Lajme nga Mjekesia

[Naki]

Zbulohet vaksina anti-Alzheimer

Quhet (1-11) E2 dhe është një vaksinë e brezit të ri, në gjendje të shkaktojë një përgjigje imunitare ndaj beta-amiloidit, fillesa e Alzheimerit që i shkakton dëm trurit.
Zbulimi është bërë nga dy institute kërkimore italiane dhe është publikuar në revistat më prestigjoze shkencore, “Immunology” dhe “Cell Biology”.
Aktualisht, bëjnë të ditur revistat në fjalë, studiuesit italianë po e testojnë vaksinën e re tek minjtë, duke qenë se zinxhiri i tyre gjenetik është më i ngjashmi me atë të njeriut.

VOA

[Naki]

Teori e re për trurin tonë






Publikuar: 03.02.2012 - 10:18,Koha ditore


Të folurit e njeriut është i lidhur me pjesë krejt të ndryshme të trurit sesa që kanë menduar shkencëtarët. Pjesa që merret me të folurit është tri centimetra afër qendrës së trurit, një distancë e madhe në brendi të organit kompleks.

Pothuajse të gjitha librat me tekste dhe imazhe të trurit dhe gjithçka që përfshijnë imazhet e kërkuara në ‘google’ për trurin– janë të gabuara, kanë zbuluar shkencëtarët. Gjetjet e fundit tregojnë që kemi më shumë ngjashmëri me majmunët sesa që kemi menduar.

“Qendra e të folurit” në tru mendohej se ishte diçka që na dallonte nga më të afërmit tanë evolutivë, por në fakt është e ngjashme në të dyja rastet. Është zbuluar që origjina e gjuhës së majmunit dhe njeriut do të duhej të riekzaminohej.

“Shkencëtarët prej kohësh kanë thënë se të folurit e njerëzve është unik. Ata kanë thënë se majmunët krijojnë tinguj komunikimi por fakti që ata nuk e kanë të njëjtën gjuhë të elaboruar sikurse që e kemi ne vjen për shkak se ndodhet në qendra të ndryshme procesimi të trurit”, ka thënë Rauschecker.

“Ky zbulim sugjeron që arkitektura dhe procesimi midis dy specieve janë më të ngjashme se që kanë menduar njerëzit”. Shkencëtarët prej kohësh kanë besuar se të folurit e njeriut procesohet në korteksin e pasmë cerebral të trurit, prapa korteksit auditor ku pranohen të gjithë tingujt – në vendin që është i famshëm si ‘zona e Wernicke’ pasi neurologu gjerman e propozoi këtë në vitin 1800 bazuar në studimin e tij për sulmet dhe lëndimet e trurit.

Por tani hulumtimet që kanë analizuar më shumë se 100 imazhe konkludojnë që zona e Wernickes është në lokacion të gabuar. Vendi i ri i identifikuar ndodhet rreth tri centimetra në afërsi të pjesës së përparme të trurit dhe në anën tjetër të korteksit auditor – me milje larg në kuptim të arkitekturës dhe funksionimit të trurit.

Zbulimi, i publikuar “online” këtë javë në “Proceedings of the National Academy of Scienes” (PNAS), nënkupton që “tekstet tani duhet të rishkruhen”, ka thënë Josef Rauscheker, profesor në departamentin e neurologjisë në “Georgetown University Medical Centre” (GUMC). “I kemi hedhur poshtë teoritë e vjetra”, ka thënë Rauscehchker, i cili po ashtu është anëtar i institutit “Georgetown Institute for Cognitive and Computional Sciences”.

“Nëse kërkoni në Google për “organizimin e gjuhës në tru”, me siguri që çdo vizatim ilustrues është i gabuar”, ka thënë autori kryesor, Iain DeWitt, i cili është kandidat për doktoraturë në “Georgetown Interdisciplinary Program in Neuroscience”.

Ky zbulim ka rëndësi, ka thënë Rauschechker, sepse lokacioni i ri i zonës Wernicke sugjeron që origjina e gjuhëve të njerëzve dhe majmunëve është shumë më afër sesa e kemi menduar”.Duke e ditur se zona e Wernickes është në pjesën e përparme të korteksit auditor, mund të ofrohen njohuri klinike për pacientët që vuajnë nga dëmtimi i trurit, siç janë sulmet ose ngecjet në të folur. “Nëse një pacient nuk mund të flasë, ose të kuptojë të folurit, ne tani kemi një ide se ku mund të ketë ndodhur dëmtimi”, ka thënë ai. Rauschecker dhe DeWitt kanë kërkuar në literaturën shkencore për studime dhe kanë investiguar perceptimin e të folurit te qeniet njerëzore duke përdorur metoda të ndryshme të skanimit, madje edhe ato të rezonancës funksionale magnetike për imazhe si dhe tomografinë me emetim të pozitroneve (positron emission tomography – PET). Ata kanë gjetur 115 studime të imazheve trunore për perceptimin e gjuhës në tru, në të cilat në përgjithësi janë përfshirë mbi 1 mijë e 900 kandidatë.

[Naki]

Si na e shkatërron interneti kujtesën?


02-02-2012 10:32 CET Zeri Info



Shumica nga ne kanë qasje të vazhdueshme në informacione. Jemi mësuar për të tërat që na interesojnë të kontrollojmë në internet dhe menjëherë të marrim përgjigje, pa marrë parasysh se për cilën fushë bëhet fjalë. Natyrisht, ruajtja e informacioneve jashtë trurit tonë nuk është asgjë e re.
Por, sot teknologjia kompjuterike dhe e telekomunikimit aq shumë e kanë ndryshuar mënyrën e përfitimit të informacionit sa që shumica pyesin: a do ta shkatërrojë interneti kujtesën tonë?. Ndër të tjera, pyesni, për shembull, cilat shtete e kanë vetëm një ngjyrë në flamur? Shumica e njerëzve nuk do të fillojnë të kujtojnë flamurët, por menjëherë do të fillojnë të mendojnë për atë se ku do të mund të gjenden të dhënat lidhur me këtë “online”.
Interneti e shkatërron “memorien interne”

Ne mund lirisht të themi se jemi në simbiozë me mjetet e kompjuterit tonë pasi që për çka na intereson drejtohemi kah ai. Për të flet edhe studimi më i ri të cilin e kanë zhvilluar profesorët e psikologjisë në universitetin “Columbia”, ata të “Wisconsin-Madison” dhe të universitetit “Harvard”.
Hulumtimi i tyre tregoi që kërkimi në internet e shkatërron “memorien tonë interne”. “Kur njerëzit e dinë që do të mund të kenë qasje në informacione, ata në masë të vogël do ta kujtojnë vetë informacionin, ndërsa më shumë do të mendojnë ku do ta gjejnë atë.
Me fjalë të tjera, në vend që t’i rikujtojnë emrat e presidentëve amerikan, njerëzit do të mundohen t’i gjejnë emrat e tyre në ‘Google’ (memoria e jashtme)”, shkruajnë shkencëtarët. “Interneti është bërë forma primare e memories sonë të jashtme, ndërsa informacionet ruhen kolektivisht, jashtë nesh”, thuhet më tutje në këtë hulumtim.
A na “marros” Google?
Në artikullin nga viti 2008 me titull “A na bën ‘Google’ budalla?” të autorit Nicholas G. Carr ai i kritikoi efektin të cilin interneti e ka në aftësinë tonë të të kuptuarit.
Argumenti i tij kryesor ishte që interneti e zvogëlon “kapacitetin tonë për përqendrim dhe meditimit”. Edhe përkundër këtij titulli, artikulli nuk ishte drejtuar posaçërisht në “Google”, por në efektet që i sjellë interneti, World Wide Web.
“Dikur kam qenë zhytës në detin e fjalëve. Sot rrëshqas nëpër sipërfaqe si ngasës i jet skijave”, kishte shkruar Carr duke komentuar faktin se forma e leximit në internet është kryesisht “më e cekët se sa leximi i librave të shtypur”, për të cilat ai beson që ofrojnë “formë më intensive dhe më të qëndrueshme të leximit”.
Carr si duket vetëm deshi ta tërheq vëmendjen e opinionit në ndryshimet e thella në lexim deri te të cilat solli përdorimi i internetit. Për shembull, e kritikoi faktin që përdoruesit e internetit më së shumti lexojnë forma të shkurta, siç janë titujt dhe përmbajtjet.

[Naki]

Zbulohet kompjuter që mendimet i kthen në fjalë

Kaliforni


Kjo duket të jetë si një film fantastiko-shkencor, por është realitet. Shkencëtarët besojnë se kanë gjetur rrugën për të lexuar mendjen, duke përdorur një program kompjuterik që mund të dekodojë aktivitetin e trurit dhe ta përkthejë atë në fjalë.

Shkencëtarët thonë se kjo teknikë do ndihmojë për të kuptuar e më pas luftuar disa sëmundje, por ekziston një frikë se programi mund të përdoret edhe për qëllime të tjera.
Neuroshkencëtarët e universitetit Berkeley në Kaliforni kanë vendosur elektroda në kafkat e pacientëve për të monitoruar informacionin në lobin temporal.
Kur pacientët dëgjonin dikë duke folur, programi analizonte se si truri procesonte dhe më pas riprodhonte fjalët që dëgjoheshin.

[Zero Cool]

Në dimër më shumë ndjenja negative


Një person i ftohtë, si nga ana sociale dhe fizike është një person i vetmuar.
Kur jetohet në vetmi edhe temperatura e trupit ulet shumë. E mbështesin këtë teori një grup kërkuesish të Rotman School of Management të Universitetit të Torontos në një studim të publikuar në revistën “Shkenca e Psikologjisë”.

Teza e mbajtur nga kërkuesit tregon se ekziston një lidhje shumë e thellë me perceptimit të temperaturës dhe gjendjes psikologjike. Për të arritur në këtë teori kërkuesit kanë bërë dy eksperimente.
Një grupi vullnetarësh iu kërkua të kujtonin një eksperiencë përjashtimi dhe vlerësimi në shoqëri dhe të provonin të masnin temperaturën e ambientit në të cilat janë gjendur kur kanë provuar atë eksperiencë. Ai që kujtonte një eksperiencë përjashtimi ka deklaruar se ka perceptuar më shumë ftohtësi.

Në eksperimentin e dytë, përkundrazi, vullnetarët kanë luajtur së bashku me një top nëpërmjet stimulimit me kompjuter. Disa prej tyre, janë përjashtuar disa herë nga loja, ndërkohë që disa të tjera kanë fituar shumë herë topin. Menjëherë më pas, kërkuesit kanë kërkuar më shumë ushqime dhe pije të nxehta, sikur të donin të kompensonin ndjenjën e të ftohtit të perceptuar për shkak të përjashtimit që kanë pësuar.

Sipas kërkuesve, kjo mund të shpjegojë përse shumë shpesh personat janë më të ekspozuar ndaj ndjenjave negative gjatë dimrit.

[Zero Cool]

Zbulohet vaksina kundër HIV-it?

Moskë, 9 shkurt - Virologjistët e Novosibirskut (Siberi Perndimore), pas një pune skrupuloze shumëvjeçare shkencore për gjetjen e vaksinës kundër virusit të mungesës së imunitetit njerëzor, kryen testet e para të saj, që rezultuan të suksesshme. Kjo vaksinë , siç bën të ditur “Zëri i Rusisë”, aktivizon sistemin imunitar, konfirmojnë specialistët e Qendrës Shkencore të Novosibirskut “Vektor”.

Në Rusi rasti i parë i sëmundjes së HIV-it u regjistrua në vitin 1986. Ndërsa në nëntor të vitit të kaluar u regjistruan 610 mijë persona të infektuar me virusin HIV/AIDS. Për këtë periudhë nga sëmundjet që bashkëshoqërojnë AIDS-in kanë gjetur vdekjen më shumë se 100 mijë njerëz. Të tilla rezultojnë të dhënat e Qendrës Federale ruse për Parandalimin dhe Luftën kundër AIDS-s (SIDA-s). Por kjo nuk është statistika e plotë. “Shumë qytetarë thjesht nuk dinë gjë mbi statusin e tyre”, - konfirmon Drejtori i Qendrës, akademiku Vadim Pokrovskij. Numri real i të prekurve nga kjo sëmundje mund të jetë dy herë më i madh, supozon ai.

Në Rusi testet, provat klinike të vaksinave të llojeve të ndryshme po zhvillohen në Shën Petersburg, Moskë dhe Novosibirsk, thotë Andrei Kozllov, Drejtor i Qendrës Biomedicinale peterburgase, e cila po merret që prej kohësh me zhvillimin e ADN-vaksinës kundër HIV-it:

- Historia e njerëzimit dëshmon qartë se epidemitë globale njeriu ka mundur t’i mposhtë vetëm me ndihmën e vaksinave. Fjalë bëhet, së pari, për vaksinën profilaktike, e cila do të parandalojë infeksionin. Kurse, së dyti, mbi preparatin e aktivizimit të imunitetit, mbi vaksinën terapeutike, e cila do ta bëjë trajtimin medikamentoz të pacientit më të përshtatshëm dhe me kosto më të ulët.

Ndërkohë në botë janë testuar disa dhjetëra vaksina. Por është ende e parakohshme që të raportohet mbi efektivitetin e tyre. Deri më sot nuk janë paraqitur kurrfarë raportesh të cilat të dëshmojnë mbi sukseset e virologjistëve që sintetizojnë preparate të tilla. Megjithatë, mjekët kanë shpresa të mëdha për në zhvillimin e vaksinave kundër HIV. Deri tani në botë njihet vetëm një rast i shërimit të kësaj sëmundje. Amerikani Timothy Ray Brown, i cili për shumë vite me radhë ka jetuar me këtë sëmundje të tmerrshme, ndërsa më pas mësoi se ka dhe leuçemi, në vitin 2007 iu nënshtrua në Gjermani transplantit të qelizave të palcës së eshtrave. Një vit më vonë analizat e bëra treguan se në organizmin e tij nuk ka më asnjë gjurmë të leuçemisë dhe virusit të mungesës së imunitetit njerëzor (HIV).

[Naki]

Aspirina bllokon përhapjen e tumoreve

Prishtinë, (Kosovapress) 19 Shkurt 2012 19:41


Aspirina ka efekte pozitive në luftën kundër kancerit. Ky është përfundimi në të cilin kanë arritur një grup studiuesish australianë. Studimi i kryer nga ekipi i Melbourne Peter MacCallum Cancer Center, i drejtuar nga Steven Stacker, është publikuar në revistën “Cancer”.

Sipas Stacker, molekulat si aspirina mund të jenë efektive në reduktimin e zgjerimit të enëve të gjakut, duke bërë në këtë mënyrë që aftësia e tumorit për t’u përhapur në organizëm të zvogëlohet.
Me fjalë të tjera, aspirina vepron si bllokuese e “shtegtimit” të sëmundjes përmes enëve limfatike, rrugët në të cilat qelizat kancerogjene përhapen zakonisht.
Zbulimi i ekipit australian mund të bëhet baza e terapive të reja onkologjike apo ilaçeve që bllokojnë zhvillimin e masave tumorale.
Këto medikamente të reja mund të luftojnë me sukses përhapjen e tumorit të gjirit apo prostatës, por mjekët theksojnë se aspirinia nuk duhet të përdoret si ilaç parandalues për tumoret.

[Naki]

Publikohen faktorët e rrezikut për sëmundjet në zemër

Uashington, (Kosovapress) 15 Shkurt 2012

Një studim i botuar ne revistën e shoqatës amerikane të mjekësisë “Jama”, tregon se kur një person përmban njëherësh disa nga faktorët e rrezikut për sëmundje në zemër, kjo është koha për t’u shqetësuar.



Sa prej këtyre fakorëve për sëmundje kardio-vaskulare janë:

• -kolesteroli
• -pirja e duhanit
• -diabeti
• -presioni gjakut

Me secilin nga këta faktorë, rreziku për të pësuar një goditje në zemër ose në tru rritet ndjeshëm, thuhet në studim.
Shkencëtarët shqyrtuan të dhënat e 17 studimeve të mëparëshme me rreth 250 mijë pjesmarrës.
Ata zbuluan se për 45 vjeçarët – me rrezikun e 1 problemi kardio-vaskulare rritet;1.4% .
Për ata me 2 ose më shumë faktorë rreziku 49.5%.
Rreziku i vdekjes rritur nga 9,1% në 32,5%.
Ndërsa 55 vjeçarët pa asnjë faktor rreziku kishin një rrezik 4,7% për vdekje nga sëmundje kardio-vaskulare.
Ky rrezik u rrit në 29.6% për personat 55 vjeçarë me me 2 ose më shumë faktorë rreziku.
Autorët e studimit thonë se trajtimi më agresiv i këtyre faktorëve mund të ndihmojë për parandalimin e sëmundjeve të zemrës para se ato të zhvillohen ose të shkaktojnë vdekje.

[Zero Cool]

BE-ja ka aprovuar ilaçin për melanomë


28.02.2012 22:58
Zelboraf është ilaçi i parë dhe i vetëm i bazuar në konceptin e terapisësë personalizuar, i cili jep rezultate në shërimin e melanomësmetastatike tek pacientët me mutacion të dëshmuar BRAF V600.

Komisionievropian për ilaçe ka aprovuar përdorimin e ilaçit për melanomë,Zelboraf, te pacientët e rritur si linjë e parë e terapisë të formës mëagresive të kancerit të lëkurës, ka deklaruar kompania Roche.

Nëdeklaratë theksohet që ky është ilaçi i parë dhe i vetëm i bazuar nëkonceptin e terapisë së personalizuar, i cili jep rezultate në shërimin emelanomës metastatike te pacientët me mutacion të dëshmuar BRAF V600.

Fjalaështë për llojin më vdekjeprurës të kancerit të lëkurës i cili shfaqetkur pigmentet e qelizave të lëkurës bëhen malinje, duke u rritur dhendarë me ritëm abnormal të shpejtë dhe duke u përhapur në shtresat elëkurës përreth.

Miratimit evropian i ka paraprirë miratimiamerikan për aplikimin e këtij ilaçi dhe testi i përshtatshëmdiagnostik, ndërsa ilaçi është regjistruar në Brazil, Izrael, Kanada,Zelandë të Re dhe Zvicër.


Kur melanoma diagnostikohet me kohëmund të bëhet fjalë për sëmundjen tërësisht të shërueshme. Megjithatë,nëse përhapet në pjesët tjera të trupit sëmundja bëhet agresive dhevdekjeprurëse.

Proteina BRAF është faktoi kyç i përfshirë në rrugën kontrolluese të shumimit normal të qelizës.

Diagnostifikimii mutacionit BRAF i mundëson mjekut që në mënyrë precize të përcaktojëtek cilët pacientë duhet të aplikohet ilaçi, respektivisht tek cilëtpacientë ilaçi do të jetë efikas, bëhet e ditur në deklaratë.

[Zero Cool]

Njerëzit ambiciozë jetojnë më pak se ata jo - ambiciozë!

Së fundi edhe një arsye me shumë që të mos mundoheni aq shumë në jetë: njerëzit ambiciozë vdesim më të rinj dhe më pak të lumtur nga homologët e tyre që janë më pak ambicioz. Shkencëtarisht e vërtetuar!

Ky është përfundimi i një studimi amerikan, i cili ka përfshirë gjithsej 717 pjesmarës të etshëm për një karrierë më të mirë dhe rrogë më të lartë. Disa nga ata kanë shkuar nëpër univerzitetet më prestigjioze, si Harvard, Jejl dhe Oksford, kurse të tjerët nuk kanë studijuar fare.

Hulumtuesit gjetën se ata më ambiciozët kanë injoruar momente kyçe të jetës së tyre që çojnë drejt lumturisë, siç është përshembull miqësia e ngushtë.

[Zero Cool]

Qumështi dhe djathi ju bëjnë më të zgjuar


Shumë ekspertë të dietave theksojnë se qumështi dhe djathi duhen shmangur sa më shumë të jetë e mundur sepse konsumimi i tepërt i tyre rrit rrezikun e prekjes nga sëmundjet e zemrës dhe diabeti.

Por një studim i ri ka dalë në përfundim se ushqimet e pasura me yndyrna ndihmojnë në mbajtjen e një truri të shëndetshëm.

Shkencëtarët amerikanë dhe australianë kanë vëzhguar 1000 persona të rritur dhe zbuluan se ata që konsumonin çdo ditë qumësht, djathë dhe kos arritën rezultate më të mira në testet e zgjuasisë se sa ata që konsumonin shumë pak bulmet.

Studimi është publikuar në revistën ‘International Dairy Journal’, transmeton TCH.

[Naki]

Operacioni i pare në botë për transplantimin e 3 organeve tek një femijë


Astrit Lulushi,Zëri i Amerikës


Në një spital të Miamit në Florida, mjekët pediatër kryehen operacionin e parë në botë për transplantimin njëkohëshit të tre organeve – mëlçisë, pankreasit, dhe veshkave tek një fëmijë me sindrom Wolcott-Rallison.

Pacientja është shqiptarja 6 vjeçare Angela Bushi, e prekur nga sindromi Wolcott-Rallison (WRS), thuhet në një komunikatë për shtyp të Shkollës Mjekësore Miller të Universitetit të Miamit. Sindromi Wolcott-Rallison shfaqet me probleme të shumta, duke përfshirë dëmtimin e mëlçisë, diabet, mosfunskionim të veshkave, probleme të kockave dhe të rritjes, infeksione të përsëritura, dëmtime të intelektit.Për shumicën e fëmijëve të prekur nga ky sindrom, sëmundja rezulton në vdekje.Për fat të mirë, për 6-vjeçaren Angela Bushi, mjekët në spitalin e fëmijëve Holtz dhe Shkollën Mjekësore Miller në Universitetin e Miamit, ishin në gjendje të diagnostikonin gjendjen e saj para se shumë prej komplikimeve t’i merrnin jetën. Dhe më e rëndësishmja, mjekët arritën t’a sigurojnë jetën e saj me një transplantim të kombinuar të veshkave, mëlçisë dhe pankreasit, duke ruajtur shëndetin e organeve të tjera.Në komunikatë thuhet se ky lloj transplantimi nuk është i pari për një fëmijë, por është hera e parë në botë që transplantimi i kombinuar është përdorur për të trajtuar sindromin Wolcott-Rallison.
Qendra të tjera klinike e spitalore janë përpjekur për transplantimin e mëlçisë për fëmijët me këtë sindromë, por kanë hequr dorë për shkak të shqetësimeve rreth komplikime me organet e tjera. Nga transplantimit i 3 organeve njëherësh, ndërlikimet u minimizuan dhe rasti i Angela Bushit ka dhënë një shans për fëmijët e tjerë me këtë sëmundje të rrallë, që të mund trajtohen në të njëjtën mënyrë.
Angela u lind e shëndetshme, por u prek nga diabeti kur ishte 1 vjeç. Në shtator të vitit 2011 – në moshën 5 vjeçare – tek Angela filluan të shfaqeshin simptoma të ngjashme me ato të gripit dhe pastaj ndodhi dëmtimi i mëlçisë.
Vetëm disa muaj më herët, Angela kishte humbur motrën e saj 18 muajshe, Alicia Bushi. e cila gjithashtu kishte zhvilluar simptoma si të gripit që çuan në mosfunksionimin fatal të mëlçisë.
Në Spitalin e Fëmijëve Holtz, Dr Olaf Bodamer, drejtor i programit të pediatrisë gjenetike, arriti t’a diagnostikojë Angelan me sindromin Wolcott-Rallison, një sëmundje tepër e rrallë – vetëm rreth 60 raste të raportuara në të gjithë literaturën mjekësore. Një ekip i përbërë nga një gastro-enterologisti, Dr.Jennifer Garcia, dhe kirurgët Dr. Andreas Tzakis e Dr. Akin Tekin, dhe ekipet e kujdesit kritik në Spitalin e Fëmijëve Holtz, zhvilluan së bashku një plan novator në mënyrë që Angela të mos pësonte fatin e motrës së saj.
Angela u vendos në listën e personave që kanë nevojë për transplantim, dhe më 29 dhjetor 2011, ajo iu nënshtrua operacionit për transplantimin e kombinuar të mëlçisë, veshkave dhe pankreasit. Ky është operacioni i parë i kombinuar në botë tek një fëmijë me sindromin WRS.
Rimëkëmbja e Angelas pas operimit nuk ishte e lehtë, por më 23 shkurt, 2012, ajo doli nga spitali Holtz dhe nuk ka më nevojë për trajtim me insulinë. Angela Bushi dhe familja e saj tani jetojnë në Jacksonville të Floridës.

[Naki]

Stresi si shkaktar i semundjeve

Ka shumë njerëz që ndihen tepër të lodhur, të sfilitur. Stresi i përjetuar në punë apo në jetën private ndikon negativisht në shëndetin tonë. Siç transmeton Starti shkrimin, problemet më të shpeshta janë presion i lartë i gjakut dhe ulcera.

1. A ekzistojnë lloje të ndryshme stresi?
Në mjekësi flitet për dy lloje stresi. I pari, stresi i përjetuar pozitivisht, i hap rrugë ndjenjave pozitive tek njeriu dhe madje forcon edhe sistemin imun. Stresi pozitiv ndihet kur del pozitivisht nga një situatë, p.sh. pas një provimi të kaluar mirë apo pas lindjes së fëmijës. I dyti, stresi negativ krijon ndjenja negative. Nëse përjetohet vazhdimisht ky lloj stresi shkakton probleme serioze psikologjike dhe fizike.

2. A rrezikohet shëndeti i personave të stresuar?
Kur personi është i stresuar prodhohet me shumicë hormoni kortizol. Ky hormon mund të përbëjë një pengesë në mundësimin e mendimit, mësimit dhe përqendrimit, si dhe krijon një gjendje shpirtërore të gatshme për të hyrë në depresion. Nga dobësimi i sistemit imun, personi ndodhet i pafuqishëm përballë sëmundjeve dhe si rrjedhojë mund të sëmuret më shpejt. Ulen presioni i gjakut dhe rrahjet e zemrës. Në këtë rast ekziston edhe rreziku i kalimit të ndonjë infarkti. Krahas kësaj, stresi mund të bëhet shkak i çrregullimeve në tretjen e ushqimit dhe si rrjedhojë në shfaqjen e ulcerës.

3. Çfarë është sindroma “Burn-out”?
“Burn-out” do të thotë “i djegur” në anglisht. Kjo do të thotë që personi është djegur si nga ana fizike ashtu dhe psikologjike. Dhe kjo ndodh tek njerëzit që jetojnë vazhdimisht me stres.

4. Si ta zhdukim lodhjen?
Dëgjoni sinjalet që ju dërgon trupi juaj. Nëse ndiheni të lodhur përpiquni të bëni një gjumë të rehatshëm dhe të bëni gjëra që ju pëlqejnë. Dhe mos harroni: ndonjëherë mund të provoni të mos bëni asgjë. Thjesht uluni dhe qëndroni vetëm me mendimet tuaja.

5. Si mund ta luftojmë stresin?
Përpiquni të kujtoni ngjarjet e lumtura. Mos i fokusoni mendimet tuaja mbi një gjë të vetme. Përpiquni të shpërndani vëmendjen në gjëra të ndryshme derisa të qetësoheni. Në rast të një stresi kronik, zgjidhja më e mirë do ishte ndarja e problemit me një mik.

6. Cila është rruga më e mirë për largimin e stresit?
Sipas specialistëve, rruga më e mirë është zhvillimi i ushtrimeve të lehta. P.sh. të ecësh shpejt , të vraposh ngadalë apo të bësh not. Edhe një ecje e lire për 20 minuta në ajër të pastër do t’ju ndihmonte të dilnit nga situata stresuese. Nëse vuani nga stresi kronik, atëherë ecni të paktën tri herë në javë nga 30 minuta, por mos e sforconi shumë veten.

7. A të çlodhin muzika, kërcimi dhe terapitë e tjera?
Personat që drejtojnë veten e tyre sipas mendjes dhe shtypin ndjenjat mund të dallojnë anët e tyre kreative. Këta persona mund të përjetojnë eksperienca të veçanta me ndihmën e muzikës apo kërcimit. Terapitë ndihmojnë në shpalosjen jashtë të ndjenjave dhe tregojnë se nuk është gjithnjë e mundur të shtypësh ndjenjat, por t’i jetosh ato.

8. A mund të përforcohet kujtesa me anë të disa ushqimeve?
Magnezi është një nga përforcuesit më të vjetër. Ky mineral bllokon prodhimin e hormoneve të stresit dhe mundëson ushqimin me oksigjen të mjaftueshëm të fijeve nervore. Ndërsa vitaminat janë zgjidhja më e mirë kundër radikaleve të lira që shtohen në trup nën ndikimin e stresit. Konsumimi i bollshëm i frutave dhe zarzavateve është zgjidhja më e mirë kundër stresit.

[Naki]

Shkencëtarët zbulojnë "gjenin e pangopur" shkaku i të cilit vuajmë nga mbipesha
Publikuar: E enjte 22 Mars 2012, 23:30 Kosova sot

Me sa duket fshehtësia e një linje vitale fshihet në gjenet tona. Shkencëtarët theksojnë se kanë zbuluar "gjenin e pangopur", i cili trurit nuk i përçon informate se nuk jemi të uritur. Gjatë testimeve në minj ishte zbuluar se mutacioni në një gjen ndërprenë dërgimin e informatave në tru, prandaj organizmi ka nevojë për ushqim dhe kështu vjen deri tek mbipesha. Mirëpo, lajmi i mirë është se me identifikimin e gjenit mund t'i ndërpritet rruga mbipeshës, thonë ekspertët nga qendra mjekësore universitare në Xhorxhtaun në Amerikë. Sipas ekspertëve. Edhe njerëzit kanë një gjen të tillë, por edhe më tutje nuk është zbuluar se si vepron ai. Pas ushqimit, ky gjen ndikon duke dërguar porosinë tek hipotalamusi, i cili pranon porosinë se jemi të ngopur dhe zvogëlon oreksin. Mirëpo, gjatë hulumtimit në minj është treguar se tek ata tek të cilët ka pasur mutacion tek ky gjen një transmetim i tillë kishte munguar, prandaj ata dyfish konsumojnë më tepër ushqim. "Ky zbulim do të mund të ofronte mundësi të reja në kontrollin e peshës trupore", thotë mjeku Boaki Ksu, udhëheqësi i këtyre studimeve.

[Naki]

Antibiotikët nuk shërojnë inflamacionin e sinuseve



Publikuar: 30.03.2012 - 13:16 Koha Net

Rreth 14 për qind e njerëzve çdo vit kanë infeksion të sinuseve dhe mjekët kryesisht i shërojnë me antibiotikë. Megjithatë shkak i 90- 98 për qind të infeksioneve janë viruset që janë rezistentë në antibiotikë – pohon asociacioni amerikan për sëmundje infektive.

Ata paralajmërojnë që përdorimi i tepruar i antibiotikëve, veçanërisht në rastet kur ato nuk janë efikase, mund të çojë deri te krijimi i superbakterit i cili është rezistent ndaj këtyre ilaçeve.

“Nuk ekziston test i thjeshtë me të cilin mund të përcaktohet nëse infeksioni i sinuseve është virusal ose bakterial dhe prandaj shumë mjekë përshkruajnë antibiotikë për çdo rast,” thotë dr. Anthony Chow.

“Megjithatë, është supozuar që infeksionet e sinuseve në masë të madhe janë virusale dhe që antibiotikët nuk mund t’i shërojnë, por përkundrazi, mund të bëjnë më shumë dëme se dobi.”

Rregullorja e re rekomandon që tek inflamacionet bakteriale të sinuseve antibiotikët konsumohen për një periudhë më të shkurtër kohore (5-7 ditë).

Ndihmë mund të japin edhe steroidet nazale te personat që kanë histori të alergjive. Këto steroide vijnë në formë të sprejit, pikave ose lëngjeve dhe ndihmojnë në lehtësimin e disa simptomave.

Kur është fjala për dekongjestantët ata po ashtu rekomandohen për lehtësimin e simptomave por edhe për preventivë që infeksionet virusale të mos shndërrohen në baktere.

Sinuset në kuptimin e plotë të fjalës janë vrima në kafkën tonë të cilat tajitin sekrecion. Nëse ata pezmatohen sekrecioni mblidhet dhe në kushte të tilla krijohen bakteret. Nëse “kalimet” mbahen të pastra, sinuset do të shërohen më shpejtë.