Të hapen dosjet e Pejës

[Dilaver]

Policia e Pejës i ka kërkuar Prokurorisë që për disa raste të veçanta të jepet leja për publikimin e të dhënave të të dyshuarve që janë në arrati. Edhe kryeprokurori i Prokurorisë së Pejës, Flamur Kelmendi, e konfirmon këtë. Policia beson se kërkesa do të aprovohet deri në dhjetor, kurse planifikohet publikimi i të dhënave për rreth 9 raste.


Jeton Musliu

Prishtinë,16 nëntor - Për here të parë policia e Kosovës ka shqyrtuar mundësinë që për vrasjet më të rënda, të dyshuarit t’I kërkojë edhe përmes mediave dhe pllakateve të ndryshme.
Këtë mundësi e ka shqyrtuar policia e Pejës, në rajonin e së cilës kanë ndodhur vrasjet më të rënda pas vitit 1999.
Në fakt, kërkesa për t’i mundësuar policisë ta bëjë një hap të tillë i është dorëzuar para një muaji Gjykatës së Qarkut në Pejë.
Edhe pse deri më tash nuk ka përgjigje definitive, policia shpreson se një leje e tillë do të jepet së paku deri në dhjetor të këtij viti.
Por, kjo varet nga vendimi i prokurorit, i cili ende është duke vlerësuar se cilat raste mund të publikohen e cilat jo, në mënyrë që të mos dëmtohen hetimet.
Nëse përgjigjja nga prokurori do të jetë pozitive, atëherë qytetet e Kosovës së shpejti mund të mbulohen me pllakate.
Këtë kërkesë e konfirmojnë edhe zyrtarë të policisë në Pejë. Këta të fundit, në përpjekje për të kapur më shpejt personat e dyshuar, kanë menduar që këtë ta bëjnë edhe në këtë mënyrë.
Avni Gjevukaj, zëdhënës i policies në Pejë, e konfirmon për Express se policia ka dërguar në Prokurori një kërkesë të tillë. “I kemi dërguar prokurorit kërkesë për publikim të personave të dyshuar, por duhet të ndiqet një procedurë”, thotë Gjevukaj.
Sipas tij, për publikime të këtyre rasteve duhet që leja të miratohet nga prokurori, pasi bëhet fjalë për raste të rënda.
Gjevukaj sqaron se kërkesa është bërë për publikimin e së paku 9 veprave penale, të cilat ai mjaftohet duke i përshkruar vetëm si të rënda.
“Nuk mund të them se për cilat raste bëhet fjalë, sepse varet nga prokurori nëse duhet të publikohen ose jo”, thotë Gjevukaj për Express.
Megjithëkëtë, ai e pranon se kërkesa është bërë një muaj më parë në Prokurori dhe deri më tash ende nuk është kthyer përgjigje.
“Kjo është vonesë procedurale, sepse duhet parë se nëse bëhet publikimi për një rast, nuk i dëmton hetimet”, thotë zëdhënësi i policisë së Pejës.
Sipas tij, kjo procedurë kërkon kohë, edhe pse policia pret që së shpejti t’i jepet sinjali se ata mund t’i publikojnë emrat e personave të dyshuar.
“Nuk mund të them me saktësi se kur mund të bëhet publikimi i rasteve dhe atyre personave si të dyshuar që duhet të kapen, por besoj se deri nga dhjetori do të marrim përgjigje”, thotë Avni Gjevukaj, zëdhënës i policies rajonale në Pejë.
Përveç policisë, kërkesën për të publikuar të dhëna për persona të dyshuar të cilët kërkohen nga policia, për Express e konfirmon edhe kryeprokurori i Gjykatës së Qarkut në Pejë.
Flamur Kelmendi thotë se ka pasur bisedime me shefin e policies së Pejës, por nuk ka pasur asgjë të shkruar.
“Policia ka filluar të evidentojë rastet, por ato që janë në fazën e hetimeve nuk mund të bëhen publike, sepse dëmtojnë hetimet”, thotë Kelmendi.
Sipas tij, për t’u bërë i mundur publikimi i rasteve dhe personave të dyshuar, duhet të ndiqet një procedurë e caktuar.
“Unë nuk mund të them se kur mund të merret një vendim i tillë”, thotë kryeprokurori Flamur Kelmendi.
Përndryshe, rrafshi i Dukagjinit njihet si një ndër rajonet në Kosovë, në të cilin kanë ndodhur rastet më të rënda të vrasjeve që nga viti 1999 e këtej.
Shumë prej këtyre rasteve kanë mbetur deri më tash të pazbardhura, derisa policia nuk jep shumë informacione se deri ku kanë mbërritur hetimet.

Ndërkohë, më 17 mars 2002 në Pejë është vrarë Smajl Hajdaraj, deputet i Kuvendit të Kosovës nga LDK-ja.
Zëdhënësja e Policisë së UNMIK- ut Suzan Manuel, në atë kohë nuk e kishte përjashtuar se kjo vrasje mund të ishte kryer për motive politike.
Ndonëse deklarata e saj ishte gjithëpërfshirëse, zyrtarët e policisë kurrë më nuk treguan se çka në të vërtetë ka ndodhur në hetimet për këtë rast.

Edhe Ismet Raci, kryetar i Komunës së Klinës, është vrarë më 24 prill 2001 në shkallët e banesës së tij.
Familjarët në atë kohë kishin deklaruar se i ndjeri nuk kishte pasur asnjë problem me askënd, kurse policia, përveç që kishte deklaruar se hetimet do të vazhdojnë, as atëherë dhe as tash nuk ka dhënë asnjëherë ndonjë sqarim lidhur me hetimet për këtë rast.

Avni Elezi është një rast tjetër prej personave që janë ekzekutuar më 12 tetor 2002, në qendër të Pejës. Dikur një ish-ushtar i UÇK-së e më vonë truprojë e Ramush Haradinajt, ai është varrosur një ditë më vonë me nderime të larta ushtarake.
Edhe për këtë vrasje, sikurse për të tjerat, policia ka deklaruar se hetimet kanë filluar, por kurrë nuk është bërë publike se deri ku kanë mbërritur hetimet ose sa persona janë arrestuar apo dënuar.

Shaban Manaj, avokat i njohur dhe veprimtar i dalluar shumëvjeçar i Lidhjes Demokratike të Kosovës në Istog, është ekzekutuar më 23 korrik 2000, pasi është marrë nga persona të panjohur.
Për vrasjen e Manajt ishin akuzuar disa persona, të cilët kanë qëndruar në paraburgim si të dyshuar për rreth dy vjet. Muaj më vonë ata janë liruar me vendimin e gjykatës, pasi nuk kishte prova që do të vërtetonin fajësinë e tyre.

Vrasja e Enver Haradinajt ndodhi në verën e vitit 2005 rreth orës 14.55 minuta, në afërsi të fshatit Raushiq, në magjistralen Pejë-Deçan.
Vrasja e vëllait të ish-kryeministrit të Kosovës, kishte nxitur një takim urgjent të autoriteteve më të larta ndërkombëtare në Kosovë me kryeministrin e atëhershëm, Bajram Kosumi dhe një pjesë të Qeverisë së tij.
Përveç thirrjeve për qetësi nga liderët politikë të vendit dhe zyrtarët e tjerë, edhe për këtë vrasje autorët e tij kurrë nuk u bënë të ditur, nëse janë kapur apo janë duke u kërkuar.

Tahir Zemaj është vrarë më 4 janar 2003 në Pejë, së bashku me të birin dhe një tjetër person.
Ndonëse spekulimet për këtë vrasje ishin të ndryshme, edhe për këtë vrasje të trefishtë, zyrtarët përkatës kurrë nuk kanë treguar nëse është dërguar dikush para gjyqit.
Këto janë vetëm disa raste të vrasjeve, të cilat patën ngritur tensione në Kosovë në kohërat kur u kryen këto vepra. Nuk dihet nëse në mesin e atyre tetë apo nëntë rasteve që pritet të lejojë Prokuroria e Pejës për t’i kërkuar të dyshimtët edhe përmes publikimeve të të dhënave të tyre, do të jetë ndonjë prej këtyre rasteve.

[pirro]

Pershendetje.

Une mendoj qe kish me qene mire nese behet hapja e ketyre dosjeve,per arsye qe opinioni duhet ti di ate qka e din nje organ i drejtesis.Dhe hapja e ketyre dosjeve veq sa do te ndihmonte kapjen e e autorve te vrasjeve.sepse urdherdhensit ma merr mendja per shumicen e ketyre vrasjeve dihen.Ata(vrasesit)rrin ne kravata dhe kan parti politike ne Prishtine.

[Fshatari]

Para 3 jave, ministri i brëndshëm kosovar tha para deputetve se pas vrasjeve ndodhet vetë serbia. Nëse i referohemi kësaj përgjigjeje, autorët e atyre vrasjeve ndodhen në pjesën veriore të Mitrovicës, po nuk di a kanë "kravate" a jo! as për parti politike nuk dihet por është e sigurt se nuk janë në Prishtinë dhe nuk janë as shqiptar po shkie!

[Artisti]

Keto vrasje jane tragjedi e madhe qe ka ndodhe ne Kosove.

Pa marre parasysh se a eshte Nexhat Daci,Hashim Thaqi,Ramush Haradinaj,Kole Berisha,Sabri Hamiti,qe ka shkep plumb apo ka dhene urdher,duhet menjehere te hapen dosjet dhe te futen ne qorrke edhe ate pa proces bile.



.

[dardan100]

Po te kishim pase polici efikase keto krimo do te ishin zbuluar kohe me pare, dhe kriminelet do te ishin para drejtesise, ciles drejtesi, asaj nderkombetare?? Me mire jo!
Te presim formimin e shtetit te Kosoves dhe atehere une jam i bindur se do te behet kapja e ketyre vrasesve. Keto vrasje te quajtura enigmatike, enigmatike nuk kane asgje. Ne te gjithe e dime se ato kane qene vrasje me prapavi politike. Cfare do te thote kjo?, se "politikani e ka vra kundershtarin e tij", dhe ne populli i Kosoves e dime mire se kush mund te jene , jo dore-vrasesit, por urdher-vrasesit pa pike dyshimi. Vrasja e Tahir Zemes, Xhemajl Mustafes, Ismet Rracit, ktu nuk ka gisht sherbimi sekret serb e as organizatat mafioze te shqiperise qe mirren me trafikimin e njerzve apo droges por, pakenaqes
ia e nje formacioni te caktuar politik qe me jo-seriozitetin dhe punen per faqe te zeze ne paslufte, i humbi zgjedhjet! Kete qe po ua them une ua thote çdokush ne Kosove!!!

[Arijanit]

Humbje e dhimbje e madhe se pari per njerzit e aferm te viktimave,humbje e madhe dhe per vet Kosoven.Mendoj per fat te keq keto vrasje tregojn se ende mungon siguri e plot ne Kosove.Pa marre parasysh se kush e ka kryer ose ka urdheruar vrasjet,autoret duhet te dalin para drejtesis,neve sna mbetet asgje tjeter perveq se te ndihmojm SHPK-ne per zbardhjen e ketyre rasteve.Nese ne si popull shikojm vendet e botes ku siguria eshte ne nivel ateher na mbetet te marrim shembull nga ata, se si ata bashkpunojn me uniformat e rendit,cdo shkelje e ligjit qoft ajo edhe me e vogel ata e tregojn kryersin,,,,,,Mendoj se nuk do te kishte qen mekat nese ne ju ndihmojm SHPK ( ne kete rast) per zbardhjen e cdo krimi,sepse veq ateher do te filloi nje normalizim ne aspektin e siguris ne pergjithesi,,,,

[Guri i madh]

Tema te hapen dosjet e pejes




ne nuk e dim kur ja mbyll kto dosje kush i ka mbyll dhe pse i ka mbyll .

tani shtrohet pytja kush nga organet kompetente per zbulimin e ktyre vrasjeve qenka i perzier ne kto vrasje direkt apo indirekt .

Apo personi qe ka mbyll kto dosje esht larguar ne drejtim te pa njohur tani ktu popuulli edhe ma shum e verteton se kto vrasje jan ndihmue nga personat qe femijt e tyre i ushqejn me tatimet qe i paguajn ky popull i varfer .


ju lutemi a mos po ndajna kafshaten e gojes per ti ushqyer terroristat qe pasi te na vrajn te vin te shpia per ngushtllime .
Po pse ne hapjen e ktyre dosjeve nuk figuron edhe dosja per vrasjen e SEBAHATE TOLAJT E ISUF HAKLAJT pergjigj,ja esht e qart se po te zbulohnt kta vrases at,her vrasjet tjera zbulohen ma leht