SE PARI KOSOVA... per t´a vjedhe

[Adil Kosovari]

Preteni: Ministri merr para “dorë mas dore”

Prishtinë, 18 dhjetor - Kreu i Agjencisë Kundër Korrupsionit, Hasan Preteni, në një fjalim të tij drejtuar studentëve në institutin “Pjetër Budi”, ka shpjeguar se si po kryhen veprat korruptuese në vend. Ai iu ka treguar atyre se çka është haraçi, kur ia nisën politikanët t’i mbushin xhepat me para, si dhe për mënyrën se si ministrat marrin para kesh nga ata të cilëve u kryejnë favore. Sipas Pretenit, politikanët e vendit janë duke u pasuruar në mënyrë enorme dhe këtë pasuri po kanë komoditet edhe ta deklarojnë në formularët e deklarimit të pasurisë.
“Nuk kemi mekanizma institucionalë që të korruptuarve t’ua bëjmë jetën më të vështirë. Pasi nuk frikohen nga Zoti, bile në tokë t’ua vështirësojmë jetën”, ka thënë Preteni, i cili është ankuar në sistemin gjyqësor, i cili, sipas tij, që dhjetë vjet nuk ka shqiptuar asnjë dënim për raste të mëdha korruptuese.
“Do raste të vogla po kryhen, por rastet e mëdha të korrupsionit nuk preken”, ka thënë Preteni. Ai iu ka shpjeguar studentëve edhe mënyrën sesi po korruptohen zyrtarët e lartë publikë.
“Në momentin e lidhjes së kontratës po jepet haraçi për zyrtarë të lartë. Kjo shkon dorë mas dore. Ministri as që e sheh personin i cili ka dhënë paratë, por me ndërmjetës po kryhen këto punë”, ka deklaruar Preteni. Sipas tij, paratë udhëheqësve të shtetit po u jepen “kesh”, pasi po të ndodhte që të derdheshin nëpër xhirollogari do të ziheshin lehtë, pasi Qendra e Inteligjencës Financiare merr raporte ditore nga bankat.
“Me ato para që i marrin dorë mas dore politikanët po blejnë shtëpi luksoze e vetura. Nëse do ta kishin hapur ndonjë fabrikë private me to, bile ua kish pa hairin dikush”, ka deklaruar Preteni, i cili ka vendosur ta citojë kryeministrin italian Silvio Berlusconi, i cili kishte deklaruar se “U tregoj të gjithëve sesi i kam bërë të gjithë milionat, por mos më pyesni vetëm si e kam bërë milionin e parë”. Kreu i Agjencisë Kundër Korrupsionit ka deklaruar se fokusi i tij do të jetë në dhënien e kritikave për sistemin gjyqësor, pasi ky dikaster ka çuar deri te ajo që zyrtarët e lartë të deklarojnë vila e vetura luksoze edhe në Kundërkorrupsion pa u mërzitur se dikush do të merrej me ta.
“Deklarojnë vila e vetura luksoze. Zyrtari i lartë me rrogë 1 mijë euro jep dhurata vetura luksoze, e këto as që i fshehin, pasi nuk ka kush t’i dënojë”, ka thënë Preteni. Ai ka kërkuar ndarje më të madhe të buxhetit për organizata hetuese, siç janë Kundërkorrupsioni e Prokuroria.
“Kryeprokurori i Kosovës në zyre të tij nuk ka mundësi të ofrojë diçka më shumë sesa një lëng që e mban në frigorifer, pasi nuk ka mjete as për kafe. Ky ndoshta është shembull banal, por e tregon më së miri mungesën e stimulimit”, ka theksuar ai. Preteni iu ka thënë studentëve se politikanët kanë nisur t’i mbushin xhepat që nga koha e fondit të “3-përqindëshit” e fondit “Vendlindja Thërret”. Sipas tij, ka zyrtarë publikë që shkruan në formular se ka shtëpi të madhe, të cilën e ka bërë gjatë punës në Zvicër, ndërsa kur verifikohet se ku ka punuar, del se ka qenë pjesë e këtyre fondeve. Ai ka marrë shembull vendet si Kroacia e Sllovenia ku janë në burg apo hetohen për korrupsion ministra e kryeministra. Kjo, sipas tij, duhet të ndodhë edhe në Kosovë.
“Janez Jansha ka qenë njeri që ka bërë shumë për Slloveninë, por në momentin kur është implikuar në shpërdorimin e fondeve kanë nisur hetimet ndaj tij. Askush nuk duhet të amnistohet nga kryerja e veprës korruptuese”, ka thënë Preteni.

[Guri i madh]

Shkruajnë “Hajn” në bilbordin e Thaçit, arrestohen (Video)

Publikuar: E premte, më 17 dhjetor 2010


Prishtinë, 17 dhjetor (E plotësuar) – Të premten, në orët e pasdites, aktivistët e Vetëvendosjes ndërmorën një aksion, me qëllim të demaskimit të plotë të partisë në pushtet dhe liderit të saj në procesin zgjedhor të së dielës, me ç’rast janë shkruar parullat “hajn”, “vjedhës” dhe “së pari ta vjedhim Kosovën”, në bilbordat e PDK-së dhe Hashim Thacit, nëpër qytetin e Prishtinës. Në aksion e sipër, në orën 16:20, tek fontana në lagjen Ulpiana, njësitë e Policisë së Kosovës kanë intervenuar dhunshëm kundër aktivistëve, duke përdorur sprej lotsjellës dhe dhunë fizike ndaj tyre. Me këtë rast janë arrestuar aktivistët Frashër Krasniqi, Zgjim Hyseni, Valdrin Ahmeti dhe Nol Nushi.
Në orën 16:45 policia gjithashtu konfiskoi edhe furgonin e kësaj lëvizje. Me anë të një komunikate për medie, Vetëvendosje ka dënuar dhunën e përdorur ndaj aktivistëve nga ana e policisë dhe intervenimin policor e ka cilësuat si shërbim ndaj atyre që, në të vërtetë, e kanë shkelur ligjin duke manipuluar me votën e popullit.
l


Aksioni 17 dhjetor 2010.flv

[Oqeani]

Sa zor u ba me e shprehe realitetin ne kete Kosove te mjere - haj medet medet ... Ani se nuk kan rrejte ata - kan treguar se çfar eshte !! Ku ku po me mshelin bre edhe mua !!!

[Guri i madh]

Postimi origjinal është bërë nga Oqeani

Sa zor u ba me e shprehe realitetin ne kete Kosove te mjere - haj medet medet ... Ani se nuk kan rrejte ata - kan treguar se çfar eshte !! Ku ku po me mshelin bre edhe mua !!!

ky hashimi u ba si augusto pinoqeti i dhunshem kur manifestohet realiteti

[Oqeani]

Postimi origjinal është bërë nga Guri i madh

ky hashimi u ba si augusto pinoqeti i dhunshem kur manifestohet realiteti

Po po me shiptar po, le te shkoje ne Mitrovicen Veriore ia kallin b.... shkinija !!
Atje xhixha !!!

[Guri i madh]

Postimi origjinal është bërë nga Oqeani

Po po me shiptar po, le te shkoje ne Mitrovicen Veriore ia kallin b.... shkinija !!
Atje xhixha !!!

ne veri esht ftoft e per ata po priton me ja msye andej

[Oqeani]

Postimi origjinal është bërë nga Guri i madh

Shkruajnë “Hajn” në bilbordin e Thaçit, arrestohen (Video)

Publikuar: E premte, më 17 dhjetor 2010


Prishtinë, 17 dhjetor (E plotësuar) – Të premten, në orët e pasdites, aktivistët e Vetëvendosjes ndërmorën një aksion, me qëllim të demaskimit të plotë të partisë në pushtet dhe liderit të saj në procesin zgjedhor të së dielës, me ç’rast janë shkruar parullat “hajn”, “vjedhës” dhe “së pari ta vjedhim Kosovën”, në bilbordat e PDK-së dhe Hashim Thacit, nëpër qytetin e Prishtinës. Në aksion e sipër, në orën 16:20, tek fontana në lagjen Ulpiana, njësitë e Policisë së Kosovës kanë intervenuar dhunshëm kundër aktivistëve, duke përdorur sprej lotsjellës dhe dhunë fizike ndaj tyre. Me këtë rast janë arrestuar aktivistët Frashër Krasniqi, Zgjim Hyseni, Valdrin Ahmeti dhe Nol Nushi.
Në orën 16:45 policia gjithashtu konfiskoi edhe furgonin e kësaj lëvizje. Me anë të një komunikate për medie, Vetëvendosje ka dënuar dhunën e përdorur ndaj aktivistëve nga ana e policisë dhe intervenimin policor e ka cilësuat si shërbim ndaj atyre që, në të vërtetë, e kanë shkelur ligjin duke manipuluar me votën e popullit.
l


Aksioni 17 dhjetor 2010.flv

Ka me i mbete kjo "HISTORI" per nipin e nipit me e dite se çfar e kan vleresuar !!!

[Oqeani]

Postimi origjinal është bërë nga Guri i madh

ne veri esht ftoft e per ata po priton me ja msye andej

E po, atje ia shtine "arrat" ne akull !!!!

[Gentiani]

kane sa kane vjedhur se qitash, pernime eshte ka ju futet k..amata qityne hejnave... ama keta duhet me sistem te shkulen me rrenje edhe ate, jo vetem siperfaqesisht.

[shfletuesi_]

Qfar burrash jeni ju qe e leni hajnin me ju vjedh eu medet.... :) Valla bre me zan njerin ka mvjedh se kish qel sabahi. e ju po e nxani e apet spo keni qka i bani.

[shfletuesi_]

Postimi origjinal është bërë nga Oqeani

Po po me shiptar po, le te shkoje ne Mitrovicen Veriore ia kallin b.... shkinija !!
Atje xhixha !!!

Kurr ma drejt nuk ke fole te lumshin gishtat o Oqeani, bash ashtu eshte se kembe e aktivisteve Vetvendosje kurr nuk ka shkel ne Mitrovicen Verirore te ju tregojn atyre qe ata jan duke bere probleme ne kosove dhe ne ballkan. Po shkojn bejn gjeste te pa hishme ku demokracia per disa disa eshte e keqperdorur ne kete rast aktivistet e vetvendosjes ku sipas mendimit tim jan thjesht nje vegel dhe e dikujt qe nuk ja do te miren Kusuves.

[Adil Kosovari]

Kameleoni Kosovar


Nga Enver Robelli
- Prej Kremlinit në Kosovë: Rruga e gjatë e Behgjet Pacollit drejt zenitit politik
„Vëllezër e motra, unë kam ardhur t’ju ndihmoj“. Me këto fjalë, të përsëritura shpesh, Behgjet Pacolli para tri vitesh vendosi këmbët në skenën e rrëshqitshme politike të Kosovës. Atëbotë ky sipërmarrës i njohur kryesisht si ndërtimtar formalisht u largua nga atdheu i tij i dytë, nga Zvicra, më konkretisht nga kantoni i Tiçinos në kufi me Italinë. Erdhi në Kosovë dhe themeloi Aleancën Kosova e Re. Sipas fjalëve të kritikëve, të cilat s’është e thënë të jenë të pavërteta, partinë e Pacollit e themeloi inxhinieri i pushtetit Hashim Thaçi me një grup „gazetarësh“ lojalë, pak duke ia bërë qejfin ardhacakut të pasur, pak duke i premtuar se do të marrë një pjesë nga kulaçi i pushtetit. Në vitin 2007 shumë njerëz ishin të prirë t’i besonin retorikës pseudosociale të Pacollit. Lidhja Demokratike e Kosovës ishte e dobësuar nga përçarja dhe nga impotenca politike e krerëve të saj, një pjesë e të cilëve edhe sot vazhdojnë të jenë vendimmarrës. Jo pak zgjedhës kërkonin një vatër të re politike. Për ata që Thaçi s’ishte alternativë, por as LDK, Pacolli ishte aventura që ia vlente të provohej. Hyrja në Kuvendin e Kosovës për partinë e Pacollit ishte e lehtë. I fitoi 13 vende. Për shumë kosovarë, të cilët jetojnë në mjerim social, Pacolli konsiderohej si „bacë“ me qëllime të mira. Ky ishte ai njeriu që kishte bërë emër duke dhënë kontribute për shërimin e njerëzve jashtë vendit, duke punësuar shqiptarë nëpër kantiere të stepave aziatike etj. Në prag të zgjedhjeve të vitit 2007 Pacolli deklaroi një pasuri prej 400 milionë euro. Njerëzit mendonin: Një njeri i tillë po vinte në këtë vend në një mision – gjoja – altruist. Shumë bukur tingëllonte fraza: „Vëllezër e motra, unë kam ardhur t’ju ndihmoj“. Nëntoni i saj ishte: Të tjerët synojnë pushtetin për t’ju vjedhur.
Paterica e Hashim Th.
Megjithëkëtë, Pacolli s’arriti të katapultohej në pushtet. Ishte edhe interes i bashkësisë ndërkombëtare që në fazën e shpalljes së pavarësisë pushtetin ta përbënin Partia Demokratike e Kosovës dhe Lidhja Demokratike e Kosovës, në krye me çiftin Hashim Thaçi dhe Fatmir Sejdiu. Gjatë tri viteve në opozitë Pacolli sikur e konfirmoi atë që e kishin supozuar kritikët: Partia e tij s’u dëshmua si forcë opozitare, por si patericë e PDK-së. Edhe kur e kritikonin Thaçin deputetët e AKR-së, gjithçka tingëllonte si kritikë e kalkuluar. Kur Thaçit i duheshin vota për ta bërë Radio-Televizionin e Kosovës megafon shtetëror në shërbim të PDK-së, të parët që i dolën në ndihmë ishin deputetët e AKR-së. Votuan për një bord të RTK-së, që përbëhet kryesisht prej anëtarëve që s’u dëgjohet zëri kurrë dhe të cilët janë të lumtur që nga buxheti i Kosovës marrin një rrogë. Gjatë tri viteve në opozitë disa deputetë të ARK-së kaluan në parti të tjera.
Partia-patericë e Pacollit e pagoi çmimin në të ashtuquajturat zgjedhje parlamentare të 12 dhjetorit. Pacolli humbi mjaft mbështetës. Premtimet e tij se do të krijojë vende pune, se do të ndërtojë spitale dhe do ta afrojë vendin me Evropën Perëndimore nuk tingëlluan të besueshme si në vitin 2007. Simbol i aleancës së tij me Thaçin ishte tenderi për sanimin e ndërtesës së „Rilindjes“, pesha financiare e të cilit ishte 15 milionë euro. Me këto para mbase do të mund të ndërtoheshin dy godina të tilla në Prishtinë.
Për kritikët e Pacollit tenderi i „Rilindjes“ ishte edhe një dëshmi se kosovari me pasaportë zvicerane erdhi në Kosovë, në radhë të parë, për interesa të tij si sipërmarrës. Në këtë kuptim kyçja e tij në politikë shikohet vetëm si përpjekje për t’u pajisur me pushtet, në mënyrë që të sigurojë tenderë dhe të ketë pozitë të fuqishme në privatizimin e ndërmarrjeve në pronësi shtetërore. Gjatë fushatës Pacolli shpalli ambicien e tij tashmë të ditur për t’u bërë president i Kosovës. Kjo s’është për t’u habitur, sepse në karrierën e tij si biznesmen Pacolli ka pasur rastin të takojë dhe të ketë punë me disa kryetarë shtetesh autokratike, me Boris Jelcinin e Rusisë dhe me atë të Kazakistanit, Nursulltan Nazarbajev.
Imamët e Pacollit
Në fushatën paraelektorale Pacolli arriti t’i sjellë në anijen e tij politike disa parti të vogla, madje edhe një grupacion islamist, i cili hapur propagandon përdhosjen e islamit tradicional shqiptar dhe kërkon imitimin e islamit rigjid të shkretëtirave të Arabisë Saudite. Me ndihmën e Pacollit islamistët politikë synojnë të shkelin shtetin laik, të rregullojnë me ligj bartjen e shamisë në institucione shtetërore dhe të ndërtojnë në Prishtinë qendrën më të madhe islamike në Ballkan. Për herë të parë në historinë e Kosovës imamë ekstremistë nuk ngurruan të dalin publikisht dhe të përzihen në politikë, duke deklaruar se është mëkat të votohet për parti të tjera përveç partisë së Pacollit. Me këtë aleancë Pacolli tregoi se është një kameleon politik. Nga njëra anë përkrahës i kërkesave të islamit ekstrem, nga ana tjetër kozmopolit, që flet disa gjuhë. Për politikën e brendshme kosovare Pacolli nuk ka treguar ndonjë interes. Skena e preferuar e tij është politika e jashtme. Në Prishtinë ka mjaft gazetarë sahanlëpirës që mezi presin t’i bëjnë elozhe, kur Pacolli lobon për njohjen e pavarësisë nga Tuvalu, Hondurasi, Maldivet dhe Libia. Shpesh është e paqartë nëse Pacolli në këto misione lobon për njohje apo për firmën e tij.
Si shumë shqiptarë të Kosovës edhe Pacolli emigroi para më shumë se tri deceniesh në Evropën Perëndimore. Në Hamburg ndoqi mësimet në një shkollë tregtare, pastaj punoi në Austri dhe në Zvicër. Më 1991 themeloi në Lugano të Zvicrës firmën ndërtimore Mabetex dhe shpejt arriti sukses në Rusi: Atje ndërtoi fabrika, klinika, hotele, ndërtesa administrate. I famshëm u bë me renovimin e Kremlinit. Në kohërat e mira qarkullimi vjetor i grupit Mabetex arrinte mbi gjysmë miliardë euro në vit.
Akuza të rënda
Në vitin 1999 në selinë e firmës Mabetex në Lugano-Paradiso erdhi befasisht një mysafire e paftuar: Carla Del Ponte. Prokurorja e atëhershme federale e Zvicrës e mori Pacollin në pyetje dhe e fajësoi se përmes Hungarisë i kishte transferuar Boris Jelcinit një milion euro. Po ashtu Pacolli dyshohej se kishte ndërmjetësuar në pajisjen e vajzave të Jelcinit me kartela kredie. Kështu Pacolli, sipas mediave zvicerane, dëshironte të tregohej mirënjohës për tenderët, të cilët ia kishte dhënë Kremlini. Më vonë drejtësia në Gjenevë e akuzoi Pacollin për shpëlarje parash. Më tutje autoritetet zvicerane nuk arritën, sepse drejtësia ruse s’shihte asgjë joligjore në veprimtarinë e Pacollit dhe i bllokoi hetimet. Raportet me Rusinë dhe Kazakistanin nuk janë aq favorizuese për karrierën politike të Pacollit në Kosovë. Këto shtete refuzojnë të pranojnë pavarësinë e Kosovës. Edhe një episod tjetër nga jetëshkrimi i Pacollit mund të jetë pengesë për ambiciet e tij presidenciale në Prishtinë. Në vitin 1998, pak ditë pas masakrës ndaj familjes së Adem Jasharit në Drenicë, Pacolli kishte udhëtuar në Moskë. Siç ka treguar vetë, në Kremlin ai u takua me liderët rusë, të cilët e kishin bindur të shkojë në Beograd dhe Prishtinë si ndërmjetësues „për të ndalur gjakderdhjen“. I gjendur nën presionin rus despoti serb Slobodan Milosheviq kishte pranuar të takohej me Pacollin dhe t’i shpreh atij gatishmërinë për negociata me shqiptarët e Kosovës, por pa ndërmjetësim ndërkombëtar!
Fehmi Agani kundër Rusisë
Pas takimit me Milosheviqin, Pacolli në mars 1998 fluturoi në Prishtinë, ku autoritetet e atëhershme serbe ia hapën aeroportin pas mesnatës. Erdhi në shtëpinë e tij në Hajvali dhe i ftoi në takim Ibrahim Rugovën, Fehmi Aganin, Mahmut Bakallin dhe Shkëlzen Maliqin. (Këta emra i ka përmendur Pacolli në bisedë me autorin e këtij shkrimi). Rugova s’kishte shkuar në takim. Gjithë misionin e Pacollit, ndërkaq, e kishte „prishur“ sidomos Fehmi Agani, i cili atëbotë ishte strategu kryesor politik i LDK-së. Agani s’kishte pranuar që një delegacion i Kosovës të shkojë në Beograd, të takohet me Milosheviqin dhe të nënshkruajë një deklaratë, ku përfaqësuesit e Prishtinës do të theksonin se nuk ka nevojë për ndërmjetësim ndërkombëtar dhe se për zgjidhjen e problemeve do të bisedojnë bilateralisht me Serbinë. Qëllimi i nismës ruse ishte i qartë: Të mashtrohen shqiptarët dhe të pranojnë biseda bilaterale me Serbinë. Në këtë mënyrë nga procesi për pavarësimin e Kosovës do të përjashtoheshin Shtetet e Bashkuara të Amerikës dhe vendet kryesore të Evropës, të cilat çliruan Kosovën. Me apo pa vetëdije Pacolli atëbotë u bë instrument i politikës ruse. Ndoshta nga naiviteti. Ka mjaft raste kur biznesmenë të suksesshëm janë politikanë naiv. Tani është çështje e shoqërisë së Kosovës nëse është e gatshme të pranojë në krye të vendit një politikan naiv si Pacolli. Hashim Thaçi në këtë drejtim nuk ka asnjë skrupull, siç nuk pati as kur organizoi, siç thanë diplomatët perëndimorë, „vjedhjen industriale të votave“ më 12 dhjetor.

[GURI SYLAJ]

Shkrim shume i qelluar dhe ne kohe te duhur .Ky eshte njeri prej mekateve fillestare te Pacollit .Ka edhe tjera qe ju vjen era.
Nese Thaqi bie ne kete lak atehere duhet te behet gati per nje loje tjeter me aktore tjere.
Ndoshta ky edhe eshte qellimi i Raportit te Martit!!???

[Makresh]

Interesant se si e zhvillojn imagjinaten ekstremistat e ldk-ës qe per mua jan debila brut, te pagdhendur, thjesht te pares klas, vetem e vetem qe nje parti tjeter te mos vendoset ne pushtet ! Un isha kunder thaqit, bile isha teper i deshpruar qe fitoi perseri, por nese ky ka qen vullneti i popullit, ateher na qoft per hajr se s'mund t'ia bejm ndryshe ! Un jetoi me moton qe nga cdo e keqe del nga nje e mir, psh : Sa ishte I.Rugova ne pushtet, asgje te hajrit s'ka be ! Amu bash asgje, thjesht si stupc ka qendruar ne fotelin e tij saqe ke tu ma prish edhe moton :p. Hasha nime ka vjedhe, e ka bo dallavere po sa 10 here qeveria e ldk-ës ka punue dhe prap nuk eshte e mjaftueshme per buxhetin dhe kushtet qe i posedonte kosova sidomos menjeher pas shpalljes se "pavarësis". Tash qe populli e votoi perseri, s'di cfar t'themi,.. fajin kryesor per gjendjen kaotike e ka vet mentaliteti klanor i kosoves.

[GURI SYLAJ]

Shkrimet tona jan pasqyre ku te tjeret n'a shohin por ku ,here pas here ,edhe ne duhet t'a shohim veteveten!
Ai qe mendon se din gjithecka ,ne te vertete, ai nuk din asgje!!!!