Diaspora uronë nga Zemra, Ngado që jemi, Ne jemi me Zemër aty - Page 3

Preshevar · 07-03-08, 10:38

Festë shqiptare buzë Nilit...
Një mbrëmje shkurti, në ambientet e anijes turistike "Saraya" buzë Nilit, u mblodhën mbi njëqind festues të veçantë: ishin shqiptarë me banim e qëndrim në Kajro si dhe të personalitete vendas e të huaj nga bota.

Të ftuar nga Qendra e Kosovës, për të festuar një ngjarje të madhe e të shënuar: shpalljen e pavarësisë së Kosovës.

Një çast solemn feste:nga e djathta në të majtë Vedat Sahiti, Zeno Salahi,në qendër Prof,Dr Beqir Ismaili, Amr Bektash.

Nuk kishte rastisur ta shihja nga afër anijen turistike "Saraya" (pallat) të ankoruar buzë Nilit. Por atë mbrëmje shkurti, anija dukej vërtet një pallat, ku shqiptarët, me origjinë prej të gjitha trevave, do të festonin realizimin e një ëndrre të madhe të Kosovës dhe të popullit të saj martir: shpalljen e pavarësisë .

Edhe ndriçimi në pasarelën që të çonte në ambientet e brendshme të anijes, dukej i veçantë, si një vezullim yjesh që ishin shkëputur nga qielli mbrëmësor kairot, posaçërisht për festën.

Të ftuarit, të njohur e të panjohur midis tyre, përcillnin pothuaj unanimisht, një atmosferë hareje dhe emocionesh. Të gjithë, dukeshin se i gëzoheshin sinqerisht-në çdo fjalë, urim e gjest, në çdo takim e shtrëngim duarsh a përqafim me të "zotët" e festës apo me të gjithë pjesëmarrësit e tjerë- ngjarjes së madhe kaq të pritur e të dëshiruar dhe kaq të uruar në këtë prag fund dimri.

Atmosfera ishte elektrizuese: që nga flamurët: shqiptarë, egjiptas dhe tani, edhe ai, i kaltri, i mrekullueshmi kosovar, të vendosur hijshëm në krye të sallës; tek blicat, telekamerat, aparatet fotografikë, celularët, që shkrepëtinin hareshëm, duke u ndezur e shuar në çdo çast, si yje;deri tek bisedat, takimet, përshëndetjet, urimet e rastit. Flitej shqip, gëzohej në shqip, lotohej, urohej, ngazëllehej në shqip. E them pa e tepruar: " Saraya" atë mbrëmje, si asnjëherë tjetër, ishte ambjenti i shqiptarëve. Duke filluar nga familjet shqiptare -egjiptiane( është një kontingjent i tërë vajzash të mrekullueshme kosovare që kanë krijuar familje të reja këndej Mesdheut, me qytetarë egjiptianë), tek studentë e specializantë pasuniversitarë, gazetarë, biznesmen, përfaqësues nga diaspora shqiptare e Kajros. E deri tek fëmijët e tyre, që atë mbrëmje cicërinin më bukur se asnjëherë, në shqip..

Për të nderuar ngjarjen e madhe dhe festuesit, kishin ardhur dhe përfaqësues diplomatë si Konsulli i Ambasadës amerikane në Kajro, Këshilltari politik e Ambasadës turke, ambasadori i Maqedonisë, këshilltari i Ambasadës shqiptare, kurse nga vendasit, të ftuarit ishin nga të gjitha fushat: zv ministri i Kulturës, Kryetari i Qendrës egjiptiane për bashkëpunim kulturor ndërkombëtar, intelektualë, drejtues të sektorëve të ndryshëm të artit, kulturës, biznesit, të mediave dhe të qendrave të ndryshme universitare.

Të pranishëm dhe aktivë ishin edhe trupa të stacioneve televizivë vendas, arabë si dhe reporterë nga dy agjensi turke informacioni: Iha dhe Trt.

Tepër domethënëse ishte dhe prania e një grupi shkrimtarësh të njohur në botën arabe dhe më tej, të cilët, siç mësuam- kanë qenë aktivë, të vëmendshëm dhe solidarë me zhvillimet e Kosovës.

Festën e pavarësisë së Kosovës, e nderonte edhe prania e një shkrimtari dhe poeti me famë ndërkombëtare, Faruk Shusha, në cilësinë e drejtuesit të Institutit Ndërkombëtar të gjuhës arabe.

"Sonte do të doja të isha në Kosovë, të thurja vargje për atë vend, për atë popull, tashmë të lirë si zog shqiponje"- shprehej papushim poeti 70 vjeçar.

Prof.Dr. Beqir Ismaili, në emër të Kosovës dhe të popullit të saj, mbajti një fjalë përshëndetje, ku theksoi rëndësinë e madhe historike të shpalljes së pavarësisë së Kosovës, si një moment realizimi i aspiratave për liri e demokraci, të shumë brezave të popullit martir kosovar nga njëra anë dhe e mbështetjes e solidaritetit ndërkombëtar të vendeve dhe kombeve të qytetëruara në botë,nga ana tjetër.

Në emër të të ftuarve të huaj mbajti një fjalë përshëndetje Prof.Dr. Gemal Hassan, antar i parlamentit te Egjiptit.

Prof.Dr. Beqir Ismaili, gjatë fjalës përshëndetëse

Një ekran i madh përcillte pamje nga ngjarjet më të reja në Kosovë.

"Nuk arritëm t'i ftojmë të gjithë miqtë e dashamirët tanë"- tha me një ton pothuaj "shfajsues" Zeno Salahi, biznesmen i njohur kosovar, që tashmë prej disa vjetësh, pret e përcjell në Egjipt, edhe turistë e afaristë nga trevat e vendlindjes. Duket tepër i emocionuar dhe i vëmendshëm që festa të shkojë sa më mirë e bukur, në sintoni me gjendjen shpirtërore të festuesve të pranishëm.

"Mbrëmja e Kosovës duhet të shkojë siç i ka hije një feste të tillë"- e mbështet në "shqetësimin" dhe gatishmërinë e rastit, edhe Amr Bektash, biznesmen i njohur me origjinë shqiptare nga nëna."Kishim vërtet pak kohë për të organizuar gjithçka- vazhdon ai- por ai dolëm mbanë, Zoti na ndihmoi të nderojmë shqiptarçe, festën e pavarësisë së Kosovës".

Ishin këta dy biznesmenë që sponsorizuan festën atë mbrëmje në "Saraya", në bashkëpunim me Zyrën Informative të Kosovës.

" Tani, po, jemi zotër në shtëpinë tonë"- thoshte përmes lotëve Suzi, një zonjë nga Gjilani." I them tim shoqi: edhe njeri tjetrin, do ta duam më shumë, edhe ju, edhe bota mbarë, do të na njohë, e do të na nderojë më shumë".

Çasti kulmor arriti kur " burrat" e festës u ftuan të presin tortën e bukur: të kaltër, me yje të praruar dhe me hartën e Kosovës në mes.

Entuziazmit të shqiptarëve iu shtua në kor, ai i të gjithë të pranishmëve dhe i personelit të anijes.

Vonë në mbrëmje, të ftuarit nisën të largohen, Në dalje, pothuaj të gjithë, ndjenin nevojën e dëshirën të shkruanin një frazë, të linin një "shenjë" nga mbresat e ngjarjes që i mblodhi këtë mbrëmje në "Saraya", nën një qiell yjesh të praruara.

"Ah, Kosovë, më kujton një lule dashurie, manushaqen, që bën të lumtur gjithkënd dhe vetë rri mënjanë. Por tashmë jo më, tashmë të erdhi dita."- shkroi poeti Faruk Shusha dhe mua nuk e di pse, pas kaq shumë vjetësh, m'u kujtuan vargjet e Naimit tonë të madh për manushaqen e burgosur nën hithra e ferra.

Në librin e përshtypjeve, dikush kishte mundur të ndjente në pak rreshta një frymëzim, që, mendoj, shprehte shpirtin dhe ndjesinë e të gjithëve atë mbrëmje: "Nënë Kosovë, sot ulem, të puth dorën e të puth sytë, si Ti, fisnike, nuk ka të dytë.Bijtë e tu të gjithë i përqafoj, me ta martirët lotoj, me ta lirinë gëzoj".

Vjollca Lisi
Kajro,shkurt,2008

www.presheva.com

hasanmehmeti · 10-06-08, 16:46

MANIFESTIMI I PAVARËSISË

"… pas vështirësisë All-llahu sjell çlirim" [Talak, 7]
"Dhe çdo të mirë që e keni, ajo është prej All-llahut..." [Nahl, 53]

Qendra Islame Shqiptare Stuttgart-Feuerbach në bashkëpunim me

- Qendrën Islame Shqiptare në Karlsruhe,
- Qendrën Islame Shqiptare në Ludwigshafen,
- Qendrën Islame "Ballkan" në München,
- Qendrën Islame "Ballkan" në Ingolstadt,
- Qendrën Islame Shqiptare në Stuttgart
- dhe Qendrën Islame Shqiptare në Nürnberg,

organizon manifestim fetaro-kulturorë për të festuar pavarësinë së Kosovës.

Shpallja e pavarësisë së Kosovës në shkurt të këtij viti është për të gjithë shqiptarët në tërë botën një ngjarje historiko-politike dhe njëashtu edhe për ne në Gjermani një nderë i madh, që ta festojmë të organizuar dhe me dinjitet. Në këtë festim do duhej të marrin pjesë edhe ata të cilët dhanë mundin dhe përkrahjen e tyre për pavarësinë e Kosovës.

Për këtë arsye ne ju ftojmë juve përzemërsisht në këtë manifestim i cili do të mbahet me 28. Qershor 2008 në

"Turn und Versammlungshalle Zuffenhausen",
Hohensteinstrasse 25,
70435 Stuttgart,

duke filluar në ora 18:30.

Lista e musafirëve të ftuar:

- Dr. Wolfgang Schuster, Kryetarë i Stuttgartit
- Franz Mödl, Konsulli i nderit i Shqipërisë për Bayern und Baden-Württemberg
- Mr. Naim Tërrnava, Myfti i Republikës së Kosovës
- Sulejmani Rexhepi, Kryetarë i Bashkësisë Islame të Maqedonisë
- Selim Muça, Kryetarë i komunitetit musliman të Shqipërisë
- Zulhajrat Fejzullahu, Kryetarë i Unionit të Qendrave Islame Shqiptare në Gjermani (UIAZD)
- Dr. Milazim Krasniqi, Analist
- Dr. Shefqet Krasniqi, Hoxhë/Teolog
- Xhelal Kaloshi, Lexues i shkëlqyeshëm i Kur´anit
- Reshat Arbana, Artisti i popullit
- Ilir Gashi, kengetar
- Remzi Ejupi, Drejtor i kompanisë ajrore "Kosova Air Lines"
- Behgjet Pacolli, Kryetarë i AKR-së
- Ibrahim Krajkova, Partia e drejtësisë

Manifestimi do të transmetohet live në Radion Islame në Zvicërr (radio-islame.com ). Dhe do jene prezente mediat televizive siq eshte RTK ,Alsat .

Ju mirëpresim

Burimi: Qendra Islame Shqiptare Stuttgart-Feuerbach

.....
Per me shume info gjunju privatit.
Me T'mira
HasanMehmeti.

Pupi · 16-06-08, 21:56

Diaspora (Unë) rritem çdo ditë nga 10 cm, kur dëgjoj lajme të mira për vendlindjen time

Andaj edhe amanet Kosovën ju që u'a besuam.
Neve "na pren rrobat" pa na i matur për trupi, i veshëm ashtu si na i pren, nuk patëm rrugdalje tjetër, por ju që e keni në udhëheqje këtë popull të bekuar kujdes ju lutëm, me aman!

Një duhet ta dini që diaspora është çdo ditë dhe në çdo çast aty, përmes mediave, e në mënyra të ndryshme. edhe forumi dardania.de është Kosovë (Shqiptari)!

unitedalbania · 17-06-08, 02:13

Rrofte kosova e pavarur!

Alkimisti_ch · 17-06-08, 02:40

Citim:

Postimi origjinal është bërë nga hasanmehmeti

MANIFESTIMI I PAVARËSISË

"… pas vështirësisë All-llahu sjell çlirim" [Talak, 7]
"Dhe çdo të mirë që e keni, ajo është prej All-llahut..." [Nahl, 53]

Qendra Islame Shqiptare Stuttgart-Feuerbach në bashkëpunim me

- Qendrën Islame Shqiptare në Karlsruhe,
- Qendrën Islame Shqiptare në Ludwigshafen,
- Qendrën Islame "Ballkan" në München,
- Qendrën Islame "Ballkan" në Ingolstadt,
- Qendrën Islame Shqiptare në Stuttgart
- dhe Qendrën Islame Shqiptare në Nürnberg,

organizon manifestim fetaro-kulturorë për të festuar pavarësinë së Kosovës.

Shpallja e pavarësisë së Kosovës në shkurt të këtij viti është për të gjithë shqiptarët në tërë botën një ngjarje historiko-politike dhe njëashtu edhe për ne në Gjermani një nderë i madh, që ta festojmë të organizuar dhe me dinjitet. Në këtë festim do duhej të marrin pjesë edhe ata të cilët dhanë mundin dhe përkrahjen e tyre për pavarësinë e Kosovës.

Për këtë arsye ne ju ftojmë juve përzemërsisht në këtë manifestim i cili do të mbahet me 28. Qershor 2008 në

"Turn und Versammlungshalle Zuffenhausen",
Hohensteinstrasse 25,
70435 Stuttgart,

duke filluar në ora 18:30.

Lista e musafirëve të ftuar:

- Dr. Wolfgang Schuster, Kryetarë i Stuttgartit
- Franz Mödl, Konsulli i nderit i Shqipërisë për Bayern und Baden-Württemberg
- Mr. Naim Tërrnava, Myfti i Republikës së Kosovës
- Sulejmani Rexhepi, Kryetarë i Bashkësisë Islame të Maqedonisë
- Selim Muça, Kryetarë i komunitetit musliman të Shqipërisë
- Zulhajrat Fejzullahu, Kryetarë i Unionit të Qendrave Islame Shqiptare në Gjermani (UIAZD)
- Dr. Milazim Krasniqi, Analist
- Dr. Shefqet Krasniqi, Hoxhë/Teolog
- Xhelal Kaloshi, Lexues i shkëlqyeshëm i Kur´anit
- Reshat Arbana, Artisti i popullit
- Ilir Gashi, kengetar
- Remzi Ejupi, Drejtor i kompanisë ajrore "Kosova Air Lines"
- Behgjet Pacolli, Kryetarë i AKR-së
- Ibrahim Krajkova, Partia e drejtësisë

Manifestimi do të transmetohet live në Radion Islame në Zvicërr (radio-islame.com ). Dhe do jene prezente mediat televizive siq eshte RTK ,Alsat .

Ju mirëpresim

Burimi: Qendra Islame Shqiptare Stuttgart-Feuerbach

.....
Per me shume info gjunju privatit.
Me T'mira
HasanMehmeti.

Mire qe po organizojshi diçka po mos ish kan ma mire me prit kur te njohin vendet arabe nashta e kish pas nje kuptim me domethens ose nuk e di bre shteti i Kosoves i ka ba mbi 120 dite e po afrohet shkurti i 2009-tes e ju a e keni per 2009-ten apo per 2008-ten...!

hasanmehmeti · 17-06-08, 07:17

Pershendetje

Alkimist , a ty te erdhi radha te na flasesh per kete pune a ?,

C'fare kemi te bejme neve me vendet arabe kur e pranojne ato?, mandej sa e ka merituar kosova te bej nje lobim ne vendet araba per tu njohur eshte injoranca e radhes e udheheqeve tane.
Se kur eshte dashte behet ky manifestim nuk eshte vone asnjeher, pasi manifestime te tilla kishe menjeher pas pavarsis , por edhe ky e ka vendin e vet.

Neve nuk jemi minoritet arab ne kosove qe pranimi i pavarsis tia shtoj kutpimin manifestimit tone , keshtu qe kujdes fjalorin se tek e fundit feston gjithkush por te luftosh dhe ti gjendesh atdheut pran ne momentin e duhur nuk eshte edhe aq lehte qe behet nga c'donjeri, dhe te theme se prej pjesmarresve atu ke edhe luftetar te UQK-se edhe invalide te luftes qe kane humbe ekstremitetet e tyre per kete vend dhe injorohen nga nje llafazan i tipit tend tani per organizmin e tyre.

Ik tash shko thuj vatikanit ta pranon pavarsine e kosoves.

~~>>{SpOnGeBoB}<<~~ · 19-06-08, 17:37

o hajde hajde, diaspora po thote shume urime per ty e shume urime per mu, shume urime per ty e per mu, shume urime per juuuuuuuuuu.