Lajme

[fadil]

Thaçi: Kosova e pavarur do të jetë vendi i të gjithë qytetarëve të sajLaura Konda
Zëri i Amerikës
10-01-2008


Cilat do të jenë disa nga sfidat kryesore me të cilat do të përballet qeveria e re e Kosovës, në kushtet kur vendi pritet të shpallë pavarësinë dhe si do të përpiqet ajo t'i realizojë ato? Për të biseduar për disa nga këto çështje, Zëri i Amerikës kishte të ftuar për një bisedë telefonike në programin televiziv “Ditari” kryeministrin e ri të Kosovës, Hashim Thaçi.
Zëri i Amerikës: Zoti Thaçi mirëmbrëma. Ju uroj për zgjedhjen tuaj në postin e Kryeministrit.
Hashim Thaçi: Ju faleminderit.
Zëri i Amerikës: Zoti Thaçi ju jeni shprehur se pavarësia e Kosovës do të jetë përparësia e qeverisë suaj dhe keni thënë gjithashtu se do ta shpallni pavarësinë në bashkërendim me SHBA-në dhe BE-në. Kur pritet të ndodhë kjo?
Hashim Thaçi: Pavarësia e Kosovës, jo vetëm që do të jetë përparësia dhe fokusimi kryesor i qeverisë së Kosovës, por ajo do të jetë vetë jeta e qytetarëve të Kosovës, e ardhmja e tyre, përkushtimi i të gjitha institucioneve tona, përkushtimi i të gjithë spektrit politik e i gjithë qytetarëve të Kosovës, në periudha të ndryshme historike. Tani Kosovën e kemi përgatitur edhe për zyrtarizim të këtij realiteti të ndërtuar në qershor të vitit 1999, institucionet e Kosovës janë të përgatitura dhe unike për këtë; Kosova do të jetë një vend me mundësi të barabarta për të gjithë qytetarët e saj, me të drejta të barabarta, dhe të afirmuara për komunitetet jo-shqiptare, një vend i të gjithë qytetarëve të Kosovës; të gjitha përkushtimet e Kosovës do të jenë të koordinuara ngushtë me partnerët dhe miqtë tanë SHBA, BE dhe NATO-n. Jemi në një rrugë të mbarë, bota perëndimore na beson ne përkushtimet tona; edhe ne kemi besim të plotë se ky proces do të përmbyllet shumë shpejt dhe Kosova po e finalizon procesin e shtetndërtimit, sovranitetit dhe ndërtimit në një rendi demokratik. Shumë shpejt presim vendimin ndërkombëtar, fillimin e njohjes ndërkombëtare, një njohje kualitative dhe të fuqishme të bashkësisë ndërkombëtare, SHBA-së BE-së dhe të vendeve përreth, por në të njëjtën kohë, edhe një njohje sa më të madhe numerike.
Zëri i Amerikës: Zoti Thaçi, një pyetje lidhur me kohën kur do të ndodhë pavarësia. A do te prisni ju për përfundimin e zgjedhjeve ne Serbi për ta shpallur pavarësinë e Kosovës?
Hashim Thaçi: Zgjedhjet në Serbi nuk do të ndikojnë asesi në Kosovë; ne duam të kemi një Kosovë të pavarur dhe demokratike, natyrisht në një rajon demokratik; do të funksionojmë si shtete të veçanta, edhe Kosova, edhe Serbia, si dy fqinjë me të kaluar të hidhur, por me shpresë për të ardhme të relacioneve demokratike; Prishtina do të ndërtojë raporte të shkëlqyera me të gjitha vendet fqinje, edhe me Maqedoninë, me Shqipërinë dhe me Malin e Zi, por pavarësia e Kosovës, patjetër do të instalojë, paqe, stabilitet dhe hapje të procesit integrues të rajonit në strukurat e BE-së dhe ato euroatlantike. Është me interes edhe për Kosovën që të ketë demokraci në Serbi, që Serbia t’i kthehet vetevetes dhe asesi të mos mbetet peng e së kaluarës, e mentalitetit të shekullit të së kaluarës; prandaj çdo zhvillim demokratik atje, është një zhvillim i mirë edhe për Prishtinën, edhe për komunitetin e serbëve në Kosovë, sepse ne e respektojmë interesimin legjitim të autoriteteve të Beogradit, përmes institucioneve të Kosovës, edhe për komunitetin serb në Kosovë, por është me rëndësi sot, që autoritetet serbe, lokale të Kosovës, kanë marrë pjesë disa prej tyre në zgjedhjet e lira dhe demokratike të 17 nëntorit, janë pjesë e Parlamentit të Kosovës, janë pjesë e qeverisë sime, janë dy ministra, të cilët do të udhëheqin dikastere të rëndësishme, dhe Kosova ka ndërtuar, lirisht mund të themi, insitucione stabile, respektive dhe shumëetnike, me perspektivë të sigurtë.
Zëri i Amerikës: Pikërisht, le të qëndrojmë pak tek çështja e komuniteteve. Ju, por edhe udhëheqës të tjerë të Kosovës, keni premtuar për mbrojtjen e pakicave serbe në Kosovë, pas shpalljes së pavarësisë. Një pjesë e banorëve serbë kanë thënë se nëse Kosova shpall pavarësinë, ata do të largohen prej andej. Çfarë masash konkrete do të marrë qeveria juaj për mbrojtjen e të drejtave të pakicave?
Hashim Thaçi: Pavarësia e Kosovës nuk është në intersin dhe të mirën e vetëm shqiptarëve, pavarësia e Kosovës është në interesin e të gjithë qytetarëve të saj, pa dallime etnike; të drejtat e serbëve janë të respektuara dhe të garantuara prej institucioneve të Kosovës, në kuptimin më afirmativ të mundshëm dhe mund të them se ne kemi marrë përgjegjësi për respektimin e minoriteteve, më tepër se çdo vend, mund them, lirisht, edhe në Evropë, të drejta këto të garantuara edhe me kushtetutën e re të Kosovës; mund të ketë opinone të ndryshe, opinione, të cilat duhen shikuar edhe me sy kritik, por edhe duhen vlerësuar. Insitucionet e Kosovës, qeveria e Kosovës, do të bëjnë punën më të mirë të mundshme dhe do të instalojnë kulturën e komunikimit, të dëgjimit, të vizitave, për t’i dëgjuar hallet, shqetësimet dhe problemet e komunitetit serb dhe të gjithë qytetarëve të Kosovës, ... që të investojmë në përmirësimin e relacioneve ndëretnike; është e rëndësishme të theksohet se ka dy vite, kur nuk ka incident ndëretnik, apo të motivuar mbi baza etnike, prandaj baza është e mirë, vullneti ekziston, përkushtimi po, dhe vizioni është shumë i qartë, për ndërtimin e Kosovës së pavarur dhe demokratike.

[fadil]

Zëri i Amerikës: Le të kalojmë tek disa sfida të tjera që ka aktualisht qeveria e Kosovës. Çështja e statusit duket se ka lënë në hije problemet e tjera të mëdha, me të cilat ndeshet vendi, ekonomia, për shembull, duket se ka mbetur në plan të dytë, duke shkaktuar një sërë problemesh, mes tyre edhe papunësia e lartë. Çfarë mendoni të bëhet për zhvillimin e ekonomisë dhe krijimin e vendeve të punës në Kosovë?
Hashim Thaçi: Çështja e statusit ka qenë në fakt, përkushtim i të gjithë spektrit politik kosovar, i institucioneve të Kosovës dhe mirëkuptim për këtë preokupim të gjithanshëm ka patur nga ana e qytetarëve të Kosovës dhe nga spektri politik kosovar. Për statusin politik do të punojmë të gjithë bashkarisht, por edhe për zhvillimin ekonomik. E thashë, që zgjidhja e çështjes së pavarësisë së Kosovës nuk nënkupton edhe tejkalimin e sfidave të tjera, me të cilat ballafaqohet vendi dhe qytetarët. Kosova po pavarësohet në proces të suksesit, por të një niveli shumë të ulët të zhvillimit ekonomik të vendit. E di dhe e njoh përgjegjësinë që kam marrë në këto momente të vështira, për të udhëhequr atë që më kanë besuar qytetarët e Kosovës, qeverinë e Kosovës. Ekonomia e Kosovës është në një nivel shumë të ulët, por unë dua të besoj në fillimin e ndryshimeve, të cilat jemi zotuar t’i bëjmë, që ato do të hetohen shpejt në jetën e qytetarëve të Kosovës, për të mirën e vendit; prandaj ekipe të tëra të ekspertëve vendorë dhe ndërkombëtarë që kam në kabinetin tim, janë duke bërë projekte konkrete, që jemi zotuar edhe gjatë fushatës elektorale, për të filluar zhvillimin ekonomik, për të filluar reformat në ekonomi, politikë dhe legjislacion, për të filluar me projekte të qarta edhe me sektorin e energjetikës, pasi Kosova është në terr dhe ne jemi zotuar ta qesim në dritë...; kam besim se në këtë proces do të punohet gjithashtu edhe për infrastrukturën, që është tejet e dobët, por do të punojmë që të ketë një fillim të suksesshëm dhe do të kemi projekte konkrete për modernizimin e infrastrukturës; do të ketë reforma edhe në agrokulturë. Zgjidhja e statusit politik dhe pavarësia e Kosovës hap hapësirë të sigurtë edhe legale, për integrim edhe të insitucioneve, por edhe të Kosovës në strukturat e tjera ndërkombëtare, si edhe për përfitime financiare nga strukturat ndërkombëtare; fokusi kryesor i imi do të jetë edhe në edukim. E kam trajtuar dhe e trajtoj edukimin si ekonomi: një edukim i zhvilluar, i avancuar, që nënkupton edhe fillimin e zhvillimit eknomik; do të kemi edhe një investim që të kemi edhe qendra kompjuterike në çdo shkollë të Kosovës...; përkushtim do të kemi po ashtu në shëndetësi, por edhe për pensionistët, të cilët do të kenë një zyrë të veçantë në zyrën time, e cila do të merret me përmirësimin e jetës së pensionistëve; natyrisht, përkushtim do të kemi edhe për shoqatat e veteranëve të luftës, që gjithashtu do të kenë një zyrë pranë meje.
Zëri i Amerikës: Një nga problemet shume te perfolura ne Kosove, eshte ai ai korrupsionit. A do të dalë qeveria juaj me një strategji për të luftuar korrupsionin?
Hashim Thaçi: Qeveria dhe unë personalsiht, jam zotuar që do jemi pa kompromis në betejën kundër korrupsionit. Secili nga ne ndjehet i turpëruar që Kosova është në vendin e katërt për korrupsion. Jemi zotuar që do ta bëjmë çdo qytetar që të ndjehet mirë që jeton në Kosovë, dhe jemi zotuar që ata të ndjehen mirë me punën, përkushtimin, dhe me respektimin e ligjit nga qeveria e re e Kosovës, të cilën unë do ta udhëheq; do të jetë toleranca zero në raport me korrupsionin, do të punojmë me reforma në legjislacion, nuk do të ndodhin revanshe, apo hakmarrje politike, do të ketë respektim të ligjit, gjithësesi, përkrahje e opozitës politike, nga unë në veçanti; më vjen mirë që është përkrahur porgrami i qeverisë sonë dhe që është përkrahur edhe nga opozita, prandaj, edhe shumica e Parlamentit të Kosovës, është një kabinet kredibil, i përgjegjshëm, i aftë profesionalisht, për të zabtuar qëllimin e vizionit të përcaktuar më herët... pra do të jetë pa kompromis në raport me korrupsionin dhe nuk do të toleroj të përsëriten fenomene të tilla nga autoritete aktuale, të cilët janë zotuar se do të punojnë me përgjegjësi më të lartë kombëtare dhe politike...
Zëri i Amerikës: Zoti Thaçi, edhe për një pyetje. Qyteti i Mitrovicës, "de facto" është i ndarë. A ekziston mundesia e integrimit te ketij qyteti, apo pjesa veriore po shkon drejt shkëputjes. Cila eshte strategjia e qeverise suaj per Mitrovicen?
Hashim Thaçi: Tashmë Mitrovica ka një kryetar të shkëlqyeshëm, të përkrahur fuqishëm nga institucionet e Prishtinës, nga SHBA dhe BE, zotin Bajram Rexhepi, që është duke punuar maksimalisht për integrimin e qytetit dhe të komuniteteve, është zotimi i të gjitha institucioneve të Kosovës që të punojë në drejtim të zgjerimit të autoritetit lokal dhe atij ndërkombëtar në tërë territorin e Kosovës; territori i Kosovës është i njohur dhe i pranuar nga e gjithë bota. Mitrovica, do të jetë e bashkuar dhe autoriteti i institucioneve të Kosovës do të funksionojë në të gjithë territorin e Kosovës. Ky është zotimi ynë, kjo është mbështetja e Washingtonit dhe e Brukselit dhe në këtë drejtim nuk do të ketë luhatje, por vetëm do të ketë ecje përpara.
Zëri i Amerikës: Zoti Thaçi, ju faleminderit për intervistën dhe ju uroj sukses në punën tuaj.

[fadil]

Kryeministri Thaçi tha se nuk ekziston pjesa veriore ose jugore e Kosovës Kryeministri i Kosovës, Hashim Thaçi ka deklaruar dje se për qeverinë e tij "nuk ekziston pjesa jugore ose veriore, por Kosova e bashkuar" dhe shtoi se "për këtë kemi mbështetje ndërkombëtare". Këto komente Thaçi i bëri gjatë vizitës në fshatin Çabër të Mitrovicës. Ndërkohë që edhe Shefi i UNMIK-ut Joakim Ryker, ka thënë se nuk do të ketë ndarje të Kosovës, kurse UNMIK-u, KFOR-i dhe institucionet e përkohshme, janë tërësisht të përkushtuar në këto parime, ka thënë ai.
mbrapa13 janar 2008 - 11:47:15

[Fshatari]

Paralajmërimi i vizave, fryt i klimës antishqiptare në Beograd dhe Shkup, thotë Partia Lëvizja e Legalitetit Partitë në Shqipëri vazhdojnë të reagojnë ndaj vendimit të Qeverisë maqedonase për vendosjen e regjimit të ri të vizave për shtetasit shqiptarë. Partia Lëvizja e Legalitetit, pjesë e koalicionit qeveritar, vërejti një klimë antishqiptare në Beograd dhe në Shkup, për shkak të zhvillimeve që çojnë Kosovën ka pavarësia dhe forcimit të rolit të faktorit shqiptar në rajon. Partia Lëvizja e Legalitetit, e afërt me pretendentin e Fronit Mbretëror, Leka Zogu i Parë, tha se politikat e Qeverisë maqedonase rëndojnë nivelin e marrëdhënieve dhe të komunikimit mes Tiranës dhe Shkupit.

Ekrem Spahia, kryetar i legalistëve theksoi se praktika e vendosjes së regjimit të ri të vizave për shtetasit e Shqipërisë, pjesë e kuadrit ligjor të
Qeverisë maqedonase, përfshi 140 shtete të tjera, nuk ndihmon në rrugëtimin e përbashkët euroatlantik. Sipas kryetarit legalist Spahia, faktorizimi i Shqipërisë në rajon, pjekuria politike e Grupit të Unitetit të Kosovës, zgjedhjet e suksesshme të 17 nëntorit, zgjedhja e Presidentit, Kryetarit të Kuvendit, Kryeministrit dhe Qeverisë, përparimi i dukshëm e i pashmangshëm drejt pavarësimit, ka precipituar në krijimin e klimës antishqiptare në Beograd dhe Shkup.

"Partia Lëvizja e Legalitetit mendon se përshkallëzimi i qëndrimeve antishqiptare të Shkupit zyrtar, me shkeljen e Marrëveshjes së Ohrit,
me heqjen e simboleve kombëtare të shqiptarëve, me mendimin në disa nene të ligjit për përdorimin e gjuhës shqipe dhe me vendosjen, së fundmi, të regjimit të vizave me Shqipërinë, jo vetëm që nuk janë të rastësishme, por janë kulmim i një fushate që synon izolimin e faktorit shqiptar në rajon dhe acarimin e raporteve sllavo-shqiptare. Partia Lëvizja e Legalitetit konkludon se Shkupi zyrtar, përtej detyrimeve politike që burojnë nga nënshkrimi i marrëveshjes dypalëshe për regjimin e vizave, nënshkrimi i Kartës së Adriatikut, si dhe interesave të konsiderueshme ekonomike, ka vendosur të provokojë shqiptarët me epitete fyese dhe të ndajë me kufij të dhunshëm faktorin shqiptar në hapësirën mbarëshqiptare", ka thënë Spahia.

Zotëri Spahia është njëkohësisht zëvendësministër për Turizëm, Kulturë, Rini dhe Sport.

Kryetari i legalistëve, Spahia, përsëriti se Qeveria e Shqipërisë kurdoherë është treguar e hapur dhe e angazhuar për nivele të lartë të marrëdhënieve me vendet e rajonit. /d. ndrenika/
| s.b & RTK staff |

[fadil]

E hënë, 14. Janar, 2008 TËRMKOLLI:”LDK-JA KA NEVOJË PËR NDRYSHIME RADIKALE”



Melihate TËRMKOLLI, deputete e LDK-së në Kuvendin e Kosovës

RADIO EVROPA E LIRË
Zonja Tërmkolli, Lidhja Demokratike e Kosovës, parti së cilës ju i takoni, ka lidhur koalicion qeverisës me Partinë Demokratike të Kosovës. Ju keni votuar kundër këtij koalicioni. Pse?

MELIHATE TËRMKOLLI
Është e vërtetë që unë edhe në ditën e votimit, por edhe më herët, kam shprehur bindjet e mia. Në ditën e votimit, është e vërtetë, kam votuar kundër koalicionit me PDK-në, për arsye shumë parimore, që nuk lidhen absolutisht as me emrat e anëtarëve të kabinetit qeveritar etj. Por, për arsye parimore të LDK-së, duke u bazuar në politikën dhe filozofinë politike që ka zhvilluar dhe duhet ta zhvillojë LDK-ja, si një parti që ka bartur barrën kryesore gjatë 20 vjetëve të fundit, tashmë mund të themi lirisht, për lirinë dhe pavarësinë e vendit, në një koncept shumë të qartë kombëtar dhe politik. Në këtë drejtim, kujtoj që veprimi, të cilin e kam bërë, është në harmoni të plotë me këtë filozofi politike, e natyrisht edhe me bindjen që LDK-ja duhet ta ketë gjithmonë këmbënguljen e vet të plotë në këto parime, e cila fatkeqësisht ka munguar me këtë lidership aktual, të cilin e ka LDK-ja. Dhe, kujtoj se mënyra e lidhjes së këtij koalicioni, në njëfarë mënyre, sikur nënkupton fillimin e shkrirjes së LDK-së në PDK, së paku kështu janë shenjat, kur kemi parasysh mënyrën se si është bërë koalicioni, nëse është e qartë se edhe në koalicione, partnerët merren vesh për parime, për çfarëdo koalicioni që do të duhej bërë. Ndërsa, në këtë rast, parimet i ka vënë PDK-ja, i ka vënë zoti Thaçi dhe në mënyrën më të lehtë të mundshme i ka pranuar lidershipi i LDK-së, duke cenuar rëndë dhe duke devalvuar në fakt parimet e LDK-së.

RADIO EVROPA E LIRË
A ka pasur edhe njerëz të tjerë brenda LDK-së kundër këtij koalicioni?

MELIHATE TËRMKOLLI
Mendoj që anëtarësia e gjerë, në radhë të parë, ka një pakënaqësi të madhe në krejt këto që po zhvillohen në LDK. Në fakt, kjo mënyrë e koalicionit është vetëm një nga ato pasojat e politikës që po zhvillohet aktualisht nga lidershipi i LDK-së dhe kjo pakënaqësi vjen duke u rritur me gjitha këto veprime që po zhvillohen. Unë po flas për një pjesë të madhe të anëtarësisë që është shumë e pakënaqur. Mund të them se edhe nga anëtarët e Kryesisë ka pasur mendime tjera, qëndrime tjera, por, siç është bërë zakon në këto dy vjetët e fundit, pas presidentit Rugova, vendimet nuk merren në Kryesinë e LDK-së, merren diku tjetër; kështu që edhe kjo ka ardhur si pasojë e kësaj.

RADIO EVROPA E LIRË
Ku merren këto vendime?

MELIHATE TËRMKOLLI
Vendimet i merr një grup shumë i ngushtë dhe kujtoj se kjo nënkupton atë që ka një nevojë jashtëzakonisht të madhe për një demokratizim të thellë në punën e LDK-së.

RADIO EVROPA E LIRË
Zonja Tërmkolli, në deklaratat tuaja keni thënë se demokracia në Kosovë, me këtë mënyrë të koalicionit, është në rrezik. A mund të na shpjegoni më shumë rreth kësaj?

MELIHATE TËRMKOLLI
Po, e kam thënë këtë. Vërtet shpreh edhe njëherë shqetësimin tim për këto zhvillime rreth demokracisë apo promovimit të demokracisë dhe vlerave demokratike në vend; mënyra se si është bërë ky koalicion, kam një mendim të thellë që e vë në rrezik funksionimin e demokracisë në vend, së pari me ndryshimet e Kornizës Kushtetuese, që konsideroj se do t’i bëjnë një dëm të madh zhvillimeve të mëtutjeshme. Janë një veprim i paprecedentë, që nuk ka guxuar të lejohet. Po të kërkohej nga lidershipi i Kosovës një ndryshim i kornizës që është në funksion dhe në interes të Kosovës, do të ishte shumë e pranueshme, por kjo nuk ka ndodhur asnjëherë. Të bëhet një kërkesë e tillë për interesa krejt personale dhe të karrigeve, kujtoj se është shumë e dëmshme. Andaj, keni parë edhe në deklaratën e vetë koalicionit, çështja e emocioneve etj. që mendoj se është shumë anti-demokratike, sepse edhe njëherë po e përsëris, se po të kërkohej një ndryshim i tillë në këtë kornizë për interesa të Kosovës, sigurisht se do të ishte i pranueshëm. Por, këta liderë asnjëherë nuk e kanë bërë këtë për interes të Kosovës. Kur erdhi në pyetje interesi personal, e bënë këtë, natyrisht edhe me pranimin nga përfaqësuesi special dhe kjo mendoj se është një dëm i madh.

RADIO EVROPA E LIRË
Kur mendoni se duhet të shpallet pavarësia e Kosovës? Për deklaratën e pavarësisë thuhet se është çështje javësh...

MELIHATE TËRMKOLLI
Mendoj se po bëhet njëfarë loje me qytetarët e Kosovës. Po bëhet një lojë e pamoralshme ndaj qytetarëve të Kosovës, kur liderët ngritën çdo ditë dhe thonë se e dinë datën, e mandej e ndryshojnë e thonë se datën e di Kosova. Kosova nuk e di datën. Unë nuk e kam të qartë se çka nënkuptojnë këta liderë me nocionin Kosovë. Prandaj, nëse dikush krekoset se e di datën, unë kujtoj se është një lojë e pamoralshme me qytetarët. Pavarësia e Kosovës do të vijë. Shpallja do të bëhet dhe natyrisht si një rezultat i sakrificave të mëdha, i angazhimeve të mëdha të qytetarëve të Kosovës dhe natyrisht edhe i politikës që është zhvilluar në mënyrën më të mirë për 20 vjet, prirë nga presidenti Rugova dhe me një mbështetje të fuqishme nga faktori ndërkombëtar, në radhë të parë nga SHBA-të dhe BE-ja. Natyrisht, mendoj se kjo do të ndodhë shumë shpejt, por është edhe një veprim i yni natyrisht, që nënkupton në radhë të parë një sinqeritet ndaj qytetarëve të Kosovës.

RADIO EVROPA E LIRË
Ku e shihni veten tash pas krijimit të institucioneve të reja?

MELIHATE TËRMKOLLI
Unë jam pjesë e këtyre institucioneve. Jam deputete e Parlamentit të Kosovës. Natyrisht që do të jem aty, sa është ky mandat. Do ta jap kontributin tim, sikur edhe mijëra qytetarë të Kosovës, si edhe gjithë qytetarët e Kosovës, për realizimin e plotë të pavarësisë së Kosovës. Natyrisht që do të jem pjesë e angazhimeve për zhvillimin e vendit dhe besoj që do të kemi një të ardhme më të mirë. Unë besoj që do të ketë një kthjellje pak më të madhe të udhëheqjes. Punë do të ketë shumë. Nuk përfundojnë angazhimet dhe kontributi me shpalljen dhe njohjen e pavarësisë. Ne do të kemi sfida tepër të mëdha edhe në të ardhmen, prandaj unë do të jem pjesë e kontributit për zhvillimin e ardhshëm të vendit. Do ta kem një përpjekje të fuqishme për rimëkëmbjen e LDK-së. LDK-ja ka nevojë për rimëkëmbje, sepse LDK-në unë e mendoj ashtu siç ka qenë gjithmonë, jo si qëllim i vetvetes, por si interes shumë i fuqishëm i vendit. Në këtë drejtim, mendoj se duhet të bëhen ndryshime të mëdha, radikale, në LDK. Është e pamoralshme që kreu ta hedhë fajin tek pjesë të caktuara të LDK-së. Mendoj se kreu duhet të merret në radhë të parë me vetveten dhe nëse fajet kryesore për një devalvim dhe një degradim qëndrojnë pikërisht tek këta liderë.

RADIO EVROPA E LIRË
E keni fjalën për kryetarin e LDK-së?

MELIHATE TËRMKOLLI
E kam fjalën edhe për kryetarin e LDK-së, edhe për liderët tjerë.

INTERVISTOI: ARTON KONUSHEVCI

[Pupi]

Në Nju-Jork, kryeministri Thaçi garanton mirëqenie për të gjitha grupet etnike, mirëpo presidenti serb prapë kundërshton pavarësinë e njëanshme të Kosovës. Ndërkaq, ambasadori amerikan në KS, Halilzad thotë se çështja e Kosovës nuk mund të arrihet në KS.\

Në Këshillin e Sigurimit të Kombeve të Bashkuara u zhvillua diskutimi për Kosovën. Shefi i UNMIK-ut, Joakim Ryker, ka paraqitur raportin e tij tremujor për të arriturat në Kosovë. Ai ka thënë se, situata në Kosovë është përmirësuar dukshëm dhe se, tash mbi 90 për qind të popullatës lëvizë shlirshëm në të gjithë territorin e Kosovës.
Kryeministri Hashim Thaçi ka thënë se, institucionet e Kosovës garantojnë mirëqenie për të gjitha grupet etnike në Kosovë. Ai ka thënë se, Kosova do të bëjë përpjekje për të përmirësuar marrëdhëniet me Serbinë si dy vende fqinje.
Nga ana tjetër presidenti i Serbisë, Boris Tadiq, në fjalimin e tij ka kërkuar nga vendet anëtare të KS të mos e pranojnë pavarësinë e njëanshme të Kosovës. Ai ka thënë se, në rast se KFOR-i nuk do të mund t'i mbrojë serbët e Kosovës, atëherë Serbia do të rishikojë mundësitë e veta për ta bërë një gjë të tillë duke mos përmendur masat që do t'i përdorte.
Ambasadori i SHBA-ve në KS të OKB-së, Zalmai Halilzad, ka thënë se në KS janë shterrur të gjitha mundësit për të arritur një zgjidhje për Kosovën për shkak se, siç tha ai, puna e KS për këtë çështje është bllokuar. Halilzad, ka shtuar se në tavolinë është plani i Ahtisarit dhe kjo për shkak se palët nuk kanë mundur të arrijnë asnjë zgjidhje të negociueshme. www.rtv21.tv\17.01.08\

[Pupi]

More ky Thaçi po don me dal kogja punë.
Prej mrizave, nën hije e mbi hije, e hygjym e në Nju-Jork(KS) aty ku thehen arrat me gishta(jo me çekan).

[Zana_ch]

Në Lipovec infektohen tre fëmijë nga uji i papijshëm

Në fshatin Lipovec të Gjakovës, nga uji i pijes janë infektuar tre fëmijë me bakterin ” esheria koli” që ka rezultuar me paraqitjen e sëmundjes së hepatitit. Në Institutin e Shëndetit Publik në Gjakovë, kanë thënë se si pasojë e paraqitjes së bakteries “esheria koli” është papastërtia e ujit të pijes në këtë lokalitet. Pas analizave bakteriologjike të bëra në mostrat e ujit të pijes nga ky rajon, ekspertët e ISHP kanë konstatuar se uji nuk është i pijshëm dhe nga përdorimi i tij janë infektuar tre fëmijë, banorë të fshatit Lipovecit . Përgjegjës të Institutit të Shëndetit Publik, kanë bërë të ditur se prezenca e kësaj bakterie në ujë, paraqet rrezik permanent për infektim dhe paraqiten sëmundje të ndryshme të zorrëve, siç janë verdhëza, dizenteria, tifoja abdominale, etj. Pas hulumtimit që i kanë bërë ekipi mjekësor i këtij instituti, fshatit Lipovec, kanë sjell rekomandimet dhe këshilla se paraprakisht uji duhet të vlohet e më pas të përdoret për pije, sepse ndryshe rreziku nga paraqitja e këtyre sëmundjeve me pasoja të rënda është shumë i mundshëm.Për paraqitjen e hepatitit tek banorët e Lipovecit, kanë reaguar edhe punonjësit e Drejtorisë së Inspeksiont në KK-në e Gjakovës ku është konstatuar se ujin i basenit, me të cilin furnizohen banorët e këtij lokalitetit është me bakterie dhe i papërdorshëm.Ndërkohë është sjellur konstatimi tjetër se baseni i ujit të pijes nuk ka mbrojtje dhe nuk është i rrethuar e në të cilin mund të shuajnë etjen edhe kafshët.Gjendja e këtij baseni ku bëhet furnizimi i 1.300 banorëve të këtij fshati, është katastrofal.

[Karaormani]

Dorëheqje kolektive e funksionerëve të PDSH-së drejtuar liderit Thaqi

Shkup /20/01/ 14:52
Dorëheqje kolektive drjetuar liderit të Partisë Demokratike Shqiptare (PDSH) dhanë mbrëmë funksionerët e kësaj partie.

Informatën, sot jooficialisht e vërtetoi edhe ministri për shëndetësi Imer Selmani, cili nuk dha detaje plotesuese për vendimin e tillë të bashkëpartiakëve të tij, duke komentuar se partia nesër do të del me qëndrim zyrtar.

Zëdhënësi i qeverisë Ivica Bocevski në deklaratë për Makfax-in tha, se sot nuk do t’i komerntojë ndodhitë në PDSH, dhe shtoi, se kryeministri Nikolla Gruevski mban kontakte të rregulla me liderin e PDSH-së.

[Guri i madh]

Postimi origjinal është bërë nga Karaormani

Dorëheqje kolektive e funksionerëve të PDSH-së drejtuar liderit Thaqi

Shkup /20/01/ 14:52
Dorëheqje kolektive drjetuar liderit të Partisë Demokratike Shqiptare (PDSH) dhanë mbrëmë funksionerët e kësaj partie.

Informatën, sot jooficialisht e vërtetoi edhe ministri për shëndetësi Imer Selmani, cili nuk dha detaje plotesuese për vendimin e tillë të bashkëpartiakëve të tij, duke komentuar se partia nesër do të del me qëndrim zyrtar.

Zëdhënësi i qeverisë Ivica Bocevski në deklaratë për Makfax-in tha, se sot nuk do t’i komerntojë ndodhitë në PDSH, dhe shtoi, se kryeministri Nikolla Gruevski mban kontakte të rregulla me liderin e PDSH-së.

shum hap i mir i politikanve shqiptarë në maqedoni sidomos pasi i aplikoj vizat per qytetaret e shqipëris e jo edhe atyre të serbisë

[fadil]

BRUKSEL
Komisioneri për zgjerim i BE-së Oli Rehn i është shmangur pyetjes rreth datës së shpalljes së pavarësisë së Kosovës, pas takimit me kryeministrin Hashim Thaçi.
"Kërkoj nga ju mirëkuptim sepse është një kontekst shumë i ndjeshëm politik, në të cilin më mirë është t'u qasemi mjeteve diplomatike sesa kumtesave publike", ka thënë Oli Rehn i pyetur nëse është diskutuar data e shpalljes së pavarësisë së Kosovës. Thaçi dhe Rehn nuk janë paraqitur para mediumeve siç bëhet rëndom pas takimeve të tilla.
Ndërsa pas takimit me përfaqësuesin e lartë të BE-së për politikë të Jashtme dhe Siguri Havier Solana, kryeministri Thaçi tha se shpallja e pavarësisë së Kosovës është çështje ditësh.


Nga ktiviteti i Kryeministrit te Qeveris se Kosoves....

[fadil]

Hashim Thaçi: Deklarimi i pavarësisë, nga Parlamenti i Kosovës pas disa ditëshLaura Konda
Zëri i Amerikës
24-01-2008

Kryeministri i Kosovës, Hashim Thaçi, ishte në Bruksel, për dy ditë bisedime me zyrtarët e lartë të Bashkimit Evropian. Në përfundim të këtyre takimeve, Zëri i Amerikës zhvilloi një bisedë të drejtpërdrejtë telefonike me Kryeministrin Thaçi, në programin televiziv “Ditari”. Zoti Thaçi tha mes të tjerash, se është konfirmuar tashmë, se Uashingtoni dhe Brukseli do të shkojnë bashkarisht dhe njëkohësisht drejt vendimit për njohjen e statusit politik të Kosovës, pas deklaratës së pavarësisë që do të nxjerrë Parlamenti i Kosovës në ditët në vijim.
Zëri i Amerikës: Zoti Thaçi, ju jeni shprehur se pavarësia e Kosovës është çështje ditësh. Në takimet që keni patur dje dhe sot me zyrtarët e lartë evropianë, a u diskutua çështja e datës se kur do të shpallet pavarësia?
Kryeministri i Kosovës, Hashim ThaçiHashim Thaçi: Natyrisht, se kemi biseduar për të gjitha zhvillimet në Kosovë, për bashkëpunimin e ngushtë mes Prishtinës dhe autoriteteve e Brukselit. Edhe me takimin që kam patur me zotin Rupel dhe me zotin Olli Rehn, por edhe me takimin që pata me zotin Solana, kam rikonfirmuar qëndrimin e institucioneve të Prishtinës, qëndrimin dhe vullnetin e qytetarëve të Kosovës për shtet të pavarur, sovran dhe demokratik; kam rikonfirmuar pozicionin e Kosovës, se Prishtina është gati, është e përgatitur dhe është unike për vendim; tanimë është konfirmuar se Uashingtoni dhe Brukseli do të shkojnë drejt vendimit bashkarisht, me vendimin e përbashkët, në kohë të njëjtë, për njohjen e statusit politik të Kosovës, për njohjen e deklaratës së pavarësisë që do nxjerrë Parlamenti i Kosovës në ditët në vijim; prandaj, ka qenë një vizitë shumë e suksesshme, një vizitë që do të hapë perspektivë, edhe për procesin vendim-marrës, edhe për procesin implementues dhe në të njëjtën kohë, janë angazhimet tona integruese për në strukturat e BE-së dhe të NATO-s.
Zëri i Amerikës: Megjithatë, a është caktuar një datë dhe nga çfarë kushtëzohet ajo?
Hashim Thaçi: Pavarësia e Kosovës nuk kushtëzohet me asgjë. Kanë mbetur edhe disa aspekte procedurale në proces për t’u kryer, në mënyrë që Kosova të dërgojë mesazhin e mirë, pozitiv dhe pamja e parë për ditën e pavarësisë së Kosovës është mjaft me rëndësi edhe për Kosovën, për qytetarët e vendit, për botën demokratike, prandaj, janë duke u kryer të gjitha përgatitjet e duhura në Kosovë, në koordinim të ngushtë me partnerët tanë, në mënyrë që të kemi edhe shpallje të suksesshme, edhe njohje kualitative, të gjithanshme të autoriteteve vendim-marrëse botërore, dhe në të njëjtën kohë të kemi një situatë të qetë, paqësore, një situatë që hap perspektivë për integrimin e Kosovës, që hap perspektivë për mbështetje të fuqishme edhe për fillimin e zhvillimit ekonomik të Kosovës.
Zëri i Amerikës: Nga bisedat që keni patur në Bruksel, kur pritet të vendoset misioni i sigurisë i BE-së në Kosovë?
Hashim Thaçi: Me rëndësi është, që ky mision është i përgatitur, dhe tani vetëm pritet në ditët në vijim të angazhimeve tona, të insitutcioneve të vendit; tash do të kemi diskutime edhe në Parlament dhe natyrisht, edhe me Presidentin, me qëlllim që në mënyrë unike të vazhdojmë t’i nxjerrim vendimet; misioni i ri ndërkombëtar është i mirëpritur në Kosovë, është i mirëseardhur; do të kemi prezencë autoritative në tërë territorin e Kosovës, ashtu sikurse do të pasojmë edhe me ushtrimin e autoriteteve të vendit në tërë territorin e Kosovës, me prezencën e NATO-s; do të kemi procesin e kalimit të këtyre detyrave nga forca ndërkombëtare, në ushtrimin e autoritetit të institucioneve legjitime të Kosovës; do të kemi tani një rol mbështetës, për lidershipin kosovar dhe të udhëhequrit e vendit. Dhe natyrisht, që do të kalojmë edhe tranzicionin nga UNMIK-u në misionin e ri ndërkombëtar, në mënyrë që ky proces të kalojë sa më shpejt që është e mundur, të jetë sa më efektiv dhe asesi, mos të kemi dy adresa civile ndërkombëtare në Kosovë, por të kemi një adresë, adresën e misionit të ri ndërkombëtar mbështetës, për ndërtimin, fuqizimin e institucioneve të vendit dhe krijimin e realiteteve shumë më pozitive, për fillimin e zhvillimit më të mirë ekonomik, të jetës më të mirë të qytetarëve, dhe në të njëjtën kohë, të kalojmë nga procesi i vetëm prezencës ndërkombëtare në Kosovë, tek angazhimet e integrimit të Kosovës në organizata ndërkombëtare, do të thotë në OKB, në NATO, në strukturat e BE-së, në Bankën Botërore, në FMN dhe institucione të tjera.
Zëri i Amerikës: Qeveria e Beogradit njoftoi ditët e fundit se ka tashmë një plan veprimesh, në se Prishtina e shpall pavarësinë. A është qeveria juaj e përgatitur për përballimin e atyre masave të këtij plani që prekin Kosovën?
Hashim Thaçi: Deri më tani, Kosova ka ngadhnjyer mbi çdo plan të Serbisë, por ne nuk kemi ndërtuar një plan të reagimit, por të përgjigjes në rrethanat e reja që mund të krijohen dhe ky plan është i përbashkët, plani i Kosovës, i administratës ndërkombëtare dhe plani i NATO-s. Plani ynë është i fuqishëm, është realist, është një plan i implementueshëm, është një plan që do të ketë sukses, për t’iu përgjigjur rreathanave të reja që do të mund të krijohen.
Zëri i Amerikës: Zoti Thaçi, ju faleminderit për intervistën.
Hashim Thaçi: Ju faleminderit edhe juve.

Nga Aktiviteti i Kryemnistrit te Kosoves Hashim Thaqi......

[fadil]

Paqartësitë rreth datës së shpalljes së pavarësisë po ndodhin për shkak të deklarimeve të atyre që nuk e dinë datën e pavarësisë, kështu deklaroi Kryeministri i Kosovës Hashim Thaçi.\02.02.08\

Kryeministri Hashim Thaçi sot ishte pakë më konkret lidhur me zbardhjen e datës së shpalljes së pavarësisë. Tashmë,sipas tij, dihet data e shpalljes së pavarësisë, por nuk e potencoi se cila është ajo datë: “Paqartësia rreth datë po ndodh për shkak të deklarimeve ët atyre njerëzve që se din datën e pavarësisë, institucionet e Kosovës, Uashingtoni dhe Brukseli e dinë datën dhe në ditët e ardhshme do të publikohet kjo datë."
Sa i përket përgatitjeve teknike tashmë gjithçka është e gatshme për të shpallë pavarësinë, tha Thaçi: “Kosova është e gatshme sot të shpallë pavarësinë, ka përfunduar edhe përgatitjen e Kushtetutës, ndërsa edhe puna rreth simboleve është në përfundim e sipër dhe deri nesër do të jetë gjithçka e përfunduar..."
Thaçi tha se bota demokratike ka unitet të qëndrueshëm sa i përket njohjes së pavarësisë së Kosovës por ka vetëm një dallim shumë të vogël në çështjen se kur duhet të ndodhë kjo njohje.\02.02.08\

[fadil]

Kabineti Qeveritar aprovoi me shumicë absolute votash draftligjin për buxhetin e konsoliduar të Kosovës për vitin 2008. Buxheti i këtij viti do të jetë 1 miliard e 27 milion euro.\02.02.08\

Në projektbuxhetin e rishikuar për vitin 2008 Kabineti Qeveritar ka planifikuar të hyra buxhetore prej rreth 859 milion euro, i cili i krahasuar me draftin e kaluar është rritur për 44 milion euro. Kështu, vlera e përgjithshme e buxhetit për këtë vit arrin shifrën 1 miliard e 27 milion euro: "Krahasuar me draftin e kaluar kemi një rritje prej 44 milion euro më shumë, rritja kryesore e të hyrave të brendshme nga autoriteti tatimor i Kosovës për rreth 27 milion euro dhe nga doganat 18 milion euro."
"Projektbuxheti për 2008 ka përfshirë shpenzimet ne vlerë prej 1 miliard e 27 milion euro, buxheti i rishikuar kap shumën afër 974 milion euro dhe kemi disa arsye pse kemi bërë këto ndryshime, natyrisht ndryshimet janë bërë konform premtimeve për të ndryshuar në të mirët prioriteteve që janë përcaktuar", ka thënë Ahmet Shala, Ministër i Ekonomisë dhe Financave.
Kryeministri Thaçi tha se masat kryesore që do të ndërmerren për të rritur buxhetin e Kosovës do të jenë implementimi i buxhetit kapital nga buxheti i konsoliduar i Kosovës, mjetet e privatizimit, mjetet e trustit pensional dhe ndërmarrjeve publike, investimet shtesë kapitale, zvogëlimi i konsumit publik, ndalimi i ekonomisë së zezë, zgjerimi i bazës tatimore dhe zvogëlimi i deficitit të madh të bilancit të tregtisë së jashtme. Mirëpo,Kryeministri Thaçi ka tërhequr vërejtjen se pas statusit do të nevojiten ekstra shpenzime andaj i ka porositur ministrat që të kenë kujdes që posaçëm në planifikimin dhe shpenzimin e Buxheti.
Duke vazhduar politikën e llogaridhënies së përhershme, zëvendëskryeministri Hajredin Kuqe tha se nga ministrat do të kërkohet llogari për çdo euro të shpenzuar.
Projektligji për buxhetin e vitit 2008 me 6 shkurt do të shqyrtohet në Këshillin Ekonomik Fiskal ku pritet të miratohet e më pas do të dorëzohet në Kuvendin e Kosovës.\02.02.08

[fadil]

Kryeministri i Kosovës Hashim Thaçi mori shpërblimin për paqe nga Federata Universale e Paqes. Ambasadori i kësaj Federate Jong Çoel Song, tha se më këtë çmim që iu nda Thaçit dëshmohet se lidershipi i kosovar është një lidership i paqes dhe stabiliteti.\

Me një ceremoni të veçantë, Federata Universale e Paqes ia ndau Kryeministrit Thaçi çmimin për paqe, si shpërblim për kontributin e tij në arritjen e paqes në Kosovë: "Është një nderë dhe kënaqësi për mua dhe institucionet e Kosoves. Kosova ka lidership me vizion paqësor...", ka thënë kryeministri, Hashim Thaçi.
Ambasadori i Federatës Universale të Paqes Jong Çoel Song tha se ky çmim që iu nda Thaqit dëshmon vullnetin e federatës që përfaqëson ai për të përkrahë paqen dhe stabilitet si në Ballkan ashtu edhe në Kosovë: "Federata Universale e Paqes vërtetë do të dëshironte që të bashkëpunojë me të gjithë, për të ndërtuar paqe dhe stabilitet në rajonin e Ballkan. Unë vërtetë e vlerësoj udhëheqjen e Kosovës për kontributin në ndërtimin e paqes."
Kryeministri Thaçi tha se çmimi që mori është një përgjegjësi e madhe për të dhe shtoi se tani si kurrë më parë Kosovës i nevojitet paqja dhe stabiliteti që një herri nënkupton edhe paqen dhe stabilitet në rajon.\02.02.08\