"IMUNITETI" (EULEX-i, Dell-i, Jakupi, Limaj, Thaqi, akuzat për krime, Amerika... ?!)

[Kercovari]

As njera as trjetra,tandemi Dell dhe Feit jane ato qe urtesuan shqiptaret e ilirides te bejne ate qe thote grujevski,u derguan ne Kosove qe kosovaret te bejen ate qe thote Tadiqi...me shnet!

[Guri i madh]

Postimi origjinal është bërë nga Besi:)

ooo Ktu veq le ti Zhdrypin prej Xhipave te Blindun se ti fshin Hasmi, ska nevoj as Haga, Po ku kan pa njerzit me votu njerin qe i ka nxerr njerzit prej kolones edhe i ka vra para familjes, ku kan pa kta me vra krye-familjarin para tfamiljes, po kta e ban veq Shkau edhe disa njerz qe jan en PDK_ë

po e perseris edhe nji her


pas vrasjes se te ndjerit XHEMAJL MUSTAFEN ne rtk ishte nji debat ku pjesmarres ishin e ndjera NEKIBE KELMENDI ,FATMIR LIMA , e BUJAR DUGOLLI , në at debat fatmiri e bujari disi e ndiejshin nji knaqsi qe esht vrar i ndjeri


ose ne baz te bisedis e sillshin ,se LDKja e ka vrar te ndjerin MUSTAFA


nuk shkoj gjat e fatmiri u akuzue nga haga per krime lufte


ishte vet i treti denimin me 13 vite e murr aj i cili ishte ma i pa fajshmi i gjori HARADIN BALA i cili kisht zbatue urdhnat e FATMIR LIMES


ine isha nese dikush nga kta tre del fajtor aj duhet te jet FATMIR LIMA edhe me e marr at denimin qe po e vun pa drejtsisht HARADIN BALA

po gjykata esht shum e politizume po edhe e korruptume


po tash jam kunder ksaj aktakuzes se dyt pasi nji her esht shpall i pa fajshem


ku mbeten aqta miljonat e korrupcionit pse nuk i permend askush


tash esht nji loj tjter ,hashimit i duhet me i eleminue disa bashkpuntor qe deri sa erdhi ne pushtet ishin dor e djatht e hashimit

po tash ata i pengojn ne zhvillimin e ngjarjeve politike ne kosov e rreth kosoves

e nderkombtart vetem me hashimin do ti arrijn qellimet e tyre rreth degradimit te kosoves


me ulse te rezervura per shkie per status special per veriun e nderkombtart me i arrijt kto qellime ,duhet me ja largue HASHIMIT rivalet e tij ne PDK bile tash kan fillue edhe kunder JAKUPIT

[Zero Cool]

Lunacek: Limaj duhet të japë dorëheqje





Raportuesja e Parlamentit Evropian për Kosovë, Ulrike Lunacek u tregua e qartë sa i përket çështjes së imunitetit. Ajo tha se deputeti Fatmir Limaj duhet të japë dorëheqje e të mos fshihet prapa imunitetit të tij, pasi po hetohet për krime serioze, ndërsa të njëjtën gjë tha se duhet ta bëjnë edhe deputetët tjerë që po hetohen.


Në fund të vizitës së saj në Kosovë, Lunacek tha “Për mua si politikane, po të isha duke u hetuar për krime serioze që supozohet t’i kem bërë do të ishte e qartë besoj edhe për shumë deputetë të tjerë që të kërkoja heqjen e imunitetit ose të jepja dorëheqje”.

Eurodeputetja po ashtu ka komentuar edhe për bllokimin e dialogut Kosovë-Serbi.

Ajo tha se faji qëndron në palën serbe dhe kjo sipas saj do t’i kushtojë.

“Bllokada që po i bënë dialogut Serbia definitivisht do t’i kushtoi me statusin e vendit kandidat për në BE. Me këtë ka gjasë të humbë edhe përkrahjen e vendeve që e kanë mbështetur Serbinë deri më tani”, tha ajo.

Sipas saj, Kosova në këtë rast ka fituar poenë dhe ka treguar se përkundër përpjekjeve për të dialoguar me Serbinë, është e vështirë të arrihet një zgjidhje, sidomos në çështjet e doganave dhe lëvizjes së lirë.

[Zero Cool]

Thaçi i kërkon Kushtetueses të sqarojë imunitetin





Kryeministri i vendit, Hashim Thaçi kërkoi të mërkurën nga Gjykata Kushtetuese e Kosovës që të sqarojë çështjen e imunitetit të deputetëve të Kuvendit të Kosovës.


Një vendim i tillë është marrë në mbledhjen e Qeverisë së Kosovës, duke kërkuar që Gjykata Kushtetuese të sqarojë përveç imunitetit të deputetëve, edhe imunitetin e posteve tjera, si presidentit, kryeministrit etj.

Ndryshe, javën e kaluar EULEX-i kishte kërkuar që Kuvendi i Kosovës përmes një rezolute të kërkoj nga Gjykata Kushtetuese të sqarojë çështjen e imunitetit të deputetëve, në mënyrë që t’i hapë rrugë arrestimit eventual të deputetëve që janë nën hetime.

Një kërkesë të tillë u përkrah edhe nga Bashkimi Evropian dhe SHBA-të. Madje, ambasadori amerikan në Kosovë, Christopher Dell ishte shprehur ashpër, duke thënë se kryeparlamentari Krasniqi ka zgjedhur të sfidojë komunitetin ndërkombëtar, të sfidojë miqtë më të mirë të Kosovës në emër të mbrojtjes së një apo dy miqve të tij.

Mirëpo, kryetari i Kuvendit, Jakup Krasniqi, gjatë gjithë kohës ka kundërshtuar idenë që Kuvendi të nxjerrë rezolutë, me anë të të cilës do t’i kërkohej sqarim Gjykatës Kushtetuese lidhur me imunitetin e deputetëve. Ai ka kundërshtuar këtë rezolutë, me arsyetimin se kjo nuk është çështje që i përket Kuvendit të Kosovës.

Pas polemikave, se a është çështje e Kuvendit apo Qeverisë së Kosovës, të kërkohet sqarimi për imunitetin e deputetëve, kryeministri i vendit të mërkurën në mbledhjen e Qeverisë ka vendosur që të kërkoi nga Gjykata Kushtetuese e Kosovës të sqarojë çështjen e imunitetit të deputetëve të Kuvendit të Kosovës, presidentit dhe kryeministrit.

[Zero Cool]

Deputetët nuk gëzojnë imunitet për vepra penale






Kryeprokurori i Republikës së Kosovës, Ismet Kabashi, ka deklaruar se çështja e imunitetit të deputetëve të Kuvendit të Kosovës është e rregulluar me ligjin për të drejtat dhe detyrat e deputetëve, i cili parasheh heqjen e imunitetit. Mirëpo, sipas tij, imuniteti ka të bëjë me ndjekjen penale dhe deputetët nuk gëzojnë imunitet për vepra penale, të cilat i kryejnë jashtë fushëveprimit të tyre si deputetë.


“Nuk gëzon imunitet një deputet nëse kryen një fatkeqësi të komunikacionit, shkakton një viktimë, apo kryen një vrasje apo shkakton një vepër tjetër penale”, ka thënë Kabashi për Deutsche Welle.

Por, sipas tij, në ligj nuk thuhet se cili është ai organ kompetent që duhet t’i drejtohet Kuvendit për kërkimin e pëlqimit për arrestim, apo ndalim të deputetit. Për këtë arsye, kryeprokurori Kabashi konsideron se këtë çështje duhet ta rregullojë Gjykata Kushtetuese e Kosovës, si i vetmi organ kompetent për interpretimin e kushtetutës dhe vlerësimit se a janë ligjet në harmoni me kushtetutën apo jo.

“Ne kemi disa vendime të Gjykatës Kushtetuese të cilat janë respektuar dhe një vendim apo interpretim i Gjykatës Kushtetuese do ta zgjidhte njëherë e përgjithmonë dhe për të gjitha rastet e ardhshme eventuale këtë çështje”.

Kryeprokurori Kabashi thotë se ai nuk ka pasur asnjë kërkesë prej askujt që të hiqet imuniteti i ndonjë deputeti, i cili ka kryer ndonjë vepër penale gjatë ushtrimit të detyrës si deputet. “Mirëpo, imuniteti nuk ka të bëjë me vepra penale, të cilat nuk janë kryer gjatë fushëveprimit të deputetit si deputet në detyrë. Do të thotë, vetëm për ato vepra penale kërkohet heqja e imunitetit”.

[Zero Cool]

PDK: Më i rëndësishëm raporti me miqtë, se imuniteti





Shefi i Grupit parlamentar të Partisë Demokratike të Kosovës, Adem Grabovci tha të enjten se më e rëndësishme për PDK-në është ruajtja e raporteve me miqtë ndërkombëtarë dhe shteti i Kosovës, sesa marrja eventuale e imunitetit të ndonjë deputeti të PDK-së.


Ai tha se Grupi parlamentar i PDK-së ka qenë gjithnjë për ruajtjen e rendit dhe ligjit në Kosovë. Ai mohoi të ketë pasur ndonjë kërkesë nga EULEX-i që Grupi parlamentar i PDK-së të iniciojë çështjen e imunitetit të deputetëve.

Për imunitetin ka folur edhe deputeti i Vetëvendosjes, Glauk Konjufca. Ai e ka konsideruar të gabuar kërkesën e Qeverisë së Kosovës për të kërkuar sqarim nga Gjykata Kushtetuese e Kosovës për çështjen e imunitetit.

Ai tha se është prokurori i shtetit, ai që ka mundur të bëjë një kërkesë të tillë, pa shkuar kjo përmes Qeverisë së Kosovës.

Konjufca tha se çdo kërkesë e ardhur nga EULEX-i për t’ia marrë imunitetin ndonjë deputeti do të jetë e papranueshme për lëvizjen Vetëvendosje.

[Zero Cool]

Mustafa përkrah Thaçin për imunitetin






Kryetari i partisë më të madhe opozitare, LDK-së, Isa Mustafa ka përkrahur vendimin e Qeverisë së Kosovës për t’i referuar Gjykatës Kushtetuese kërkesën për interpretimin e çështjes së imunitetit për presidentin, kryeministrin, ministrat dhe deputetët.


Në një deklarim për medie Mustafa ka thënë se Qeveria e Kosovës ka bërë mirë që ka shfrytëzuar një kompetencë të vetën, duke iu drejtuar kushtetueses për imunitetin, pasi që sipas tij kjo çështje filloi të bëhet problem politik.

“Unë mendoj që Qeveria ka bërë mirë që e ka shfrytëzuar një kompetencë të saj kushtetuese, e ka hequr nga rendi i ditës një çështje e cila filloi të bëhet problem politik për Kosovën”, ka theksuar ai, raporton Express.

Sipas tij, ky vendim i Qeverisë së Kosovës kontribuon në sqarimin e shumë dilemave të EULEX-it, dhe për këtë mbetët që Gjykata Kushtetuese të jap mendimin e saj, i cili duhet të respektohet nga të gjithë.

[Zero Cool]

Kushtetuesja përgjigjet në shtator për imunitetin






Gjykata Kushtetuese e ka pranuar kërkesën e qeverisë së Kosovës për të interpretuar çështjen e imunitetit të zyrtarëve më të lartë shtetërorë të Kosovës.


Por, burime të RTV21 brenda gjykatës thonë se interpretimi do të mund të publikohet vetëm në shtator.

Opozita ndërkaq vlerëson se është mirë që është kërkuar ky interpretim dhe pret që të gjithë ta respektojnë mendimin e Gjykatës.

Çështja e imunitetit të deputetëve të Kuvendit të Kosovës u ngrit pasi misioni evropian për sundim të ligjit EULEX, kërkoi që të sqarohet kjo çështje, në mënyrë që ky mision të veprojë më tutje në lidhje me hetimet për raste të caktuara.