Lajme Aktuale....

[hasanmehmeti]

Regjimi Sionist: Në Annapolis deshëm të përfitonim nga palestinezët

Ministrja e jashtme e Regjimit Sionist, Tzipi Livni ka deklaruar se në konferencën e Annapolisit në Meriland deshëm të përfitonim nga palestinezët. Livni në fjalimin e saj në parlamentin sionist ka thënë: Këmbëngulja jonë për pjesëmarrjen e shteteve arabe në këtë konferencë ishe me qëllim që të përfitojmë përkrahjen e këtyre vendeve ndaj Mahmud Abbasit, kurse nga kjo, më së shumti do të përfitonte Izraeli.
Ministrja e jashtme e Izraelit gjithashtu ka pohuar se asnjë lider palestinez nuk mund të mbështesë Izraelin pa patur përkrahjen e vendeve arabe. 'Në konferencën e Annapolisit ne nuk kemi pranuar të lëshojmë për asgjë dhe nuk pranuam të caktojmë një afat të kufizuar për vazhdimin e negociatave me palestinezët. Kurse pas fjalimit të Tzipi Livnit në parlamentin sionist, fjalën e ka marrë deputeti arab, Xhemal Zehalke, kryetar i fraksionit të Unitetit demokratik kombëtar, i cili ka pohuar se fjalimi i Livnit dëshmoi qartë se konferenca e Annapolisit nuk është organizuar për zgjidhjen e çështjes palestineze, por për të përforcuar Izraelin përballë botës arabe dhe palestinezëve.


Mediat amerikane publikojnë fakte mbi homoseksualitetin e funksionarëve amerikanë

Mediat amerikane kanë shkruar në lidhje me prirjet homoseksuale të sekretares amerikane të Shtetit Kondoliza Rice dhe imoralitetin e disa funksionarëve të tjerë të lartë si Hillary Clinton.
Revista amerikane National Inquire shkruan se homoseksualiteti i Rice është i njohur në mesin e funksionarëve amerikanë dhe shumë persona e dinë që ajo ka qënë homoseksuale qëkur punonte në Universitetin Standford në Kaliforni kur bashkëjetonte me aktoren Rendi Been. Të tilla akuza janë ngritur edhe ndaj ish-kryebashkiakut të Nju Jorkut, Rudi Giuliani, ndarsa disa media amerikane shkruajnë se senatorja demokrate Hillary Clinton ka kryer marrëdhënie të paligjshme me një nga këshilltarët e saj i quajtur Hioma Abdin. Edhe senatori demokrat John Edwards akuzohet për marrëdhënie të paligjshme me një nga anëtaret e ekipit të tij elektoral.


Shërbimet sekrete të SHBA: Irani nuk dëshiron të prodhojë bombën atomike

Këshilli i informacionit kombëtar të Amerikës, i përbërë nga 16 organe të shërbimeve sekrete ka deklaruar se Irani nuk ka ndërmend të prodhojë bombë atomike. Agjencia gjermane e lajmeve ka publikuar një raport të Këshillit të informacionit kombëtar të Amerikës dhe ka dëshmuar se Irani asnjëherë deri më tani nuk ka insistuar të prodhojë armë bërthamore.
Ndërsa televizioni CNN ka thënë se ky raport i këtij këshilli amerikan mbështet raportin e drejtorit të ANEA, Muhammed Al Baradei në lidhje me dosjen bërthamore të Iranit. Ky televizion gjithashtu ka theksuar se Amerika duhet të kërkojë falje nga iranianët për shkak të mohimit të të drejtës së tyre për shfrytëzimin e energjisë bërthamore për qëllime paqësore dhe ka shtuar se dosja bërthamore e Iranit sa më shpejtë duhet të kthehet në ANEA.


Propozimi i presidentit iranian për forcimin e marrëdhënieve të shteteve të Gjirit Persik

Presidenti i RII dr. Mahmud Ahmedinezhad, vuri theksin mbi nevojën e krijimit të Organizatës për Bashkëpunim të rajonit të Gjirit Persik. Gjatë fjalimit që mbajti në takimin e 28 të Këshillit për Bashkëpunim të Gjirit Persik në Doha të Katarit, propozoi që për të shtuar bashkëpunimin midis vendeve të rajonit, duhet të krijohet OPGJP.
Ai kërkoi edhe heqjen e regjimit të vizave midis Iranit dhe gjashtë vendeve të Gjirit Persik me qëllim lehtësimin e lëvizjeve të qytetarëve të këtyre vendeve. Ahmedinezhad, shtoi se RII kërkon vendosjen e marrëdhënieve miqësore me të gjitha vendet fqinje dhe përparimin e vendeve të rajonit e cilëson si përparim të vet Iranit. presidenti iranian theksoi se investimet dy palëshe apo shumë palëshe për bashkëpunim në fushën e naftës dhe gazit, janë një rast shumë i mirë për zgjerimin e marrëdhënieve midis vendeve të rajonit të Gjirit Persik. Dr. Ahmedinezhad vuri theksin edhe mbi nevojën e fillimit të tregtisë së lirë midis vendeve, sigurimin e ujit dhe gazit të nevojshëm për njëri-tjetrin, aktivizimin e korridorit veri-jug, zgjerimin e turizmit, si dhe rritjen e shkëmbimeve shkencore dhe teknologjike etj. Ai duke pasur parasysh kapacitetet e këtyre shteteve ka pohuar se për të shtuar më tepër bashkëpunimin e vendeve gjëja e parë që duhet bërë duhet hequr regjimi i vizave për shtetasit e këtyre vendeve. Krijimi i Organizatës për Bashkëpunim të rajonit të Gjirit Persik gjithashtu do të ndihmonte edhe në sigurinë e rajonit dhe në eliminimin e çdo kërcënimi të huajë, që i rrezikon shtetet e Gjirit Persik. Sipas RII, të gjitha krizat e Gjirit Persik dhe Lindjes së Mesme, burojnë nga politikat luftënxitëse të SHBA. Ky vend me pushtimin e Afganistanit dhe Irakut, rajonin e ka shndërruar në një vend për strehimin e terroristëve dhe kjo më shumë se çdo kënd tjetër rrezikon shtetet e Gjirit Persik. Për atë dhe qëllimi i Ahmedinezhad me këtë propozim ka qenë ngrirja e të gjitha përpjekjeve të vendeve shtypëse të botës, të cilat me politikat e tyre përçarëse po grabisin pasuritë e këtyre shteteve, kurse popujt po jetojnë në një varfëri të skajshme. Kështu që një bashkëpunim i ngushtë mes vendeve të Gjirit Persik do të bëhej shkak edhe për përforcimin ekonomik, por gjithashtu edhe për sigurinë dhe stabilitetin e këtyre shteteve.

[hasanmehmeti]

Presidenti Ahmedinezhad: E dëshmuam se edhe pa Amerikën mund të zhvillohemi

Presidenti i R I të Iranit, Mahmud Ahmedinezhad ka thënë se populli iranian e dëshmoi se edhe pa mbështetjen në Amerikën dhe në superfuqitë botërore mund të zhvillohet. Presidenti iranian në intervistën e tij me gazetën japoneze 'Jumjuri' dhe televizionin 'Asahi' është shprehur:
Amerika që nga fillimet e Revolucionit Islamik të Iranit mendonte se populli iranian do t'i përkulej asaj, por pasi që populli iranian është një popull me civilizim të lashtë, me kulturë të madhe dhe me rrënjë të thella, e ka dëshmuar se i pavarur mund të përparojë në çdo fushë, pa u mbështetur te askush. Presidenti iranian, dosjen bërthamore të Iranit e ka quajtur të përfunduar dhe ka shtuar se raportet e Muhammed Al Baradeit e kanë dëshmuar qartë se qëllimi i Iranit ne energjinë bërthamore është paqësor dhe i kanë mohuar të gjitha Akuzat e kota të disa shteteve perëndimore. Ahmedinezhadit, në lidhje me shkakun e mospjesëmarrjes së Iranit në konferencën e Annapolisit ka thënë se deri më tani janë mbajtur me dhjetëra konferenca të këtilla, por për shkak të jo seriozitetit të organizatorëve të këtyre konferencave asnjëherë nuk është arritur ndonjë rezultat, që do t'i plotësonte kërkesat e popullit palestinez. Ai ka thënë se konferenca e Annapolsiit kishte dështuar akoma pa filluar punimet e saj dhe ka shtuar se superfuqitë si Amerika me miliarda dollarë furnizojnë me armë pushtuesin e Palestinës, për këtë arsye asnjëherë nuk do të jenë të aftë të organizojnë që konferencë të suksesshme për Lindjen e Mesme. Në fund të intervistës së tij, Ahmedinezhad ka thënë se Irani është i gatshëm të krijojë marrëdhënie të mira me të gjitha shtetet e botës, përveç se me Regjimin Sionist.



Zhvillimet rajonale, shkaku i pjesëmarrjes së Iranit në takimin e Këshillit të bashkëpunimit të Gjirin Persik

Presidenti i RII pas kthimit nga takimi i liderëve të Këshillit të bashkëpunimit të Gjirit Persik që u zhvillua në Doha të Katarit, u deklaroi gazetarëve se zhvillimet e fundit në rajon dhe nevoja e bashkëpunimit mes vendeve të rajonit u bë shkak që 26 vjet pas krijimit të Këshillit të bashkëpunimit të Gjirit Persik, Irani të ftohet për të marrë pjesë në takimin e këtij këshilli.
Në lidhje me cështjet e diskutuara në këtë takim, dr Mahmud Ahmedinezhad theksoi se RII parashtroi disa propozime konkrete dhe interesante të cilat u mirëpritën nga vendet arabe të rajonit. Ai tha se gjatë takimit me sekretarin e përgjithshëm të Ligës arabe z Amru Musa u diskutua mbi zhvillimet e rëndësishme në rajon si dhe për nevojën e bashkëpunimit mes Ligës arabe dhe Iranit sidomos në zgjidhjen e krizës në Palestinë dhe Irak. Presidenti iranian deklaroi se në rajon është krijuar një klimë e re bashkëpunimi dhe integrimi e cila duhet të zhfrytëzohet për zgjerimin e bashkëpunimit dhe progresit të vendeve të rajonit. Z Ahmedinezhad tha se RII synon vendosjen e paqes, stabilitetit, miqësisë dhe vëllazërisë në rajonin e Gjirit Persik dhe shtoi se nuk ekziston asnjë pengesë për zgjerimin e marrëdhënieve mes Iranit dhe vendeve të rajonit.

Kisinxher: Izraeli gjithmonë e ka mashtruar Amerikën

Ish-këshilltari i ish-presidentit amerikan Richard Nikson deklaroi se Izraeli gjithmonë e ka mashtruar Amerikën dhe e ka përballur atë me probleme serioze në botë. Z Henry Kisinxher, politikan i vjetër amerikan theksoi se Izraeli me mashtrime dhe grabitje arriti të prodhojë armë atomike dhe ka arritur të grabisë nga Amerika lëndë të nevojshme për prodhimin e këtyre armëve.
Ish-presidenti amerikan Richard Nikson kishte rënë dakord për pajisjen e Izraelit më avinë F-4 dhe me armë atomike, por Kisinxher dhe Richard Holmes kundërshtuan vendimin e Niksonit duke e njohur atë me pasojat e rrezikshme të këtij vendimi. Kisinxher theksoi se ishte e kotë përpjekja për të kontrolluar objektet bërthamore të Izraelit, sepse izraelitët asnjëherë nuk i kanë lejuar amerikanët të inspektojnë qendrat e tyre bërthamore duke i mashtruar amerikanët në lidhje me qëllimet e programit bërthamor izraelit.

Shefi i OKI riafirmon mbështetjen e luftës palestineze

Sekretari i përgjithshëm i Organizatës së Konferencave Islamike (OKI) prof. Eklemedin Ihsanoglu riafirmon solidaritetin dhe mbështetjen nga organizata e tij për popullin palestinez në luftën e tyre për ti realizuar të drejtat e tyre kombëtare, të drejta të cilat mbështeten në parimin e vetëvendosjes, për themelimin e një shteti të pavarur palestinez me kryeqytet Jerusalemin, dhe të drejtën që në pajtim me rezolutat ndërkombëtare ti kthehen legjitimitetit.
Në një mesazh, të lexuar në takimin e organizuar nga Kombet e Bashkuara në Njujork dhe Gjeneva në mbledhjen për hir të ditës ndërkombëtare të Solidaritetit me popullin palestinez, prof. Ihsanoglu gjithashtu dënoi popullin palestinez për dhunë kundër xhamisë Al Aksa dhe qytetit të Jerusalemit të cilët kërkojnë të jahudizojnë qytetin e shenjtë dhe të ndërrojnë identitetin e tyre arab dhe islam.

[hasanmehmeti]

Uashington Post: Raporti informativ amerikan, goditje e rëndë për Bushin
Gazeta Uashington Post shkruan se raporti i ri informativ amerikan i cili ka pranuar karakterin paqësor të programit bërthamor të Iranit, ishte një goditje e rëndë për politikat e Xhorxh Bushit përballë Teheranit. Kjo gazetë, shkruan se ky raport, jo vetëm që u dha fund pretendimeve të kota të Amerikës kundër Iranit, por bëri që të dështojnë edhe përpjekjet e Shtëpisë së Bardhë për të vendosur sanksione ndërkombëtare kundër Teheranit.
Duke cituar ish funksionarin e lartë të CIA-s dhe Pentagonit Brus Ridle, i cili aktualisht punën në institutin Brookings, Uashington Post shton: Tashmë ndoshta edhe kanë dështuar përpjekjet për miratimin e rezolutës së tretë anti-iraniane. Sipas këtij burimi, edhe kongresmenin demokrat Bred Shermen, ka deklaruar se mësimi më i mirë që mund të marrim nga raporti i këshillit informative amerikan, është se politika e jashtme e SHBA duhet rishqyrtuar dhe në të ardhmen më tepër të shfrytëzojmë mjetet diplomatike dhe ekonomike. Në raportin e përbashkët të publikuar nga 16 organe informative amerikane, është potencuar se pretendimet e Uashingtonit mbi atë se Irani dëshiron të prodhojë armë atomike, nuk janë aspak të vërteta.



Bush: Shërbimet sekrete, nuk kanë folur për programin paqësor bërthamor të Iranit
Presidenti amerikan Xhorxh Bush, deklaratat e tij të gabuara në lidhje me rrezikun që përbën programi bërthamor i Iranit, i justifikoi me mospublikimin e informacioneve nga ana e shërbimeve sekrete amerikane në lidhje me karakterin paqësor të programit bërthamor të Iranit.
Duke folur përpara gazetarëve, Bush pretendoi se në kohën kur ka folur për rrezikun e programit bërthamor të Iranit dhe mundësinë e fillimit të luftës së tretë botërore, ai nuk ka qenë në dijeni të informacioneve që kanë poseduar shërbimet informative amerikane. Bush ka shtuar se në muajin gusht, shefi i organeve informative të Amerikës McKanel, i ka thënë se ka informacione të reja për Iranin por nuk ka sqaruar se çfarë informacionesh ka, derisa javën e kaluar i ka raportuar këto informacione. Presidenti amerikan sërish pretendoi se megjithë raportin e shërbimeve informative amerikane, Teherani sërish është i rrezikshëm dhe BN duhet të vazhdojë me presionet kundër Iranit. Kryetarja e kongresit amerikan Nancy Pelosi, deklaroi se raporti i shërbimeve informative amerikane mbi aktivitetet paqësore bërthamore të Iranit, tregon se ka ardhur koha për ndryshimin e politikës së jashtme të SHBA dhe fillimin e diplomacisë në marrëdhëniet me Iranin. Një gjë të këtillë e deklaroi edhe lideri i shumicës demokrate në Senat, Heri Rid.



Ahmedinezhad: Marrëdhëniet ndërkombëtare, të ndikuara nga dhuna e disa forcave, larg drejtësisë
Mahmud Ahmedinezhad presidenti i RI të Iranit ka deklaruar se, shumica e marrëdhënieve ndërkombëtare të ndikuara nga shtypja e disa forcave janë larguar nga drejtësia. Mahmud Ahmedinezhad presidenti i RI të Iranit, gjatë hapjes së takimit tre ditorë të kryetarëve të pushtetit juridik të 56 vendeve islame në Teheran, ka deklaruar se vendet dhunuese nuk respektojnë dhe realizojnë drejtësinë në botë.
Ai gjithashtu ka shtuar se disa organizata ndërkombëtare si, KS të OKB-së nuk është themeluar në baza të drejtësisë dhe se disa vende anëtare të saj janë duke u munduar që të keqpërdorin këtë organ për realizimin e interesave dhe qëllimeve të tyre. Presidenti Iranin gjithashtu ka potencuar se rezultatet e padrejtësive të organizatave ndërkombëtare janë më se evidente në Irak, Afganistan dhe Palestinë në të cilët vende jemi dëshmitarë të vrasjeve, plagosjeve dhe emigrimeve të mijëra personave në tokat e pushtuara. Presidenti i RI të Iranit gjatë këtij takimi propozoi edhe formimin e gjykatave të drejta midis vendeve islame, formimin e platformave midis intelektualëve, dhe gjykatësve të njohur islam, si dhe shqyrtimin e çështjeve të shumta të botës islame në lidhje me përforcimin e bashkëpunimit në sektorin e pushtetit juridik midis vendeve islame.


Fëmijët afrikanë, viktimë e skllavërisë moderne
Në kohën kur zbulimi i trafikimit të fëmijëve afrikanë nga ana e francezëve në muajin Tetor pati reagime të shumta, arrestimi i personit të akuzuar për rrëmbimin e 52 fëmijëve nga Guinea Bisau kah mesi i muajt Nëntor, përsëri riktheu fenomenin e trafikimit të fëmijëve në qendër të masmediave botërore.
Tani parashtrohet pyetja se vallë trafikimi i fëmijëve, është një metodë e re dhe moderne e skllavërisë? Në bazë të statistikave të organizatës së UNICEF-it, çdo vit më se 1 milion e 200 mijë fëmijë në mbarë botën trafikohen për qëllime të ndryshme. Ky lloj trafiku, e zë vendin e tretë pas trafikimit joligjor të armëve dhe substancave narkotike. Paaftësia e qeverive të vendeve perëndimore dhe qëndrore afrikane si dhe vendeve jugore aziatike dhe Amerikës Latine, është shndërruar në tregun kryesorë të trafikimit të fëmijëve në botë. Si zakonisht trafikimi i fëmijëve realizohet nëpër vendet të cilat janë të preokupuara me tensione dhe përleshje etniko-fetare. Në rrethana krize qeveria qëndrore nuk është në gjendje të kontrollojë situatën dhe në kushte të këtilla personat profitabil shfrytëzojnë rastin dhe fillojnë të trafikojnë fëmijë për qëllime të ndryshme personale, seksuale, si punëtorë, ushtarë dhe për qëllime të tjera joligjore. Faktorët si luftrat civile, thatësirat dhe fatkeqësitë natyrore të cilat janë ndër shkaqet kryesore të përhapjes së varfërisë dhe urisë në përgjithësi, ka krijuar hapësira të mundshme për trafikimin e fëmijëve afrikan. Në disa raste trafikimi i fëmijëve bëhet edhe me pëlqimin dhe dijeninë e prindërve, kështu që prindërit për shkaqe të ndryshme si varfëria, janë në gjendje ty shesin fëmijët e tyre. Rajoni i Afrikës perëndimore, për shkak anarkisë dhe të luftërave civile në Sieraleon, dhe Liberi gjatë dy dekadave të fundit, është shndërruar në qendër kryesore të trafikimit të fëmijëve. Në këtë rajon, për fat të keq fenomeni i trafikimit të fëmijëve në mesin e popullatës realizohet me pretekst të emigrimit të tyre për pune dhe jetë me të mire nëpër vendet perëndimore europiane. Mousa Sisoko njëri nga mbrojtësit e të drejtave të fëmijëve thotë: disa vende afrikane për të shkatërruar dhe eliminuar fenomenin e urrejtur të trafikimit të fëmijëve kanë nënshkruar traktate bashkëpunimi me vendet e ndryshme të afrikane. Këto traktate janë nënshkruar midis vendeve si, Togo, Benin, Nigeri, Senegali, Guinea Bisau, Gambia, Sieraleone, Mali dhe Burkinafaso. Mos ekzistimi i një ligji të posaçëm kundër trafikimit të fëmijëve ka bërë që trafikantët dhe bandat e ndryshme të mos ndëshkohen me ligj.
Autoritetet e UNICEF-it, kanë bërë të ditur se si pasojë e sëmundjeve vdekjeprurëse si Sida, kanë humbur jetën më se 8 milion fëmijë nëpër pjesë të ndryshme të Afrikës jugore dhe lindore, dhe kanë apeluar që këto rajone janë shndërruar në tregjet kryesore të trafikimit të fëmijëve. Hyrja e turistëve të huajë nëpër vendet afrikane si Afrikën Jugore, ka krijuar fenomenin e dhimbshëm të trafikimit të fëmijëve. Shumica e vendeve të rajonit akoma nuk kanë ndërmarrë hapa konkretë për ndalimin e fenomenin të ligët të trafikimit të fëmijëve. Trafikimi i fëmijëve të Mozambikut nëpër të gjitha vendet fqinje të Afrikës Jugore, e posaçërisht në Afrikën Jugore gjatë dy viteve të fundi ka patur një rritje drastike prej 100 deri më 1000 fëmijë të trafikuar. Hulumtimet e fundit të OKB tregojnë që mijëra fëmijë nga Mozambiku prej moshës 14 deri më 24, trafikohen nëpër rrjete të ndryshme për qëllime seksuale në Afrikën Jugore. Trafikimi i fëmijëve realizohet nëpërmjet rrjeteve të fuqishme dhe të organizuara mirë. Kështu që grumbullimi i informacioneve në lidhje me kapjen dhe dënimin e organizatorëve të këtyre rrjeteve për forcat policore është një detyrë tepër e rëndë dhe e ndërlikuar. Transferimi fëmijëve nga Afrika nëpër vendet e ndryshme të botës, ka vështirësuar edhe më shumë ndjekjen e trafikantëve të fëmijëve. Në bazë të statistikave, më se 30 mijë fëmijë të kidnapuar nga pjesët e ndryshme të Afrikës Jugore janë transferuar nëpër vendet e ndryshme të botës për qëllime seksuale. Gjithashtu një pjesë tjetër e fëmijëve të trafikuar janë të detyruar të punojnë punë të rënda fizike. Shqetësimi më i madh është se grupet mafioze dhe rrjetet e ndryshme të trafikimit të fëmijëve në korniza të të drejtave për fëmijët, janë duke realizuar trafikimin e fëmijëve në këto rajone. Shoqata humanitare franceze e cila si duket punonte për të ndihmuar fëmijët refugjatë të rajoneve të prekur nga lufta si në Darfur dhe në jug të Çadit, ka rrëmbyer dhe trafikuar më se 103 fëmijë afrikan. Në kohën kur popullata e Çadit dhe Sudanit kuptuan se kjo shoqatë ka lidhje më rrjetin e trafikimit të fëmijëve, qytetarët e këtyre vendeve organizuan protesta anti-franceze. Ligjet e miratuara kundër krimeve si rrëmbim, përdhunim ose abuzim seksual, nuk janë garancë kundër luftës së fenomenit të trafikimit të fëmijëve. Prandaj është e domosdoshme që vendet afrikane të ndërmarrin hapa konkret kundër këtij fenomeni kaq të ligë dhe anti-njerëzorë .

[Bjeshka1]

Nje femer kamikaze vret me se paku 15 persona dhe plagose 28 tjere. Ngjarja ka ndodhur ne Muqdadiya qe gjindet 90 km ne verilindje te Bagdadit. Kjo kishte per qellim te vriste sa me shume njerez nga nje grup sunitesh qe kishin lene al-Qaida dhe ishin bashkangjitur forcave policore te Irakut. Si gjithe ne keso rastesh, kjo e beri kete ne emer te "Allahut".

[Lona]

Të paktën 20 imigrantë ilegalë mbyten në Detin Egje afër bregdetit të Turqisë

Ankara, 10 dhjetor – Të paktën 20 imigrantë ilegalë janë mbytur në Detin Egje afër bregdetit perëndimor të Turqisë, kanë bërë të ditur sot (e hënë) zyrtarët, njofton BBCVorld. Trupat e pajetë janë nxjerrë në bregdet afër qytetit Izmir. Në këtë rast janë shpëtuar gjashtë migrantë. Në barkë gjendeshin mbi 60 njerëz, andaj bilanci i të vdekurve pritet të jetë më i lartë.

Një numër mortajash godasin burgun në Bagdad, vriten të paktën 7 të burgosur

Bagdad, 10 dhjetor - Një numër mortajash kanë goditur sot (e hënë) burgun në Bagdad dhe kështu janë vrarë të paktën shtatë të burgosur, kanë bërë të ditur zyrtarët, njofton BBCVorld. Në këtë incident, janë plagosur edhe 20 vetë të tjerë, ndër të cilët edhe disa policë. Burgu gjendet afër ndërtesës së ministrisë së brendshme, andaj nuk është i qartë caku i sulmit.

Rreth 93 milionë fëmijë në botë nuk arsimohen

Nju Jork, 10 dhjetor - Fondi i Kombeve të Bashkuara për Fëmijë, UNICEF, tha se rreth 93 milionë fëmijë në botë nuk arsimohen. Në Rapor thuhet se numri i fëmijëve që nuk ndjekin shkollimin ka rënë për 20 për qind, por ende mbetet larg Synimeve të Mijëvjeçarit, që të gjithë fëmijët në botë të shkollohen.

Patneritet strategjik mes BE-së dhe Afrikës

Lisbon, 10 dhjetor - Pavarësisht diferencimeve në çështjet tregëtare dhe në ato të të drejtave të njeriut, shtetet e BE-së dhe Afrikës dëshirojnë të hapin një kapitull të ri në marrdhënjet e tyre. Në përfundim të Samitit BE-Afrika në Lisbon, të dy palët ranë dakord për një "patneritet strategjik". Një plan veprimi, ndër të tjera, rvijëzon një bashkëpunim të ngushtë në luftën kundër varfërisë dhe ndryshimit të klimës. Ndërkaq, në diskutimin rreth një marrëveshje të re tregëtare dolën në pah mosmarëveshjet mes shefave të shteteve dhe qeverive. "Afrika nuk dëshiron të jetë më vetëm furnizuese e lëndës së parë ose vetëm një treg mallrash", theksoi në fjalën e tij presidenti i komisionit të Unionit Afrikan, Alfa Omar Konare.

Kërkohet përgjegjësi nga vendet e pasura për mbrojtjen e klimës

Bali, 10 dhjetor - Ministrja gjermane për zhvillim, Heidemari Viecorek-Zeul, ka kërkuar nga shtetet industriale që të mbështesin vendet e varfëra në mbrojtje të klimës. Në rast se kombet e industrializuara nuk e marrin përgjegjësinë e tyre, atëherë është rrezik që vendet në zhvillim të bllokojnë marrëveshjen e re për klimën, tha ajo para udhëtimit të saj për në Bali, ku sot fillon java e dytë vendimtare e punimeve të konferencës së Kombeve të Bashkuara. Delegacionet nga mbi 180 vende do të konsultohen deri të premten për një marrëveshje të re mbarë botërore për mbrojtjen e klimës. Marrëveshja aktuale e Kjtos-s përfundon në 2012.

Fosilet e dinosaurit tregojnë sekretet e fshehura nga natyra

Uashington, 10 dhjetor - Një nga mumiet më të plota të dinozaurëve, të zbuluara deri tani, po u tregon shkencëtarëve sekrete, që natyra i ka fshehur për miliona vjet. Mumia është aq e plotë saqë për studiuesit është gati njëlloj sikur të preknin një dinosaur të gjallë. Fjala është për një hidrosaur gjigand të fosilizuar dhe shkencëtarët kanë qenë në gjendje të përcaktojnë trashësinë e muskulit të tij, që del se ishte më i fuqishëm se sa mendohej. Dinosaurët janë të fosilizuar, por toka nuk i ka ruajtur në atë gjendje që janë ruajtur mumiet e Egjiptit. Fosili u gjet në vitin 1999 në Dakotën e Veriut, pra në Shtetet e Bashkuara dhe analiza e tij është bërë duke përdorur aparatin më të madh të skanimit në botë, që përdor kompania e avionëve Boiing zakonisht për të analizuar motorët e anijeve të hapësirës dhe objekte të tjerë të mëdhenj.

[Lona]

Vidhen 2 milionë dollarë në aeroportin e Sarajevës

Sarajevë, 7 dhjetor - Autoritetet në Bosnje-Hercegovinë thanë se 4 burra të veshur si policë vodhën gati 2 milionë dollarë nga aeroporti i Sarajevës. Autoritetet thanë se personat në fjalë hynë në departamentin e ngarkesave të aeroportit dhe e ngarkuan sasinë e të hollave në një makinë me të cilën ikën. Makina dhe një sasi armësh automatike u gjetën më vonë në mes të flakëve në një bazë ushtarake të braktisur afër kryeqytetit. Zjarrfikësit thanë se e patën të vështirë të shuanin zjarrin, për shkak të municioneve që shpërthenin në makinën që digjej.
Del Ponte kërkon nga Serbia të dorëzojë ish-gjeneralin Mlladiq

Hagë, 7 dhjetor - Kryeprokurorja e Tribunalit të Hagës për krime lufte në ish-Jugosllavi, Karla del Ponte kërkoi në mënyrë ultimative nga Serbia që të dorëzojë ish-gjeneralin Ratko Mlladiq. Në rast se ai nuk dorëzohet deri më datën 10 dhjetor, atëherë ajo do të shprehet kundër afrimit të Serbisë me Bashkimin Evropian, tha del Ponte. Ajo kërkoi edhe nga Bashkimi Evropian që të ushtrojë presion ndaj qeverisë në Beograd. Bashkimi Evropian i ka hapur rrugë muajin e kaluar nënshkrimit të marrëveshjes së asocim-stabilizimi me Serbinë. Kjo marrëveshje konsiderohet si hapi i parë drejt anëtarësimit në BE.

Shqiptarët kërkuan në Londër që Britania të njohë pavarësinë e Kosovës

Londër, 10 dhjetor Shqiptarët që jetojnë në Britani të Madhe i kanë shprehur dje mirënjohje qeverisë së këtij vendi për qëndrimin e saj për Kosovën. Në një tubim para selisë së Qeverisë në Londër, ata kërkuan njohjen e pavarësisë së Kosovës. Qytetarët shqiptarë të tubuar në disa shoqata që jetojnë në Britani mbanin flamujë shqiptarë e britanik e parulla për zgjidhje e shpejtë të statusit përfundimtar të Kosovës. Manifestuesit shqiptarë, të grupuar në disa shoqata që veprojnë në Britani, mbanin flamuj shqiptarë e britanikë dhe hidhnin parrulla për zgjidhjen e shpejtë të statusit të Kosovës. Organizatorët thanë se kishin arritur të zhvillojnë manifestimin më të madh të shqiptarëve në Britani, që prej kohës së luftës së Kosovës. Gjatë manifestimit paqësor, pjesëmarrësit përshëndetën Britaninë e Madhe dhe Shtetet e Bashkuara për përpjekjet e tyre për finalizimin e statusit. Komunitetet shqiptare në diasporë kanë njoftuar për tubime të tilla edhe në vende të tjera, ditën e paraqitjes se raportit të Treshes ndërmjetësuese në bisedimet Prishtinë Beograd

Shqiptaro amerikanët sot protestojnë para selisë së OKB së, kurse studentët në Prishtinë

Nju Jork, 10 dhjetor - Komuniteti shqiptaro amerikan organizon sot një tubim me moton "Mbahu nënë mos ki frikë i ke djemtë në Amerikë", para selisë së OKB së, në mbështetje të pavarësisë së Kosovës. Ndërkaq po sot në Prishtinë studentët e Universitetit të Prishtinës kanë paralajmëruar për sot një marsh paqësor, në kërkim të shpalljes së pavarësisë së Kosovës.

Situata në Kosovë është e rrezikshme, tha gjenerali Xhekson

Londër 10 dhjetor - Situata në Kosovë është e rrezikshme dhe kërcënon të shpërthejë, ka deklaruar gjenerali britanik Majk Xhekson, që kishte kryesuar forcat e KFOR it në vitin 1999. "Është e qartë se shqiptarët e Kosovës presin pavarësinë, gjë të cilën Beogradin e refuzon dhe rrjedhimisht nuk duhet nënçmuar rrezikshmërinë e situatës", ka deklaruar Majkël Xhekson. "Nuk besoj se serbët janë aq të krisur për të bërë invazion në Kosovë, ku do të ballafaqoheshin me KFOR in, por druaj nga dhuna ndëretnike dhe rrjedhimisht duhet dërguar përforcime për KFOR in", ka thënë për gazetën "Dejli Telegraf", gjenerali Majkëll Xhekson.

Në rastin e Kosovës afatet nuk janë të detyrueshme thotë Lavrov

Nikozi, 10 dhjetor - Afatet kohore të vendosura për përcaktimin e statusit të Kosovës nuk janë të detyrueshme dhe mund të pengojnë përpjekjet për gjetjen e zgjidhjes. "Afatet artificiale të imponuara nga faktorë të jashtëm nuk funksionojnë. Ne besojmë se në rastin e Kosovës këto afate nuk janë të detyrueshme", tha ministri i jashtëm rus Sergej Lavrov gjatë vizitës së tij në Qipro. "Ne jemi të bindur se veprimet e njëanshme të cilat nuk janë në përputhje me ligjin ndërkombëtar, përkundrazi e shkelin atë mbartin shumë rreziqe. Duhet tu ipet me shumë kohë palëve për një marrëveshje të pranuar nga të gjithë", tha Lavrov. Nderkaq ministri i jashtëm i Qipros Marko Ulis tha se pavarësia e njëanshme "krijon precedent që shkel sistemin lirgjor ekzistues në Kombet e Bashkuara, OSBE dhe me gjerë". Qiproja është vendi i vetëm anëtar i BE-së që kundërshton hapur pavarësinë e Kosovës.

[Lona]

Udhëheqësit e vendeve të Evropës Qendrore diskutojnë në një takim dyditor për Kosovën

Pragë, 10 dhjetor - Udhëheqësit e vendeve të Evropës Qendrore kanë filluar një takim dyditor ku Kosova është tema kryesore. Kryeministrat e Çekisë, Hungarisë, Polonisë dhe Sllovakisë do të zhvillojnë një seri diskutimesh në kuadër të asaj që njihet si Vishegrad katër. Sllovenia e cila merr kryesinë e radhës së BE se më 1 janar është e ftuar speciale. Pritet që vendet pjesëmarrëse të kenë dallime rreth së ardhmës së Kosovës. Sllovakia është një prej vendeve që nuk e ka mbështetur pavarësinë e Kosovës.
Solana qetëson njerëzit në lidhje me frikën për trazira në Kosovë

Bruksel, 10 dhjetor - Shefi i Politikës së Jashtme të Bashkimit Europian, Havier Solana, ka folur për të qetësuar njerëzit në lidhje me frikën për trazira në Kosovë pas përfundimit nesër të afatit të bisedimeve për të ardhmen e Kosovës. Solana tha se nuk priste që serbët apo shqiptarët e Kosovës të rrezikonin destabilizimin e gjendjes, duke u kthyer tek dhuna. "E ardhmja e Kosovës dhe Serbisë është në Bashkimin Evropian dhe për këtë të dy palët pajtohen", ka thënë Havier Solana.
Ban Ki Mun ia dërgon KS raportin e Treshes për Kosovën

Nju Jork, 10 dhjetor Sekretari i Përgjithshëm i Kombeve të Bashkuara mbrëmë ia ka dërguar raportin e Treshes për Kosovën Këshillit të Sigurimit, i cili në mbledhjen e 19 nëntorit do të diskutojë për këtë dokument. Shefi i OKB së Ban Ki Mun ka shprehur shqetësim për mungesën e përparimit në procesin për statusin e Kosovës. Raporti i Treshes për Kosovën nuk jep rekomandime për rrugën që duhet ndjekur për të lëvizuar përpara. Në raport thuhet se pas 120 ditësh të negociatave intenzive palët nuk ishin në gjendje të arrijnë marrëveshje për statusin e Kosovës. Pastaj anëtarët e Treshes shkruajnë se kjo është për keqardhje pasi zgjidhja me negociata është në interesin më të mirë të të dy palëve. Në këtë aspekt në raport pos tjerash theksohet se asnjera palë nuk ishte e gatshme të bëjë lëshime në çështjen themelore të sovranitetit
Ishinger sot i raporton ministrave të jashtëm të BE-së

Bruksel, 10 dhjetor - E ardhmja e Kosovës pas 10 dhjetorit do të jetë në qendër të debatit të nesërm të ministrave të jashtëm të Bashkimit Evropian. Në takimin me dyer të mbyllura diplomati gjerman Volfgang Ishinger do t'i raportojë 27 ministrave të vendeve anëtare. Parandalimi i dhunës në rast se Prishtina shpall pavarësinë do të jetë një nga pikat kryesore të debatit. Bashkimi Evropian ende nuk ka një qëndrim të përbashket të të gjitha vendeve anëtare lidhur me statusin e Kosovës. Shumica dërmuese e vendeve anëtare të BE së mbështesin pavarësinë e Kosovës. Treshja ndërmjetësuese nëser do t'i raportojë sekretarit të përgjithshëm të KB Ban Ki Mun për ecurinë e bisedimeve 120 ditëshe. Raporti i Treshes Ishinger, Uizner, Bocan Harçenko ka theksuar faktin se palët dështuan arritjen e ndonjë zgjidhjeje kompromisi. Këshilli i Sigurimit do ta diskutojë raportin në fjalë me 19 dhjetor.
"Tajms": Miliband do të kërkojë unitet të BE-së rreth pavarësisë së Kosovës

Londër, 10 dhjetor - Shtypi sotëm britanik tërheq vemendjen se vendet e Bashkimi Evropian duhet ta kenë fjalën kryesore në lidhje me zgjidhjen e statusit të Kosovës, nëse nuk duan që në vend të qeverive të fuqive të mëdha iniciativën ta marrin ekstremistët në terren. E përditshmja londineze "Tajms" shkruan se shefi i diplomacisë britanike, Dejvid Miliband, që sot në Bruksel do të kërkojë nga homologët e tij që të jenë unikë në qëndrimin kur Kosova të shpallë pavarësinë në javët ose muajt e ardhshëm. Janë të paktën katër vende të BE së që e shohin me shqetësim shpalljen e pavarësisë së Kosovës, kujton "Tajms". Qiproja, Greqia, Sllovakia dhe Spanja frikësohen nga nga lëvizjet e separatiste në vendet e tyre. Ndërkaq e përditshmja tjetër britanike "Fajnenshëll tajms" shkruan se "shqiptarët e Kosovës janë të gatshëm të presin për zgjidhjen", duke shtuar se deklarata e pavarësisë do të shpallet në koordinim me Bashkimin Europian dhe për shtyrjen e saj është rënë dakord, pavarësisht dështimit të bisedimeve të ndërmjetësuara. Gazeta përcjell edhe mendimet e diplomatëve perëndimorë, sipas të cilëve koordinimi është me rëndësi jetike për shmangien e një çarjeje me pasoja në radhët e vetë Bashkimit Europian. Duke shkruar në lidhje me Kosovën, gazeta tjetër "Gardian" pohon se ka rëndësi në periudhën pas ditës së sotme (10 dhjetor) se çfarë qëndrimi do të marrë kryeministri serb Vojisllav Koshtunica. Ai, shruan gazeta, mund të vendosë që të luftojë për Kosovën, ose të japë dorëheqjen, por me siguri do të vendosë që në afat të gjatë bëjë obstruksione ndaj progresit të Kosoëvs si shtet sovran dhe gjithashtu ta shndërrojë në një nga konfliktet e ngrira në botë.
Franca ka thënë qartë se mbështet planin e Ahtisarit, tha ambasadori francez në Beograd

Beograd, 10 dhjetor - Në politikën e Francës ndaj Kosovës ekziston një kontinuitet, e cila ka thënë qartë se mbështet planin e Ahtisarit, tha ambasadori francez në Beograd Zhan-Fransoa Teral. "Kemi thënë qartë se mbështesim planin e Ahtisarit. Kemi thënë gjithashtu se dëshirojmë që negociatat të vazhdojnë gjatë tre muajve, por do t'i kthehemi planit të Ahtisarit nëse negociatat dështojnë", tha ambasadori Teral për gazetën "Blic" të Boegradit. Ai bëri të ditur se Parisi ka kohë që po i drejtohet në mënyrë të qartë autoriteteve serbve, dhe në thelb nuk ka ndryshime, tha Teral. Duke komentuar deklaratën e Presidentit francez Sarkozi se Franca do të mbnësht esë pavaërsinë e Kosovës në "një moment të caktuar", ambasadori Teral tha se "momenti i vërtetë domethënë vetëm se ne nuk jemi robër të afateve dhe kalendarit të rigoroz. Ne nuk e duam përkushtimin religjioz të datave", porse "duhet përshtatur rrethanave", tha ai. Diplomati francez paralajmëron Beogradin se "është vështirë të imagjinohet vendi i cili ka një problem të madh (Kosovën) që të hyjë në BE-së pa e zgjidhur atë". I pyetur se kur mund të ndodhë njohja e pavarësisë së Kosovës, ambasadori francez tha se "asnjë diplomat këtë nuk mund ta thotë, por sigurisht jo para janarit", tha ai.
Ushtria serbe ende nuk ka marrë urdhër si të reagojë në rast se Kosova shpall pavarësinë

Beograd, 10 dhjetor - Ushtria serbe po vemendje po ndjek situatën në Kosovë dhe në jug të Serbisë dhe ka "plane të caktuara" për "skenarë të ndryshëm", ka deklaruar shefi i shtatmadhorisë së ushtrisë së Serbisë, gjenerali Zdravko Ponosh. Ai tha për mediat serbe se në vendet demokratike ushtritë bëjnë atë që u urdhërohet nga ata që kanë mandatin politik. Ndërkaq në lidhje me shpalljen e mundshme të pavarësisë së Kosovës, Ponosh thotë se ushtria serbe ende nuk ka marrë urdhër për një rast të tillë që do të nënkuptonte një angazhim luftarak. "Ushtria ende nuk ka marrë ndonjë detyrë që ta zbatojë e as ta planifikojë, e të cilën nuk do të mund ta zbatojë", ka thënë Ponosh. Duke folur për situatën në Kosovë, Ponosh vlerëson se ajo është relativisht e qetë dhe stabile, por sipas tij ekziston rreziku i përshkallëzimit "shumë shpejt", duke shtuar se ekzistojnë zotimet e KFOR it se do të marrë të gjitha masat parandaluese. Në lidhje me deklaratat e disa politikanëve serbë që kërcënohen me luftë në rast të pavarësisë së Kosovës, ai tha se ato nuk ndikojnë në ushtrinë, e cila ka sistemin e vartësisë dhe të komandimit. "Ushtria nuk reagon në deklaratat e përditshme në shtyp", ka thënë Ponosh.
Bilt: Të gjitha vendet e BE-së, përveç njërës, të gatshme ta pranojnë pavarësinë e Kosovës

Bruksel, 10 dhjetor - Të gjitha vendet, përveç një anëtari të Bashkimit Evropian, janë të gatshme ta pranojnë pavarësinë e Kosovës pa një rezolutë të Kombeve të Bashkuara, ka deklaruar sot shefi i diplomacisë suedeze Karl Bilt. "Pothuajse kemi unitetin për çështjen e Kosovës", u ka thënë Bilt gazetarëve sot në Bruksel para fillimit të samitit të ministrave të jashtëm të BE-së, në të cilin duhet të diskutohet nëse mund të paraqiten të bashkuar në procesin e zgjidhjes së statusit të Kosovës. Bilt nuk bëri të ditur se cili vend ende dëshiron miratimin e një rezolute të Këshillit të Sigurimit të KB para se të pranonte shpalljen e pavarësisë e cila pritet të bëhet nga udhëheqja e shqiptarëve të Kosovës në javët e ardhshme, thekson Rojters. Por ministri i Luksemburgut Zhak Aselborn tha se vetëm Qiproja ka "një problem të madh" në mbështetjen e pavarësisë së Kosovës.

[Lona]

Katërshja evropiane kërkon nga BE të marrë përsipër përgjegjësinë për çështjen e statusit të Kosovës

Bruksel, 10 dhjetor - Ministri gjerman i Punëve të Jashtme, Frank Valter Shtajnmajer, dhe tre homologë të tij evropianë, në prag të takimit të shefave të diplomacive, kërkuan nga Bashkimi Evropian, që të marrë përsipër përgjegjësinë në lidhje me zgjidhjen e çështjes së statusit të Kosovës. Në letrën e përbashkët dërguar partnerëve nga BE-ja, Shtajnmajer dhe homologët e tij nga Parisi, Londra dhe Roma theksojnë se hapësira për negociata është shteruar dhe se vazhdimi i negociotave do të çonte vetëm deri edhe në pozicionimin më të ashpër të qëndrimeve të kundërshtuara të palës serbe dhe shqiptare. BE duhet të jetë në gjendje që në Kosovë të dërgojë ndihmën e domosdoshme dhe gjithëpërfshirëse policore dhe administrative, kërkojnë në letrën e tyr e ministrat, duke pasur parasysh bllokadën eventuale të shteteve të pavendosura. Kur Kosova të shpallë pavarësinë, BE synon që atje të dërgojë misionin prej 1800 policësh dhe ekspertësh juridikkë, transmetojnë agjencitë e lajmeve. Në këtë mënyrë evropianët marrin përsipër qeverisjen e Kosovës nga misioni i Kombeve të Bashkuara e cila atje ndodhet që nga viti 1999.

Çeku kërkon që BE shpejt ta mbyllë procesin e statusit të Kosovës

Prishtinë, 10 dhjetor - Kryeministri i Kosovës Agim Çeku ka kërkuar nga Bashkimi Evropian që shpejt të marrë vendimin për statusin e ardhshëm të Kosovës. BE ja duhet "ta pranojë nevojën e mbylljes së shpejtë dhe të qëndrueshme të këtij procesi", ka thënë Çeku për AP. "Serbia ka zgjedhje: të shkojë bashkë me ne drejt ardhmërisë apo të kthehet në të kaluarën. Shpresoj se do ta bëjë zgjedhjen e duhur", ka thënë Çeku.

Po të kishin evropianët qëndrim të përbashkët për Kosovën, do të shmangej përzierja e Rusisë, tha Busek

Berlin, 10 dhjetor - Mosmarrëveshjet rreth Kosovës brenda Bashkimin Evropian kanë shkaktuar përzierjen e Rusisë dhe Kinës, tha koordinatori i Paktit të Stabilitetit per Evropen Juglindore, Erhard Busek. "Evropianët duhet të kujtohen se po të kishim qëndrim të përbashkët, shumë gjëra kemi mundur t'i shmangim, si p.sh përzierjen e Rusisë. Eshtë e qartë se Kosova është problem evropian. Pozicionet e ndryshme të vendeve të BE së rreth statusit të saj e kanë ftuar Rusinë dhe Kinën që të ndërhyjnë", ka thënë Busek. Paralajmërimet e autoriteteve serbe për embargo ekonomike në rast se Kosova shpall pavarësinë, Busek e sheh si problem, por edhe si "nxitje të palës shqiptare që t'i shtojë përpjekjet për të qëndruar në këmbët e veta".
Shefi i diplomacisë dhe kreu i kishës ruse janë kundër zgjidhjes së njëanshme për Kosovën

Nikozi/Moskë 10 dhjetor - Rusia paralajmëron Perëndimin që njohja e shpalljes së njëanshme të pavarësisë së Kosovës mund të shkaktonte "reagim vargor" të problemeve në Ballkan dhe përtej, tha Lavrov. Ndërkaq patriarku i Moskës dhe i tërë Rusisë Aleksej II u bëri thirrje të krishterëve të Perëndinit që të "rishqyrtojnë ndërgjegjen" kur bëhet fjalë për Kosovën. "Dua të theksoj se shpallja e njëanshme e pavarësisë së Kosovës dhe njohja e një pavarësie të tillë nuk do të mbetet pa pasoja", tha ministri i Jashtëm i Rusisë Sergei Lavrov, pas takimit me presidentin e Qipros, Tasos Papadopulos. Nga ana e tij, patriarku rus ka thënë për shtypin e Beogradit se "problemi i Kosovës nuk mund të zgjidhet në mënyrë të njëanshme, pa një dialog konstruktiv që do të merrte parasysh interesat e të dyja palëve. Aleksej ka vlerësuar se një gatishmëri e Vatikanit që të thellojë dialogun me kishën ortodokse mund të gjejë shprehje të plotë në mbrojtjen e serbëve dhe të vendeve të kultit, duke thënë se Kosova është "djepi i tyre shpirtror".

[Lona]

Rusia shfuqizon Marrëveshjen për armët konvencionale

Moskë, 12 dhjetor - Rusia ka vendosur që dekreti për Marrëveshjen për armët konvencionale në Evropë, i vendosur nga presidenti Putin të shfuqizohet zyrtarisht gjatë natës duke gdhirë dita e sotme. Në konfliktin për instalimin e sistemit mbrojtës nga raketat në Evropën qendrore, Putin kishte njoftuar në verë për një ndërprerje të Marrëveshjes. Kjo Marrëveshje, e cila kishte hyrë në fuqi në 1992, mbahej si një shtyllë bazë për çarmatosjen pas luftës së ftohtë. Marrëveshja ishte arritur më 1990 mes NATO-s dhe Traktatit të Varshavës.

Një fillim i ri në marrëdhëniet gjermano-polake

Berlin, 12 dhjetor - Gjermania dhe Polonia, pas krizës së krijuar vitin e kaluar, kanë nisur një fillim të ri në marrëdhëniet mes tyre. Gjatë një takimi në Berlin të kryeministrit të ri të Polonisë, Donald Tusks me kancelaren Angela Merkel, të dy politikanët deklaruan gatishmërinë e tyre për bisedime themelore për të gjitha temat. Merekl bëri të ditur se së shpejti do të ketë konsultime qeveritare gjermano-polake. Merkel po ashtu e vlerësoi interesant propozimin e kryeministrit Tusk për hapjen e një muzeu evropian të luftës mbarë botërore, por jo që të jetë një alternativë për projektet gjermane.

Dënohet me 6 vjet burgim ish-presidenti peruan

Lima, 12 dhjetor - Ish presidenti peruan, Alberto Fuxhimori, për shkak të abuzimeve gjatë ushtrimit të mandatit të tij u dënua me gjashtë vjet heqje lirie. Një gjykatë në Lima e akuzoi 69 vjeçarin fajtor për shpërdorim të detyrës. Nga e hëna e ardhshme Fuxhimori do të jetë përsëri në një proces të ri për disa krime të kryera ndaj njerëzve, për shkelje të të drejtave të njeriut si dhe për përfshirje në korrupsion.

Bani Ki Mn dënon sulmet me bomba në Algjer

Nju Jork, 12 dhjetor - Sekretari i përgjithshëm i OKB-s, Ban KI-Mun, ka dënuar ashpër sulmet me bomba në kryeqytetin algjerian, Algjer. "Sulmi terrorist ndaj Misionit të Kombeve të bashkuara në kryeqytetin e Algjerisë është veprim i pahijshëm dhe i dënueshëm", tha Mun. Po ashtu, Këshilli i Sigurimit i dënoi shumë ashpër të dy atentatet. Një zëdhënës i OKB-s tha në Nju Jork se të paktën 11 punonjës të Kombeve të Bashkuara kanë humbur jetën dhe të tjerë ende konsiderohen të humbur. Ministria e punëve të brendshme të Algjerisë ka fajësuar degën lokale të Al-Kaidës për dy sulmet me bomba vdekjeprurëse në kryeqytetin algjerian, ku humbën jetën mbi 26 njerëz dhe 177 të tjerë u plagosën. Sipas të dhënave nga spitalet, bëhet fjalë për rreth 60 të vdekur.

Nisi punimet Konferenca për klimën në Bali

Bali, 12 dhjetor - Në ishullin indonezian Bali ka nisur faza vendimtare e Konferencës botërore për klimën. Deri të premten, ministrat do të përpiqen që të bien dakord për një mandat dhe një plan të ri për bisedime rreth një marrëveshjeje të re për mbrojtjen e klimës. Marrëveshja e protokollit të Kjoto-s përfundon në 2012. Ministri i Indonezisë, Raçmat Vitoelar, si mikpritës i kësaj konference, bëri hapjen në praninë edhe të Sekretarit të përgjithshëm të OKB-s, Ban Ki Mun, në Nusa Dua.
Bisedime të reja paqësore izraelito-palestineze në Jerusalem

Jerusalem, 12 dhjetor - Izraeli dhe palestinezët dëshirojnë përsëri sot të zhvillojnë bisedime paqësore në Jerusalem, të cilat para rreth shtatë vjetësh u ndërprenë. Qëllimi është që deri në fund të vitit t’u jepet zgjidhje disa problemeve në konfliktin e krijuar në Lindjen e Mesme. Të dy palët ranë dakord për këtë në Konferencën për Lindjen e Mesme të zhvilluar në Anapolis të SHBA-ve në fund të nëntorit. E diskutueshme mbetet para së gjithash vendosja e kufijve për formimin e një shteti të ri në të ardhmen për palestinezët, fati i më shumë se katër milionë refugjatëve si dhe kontrolli mbi Jerusalemin.

[Lona]

Nga shpërthime bombash në Irak, vriten ose plagosen mbi 60 njerëz

Basra, Irak, 12 dhjetor – Nga shpërthime bombash në kryeqytetin shiitë Basra, të provincës Majsan, në jug të Irakut janë vrarë ose janë plagosur sot (e mërkurë) mbi 60 njerëz, kanë bërë të ditur burime spitalore, njofton Rojter. Bombat shpërthyen në një parking automjetesh dhe në një treg në qytetin Amara. Një televizion irakian ka thënë se kanë qenë tri shpërthime. Ndërkaq, BBCVorld bën të ditur se sipas policisë irakiane në tri shpërthime me makina bombë në qytetin irakian Amara, 350 km në jug të Bagdadit, janë vrarë rreth 30 njerëz dhe janë plagosur 47 të tjerë.

Tribunali i Hagës dënon ish-gjeneralin serb me 33 vjet burg për granatimin e Sarajevës

Hagë, 12 dhjetor – Tribunali i Kombeve të Bashkuara ka dënuar sot (e mërkurë) ish-gjeneralin serb të Bosnjës me 33 vjet burg për urdhërimin e granatimit të përgjakshëm të Sarajevës dhe terrorizimin e civilëve gjatë luftës në Bosnjë në vitet 1992-1995, njofton Rojter. Gjykatësit e shpallën fajtor Dragomir Milosheviqin për krime që përfshijnë përgjegjësinë për terror, vrasje dhe sulme kundër civilëve.

Nga një zjarr në një ndërtesë 28-katëshe në Kinë, vdesin të paktën 19 njerëz

Pekin, 12 dhjetor – Nga një zjarr që ka shpërthyer në një shitore në katin përdhesë dhe pastaj flaka është ngjitur në bllokun e apartamenteve të epërme, kanë vdekur sot (e mërkurë) të paktën 19 njerëz, kanë bërë të ditur mediet, njofton Rojter. Nga shpërthimi kanë mbetur të ngujuar shumë njerëz në një ndërtesë 28-katëshe në qytetin Venzhou në provincën bregdetare Zhejiang. Mbi 100 njerëz janë shpëtuar deri tash, kurse puna për shpëtimin e të tjerëve po vazhdon.

Nga një shpërthim i një makine bombë afër Bejrutit, vritet një gjeneral i armatës libaneze

Bejrut, 12 dhjetor – Nga një shpërthim i një makine bombë në periferinë e pasur të krishterë afër Bejrutit është vrarë sot (e mërkurë) një gjeneral i armatës libaneze, i cili pritej të merrte postin e shefit të armatës nga gjenerali Mishel Suleiman, i cili është bërë president, njofton Rojter. Në këtë sulm është vrarë gjeneral brigade, Francois al-Haxh, udhëheqës operativ i armatës dhe disa truproje. Shpërthimi, që ndodhi në Bakuba, goditi makinën e tij, thuhet në kumtesën ushtarake.

[Lona]

SHBA-të mbështesin iniciativën e Italisë për Kosovën

Uashington, 12 dhjetor - Ministri italian i Punëve të Jashtme Masimo d'Alema deklaroi mbrëmë në Uashington pas takimit me sekretaren amerikane të Shtetit, Kondoliza Rajs, se SHBA-të mbështesin iniciativën e Italisë për zgjidhjen e statusit të Kosovës. "I kam shprehur zonjës Rajs qëndrimin e Italisë se është i domosdoshëm procesi i mbikëqyrjes dhe iniciativa evropiane që sa më parë të vendoset misioni evropian në Kosovë, dhe njëkohësisht edhe ekzistimi i masave në dobi të Serbisë", tha D'Alema para gazetarëve pas përfundimit të bisedës në Departamentin e Shetit, njofotn Ansa. Shefi i diplomacisë italiane tha se Rajs ka mbështetur një qëndrim të tillë, sikurse dhe iniciativën e Italisë dhe debatin në Këshillin e Evropës për Kosovën.

Uniteti i Evropës, parakusht për stabilitetin në fazën vendimtare të përcaktimit të statusit të Kosovës

Romë, 12 dhjetor - Uniteti i Evropës është parakusht për ruajtjen e stabilitetit në Ballkan në këtë fazë vendimtare të përcaktimit të statusit të Kosovës, tha zëvëndës ministri i Jashtëm italian, Famiano Kruçaneli. "Evropa duhet t'i qaset këtij procesi duke ruajtur unitetin e saj. Në të kundërtën, situata do të dilte nga kontrolli", vlerësoi Kruçaneli në fjalimin e tij për Kosovën në Komisionin për Marrëdhënie të Jashtme në Senat italian. "Nisur nga fakti se Serbia realisht rreth 10 vjet nuk ka sovranitet mbi Kosovën", tranzicioni i Kosovës duhet të vazhdojë nën patronazhin e bashkësisë ndërkombëtare, ka thënë zyrtari italian

Bokajoni: BE në Kosovë duhet të ketë jo vetëm prani ushtarake por edhe diplomatike dhe politike

Beograd, 12 dhjetor - "Greqia konsideron që Bashkimi Evropian duhet të jetë i pranishëmn në Kosovë, jo vetëm nëpërmjet KF0R-it, por dhe në mënyrë diplomatike dhe politike", ka deklaruar shefja e diplomacisë greke, Dora Baojani. Në një intervistë për gazetën e Beogradit "Veçernje novosti", ajo tha se "për dërgimin e misionit të BE-së në Kosovë, rezoluta 1244 e Këshillit të Sigurimit të KB është bazë e mjaftueshme. "Konsiderojmë që është shumë me rëndësi që BE-ja të jetë e pranishme në Kosovë dhe të marrë përgjegjësinë, sepse çështja e Kosovës është çështje evropianë", theksoi Bakojani. E pyetur nëse BE-ja dhe Greqia do ta njohin e pavarërinë e njëanshme të Kosovës, ministrja greke tha se "është ende herët të flitet për pavarësinë e Kosovës, si për për njohjen eventuale të asaj pavarësie", duke thënë se "duhet dhënë kohë kohës".
"Tajms": Kritikët e pavarësisë së Kosovës në Perëndim janë bartës të "revizionizmit të neveritshëm"

Londër, 12 dhjetor - Gazeta "Tajms" boton një tekst autorial të kolumnistit Entoni Llojd lidhur me çështjen e pavarësisë së Kosovës. Gazetar Llojd, i cili ka mbuluar konfliktin e Kosovës, në këtë artikull pohon që Kosova e meriton të jetë e lirë dhe se nuk duhet dëgjuar se çfarë thonë pesimistët. Ai shkruan se kritikët e pavarësisë së Kosovës në Perëndim janë bartës të "revizionizmit të neveritshëm". Ky revizonizëm bazohet në mohimin e dy fakteve: i pari që Serbia është përgjegjëse për masakër të shqiptarëve të Kosovës midis 1998 dhe 1999, dhe fakti i dytë, që 800 mijë shqiptarë braktisën Kosovën duke ikur nga njësitë ushtarake të Serbisë, e jo nga bombat e NAT0-s. Gazetari i "Tajmsit" qëndrimin e tij e ilustron me një ngjarje në Isniq, në jugperëndim të Kosovës, ku ka qenë i pranishëm. Atëherë, në verë të vitit 1998, 40 mijë shqiptarë të rrethuar nga policët e Serbisë shikonin sesi u digjej fshati, të cilin policët sapo ia kishin vënë flakën. Serbët praktikisht e kanë humbur pa kthim Kosovën më 1999. Shumica e kosovarëve dëshiron pavarësi dhe mbi të gjitha, ata e kanë merituar pavarësinë - thekson Llojd. Autori thotë se megjithë zhurmën e Koshtunicës, shumica e serbëve janë të preokupuar me problemet e veta ekonomike se sa me statusin e Kosovës dhe nuk duket të jenë të gatshëm që të sakrifikojnë lidhjet me BE për hirë të marrëdhënieve me Rusinë. Pasi i kanë humbur katër luftëra gjatë 16 viteve të fundit ata nuk janë duke u ngutur për të filluar edhe ndonjë tjetër, thotë autori Entoni Llojd, dhe megjithë zhurmën e politikanëve, nuk ka patur asnjë shenjë se a janë mobilizuar forcat serbe.

Uashingtoni dhe Roma me qëndrime të përafërta për Kosovën

Uashington, 12 dhjetor - Presidenti amerikan Xhorxh Bush ka biseduar për situatën në Kosovë me presidentin italian Xhorxho Napolitano në Uashington. Pas takimit në Zyrën ovale, kreu i shtetit italian Napolitano u tha gazetarëve se "posaçërisht kanë biseduar për Kosovën, kanë konfirmuar afrinë e qëndrimeve në lidhje në mënyrën me të cilën duhet përballur me statusin e Kosovës, duke pasur parasysh situatën e përgjithshme komplekse në rajon".

Parisi zyrtar kundër negociatave të reja ndërmjet Beogradit e Prishtinës

Paris, 12 dhjetor - Ministria franceze e Punëve të Jashtme ka vlerësuar se nuk ka nevojë që të zhvillohen negociata të reja ndërmjet Beogradit e Prishtinës dhe se duhet zgjidhur statusin për Kosovën. "Na vjen keq që Beogradi e Prishtina dështuan për të gjetur marrëveshjen. Treshja ndërmjetësuese ka shteruar të gjitha mundësitë që të arrihet një zgjidhje me marrëveshje, por asnjëra nga ato nuk ka mundësuar që qëndrimet të afrohen. Edhe ne mendojmë sikur negociatori evropian Volfgang Ishinger se negociatat e reja ndërmjet Beogradit e Prishtinës nuk ka kurrfarë gjasash të kenë sukses", thuhet në një komunikatë. "Koha është që Kosovës t'i caktohet statusi që i përgjigjet synimeve të popullatës së saj, ndërsa bashkësisë serbe në Kosovë t'i ofrohen të gjitha garancitë. Dëshirojmë që bashkësia ndërkombëtare dhe Bashkimi Europian të angazhohen me praninë e vet në Kosovë për të mbikëqyrur zbatimin në vepër të këtij statusi", theksohet në në këtë komunikatë të Ministrisë franceze të Punëve të Jashtme.

Nuk duhet ngutur me pavarësimin e Kosovës, thotë Rupel

Bruksel, 12 dhjetor - Bashkimi Evropian duhet ta trajtojë me kujdes krijimin e zgjidhjes për statusin e Kosovës dhe t'i ofrojë Serbisë perspektivën e kandidatit për pranim në Bashkimin Evropian, ka thënë Ministri i Jashtëm i Sllovenisë, Dimitrij Rupel. "Nuk do të shkojë aq shpejt siç do ët dëshironim ne", thja Rupel. Më tutje në një intervistë për agjencinë Rojters, Rupel, vendi i të cilit merr prej 1 janarit Presidencën e radhës së Bashkimit Evropian, tha se procesi i Kosovës drejt pavarësisë nuk duhet të jetë i shpejtë, pasi BE së i duhet një rrugë graduale për të mbetur unike. "Mendimi i ministrave të BE së është se ne duhet të lëvizim ngadalë dhe racionalisht", tha Rupel dhe shtoi se ishte i inkurajuar me faktin se liderët e Kosovës kanë premtuar se do të konsultohen me BE në. "Ne do të dëshironim të pajtoheshim me ta për atë se si do të shkohet përpara dhe të jemi të sigurtë se nuk do të ketë krizë", ka thënë shefi i diplomacisë sllovene Dimitrij Rupel.

[Lona]

Merkel e Putin janë dakord që të shmanget acarimi i situatës rreth Kosovës

Berlin, 12 dhjetor - Kancelarja gjermane Angela Merkel dhe Presidenti rus, Vladimir Putin, kanë rënë dakord se hapat e mëtejshme në Kosovë do të bëhen mbas konsultave me palën ruse. Zëdhënësi i qeverisë gjermane, Ulrih Vilhelm (Ulrich Wilhelm) tha se Angela Merkel kishte telefonuar me presidentin Putin. "Pozicionet mes Rusisë dhe Bashkimit Evropian për çështjen e Kosovës vazhdojnë të jenë të ndryshme, por u ra dakord që duhet të shmanget me çdo kusht acarimi i situatës dhe se "duhet të merremi vesh për hapat e mëtejshëm", tha Vilhelm. Gjermania edhe më parë është shprehur për mosanashkalimin e Rusisë në çështjen e Kosovës.
Gjermania reagon me rezerva ndaj paralajmërimit të Tadiqit

Berlin, 12 dhjetor - Gjermania zyrtare ka reaguar me rezerva ndaj paralajmërimit Presidentit serb, Boris Tadiq, për t'u ankuar në Gjykatën Ndërkombëtare të Hagës, në rast se Kosova do të shpallë pavarësinë. Nuk është shumë e qartë se a i përmbush Serbia të gjitha rregullat që i kërkon një procedurë e tillë, tha zëdhënësi i Ministrisë së Jashtme gjermane, Martin Jeger (Jaeger), të martën në Berlin. "Serbia ka një histori të vetën me Gjykatën Penale Ndërkombëtare dhe lind pyetja se a mund të shtrihet statuti i kësaj Gjykate deri në Serbi dhe se a mund të përdoret ai edhe për çështje territoriale", u shpreh Jeger. Jeger tha më tej se tani vendet e Bashkimit Evropian janë shumë afër një qendrimi unik për të ardhmen e Kosovës.
(Me vjen te qesh shume me presidentin e Serbise vertet duket si femije hahahaha)
BE duhet fuqishëm të deklarojë se shembulli i Kosovës është unik, thotë Bullgaria

Sofje, 12 dhejtor - Bashkimi Evropian duhet fuqishëm të deklarojë se shembulli i Kosovës është unik dhe në asnjë mënyrë nuk do të krijojë precedent, - u ka thënë Ministri i Jashtëm i Bullgarisë Ivajlo Kalfin kolegëve të tij evropian në Bruksel. Këtë prononcim e ka bërë të ditur Ministria e Jashtme e Bullgarisë. Mëtutje, Kalfin ka thënë se propozimi i të dërguarit të Kombeve të Bashkuara Marti Ahtisari për pavarësi të mbikëqyrur për Kosovën mbetet e vetmja mundësi që garanton procesin politik në Kosovë. Ai theksoi edhe domosdoshmërinë që "institucionet e Kosovës të garantojnë një shoqëri multietnike, multikulturore dhe demokratike".

Asambleja e KE ka miratuar një draft rezolutë për Kosovën

Bruksel, 12 dhjetor Asambleja e Këshillit të Evropës për të drejtat e njeriut, ka miratuar një draft rezolutë për Kosovën nëpërmjet së cilës i bëhet thirrje Këshillit të Sigurimit të OKB s.ë që të tejkalojë dallimet ekzistuese dhe të imponojë një zgjidhje për statusin e Kosovës. Kjo projektrezoltë ëshët hartuar nga Lordi Rasel Xhonston.

Presidenti Sejdiu priti drejtorin e CARITAS it për Kosovë

Prishtinë, 12 dhjetor - Presidenti i Kosovës, Fatmir Sejdiu priti dje pasdite Don Viktor Sopin, drejtor i CARITAS it për Kosovë, me të cilin bisedoi për përshpejtimin e procesit të transformimit të përfaqësisë së CARITAS it në Kosovë në CARITAS nacional të shtetit të pavarur të Kosovës. Sipas një kumtese, Presidenti i Kosovës shprehu falënderimet për kontributet e çmuara që ka dhënë CARITAS i i Kosovës dhe mbështetjen e tij për këtë organizatë të rëndësishme humanitare. Ai pohoi se procesi i transformimit do të përfundojë së shpejti dhe Kosova do të mund të ketë CARITAS in e saj si të gjitha shtetet e tjera sovrane.

Kreu i AKB së dhe shefi i Zyrës bullgare nënshkruan një memorandum mirëkuptimi

Prishtinë, 12 dhjetor - Kryetari i Agjencisë Kosovare të Biznesit Agim Shahini dhe shefi i Zyrës bullgare në Prishtinë, Nikollaj Kolev kanë nënshkruar dje një memorandum të mirëkuptimit dhe bashkëpunimit përmes së cilit synojnë krijimin e një mjedisi më të volitshëm ekonomik me të dy vendet. Me këtë memorandum ndër të tjera parashihet të mbahen takime ndërmjet bizneseve, vizita studimore të karakterit të prëgjithshëm, trajnime profesionale, si dhe lehtësim të marrjes së vizave për biznesmenët kosovarë. "Në Kosovë aktualisht veprojnë shumë biznese nga Bullgaria, por ky numër do të rritet edhe më shumë në të ardhmen", tha shefi i Zyrës bullgare në Prishtinë, Nikollaj Kolev.

Ministria e Shëndetësisë u jep pesë ditë afat qendrave spitalore private që të licencohen

Prishtinë, 12 dhjetor Me qëllim të zbatimit të standardeve mjekësore, Ministria e Shëndetësisë ka nxjerrë një udhëzim administrativ, duk u dhënë pesë ditë afat qendrave spitalore private në Kosovë që të licencohen. Afati i aplikimit për licencë ka filluar të martën, ndërkaq përfundon të premtën. Nga ana tjetër, përfaqësues të institucioneve private shëndetësore pohojnë se pikërisht procedurat e tilla administrative, po e rëndojnë edhe më shumë shëndetësinë kosovare.

[Lona]

Nga stuhia tropikale Olga në Karaibe, vdesin të paktën 14 njerëz

Porto Riko, 13 dhjetor – Stuhia tropikale Olga, ciklon i rrallë në dhjetor, ka shkaktuar vërshime dhe rrëshqitje të mëdha të dheut në Karaibe, ku kanë humbur edhe të paktën 14 njerëz, kanë bërë të ditur zyrtarët, njofton BBCVorld. Më së rëndi është goditur Republika Diomenikane, ku kanë vdekur 11 vetë dhe mijëra të tjerë kanë lënë shtëpitë. Dy vetë njoftohet të kenë vdekur në Haiti

Nga bombat e mortajave vriten të paktën 9 vetë në Mogadishu

Mogadishu, Somali, 13 dhjetor – Nga bombat e mortajave janë vrarë sot (e enjte) të paktën nëntë vetën në tregun Bakara, shumë të frekuentuar, të kryeqytetit somalez Mogadishu, njofton Rojter. Ky është sulmi më i ri, për të cilin fajësohen rebelët islamistë, kanë thënë dëshmitarët. Në këtë sulm janë vrarë dy gra dhe shtatë burra, kurse janë plagosur disa të tjerë.

Në luftimet në Afganistan, vriten dhe arrestohen qindra kryengritës

Kabul, 13 dhjetor – Trupat afgane dhe të koalicionit të NATO-s kanë vrarë, kanë plagosur dhe kanë arrestuar qindra kryengritës gjatë luftimeve në Musa Qala, në provincën Helmand, që është bastion i kryengritësve talibanë, ka bërë të ditur sot (e enjte) Ministria e Mbrojtjes, njofton Rojter. Mijëra trupa afgane dhe të Forcave ISAF të NATO-s kanë marrë qytetin Musa Qala në një nga operacionet më të mëdha, të kryer nga armata afgane.

Janë shënuar përparime të dukshme në procesin e kthimit në Kosovë

Prishtinë, 13 dhjetor Grupi Punues për standardin III dhe IV, që kryesohet nga Ministria e Administrimit të Pushtetit Lokal, vlerësoi sot se janë shënuar përparime të dukshme në procesin e kthimit në Kosovë. Grupet punuese gjatë takimit të rregullt kanë raportuar për zhvillimet e fundit në implementimin e standardit tre dhe katër. Ata vlerësuan se gjatë kësaj kohe janë bërë mjaft të arritura në "Lirinë e lëvizjes", dhe në "Kthimin e qëndrueshëm" Besnik Osmani, sekretar i përhershëm i MAPL tha se në Fushë Kosovë janë kthyer 30 familje dhe ky sipas tij, është një rezultat konkret i këtij tre javorit të fundit. Ai bëri të ditur se MAPL e ka finalizuar udhëzimin e ri administrativ që do të rregullojë transportin humanitar në Kosovë. "Është një trekëndësh i bashkëpunimit midis Ministrisë së Kthimit, asaj të Pushtetit Lokal dhe MTPT së dhe këtë besoj se do të jenë në fuqi ta nënshkruajnë javën e ardhshme", tha Osmani. Ai tha se hapja e zyrës së qeverisë së serbisë në veri të Mitrovicës e ka dëmtuar imazhin e mirë të këtij procesi.

Merkel falenderon Ishingerin, për "fantazinë dhe forcën që përdori" në procesin për Kosovën

Berlin, 13 dhjetor - Kancelarja gjermane Angela Merkel, në një një fjalim që mbajti në parlamentin gjerman për reformimin e Bashkimit Europian, theksoi se "roli që luan Evropa në globalizim bën pjesë edhe politika e jashtme dhe e sigurisë". Për të përfaqësuar në mënyrë efektive interesat në fushën e sigurisë, tha ajo, duhet vullneti politik, duke marrë se shembull çështjen e statusit të Kosovës. "Me të (Kosovën) do të merret Këshilli i Evropës pasnesër, pasi u morën një herë ministrat e jashtëm. Për fat të keq bisedimet midis shqiptarëve dhe serbëve përfunduan pa sukses, por ishte e rëndësishme që të zhvillohej edhe ky proces bisedimesh, për të thënë se vërtet i provuam të gjitha, dhe për të shtuar kontaktet", tha Merkel para depetutëve dhe falenderoi Ishingerin, për siç tha "fantazinë dhe forcën që përdori" në procesin për Kosovën. Merkel porositi Bashkimin Europian "që të luftojë për stabilizimin e rajonit", si dhe të "marrë përgjegjësinë".

Qëndrimi i Uashingtonit nuk është nëse Kosova do të bëhet e pavarur, por si të realizohet ajo, thotë Gvozdev

Uashington, 13 dhjetor - "Treshja e madhe" evropiane - Britania, Franca dhe Gjermania, si dhe disa vende skandinave dhe të Evropës Qendrore po shyrtojnë mundësinë që Kosova të bëhet çështje evropiane, të cilën Evropa do ta zgjidhte pa një rezolutë të re, e që pastaj t'u bashkohet SHBA-ja me njohjen e pavarësisë së Kosovës, me siguri në muajt e parë të të vitit të ardhshëm, - vlerëson analisti amerikan, Nikola Gvozdev, redaktor i revistës "National Interest". Gvozdev tha për "Zërin e Amerikës" që nëse zgjidhja për Kosovën nuk gjendet në Këshillin e Sigurimit për shkak të kundërshtimit të Rusisë, atëherë "SHBA-të me një numër bashkëmendimatërsh do të niset në drejtim të njohjes së pavarësisë së Kosovës". "Lirisht mund të them që Uashingtoni angazhohet për një opsion të tillë, në vend të vazhdimit të negociatave. E vetmja gjë që mund të ndikojë në ndryshimin e qëndrimit amerikan do të ishte qëndrimi i BE -së që negociatat duhet vazhduar... Mirëpo, për momentin, qëndrimi i Uashingtonit nuk është ai nëse Kosova duhet të bëhet e pavarur, por si të realizohet ky qëllim", thotë Gvozdev. Sipas këtij analisti, çështja e Kosovës nuk ka shumë lidhje me atë që po ndodh në Evropën Juglindore, por me zgjedhjet presidenciale në SHBA. Demokratët mund të thonë se e përfunduan atë që Bill Klinton e nisi me intervenimin e NAT0-s më 1999. Nga ana tjetër, disa republikanë thonë se pavarësia e Kosovës mund të jetë një "storje e suksesshme" e republikanëve. "Pra mendoj që politika e brendshme amerikane në një masë të dukshme motivon qëndrimin amerikan ndaj Kosovës", tha Govzdev, i pyetur se përse Uashingtoni mbështet aq fuqishëm pavarësinë e Kosovës.

[Lona]

Luftime me të vrarë në Mogadishu

Mogadishu, 14 dhjetor – Në luftimet në kryeqytetin somalez, Mogadishu, janë vrarë të paktën 17 vetë dhe janë plagosur rreth 50 të tjerë. Gjatë përleshjeve më të rënda që prej fundit të tetorit, u qëllua me predha edhe tregu më i madh i Mogadishut. Gjatë javëve të kaluara, nga Mogadishu janë zhvendosur rreth 600 mijë banorë

Konferenca për klimën në Bali pa marrëveshjeje të re

Bali, 14 dhjetor – Në konferencën e OKB-së për klimën në Bali po vazhdojnë mosmarrëveshjet në lidhje me reduktimin e emisioneve të gazit CO2. Grupi prej 40 ministrash të ambientit, ndër ta edhe ai gjerman Sigmar Gabriel, nuk ka arritur ende në një përfundim të përbashkët për miratimin e një marrëveshjeje të re për klimën. Të 190 shtetet pjesëmarrëse nuk kanë arritur të bien dakord, nëse në këtë marrëveshje duhen të përfshihen qëllime konkrete në lidhje me reduktimin e emisioneve të CO2. BE-ja synon që vendet e industrializuara t'i pakësojnë këto emisione deri në vitin 2020 në masën 40 për qind. SHBA dëshiron që për të tilla tema të bisedohet pas dy vjetësh. Qëndrimin e SHBA-ve e përkrahin Kanadaja, Japonia dhe Arabia Saudite dhe, me sa duket, tani edhe India dhe Rusia.

Nga persona të armatosur rrëmbehet një këshilltar i lartë i kryeministrit palestinez

Gaza, 14 dhjetor – Një këshilltar i lartë në qeverinë palestineze është rrëmbyer sot (e premte) nga persona të armatosur dhe të panjohur në Rripin e Gazës, të kontrolluar nga Hamasi, kanë bërë të ditur zyrtarë të Al Fatahut, të presidentit Mahmud Abas, njofton Rojter. Zyrtarët kanë thënë se Omar al-Goul, që ishte këshilltar i kryeministrit, Salam Fajad, dhe është marrë nga shtëpia e tij në Gaza në orët e hershme të mëngjesit. Deri tash askush nuk e ka marrë përgjegjësinë për rrëmbimin e tij.


"Gardian" shkruan se misioni i BE së mund të dërgohet në Kosovë "që nesër", nëse hapet drita jeshile

Londër, 14 dhjetor - Në numrin e sotëm gazeta "Gardian" boton një korrespondencë nga Brukseli, ku çështja e statusit të Kosovës pritet të pritet të diskutohet "për të paktën dy orë" gjatë samitit të ministrave të Jashtëm të BE së. Duke cituar zyrtarë të BE së, "Gardian" shkruan se misioni i BE së mund të dërgohet në Kosovë "që nesër", nëse për të do të hapet drita jeshile politikisht. Por gazeta thekson se komuniteti ende nuk e ka arritur konsensusin e plotë për këtë çështje. Në samitin e fundit, rreth 16 vende nga 27 ishin pro pavarësisë për Kosovën. Qipro, Greqia, Sllovakia dhe Greqia mbeten ende kundër pa një marrëveshje me Serbinë. "Gardian" shkruan se katër ministrat e jashtëm të vendeve kryesore evropiane në një letër të përbashkët kanë ngritur shqetësimin për "shanset e pakta" që ka sigurimi i konsensusit për Kosovën në Këshillin e Sigurimit të OKB së. Çështja e Kosovës pritet të diskutohet javën e ardhshme në Këshill dhe Serbia e Rusia pritet të kërkojnë vazhdimin e negociatave me shqiptarët. Ambasadori britanik në OKB, duke nënkuptuar planin e BE së që do të debatohet të premten i ka deklaruar gazetës se nuk shpresonte që të arrihej konsensus në KS dhe për këtë arsye, sipas tij, përgjegjësinë duhet ta merrnin 'organizma të tjerë'.

Dobins: Prishtina do të shpallë "jo deklaratën e njëanshme, por multilaterale për pavarësinë"

Uashington, 14 dhjetor - Ish-emisari i presidentit amerikan Bill Klinton për Ballkanin, Xhems Dobins, thotë se çështja e pavarësisë së Kosovës ende është "kontraverse në disa vende evropiane", ndonëse sipas tij shumica e tyre janë të gatshme ta njohin pavarësinë e Kosovës, pa marrë parasysh nëse Këshilli i Sigurimit të KB e pranon ose jo zgjidhjen e tillë. Në një intervistë për "Zërin e Amerikës", Dobins vlerësoi se pas takimit të Këshillit të Sigurimit më 19 dhjetor, "qeveria e Kosovës do të shpallë jo deklaratën e njëanshme, por multilaterale për pavarësinë", por me pajtimin e vendeve që janë të gatshme ta njohin pavarësinë e Kosovës. Kjo, sipas Dobinsit, do të ndodhë gjatë disa muajve të ardhshëm. Sa i përket statusit të ardhshëm të Kosovës, Dobins nuk pret që do të ketë ndonjë ndryshim në qëndrimin amerikan. Ai vlerësoi se qëndrimi amerikan do të mbetet i njëjtë, që statusi i ardhshëm i Kosovës "duhet të jetë i pranueshëm për shumicën e popullsisë Kosovës". Dobins nuk beson se cilido analist objektiv mund të përfundojë se "ndonjë opsion tjetër do të ishte i pranueshëm për administrtën amerikane". Duke folur për kundërshtimin e Serbisë ndaj një rezutati të tillë, Dobins tha se "qëndrimi i tanishëm i Serbisë paraqet refuzimin që të përballet me realitetin". Ai gjithashtu nuk beson që kryeministri serb apo cilido politikan i përgjegjshëm serb do të dëshironte të qeveriste me të vërtetë me Kosovën.

[hasanmehmeti]

Paralajmërim për një konflikt të mundshëm mes Amerikës dhe Rusisë



Shkruar nga Amir
2007-12-16 10:46
IRIB-Shefi i shtabit të përgjithshëm të ushtrisë ruse gjen. Juri Balojevski në një emission televiziv deklaroi se Rusia është e gatshme të përdorë raketat balistike bërthamore, në rast të ndonjë kërcënimi ushtarak nga ana e SHBA. Gjen Balojevski theksoi se plani amerikan për dislokimin e sistemeve anti-raketore në Poloni dhe në Republikën ceke është një kërcënim ushtarak për sigurinë kombëtare të Rusisë dhe shtoi se justifikimet e paraqitura nga pala amerikane në lidhje me këtë projekt janë qeshtarake dhe mashtrim i madh. Funksionarët amerikanë kanë deklaruar se sistemet anti-raketore në Evropën lindore kanë për qëllim përballjen me kërcënimet raketore të vendeve të tjera dhe nuk drejtohen kundër Rusisë.

Skandal i ri i forcave amerikane në Irak



Shkruar nga Amir
2007-12-16 10:45
IRIB- Gazetat irakiane kanë publikuar një skandal tjetër të forcave pushtuese amerikane në Irak që ka shkaktuar irritimin e popullit irakian. Gazeta Shargh shkruante se dhjetë agjentë të sigurimit të kompanisë amerikane Halliburton kanë përdhunuar një punonjëse irakiane të kësaj kompanie. Kjo gazetë shkruan se megjithëse përdhumi i grave irakiane që bashkëpunojnë me kompanitë amerikane nuk është dicka e re, akti i fundit vërtetoi edhe njëherë për popullin irakian egërsinë e forcave pushtuese amerikane. Gazeta Shargh shkruan se kjo femër irakiane tashmë ndodhet në një krizë të rëndë psiqike.

Irani ndër 30 vendet më të zhvilluara nga aspekti shkencor



Shkruar nga Amir
2007-12-16 10:47
IRIB-RII radhitet ndër 30 vendet më të përparuara të botës përsa i përket prodhimit të shkencës. Ministri i shkencës dhe i teknologjisë i RII z Muhamed Mehdi Zahedi deklaroi se në renditjen botërore përsa i përket prodhimit të shkencës, Irani renditet ne grupin e parë të përbërë nga 30 vende të botës. Z Zahedi theksoi se në degën e matematikës Irani renditet në vendit e 11 në botë, në degën e mekanikës i 13-ti në botë, i 11-ti në degën e Kimisë, i 22-ti në degën e inxhinierisë kimike dhe i 15-ti në degën e Polimerit duke zënë një vend të lakmueshëm mes vendeve prodhuese të shkencës.

Protesta anti-amerikane në Itali



Shkruar nga Abed
2007-12-16 10:38
IRIB - Rreth 20 000 italianë dje kanë protestuar kundër bazës ushtarake amerikane në Viçenza. Rojter bënë të ditur se qeveria e Romano Prodit është kundër zgjerimit të kësaj baze amerikane në qytetin Viçenza. Por duhet theksuar se kryeministri italian Prodi në fillim të vitit 2007 miratoi kërkesën e SHBA për të vendosur një bazë ushtarake në këtë qytet. Protestuesit italianë dje kanë hedhur parulla kundër SHBA dhe nga qeveria italiane kanë kërkuar që të pengojë zgjerimin e bazës ushtarake amerikane.

Polonia në tetor të vitit 2008 tërhiqet nga Iraku



Shkruar nga Abed
2007-12-16 10:35
IRIB - Kryeministri polak në një konferencë për media ka bërë të ditur se ky vend forcat ushtarake nga Iraku do t'i tërheq në tetor të vitit 2008. Agjencia franceze e lajmeve njofton se Donald Tosek, kryeministri polak të ketë thënë se nga forcat amerikane kemi kërkuar që të miratojnë largimin e ushtarëve tonë nga Iraku. Kryeministri polak, parti e të cilit gjatë fushatës zgjedhore kishte premtuar popullin e këtij vendi se do t'i tërheq ushtarët polak nga Iraku, është shprehur se tërheqja e forcave nga Iraku është një nga prioritetet e qeverisë.

Xhorxh Bush gjithnjë e më i vetmuar



Shkruar nga Abed
2007-12-16 10:37
IRIB - Kanë dhënë dorëheqje edhe dy këshilltarë tjerë të lartë të presidentit amerikan Xhorxh Bush. Gazetat amerikane shkruajnë se presidenti amerikan dita-ditës po i zvogëlohet rrethi dhe po mbetet i vetëm. Herën e fundit nga Shtëpia e Bardhë janë larguar Viliam Mc Goren, përgjegjësi i përgatitjes së fjalimeve të Bushit dhe Kandida Volf, drejtoresh e çështjeve ligjore të Shtëpisë së Bardhë. Gjithashtu vlen të theksohet se dorëheqjet e fundit janë bërë shumë pak kohë pas dorëheqjes së këshilltarit të lart për ekonomie në Shtëpinë e Bardhë. Kjo dëshmon qartë se Xhorxh Bush nuk është njeri që të tjerët mund të bashkëpunojnë me të.