DROGA JETA IME

[Naki]

Konsumimi i droges dhe pasojat ka një rrugë një kahëshe të problemeve Sociale për vetëveten,familjen dhe rrethin ku jetonë .
Marrja e drogave të forta siq janë heroina,kokaina etj kanë një rezultatë shkurtimin e jetës duke mos pasur dhimbje për Rininë.
Jeta në Iluzion,në Agoni me përmasa të mëdha të dëmshme për Shëndetin sidomos sistemin Nervor qendrorë është e pa evitushme.
Opinioni imë është nga këndi i përceptuesit institucional shëndetësor që shehë për së afermi dhe ka dhimbje se si njeriu eshtë për vetë veten armiku kryesor i jetës.
Çdo konsumues i drogës ka një shansë ti rikthehet Jetës / të kërkojë ndihmë Mjekësore më mirë sot se neser bëhet vonë.


Naki

[Dilaver]

E Merkure, 29 Mars 2006
RRITET NUMRI I VAJZAVE SHQIPTARE QE DROGOHEN .

Gjate ketij viti jane shenuar 3 4 raste vdekjeje te personave qe kane marre overdoze, apo te ndikuar nga droga kane vdekur ne menyra te tjera.
Nje shifer e raportuar prej 6 per qind e vajzave shqiptare qe marrin droge, eshte disa here me e madhe nese merren parasysh disa faktore te tjere. Shefi i Repartit te Toksikologjise, dr. Zihni Sulaj, ne nje prononcim te dhene per gazeten “KJ” pohon: “Te dhenat zyrtare flasin per 6 per qind te vajzave shqiptare qe drogohen ne vendin tone, por shifra duhet te jete me e larte. Po te marresh parasysh se vajzat nuk vijne te paraqiten ne klinike pasi i vret opinioni, dhe ne kete menyre mundohen ta kalojne vete, ne shume raste edhe duke perfunduar ne menyre tragjike.

Por e rendesishme eshte te theksohet se numri i tyre sa vjen dhe po rritet. E, kjo jo vetem per femrat, por edhe numri i meshkujve qe jane perdorues droge, le shume per te deshiruar. Jane moshat e reja te cilat gjithnje po vijne e po rriten. Ka 13 14 vjecare te cilet jane perdorues te rregullt te droges dhe ata e nisin menjehere me droga te forta”. Sipas dr. Sulajt, perdorimi i droges eshte ulur kembekryq ne te gjitha rrethet e vendit. “Vetem ne rrethin e Gramshit, rreth 40 per qind e te rinjve jane perdorues te rregullt te droges, nderkohe qe hartes se qyteteve qe perdorin droge, i jane shtuar dhe disa rrethe te cilat me pare nuk kane pasur probleme.

Shifrat flasin per perdorues droge dhe ne Gjirokaster, Sarande, Korce, qe me pare nuk jane permendur fare”. Nderkohe qe eshte folur shume ne lidhje me drogen dhe rrezikun qe shkakton ajo, serish vendit tone i mundon nje strategji e plote ne kete drejtim. I vetmi sherbim qe ekziston ne vendin tone eshte ai ne Spitalin Ushtarak, por totalisht i pamjaftueshem kur behet fjale per numrin e madh te perdoruesve te droges qe paraqiten ne ate klinike. Mbi bazen e klinikes se toksikologjise, prej tre vitesh eshte hartuar nje projekt, por qe duket eshte mbuluar nga pluhuri neper sirtare, ose dhe mund te jete hedhur ne ndonje kosh plehrash. “Vetem 12 shtreter kemi ne dispozicion per te droguarit dhe per helmime”, thote dr.Sulaj.

Mesohet se stafit te repartit te Toksikologjise do t’i shtohen dhe kater mjeke te rinj, te cilet po pergatiten nen drejtimin e dr. Sulajt dhe ne kete menyre do te krijohet nje ekip mjekesh profesioniste ne lidhje me keto probleme.

Manjola Zeka

[turisti]

" Cigarja eshte vitamine,kafja eshte energji",per shkakun e ketyre shkaqeve qe 4 vjet nuk pij duhan,a per AIDS,kancer,heroin,kokain,speed,exstazy as qe kam kohe dhe as qe ka ndryshue ja zvoglue deshira ime per optimizem ja planet turistike......


thjeshte Sinqerte,
TURISTI.

[rilinda]

Vaksinë kundër varësisë nga droga

Kura mrekullibërëse po testohet në Spanjë, një ndër vendet më të prekura nga kjo plagë dhe përbën një rreze shprese për miliona njerëz


Për herë të parë duket se është gjetur një kurë efikase kundër një ndër plagëve më të rënda të kohëve moderne. Të paktën kështu shpresojnë të gjithë ata që në mënyrë të drejtpërdrejtë, apo jo të drejtpërdrejtë, janë të prekur nga varësia ndaj kokainës. Bëhet fjalë për një vaksinë kundër pluhurit të bardhë. Në fund të këtij viti, ose në fillim të 2008-ës, do të testohet në Spanjë vendi ku kjo substancë gjen përdorim më të gjerë se kudo tjetër; konsumohet vegullish nga 2% e popullsisë së moshës nga 15 në 64 vjeç, kundrejt 1,1% të mesatares së popullatës së pjesës tjetër të Kontinentit të Vjetër. Medikamenti, i cili do të testohet mbi 150 kokainomanë në tri spitale të Madridit, Barcelonës e Valencias, është rezultat i një kërkimi ende në fazë eksperimentale, i realizuar nga universiteti amerikan "Yale". Duke u mbështetur në ato që thuhen mbi këtë medikament inovativ, krijohet përshtypja se është mjaft efikas. "Është si t‘i qepësh gojën një njeriu me oreks të pakontrollueshëm", siguronin dje shkencëtarët në të përditshmen madrilene, ABC.


Çelësi i funksionimit të vaksinës bazohet te terapia imunologjike, ose e thënë më thjesht është e aftë të gjenerojë apo të administrojë antitrupa që e "kapin" drogën e fuqishme me të hyrë në gjakun e përdoruesit, pa i dhënë mundësi të kalojë në tru. Kokaina, si në rastin e duhanit, nuk provokon reagime imunologjike në organizmin njerëzor, siç ndodh në rastin e viruseve dhe baktereve që shkaktojnë sëmundje. Në këtë rast, reagimi imunologjik, apo antitrupat, gjenerohen nga vaksina e cila është e ndjeshme dhe vepron në praninë e drogës në gjak. Ndërveprimi mes tyre do të gjenerojë një përbërës kimik mjaft të fuqishëm për të arritur të anashkalojë barrierën hematocefalike, pengesën që prodhon gjaku ynë për të mbrojtur trurin. Rezultati i kësaj gjetjeje mjaft të thjeshtë është se kokaina nuk do të arrijë të prodhojë më kënaqësi.

Pacientët që kanë pranuar t‘i nënshtrohen kurës inovative, do të marrin katër doza nga ky medikament, një në fillim të testit dhe tri të tjera në intervale të rregullta. Pacientët e zgjedhur duhet të ishin kokainomanë, me ose pa probleme alkoolizmi. Kushti i vetëm është se nuk duhet të përdorin asnjë lloj droge tjetër përveç kokainës, siç mund të jetë heroina apo opiakë të tjerë. Nga ana tjetër, medikamenti nuk do të përdoret me funksionin e parandalimit, por do t‘u jepet ekskluzivisht atyre që tashmë janë pre e varësisë së tmerrshme të drogës. "Kokaina vazhdon të gëzojë famën e substancës jo të dëmshme, madje të dobishme", thotë Carmen Moya, përgjegjëse e departamentit të Antidrogës në krahinën katalanase. "Janë të shumtë ata të rinj që e lidhin konsumin e saj me suksesin në shoqëri, pa përmendur kënaqësitë që dhuron", shprehet ajo.

"Nuk bëhet aspak fjalë për një formulë çudibërëse, por për një substancë që do të ndihmojë miliona njerëz për t‘u dizintoksikuar, shpjegonte para pak kohësh profesori Thomas Kosten i universitetit "Yale" në Shtetet e Bashkuara të Amerikës. Vaksina është projektuar për të gjeneruar antitrupa specifikë, të cilët arrijnë ta "burgosin" kokainën në gjak pa lejuar të arrijë trurin e të bëjë efektin e saj. E parë në këndvështrimin praktik, mund të konsiderohet si një lloj filtri mes enëve të gjakut e trurit, duke bërë të mundur që droga mos të arrijë te ky i fundit. Kështu që nuk prodhohen efektet psikoaktivë, apo të shprehemi në gjuhën e përditshme nuk arrihet gjendja euforike". E megjithatë nuk përbën një zgjidhje përfundimtare për vetë problemin e varësisë: "Është e sigurt se medikamenti nuk krijon efekte anësore. Por nuk arrin të shkulë nga njerëzit dëshirën për të konsumuar kokainë".

Me fjalë të tjera, nuk jemi përpara një gjetjeje që mund të zgjidhë përfundimisht problemin e varësisë nga droga. Siç vëren edhe Jose Perez Cobos, koordinator i testit në Spanjë dhe psikolog në klinikën "Ramon y Cajal", një prej të trejave ku do të kryhet eksperimenti: "Asnjë trajtim kundër varësisë ndaj drogës nuk ka sukses pa mbështetjen psikologjike. Efekti i vaksinës arrin deri në këtë pikë dhe kaq". Për sa i përket veprimit, saktëson: "Pavarësisht nga mënyra si konsumohet, qoftë përmes injektimit me shiringë, tymosjes apo thithjes me hundë, kokaina prodhon molekula mikroskopike, të cilat vaksina i thith si të ishte sfungjer, gjë që ndalon kontaktin e tyre me sistemin nervor".

Në eksperimentet e bëra në Amerikë është konstatuar se përgjigjja e pacientëve ndaj këtij trajtimi mund të jetë e ndryshme te secili prej tyre. "Efektet te disa kokainomanë zhduken krejtësisht, por efikasiteti është më i vogël te disa të tjerë", vazhdon psikiatri, i cili prej vitesh lufton kundër fenomenit të drogës. "Duket se ekzistojnë ndryshime në varësi të individëve, të cilat kemi ndër mend t‘i zbulojmë gjatë testimeve. Te disa njerëz nevojiten më shumë doza, deri sa sistemi imunitar të nisë të prodhojë antitrupa në masë të mjaftueshme, që kokaina të mos arrijë trurin".

Profili i njerëzve te të cilët do të testohet medikamenti i ri, është ai i të rriturit mes moshave 25-45 vjeç, i integruar më së miri në shoqëri, por krejtësisht i varur edhe në rastet kur konsumohet kokainë kryesisht gjatë ditëve të fundjavës. "Vaksina e re u ka dhënë shumë shpresa ekspertëve të fushës së dizintoksikimit, edhe pse eksperimente të ngjashme me heroinomanët nuk kanë arritur rezultatet e shpresuara", përfundon e përditshmja spanjolle "Abc".

[Naki]

Ç'është marihuana?
Ajo është droga ilegale më e shpërndarë mes tinejxherëve-sipas disa statistikave më shumë se 1/3 e kanë provuar të paktën një herë. Fitohet nga bima Kanabis sativa. Marihuana bëhet nga majat (kokat) dhe nga gjethet e bimës së tharë. Hashishi dhe vaji i hashishit gjithashtu fitohen nga pjesë të bimës Kanabis.

Si duket marihuana?
Ekzistojnë më shumë forma të kanabisit:
Marihuana-forma më e shpeshtë dhe më e dobët e kanabisit. Bëhet nga gjethet e thara dhe lulet e bimës kanabis. Lulet (gjegjësisht kokat) janë forma më potente e bimës. Marihuana ngjason në kullosë të prerë ngjyra e së cilës mund të jetë e përhimtë-e gjelbërt ose e gjelbërt-e kafenjtë. Zakonisht pihet me llullë uji (bong), me llullë të zakonshme ose e mbështjellur me dorë (xhoint).

Hashishi bëhet nga rrëshira e bimës. Rrëshira presohet në blloqe të vogla. Ngjyra është mes të këfenjtës së çelur dhe të zezës. Koncentrimi i THC në hashishin është më e lartë se sa te marihuna.

Vaji i hashishit-paraqet ekstrakt i dendur i yndyrshëm nga hashishi i cili me ngjyrë mund të jetë nga i kafenjtë në të artë gjer te i zeza. Zakonisht vendoset në majën e cigares ose në letrën e cigares dhe pastaj pihet. Vaji i hashishit është drogë më e fortë nga format e kanabisit.

Si përdoret?
Kanabisi përdoret në mënyra të ndryshme. Marihuana, hashishi dhe vaji i hashishit munt të pihen. Mënyra të tjera janë përmes ushqimit/pijes, mund edhe e përzier me përbërje tjera. Nëse pihet, ndikon shpejtë, por nëse haet ndikon shumë më gjatë.

Si ndikon kanabisi mbi organizmin?
Substanca kimike psikoaktive në kanabisin që bën të ndjeheni mirë (‘high”), quhet THC (delta-9 tetrahydrocannabinol). Nëse kanabisi pihet, THC-ja shkon në mushkëri, e pastaj përmes gjakut në tru. Nëse pranohet përmes stomakut THC-ja kalon nëpër stomak në mëlçi e pastaj në gjak dhe tru.

Pse njerëzit përdorin kanabis?

Kanabisi shkakton njerëzit të ndjehen mirë ("high") ose euforik, të relaksuar ("stoned"). Ndihmon të ndjehen më të lumtur, më të relaksuar, të zhytur në fantazi të bukura, qeshin, flasin më shumë.

Në disa shtete kanabisi shfrytëzohet gjatë shërimit të disa sëmundjeve: e përmirëson disponimin te të sëmurët nga kanceri që janë në hemoterapi, te të sëmurët nga SIDA e në disa eksperimente ndihmon për shërimin e glaukomit (sëmundje e syrit). Te të sëmurët e tillë jepen sasi të kontrolluara të marihuanës përmes gojës (jo me thithje, pasi që është e dëmshme oër mushkëritë).

A ka efekte të padëshirueshme?
Efekte të padëshirueshme - afatshkurte
Efektet e kanabisit ndryshojnë nga njeriu në njeri.

Efekti i menjëhershëm zgjat prej 2-3 orë dhe përskaj disponimit të mirë përfshin edhe disa efekte të padëshirueshme. Nëse përdoret me alkool, këto efekte janë shumë më të shprehura dhe më të rënda. Paraqitet kjo: koncentrim i zvogluar, koordinim i çrregulluar, çrregullim i percepcionit për kohë, hapësirë dhe distancë, puls i përshpejtuar, ndryshim në shtypjen e gjakut, përgjumësi, ndjenjë e apetiti të zmadhuar, sy të skuqura.

Doza më të mëdha të kanabisit i përforcojnë efektet paraprake, por e mundshme është edhe paraqitje e efekteve plotësuese si: konfuzion, shqetësim, ekscitim, panik, shkëputje nga realiteti, paranojë, neveri.

Nëse merret rregullisht dhe në doza më të mëdha mund të shkaktojë simptoma psikotike që zgjasin disa ditë. Këto epizoda shpesh karakterizohen si halucinacione pamore dhe dëgjuese. Psikoza është sëmudje mendore dhe do të thotë që ndonjë person beson në imanigjata, që nuk janë reale. Te personat që kane predispozicion për sëmundje mendore, kanabisi mund të shkaktojë shfaqjet të sëmundjes.
Si rezultat i përdorimit të gjatë mund të shfaqen efektet që vijonë

Rrezik për astmë, emfizemë, frymëmarrje të shkurtuar, infeksione të mushkërive, infeksione të fytit, gojës dhe kancer të mushkërive.

Koncentracion i dobësuar, humbje të memories dhe vështirësi na mësim.

Depresion i sistemit të imunitetit, me të cilin zmadhohet rreziku për shfaqje të infeksioneve.

Sëmundje mendore serioze siç është skizofrenia.

Gratë shtatëzëna që përdorin kanabis kanë rrezik të lindin fëmijë me peshë trupore më të vogël, të lindur para kohe, ose fëmijë me anomali të lindura.

Kanabisi përmban më shumë tar dhe koncentrime të larta të disa substancave kancerogjene se sa duhani. Një xhoint marihuanë përgjigjet për 8 cigare.

Ç'nënkuptohet nën tolerancë dhe varësi nga kanabisi?
Gjatë përdorimit të rregullt të kanabisit zhvillohet toleranca, kjo do të thotë që ta arrijë efektin e njëjtë personi doemos të merr sasi më të madhe. Personat e tillë janë të varur nga kanabisi psiqikisht dhe fizikisht. Nëse nuk kanë kanabis vjen deri te vuajtja fizike, shfaqen probleme me gjumin, ndjenjë frike, humbje të oreksit dhe mundime në bark. Këta simptoma humben për disa ditë, edhe pse problemet me gjumin mund të zgjasin më gjatë.

Si të parandalohen efektet negative shëndetësore?
Mënyra më e mirë që të menjanohen efektet e dëmshme e kanabisit është që të mos pëdoret-kjo sidomos vlen për njerëzit që kanë pasur epizoda psiqike ose që kanë histori familjare pozitive për psikozë.

Nëse shoku yt përdor kanabis, si t'i ndihmosh?
Mund të provosh të bisedosh me të. Ai mund të hidhërohet dhe ta mohojë problemin. Zgjidhe çastin kur të dy jeni të qetë. Nuk ka dobi nga biseda kur ai është nën ndikim të drogës. Ki ndër mend se nuk mund ta ndryshosh. Mund t'i japësh vetëm informata korekte rreth asaj se si ndikon droga mbi shëndetin dhe jetën e tij.

Si të rrefuzosh nëse dikush të ofron të provosh kanabis?
Duhet të jeshë i përgatitur që më përpara si do të reagosh. Shumë njerëz të rinj ndjehen në një farë mënyre të detyruar nga shokët të përdorin kanabis. Mund të thuash thjesht “jo falemnderit, nuk pi” ose “jo, nuk hyj në atë shok” dhe hiqu anësh. Mundesh paraprakisht në shtëpi në zë të ushtrosh si do të refuzosh, që të të duket më reale. Duhet të jeshë i fortë, e jo agresiv dhe pasiv. Mirë është të largohen situatat sociale ku përdoret kanabisi, si edhe njerëzit që mund të bëjnë shtypje.

Heqja dorë nga kanabisi
Ekzistojnë dy mënyra: të zvogëlohet sasia dhe të ndërpritet gradualisht ose të ndërpritet përnjëherë. Mënyra e dytë është më efikase. Është e dobishme që paraprakisht të mendoni cili është shkaku për ndërprerjen, dhe kjo të shkruhet si përkujtimore dhe të caktohet dita. Që t'i përmbahet vendimit dhe më pak të mendojë për drogën, është e dobishme që personi që heq dorë të jetë maksimalisht i angazhuar me aktivitete plotësuese. Duhet të largohen situatat e njohura që kanë sjell deri te droga. Nuk është turp të kërkohet ndihmë nga shoku. Duhet haptazi t'u tregohet të tjerëve se më nuk bëhet fjalë për personin e njejtë. Mund të jetë më lehtë se sa mendoni.

Si t'i ndihmohet një të varuri nga kanabisi?
Ekzistojnë reparte për shërimin e të varurve.

Ku të drejtoheni për ndihmë?

Mjeku juaj

Repartet Emergjente të spitaleve

Spitali Psikiatrik Qendra për Keqpërdorim dhe Varësisë nga Drogat dhe Substancat e tjera psikoaktive.

[emine]

Postimi origjinal është bërë nga TERORIST

ket tem e hape per ata qe e pin drogen , edhe sa keq ka ne shendet.
une per veti e pina drogen qe 3 vite ( HASHISH ) ( BANGO ) ( MARIGONA) ( BUDRA )

edhe e dia qe shum shum ta prish shnetin , po qka me be nuk mundna me len len , edhe as nje her nuk kam mendu qe me len . pse e kam ne gjak .

qona ne mengjes e kali nje GJOIN ose cigare marigona ose bango .

qka ja mer juve mendimi per drogen kam deshir me dit
tung ju pershendes

ishalla te nimone Zoti,,,se kerka skoke,,me vie keq per ju e gjith ata qe e marrin,po ju e dini ma mire,kerkoni ndime sa sehste ba vone!

[sunrise]

Postimi origjinal është bërë nga TERORIST

ket tem e hape per ata qe e pin drogen , edhe sa keq ka ne shendet.
une per veti e pina drogen qe 3 vite ( HASHISH ) ( BANGO ) ( MARIGONA) ( BUDRA )

edhe e dia qe shum shum ta prish shnetin , po qka me be nuk mundna me len len , edhe as nje her nuk kam mendu qe me len . pse e kam ne gjak .

qona ne mengjes e kali nje GJOIN ose cigare marigona ose bango .

qka ja mer juve mendimi per drogen kam deshir me dit
tung ju pershendes

qenka postim i moqem dhe nuk di se ku eshte dhe si mund te jete e ketij person qe ka hapur kete teme.... lexova disa komente dhe drejt te them me erdhi keq shume per kete njeri se nuk paska gjet perkrhaje/prehje.... ne momenti qe ka shkru ky person per mu mendoj qe ka kerku nje ndihm dhe inkurajim... une kam pare dhe njoh njerz qe perdorin drogen... nuk jane njerz te kqinje por qe ne momentin e krizes nuk kane dite si ta tejkaloijn apo edhe kane bere per arsye qe nuk kane shikuar shume larg.... droga leht fillohet por veshtir ndalet... andaj kjo kategori e njerzve duhet inkurajuar shume me fjal qe ti kthehen jetes normale nese nuk jane teper vone... une mendoj qe cdo gje mund te arrihet nese jeni apo jemi te bindur me plote qenje dhe fundja eshte ne pytje jeta dhe ekzistetna andaj cdo hap qe ndermirret per ta nderpre eshte me i mire se fundi qe mund te vije me perdorimin e droges... une mendoj qe keta njerz ( qe e perdorin) duhet gjetur menyren me te mundshme per ta shmangur/larguar drogen....ajo mund te hiqet nga gjaku dhe mund te vazhdohet nje jete e re por veq nese ke vullnet.. veshtire eshte shume por mundet... duhet te bisedohet me njerz te afert apo njerz e dini qe ju dojne te miren dhe mund te ju ofrojne ndihme ne momentet kur keni nevoj dhe nuk mund ta kontrolloni veten....per mua njerz te nivelit jo njerzor jane ata qe bejne biznes me te dhe infektojne shume njerz qe nuk jane te vetedijshem per pasojat... une kam vetem nje lutje per ata qe njohin njerzit/viktimat e droguar... ndihmoni, inkurajon, duroni e perkraheni sa te mundeni sepse kjo ju mungon per te ndaluar...

uroj te mos ndegjoj raste te tilla dhe ata qe jane ne kete gjendje uroj te kene kurajo per ta ndaluar perdorimin e droges....

sunrise

[Preshevar]

S'po befasohem fort nga Teroristi,....

***************************

Shqiptarët kontrollojnë tregun evropian të heroinës

Ballkani është më i sigurt nga sa mendohej në raport me krimin global, por ndër vendet ballkanike Shqipëria është shteti që ka më shumë probleme. Kështu thuhet në një raport të zyrës së OKB për drogën dhe krimin, të quajtur UNODC.

Në këtë raport thuhet se shqiptarët janë trafikantët më të mëdhenj të drogës në Evropë. Grupet shqiptare janë të vetmit të regjistruar në raportin e "Europolit 2006", "Kërcënimi nga krimi i organizuar'. Shqiptarët kontrollojnë 70% të heroinës që hyn në një numër kryesor tregjesh evropiane. Gjysma e heroinës e kapur nga autoritetet italiane më 2006 vinte nga shqiptarët.

Përveç drogës që shqiptarët luajnë rol kyç, Shqipëria ka nivelin më të lartë të ryshfeteve në vit, çka tregon për nivelin e lartë të korrupsionit. Megjithatë raporti për korrupsionin u referohet shifrave të "Transparency International", pasi nuk ka në fokus vetë korrupsionin.

Sipas "Transparency", Evropa juglindore ka një nivel 4.5 herë më të lartë korrupsioni se mesatarja e Evropës perëndimore. Në lidhje me krimet e tjera, Shqipëria ka numrin më të lartë të vrasjeve krahasuar me vendet e tjera të Ballkanit, megjithatë sipas raportit numri i vrasjeve është 5% e vrasjeve pas rënies së qeverisë më 1997.

Në lidhje me vjedhjen e makinave Shqipëria nuk është vend problematik. Në 100 000 mijë makina regjistroheshin 90 makina të vjedhura në Shqipëri, ndërsa në Ballkan me problem për këtë krim është Bullgaria me 412 makina të vjedhura, ndërkohë që kampione në Evropë për vjedhje makinash është Britania e Madhe me 1330 makina të vjedhura.

Gjithsesi pavarësisht këtyre krimeve të lartpërmendura raporti prej 130 faqesh që analizon gjithë krimet në Ballkan, krahasuar me vende të tjera të Evropës qendrore dhe perëndimore arrin në përfundimin se Evropa juglindore është një nga zonat më të sigurta në botë dhe se progresi që po bëhet në këtë zonë në drejtim të luftës ndaj krimit e bën këtë rajon edhe më të sigurt.

Raporti është publikuar javën e shkuar dhe është konsideruar si mjaft pozitiv, pasi hoqi nga mendësia e shumicës se qytetarëve të botës faktin se Ballkani ishte vend i rrezikshëm. /balkanweb/