Facebook

[Zero Cool]

Kujdes Milet, mos thuni qe sju kam tregu !


Rrëmbehen profilet e Facebook përmes shtojcave të Chrome (addonsave-extensioneve)


Nuk është e lehtë të mbrohesh në internet, e poashtu nuk mund të ju shmangesh kërcënimeve të shumta nga persona të ndryshëm, prandaj mundohuni që së paku kur e përdorni internetin mos klikoni në lidhjet që dyshoni në to, dhe mos instaloni shtojca të dyshimta në shfletuesin tuaj, sepse llogaria juaj e Facebook dhe llogaritë e tjera mund të jenë në pronësi të dikujt tjetër.

Kaspersky Lab ka zbuluar virusin i cili ishte i instaluar brenda shtojcave të Google Chrome në Chrome Web Store me emra të ndryshëm, por më i popullarizuari ishte aplikacioni i quajtur Facebook Apps. Duhet të jeni të vetëdishëm se këto shtojca/aplikacione janë të rreme.

Sipas Kaspersky Lab ky sulm i profilive ka qenë i kufizuar kryesisht në Brazil, që ka pasur viktima të shumta brenda këtij vendi, por ju mund të kujdeseni sadopak për profilin tuaj apo jo?

[Zero Cool]

Edhe fëmijët nën 13 vjeç në Facebook?!


Mosha kufitare për regjistrim në rrjetin Facebook është 13, kështu që veglat vëzhguese të ekspertëve të rrjetit Facebook menjëherë e vërejnë një pjesëmarrës nën moshën 13 vjeçare dhe e largojnë atë për një vit ose dy.

Por një studim i ri tregon që 38 për qind e fëmijëve në Facebook nuk kanë moshën e cila lejohet me rregullat e rrjetit Facebook. Ata janë të moshës 12 vjeçar ose më të vegjël.
Studimi i bërë nga një ndërmarrje e quajtur Minor Monitor tregon që 4 për qind e fëmijëve në Facebook janë 6 vjeçar ose madje edhe më të vegjël.

Nëse kjo sadopak i afrohet të vërtetës, ndokush mund të bëjë pyetjen se sa prindër janë në dijeni ose në fakt brengosen për këtë. 17 për qind e prindërve në këtë studim thanë që ata aspak nuk e vëzhgojnë veprimtarinë e fëmijëve të tyre në Facebook – megjithëse më shumë se gjysma e tyre pranuan që ata kanë hyrë në llogaritë e fëmijëve të tyre vetëm për të parë se çfarë po ndodhte.

Natyrisht, pothuajse tre nga katër çerekët e prindërve që kanë marrë pjesë në këtë hulumtim thanë që ata ishin të shqetësuar për sigurinë e fëmijëve të tyre në Facebook. Atje fshihen vjedhjet, sharjet dhe të gjitha llojet e karaktereve të pakëndshme në faqen e vet. Si mundet që fëmijët kaq të vegjël të pritet të jenë aq të përgatitur për atë me të cilën mund të përballen?

Por është një numër interesant për ata që brengosen nëse Facebook është bërë thjesht një veprimtari e nënkuptueshme automatike për njerëzit, si ushqimi ose shikimi i ndonjë emisioni televiziv. 30 për qind e fëmijëve që kanë marrë pjesë në këtë studim thanë që rrinë në Facebook për dy ose më tepër orë në ditë.
Disa mund të shqetësohen nëse kjo mund të pengonte përkushtimin e tyre në detyrat e shtëpisë.
Facebook thotë që i përjashton çdo ditë rreth 20,000 fëmijë të moshës nën 13 vjeçare.

[Zero Cool]

Kujdes


Virus i ri në Chat-in e Facebook-ut


Një virus i ri po thuhet se po përhapet nëpër kompjutera përmes dritares chat e në rrjetin social të Facebook

Virusi mbërrin si një mesazh nga një prej miqve në rrjet, i cili dërgon një link që në dukje është i padëmshëm.

Duke klikuar mbi linkun menjëherë infekton PC me virusin, të emërtuar Steckt.Evl nga zbulues Trend Micro.

Virusi në çast mundëson dhe heq softwaret anti-virus, pastaj përhapet dhe dëmton vetë sistemin.

Ekspertët e sigurisë Trendi Micro, që zbuluan kërcënim e ri, thanë se virusi propagandon me anë të aplikacioneve të mesazheve të çastit dhe gjëja e parë që virusi bën është çaktivizimi i programeve që mund ta zbulojnë dhe shkatërrojnë atë.

Sipas raportit, qëllimi është për të "kontrolluar" PC, dhe pët të vjedhur informata të ndjeshme të tilla si detajet bankare.

[Zero Cool]

Facebook, me telefon të ri, punëson inxhinierët e Apple





Javën e kaluar, Google e kompletoi blerjen e prodhuesit të madh të telefonave mobil, njësinë Motorola Mobility për një shumë që arrin 12.5 miliardë dollarë, ndërsa tani duket se edhe një emër tjetër i madh i teknologjisë është vënë pas krijimit të telefonave të mençur mobil, dhe pikërisht bëhet fjalë për Facebook.


Punëtorët e Facebook thonë se kompania është duke planifikuar që të lansojë një model të ri të telefonit të mençur mobil gjatë vitit të ardhshëm.

Për këtë, Facebook tashmë ka punësuar dhjetëra inxhinier nga Apple, të cilët kanë punuar në krijimin e iPhone dhe iPad, thuhet sipas New York Times.

Nëse ky lajm del të jetë i vërtetë, atëherë do të ishte hera e tretë që Facebook tenton të prodhojë një telefon të mençur mobil, pasi që në 2010 ishte hera e parë kur rrjeti social planfikoi të ketë telefonin e vet në treg.

Tani, sipas All Things Digital, Facebook është duke bashkëpunuar me HTC-në për të krijuar një model të ri të telefonit, të cilin sipas të gjitha gjasave do ta quaj – Buffy.

Modeli i ri i telefonit të Facebook, thuhet se do të paraqitet në treg gjatë vitit të ardhshëm, pasi që për momentin, i njëjti është në fazën e konceptit të dizajnit, dhe më pas do të procesohet për prodhim.

[Zero Cool]

Facebook blen Face.com



Lajmi i fundit për rrjetin më të madh social në botë, Facebook.com, thotë se gjiganti i teknologjisë do ta blejë shërbimin për njohjen e fytyrës, faqen Face.com.

Sipas burimeve të njëjta, çmimi që Facebook do të paguajë për Face.com do të sillet prej 80 deri në 100 milionë dollarë, ndërsa kjo kosto do të shërbejë për të përvetësuar teknologjinë e cila e lexon fytyrën e njeriut.

Këto thashetheme vijnë menjëherë pasi Facebook është regjistruar në tregjet financiare, ose disa javë më pas që rrjeti social e përfundoi marrëveshjen për blerjen e Instagram për 1 miliardë dollarë.

Face.com së fundmi ka zhvilluar aplikacionin Face Tagger, i cili u mundëson përdoruesve të skanojnë fotografi fytyrash, si dhe t’i njohë ato. Aplikacioni mund të gjendet në App Store të Apple me emrin KLIK.

[Zero Cool]

Mos e le pa e bo !




Nuk aprovohen rregullat e reja në Facebook, ftohen të votojnë 900 milionë familjarët






Përdoruesit e rrjetit Facebook mund t'iu japin formë vëzhgimeve mbi politikat e rrjetit social për përdorimin e të dhënave dhe rreth privatësisë, me anë të votave të tyre, fushatë kjo që filloi nga e premtja dhe zgjat një javë.

Ndërmarrja me 900 milionë përdorues është thirrur për një votim të përgjithshëm qeverisës, gjë të cilën Facebook e kishte bërë edhe në vitin 2009.

Votuesit mund të vëzhgojnë ndryshimet e propozuara të Deklaratës së të Drejtave dhe Përgjegjësive dhe Politikës së Përdorimit të të Dhënave. Më tej, përdoruesit mund t’i krahasojnë ndryshimet me politikat ekzistuese dhe mund të vendosin nëse duan të votojnë për miratim të rishikimeve.

Ndryshimet përfshijnë disa çështje logjike, si zëvendësimi i referencave në “profil” me “timeline”. Ndryshimet e tjera do të mund të hapnin derën për reklamat e Facebook që të paraqiten në uebfaqet e tjera.

Nëse më pak se 30 për qind e përdoruesve aktivë votojnë, rezultatet do të jenë vetëm këshillimore, - tha Facebook. Nëse më tepër se 30 për qind e përdoruesve votojnë, atëherë vendimi do të shtrëngohet.

Facebook e mbajti një periudhë të gjatë rubrikën e komentit të hapur, për të gjitha palët që duan të shprehin idetë. Rishikimet e propozuara përfshihen në politikat e mëvonshme të Facebook-ut.






Të gjithë ata që duan të votojnë, do duhej ti ndërmerrnin këta hapa:

1. Hapeni adresën: https://www.facebook.com/note.php?no...51726588550301

2. Kopjoni këtë tekst: “I oppose the changes and want a vote about the demands on www.our-policy.org”

3. Vendoseni atë në komentin e adresës dhe kjo llogaritet vota juaj.

[Zero Cool]

Facebook kërkon numrin tuaj të telefonit për arsye sigurie


Facebook po përpiqet të shmangë një katastrofë nga ana e sigurisë dhe për ta bërë këtë gjë, ata duan të dhënat tuaja personale, duke përfshirë këtu edhe numrin tuaj të telefonit.

Disa përdorues mund ta kenë parë lajmërimin sa futesh në facebook: "Mbani kontrollin e llogarisë tuaj, duke ndjekur këto hapa".
Në fakt, këto hapa ju çojnë në faqen e sigurisë së Facebook, të cilat ju thonë detaje se si të kuptoni mashtrimet, të zgjidhni një fjalëkalim të veçantë dhe të konfirmoni një numër telefoni.

"Ky është një hap sigurie për ta mbajtur facebook-un një komunitet me njerëz të vërtëtë që përdorin identitetin e tyre të vërtetë." - tha rrjeti social.

Në qoftë se llogaria e njërit do të hakohej, atëhere facebook do të fshinte direkt të gjitha fjalëkalimet dhe do i dërgonte pronarit të llogarisë një sms, në të cilën do i kërkohej të ndryshonte fjalëkalimin.
Këto lajmërime të Facebook-ut, vijnë pak pasi ndodhën hakimet në eHarmony, Last.fm dhe LinkedIn. Rrjeti social i tha TheCruch, se plani i tyre i sigurisë ishte i vendosur që para se të ndodhnin këto hakime. Gjithësesi, këto ndodhi mund të shërbejne shumë mirë si një iniciativë.

Sipas Cloudmark, më shumë se 4 % e atyre që morën një mesazh për ndryshim fjalëkalimi nga LinkedIn, e konsideruan si junk.

TechCrunch tha se mesazhi i Facebook-ut nuk do të jetë i pranishëm ditët e ardhëshme.

[Zero Cool]

Facebook ndryshon e-mail asresat e përdoruesve


Nëse do të shikoni me vëmendje tek informacioni i profilit juaj apo i shokëve tuaj në Facebook, do të vini re se adresat e e-mail-it janë ndryshuar duke marrë prapashtesën “@facebook.com”.

Kështu rrjeti shoqëror ka ndryshuar pa njoftuar adresat e 900 milionë përdoruesve të tij ditën e sotme.

Kjo do të thotë se kushdo që ju kërkon në Facebook dhe kërkon të kontaktojë me ju me anë të e-mail-it nuk do të jetë në gjendje ta bëjë këtë gjë sepse do të shohë vetëm “@facebook.com”. Kjo do të thotë gjithashtu se e-mail-i do të vijë si një mesazh në Facebook.

Rikthimin e adresës së e-mail-it si më parë duhet ta bëni manualisht.

Facebook thotë se ky ndryshim ka ardhur për të mbrojtur privatësinë e përdoruesve.

[Zero Cool]

KUJDES


Kujdes nga ky mashtrim që ju vjen me njoftim në Facebook


Në qoftë se ju vjen një e-mail se një miku juaj ju ka etiketuar në një foto, kini kujdes – mund të jetë kurth!

Firma e sigurisë Sophos ka identifikuar një maluer të ri, të quajtur Troj/Agent-XNN. Ai ka filluar të qarkullojë në Facebook duke i bërë njerëzit të klikojnë në njoftimet, për të parë foto të tyre.

Pasi klikohet linku, i cili përmban virus, shkarkohet në kompjuter një skedar ZIP i cili lejon hakerat të marrin kontrollin e kompjuterave që operojnë me Windows.

Zakonisht, njoftimet e këtij lloji vijnë me fjalinë se ‘një miku juaj (emri i tij) ju ka etiketuar në një foto’, ndërsa ky maluer vjen me fjalinë ‘një miku juaj ka shtuar një foto me ju në albumin e tij’.


Ja se si duken e-mailet mashtruese që vijnë nga ky malware:






Anglisht

[Zero Cool]

S’ka Facebook për kinezët!






Edhe përkundër faktit se Kina është tregu më i madh i një vendi të vetëm, Facebook nuk e ka ndërmend të depërtojë në të.

Jayne Leung, drejtor i Facebook-ut për Azinë Veriore gjatë ngjarjes së njohur si “Social Media Matters” ka zbuluar se rrjeti social nuk e ka ndërmend të lansohet në Kinë, raporton “The Next Web”.

Për një kohë të gjatë ka pasur shumë thashetheme të cilat thonin se Facebook do të hyjë në tregun kinez, pasi Facebook kishte regjistruar domenin Facebook.cn, ndërsa këto spekulime u rritën edhe më shumë kur themeluesi i faqes, Mark Zuckerberg vizitoi Kinën për pushime.

Natyrisht se Kina paraqet një potencial të mirë për zgjerimin e Facebook, pasi që shteti më i madh aziatik sot ka më shumë se 500 milionë përdorues të internetit, ndërsa rrjeti social është afër për t’i bërë 1 miliard përdorues.

Megjithatë, çdo plan i Facebook është komplikuar edhe më shumë pasi që autoritetet kineze kishin bllokuar qasjen në rrjetin më të madh social në vitin 2008.

[Zero Cool]

App Center
Introducing FarmVille 2. Grow and harvest beautiful crops, raise adorable animals, and craft delicious treats in this all new 3D world. It’s time to grow wild

[Zero Cool]

Kërkimi me telefon në Facebook mund të keqpërdoret



Sipas hulumtuesve të sigurisë, përdoruesit apo sulmues të ndryshëm në Internet mund të abuzojnë me veçorinë e kërkimit të Facebook-ut në telefon për të gjetur numra të vlefshëm të telefonit dhe emrin e poseduesve të tyre.

Sulmi është i mundshëm sepse Facebook-u nuk e kufizon kërkimin me numër të telefonit që mund të kryhet nga një përdorues përgjatë versionit mobil të uebfaqes, tha në një postim të fundit në blog një hulumtuese e pavarur e tregut, Suriya Prakash.

Facebook-u iu mundëson përdoruesve për të lidhur numrat e tyre të telefonit me llogaritë e tyre. P.sh një numër telefoni celular kërkohet për të verifikuar ndonjë llogari të re në Facebook dhe të zhbllokojë veçoritë si ngarkimin e videove ose ndryshim të URL-së së kohështrirjes (timeline).

Personat që kanë numrin e telefonit, mund të gjejnë edhe profilin në Facebook

Kur të bëhet shtimi i numrave të telefonit në seksionin “Contact info” të faqes përkatëse në Facebook, përdoruesit mund të zgjedhin nëse ata duan ta bëjnë këtë informacion të dukshëm për publikun, vetëm për shokët e tyre apo vetëm për vete, që është një opsion i mirë.

Facebook-u gjithashtu iu mundëson përdoruesve që të gjejnë njerëzit e tjerë në uebfaqe duke kërkuar për numrat e atyre njerëzve në formatet ndërkombëtare.

Përdoruesit mund të kontrollojnë se kush mund t’i gjejë ata duke e përdorur këtë metodë përgjatë një opsioni në “Privacy Settings”, “How You Connect”, “Who can look you up using the e-mail address or phone number you provided?” që është rregulluar në fillim për të gjithë (“Everyone”).

Kjo nënkupton që edhe nëse e vendosni që të mos e shikojë askush numrin e telefonit në profilin tuaj në Facebook, çdo kush që e di numrin do të jetë në gjendje që të ju gjej në Facebook përderisa të ndryshoni opsionin e dytë në “Friends” ose “Friends of friends”.

Nuk ka opsion që të bëhet parandalimi i të gjithëve që të gjejnë profilin tuaj duke e përdorur numrin tuaj të telefonit.

[Zero Cool]

Himni i facebook-ut.

Ne facebook te bashkuar
me nje deshire dhe nje qellim.
te gjithe atje duke komentuar
ne cdo status e publikim.
prej facebookut vec ai largohet
qe nuk ka vale as internet.
kush eshte fans ska pse frikesohet
ti beje like dhe koment.

[Zero Cool]

Facebook krijon profil të përbashkët për të dashuruarit






Facebook-u filloi me faqen për çifte. Në vend se çiftet të hapin profile me dy emra, tani do të kenë faqen e përbashkët ku do të mund të vendosin fotografitë e tyre të përbashkëta.

Në qoftë se në profilin tuaj keni theksuar se jeni në një lidhje (In a relationship) dhe e keni bërë tag partnerin, atëherë profilin tuaj të përbashkët do ta gjeni në www.facebook.com/us

Duhet ta keni parasysh se Facebook-u ka marrë lirinë që vet dhe pa lejen tuaj të krijojë një profil të tillë.

[Zero Cool]

Facebook Photo Sync në dispozicion për të gjithë


Facebook ishte duke e testuar funksionin e sinkronizimit të fotografive për tre muaj rresht. Tipari i ri i rrjetit social i cili quhet Facebook Photo Sync tani është në dispozicion tek të gjithë përdoruesit.





Ky funksion u mundëson të gjithë përdoruesve të ngarkojnë fotografitë e tyre nga telefonat e mençur mobil në mënyrë automatike, dhe të njëjtat pas ngarkimit ruhen në faqen e Facebook, në një folder privat.

Kjo do të thotë se përdoruesit nuk do të turpërohen nga postimi i panevojshëm i fotografive qesharake në publik. Opsioni i ngarkimit të fotografive në Facebook mund të bëhet përmes butonit në anën e majtë të faqes, i cili është tani edhe në telefon apo tablet.

Pas hapjes së këtij butoni, përdoruesit do tu qasen fotografive të tyre të ngarkuara, pas aktivizimit të sinkronizimit të fotografive.

Me këtë funksion të ri në faqe, Facebook synon që të shumëfishojë numrin e fotografive të ngarkuara nga përdoruesit e saj, për tu konfirmuar edhe një herë më shumë si lider online edhe sa i përket përmbajtjes me fotografi.