Lajme nga Mjekesia

Honesty^uk. · 27-04-04, 22:24

ZILJA TINGELLON DHE ZEMRA NDALON !

Nje zoteri anglez i semure nga nje semundje e çuditshme: tingulli i cdo lloj zileje perfshire dhe zilen e ores ishin te mjaftueshem qe t'i ndalonin rrahjet e zemres. Por per Allan Todd, ky eshte emri i pacientit te pa fat, 63 vjeç, 'viktime' qe prej 40 vjetesh e kesaj semundje te çuditshme erdhi momenti i sherimit.Mjeket e Newcastle e 'sheruan', fale nje pacemaker qe ndihmon muskulin kardiak te 'riaktivizohet'. Todd, qe punonte nje hotel dhe tani eshte ne pension, per vite me rradhe duhet te kete perdorur ndonje menyre me te embel per tu zgjuar duke pare qe tringellima e ziles mund ti shkaktonte nje humbje ndjenjash 30 sekondeshe. Mbas kesaj gjendje te fiketi, gjate se ciles zemra e tij pushonte se rrahuri, duhet te kalonin disa ore para se ai te ishte ne gjendje te fliste dhe te levizte.
Me kalimin e kohesh atij i binte te fiket shume shpesh,derisa Todd,shume i alarmuar, iu drejtua mjekeve ne Newcastle, qe i vendosen nje pacemaker urgjence.Ky aparat aktivizohet ne momentin qe zemra ndalon,duke bere qe te filloje perseri te rrahe. ''Nuk do te isha ketu sot pa ndihmen e tyre'',thote Todd,qe per here te pare kur i kishte ndodhur kjo anomali ishte 23 vjeç.Vete mjeket e quajne mrekulli faktin qe ai eshte akoma gjalle. Sipas kirurgeve,tani Todd mund te veje zilen per tu zgjuar

Honesty^uk. · 27-04-04, 22:32

Mbipesha e Madhe Trupore Shkurton Jetën

Ka kohë që mbipesha trupore shikohet si e dëmshme për shëndetin, por dy studime të reja mjekësore arrijnë në përfundimin se mbipesha trupore luan rol edhe në pakësimin e viteve të jetës.

Shkencëtarë amerikanë dhe holandezë njoftojnë se mbipesha trupore shkurton jetgjatësinë. Për arritjen e këtij përfudnimi shkencëtarëve iu deshëm disa vjet studimi të hollësishëm të çështjes.

Ekspertët pranë universiteteve në Birmingham të Alabamës dhe Johns Hopkins në Maryland shqyrtuan të dhënat e grumbulluara prej vitesh nga sondazhet e agjencive federale mbi shëndetin mes dhjetra mijëra njerëzve.

Doktor David Allison pranë universitetit të Alabamës thotë se synimi i studimit ishte për të përcaktuar ndikimin që ka mbipesha në jetëgjatësinë e njeriut.

Të dhënat e njoftuara në revistën e shoqatës amerikane të mjekësisë tregojnë se jeta e personave me mbi peshë trupore mund të shkurtohet 20 vjet, nëse mbipesha fillon rreth moshës 20 vjeçare.

Gjithashtu një grua e re zezake me mbipeshë trupore mund të humbasë 4 deri 5 vjet të jetës së saj, ndërsa një grua e racës së bardhë po me mbipeshë trupore mund të humbasë nga 5 deri 8 vjet. Gjendja këqësohet për burrat. Një burrë i racës së bardhë me mbi peshë të madhe trupore mund të jetojë 12 vjet më pak, ndërsa një i ri zezak në të njëjtat kushte të mbi peshës trupore mund të jetojë 20 vjet më pak.

Honesty^uk. · 27-04-04, 22:37

S'keni memorie te forte ?I gjithe faji eshte i nje molekule

Mund te jete nje molekule ne tru shkaku i humbjes se memories provokuar nga plakja. Jane te bindur kerkuesit e Swiss Federal Institute te Zyrihut qe kane publikuar rezultatet e studimeve te tyre te Nature. Shkencetaret zviceriane kane zbuluar ne trurin e minjeve te laboratorit nje enzime (substance me perberje proteine qe ne brendesi te qelizave kontrollon shpejtesine e reaksioneve biokimike) qe eshte ne gjendje te fshije te dhenat dhe informacionet. Kjo molekule “memorie ngrenese” (e quajtur fosfatazi –1, me siglen PP1) ben pjese ne nje sistem shume kompleks qe ripastron trurin nga kujtimet e pa deshirueshme dhe e lejon te filloje nga zeroja. Eksperimentet e ekipit zvicerian treguan qe te minjte e moshuar PP1 behet me aktive,duke shkaktuar humbjen progresive te memories. Ne te kundert, minjte me nivel te ulet te kasaj enzime nuk i harronin gjerat qe kishin mesuar me para . Nga provat laboratorike rezultoi qe duke bllokuar aktivitetin e PP1 minjte e rekuperonin plotesisht kapacitetin memorik.

Honesty^uk. · 28-04-04, 21:33

Person i verbër dhe çuditërisht ai është në gjendje të ngas makinën. Jens është pajisur me një aparat i cili e lejon atë të shohë. Një pjesë e aparatit është lidhur me trurin e tij ndërsa pjesa tjetër me një kompjuter.

Mjeku Bill Dobelle, shpikësi i aparatit, thotë se ai përdor stimulantë elektrikë për të ri aktivizuar shqisat e të parit tek të verbërit.

Kjo teknologji ndodhet ende në fazat fillestare, por shkencëtarët besojnë se kjo do të bëhet teknologjia së ardhmes në fushën e luftës kundër verbimit.

Honesty^uk. · 28-04-04, 21:34

Syri i majte ka me shume kapacitet,ne krahasim me syrin e djathte,qe te kuptoje emocionet e atyre qe na shikojne.
Kjo gje e veçante e syrit te majte u konstatua nga nje studim i American Academy of Neurology.
Syri i majte eshte i lidhur me "qendren e e mocioneve" te sistemit nervor, pra me anen e djathte te trurit,dhe kjo e lejon te dalloje tipin e emocioneve te atyre qe kemi perballe duke vezhguar fytyren e tyre.

**Murgesha** · 29-04-04, 00:55

Hormoni i besnikërisë
Ndërkohë që disa hormone, që nuk prodhohen për një kohë të gjatë, janë përgjegjëse për ndjenjat romantike të periudhës së parë të rënies në dashuri, ndikojnë disa hormone të tjera për shtuar dëshirën për një lidhje me afat akoma më të gjatë me partnerin Shumë marrëdhënie çiftore mbeten të pandryshuara edhe pas periudhës së hershme të rënies në dashuri. Dëshira e madhe për qetësi dhe siguri i mban partnerët së bashku. Për këtë kujdeset një "hormon besnikërie" i caktuar, oksitina. Vijon nga Rënia në dashuri Oksitina të bën të lumtur Oksitina ka gisht në shumë procese në trup. Për shembull oksitinë prodhohet me të madhe gjatë shtatzënësisë dhe lindjes. Ajo i liron shtrëngimet e gjatë lindjes dhe nxit formimin e qumështit të nënës gjatë periudhës së ushqimit të foshnjes me gji. Pandehet se mos përveç kësaj, përmes ndikimit të oksitinës krijohet edhe lidhja e ngushtë amë-foshnje. Edhe gjatë takimeve të trupngjeshura ndër partnerë ngjet një rritje e pasqyrës së oksitinës në gjak. Ky hormon zgjon ndjenjat e lumturisë dhe të ndjehurit e pasjes së një lidhjeje të fuqishme. Katër vjet kohëzgjatje Hulumtuesit janë të mendimit se hormoni oksitinë ndikon në jetën tonë dashurore për vetëm katër vjet. Ritmi katërvjeçar i oksitinës mund të jetë trashëgim nga stërgjyshërit tanë. Në atë kohë gratë ishin të varura nga partnerët e tyre për sa kohë që i kishin fëmijët të vegjël. Meshkujt i mbanin ato me ushqim dhe u ofronin mbrojtje. Për shkak se rritja e fëmijës kërkon kohë të gjatë, stërgjyshet tona lindnin mesatarisht një fëmijë në katër vjet. Kohën midis lindjeve ato e kalonin me sa duket gjithnjë në lidhje të qëndrueshme çiftore. Pas rreth 4 vjetësh fëmija dilte më në fund nga faza e asaj të fëmijës së vogël. Ëma ishte sërish e pavarur dhe mund t'i drejtohej një partneri të ri. Në këtë mënyrë - sipas mendimit të dijetarëve - është rregulluar në trurin tonë, përgjatë evolucionit dhe gjedhes së stërvjetër të lidhjeve njerëzore, rënia në dashuri dhe mbarimi i saj. Fatmirësisht sjelljet e njeriut nuk janë të varura vetëm nga hormonet. Pjesa më e madhe e tyre përcaktohen nga rregulla kulturore dhe shoqërore. Kështu që hormonet janë vetëm një shenjë që tregon se prika jonë gjenetike ndikon pjesërisht në sjelljet tona. Kjo trashëgimi nuk është e njëjtë tek gruaja si tek burri, të paktën ndryshon në një kromozon. A mund të jetë ky shkaku që këta shpesh nuk kuptohen ndërmjet tyre ?.................

**Murgesha** · 29-04-04, 11:47

Shëndeti: Semundia Alzaimer

Semundja Alzaimer (AD) eshte nje semundje qe prek trurin, duke shkaktuar
probleme per memorien, ndryshime ne sjellje dhe probleme ne te menduar.
Megjithse AD mund tu ndodhe te rriturve, eshte me e perhapur ne njerezit mbi
moshen 65 vjeç. AD prek personat ne te gjitha kulturat dhe ne te gjithe boten.
Cilat jane simptomat e semundjes Alzaimer?

AD fillon gradualisht. Simptomat perfshijne veshtiresi me memorien dhe veshtiresi per te perfunduar aktivitetin e zakonshem ditor.
AD mund te shkaktoje disa ose te gjithe problemet e meposhteme:
- konfuzion
- paaftesia per te mesuar informacion te ri
- gjykim i dobet
- harresa per te treguar kohen ose si te shkosh ne nje destinacion
- ndryshim ne sjellje dhe personalitet
- perseritja e te njejtes pyetje shume here.
Çfare duhet bere ne rast se te afermit tuaj humbin memorien apo pesojne ndryshime te tjera?

Eshte shume e rendesishme per ta Áuar kete individ me humbje memorie tek doktori apo infermerja per kontroll.
Ka shume arsye per humbjen e memories. Disa probleme mund te trajtohen menjehere ndersa te tjerat mund te jene me serioze.
Vetem klinikat mund te percaktojne ne se humbja e memories lidhet me semundjen Alzaimer.
Hapa te tjere per tu marre:

Personi qe ka humbje te memories dhe ata qe kujdesen per keta njerez shpesh ndjehen te frikesuar dhe pa shprese.
Kini durim dhe jepni mbeshtetje e tregoni dashuri. Fjalet e embla jane me efektive se sa perseritja e direksioneve te thjeshta.
Ndihmoni personin te krijoje nje shtepi te sigurte me objeke te shumta familjare perreth.
Perkujdesja per nje nejri me semundjen AD eshte shume e veshtire. Kerkoni mbeshtetje dhe informacion.

K-man · 29-04-04, 17:40

Femrat me ditelidje ne vere kan me pak femije sesa ato femra qe jane te lindura gjat muajve tjere te vitit, that nje studim Austriak i botuar ne Ejten. Studiuesit te cilet i studiuan dokumentet e 3000 femrave Austiake kan gjetur se ditelindjet kan pasur efekt ne riprodhim dhe qe femrat e lindura ndermjet Qershorit dhe Gushtit kan pasur me pak femije sesa femrat tjera

Honesty^uk. · 29-04-04, 18:40

Perimet mund të parandalojnë alcajmerin

--------------------------------------------------------------------------------

Kërkimet e reja tregojnë se përfshirja e rregullt e perimeve në dietën ushqimore mund të ndihmojë në parandalimin e sëmundjes së Alcajmerit dhe kjo për arsye se këto ushqime janë të pasura me vitaminë E.

Por në studimin e botuar këto ditë në revistën e shoqatës amerikane të mjekësisë, jepen të dhënat më të qarta të një lidhjeje midis kësaj vitamine dhe Alcajmerit. Studimi u krye për të parë në se marrja e ushqimeve antioksiduese mund të pakësojë rrezikun e prekjes nga sëmundja.

Shkencëtarët vëzhguan 815 persona mbi 65 vjeç, që nuk kishin ndonjë shenjë të sëmundjes. Gjatë studimit, pjesmarrësve iu bënë pyetje rreth llojit të ushqimeve që merrnin.

Pas afro 4 vjetësh pjesmarrësit në studim iu nënshtruan një ekzaminimi mjekësor dhe 131 prej tyre u diagnostikuan me sëmundjen e Alcajmerit. Shumica e tyre i përkisnin grupit që nuk përdornin rregullisht perime në dietën e tyre ushqimore.

Ndër ushqime të pasura me vitaminë E janë drithrat, nënprodhimet e tyre, perimet, arrat, bajamet, farërat e ndryshme dhe vaji i ullirit
__________________

Honesty^uk. · 29-04-04, 18:42

Kremi i Tepert Shkakton Infeksione

Shpesh gjatë periudhës së dimërit njerëzit përdorin krem për zbutjen e buzëve kur lëkura thahet ose plasaritet. Por shkencëtarët pranë universitetit të Alabamës paralajmërojnë se lyerja e tepruar e buzëve me krem mund të bëhet shkak për ifeksione.

Ata thonë se kremi zbut lëkurën dhe e bën atë të pambrojtur nga bakteret dhe infeksione të ndryshme.

Mjekët këshillojnë që sasia e kremit ose pomadës kundër plasaritjes së buzëve të kufizohet në maksimum dhe të mundësisht ajo të përdoret vetëm për mbrojtjen e buzëve gjatë një moti tepër të ftohtë.

Honesty^uk. · 29-04-04, 18:44

Një studim i ri mjeksor mbi kurimin e tensionit të lartë

Tensioni i larte shpesh është quajtur “një vrasës i heshtur”. Një studim i fundit, ndër më të rëndësishmit sipas komunitetit mjekësor, i botuar këto ditë në revistën e shoqatës amerikane të mjekësisë mund të ndryshojë mënyrën e kurimit të atyre që vuajnë nga tensioni i lartë. Studimi, arrin në përfundimin se një grup ilaçesh, të klasës së diuretikëve, të përdorur që para 50 vjetësh, jo vetëm që kushtojnë shumë më pak por janë edhe më të efektëshme sesa ilaçet e reja që firmat farmaceutike i reklamojnë me aq bujë.

Për uljen e tensionit në nivele normale ekzistojnë rreth 180 lloj ilaçesh. Por sipas një studimi të fundit, ilaçe e klasës së diuretikëve janë më të efektshmit për këtë qëllim.

“Gjatë studimit, vumë re këto ilaçe të vjetra janë më të mira jo vetëm për uljen e tensionit por edhe për parandalimin e komplikacioneve kardio-vaskulare,” thotë mjeku Paid Whelton i Departamentit të Mjeksisë në Universitetin Tulane.

Sipas studimit, pacientët e trajtuar me diuretikë, një klasë ilaçesh që pakësojnë kripërat dhe lëngjet në organizëm, rrezikoheshin më pak nga goditjet në zemër dhe zmadhimi i zemrës, sesa pacientët që merrnin ilaçe të reja e më të shtrenjta.

Studimi i financuar nga qeveria, që mori në shqyrtim 33 mijë persona 55 vjeç e sipër, ështe studimi më i gjerë klinik i këtij lloji i kryer ndonjëherë.

Çdo pacient pjesmarrës në studim e kishte tensionin 14 me 9 ose më të lartë. Disave iu dhanë diuretikë, si hidro-kloro-tiazide, të tjerëve iu dhanë ilaçe të reja të klasës së adelatit dhe amlodipinës, dhe një grupi tjetër, ilaçe të klasës së kaptoprilit.

Rezultatet ishin aq të qarta se që një mjek tha se nëse pacientët që vuajnë nga tensioni i lartë nuk marrin ilaçe të tilla, duhet të pyesin mjekun e tyre se përse nuk u ka dhënë.

“Ky studim shënon një pikë kthese. Studimi është i gjërë, i saktë dhe i pakundërshtueshëm, dhe mendoj se do të ketë një ndikim mjaft të madh në praktikën mjekësore,” thekson mjeku Michael Alelerman i Kolegjit të Mjeksisë Albert Einstein.

Diuretikët, të prodhuara prej kohësh, kushtojnë me lirë, një dozë mujore është më pak se 9 dollarë. Ndërsa ilaçet e reja të paktën 4 herë më shumë. Kjo është arsyeja që firmat farmaceutike u bëjnë atyre reklama të fuqishme.

Për t’i bërë ballë kësaj gjëndjeje, Instituti Kombëtar i Shëndetit po ndërmerr një përpjekje të pashembullt për të nxitur përdorimin e diuretikëve. 700 mjekë që morën pjesë në studim do të shpërndahen në mbarë vendin në përpjekje për të bindur mjekët që t’u këshillojnë më shpesh pacientëve të tyre ilaçe diuretikë.

Aktualisht, vetëm 30 përqind e personave që vuajnë nga tensioni i lartë trajtohen me diuretikë. Shkencëtarët thonë se nëse arrijnë që ky numër të ngrihet në 50 përqind, kjo do të shpëtonte jetë njerëzish dhe do t’i kursente ekonomisë çdo vit miliarda dollarë.

Honesty^uk. · 03-07-04, 17:12

Një studim i ri vë në dyshim të gjitha rreziqet, sidomos për adoleshentët, nga mbajtja afër e celularit.

Efektet e telefonave celularë mbi shëndetin prek kohësh kanë ngritur pikpyetje gjigande për shkencën. Së fundmi një prej universiteteve më të njohura në botë provon efektet negative të celularit mbi shëndetin, sidomos në tru. “Ky eksperimet është më i rëndësishmi që kemi bërë deri tani”,- konfirmon Leif Salford, neurokirurg i Universitetit Lund në Zvicër. Ai i referohet një shifre prej 1.3 miliard njerëzish në të gjithë botën, që parreshtur komunikojnë nëpërmjet celularit, duke emetuar për trurin valë të dëmshme. Shkencëtari ka eksperimentuar fillimisht me kaviet dhe më pas ka dalë në përfundimin se ka shumë pasiguri mbi praninë e telefonit celular te njerëzit. Në një shkrim të publikuar para pak kohësh te “National Institute of Environmental Health Sciences”, shkencëtarët, mes të cilëve ishte dhe Salford, sugjeronin praninë në nivele minimale të radioaktivitetit që emetonin aparatet e telefonisë celulare evropiane, duke dëmtuar dukshëm neuronet e trurit.

Barriera e trurit
Studimi i Salford-it, solli diçka pozitive, pasi avokatët iu rikthyen gjykatës. Në ndryshim me kërkimet e tjera shkencore të bëra deri më sot, profesori dhe grupi i tij i punës nuk janë përqendruar mbi kancerin, por mbi të ashtuquajturën BBB (blood brain barrier), i cili e mbron trurin nga substancat kimike, toksina dhe proteina që qarkullojnë në gjak. Më shumë së 25 vjet më parë, Louis Slesin, drejtor i revistës njujorkeze, “Microwale News”, botoi efektin e mikrovalëve në tru, por ky shkrim pati kundërshtime. Shkencëtarë të rekrutuar nga qeveria amerikane kishin zbuluar se mikrovalë që vinin nga telefonat depërtonin deri në BBB. “E gjithë kjo është e dukshme, por asnjërit përfaqësues i ndustrisë së prodhimit të telefonisë celulare nuk iu bë vonë për këto të dhëna”,- konfirmon Slesin, një prej gazetarëve të revistës. Pas kaq vitesh, të gjithë janë të shtrënguar të paktën të dëgjojnë për ndikimin e celularëve mbi shëndetin. Një seri studimesh të filluara në vitin 1992, grupi i universitetit Lund ka dëshmuar se te kaviet ndikimi i valëve që emetojnë telefonat celularë depërtojnë deri te barriera e trurit. Këto të dhëna shkencore janë ripërsëritur në një tjetër laborator, ku vërtetohet për herë të parë se, kur albumina depërton deri te BBB-ja, neuronet e trurit mund të vdesin.

Këshilla
Bëj telefonata sa më të shkurtra.
Ata që vuajnë nga zemra të mos mbajnë
apartin në xhepin e majtë, rrezik infarkti.

Honesty^uk. · 08-07-04, 11:02

Terapia me hormone; Këmbë robotike
06 Jul 2004, 13:14 UTC

Studime të ndryshme gjatë viteve 1990 kishin treguar se gratë e moshuara mund të mbroheshin nga humbja e kujtesës ose prekje të tjera në tru duke përdorur terapinë për zëvëndësimin e hormoneve. Por një studim i vitit të kaluara tregoi se se përdorimi i estrogjenit së bashku me progestin nuk kishin ndonjë efekt pozitiv në tru. Ndërsa tani një studim i ri thotë se edhe përdorimi i estrogjenit pa progesin nuk është në gjendje të parandalojë grupin e sëmundjeve që ndikojnë në humbjen e kujtesës tek gratë e moshuara. Në fakt, thuhet në studim, estrogjeni shton rrezikun e humbjes së kujtesës. Disa gra i nënshtrohen terapisë me hormonin estrogjen për të luftuar simptomat e pasmenopauzës dhe me shpresë se kjo terapi mund t’i mbrojë ato nga dementia dhe humbja e kujtesës. Doktor Rapp dhe kolegët e tij nga institucione të ndryshme të specializuara në mbarë Amerikën analizuan për 9 vjet me radhë të dhënat e rreth 3 mijë grave mbi moshën 65 vjeç, 50 përqind e të cilave ishin trajtuar vetëm me estrogjen. Shkencëtarët përllogarisin se në një grup prej 10 mijë grash që trajtohen vetëm me estrogjen, 23 prej tyre rrezikohen të preken çdo vit nga dobësimi i trurit dhe humbja e kujtesës. Tek gratë që nuk trajtohen me estrogjen ky numër është 11. Doktor Rapp thotë se këto shifra janë shqetësuese po të kihet parasysh se sot ka me miliona gra që i nënshrohen terapisë me hormone. Doktor Rapp pranë universitetit Wake Forest është i mendimit se për të parandaluar humbjen e kujtesës dhe prekje të tjera në tru, gratë mbi 65 vjeç nuk duhet të trajtohen me hormone.

Këmbë robotike

Kjo paisje e re është projektuar për t’i dhënë njerit fuqi bionike. Teknikisht, paisja njihet me akronimin Bleeks, Berkly Kouer Ektremitis Eksoskeleton. Por në gjuhen e thjeshtë ato mund të quhen këmbë bionike. Ato janë shpikje e punonjësve të laboratorit të inxhinjerisë robotike dhe njerëzore në universitetin e Kalifornisë në Berkley. Këmbët robotike mund t’u vijnë në ndihmë ushtararëve, zjarrfikësve por të transportuar pesha të rënda në distanca të mëdha. Ato përbëhen nga një palë pllakash mekanike të pajisura me bateri. Ato vendosen në çizme ose këpucë ushtarake dhe kanë lidhje me këmbët e përdoruesit. Mbi 40 ndjesorë dhe mekanizma hidraulikë që funskionojnë si një sistem nervor, llogarisisn në mënyrë konstante peshën e mbajtur dhe krijon një ngarkesë minimale për njeriun që e mban. Shkencëtarët vazhdojnë ende provat në laborator. Ata mendojnë se një ditë kjo shpikje do të gjejë zbatim në praktikë duke u ardhur në ndihmë ekipeve të shpëtimit gjatë operacioneve zjarrfikëse apo ushtarëve në marshime ose në fushë betejë

turisti · 27-08-04, 16:55

Ju faleminderoj per mundimet qe i beret rreth ketyre artikujve.

ARVANITI · 15-07-05, 21:11

Duhani pasiv, shumë i rrezikshëm

Duhani pasiv është një kancerogjen i grupit të I dhe rrit me 1/3 rrezikun për tumore. Kështu është klasifikuar nga Agjensia Ndërkombëtare kundër kancerit që punon për Organizatën Botërore të Shëndetësisë.
Duhani pasiv rrit 30% rrezikun e tumoreve në bashkëshortët joduhanpirës dhe 20% në gratë joduhanpirëse.