Lajme nga Mjekesia

[Jana]

Degjoni zera? Mos pini shume kafe!

Nëse dëgjoni zëra që në fakt nuk ekzistojnë, ndoshta pini shumë kafe- thonë ekspertët. Pesë filxhanë kafe në ditë mund të luajnë me aparatin tuaj të dëgjimit.

Gjatë një eksperimenti ku janë përfshirë 92 vullnetarë, shkencëtarët kanë lëshuar një zhurmë të njëtrajtshme, ndërsa shumica e pjesëmarrësve në studim që kishin pirë shumë kafe kanë deklaruar se kanë dëgjuar këngë, edhe pse atyre nuk u i ishin lëshuar ato.

Hulumtuesit pohojnë se kafeina është ‘droga psikoaktive’ që përdoret më së shpeshti.

“Gjatë eksperimentit u kemi thënë se në pjesë të caktuara të sinjalit kemi vënë segment të këngës ‘White Christmas’, dhe nëse e dëgjojnë, është kërkuar të shtypin butonin. Mirëpo në zhurmën e bardhë asnjëherë nuk e kemi lëshuar ‘White Christmas. Është interesante se të shqetësuarit dhe ata që kishin pirë shumë kafe kanë menduar se e dëgjojnë këngën”, ka thënë profesori Simon Crowe nga Universiteti La Trobe në Melbourne.

Kombinimi i kafeinës dhe stresit ndikon në mundësinë që personi të ketë simptoma të ngjashme me psikozën, ka shtuar profesori.

[Zero Cool]

Sipas lajmit më të ri ka prejardhje nga farat EHEC nga Egjipti !

[Zero Cool]

Kafja dhe seksi mund të shkaktojnë goditje në tru






Aktivitet e përditshme, siç janë pirja e kafes, seksi energjik, madje edhe fryrja e hundëve, mund të shkaktojnë dëmtimin e enëve të gjakut, të cilat janë të fshehura në tru.


Këto janë rezultatet e një studimi të ri, i cili tregon se si rreziku nga goditja në tru mund të rritet edhe nga nervoza dhe shoku i befasishëm. Në grupin e të rrezikuarve bëjnë pjesë personat që kanë aneurizëm në tru.
Shkencëtarët pohojnë se aktivitetet e përmendura, të cilat në shikim të parë nuk duken të rrezikshme, mund të shkaktojnë rritjen e menjëhershme e shtypjes së gjakut, dhe kjo mund të shkaktojë rupturat e enëve të gjakut në tru.
Për këtë arsye, rekomandohet kufizimi i konsumimit të pijeve të pasura me kafeinë, si dhe rekomandohen ushtrimet fizike, të cilat mbrojnë nga problemet e shumta shëndetësore, siç janë sëmundjet e zemrës.

[Zero Cool]

Meshkujt me mbipeshë kanë spermë jo të mirë







Meshkujt që kanë kilogramë të tepërt, ngjashëm sikurse partneret e tyre në këtë gjendje, kanë gjasa dukshëm më të vogla për t’u bërë prindër.
Deri te ky konkludim është ardhur me krahasimin e kualitetit të spermës së tyre me meshkujt me peshë normale trupore.
Gjatë njërit nga studimet më të mëdha të këtij lloji, janë marrë mostrat e spermës së 1.940 meshkujve, të cilëve iu është matur edhe indeksi i masës trupore (BMI).
Ndërsa ka rezultuar se sa më e madhe që është teprica e kilogramëve, aq më i vogël është kualiteti i spermës.
Ky studim ka treguar se numri i spermatozoideve te meshkujt me mbipeshë është për 20 për qind më i ulët në krahasim me numrin e qelizave seksuale mashkullore te personat me peshë normale trupore.

[Zero Cool]

Rapamycin, substanca e perjetesise?


Qe nga Ishulli i famshem i Pashkeve mu ne mes te Oqeanit Paqesor vjen nje nga pergjigjet me te enderruarar nga njeriu.

Zbulimi ne fakt nuk eshte i ri.

Ne kete ishull kerkuesit kane arritur te gjejne nje substance me fuqi magjike, te cilen e quajne Rapamycine.

Fuqia e saj eshte gati mitike, ajo arrin te zgjase jeten e qelizave njerezore per me shume se dhjete vjet.

Teste te kryera mbi minj e kane vertetuar kete dhe e perkthyer ne terma njerezore, kjo do te thote se ato mund te zgjasin jeten e njeriut tek meshkujt ne masen 28% dhe tek femrat ne masen 38%. Ne kete menyre, meshkujt mund te jetojne deri ne 101 vjet dhe femrat deri ne 116 vjet.

Mirepo, perpara se te hidhemi ne fantazira te kesaj netyre, mire eshte te mendojme (shkenca mbi te gjithe) se pari per ata persona te cilat kete substance do ta shihnin si nje shprese per mbijetese.

Kjo lidhet me disa personate cilet preken nga nje semundje gjenetike me emer Sindroma Hutchinson-Gilford Progeria. Kjo eshte nje semundje e cila ben qe femije 6 deri ne 8 vjecare te duken si te moshuar 60 deri 70 vjecare. E keqja me e madhe eshte se keta femije nuk jetojne me shume se 12 deri ne 13 vjec.

Dimitri Krainc, nga Harvard Medical School, ka spjeguar se aktivizimi i kesaj substance eshte ne gjendje te zgjase se paku edhe me dhjete vjet jeten e nje njeriu

[Jana]

Cigarja e mengjesit, me e rrezikshmja

Për shumë njerëz tashmë është bërë refleks: ngrihen në mëngjes dhe menjëherë ndezin cigaren e parë të ditës.

Por, dy studime të fundit mbi kancerin kanë treguar se kjo është gjëja që rrezikon më shumë shëndetin. Cigarja e mëngjesit shton dyfish rrezikun e kancerit në mushkëri.

“Kemi vënë re që rreziku i kancerit dyfishohet tek ata njerëz që pijnë cigaren e parë në gjysmë orën e parë të zgjimit në krahasim me ata që presin të paktën 1 orë që ta ndezin”, shprehet Joshua Muscat i Universitetit të Mjekësisë në Pensilvani.

[Naki]

Molla dhe vlerat e saj të shumta



Molla është një nga frutat që ka një pafundësi vlerash që kurojnë dhe na bëjnë mirë për shëndetin. Duke filluar që me farat e saj të cilat përmbajnë albuminë dhe yndyrë. Po ashtu, molla si frut ka veti freskuese, qetësuese dhe zbutëse.

Thonë se lëkura e mollës ka një përqindje të mirë të substancave të nevojshme. Vitamina të tilla si B1, C, E, P, B2 dhe PP të cilat ndodhen pikërisht nën lëkurë. Ndaj nëse do të konsumonit mollë, e cila rekomandohet të paktën një në ditë, është më mirë të jetë me lëkurë.

Një mollë e ngrënë në mëngjes ndikon mirë në pastrimin e dhëmbëve duke i fortësuar ato dhe duke i bërë më të shëndetshëm. Gjithashtu molla mund të përdoret edhe për maska të ndryshme të fytyrës, duke na e bërë atë më të butë e të lëmuar.

Por mënyra më mirë është ta marrim çdo ditë si në mëngjes ashtu dhe në darkë. Çdo lloj molle ka vlera të caktuara, ndërsa ajo jeshile ka më tepër vitamina të cilat janë të përqendruara jo vetëm në pjesën e tulit por dhe nën lëkurë që gjenden me shumicë.

Për t′u dobësuar shpejt ndonjëherë nuk keni pse mbani dieta të mundimshme. Mjafton të konsumoni tre ose katër mollë në ditë edhe duke ngrënë normalisht. Do të shikoni që kilet do të humbasin shpejt. Por nëse konsumoni një kokërr mollë që në mëngjes, esëll, efekti i dobësimit do të jetë më i shpejtë. Molla ka një efekt të lartë tretjeje ndaj sugjerohet nga dietologët në çdo lloj diete.

Lëngu i mollës i përzier me mjaltë dhe ujë të nxehtë pihet si mjet qetësues kundër pagjumësisë. Nëse vuani nga dhembja e kokës në ballë, vendosni fasha të lagura me uthull molle dhe ujë duke e shoqëruar edhe me pak mjaltë. Por ky është një rit që duhet bërë çdo darkë në mënyrë që të japë rezultatin e duhur.

Çaji që përgatitet nga copat e prera të mollës pihet kundër ftohjeve të ndryshme, lehtëson etjen, forcon nervat, mushkëritë dhe zemrën. Gjithashtu, ky çaj është një mjet i mrekullueshëm për rregullimin e tretjes. Ky lloj çaji mund të pihet në çdo stinë jo vetëm në dimër. Meqë molla është një frutë që gjendet lehtë edhe në ditët e tjera të vitit, e sidomos në shtator, mund të gjenden lloje të ndryshme të tyre.


Marre nga Kosovapress.

[Zero Cool]

Proteina stimuluese e kancerit JAK, arma për eleminimin e tij





Një hap i madh është hedhur përpara në shkencë sa i përket neutralizimit të kancerit. Pas një sërë eksperimentesh, shkencëtarët e Qëndrës Kërkimore të Kancerit në Britani kanë zbuluar proteinën që ndihmon përhapjen e tumorit.





Bëhet fjalë për një proteinë të quajtur JAK, e cila ndihmon qelizat kancerogjene që të përhapen në trup. Kjo lloj proteine i fuqizon këto qeliza njësoj si muskujt dhe mundëson përhapjen e tumorit, proces ky që në gjuhën mjeksore njihet si “metastazë”.





Në 90 % të rasteve, nëse procesi i metastazës ka ndodhur, kjo do të thotë vdekje e sigurt. Nëse shkencëtarët arrijnë që përmes neutrlizimit të kësaj proteine, të frenojnë përhapjen e kancerit, kjo do të ishte arritja më e madhe e këtij shekulli.

[Zero Cool]

Bar i ri për pacientët me punë jo të rregullt të zemrës





Bari i ri është njësoj efikas sikurse barnat e deritanishëm për mjekimin e pacientëve me punë jo të rregullt të zemrës, por është shumë më lehtë për t’u marrë.


Shkencëtarët thonë se bari ‘rivaroxaban’ ka efekte të ngjashme me ‘warfarinin’, dhe është po ashtu efikas në pengimin e formimit të trombëve të gjakut dhe zvogëlon rrezikun për goditje në tru, te pacientët me fibrilacion atrial.
Mirëpo, testimet e barit të ri kanë treguar se ka më pak efekte anësore në krahasim me barnat tjerë (siç është rreziku për gjakderdhje fatale në tru), ndërsa është shumë më lehtë për t’u marrë.
Te ‘rivanoxabani’ nuk ndikon mënyra e ushqyerjes e as barnat tjerë, ashtu që pacientët nuk duhet që gjithmonë të kenë kujdes që të marrin dozën precize.
Bari i ri është testuar te 14.000 pacientë me fibrilacion trial, ndërsa është prezantuar në Universitetin Edinburgh (Britani të Madhe) dhe Universitetin Duke (SHBA).

[Naki]

Konfirmohet lidhja e vaksinës kundër gripit të derrit me narkolepsinë


Helsinki, 3 shtator 2011 (Kosovapress) Koha: 10:46

Studiuesit finlandezë kanë konfirmuar lidhjen në mes të vaksinës kundër gripit të derrit dhe narkolepsisë, një lloj i çrregullimit të gjumit te fëmijët.

Narkolepsia paraqet çrregullim kronik të sistemit nervor, të cilin e karakterizojnë shpesh rënie të pakontrolluara në gjumë, ndërsa në raste më të rënda halucinacione ose kolapse fizike paralizuese të njohura si katapleksi.

Ekspertët finlandezë kanë vërtetuar se fëmijët që kanë marrë vaksinën kundër gripit të derrit rrezikohen 12,7 herë më shumë nga narkolepsia sesa ata që nuk janë vaksinuar, edhe pse te të gjitha rastet e shqyrtuara, ku është paraqitur sëmundja ekziston para-dispozita familjare për këtë çrregullim.

Vaksina nuk ka shtuar rrezikun nga narkolepsia te fëmijët nën moshën 4-vjeç, por as te personat mbi moshën 19-vjeç.

Në Finlandë nga narkolepsia janë sëmurë 79 fëmijë të vaksinuar kundër gripit të derrit me vaksinën “Pandemriks”, ose gjashtë në 100.000. Shumica prej këtyre fëmijëve, 76 sish, janë paraqitur katapleksi kohë pas kohe.

Lidhja ndërmjet vaksinës kundër gripit të derrit dhe narkolepsisë deri më tash është vërtetuar vetëm në Suedi.

Në Suedi, Norvegji dhe Francë aktualisht po hulumtohet mundësia e lidhjes ndërmjet narkolepsisë dhe llojeve tjera të vaksinës kundër gripit të derrave, “Arepanriks”.

Agjencia medicinale evropiane, megjithatë, vlerëson se vaksina kundër gripit të derrit nuk ka shkaktuar dëme në Finlandë, pasi që vlerësohet se në sezonin 2009/10 ka parandaluar 40.000 infektime me gripin e derrit dhe po aq edhe në sezonin 2010/11.

Rekomandim i agjencisë në fjalë është që vaksina “Pandemriks” të përdoret te personat nën moshën 20-vjeç vetëm kur mungon vaksina sezonale kundër gripit dhe atë vetëm te personat që janë në rrezik të madh nga format e rënda të gripit ose komplikimet e tij.

[Naki]

Shkencëtarët zbulojnë "gjenin e pangopur" shkaku i të cilit vuajmë nga mbipesha
Publikuar: E enjte 22 Mars 2012, 23:30 Kosova sot

Me sa duket fshehtësia e një linje vitale fshihet në gjenet tona. Shkencëtarët theksojnë se kanë zbuluar "gjenin e pangopur", i cili trurit nuk i përçon informate se nuk jemi të uritur. Gjatë testimeve në minj ishte zbuluar se mutacioni në një gjen ndërprenë dërgimin e informatave në tru, prandaj organizmi ka nevojë për ushqim dhe kështu vjen deri tek mbipesha. Mirëpo, lajmi i mirë është se me identifikimin e gjenit mund t'i ndërpritet rruga mbipeshës, thonë ekspertët nga qendra mjekësore universitare në Xhorxhtaun në Amerikë. Sipas ekspertëve. Edhe njerëzit kanë një gjen të tillë, por edhe më tutje nuk është zbuluar se si vepron ai. Pas ushqimit, ky gjen ndikon duke dërguar porosinë tek hipotalamusi, i cili pranon porosinë se jemi të ngopur dhe zvogëlon oreksin. Mirëpo, gjatë hulumtimit në minj është treguar se tek ata tek të cilët ka pasur mutacion tek ky gjen një transmetim i tillë kishte munguar, prandaj ata dyfish konsumojnë më tepër ushqim. "Ky zbulim do të mund të ofronte mundësi të reja në kontrollin e peshës trupore", thotë mjeku Boaki Ksu, udhëheqësi i këtyre studimeve.

[Naki]

Antibiotikët nuk shërojnë inflamacionin e sinuseve



Publikuar: 30.03.2012 - 13:16 Koha Net

Rreth 14 për qind e njerëzve çdo vit kanë infeksion të sinuseve dhe mjekët kryesisht i shërojnë me antibiotikë. Megjithatë shkak i 90- 98 për qind të infeksioneve janë viruset që janë rezistentë në antibiotikë – pohon asociacioni amerikan për sëmundje infektive.

Ata paralajmërojnë që përdorimi i tepruar i antibiotikëve, veçanërisht në rastet kur ato nuk janë efikase, mund të çojë deri te krijimi i superbakterit i cili është rezistent ndaj këtyre ilaçeve.

“Nuk ekziston test i thjeshtë me të cilin mund të përcaktohet nëse infeksioni i sinuseve është virusal ose bakterial dhe prandaj shumë mjekë përshkruajnë antibiotikë për çdo rast,” thotë dr. Anthony Chow.

“Megjithatë, është supozuar që infeksionet e sinuseve në masë të madhe janë virusale dhe që antibiotikët nuk mund t’i shërojnë, por përkundrazi, mund të bëjnë më shumë dëme se dobi.”

Rregullorja e re rekomandon që tek inflamacionet bakteriale të sinuseve antibiotikët konsumohen për një periudhë më të shkurtër kohore (5-7 ditë).

Ndihmë mund të japin edhe steroidet nazale te personat që kanë histori të alergjive. Këto steroide vijnë në formë të sprejit, pikave ose lëngjeve dhe ndihmojnë në lehtësimin e disa simptomave.

Kur është fjala për dekongjestantët ata po ashtu rekomandohen për lehtësimin e simptomave por edhe për preventivë që infeksionet virusale të mos shndërrohen në baktere.

Sinuset në kuptimin e plotë të fjalës janë vrima në kafkën tonë të cilat tajitin sekrecion. Nëse ata pezmatohen sekrecioni mblidhet dhe në kushte të tilla krijohen bakteret. Nëse “kalimet” mbahen të pastra, sinuset do të shërohen më shpejtë.

[Naki]

Zhvillime në stomatologji
Zëri i Amerikës,A.Lulushi 7.4.12

Ndryshime të mëdha janë duke ndodhur në fushën e Stomatologjisë – nga pamje 3D me rreze X që zbulojnë çdo lloj dëmtimi sado të vogël dhe deri tek vendosja e kurorës së dhëmbëve pa patur nevojë për një të përkohëshme.

Për të marrë formën e dhëmbëve, dentistët përdorin një lloj plasteline të gjebër – por së shpejti kjo procedurë do të kryhet nëpërmjet një drite blu dixhitalizuese. Pastaj, forma dixhitale i dërgohet me e-mail një laboratori që brenda një ore prodhon dhëmbët sipas formës së dhënë, ndërsa pacienti është duke pritur në zyrën e dentistit.

Kjo është e ardhmja në stomatologjisë.

Një konferencë mbi arritjet në fushën dentare u zhvillua këto ditë në Houston të Teksasit. Aty, shkipës e shkencëtarë treguan përdorime të reja të rrezeve laser në stomatologji për mbylljen e plagëve në mishrat e dhëmbëve duke pakësuar kohën e shërimit.

Ndërsa një vështrim 3D me rreze X mund të zbulojë probleme të dhembëve, që nuk mund të shihen me rreze tradicionale X.

Së shpejti, dentistët gjithashtu do të jenë në gjendje të kryejnë analiza të ADN-së së pështymës që mund të diagnostikojnë kancerin e gojës, sëmundjet periodontale, virusin HPV dhe madje edhe kancerin e gjirit. Disa nga këto kërkime janë duke u kryer në laboratore në Houston, Teksas.

[Naki]

Mposhteni lodhjen me ushqimet e duhura


Jemi dëshmitarë se si gjithnjë e më shpesh koha udhëheq me ne, dhe jo ne me të. Na bëjnë presion afatet, vjedhim momente për të ëndërruar dhe relaksuar, jemi të ekspozuar ndaj stresit. Organizmin tonë e ekspozojmë ndaj përpjekjeve shumë të mëdha. Ushqimi na jep energji ditore dhe materiet e domosdoshme për rehabilitim nga aktivitetet e përditshme. Me përzgjedhjen e mençur të ushqimeve në mënyrë të konsiderueshme i kontribuojmë freskisë sonë.
Si të ruajmë përqëndrimin?
Ditën e fillojmë me ngrënien e mëngjesit, çka siguron mjaft energji për pjesën e parë të ditës (mjalti, drithërat e papërpunuara, marmelata natyrale, djathërat pa yndyrë...).
Për flokë të bukur dhe lëkurë të bronztë e rëndësishme është që të konsumohen edhe vitaminat dhe mineralet, por edhe proteinat, së bashku me shumë lëngje.
Shumë me rëndësi është konsumimi i ujit të mjaftueshëm dhe çajeve bimorë. Gjatë ditës konsumoni të paktën 8 gota ujë; uji tretet dhe liron organizmin nga shumë toksina, e bën lëkurën më të freskët dhe të butë.
Çfarë duhemi të shmangim?
* sasitë e mëdha të kafes dhe pijeve me kafeinë
* alkoolin dhe qëndrimin në hapësirat me tym
* teprimin me konsumimin e ushqimeve të ëmbla dhe të yndyrshme
Duhet të mësohemi të përballemi me lodhjen dhe stresin sepse janë pjesë e përditshmërisë sonë. Lodhja e grumbulluar dhe stresi i akumuluar janë si barërat e këqija: përhapen shpejt dhe dalin nga kontrolli.
Prandaj ju rekomandojmë: konsumoi sa më shumë perime (të freskëta, të konservuara, të ngrira): lakër, bishtaja, bizele, domate, speca, lakër; sa më shumë pemë: molla, kumbulla, mandarina, ananas; peshk: sardele, skumbri; mish pule; miell misri; oriz dhe perime të thata.

[Lona]

Zvogëlohet rreziku i zgjimit të pacientit gjatë operacionit

Me aplikimin e kësaj mënyre, me të cilën përcillet furnizimi i trurit me oksigjen, rreziku i dëmtimit të qelizave nervore dhe ‘zgjimi’ i pacientit gjatë operacionit është sjellë në minimum.

Anëtarja për anesteziologji në Fakultetin e Mjekësisë në Ankara, Neslihan Alkis, ka deklaruar se është shumë me rëndësi që të arrihet qëllimi që gjatë dhënies së anestezionit sistemi nervor të mbahen nën kontroll dhe të jetë në gjendje të një ‘pandjeshmërie nervore’. Alkis ka deklaruar se pacienti para operacionit më së shumti ndien frikën nga vdekja dhe se kjo mundësi gjatë operacionit me këtë teknologji gjithnjë e më shumë sa vjen e zvogëlohet.

“Frika tjetër të cilin e ndien pacienti është ‘frika nga zgjimi’ gjatë kohës së operacionit dhe kjo gjendje në mjekësi quhet ‘gjendje me vetëdije nën ndikimin e anestezionit’, e kjo ndodh shumë rrallë që pacienti të ‘ndiejë’ apo të jetë i vetëdijshëm gjatë operacionit”, ka deklaruar Alkis.

Alkis ka sqaruar se me mënyrat më të reja aplikohet sistemi për përcjelljen e oksigjenit në ind, i quajtur “Near Infra Red Spectroscopy” që informon gjithçka rreth asaj që ndodh gjatë operacionit.


Mishi i kuq, rrezik për zemrën!

Konsumimi i përditshëm i mishit të kuq rrit rrezikun e vdekjes nga sëmundjet e zemrës dhe nga kanceri me 20%. Mishi i kuq është lidhur me probleme shëndeti edhe më parë, por ky studim i gjerë amerikan është i pari që e lidh me një rrezik vdekjeje konsumimin e tij. Të dhënat janë marrë nga më shumë se 120 mijë persona gjatë 30 viteve të fundit dhe janë përpunuar nga Shkolla e Shëndetit Publik e Harvardit, në Boston.

Rreth 24 mijë njerëz vdiqën gjatë studimit dhe vlerësohet se 9.3% e tyre mund të kishin jetuar më gjatë nëse do të hanin vetëm gjysmën e racionit të përditshëm me mish të kuq.

Norma e lejuar sipas studimit është vetëm 85 gramë mish në ditë, ose thënë ndryshe një salçiçe. Nëse kjo normë kalohet, sipas shkencëtarëve amerikanë, shtohet rreziku i vdekjes nga sëmundjet e zemrës apo kanceri me 20%.


Dy filxhanë kafe në ditë, mbrojnë nga Parkinsoni

Një hulumtim i realizuar së fundmi ka konfirmuar se njerëzit të cilët konsumojnë kafe janë më pak të rrezikuar që të sëmuren nga sëmundja Parkinson.

Autorët e studimit thonë se dy filxhanë kafe në ditë, dukshëm mund të zvogëlojnë simptomat që lidhen me këtë sëmundje.

Shkencëtarët pranë Universitetit McGill në Montreal, ku është realizuar studimi, rekomandojnë që të mos teprohet me kafe dhe të mos pritet shumë efekt nga ajo, por një efekt i lehtë parandalues.

Studimet e mëparshme kanë treguar, po ashtu, se kafeina ka efekt edhe në parandalimin e sëmundjes Alzheimer.


Lëngu i thanave mund të parandalojë infeksionet e sistemit urinar te fëmijët

Hulumtimi kanadez i kryer në 40 fëmijë të cilët në vitin paraprak kanë pasur të paktën dy infeksione të sistemit urinar, ka treguar që lëngu i thanës i cili përmban përbërësit e caktuar antibakterial, mund të ndihmojë në parandalimin e infeksioneve të përsëritura të sistemit urinar te fëmijët.

Është dëshmuar që lëngu i thanës, i cili përmban koncentrime të larta të proantocianideve, mund të reduktojë rrezikun nga infeksionet të përsëritura të sistemit urinar tek fëmijët për dy të tretat.

Gjithsesi duhet ta keni parasysh që të gjitha lëngjet e thanës nuk kanë koncentrime të kënaqshme të proantocianideve, veçanërisht ato që janë të përziera me lëngje tjera. Po ashtu, nëse lëngu përmban sasi më të mëdha të sheqerit, do të thotë kalori, dhe konsumimi i tepruar i tij mund të shkaktojë diarre te fëmijët.

Por, shtyrja e fëmijës për të pirë lëng të paëmbëltuar të thanës, po ashtu mund të jetë sfidë. Infeksionet e sistemit urinar te fëmijët janë relativisht të shpeshta, kështu që vajzat kanë rrezik prej 8 për qind për të pasur infeksion gjatë fëmijërisë, derisa te djemtë ky rrezik është vetëm 2 për qind. Përveçqë janë të pakëndshme, infeksionet e përsëritura të sistemit urinar te disa fëmijë mund të shkaktojnë edhe dëmtimin e veshkave, prandaj mjekët për t’i parandaluar përshkruajnë antibiotikë.
Pasi që antibiotikët mund të kenë efekte të caktuara anësore dhe aplikimi i tyre i tepruar mund të ndikojë në zhvillimin e baktereve rezistente, lëngu i thanës mund të jetë alternativë më e mirë.

Sigurisht, nuk duhet të harrohet që kjo nuk dot thotë që lëngu i thanës mund të shërojë të gjitha infeksionet e sistemit urinar dhe që në disa raste aplikimi i antibiotikëve do të jetë i domosdoshëm.