Zvicra (Kosova) kundër Shqipërisë (Kosovës)

[LOJETARI]

Zvicra dhe Shqipëria po garojnë për të fituar biletën për kampionatin botëror “Brazili 2014”, ndërkaq në përballjen e tyre direkte, e cila zhvillohet nesër mbrëma në Luzern, do të zbresin në fushë 12 futbollistë nga Kosova.

Federata e Futbollit të Kosovës po orvatet në vazhdimësi për t’u inkuadruar në FIFA, për të fituar të drejtën e garimit në arenën ndërkombëtare. Por e rëndësishme është se futbollistët shqiptar nga Kosova me prezencën e tyre po lënë gjurmë në futbollin botëror. 12 futbollistët pritet të paraqitën në derbin e xhiros së dytë të Grupit E, edhe pse të ndrag në dy përfaqësuese. Derisa Xherdan Shaqiri me shok garon për Zvicrën, kapiteni i kombëtares kuqezi është një futbollistët tjetër nga Kosova, Lorik Cana.

Duka: Xhakës t’i vijë turp



Futbollisti shqiptar, Granit Xhaka ka thënë disa ditë më parë se do të tentojë të shënojë ndaj Shqipërisë, por edhe pse ka shtuar se nuk do të festojë, e ka irrituar kryetarin e Federatës Shqiptare të Futbollit, Armand Duka. Ai ka thënë se takimi me Zvicrën do të jetë si gjithë të tjerët, ndërkaq Xhaka duhet ta dijë nga vjen. “Nuk më intereson asnjë lojtar i kombëtares zvicerane. Për mua ajo është ndeshje që konsiderohet si takim i radhës dhe ndaj një kundërshtari shumë të fortë. Një kundërshtari pjesërisht shqipfolës. Xhakës duhet t’i vijë turp që mendon t’i shënojë skuadrës që mban emrin e vendlindjes së gjyshit të tij”, ka thënë Duka.