Zajmina Vasjari

[rilinda]

Zajmina realizon tri këngë përnjëherësh

Duket se e ka marrë seriozisht këngëtarja seksipile Zajmina Vasjari! Aktualisht ajo është duke punuar për tri këngë njëherësh, të cilat do të shoqërohen edhe me nga një video-klip përkatës. Ajo që është më e veçantë është fakti që për të parën herë ajo do të bëjë një duet me një këngëtar tepër të njohur të muzikës popullore shqiptare.“Momentalisht emrin e tij dua ta mbaj sekret sepse ç’kuptim do kishte nëse unë do të zbuloja atë, por ju siguroj se është një këngë tepër e veçantë me motive popullore, ku dhe unë do vi me një look e performancë ndryshe”, thotë ajo.

Autore e tekstit të kësaj kënge do të jetë Rozana Radi, ndërsa orkestrues Gramoz Kozeli. Ndërkaq këngën e dytë Zajmina mendon ta realizojë në Kosovë duke
bashkëpunuar me dy rapera, e që sipas zërave thuhet të jenë dy pjesëtarët e grupit “Tingulli 3nt”.

Nuk janë vetëm këto dy këngë, pasi ajo po punon edhe për një të tretë. “Në këtë këngë ku unë do të jem vetëm dhe me një look tërësisht të ndryshuar”, ka përfunduar Zajmina.

korrieri