Irani me lufte nga jashte apo revolucion nga brenda?

[Kalt]

Rusia dhe Kina vazhdojnë të jenë edhe më tej në mënyrë strikte kundër sanksioneve ndaj Iranit. Sot në mbrëmje do të takohen në Nju Jork ministrat e jashtëm të pesë fuqive me të drejtë vetoje dhe Gjermanisë, për të diskutuar sërish për Iranin
"Besoj se është shumë e rëndësishme - dhe ky kuptim i punëve na transmetohet nga të gjitha palët, madje edhe nga Rusia, që të bëhet gjithçka e mundur, për t'ia bërë të pamundur Iranit posedimin e armëve bërthamore."
Anglia, Franca dhe SHBA bënë në kuadër të KS të OKB-së të gjitha përpjekjet për ta bërë projektrezolutën që është në tryezë një rezolutë. Dhe kjo para takimit të sotëm të ministrave të jashtëm të pesë anëtarëve të përhershëm të KS të OKB-së dhe Gjermanisë në Nju Jork. Detyra për KS në këtë mënyrë konsiderohej e formuluar:
"Detyra jonë në dhomën e makinave është ta përgatisim çështjen, në mënyrë që ata në urë të mund të shohim më tej", thotë ambasadori amerikan në OKB, Xhon Bolton. Por edhe një takim jozyrtar i 15 anëtarëve të KS të OKB-së nuk solli rezultate. Kina dhe Rusia janë edhe më tej në mënyrë strikte kundër një rezolute, ku të përmendet kapitulli VII. Me këtë, edhe nëse në tekst nuk thuhet shprehimisht, do të hapej rruga për vendosjen e sanksioneve. Dhe ato mund të përfshijnë që nga bllokadat ekonomike deri në ndërhyrje ushtarake.
Hendeku në moment duket i pakapërcyeshëm, kështu që në Nju Jork tani mund të vëzhgosh aktualisht diplomacinë në format e saja më të bukura. Një takim pason tjetrin dhe më pas të gjitha palët e sigurojnë njëra-tjetrën se kanë zhvilluar biseda të mira.
Ambasadori rus në OKB, Vitalij Curkin shprehet: "Patëm diskutime të mira, për të parë edhe njëherë më me vëmendje se përse bëhet fjalë në këtë rezolutë.
Sa për kujtesë: Rusia nuk do rezolutë nën kapitullin 7, e quan këtë madje të dëmshme, nëse dëshiron vërtet të arrish një zgjidhje në çështjen e Iranit. Homologu i tij britanik, Emyr Jones Parry, i cili e bashkëparaqiti projektin aktual në KS të OKB-së, pas së njëjtës mbledhje theksoi: "Diskutimi ishte pozitiv. Anglia dhe Franca shpjeguan edhe njëherë logjikën si bazë të rezolutës dhe mbi këtë bazë do të flasim edhe ne me njëri-tjetrin"
Xhon Bolton fërkon ndërkohë me nervozizëm patkonjtë në asfalt. Ai do të kishte preferuar që të gjithë të kishin punuar pa ndërprerje të gjithë fundjavën, për të arritur një përfundim.
Po të qe për të, të gjithë mund të kishin punuar gjithë natën, 24 orë pa pushim- por kolegët e tij nuk janë të entuziazmuar nga kjo ide dhe prandaj i shtynë diskutimet për ditën e hënë. Me këtë thuajse u bë e pamundur që rezoluta të miratohej para mbërritjes së ministrave të jashtëm sot (të hënën) në mbrëmje.

Martina Butler
Deutsche Welle
8 Maj 2006