"Izraeli mund të sulmojë Iranin"

[Kalt]

Hera e parë që një zyrtar i lartë hebre përmend një mundësi të tillë


"Izraeli mund të sulmojë Iranin"


Zëvendëministri i mbrojtjes reagon për programin bërthamor

Zëvendësministri izraelit i Mbrojtjes, deklaroi të premten, se Izraeli mund të detyrohet të nisë një sulm ushtarak kundër programit të kontestueshëm bërthamor të Iranit, deklaratë kjo më e drejtpërdrejta deri më tani, ku një zyrtar i lartë përmend një mundësi të tillë. "Unë nuk mbroj një aksion ushtarak parandalues të Izraelit kundër Iranit dhe jam i vetëdijshëm për çdo pasojë të mundshme", tha për "Jerusalem Post" zëvendësministri i Mbrojtjes Ephraim Sneh, një ish-gjeneral. "Unë e mendoj ndërhyrjen ushtarake, si mundësinë e fundit. Por, edhe mundësia e fundit, është shpeshherë e vetmja mundësi", tha ai. Komentet e zëvendësministrit Sneh, nuk reflektojnë domosdoshmërisht këndvështrimin e qeverisë apo të Kryeministrit Ehud Olmert, deklaroi më pas zëdhënësi i kabinetit qeveritar, Miri Eisin. Olmert, që pritet të mbërrijë në Uashington sot, tha se ai kishte besim te përpjekjet e Shteteve të Bashkuara të Amerikës për zgjidhjen e mosmarrëveshjes mbi programin bërthamor të Iranit. Administrata Bush dhe kombet e tjera, thonë se programi bërthamor i vendit islamik, është në fakt një mbulim për prodhimin e armëve bërthamore, por Teherani deklaron se programi i tij është krejtësisht paqësor. "Unë kam respekt të jashtëzakonshëm për Presidentin Bush. Ai është absolutisht i angazhuar", tha Olmert, në një intervistë për mediat amerikane. "Unë e di se Amerika nuk do ta lejojë Iranin të shtijë në dorë armët bërthamore, për shkak se një gjë e tillë do të ishte rrezik për të gjithë botën perëndimore", tha ai. Shtetet e Bashkuara të Amerikës dhe aleatët e saj evropianë kanë propozuar një numër sanksionesh në përpjekje për të ndalur zhvillimin bërthamor të vendit. Izraeli e konsideron Iranin si kërcënimin më të madh për mbijetesën e tij. Presidenti iranian i vijës së ashpër, Mahmoud Ahmadinexhad, ka kërkuar shkatërrimin e Izraelit dhe vetë izraelitët nuk besojnë në pretendimet e vendit islamik, se programi i tij bërthamor, synon të zhvillojë energji dhe jo armë. Izraeli goditi rëndë programin bërthamor të Irakut, 25 vjet më parë, duke bombarduar një reaktor ende të papërfunduar të tij. Ekspertët thonë se Irani ka mësuar nga gabimet e Irakut, dhe shumë nga reaktorët e tij bërthamorë, i ka ndërtuar nën tokë. Ndërkohë, deklaratat e ashpra të zëvendësministrit izraelit të Mbrojtjes, janë më të ashprat e bëra deri tani nga një zyrtar izraelit. Olmert dhe të tjerë liderë izraelitë, shpesh e kanë diskutuar kërcënimin iranian, duke i dhënë tone serioze, por nuk kanë kërcënuar deri më tani me ndonjë veprim ushtarak. Vite të tëra diplomacie, kanë dështuar të shmangin Iranin nga modifikimi i programit të tij bërthamor, në mënyrë që ai të mos mundte të prodhonte armë bërthamore.

Gazeta Shqip
Tirane
11 nentor 2006

[musl|m]

Po dojkan me vertetu fjalen e urt popullore:

Sulmi eshte mbrojtja me e mire!

[Arb]

Tjetra mos kofte...

Rrafsh i bofte zoti te dyja...

[Drinni]

Postimi origjinal është bërë nga musl|m

Po dojkan me vertetu fjalen e urt popullore:

Sulmi eshte mbrojtja me e mire!

Ktu e ke godit ,edhe pse ti s' ke mendue kështu

[pirro]

Athue sa metra ne toke asht AHMADIN NEXHAT.

[Gentiani]

Eu, po ç`taksirat Hasani i Nasrallahut me u dhënë edhe një potpuri shuplaka, siç bëri para pak kohe ose definifisht kanë vendosur ti lyejnë flokët me "kanë" made in Iran

[Kalt]

Irani flet për reagim të rrufeshëm


Zëdhënësi i ministrisë së jashtme iraniane, Mohammed Ali Hosseini ka paralajmëruar se vendi i tij nuk do të hezitojë të veprojë me goditje të fortë, nëse Izraeli sulmon objekteve bërthamore.
Kjo pason sugjerimet e zv/ministrit izraelit të mbrojtjes, Ephraim Sneh, se Izraeli mund të kryejë sulme ushtarake kundër instalimeve bërthamore iraniane si mjet të fundit .
Zëdhënësi i Ministrisë së jashtme iraniane tha se nëse Izraeli i futej një budallallëku të tillë, atëherë reagimi i luftëtarëve iranianë do të ishte i fortë dhe i shpejtë.
Zoti Hosseini tha se reagimi iranian do të jetë i rrufeshëm.
Por përsa i përket çështjes së bisedimeve direkte me SHBA mbi Irakun, ministria e jashtme iraaniane paraqiti një rol më pajtues.
Zoti Hosseini përsëriti se nëse do të kishte një kërkesë zyrtare të shkruar nga SHBA për bisedime mbi rajonin, atëherë Teherani do ta konsideronte atë.
Zoti Hosseini gjithashtu përmendi edhe ekipin e drejtuar nga ish sekretari amerikan James Baker që për momentin po ekzaminon opsionet e bisedimeve me Iranin dhe Sirinë për të përmirësuar situatën në Irak.
Ndërsa përsa i përket çështjes bërthamore, ministria e jashtme iraniane ka ritheksuar politikën e vendit që po përpiqet të ketë 3 mijë makina centrifuga që do të jenë në punë deri nga marsi i vitit tjetër për të pasuruar uraniumin.




BBC
12 nentor 2006

[Daja POLIC]

Postimi origjinal është bërë nga Drinni

Ktu e ke godit ,edhe pse ti s' ke mendue kështu

po keshi pak ( ) Njeri e tha mendimin e vet , ti shoku Drini cka pe sulmon
po tutem se edhe pak po fluturon heheheheh

[dardan100]

Izraeli mundet me ja rru topat Iranit!!!!!!!!!!!!!!!!1

[dardan100]

Kur them topat nuk nenkuptoj vetem ata atomik, por sidomos ata....

[pirro]

Iranit taksirati ka me i ardh prej Izraelit,edhe ishalla i vjen prej Izraelit.

[Doni88]

Postimi origjinal është bërë nga dardan100

Kur them topat nuk nenkuptoj vetem ata atomik, por sidomos ata....

ha-ha-ha

FLM per spjegim..ha-ha

Sa per Izraelin...ata e pane fort mire se nji force guerile (Hezbollahu) mundet meu mbrojte. Bone me mend tash nji shtet i cili sigurisht posedon arme berthamore.

Izraeli asht kukull e Amerikes...dhe tash per tash cysh asht fut neper lluga nuk ka shance (dhe demokratet nuk e lejojne) me shafue edhe ma shume.