ankimimi.

[Zero Cool]

KQZ rrëzon ankesën e PS-së






Shorti i hedhur paradite në Komisionin Qendror të zgjedheve përcaktoi ndoshta ironikisht, Arben Ristanin si relatues të kërkesës së re ankimore të Partisë Socialiste.
Një kërkesë me një objekt të dyfishtë, kundërshtimin e vendimit të fundit të KQZ-së, që shpalli fitues në Tiranë Lulzim Bashën me 93 vota dhe shpalljen e pavlefshmërisë në 284 QV votimi.

Në mbledhjen e pasdites zoti Ristani lexoi relacionin e vet, ku argumentoi se Komisioni që ai kryeson nuk është kompetent për të shqyrtuar këtë kërkesë të re ankimore. Vendimi i fundit i KQZ-së, sipas tij, erdhi si pasojë e një urdhërimi të Kolegjit në vijim të një ankimimi të mëparshëm.

“Kërkesa e parë nuk pranohet për shqyrtim pasi nuk plotëson kushtin për kompetencën të cilën nuk e ka KQZ, por Kolegji Zgjedhor”, tha Ristani.

Sa i takon pavlefshmërisë, zoti Ristani tha i ka kaluar afati që më 26 maj, tre ditë pasi KQZ shpalli për herë të parë tabelën përmbledhëse për Tiranën.

“Kërkesa e dytë nuk përmbush kushtin për afatin ligjor. Nëse kalon afati 3 ditorë, subjektet nuk mund të kërkojnë pavlefshmëri. Nuk mund të kërkohet pavlefshmëri e zgjedhjeve nëse është shpallur fituesi”, vijoi kreu KQZ-së.

Përfaqësuesit ligjorë të Partisë Socialiste argumentuan se Partia Socialiste është brenda të gjitha afateve, sepse vendimi i fundit i KQZ-së është vendim i ri.

“Kërkesa e ankimore e PS-së është bazuar në dispozitat e Kodit Zgjedhor. Ne ndodhemi përpara një tabele të re dhe rezultati të ri. Pas miratimit të një tabele të re, nisin afate të reja ligjore. Ankimimi i PS-së është në afat dhe plotëson të gjitha kriteret ligjore”, theksoi Gjonçaj, përfaqësuesi ligjor i PS-së praën KQZ-së.

Megjithë debatet e shumta që zgjatën për më shumë se 1 orë e gjysmë, Komisioni Qendror i Zgjedhjeve vendosi në fund me 4 vota pro mosmarrjen në shqyrtim të kërkesës ankimore të Partisë Socialiste, e cila pritet ta dorëzojë këtë kërkesë në Kolegj.

Partia Socialiste ka 5 ditë afat për ta depozituar ankimimin në Kolegj, kurse Kolegji vetë ka 10 ditë afat nga regjistrimi i kërkesës, për të dhënë vendim.

[Zero Cool]

Greqi, gjendje kaotike në Athinë






Dhjetëra anarkistë janë perleshur me forcat policore,te cilat kane perdorur nje numer teper te madh te bombave me gaz lotsjelles. Pas konfrontimeve dhe vandalizmave 46 vetë u plagosën, midis tyre 37 police, ndersa jane kryer 14 arrestime.
Kryeministri Papandreu u ka bere thirrje gjithe deputeteve se nga vota e tyre sot, varet e ardhmja e kombit grek. Edhe udheheqesit e BE-së i kane bere te qarte Greqise qe ne se nuk aprovojne masat qe permban Plani Afatmesem vendi nuk mund t'i shmanget falimentimit te sigurte.Presidenti i BE-se, Herman Van Rompoi ka deklaruar se ndikimi i votes se deputeteve greke do te ndihet me pas ne mbare boten.

Socialisteve qe zoterojne 155 vende ne parlament, u duhen vetem 151 vota pro, por shume prej deputeteve te partise ne fuqi PASOK-ut kane shprehur pakenaqesi per masat shtrenguese te cilat sipas tyre cojne Greqine dekada pas dhe ulin ndjeshem nivelin e jeteses. Kryeministri Papndreu shpreson ne disa vota te deputeteve te pavarur, ndersa opozita konservatore ka deklaruar se nuk do te aporovoje Planin Afatmesem.

Shefja e sapoemeruar e FMN Kristin Lagarde u ka bere thirrje politikaneve greke qe te gjejne nje konsensus ne keto momente te veshtira per te shpetuar vendin nga falimentimi.

Nese parlamenti aprovon masat financiare Greqia do te marre te dielen kestin e saj te peste te ndihmes prej 12 miliard eurosh, ndersa zyrtaret europiane do te fillojen planifikimin e nje plani te dyte ndihme prej 120 miliard euro per te paguar borxhet e saj deri ne vitin 2014.

Sot ne diten e dyte te greves gjendja ne kryeqyetetin grek eshte kaotike perderisa mijera protestues vazhdojne te mblidhen para parlamentit, ndersa nuk perjashtohen konfrontime te reja.

[Zero Cool]

Afganistan, 18 të vdekur në hotelin "Intercontinental"


Hoteli luksoz "Intercontinental", i cili ndodhet në Kabul të Afganistanit, është transormuar gjatë natës në një fushë beteje, mes forcave të sigurisë dhe talebanëve të armatosur gjer në dhëmbë, të cilët kishin si objektiv shfarosjen e shtetasve të huaj.
Beteja u zhvillua për mëse 5 orë me një bilanc prej 18 të vdekurish, 10 prej tyre civilë dhe 8 terroristë.

Të paktën një prej terroristëve hodhi vetën në erë dhe helikoptëret e NATO-s eliminuan të gjithë snajperat që ndodheshin në taracën e hotelit.

Hoteli është një prej vendeve më të frekuentuara prej pasanikëve afganë dhe prej shtetasve perëndimore vizitorë në vend.

[Neferta]

Terroristi nga Kosova

Shtetasi amerikan, që banonte në New York, kishte udhëtuar tejoqeanit për t’u bashkuar me grupet e lidhura me Al Qaedan dhe për të vrarë trupa amerikane, me qëllim që të vdiste si martir për fenë e tij islamike, thanë sot prokurorët federalë në fillim të procesit gjyqësor kundër Betim Kaziut, 23 vjeçar, me shtetësi amerikane, e origjinë nga Kosova.Ai ishte arrestuar në vitin 2009 dhe ishte akuzuar për komplot për t’u bashkuar me një grup të ndërlidhur me Al Qadedan dhe për t’u furnizuar me armatim automatik, për t’i vrarë ushtarët amerikanë, që shërbenin në Afganistan, Irak dhe në Ballkan.
“Al Qaeda dhe organizatat e tjera të jashtme terroriste kanë bërë thirrje për t’i marrë armët” në dorë”, tha ndihmës prokurori i SHBA-ve, Seth DuCharme, dhe shtoi se “Betim Kaziu iu përgjigj kësaj thirrjeje”.
Por, Henry Steinglass, avokati i të akuzuarit Kaziu, tha se “dëshmitë do të tregojnë se ekzistojnë edhe interpretime të tjera” të videove dhe të komunikimeve të tjera, e këto do të jenë “interpretime për pafajësi”.
Kaziu, ish rojtar, akuzohet për konspiracion për të kryer vrasje tejoqeanit dhe konsipracion për mbështetje materiale për terroristët. Nëse shpallet fajtor, ai mund të dënohet me burgim të përjetshëm.
Duke i shfrytëzuar informatat nga një shok i udhëtimit të Kaziut, autoritetet federale dhe ato të Nju Jorkut bashkëpunuan me agjentët në Kosovë, për ta arrestuar Betim Kaziun,

[Neferta]

Terroristi nga Kosova






Shtetasi amerikan, që banonte në New York, kishte udhëtuar tejoqeanit për t’u bashkuar me grupet e lidhura me Al Qaedan dhe për të vrarë trupa amerikane, me qëllim që të vdiste si martir për fenë e tij islamike, thanë sot prokurorët federalë në fillim të procesit gjyqësor kundër Betim Kaziut, 23 vjeçar, me shtetësi amerikane, e origjinë nga Kosova.Ai ishte arrestuar në vitin 2009 dhe ishte akuzuar për komplot për t’u bashkuar me një grup të ndërlidhur me Al Qadedan dhe për t’u furnizuar me armatim automatik, për t’i vrarë ushtarët amerikanë, që shërbenin në Afganistan, Irak dhe në Ballkan.
“Al Qaeda dhe organizatat e tjera të jashtme terroriste kanë bërë thirrje për t’i marrë armët” në dorë”, tha ndihmës prokurori i SHBA-ve, Seth DuCharme, dhe shtoi se “Betim Kaziu iu përgjigj kësaj thirrjeje”.
Por, Henry Steinglass, avokati i të akuzuarit Kaziu, tha se “dëshmitë do të tregojnë se ekzistojnë edhe interpretime të tjera” të videove dhe të komunikimeve të tjera, e këto do të jenë “interpretime për pafajësi”.
Kaziu, ish rojtar, akuzohet për konspiracion për të kryer vrasje tejoqeanit dhe konsipracion për mbështetje materiale për terroristët. Nëse shpallet fajtor, ai mund të dënohet me burgim të përjetshëm.
Duke i shfrytëzuar informatat nga një shok i udhëtimit të Kaziut, autoritetet federale dhe ato të Nju Jorkut bashkëpunuan me agjentët në Kosovë, për ta arrestuar Betim Kaziun,

[rastesishT]

Gjermania kthen markat?

Janë shtuar zërat se Gjermania po kthehet te monedha e saj e vjetër Marka. Sipas mediave të huaja, Banka Qendrore Gjermane ka filluar tashmë printimin e bankonotave të reja (vjetra).

Sipas spekullimeve të shfaqura në shtyp, zyrtarët e Bundesbank, kanë urdhëruar printimin e markave si pjesë e planit B- daljen nga Eurozona- e cila do të bënte të lumtur një pjese të mirë të gjermaneve të cilet janë gjithnjë e më shumë skeptikë në lidhje me të ardhmen e monedhës së përbashkët, shkruan gazeta "The Economic Voice"

Një sondazh i realizuar së fundmi, 71 % e gjermanët besojnë se monedha e përbashkët nuk ka të ardhme, përderisa vetëm 19% besojnë tek e ardhmja e sigurt e euros, shkruan gazeta "Frankfurten Allgemeine Zeitung".

Ndërsa, 68% nuk besojnë në planin e shpëtimit të Greqisë