Lajme Aktuale....

[Zero Cool]

Greqia gënjeshtare






Nga Express më 17 shtator 2011 në ora 14:30
Në një lajm, që tashmë nuk habit më askënd, të gazetës greke Eleftherotypia, raportohet se sipas një pjesëtari të autoriteteve greke të statistikave, Greqia artificialisht ka ndryshuar shifrat mbi deficitin e saj në 15.4 për qind në vitin 2009, për të marrë ndihmë nga Bashkimi Evropian dhe Fondi Monetar Ndërkombëtar.

Për profesor Zoe Georgantas, “deficiti u inflacionua artificialisht në vitin 2009, për të treguar se vendi kishte deficitin më të madh në Evropë, duke përfshirë këtu edhe atë të Irlandës që ishte 14 për qind, për të justifikuar gjithë shkurtimet e ndërmarra në vend”.

Me sa është kuptuar nuk do të ishte një befasi nëse zbulohet se edhe deficiti i Italisë, si ai i Greqisë, të jetë i manipuluar.

[Zero Cool]

Masakër ndaj protestuesve në Jemen






Nga Express më 19 shtator 2011 në ora 11:27
Raportohet se së paku 26 vetë janë vrarë dhe shumë të tjerë janë plagosur në kryeqytetin e Jemenit, Sana, kur forcat e sigurisë kanë hapur zjarr ndaj protestuesve, të cilët kërkonin largimin presidentit Ali Abdullah Saleh.

Presidenti Saleh, i cili po shërohet në Arabinë Saudite, nga përpjekja për ta vrarë në muajin qershor, e ka udhëhequr Jemenin për më se 30 vjet.

Ai po e mban pushtetin, përkundër presionit ndërkombëtar për tërheqje dhe protestave tetëmuajshe, të cilat praktikisht e kanë paralizuar këtë shtet të varfër.

Në protestat që shpërthyen muaj më parë në Jemen, forcat e sigurisë deri më tani kanë vrarë mijëra protestues.

Serbia po përgatitet për luftë në tetor

Këshilli i Helsinkit për të drejtat e njeriut në Beograd jep alarmin. Serbia po përgatit rezervistët e saj për luftë me Kosovën në tetor.

E hëne 19 Shtator 2011 14:31
Kjo organizatë ka marrë letrën e një mashkulli që para disa ditësh e ka marrë një ftesë nga Ministria e Mbrojtjes së Serbisë që të jetë në gatishmëri për gjendje luftë më 5 tetor 2011.
“Ky person nëpërmjet hetimeve në interent, por edhe nëpërmjet kontakteve të tij, ka ardhë deri tek njohuria se po bëhet fjalë për formimin ose ribërjen e njësive ushtarake rezervistë ne Pozharevc, në rast lufte”, ka thënë Sonja Biserko, drejtoreshë e Këshillit të Helsinkit.
Ky person, emri i të cilit është i njohur për OJQ-në ka refuzuar të luftojë dhe tani ka frikë se mund të dënohet me burg për mosgatishmërinë e tij për të luftuar. Ai ka thënë se do të ankohet edhe në organe të tjera.
Ministria e Mborjtjes e Serbisë nuk është përgjigjur në interesimin e gazetarëve për të treguar nëse po bëhet gati për luftë. /indeksonline/

[Zero Cool]

Vetevritet 12 vjecarja per t’i dhuruar organet familjes






INDI - Nje 12 vjecare i dha fund jetes ne tentativen per t’i dhuruar organet babait dhe vellait te saj. Por fatkeqesisht trupi i saj u dogj para se te zbulohej letra e vetevrasjes me deshirat e saj te fundit.

Vajza e vogel kishte arritur ne konkluzion se vetevrasja ishte e vetmja menyre per te ndihmuar familjen e saj te varfer. Familja nuk mundej te perballonte shpenzimet e nje syri per babane per ti shpetuar shikimin dhe nje veshke per vellane qe ti shpetonte jeten.

Mumpy Sarkar vrau veten ne date 27 qershor, por akti i saj nuk mundi ta ndihmonte familjen duke qene se letra u zbulua teper vone.

Sipas letres vajza i kishte kerkuar edhe motres te bashkohej me te ne planin e vetevrasjes, por ajo i kishte qeshur ne fytyre dhe ishte nisur per ne shkolle. Me pas ajo piu nje pesticid dhe i dha fund jetes, me shpresen se vdekja e saj do te sherbente per te ndihmuar familjen fatkeqe.

[Zero Cool]

Harrohet historia shqiptare





Edhe këtë vit disa nga datat dhe ngjarjet më emblematike të historisë shqiptare, janë harruar. Pa një kalendar historik dhe me neglizhenca si në formën e organizimit, ashtu edhe të shënimit.

Çfarë duhet që të festohet vitin e ardhshëm? Janë data të tilla, si 100 vjetori i çlirimit të Shkupit, 100 vjetori i bandës "Zana e maleve", themeluar nga Kol Bojaxhiu, 14 tetori - "Kuvendi i Shkupit", e të tjera. Nuk dihet se cila prej tyre do të vendoset në listën e Komisionit të Kulturës, shkruan Koha.

Kujtesa historike e shqiptarëve që kulmon në ngjarje, momente dhe emra personalitetesh emblematik, nuk është sistemuar ende s′i duhet.

Kësaj i shtohet apatia institucionale dhe shpërfillja financiare nga shteti, përkatësisht propozimet që duhet të dërgohen nga komunat apo katedrat e universiteteve shqiptare janë ta rralla, ndërsa edhe ato që miratohen nga Komisioni parlamentar i Kulturës, nuk përfitojnë ndonjë buxhet me të cilin mund të shënohen në një formë dinjitoze.

Historianët ankohen, shumë-shumë çka arrijnë të organizojnë nuk del jashtë suazave të shënimeve periferike e lokale, ndërsa për ato aktivitete që realizohen nën kujdesin e shtetit, kanë rezerva.

Jo vetëm sa i përket formës së realizmit, por edhe projekteve që u përpiluan në funksion të tyre. Po ashtu, edhe shumë data të tjera, si "Alfabeti", "Flamuri" e të tjera më shumë i kanë ngjarë aktiviteteve lokale, sesa nacionale. Një tjetër karakteristikë është se si përzgjedhja e këtyre datave, po ashtu si edhe skenari i organizimit të tyre, kalojnë nën llupë, duke reduktuar elementet e tyre pak si shumë shqiptare apo duke amortizuar karakterin nacionalist.

Në Shoqatën e Historianëve Shqiptarë thonë se shënimi i datave asnjëherë nuk ka qenë i organizuar ashtu si duhet. Me buxhetin e shtetit, nga i cili rëndom nuk kursehen të hollat për aktivitete të kësaj natyre, shqiptarët përfitojnë shuma më simbolike e për rrjedhojë, edhe aktivitete sa për të thënë. Por mungesën e këtij kalendari shënimesh më shumë sesa te shteti, qëndron edhe te vetë shqiptarët.

Kreu i SHHSHM-së, Skënder Hasani, pohon se neglizhencat fillojnë te vetë institucionet që drejtohen nga shqiptarët, të cilët nuk janë të interesuar që të çojnë lista me data për tu miratuar.

"E s′i mund të pretendojmë për tu miratuar datat kur institucionet, ato që duhen të merren me këtë punë, nuk e bëjnë, për shembull, as komunat dhe as universitetet nuk e bëjnë një gjë të tillë, disa i dërgojnë në momentet e fundit. Problemi është se edhe kur Komisioni miraton shënime të tilla, buxheti që ndahet për datat shqiptare është i vogël, kështu që edhe ato janë të destinuar të dështojnë ose të mos organizohen siç duhet", thotë Hasani.

Në Komisionin e Kulturës janë në fazën e mbledhjes së propozimeve. Anëtari Behixhudin Shehapi apelon që shqiptarët të përfitojnë nga kjo periudhë.
"I bëj thirrje institucioneve të ndryshme, si komuna, universiteteve dhe Institutit që të merren me këtë problematikë, të aplikojnë me projekte për shënimin e datave, këtë vit kemi shumë të tilla për të shënuar", thotë Shehapi.

Nuk dihet se cili do të jetë qëndrimi që do të mbajë Komisioni parlamentar i Kulturës këtë vit. Përzgjedhjet e datave dhe buxheti i ndarë për to gjithnjë ka qenë objekt polemikash mes anëtarëve të këtij Komisioni, të cilët kanë akuzuar se shqiptarët marrin shumë më pak nga ajo që i takon të marrin nga arka e shtetit për të shënuar datat e tyre historike.

[Zero Cool]

Ish-xhihadistët ndërrojnë anët


Abdel Hakim Belhaj, komandanti i ri ushtarak i Tripolit, tani e konsideron veten si një aleat të NATO-s dhe të perëndimorëve dhe nuk i ndal lëvdatat për Francën. Mirëpo, lidhjet e tij të së kaluarës me xhihadin ndërkombëtar dhe ato reale apo të supozuara me Al-Qaedan, tashmë janë fundosur, qëkur islamikët u vunë në krye të revolucionit libian.






Nga Express më 20 shtator 2011 në ora 08:46
Revolucionet, nganjëherë, prodhojnë afrime të çuditshme. Ish-xhihadist në Afganistan, militant islamik i ndjekur nga policia libiane, i kërkuar, i arrestuar dhe pa dyshim i torturuar nga CIA para se t’i dorëzohej Gaddafit, Abdel Hakim Belhaj, komandanti i ri ushtarak i Tripolit, tani e konsideron veten si një aleat të NATO-s dhe të perëndimorëve dhe nuk i ndal lëvdatat për Francën.

Mirëpo, lidhjet e tij të së kaluarës me xhihadin ndërkombëtar dhe ato reale apo të supozuara me Al-Qaedan, tashmë janë fundosur, qëkur islamikët u vunë në krye të revolucionit libian.

Shtabi i përgjithshëm i tij është vendosur në aeroportin e Mitigas, në lindje të Tripolit, ish-baza ajrore amerikane deri në vitin 1970, me kishat e saj të parafabrikuara dhe kasollet e rrethuara nga barishte të larta.

Me mjekër të shkurtë, i veshur me uniformë, me zë të ulët, por që flet shpejt, 45-vjeçari Belhaj e nis bisedën me deklaratën e myslimanit: “Në emër të Allahut, Mëshiruesit, Mëshirëbërësit”.

Por, edhe pse nuk e mohon karrierën e tij si militant xhihadi, ai mbrohet duke thënë se kurrë nuk ka qenë anëtar i Al-Qaedas. “Kam marrë pjesë në xhihad kundër sovjetikëve në Afganistan, ndërmjet viteve 1988 dhe 1992, prandaj edhe jam gjetur në të njëjtin vend dhe në të njëjtën kohë me Al-Qaedan. Por, kurrë nuk kam qenë anëtar i Al-Qaedas, as nuk kam pasur lidhje me këtë organizatë. Njerëzit i kanë përzier gjërat”, thotë ai.

Në kohën kur vullnetarë nga mbarë bota arabe dyndeshin drejt Afganistanit, Belhaj kishte themeluar një grup xhihadistësh libianë të quajtur “Grupi luftarak islamik”. “Ne ishim në Afganistan për të luftuar përkrah popullit afgan kundër sovjetikëve, sikur bënin në atë kohë shumë vende të tjera, në mesin e tyre Franca dhe Shtetet e Bashkuara. Ne ishim në anën perëndimore”, shpjegon ai.

Pas kthimit në Libi, Belhaj dhe xhihadistët e tij kthejnë armët kundër regjimit të Gaddafit. Ata do të ndiqen pamëshirshëm nga gjenerali Abdel Fattah Younes, i cili në pranverën e vitit 2011 iu bashkua revolucionit libian, ku do të jetë udhëheqës ushtarak pak efikas, para se të vritet më 28 korrik në Bengazi, në rrethana shumë të turbullta. Kjo vrasje flitet të jetë një hakmarrje e islamikëve.

“Ne nuk ishim të lidhur me xhihadin islamik, ne vetëm luftonim në Libi kundër diktaturës së Gaddafit”, thotë ai. Mirëpo, CIA nuk lëshohet në hollësi. Përfundimisht, Belhaj arrestohet në vitin 2004 në aeroportin e Kuala Lumpurit, pastaj nga autoritetet malajziane i dorëzohet amerikanëve. Nëpërmjet njërit prej fluturimeve klandestine të CIA-s ai transferohet drejt Tajlandës, ku thotë se është torturuar nga dy agjentë amerikanë.

Në këtë kohë, regjimi i Gaddafit punonte ngushtë me perëndimorët në luftën antiterroriste dhe Belhaj më pas u dorëzohet autoriteteve libiane. I dërguar në burgun famëkeq të Abu Salemit, në periferi të Tripolit, ai mbahet aty për gjashtë vjet, shumicën e kohës në izolim të plotë.

Megjithatë, nga aty ai del më 2010, në saje të politikës së shpirtmadhësisë të inspiruar nga Seif al-Islam, i biri i Gaddafit. Islamikë të burgosur janë amnistuar në shkëmbim të heqjes dorë nga aktivitetet e tyre të xhihadit kundër regjimit. Njëri prej negociatorëve të kësaj marrëveshjeje është Mustafa Abdelxhalil, në atë kohë ministër i Drejtësisë i Gaddafit, e i cili që prej atëherë është bërë kryetar i Këshillit Kombëtar të Tranzicionit.
Mirëpo, Belhaj e prish premtimin porsa shpërthen kryengritja popullore libiane në shkurt të vitit 2011 dhe ai i bashkohet radhëve të kryengritjes. Në kuadër të një revolucioni, i cili shumë shpejtë shndërrohet në luftë të armatosur, islamikët, në mesin e tyre edhe Belhaj, janë të fuqishëm për shkak të përvojës ushtarake, të cilën përgjithësisht nuk e kishin revolucionarët libianë.

Kësaj here në kampin e mbështetur nga Perëndimi, Belhaj dhe njerëzit e tij i bashkohen çetës së Jebel Nefuzit dhe marrin pjesë në vijën e parë të operacionit, i cili rezultoi me marrjen e Tripolit në fund të muajit gusht. Ish-xhihadisti u bë një aleat i deklaruar i perëndimorëve.

“Në Doha kam takuar shumë zyrtarë të NATO-s”, tregon Abdel Hakim Belhaj, në mesin e tyre edhe një gjeneral francez të rangut të lartë. “Biseda ka qenë shumë e përzemërt. E kam falënderuar për ndihmën e ofruar nga Franca. Presidenti Sarkozy ka marrë një vendim shumë të guximshëm duke mbështetur popullin libian dhe duke mbrojtur popullatën civile. Është Franca ajo që ka penguar masakrën në Bengazi. Ne kemi diskutuar edhe për bashkëpunimin e ardhshëm ndërmjet Libisë dhe Evropës për ta ruajtur sigurinë dhe paqen në Afrikën Veriore”, thotë Belhaj.

A ka ndryshuar me të vërtetë ish-xhihadisti? Asgjë nuk është e pamundur, duke qenë se as bota islamike nuk është më e pandryshueshme se të tjerët, por ndryshimi i tij mund të jetë për arsye taktike.

Për më tepër, e drejtuar nga një aleancë islamistësh dhe liberalësh, ish-zyrtarësh të regjimit të Gaddafit dhe kundërshtarësh historikë, revolucioni libian ishte i suksesshëm falë këtyre rrymave të ndryshme, me gjithë përpjekjet e Gaddafit për të futur përçarje dhe që përmes propagandës t’i bëjë “bashkë” rebelët me Al-Qaedan.

Edhe pse ka rivalitete ndërmjet përbërësve të ndryshëm të rebelimit, bashkimi i tyre deri më tani është pa asnjë të metë. Belhaj pohon se personalisht ende nuk ka menduar për ndonjë karrierë politike. “Ka ende shumë punë për t’u bërë në planin ushtarak”, thekson ai. “Prandaj është ende herët të mendoj për të ardhmen”.

[Zero Cool]

Protesta në Preshevë kundër diskriminimit






Në qytetin e Preshevës të mërkurën u organizua marshi gjithë popullor me moton “Stop diskriminimit” ndaj shqiptarëve të Luginës së Preshevës.
Organizatorë të protestës ishte i gjithë spektri politik shqiptar në bashkëpunim më Organizatën e veteranëve te luftës dhe Këshillin për të Drejtat e Njeriut në Preshevë.

“Duam punë”, “Duam hapjen e kufirit”, “Stop xhandarmerisë serbe, “Zhvillim jo diskriminim” ishin sloganet që përcollën këtë protestë, deri sa ato që kishin përgatitur nga aktivistët e Këshillit për të drejtat e njeriut dhe Nismës së të rinjve për të drejtat e njeriut-e quanin ministrin e Pushtetit lokal serb, Milan Markovic si njeri të rrezikshëm “.Warning Markovic is Here”.

Pankartat u vendosën në Zyrat e Trupit Koordinues në Preshevë.

[Zero Cool]

Shqipëria me një plazh vetëm për ato femra me perçe







Nga Express më 22 shtator 2011 në ora 11:15
Siç raporton televizioni Al Arabiya, duke iu referuar një reportazhi të AFP, në Spille të Kavajës, ka një plazh të quajtur ‘plazhi i burkës”, ku lahen femrat myslimane. Ai është i vetmi në gjithë bregdetin shqiptar. Sipas AFP, tani pas mbarimit të Ramazanit, plazhi është populluar për shkak se temperaturat janë ende të larta. Plazhi është pak larg dhe duhet të ecësh në këmbë për të mbërritur aty.

Ermir Gjinushi thotë për AFP se duhet të ketë më shumë plazhe vetëm për femra për gratë e devotshme myslimane, të ndarë nga meshkujt. Një nga gratë që lahen aty thotë se Islami nuk e ndalon që femrat të lahen, por duhen mbuluar në mënyrë që të mbrohen nga shikimet e të tjerëve.

[Zero Cool]

Itali, shqiptarët vodhën një fshat të tërë






Policia italiane ka arrestuar dy shqiptarë të cilët vidhnin vilat dhe shtëpitë në Itali. Personat në fjalë kanë vjedhur dy makina muajin e kaluar, për të kaluar në vjedhjen e çdo pajisjeve deri në qindarkat më të vogla, ndërsa mbrëmë kanë vjedhur pothuajse një fshat të tërë.

Në grabitjen e djeshme ata kanë arritur të vjedhin edhe atë që ishte gatuar në kuzhinat e shtëpive duke marrë peshk të gatuar dhe djathë, e më pas bizhuteri, sende me vlerë dhe objekte të ndryshme që kanë gjetur në shtëpi, madje edhe dy xhaketa.

Një fshat i tërë i quajtur Roviasca, i cili karakterizohej nga qetësia dhe gjelbërimi, u vu mbrëmë nën shënjestrën e sulmit të 26 vjeçarit Endrit Demushi dhe 28 vjeçarit Shkëlqim Brasha, punëtorë në të zezë në ndërtim, por që aktualisht ishin të papunë.

Banorët e zonës kanë pikasur hajdutët dhe kanë njoftuar karabinierët, kur këta të fundit janë arrestuar në flagrancë teksa po zbrisnin me motor nga Roviasca.

Në mes të natës shumë nga banorët janë zgjuar nga thyerja e bravave të dyerve prej tyre. /albeu.com/

[Guri i madh]

Deputeti Kelmendi shfrytëzon “rastin”




Kompania “Elkos”, pronë e deputetit të Aleancës për Ardhmërinë e Kosovës (AAK), Ramiz Kelmendi, ka filluar menjëherë importin e produkteve ushqimore nga Serbia në ditën e parë të heqjes së masave të reciprocitetit.
Derisa kjo masë u hoq më 16 shtator, vetëm tri ditë më pas kompania “Elkos” e deputetit Kelmendi importoi 4 ngarkesa me detergjent e konditorë, ku përfshihen prodhimet e korporatës serbe “Bambi” në vlerë mbi 82 mijë euro.
Sipas të dhënave të importit të Doganave të Kosovës që nga data e heqjes së masave të reciprocitetit, dokument të cilin e ka siguruar “Zëri”, kompania e deputetit Kelmendi ka importuar në Kosovë nga Republika e Serbisë afro 370 mijë euro.
Kelmendi nuk mohon këtë fakt edhe pse qëkur pati filluar reciprociteti me Serbinë e Bosnjën pati deklaruar se ka bërë zgjidhje për zëvendësimin e importeve. Ai arsyetohet se nëpërmjet Serbisë ka të kontraktuara edhe importe të kompanive ndërkombëtare, të cilat, sipas tij, i kanë përcjellë zhvillimet në Kosovë dhe menjëherë pas heqjes së masave të reciprocitetit kanë kërkuar që të përmbushen kontratat që ishin lidhur më herët me to.
Megjithëse është pronar i kompanisë “Elkos”, tash thotë se nuk mund të flasë në detaje për këtë kompani. “Pas marrjes së detyrës së deputetit më nuk menaxhoj drejtpërsëdrejti këtë kompani dhe nuk di detaje nga punët e përditshme të saj. Nuk e di edhe sa është vlera e mallrave të “Elkos-it” të kontraktuara në Serbinë“, ka thënë deputeti Kelmendi për “Zërin”.
Për mosarritjen e zëvendësimit komplet të produkteve serbe me ato evropiane biznesmeni dhe deputeti i AAK-së fajëson Qeverinë.
“Masat e reciprocitetit është dashur të zgjasin më shumë. Kjo do të ndihmonte edhe bizneset importues që të krijojnë lidhje për importe nga vendet evropiane, bizneset prodhuese vendore që të forcohen, dhe mbi të gjitha, do të mësonte konsumatorët që të mos përdorin produktet serbe. Megjithëse ishte kohë e shkurtër, mund të them që Serbia tashmë ka humbur një pjesë të konsiderueshme të tregut në Kosovë”, thotë Kelmendi.
Ai ka thënë që përkrah idenë që masat e reciprocitetit me Serbinë të hyjnë përsëri në fuqi, me arsyetimin që ky shtet nuk po i lejon mallrat kosovare të shiten atje.
Ndryshe, në dokumentin që ka siguruar ‘Zëri” për mallrat dhe importuesit e tyre, që hyjnë menjëherë pas heqjes së masave të reciprocitetit me Serbinë, për më pak se një javë vlera e importeve është miliona euro.
Nga Serbia, vetëm nga data 16 shtator e deri më 2 shtator janë bërë mbi 460 importe dhe nga shteti serb kompanitë kosovare të importit sollën që nga produktet e konsumit bazë, e deri të produktet e luksit.
Kompanitë që e shfrytëzuan “rastin”
Pos kompanisë “Elkos” të deputetit të opozitës, Raiz Kelmendi, në dokumentin doganor të regjistrimit të importeve, menjëherë pas heqjes së masave të reciprocitetit, “rastin” e kanë shfrytëzuar edhe një sërë kompanish kosovare.
Në këtë dokument më së shpesht i gjenden emrat kompanive: “Amidoni Group”, “Apollonia –Podujevë”, “Progres-Vushtrri”, “Shkelqimi-Lluzhan”, “Hoxha-Podujevë”, “Coca Cola-hbc-Lipjan”, “Euro commerce-Viti”, “ENIX-Mitrovicë”, “PAPENBURG&ADRIJANI” etj.
Në këtë listë të importueseve, pjesa më e madh e kompanive janë nga qyteti i Podujevës.

[Zero Cool]

Aisha Gaddafi flet në emër të atit





Nga Express më 24 shtator 2011 në ora 17:30
E bija e Muammar Gaddafit tha se babai i saj është mirë dhe se mbështet luftimet e mbështetësve të tij.

Aisha Gaddafi, gjatë një bisede me një radio stacion sirian, u bëri thirrje njerëzve në Tripoli dhe në vende të tjera të ngritën dhe të luftojnë kundër liderëve të rinj të shtetit.

Vendqëndrimi i Gaddafit nuk dihet, që kur forcat opozitare morën kontrollin mbi kryeqytetin libian në fund të muajit gusht.

Në ndërkohë, ushtruesi i detyrës së kryeministrit në Libi, Mahmud Jibril, ka premtuar zhvillimin e një hetimi për keqtrajtimin e qytetarëve jo-libian në duart e kryengritësve.

Organizata ndërkombëtare për të drejtat e njeriut, Human Rights Watch, vlerësoi se ka pasur arrestime të shumta dhe abuzim të punëtorëve emigrantë, të cilët thuhet se akuzohen të jenë mbështetës të Gaddafit.

[Zero Cool]

SVP propagandë antishqiptare në Zvicër


Partia Popullore Zvicerane (SVP) ka rikthyer propagandën antishqiptare përmes një fushate të posaçme.
Propaganda me reklama dhe bilborde që ka të bëjë me një fushatë kundër emigrantëve të huaj dedikohet posaçërisht për shqiptarët nga Kosova.

Kryeideatori i kësaj fushate është një nga liderët e kësaj partie, Christoph Blocher, i cili ka shfaqur mendimet dhe urrejtjen e tij kundër shqiptarëve, si në debatet e brendshme partiake ashtu edhe përmes deklarimeve të tij për opinion me tezat kundër “Kosovo Albaner”.
Fushata është nxitur sërish pas rastit të prerjes në fyt të një zvicerani nga ana e dy të rinjve kosovar pas një zënke midis tyre një muaj më parë. Personi që u rre ishte pikërisht i partisë SVP dhe se ai kishte provokuar dy shqiptarët e rinj nga Kosova.
SVP po merret seriozisht me çështjen e emigrantëve shqiptarë nga Kosova, të cilët supozohet sipas kësaj partie se janë mbi 170 mijë dhe posedojnë shtetësinë zvicerane.
Kundër fushatës është shprehur Kisha Katolike e Zvicrës e cila ka akuzuar SVP për një fushatë të tillë brutale.
“Nuk mund të vendosësh të tërë popullin apo një komb dhe një kulturë vetëm për një apo dy raste. Kjo temë të cilën përpiqet të zgjeroj SVP, jo që ndihmon diç shtetitn apo kulturën zvicerane, në të kundërtën, kjo temë vetëm sa sjell urrejtje dhe përçarje mes kulturave dhe multi-besimeve në Zvicërr“, thekson kisha zvicerane.
Reagime ndaj kësaj partie pritet të pasojnë edhe nga subjektet e tjera politike zvicerane dhe nga shoqatat shqiptare në Zvicër. (INA)

[Guri i madh]

Buja bën biznes me kontraktorin e komunës


Kryetari i komunës së Lypjanit, Shukri Buja, vazhdon të bëjë biznes me kontraktorin e kësaj komune. Derisa komuna që ai drejton e shpërblen me tenderë publikë kompaninë “Stublla”, kjo e fundit llogaritet t’i ketë borxh Bujës mbi 13 mijë euro, pasi që ai ka të deponuar grurin në mullirin e “Stubllës.
Buja këtë e ka deklaruar në deklarimin e pasurisë në Agjencionin Kundër Korrupsion (AKK) për vitin 2011. Buja, i kontaktuar nga gazeta, nuk ka dashur të komentojë rreth këtij rasti, e po ashtu as zyra për informim e kësaj komune nuk ka pranuar të flasë për “Zërin”, nëse kjo paraqet konflikt interesi.
Ai kishte zgjedhur mullirin e kompanisë “Stublla”, në mesin e shumë të tjerëve që merren me këtë lloj biznesi për të deponuar grurin. Kurse Ali Stublla, pronar i kompanisë “Stublla”, mohon të ketë ndonjë ndikim nga kryetari i kësaj komune, i cili ka të deponuar grurin në mullirin e tij.
“Jo nuk ka asnjë ndikim. Kryetari e ka më afër mullirin tonë edhe për këtë arsye edhe e ka deponuar këtu grurin”, ka thënë ai për “Zërin”.
Kompania private “Stublla”, që merret edhe me kryerjen e punëve ndërtimore kishte fituar të drejtën nga Komuna e Lypjanit për të ndërtuar me koncesion objektin për familjet e dëshmorëve, veteranët e luftës, familjet e martirëve dhe fëmijët bonjakë.
Kjo kompani ishte shpallur fituese më 16 prill të vitit 2008 ndërsa Komunës i kishte ofruar 39.64 për qind të objektit. Në një tender tjetër më 29 tetor 2010 kjo kompani ishte shpallur fituese për ndërtimin e objektit shkollor në fshatin Banullë të Lipjanit. Oferta e kësaj kompanie ishte 483 mijë e 684 euro.
E njëjta kompani kishte fituar në tenderin e datës 14 tetor të vitit 2009 në tenderin “Projektimi dhe zbatimi i rrjetit të kanalizimit –Livaxhe”. Në këtë tender ishte vetëm një ofertues ndërsa vlera e kontratës nuk ishte bërë publike në njoftimin për dhënie kontrate të publikuar në uebfaqen e Komisionit Rregullativ të Prokurimit Publik.
Po ashtu kjo kompani është përfituese e tenderit edhe për “Suvatimin e mureve” në vlerë prej mbi 437 mijë euro. Edhe për ndërtimin e një shkolle të mesme në Lypjan “Stubllës” i ishte dhënë tenderi më datën 15.01.2010, ku vlera e përgjithshme e kontratës ishte 1,682,533 euro, ku këtë tender e kishte marrë nga Ministria e Arsimit.
Ndërkaq sipas deklarimit të pasurisë së Bujës në Agjencinë Kundër Korrupsion del se 15 hektarë tokë bujqësore në Bujanë e Graskë të komunës së Lypjanit janë blerë përmes procesit të privatizimit. Sipas Bujës, shuma prej 48 mijë eurosh për të blerë këtë tokë ishte siguruar nga të ardhurat e tij përmes tregtisë me material ndërtimor si dhe marrja e një kredie në NLB.
Kjo pronë ishte përfituar, sipas Bujës, gjatë viteve 2006-2008. Ndërkaq gjatë viteve 2005-2007 Buja kishte blerë tokë bujqësore me sipërfaqe prej 95 ari në Suhodoll të Lypjanit. Vlera e kësaj prone ishte 67 mijë euro ndërsa mjetet ishin siguruar nga tregtia me material ndërtimor dhe përfitimi nga kafiteria në Ferizaj.
Prej përfitimeve nga tregtia dhe kafiteria, sipas Bujës, ishin siguruar mjetet për të blerë edhe një lokal afarist prej 34 metrash katrorë në vlerë prej 60 mijë eurosh. Po ashtu edhe për blerjen e banesës prej 134 metrash katrorë në Prishtinë tek Kroi i Bardhë në Lagjen Dardania që kishte kushtuar 104 mijë euro një pjesë e mjeteve ishin siguruar nga përfitimet nga tregtia me material ndërtimor.
Preteni do të merret me rastin
Hasan Preteni, kryetar i Agjencisë Kundër Korrupsion, ka thënë për “Zërin” se rastin në fjalë do ta trajtojnë. “Ju siguroj që këtë informacion do ta trajtomë. Ne do të punojmë në këtë drejtim konform legjislacionit në fuqi”, ka thënë Preteni.
Sipas tij, secili rast i ka specifikat e veta dhe është e padrejtë dhe joprofesionale që të nxirret ndonjë konkluzion i shpejtë.

[Neferta]

Pranvera Arabe

Arabia Saudite shënoi reforma historike.

Mbreti Abdullah deklaroi se këtej e tutje gratë mund të bëhen anëtare të Këshillit Konsultativ të Arabisë Saudite dhe mund të konkurrojnë në zgjedhjet vendore.

Ndërkaq, Shtetet e Bashkuara të Amerikës bënë të ditur se këtë deklaratë e kanë pritur me kënaqësi.

Gratë saudite janë shumë herë më të privuara se ato në pjesën më të madhe të vendeve të tjera arabe.

Ato e kanë të ndaluar të drejtojnë një automjet, apo të udhëtojnë të pashoqëruara.

Gratë arabo-saudite nuk gëzojnë as të drejtën për t'u zgjedhur.

Për më tepër, një grua saudite nuk mund as të operohet për shëndetin e saj pa marrë leje nga babai, bashkëshorti, apo vëllai.

Mirëpo deklarata e fundit e Mbretit Abdullah ndez dritën jeshile për një revolucion.

Gratë saudite këtej e tutje do të jenë pjesë e udhëheqjes.

Në legjislaturën e radhës do mund të zgjidhen në Këshillin Konsultativ me 150 anëtarë, të cilët luajnë rolin e këshilltarit të mbretit dhe hartojnë projektligje.

Anëtarët e Këshillit Konsultativ emërohen drejtpërdrejtë nga mbreti, emrat në listën e të cilit janë ende të panjohur.

Risitë në Arabinë Saudite nuk mbeten vetëm me kaq.

Gratë jo vetëm që do të kenë të drejtën e votës, por edhe do mund të hedhin kandidaturën për zgjedhjet vendore.

Ndërkaq, zgjedhjet e para pas kësaj deklarate të Mbretit të Arabisë Saudite do të zhvillohen në vitin 2015.

[Neferta]

Gazetares në Meksikë i hiqet koka


Amnesty International ka alarmuar për një masakër të vërtetë në Meksikë. Një kartel droge ka prerë kokën dhe pjesët e trupit të redaktores së Primera Hora Maria Elizabeth Macias, në Nuevo Laredo.
Gazetarja kishte përdorur median sociale për të raportuar për dhunën e kartelit lokal të drogës Los Zetas. Trupi i saj i ndarë në disa pjesë u gjet pranë një lumi. Ajo përdorte nofkën “La nena de Laredo” (Vajza nga Laredo), për të raportuar për aktivitetin dhe vendndodhjen e antarëve të bandës së drogës.
Dy persona të rinj, një djalë e një vajzë u mbytën dhe u varën në një urë javën e kaluar pasi që raportuan në mediat sociale për grupin e njëjtë.
Këmbët e gazetares u gjuajtën në bari, kurse koka e saj u vendos në një makinë kositëse bashkë me një monitor, mausin dhe dëgjueset e kompjuterit. Pranë pjesë të trupit u la një mesazh në emër të organizatës që të mos përdoret interneti për t’i denoncuar sepse do të përfundonin ngjashëm.
Që nga vitit 2000, 70 gazetarë janë vrarë në Meksikë dhe 13 të tjerë konsiderohen të zhdukur.