Lajme

[fadil]

Thaçi: Pavarësia e Kosovës është çështje e kryer Kryeministri Hashim Thaçi tha sot se pavarësia e Kosovës është çështje e kryer dhe tani kërkohet vetëm përfundimi i përgatitjeve për të. “Në Prishtinë, Bruksel dhe Uashington gjithçka është e përfunduar dhe zëra për shtyrje mund të ketë vetëm në Beograd” tha ai pas mbledhjes së sotme të Qeverisë së Kosovës. Kryeministri nuk deshi të komentojë asnjë nga deklaratat kundër pavarësisë, duke thënë se ai do të vazhdojë të punojë me të gjithë ata që punojnë për pavarësinë.
Ndryshe qeveria miratoi sot projektvendimin për fillimin e hartimit të ligjit për presidentin, atij për diasporën, shqyrtoi strategjinë legjislative për këtë vit, diskutoi për përgatitjet rreth manifestimit Epopeja e UÇK-së si dhe vlerësoi se janë shënuar rezultatet e para në zbatimin e zvogëlimit të shpenzimeve buxhetore.

mbrapa07 shkurt 2008 - 13:47:51

[fadil]

Rreth 100 shtete do ta njohin Kosovën menjëherë pas shpalljes së pavarësisë, tha kryeministri Thaçi Sipas tij, pavarësia do të njihet gjerësisht dhe institucionet vendore po bëjnë të gjitha përgatitjet e duhura për shpalljen e shpejtë. Këto komente Thaçi i bëri pas takimit me shefin e UNMIK-ut Joakim Ryker, i cili tha se mekanizmat ndërkombëtarë në Kosovë janë plotësisht të gatshëm të përballen me çfarëdo sfide gjatë ditëve dhe javëve të ardhshme. Pavarësia e Kosovës është çështje e kryer, njohja e gjerë ndërkombëtare do ta pasojë shpalljen e ditëve të ardhshme, tha sot kryeministri Hashim Thaçi. Ai u shpreh i bindur se kurrfarë procesi apo tendence për shtyrje nga Beogradi nuk do të ketë sukses.

Kryeministri tha se institucionet vendore në bashkëpunim me mekanizmat ndërkombëtarë në Kosovë po bashkëpunojnë ngushtë rreth përgatitjeve që i gjithë procesi të kalojë në mënyrën e duhur.

Me shefin e UNMIK-ut Joakim Ryker, ai diskutoi rreth këtyre përgatitjeve ashtu si edhe për zhvillimet politike pas statusit. Duke mos dhënë shumë detaje, apo qëndrime për statusin politik, Ryker tha se UNMIK-u është i përgatitur që të përballojë çfarëdo sfide eventuale gjatë ditëve dhe javëve të ardhshme. Ai mohoi ekzistencën e strukturave paralele të sigurisë në veriun e Kosovës.

“Ka struktura paralele në sektorin e arsimit dhe shëndetësisë dhe ato do të legalizohen ashtu siç parashihet me planin e Ahtisaarit. Por, kur bëhet fjalë për struktura administrative, UNMIK-u së bashku me institucionet vendore është autoriteti i vetëm. Ju siguroj se nga afër do të vëzhgojmë situatën sa u përket strukturave eventuale paralele administrative”, tha Ryker.

Ryker tha se në rast të informacioneve, strukturat e tilla do të trajtohen si ilegale.
Në ditët e pritjes së vendimit për statusin, çështje tjetër në të cilën është fokusuar vëmendja është ajo e vendosjes së misionit të BE-së në Kosovë.

Kryeministri tha se ky mision do të jetë i mirëseardhur. Sipas tij, edhe pas vendosjes së tij, Kosova do të udhëhiqet nga qeveria e vendit, ndërsa misioni i BE-së do të ketë rol mbikëqyrës dhe këshillëdhënës.
| s.b & RTK staff |



mbrapa08 shkurt 2008 - 12:36:03

[Naki]

"Gjithçka është e përfunduar dhe në korniza menaxhuese dhe e harmonizuar brenda institucioneve te Kosovës më partneret ndërkombëtarë. Ne e dimë datën edhe ju e dini e si i tillë përhajër na koftë", ka thënë kryeministri i Kosovës, Hashim Thaçi.
Në takimin e fundit me krerët komunal para shpalljes së pavarësisë, ashtu siç e quajti vetë kryeministri Thaçi, u dhanë disa udhëzime, për kryetarët e komunave, se çfarë duhet të veprohet më rastin e shpalljes së pavarësisë.
Thaçi vlerësuar se Kosova gjendet në momentin historik të saj dhe duhet dalë faqebardhë në këtë ditë duke i treguar botës se jemi për organizime dhe përgjegjësit për ndërtimin e Kosovës së pavarur: "Ky është momenti më i rëndësishëm i historisë së Kosovës, sytë e gjithë botës janë të drejtuar nga ne,dhe mos harroni jo vetëm në Prishtinë,por në gjithë Kosovën,kjo është përgjegjësia jonë, kjo është merita jonë,dhe këtu është vizioni jonë që edhe dita e shpalljes së pavarësisë të jetë ditë e dinjitetit, e respektimit të vlerave kombëtarë qytetare dhe bashkëjetesës ndëretnike".
Kreu i qeverisë kërkoi që festimi të mbahet në nivel të vlerësuar me qëllim që situata të jetë nën kontroll, duke zhvilluar kështu një festë të përbashkët.
Kryeministri Thaçi me këtë rast konfirmoi se Kosova ka përgatitur edhe simbolet e saj shtetërore dhe kushtetutën, ndërkaq për ditën e pavarësisë do të startohet më himnin evropian, ku në ndërkohë, do të finalizohet edhe himni i shtetit të Kosovës.
Ai ka kërkuar që me rastin e kremtes, të mos jenë të pranishëm fishekzjarrët, armët e zjarrit apo mjete tjera shpërthyese të cilat rrezikojnë jetën e qytetarëve.\14.02.08\ rtv

[Naki]

Në pikat kufitare mes Kosovës dhe Serbisë ndalohet hyrja për personat që nuk janë shtetas të Kosovës

Prishtinë, 22 shkurt 2008 (Kosovapress) Koha 10:50

Në pikat kufitare mes Kosovës dhe Serbisë, në Leposaviq, Merdare, Zubin Potok dhe Dheu i Bardh, Polica e Kosovës ka ndaluar hyrjen në Kosovë për personat që nuk janë banorë të Kosovës.

Zëdhënësi i Policisë së Kosovës, Veton Elashni, tha të premten për Kosovapress se një vendim i tillë është marrë pas ngjarjeve të djeshme që kanë ndodhur në Beograd.

“Vendkalimet në Leposaviq, Merdare, Zubin Potok dhe Dheu i Bardh, të gjithë personave që hynë në këto pika kufitare e që nuk janë banorë të Kosovës, nuk do t’u lejohet hyrja në Kosovë,” konfirmoi Elshani.

Ai nder tjerash ka shtuar se gjendja e sigurisë në këto pika kufitare deri e tani është e qetë dhe nuk ka protestues.

Ndryshe, mbrëmë në Beograd ekstremistë serbë kanë sulmuar ambasadat e vendeve që e kanë njohur shtetin e Kosovës dhe zyrat e bizneseve të këtyre shteteve, ndërsa gjatë ditës së djeshme një grup i rezervistëve të ushtrisë serbe tentoi të kalojë kufirin në Merdare, por u ndaluan nga njësitë speciale të Policisë

[Naki]

Këshilli i Sigurimit dënoi sulmet ndaj ambasadave në Beograd

Nju Jork, 22 shkurt 2008 (Kosovapress) Koha 09:47

Presidenti i Këshillit të Sigurimit të Kombeve të Bashkuara, Rikardo Alberto Arias, pas sulmeve ndaj Ambasadës së SHBA-ve në Beograd dhe ambasadave tjera, në emër të anëtareve të KS-ës i ka dënuar këto akte, duke rikujtuar principet fundamentale për pacenueshmërinë e misioneve diplomatike.
“Anëtaret e KS-ës dënojnë në mënyrën më të fuqishme sulmet e bandave keqbërësish ndaj ambasadave në Beograd, të cilat kanë rezultuar me dëmtimin e objekteve të ambasadave si dhe kanë rrezikuar personelin diplomatik. Antëarët e KSës rikujtojnë principet fundamentale për pacenueshmërinë e misioneve diplomatike dhe obligimet e qeverive nikoqire, të përfshira nën Konventën mbi Marrëdhëniet Diplomatike të Vjenës të vitit 1961, që të marrin gjitha masat e domosdoshme për të mbrojtur ambientet e ambasadave. Në këtë kontekst, anëtaret e KS-ës mirëpresin hapat e ndërmarr nga autoritetet serbe për të rikthyer rendin dhe të mbrojnë pronën dhe personelin diplomatik”, tha Arias.
Sulmet e kryera nga ekstremistët serbë i kanë dënuar edhe zyrtarët e Departamentit të SHBA-ve dhe zyrtarë të vendeve tjera të cilave u janë sulmuar ambasadat në Beograd.

[fadil]

Lajmet


Thaçi: Protestat si në kohën e Millosheviqit



2008-02-22 Kryeministri i Kosovës Hashim Thaçi tha se dhuna, e cila mbrëmë shpërtheu në Beograd e përkujton kohën e Sllobodan Millosheviqit.

Ai tha se janë "pamje e tmerrshme" sulmet e demonstrantëve ndaj ambasadës amerikane në Beograd.

Thaçi tha se dhuna në Beograd është diçka "që i përket së kaluarës".

"Nuk ishte vetëm reagim ndaj shpalljes së pavarësisë së Kosovës" nga Serbia, por gjithashtu edhe "ndaj botës demokratike", tha Thaçi.

Kryeministri kosovar gjithashtu ka shfaqur bindjen se forcat e NATO-s dhe njohja e Kosovës nga fuqitë evropiane dhe Shtetet e Bashkuara, do të mundësojnë sigurinë në Kosovë.

[fadil]

Thaçi: Kosova ka kufijtë më të mbrojtur në rajon

enlarge
Hashim Thaçi

27.02.2008
Zijadin Gashi
Gjendja e sigurisë në Kosovë është nën kontroll të plotë të mekanizmave vendorë dhe atyre ndërkombëtarë, ka thënë sot kryeministri i Kosovës, Hashim Thaçi.

Kufijtë e Republikës së Kosovës janë më të sigurtit dhe më të mbrojturit në gjithë rajonin, ka thënë sot kryeministri Hashim Thaçi.

Ai tha se organet e rendit, si ato vendore dhe ndërkombëtare, bashkë me KFOR-in, po mbajnë situatën nën kontroll si përreth kufijve, ashtu edhe në pjesët tjera të Kosovës, ku ditëve të fundit ka protesta apo edhe provokime që vijnë nëpër pikat kufitare me Serbinë.

Kryeministri Thaçi i bëri këto komente në mbledhjen e Qeverisë së Kosovës.

“Dua t’ju siguroj se gjendja e sigurisë në Kosovë është në kontroll të plotë të mekanizmave të sigurisë kosovare dhe atyre ndërkombëtare. Kufijtë e shtetit të Kosovës, mund të konkludoj me përgjegjësi të lartë se janë më të sigurtit dhe më të mbrojturit të të gjitha vendeve në rajon”, theksoi Thaçi.

Kryeministri Thaçi tha se policia vendore, ajo ndërkombëtare dhe KFOR-i kanë një bashkëpunim të ngushtë me punën e tyre profesionale që kanë treguar.

“Ky është një angazhim permanent për t’ju përgjigjur të gjitha rrethanave dhe sfidave që ka kaluar Kosova këto ditë”, theksoi Thaçi.

Në vijim, kryeministri kosovar tha se po vazhdon edhe njohja e shtetit të Kosovës me intensitet dhe me një vlerë e cilësi të shtuar prej shteteve, qeverive të vendeve të fuqishme.

Në këtë aspekt, Thaçi tha se Kosova do të aplikojë shumë shpejt për anëtarësim në disa prej organizatave e mekanizmave ndërkombëtarë, duke u përgatitur që një ditë të konkurrojë edhe për anëtarësim në Kombet e Bashkuara dhe në Bashkimin Evropian.

“Tanimë është dita e dhjetë e funksionimit të Kosovës si shtet sovran dhe demokratik dhe ne duhet të fillojmë menjëherë, si institucione të Kosovës, procesin e aplikimit për anëtarësim në Fondin Monetar Ndërkombëtar dhe në Bankën Botërore. Shumë shpejt fillojnë procedurat për anëtarësim edhe në OKB, BE, me angazhimet që janë të domosdoshme paraprake, që të jemi pjesë e përkushtimit dhe vizionit tonë për NATO dhe OSBE”, tha Hashim Thaçi.

Me kalimin e periudhës katër mujore të tranzicionit, Kosova do të mund të formojë edhe Ministrinë e Punëve të Jashtme.

Në këtë drejtim, Qeveria po përgatitet që të hapë dhe ambasadat e saj gjatë këtij viti në vendet që e kanë njohur dhe do ta njohin Kosovën si shtet të pavarur.

Zëvendëskryeministri Hajredin Kuçi tha se janë caktuar edhe prioritetet lidhur me ambasadat dhe përfaqësitë e para diplomatike të Kosovës.

“Kosova i ka kapacitetet e veta edhe buxhetore që t’i ndërtojë, jo megalomani, se ne nuk do të jemi në mesin e shteteve, ta zëmë si Vatikani me mbi 170 ambasada, po një shtet solid dhe përfaqësimi ynë do të jetë në vendet ku kemi interesa politike, por, njëkohësisht edhe bashkëpunim ekonomik, kulturor, etnik, e kështu me radhë. Mendoj që Uashingtoni, Nju Jorku e Brukseli do të jenë vendet ku do të hapen ambasadat e para”, tha Kuçi.

Qeveria dhe institucionet tjera të Kosovës janë duke përgatitur bazën e nevojshme ligjore që t’i trashëgojnë përgjegjësitë, të cilat UNMIK-u, para largimit, brenda katër muajve të tranzicionit do t’i bartë te vendorët.

Andaj, në Prishtinë vlerësohet se vetëm pas tranzicionit, do të mund të flitet për funksionimin e Kosovës si shtet, brenda suazave të përcaktuara me Paketën Ahtisaari, duke pasur parasysh se do të ketë edhe mbikëqyrje ndërkombëtare nga misioni i BE-së dhe prani të vazhdueshme të NATO-s.