Lajme Aktuale....

[Lona]

Në një shpërthim në Elbasan, një i vdekur dhe gjashtë plagosur

Elbasana, 15 janar - Një shpërthim i fuqishëm ka ndodhur të hënën në mbrëmje rreth orës 19 e 30 minuta në një nga furrat e Çelikut të kompanisë turke "Kurum" në Metalurgjikun e Elbasanit. Një metalurg i turnit të mbrëmjes ka humbur jetën ndërsa gjashtë të tjerë janë plagosur. Tre të tjerë konsiderohen deri tani të humbur. Njëri nga të plagosurit, sipas mjekëve, është në gjendje kritike për jetën. Policia shoqëroi në komisariat 23 drejtues të kompanisë prej të cilëve 22 janë shtetas shqiptarë dhe një turk. Dyshohet që shpërthimi të jetë shkaktuar nga një predhë e pa çmontuar e futur për t'u shkrirë ose nga rrjedha e ujit në furrë që, sipas specialistëve, shkakton shpërthim të ngjashëm me bombën.

Roli i KS në zgjidhjen e çështjes së Kosovës është dominant, por jo ekskluziv

Moskë, 15 janar - Sllovenia konsideron se Këshilli i Sigurimit të KB së ka rol dominant, por jo edhe ekskluziv në zgjidhjen e çështjes së statusit të Kosovës, ka deklaruar ambasadori slloven në Rusi, Andrej Benejdeçiç, gjatë prezantimit të programit presidencës sllovene me BE në në Moskë. "Ky është para së gjithash problem evropian", tha diplomati slloven, duke theksuar se Lubjana gjithashtu konsideron se janë shteruar të gjitha mundësitë për arritjen e marrëveshjes për statusin e Kosovës në negocitatat e Beogradit dhe Prishtinës. I pyetur nëse shkëputja e Kosovës nga Serbia mund të prodhonte efekt të dominosë, Bendejçiç ka thënë se secila situatë është rast në vete, andaj "është më mirë të shmangen përgjithësimet dhe krahasimet". Diplomati slloven pohon se në mes të Ballkanit dhe rajonit të Kaukazit ekzistojnë dallime shumë të mëdha. "Duhet pasur parasysh historinë e rajonit dhe kulturën e tij", porositi ambasadori slloven dhe rikujtoi se në kohën e RSFJ së Kosova ka pasur "status të posaçëm" dhe se gjendja atje është "jostabile".

Paqartësia për statusin e Kosovës shqetësim për të gjithë, tha Vollebeak

Prishtinë, 15 janar - Komisionari i lartë i OSBE së për pakica kombëtare, Knut Vollebaek kërkoi nga të gjitha komunitetet në Kosovë që të punojnë drejt pajtimit dhe ka ftuar qeverinë e re të Kosovës të sigurojë mbrojtjen e fuqishme të të drejtave të minoriteteve. "Paqartësia për statusin e Kosovës ka shkaktuar shqetësim për çdokënd në Kosovë" tha Vollebeak dhe shtoi se, megjithatë, ky shqetësim veçanërisht "ka ndikuar në serbët e Kosovës dhe në minoritet e tjera të vogla". Në njoftimin nga OSBE ja poashtu thuhet se gjatë qëndrimit të tij pesëditësh në Kosovë, Knut Vollebeak u takua me zyrtarët më të lartë kosovarë e ndërkombëtarë dhe me përfaqësues të pakicave.

Kuvajti vendi i parë i Gjirit Persik që do të njohë pavarësinë e Kosovës, tha Emiri i këtij vendi

Qyteti i Kuvajtit, 15 janar - Kuvajti do të jetë i pari vend nga rajoni i Gjirit Persik që do të njohë pavarësinë e Kosovës, ka premtuar Emiri i Kuvajtit Sabah al Ahmad al Jabir al Sabah në takimin me Kryetaren e Kuvendit të Shqipërisë Jozefina Topalli, e cila ndodhet për një vizitë zyrtare në këtë vend. Vizita e delegacionit parlamentar shqiptar në Kuvajt, tha zonja Topalli në takimin me Emirin Sabah al Ahmad al Jabir al Sabah, është dëshmi e vullnetit të mirë për një miqësi të mirë mes dy vendeve dhe popujve tanë. Duke u ndalur në çështjen e Kosovës, e cila përbën një nga qëllimet kryesore të vizitës së kryeparlamentares shqiptare në disa vende të Gjirit Persik, zonja Topalli nënvizoi se zbatimi i paketës Ahtisari për pavarësinë e Kosovës është e vetmja rrugë që garanton paqen e stabilititetin e rajonit. Gjithashtu kryetarja e Kuvendit të Shqipërisë shprehu mirënjohjen për mbështetjen që Kuvajti ka dhënë gjatë krizës së Kosovës në vitin 1999, duke theksuar se "Kombi shqiptar nuk mund ta harrojë këtë përkrahje në atë moment të rëndësishëm të historisë së tij". "Për ne, - tha Emiri i Kuvajtit, - mbështetja e popullit të Kosovës në atë periudhë ishte një detyrë". Ai e siguroi zonjën Topalli se mbështetja e Kuvajtit për Kosovën do të jetë e përhershme. "Kosova pritet të deklarojë pavarësinë në koordinim me Kombet e Bashkuara, SHBA në dhe Bashkimin Europian. Do të ishte shumë e rëndësishme që pavarësia e Kosovës të njihet nga vendi juaj", nënvizoi Kryetarja e Kuvendit të Shqipërisë. Zonja Topalli i kërkoi Emirit të Kuvajtit të ushtrojë ndikimin e tij edhe në vendet e tjera me të cilat Kuvajti ka marrëdhënie të ngushta politike dhe ekonomike. "Ju premtoj se Kuvajti do të jetë i pari nga vendet e rajonit tonë që do të njohë pavarësinë e Kosovës dhe besoj se edhe vendet e tjera do të marrin të njëjtin vendim si ne. Pavarësia e Kosovës, do t'i shërbejë paqes dhe stabilitetit në Ballkan", theksoi Emiri i Kuvajtit. Më tej, biseda u përqendrua në mundësitë e thellimit të bashkëpunimit ekonomik mes dy vendeve. "Politika e investimeve të Kuvajtit, është një nga më të spikaturat në vendin tonë dhe ne mirëpresim avancimin e tyre në Shqipëri, ku stabiliteti ekonomik është gjithmonë e më i favorshëm për biznesin dhe shkëmbimin e kapitalit,? theksoi zonja Topalli. Emiri Sabah al Ahmad al Jabir al Sabah i shprehu zonjës Topalli gatishmërinë e shtetit të Kuvajtit për të investuar në Shqipëri, duke inkurajuar paraqitjen e projekteve konkrete që mund të financohen nga shtetit i Kuvajtit. Zonja Topalli ftoi Emirin e Kuvajtit të vizitojë Shqipërinë në një kohë sa më të afërt, ftesë të cilën ai priti me shumë kënaqësi.

[Preshevar]

Postimi origjinal është bërë nga Lona

Politikani austriak Frëhliç dënohet për mohim të holokaustit

Vjenë, 15 janar - Ish-politikani austriak, Volfgang Frëhliç, 56-vjeçar, i shpallur dy herë fajtor për mohimin e holokaustit, është dënuar me katër vjet burg pa kusht. Ai e ka quajtur përndjekjen e ebrejve gjatë kohës së nazismit ndër të tjera në një letër drejtuar konferencës së peshkopëve dhe papës Benedikti i XVI si “gënjeshtra satanike e gjenocidit”. Gjykata në Vjenë përveç kësaj ka tërhequr edhe një dënim të mëparshëm me kusht. Kështu që dënimi i Frëhliçit mund të arrijë në gjashtë vjet e gjysmë burg.

Qfar demokracie eshte kjo ?!....

[Lona]

Nga një sulm vetëvrasës në një xhami shiite në Peshevar vriten 10 vetë

Preshevar, Indi, 18 janar – Nga një sulm vetëvrasës me bobë në një xhamie shiite në qytetin indian Peshevar janë vrarë 10 vetë dhe janë plagosur të patën 20 të tjerë, njofton BBCVorld. Shpërthimi ndodhi në prag të festes së Hashureve gjatë fundjavës.

Forcat izraelite vrasin 2 militantë palestinezë

Jerusalem, 18 janar – Nga një bombardim izraelit i sotëm (e premte) është vrarë të paktën një militant në veri të Rripit të Gazës, njofton Rojter. Ndërkaq, në qytetin Nablus të Bregut perëndimor, trupat izraelite kanë vrarë një militant të lëvizjes Fatah të presidentit Mahmud Abas. Po sot, Izraeli ka shtrënguar rrethimin e Rripit të Gazës, të kontrolluar nga Hamasi si përgjigje sulmet raketore nga vendkalimet kufitare.

Në Sri Lankë, vriten të paktën 10 vetë

Kolombo, Sri Lankë, 18 janar – Kryengritësit e Tigrave të Tamilit kanë vrarë të paktën 10 vetë në jug të Sri Lankës, ka bërë të ditur sot (e premte) ushtria, dy ditë pasi ishin vrarë në një pritë 27 njerëz, njofton Rojter. Armëpushimi gjashtëvjeçar ndërmjet qeverisë dhe kryengritësve ka pushuar të mërkurën e kaluar, duke përshkallëzuar kështu dhunën e përgjakshme të luftës civile 25-vjeçare në Sri Lankë. Rreth 70 mijë njerëz janë vrarë që nga shpërthimi i luftës civile më 1983.

[Lona]

Regjimi i ri i vizave të Shkupit për shtetasit e Shqipërisë nuk është rekomandim i BE së

Shkup, 18 janar - Bashkimi Evropian vlerëson se regjimi i ri i vizave për shtetasit e Shqipërisë nga ana e Maqedonisë nuk është pjesë e rekomandimit të BE së. Kështu ka deklaruar ambasadori i Bashkimit Evropian në Maqedoni, Ervan Fuere sipas të cilit Maqedonia duhet të lehtësojë dhe jo të pengojë, ose të vështirësojë lëvizjen e lirë të qyetarëve të dy vendeve fqinje. Fuere tha se vendimi i Ministrisë së Jashtme të Maqedonisë aspak nuk ka të bëjë me procesin e integrimit të vendit në Bashkimin Evropian. "Maqedonia nuk ka qenë e obliguar ta bëjë këtë pasi ende nuk e ka arritur këtë fazë. E di që Maqedonia është shumë e interesuar që të arrijë në nivel të njejtë me legjislaturën e BE së, por kjo nuk duhet të bëhet me çmim të krijimit të pengesave me shtetet fqinje. Kështu që është një keqkuptim i pastërt, i cili jam i sigurt se do të zgjidhet përmes një marrëveshje mes dy palëve", tha Fuere.


Greqia e vlerëson legjitim misionin e BE-së në Kosovë, pa një vendim të ri të KS

Athinën, 18 janar - Greqia e vlerëson legjitim misionin civil evropian në Kosovë, pa një vendim të ri të Këshillit të Sigurimit. Në këtë mënyrë Greqia i bashkohet aleatëve të saj evropianë për legjitimitetin e dërgimit të misionit civil evropian në Kosovë, që do të zëvendësojë UNMIK un, në konjukturën më të vështirë të vendosjes së statusit dhe do të mishërojë në praktikë atë që thuhet se "Kosova është në radhë të parë çështje evropiane". "Në qarqet juridike dhe politike evropiane, ku aktualisht bëhen shumë diskutime për menaxhimin e situatës në Kosovë, gjykohet se Rezoluta 1244 e Këshillit të Sigurimit është e mjaftueshme për ndërmarrjen e një misioni të tillë", citohet të ketë thënë një burim i lartë i Ministrisë së Jashtme greke, duke e konsideruar të vetëkuptueshme gatishmerinë e Greqisë për t'u përfshirë në të. Sekretari i përgjithshëm i Ministrisë së jashtme greke Dhimitris Kacudhas, pas takimit me dy ndihmëssekretarët amerikanë të Shtetit për Evropën dhe Ballkanin, Daniel Frid dhe Rozmari Di Karlo, e radhiti Greqinë, së bashku me Spanjen, Sllovakinë dhe Rumaninë ndër vendet që kanë rezerva ndaj pavarësisë së Kosovës, kur, sipas tij, shumica e vendeve evropiane janë të gatshme për ta njohur, transmeton DV. "E them në mënyrë të përsëritur se nuk ka zgjidhje të lehtë për çështjen e Kosovës", ka theksuar ndërkaq shefja e diplomacisë greke Dora Bakojani, e cila është kujdesur që t'i përmbahet kursit unik evropian, dhe nga ana tjetër të kryesojë "një rezervim" rajonal me Sofjen dhe Bukureshtin, pa pasur vetë as iluzionin më të vogël për efektin e tij. "Nuk jemi ne ata që do të zgjidhim çështjen e Kosoves, nuk jemi ne ata që do të marrim vendimin definitiv", theksoi Bakojani duke mbrojtur njëkohësisht të drejtën e rolit aktiv në rajon të Greqisë.

Presidenti i Shqipërisë Bamir Topi shpallet "Qytetar Nderi" i kryeqytetit të Kosovës

Prishtinë, 18 janar Kuvendi Komunal i Prishtinës në mbledhjen e tij të rregullt, të kryesuar nga kryetari Isa Mustafa, sot njëzëri ka marrë vendimin që Presidenti i Republikës së Shqipërisë, Bamir Topi të shpallet "Qytetar Nderi" i kryeqytetit të Kosovës dhe njëkohësisht e dekoroi atë me Medaljen e Artë - Hyjnesha në Fron. Presidenti i Shqipërisë, Bamir Topi do ta vizitojë Kosovën nga data 25 27 janar të këtij viti, dhe me atë rast do të ketë një takim edhe me kryetarin e Prishtinës, Dr. Isa Mustafën. Po ashtu asamblistët e Kuvendit Komunal të Prishtinës, në mbledhjen e dytë kanë miratuar edhe propozim vendimin e kryetarit Mustafa për shpalljen e konkursit për pozitën e shefit të Departamentit të Administratës dhe të Personelit, si dhe propozim vendimin për caktimin e komisionit intervistues për pozitën e shefit të Departamentit të Administratës dhe të Personelit. Këshilltarët e pajtuan edhe me formimin e Komisionit intervistues për pozitën e shefit të këtij departamenti, në përbërje të të cilit janë: Sami Hamiti nga LDK ja, Fisnik Dobra nga AKR ja dhe Hamide Latifi nga shoqëria civile. Ndërkaq, kryetari Mustafa i informoi këshilltarët komunalë me emrat e ushtruesve të detyrës se drejtorëve të drejtorive komunale, të paraparë sipas nenin 29, pika 29.1 e Rregullores nr. 2007/30. Ushtrues detyre i drejtorit të Drejtoratit të Shëndetësisë dhe të Mirëqenies Sociale, kryetari Mustafa ka emëruar Ndue Kalajn, u.d. të drejtorit të Drejtoratit të Arsimit dhe të Kulturës është emëruar Rrustem Buzhala, për u.d. të Drejtorit të Drejtoratit të Financave, Ekonomisë dhe Zhvillimit është emëruar Agim Dibrani, për u.d. të drejtorit të Drejtoratit të Planifikimit Urban, Kadastrit dhe Mbrojtjes se Mjedisit, kryetari Mustafa ka emëruar Behxhet Musliun, për u.d. të drejtorit të Drejtoratit për Mbrojtje Civile dhe Emergjencë është emëruar Avdi Paçarada, për u.d. të drejtorit të Drejtoratit për Shërbime Publike dhe Transport është emëruar Ridvan Shahini, ndërsa u.d . i drejtorit të Drejtoratit të Inspeksionit është emëruar Ahmet Frangu. Gjithashtu Asambleja Komunale e Prishtinës në takimin e sotëm ka caktuar edhe grupin punues për ndryshimin e Statutit të Komunës, të dt. 16.3.2001. Kryetari Mustafa para këshilltarëve të Asamblesë Komunale ka prezantuar edhe përbërjen e kabinetit të tij. Anëtarët e kabinetit të kryetarit Mustafa janë: Arben Gashi, magjistër i zhvillimit lokal; Abdullah Hoti, ekonomist; Florina Jerliu, arkitekte, si dhe Asdren Osaj, ekonomist dhe gazetar.


Presidenti Sejdiu shprehu besimin se Kroacia do ta njohë ndër të parat pavarësinë e Kosovës

Prishtinë, 18 janar - Kosova dhe Kroacia kanë pasur fate të njëjta, ndaj edhe kuptohen mirë njëra me tjetrën, - tha Presidenti i Kosovës, dr. Fatmir Sejdiu, gjatë takimit me shefin e Zyrës së Kroacisë në Prishtinë, Davor Vidish. "Është fat i mirë që Kroacia ka ecur përpara dhe tani ne mund të përfitojmë nga përvojat e saj", vijoi Presidenti Sejdiu dhe shfaqi besimin se Kroacia do ta përkrahë Kosovën në të gjitha institucionet ndërkombëtare në të cilat përfaqësohet, si dhe do ta njohë ndër të parat pavarësinë e vendit tonë. Duke e falënderuar shtetin kroat dhe veçanërisht Presidentin Stipe Mesiq për angazhimin e tij të përhershëm për zgjidhjen e drejtë të çështjes së Kosovës, Presidenti Sejdiu ripohoi gatishmërinë e plotë të Kosovës për thellimin e mëtejmë të bashkëpunimit ndërmjet dy vendeve, thuhet në një kumtesë nga ky takim. Shefi i Zyrës kroate, në Prishtinë Davor Vidish, tha se është i bindur që marrëdhëniet mes Kroacisë dhe Kosovës do të intensifikohen në të mirë të dy vendeve. "Kroacia do të vazhdojë të japë kontributin e saj të gjithanshëm për zgjidhjen e çështjes së Kosovës dhe integrimin e përbashkët në Evropë", theksoi Vidish.

[Lona]

Braun: India të ketë një vend në KS të OKB-së

Nju Delhi, 21 janar – Kryeministri britanik, Gordon Braun, këmbëngul për një vend të përhershëm të Indisë në Këshillin e Sigurimit të Kombeve të Bashkuara. Në bisedimet e zhvilluara me përfaqësues të qeverisë indiane në Nju Delhi, Braun iu referua zhvillimit të vrullshëm të ekonomisë së vendit, me shpejtësi dhe kualitet. "Për këtë arsye, Nju Delhi duhet të ndërmarrë po ashtu detyra të mëdha në politikën e ndërkombëtare". Banka botërore parashikon për këtë vit një rritje ekonomike të Indisë deri në 8,4 për qind. Kryeministri britanik gjatë qëndrimit të tij ka vendosur një sërë marrëveshjesh ekonomike bilaterale dhe foli edhe për një bashkëpunim të fuqishëm në luftën kundër terrorizmit. Sot Braun në Nju Delhi do të zhvillojë bisedime me kolegun e tij Manmohan Sing.

Në Indi dënohen me burg të përjetshëm 11 persona për vrasjet në trazirat më 2002

Nju Delhi, 21 janar – Gjykata speciale në Indi u ka shqiptuar dënime me burg të përjetshëm 11 personave në lidhje me vrasjet dhe përdhunimet banditeske të myslimanëve gjatë trazirave në Guajart më 2002, njofton BBCVorld. Mbi 1,000 njerëz, kryesisht myslimanë, kishin vdekur gjatë këtyre trazirave. Avokati mbrojtës ka paralajmëruar apelim kundër këtij verdikti. Ndër të dënuar ishte edhe një polic, i cili është dënuar vetëm me 3 vjet burg, ndërsa deri tash ka mbajtur katër vjet burg, andaj është liruar sot.

Në luftimet në Irak vriten 2 ushtarë amerikanë

Bagdad, 21 janar – Ushtria e Shteteve të Bashkuara ka bërë të ditur se dy ushtarë amerikanë janë vrarë në incidente të ndara gjatë operacioneve luftarake në Irak. Një marins u vra në provincën perëndimore Al-Anbar, ndërsa ushtari tjetër vdiq nga një sulm me bombë në jug të Bagdadit.

Zyrtarë të shumtë të PDSH së në pushtet kanë paraqitur dorëheqjen

Shkup, 21 janar - Zyrtarë të shumtë të Partisë Demokratike Shqiptare në pushtet kanë paraqitur dorëheqjen e tyre para organeve të partisë për shkak të një sonadazhi, të të realizuar nga Instituti Republikan Amerikan për Çështje Ndërkombëtare, ku PDSH ja ka shënuar rënie të ndjeshme. Përveç ministrave, dorëheqjet i kanë paraqitur më shumë se 100 zyrtarë të tjerë, kryesisht drejtorë e zëvendësdrejtorë të institucioneve të ndryshme shtetërore, si dhe anëtarë të këshillave drejtuese. Ky sondazh thekson se PDSH gëzon vetëm pesë për qind të mbështetjes së zgjedhësve, kundër 11 për qind që ka partia rivale e opozitës - Bashkimi Demokratik për Integrim. Vetë Menduh Thaçi pritet të vendosë cilat dorëheqje do t'i pranojë, e cilat jo. Ndryshe, Qeveria e Maqedonisë nuk ka bërë komente për këtë vendim të Partisë Demokratike Shqiptare.

Ultranacionalisti Nikoliq fiton raundin e parë të zgedhjeve presidenciale në Serbi

Beograd, 21 janar - Zyrtarë të zgjedhjeve dhe vëzhgues të pavarur në Serbi thonë se lideri ultranacionalist, Tomislav Nikoliq ka fituar raundin e parë të zgedhjeve presidenciale. Nikoliq fitoi 39 përqind katër përqind më shumë se Boris Tadiq dhe tani ata do përballen mes veti në raundin e dytë pas dy jave, sikurse ndodhi në vitin 2004 kur fitoi Tadiq. Nikoliq beson se Serbia do të duhej t'i ofrohej Rusisë dhe ka folur për rëndësinë e madhe që të bëjnë gjithçka që është e mundur për ta mbajtur Kosovën brenda kufinjve të Sërbisë. Tadiq nga ana e tij e ka theksuar rëndësinë e procesit të reformave dhe afrimin e Serbisë me Bashkimin Evropian sa më shpejt të jetë e mundur.

[Lona]

Homazhe te Memoriali i Presidentit Rugova

Prishtinë, 21 janar - Udhëheqja e Komunës së Prishtinës, në krye me kryetarin Isa Mustafa, me rastin e dyvjetorit të vdekjes së Presidentit historik të Kosovës dhe themeluesit të Lidhjes Demokratike të Kosovës (LDK së), Dr.Ibrahim Rugova, në shenjë përkujtimi dhe respekti për jetën dhe veprën e tij, bëri homazhe dhe vendosi kurora lulesh pranë Memorialit të tij në Velani. Homazhe kanë bërë edhe përfaqësuesit e degës së parë dhe të tretë të LDK-së dhe përfaqësues të FR së LDK-së dhe Forumit të Gruas, si dhe indidvidë të shumtë nga Prishtina dhe Kosova.




Myftiu i Kosovës po qëndron për vizitë në Arabinë Saudite

Prishtinë, 21 janar - Me ftesë të djalit të mbretit princit Fejsal po qëndron për vizitë zyrtare në Arabinë Saudite Myftiu i Kosovës, Mr. Naim Tërnava. Myftiu pritet që të takojë edhe mbretin e Arabisë Saudite Abdullah bin Abdul Aziz Al Saud, si dhe ministrinë për Çështje Fetare të Saudisë. Në takim me zyrtarët e lartë të Mbretërisë së Saudisë pritet që myftiu të kërkojë përkrahjen e këtij shteti me ndikim në botën islame për njohjen e pavarësisë së Kosovës pasi institucionet tona ta shpallin atë. Gjithashtu myftiu Tërnava do të kërkojë që Arabia Saudite të përdorë ndikimin e saj edhe në kuadër të Konferencës Islamike si dhe të Ligës Arabe për përkrahjen në bllok të këtyre shteteve për pavarësinë e Kosovës. Ndërsa në takim me ministrin e çështjeve fetare pritet që të diskutohet për shtimin e bashkëpunimit në mes institucioneve fetare të dy vendeve, respektivisht Bashkësisë Islame të Kosovës dhe Ministrisë për Çështje Fetare të Arabisë Saudite.

Sejdiu dhe Thaçi bënë homazhe te Momoriali i Presidentit Rugova

Prishtinë, 21 janar - Presidenti i Kosovës, Fatmir Sejdiu, kryeministri Hashim Thaçi, (i shoqëruar nga dy zv/kryeministrat), anëtarët e Kryesisë së LDK së dhe shumë personalitete të tjera kanë bërë sot homazhe me rastin e dyvjetorit të vdekjes së Presidentit historik të Kosovës, Dr. Ibrahim Rugova, duke e cilësuar atë si themeltar të shtetit të pavarur të Kosovës. Presidenti Sejdiu pasi bëri homazhe, e cilësoi Presidentin Rugova si një ndër figurat më të ndritshme të vendit tonë. "Kemi ardhur këtu për të bërë nderimin e merituar për Presidentin historik të Kosovës, Ibrahim Rugovën, për personalitetin që dha vulë kohës që jetoj dhe që llogaritet themeltar i shtetit të pavarur të Kosovës, që ishte nga personalitetet e fuqishme të historisë sonë dhe të tashmes dhe për të ardhmen tonë", theksoi Presidenti Sejdiu. Sejdiu tha se është përkushtimi i institucioneve të Kosovës për përmbylljen e procesit të statusit të Kosovës siç ishte edhe vizion i Presidentit Rugova dhe gjithë atyre që dhanë jetën dhe u shkrinë për lirinë e Kosovës. Ndërkaq, Kryeministri i Kosovës, Hashim Thaçi, pasi vuri lule pranë varrit të Presidentit Rugova, theksoi se Kosova po ndërton traditën e respektimit të bartësve të institucioneve të vendit. "Është vlerësim për punën në vazhdimësi të Presidentit Rugova për realitetet që ka kaluar Kosova andaj ne do të vazhdojmë përkushtimet tona për të përmbyllur procesin për shtet të pavarur dhe demokratik të bashkuar si politikë, institucione dhe si popull", theksoi Thaçi.

[rilinda]

E plagosin duke e shpëtuar nga nofullat e krokodilit

Një njeri ka përfunduar në spital, pasi është plagosur aksidentalisht nga një shpëtimtar, i cili po tentonte ta lironte atë nga nofullat e një krokodili.
Viktima, afër të tridhjetave, është sulmuar nga zvarraniku afër një vendi të popullarizuar të turistëve në Mary River, afër qytetit Darwin të Australisë Veriore.

Sulmet e krokodilëve dhe të shtënat janë të rralla në Australi. Që të vuash nga të dyja përnjëherë, duhet të jesh më tepër se fatzi, thotë BBC.

Fatziu Jason Grant është dërguar urgjentisht në spital me helikopter, për t’u operuar nga plagët e kafshimit dhe të plumbit. Thuhet se ai tashmë është në gjendje stabile.

Ai ishte duke mbledhur vezë të krokodilëve në një fermë të zvarranikëve, kur e kishte parë veten të bllokuar brenda një nofulle të madhe.

Për disa momente të shkurtra por tmerruese, kafsha në mënyrë të egër ka endur viktimën e saj, para se të intervenonte një koleg.

Ai shtiu dy herë në krokodilin e ujërave të njelmëta. Një herë e gjeti shënjën, derisa plumbi i dytë goditi krahun e kolegut të tij.

[rilinda]

Ngrihet nga arkivoli gjatë varrimit

Në një fshat kilian është mbajtur një ceremoni e pazakontë varrimi – një 81-vjeçar është ngritur nga arkivoli i tij, duke i tmerruar të afërmit e tij, të cilët deri në atë moment e kishin vajtuar.
Anëtarët e familjes së Feliberto Carrascos, pensionist 81-vjeçar nga Angol, kishin qenë të sigurt se ai kishte ndërruar jetë në momentin që e kishin gjetur trupin e tij të palëvizshëm dhe të ftohur. Duke vlerësuar se nuk ka nevojë që ta konstatojnë vdekjen, ata kishin thirrur njerëzit në varrim dhe e kishin veshur atë në rrobat më të mira.

"Nuk kam mundur të besoj. Më është dukur se po më bëjnë sytë, andaj edhe i kam mbyllur ata", ka thënë për gazetën "Ultimas Noticias" djali i vëllait të tij Pedro.

"Kur i hapa sytë sërish, e pashë që axha po më shikonte. Kam filluar të qajë dhe vrapova të gjeja diç sa më shpejtë që ta nxirrnim atë nga arkivoli", ka shtuar ai.

Njeriu i cili “u zgjua nga të vdekurit” ka thënë se nuk kishte asnjë dhimbje, dhe vetëm kishte kërkuar një gotë ujë.

[Bjeshka1]

Pamuk kërcënohet me atentat

Trembëdhjetë ultra-nacionalistë, të cilët kishin planifikuar vrasjen e shkrimtarit nobelist Orhan Pamuk janë burgosur nga policia turke. Sipas mediumeve botërore autori i “Emri im Kuq”, është cak i komplotit që ka për synim krijimin e kaosit në Turqi. Të dyshuarit janë në paraburgim, ndër ta janë edhe disa oficerë në pension dhe avokati Kemal Kerincis. Gazetat turke pohojnë se hetuesit disponojnë me dëshmi që ky grup është hartues i një liste për likuidime, ku pos Pamukut janë edhe emrat e shkrimtarëve Elif

Shafak dhe Perihan Magden, si dhe i gazetarit kurd Hrant Dink, ku ky i fundit tashmë është vrarë vitin e kaluar. Ka indice se ky grup qëndron pas krimeve që deri më sot është menduar se i kanë bërë grupet islamiste ekstreme. Disa spekulime shkojnë më larg dhe pohojnë ky grup bën pjesë në aktivitetet ilegale të ushtrisë dhe drejtësisë turke.

[Lona]

Rajs kërkon ndarje të pushtetit në Keni

Najrobi, 19 shkurt – Ministrja e jashtëme amerikane, Kondoliza Rajs, i ka bërë thirrje partive në konflikt që të zgjidhin luftën për pushtet në mënyrë paqësore. Pas bisedimeve me presidentin Mvai Kibaki dhe udhëheqësin opozitar Raila Odinga në Nairobi, Rajs apeloi tek të dyja palët për formimin e një koalicioni dhe ndarjen e pushtetit. Prej zgjedhjeve presidenciale në dhjetor, në Kenia në trazirat kanë humbur jetën më shumë se 1 mijë njerëz.

Policia italiane arreston liderin e një grupi më të fuqishëm të mafisë

Romë, 19 shkurt – Policia italiane ka arrestuar liderin e një grupi më të fuqishëm të mafisë në vend, kanë bërë të ditur zyrtarët, njofton BBCVorld. I arrestuari është Paskuale Kondelo, 57-vjeçar. Ai është arrestuar në shtëpinë e tij në Kalabri. Persona të armatosur kanë vrarë 12 vetë në Guajanë Xhorxhtaun, Guajanë, 19 shkurt – Persona të armatosur kanë vrarë 12 vetë, ndër të cilët tre oficerë policie, në një sulm në një qytet të vogël në Guajanë, kanë bërë të ditur zyrtarët, njofton BBCVorld. Sulumuesit ishin me uniformë ushtarake dhe morën armë në stacionin policor të qytetit Bartika.

NATO llogarit shtim të sulmeve kundër trupave të huaja në Afganistan

Kabul, 19 shkurt – NATO ka arritur në përfundimin se numri i sulmeve mbi trupat e huaja në Afgansitan edhe më tej do të shtohet, ka thënë gjenerali i NATO-s , Xhon Kradok. Në provincën Kandahar, në jug të Afganistanit, dje është kryer një sulm tjetër. Nga një atentat vetëvrasës kundër një autokolone kanadeze, u vranë 37 civilë. Incidenti ndodhi pranë kufirit me Pakistanin. Ky është sulmi i dytë në keshtjellën e dikurshme të talibanëve brenda dy ditëve. Numri i viktimave që nga e diela është 100 të vrarë.

Ushtria izraelite arrestoi rreth 80 palestinezë

Gazë, 19 shkurt – Ushtria izraelite ka arrestuar dje rreth 80 palestinezë, të cilët i kanë transferuar në Izrael për t’i marrë2 në pyetje, njofton BBCVorld. Arrestimet janë bërë pasi kryeministri izraelit Ehud Olmert kishte thënë se Izraeli i ka “duart e lira” të vërë në shënjestër militantët.

Kastro po tërhiqet nga udhëheqja e vendit

Havanë, 19 shkurt - Fidel Kastro po lë postin e presidentit dhe të komandantit të forcave të armatosura të Kubës pas pothuajse 50 vjetëve në pushtet. Ai e ka bërë këtë njoftim në një mesazh, i cili është botuar në versionin në internet të gazetës zyrtare, Granma. Kastro thotë se nuk do të pranojë një mandat të ri si president për shkak të problemeve me shëndetin. Fidel Kastro, 81 vjeçar, ia ka dorëzuar pushtetin vëllait të tij, Raul Kastro pas një operacioni në korrik të vitit 2006. Largimi i tij nga pushteti shënon fundin e një epoke. Kastro mori pushtetin në vitin 1959 pas triumfit të Revolucionit komunist Kubanez.

[Lona]

Sot pasdite mblidhet Kuvendi i Kosovës

Prishtinë, 19 shkurt - Sot në orët e pasdites në një seancë mblidhet Kuvendi i Kosovës për të shqyrtuar projektligjet nga Propozimi Gjithëpërfshirës për zgjidhjen e statusit të Kosovës. Do të bëhet shqyrtimi i parë i Projektligjit për Ministrinë e Punëve të Jashtme, atij për privilegje dhe imunitete diplomatike, për shtetësinë, për policinë, për Inspektoratin policor, për dokumentet e udhëtimit, për përdorimin e simboleve shtetërore, për zonat e veçanta të mbrojtura, për vetëqeverisjen lokale si dhe i atij për kufijtë administrativë komunalë.

Bush: "Tash, të gjithë duhet ta ndihmojmë Kosovën"

Arusha, Tanzani, 19 shkurt - "Tash, të gjithë duhet ta ndihmojmë Kosovën që ta jetësojë paqen", ka thënë Presidenti amerikan dhe ka ftuar autoritetet në Prishtinë që t'i respektojnë të drejtat e jo shqiptarëve në Kosovë. Presidenti amerikan, Xhorxh Bush, ka deklaruar sot se lidhur me pavarësinë e Kosovës ka mospajtime, por "ne besojmë, sikur edhe shumë vende të tjera, se ajo do të sjellë paqe në Ballkan". "Ne kemi punuar për së afërmi me rusët, siç kemi punuar edhe me evropianët dhe vendet e tjera, për pavarësinë e Kosovës, sepse besojmë se kjo është një gjë e drejtë. Ka mospajtime, por ne dhe shumë vende të tjera besojmë se ky veprim është i drejtë dhe sjell paqe në Ballkan", u tha gazetarëve presidenti Bush, në Dar Es Salam të Tanzanisë, ku ndodhet për vizitë, në kudaër të turneut të tij në Afrikë. "Tash, të gjithë duhet ta ndihmojmë Kosovën që ta jetësojë paqen", ka thënë presidenti amerikan dhe ka ftuar autoritetet në Prishtinë që t'i respektojnë të drejtat e jo shqiptarëve në Kosovë. Duke folur për kundërshtimin e Rusisë për të njohur pavarësinë e Kosovës, presidenti Bush ka thënë se Moska në këtë çështje nuk pajtohet me Uashingtonin, por "historia do të dëshmojë se ky ishte një verpim i drejtë për të vendosur paqe në Ballkan". "Qëndrimi ynë ka qenë shumë i qartë... Kemi qenë në konsultime të ngushta me rusët... Dhe, vendimi nuk ka paraqitur risi për Rusinë", ka thënë presidenti Bush.

Australia njeh pavarësinë e Kosovës

Kanbera, 19 shkurt - Australia edhe formalisht ka njohur pavarësinë e Kosovës. "Australia i dëshiron të gjitha të mirat qeverisë së Kosoëvs në detyrat që e presin", thuhet në një komunikatën e Ministrisë së Punëve të Jashtme të Australisë dhe thekson se ky vend "inkurajon fuqishëm Kosovën dhe Serbinë që me vendosmëri dhe me rrugë paqësore të zgjidhin mospajtimet". Ministri i Jashtëm i këtij vendi, Stiven Smith, ka deklaruar se Australia shumë shpejt do të vendosë edhe marrëdhënie diplomatike me Kosovën e pavarur.

Indonezia ende në dilemë për njohjen e pavarësisë së Kosovës

Xhakartë, 19 shkurt – Indonezia e ka shtyrë vendimin nëse do ta njohë apo do ta refuzojë pavarësinë e Republikës së Kosovës, derisa të zgjidhë dallimet në vend dhe të jetë e sigurt për zërat dhe orientimet ndërkombëtare, ka thënë Presidenti indonezian, Susilo Bambang Judhojono. Ndërkaq, ligjvënësi i vjetër Theo Sanmbuaga i ka bërë thirrje qeverisë të njohë dhe të mbështesë shpejtë pavarësinë e Kosovës, duke nënvizuar faktin se Indonezia është komb propavarësisë dhe gjithë populli i Kosovës e mbështetë deklaratën e pavarësisë. Ai gjithashtu ka shtruar pyetjen se nëse ish-territoret e tjera të Jugosllavisë mund të ndahen, pse nuk mundet Kosova, i ka thënë ai gazetës "Xhakarta Post".

Bërns: Kosovës 335 milion dollarë ndihmë amerikane për vitin 2008

Uashington, 19 shkurt - Në një konferencë telefonike me gazetarët, nënsekretari amerikan i Shtetit për çështjet politike, Nikolas Bërns theksoi se forca e NATO s prej 17,000 vetësh në Kosovë, e cila përfshin 1,600 trupa amerikane, do të mbetet atje për një kohë të pacaktuar së bashku me policinë e Bashkimit Europian për të garantuar sigurinë dhe për të mbrojtur interesat e serbëve etnikë. Ai tha se Shtetet e Bashkuara dhe partnerët europianë po planifikojnë një konferencë donatorësh për Kosovën në muajt e ardhshëm në mënyrë që të mbështesin qeverinë e re të pavarur. Kosova, tha ai, mund të marrë 335 milion dollarë ndihmë amerikane për vitin 2008, një rritje prej katër herësh në krahasim me vitin e kaluar. Bërns gjithashtu theksoi interesin e Shteteve të Bashkuara për të patur marrëdhënie të mira me Serbinë dhe për të ndihmuar Beogradin "i cili ka mbetur i izoluar nga pikëpamja diplomatike që nga konfliktet ballkanike të viteve 90" që ta gjejë të ardhmen e tij në Europë. "Jugoslavia do të shpërbëhej pa tjetër e ashtu ndodhi. Kjo është pjesa e fundit e mbetur nga ish Jugosllavia - fakti që Kosova është bërë tani e lirë dhe e pavarur. Ne shpresojmë se populli serb, kosovarët, boshnjakët, malazezët, kroatët, shqiptarët, maqedonasit, të gjithë pra të mund të shikojnë përpara drejt një të ardhmeje në Europë, me Bashkimin Europian dhe me NATO n". Nënsekretari Bërns tha se administrata e Presidentit Bush i hapi rrugë Rusisë duke e vonuar njohjen e Kosovës për të lejuar bisedime të mëtejshme mes Serbisë dhe kosovarëve. Ai tha se kur bisedimet dështuan nga fundi i vitit të kaluar, erdhi koha për të ecur përpara me njohjen. Megjithatë Bërns tha se nuk pret ndonjë përplasje thelbësore me Moskën që do të dëmtonte fushat e tjera të bashkëpunimit amerikano rus. "Pra, unë nuk pres ndonjë farë krize me Rusinë për këtë çështje. Ne presim që rusët të mbështesin qendrueshmërinë në rajon. Dhe mendoj se të gjithë ne do të kërkojmë që njerëzit të ruajnë qetësinë dhe që autoritetet kosovare të lejohen të vendosin qeverisjen e tyre e të ecin përpara".

Berman: Mbështes njohjen e Kosovës nga qeveria amerikane

Uashington, 19 shkurt - Në përgjigje të njohjes zyrtare të pavarësisë së Kosovës nga qeveria amerikane, kryetari në detyrë i Komisionit të Dhomës së Përfaqësuesve për Marrëdhëniet me Jashtë në Kongresin amerikan, Hauard Berman tha se "është krenar që e mirëpret Kosovën, këtë anëtare të re në komunitetin e vendeve sovrane". Në një deklaratë Berman thotë se "tani fillon edhe puna më e vështirë dhe mbetet shumë për të bërë për të garantuar se tranzicioni i Kosovës do të kryhet me sukses. Sfidat për Kosovën, shton ai, përfshijnë luftën kundër papunësisë së lartë, punën për të gjallëruar ekonominë e dobët të vendit, forcimin e institucioneve politike dhe të shtetit juridik si dhe ruajtjen e sigurisë kudo në rajon. Udhëheqësit kosovarë, thotë Berman, duhet të tregohen të palodhur për të garantuar se vendi i tyre do të jetë i sigurt dhe mikpritës për të gjithë qytetarët, duke përfshirë pakicën serbe. "E kuptoj se kjo ditë është e dhimbshme për shumë njerëz në Serbi", tha ai. Në deklaratën e tij, kryetari në detyrë i Komisionit të Dhomës së Përfaqësuesve për Marrëdhëniet me Jashtë, Howard Berman, i bën thirrje qeverisë së Beogradit që të reagojë në atë mënyrë siç do të vepronte një vend sovran dhe i respektuar ndaj zgjidhjes së statusit të Kosovës.

[Lona]

Presidenti Bush i drejtoi një letër Presidentit Sejdiu

Uashington, 19 shkurt - Shtetet e Bashkuara njohën zyrtarisht Kosovën si shtet sovran dhe të pavarur megjithë kundërshtimet e forta të Serbisë. Presidenti Bush e uroi popullin e Kosovës në një letër drejtuar të hënën Presidentit të Republikës së Kosovës Fatmir Sejdiu. Ja letra e plotë: "Në emër të popullit amerikan, unë njoh Kosovën si shtet të pavarur dhe sovran. Ju përgëzoj Ju dhe qytetarët e Kosovës që keni marrë këtë hap të rëndësishëm në zhvillimin tuaj demokratik dhe kombëtar. Në këtë rast historik, unë përkujtoj lidhjet e thella dhe të sinqerta të miqësisë që bashkojnë njerëzit tanë. Kjo miqësi, e farkuar gjatë orëve më të errëta të tragjedisë së Kosovës, është bërë edhe më e fortë në nëntë vitet qëkur ka mbaruar lufta në Kosovë. Prej asaj kohe, Kosova ka punuar për ta rindërtuar shoqërinë e shkatërruar nga lufta, për të ngritur institucionet demokratike, për të mbajtur zgjedhje të sukseshme për një qeveri të re, dhe për të avansuar prosperitetin. Si shtet i pavarur Kosova tash merr përgjegjësi për fatin e vet. Si edhe në të kaluarën, Shtetet e Bashkuara do të jenë partneri juaj dhe miku juaj. Në kërkesën tuaj për të vendosur marrëdhënie diplomatike me Shtetet e Bashkuara, ju keni shprehur dëshirën e Kosovës për të arritur standardet më të larta të demokracisë dhe të lirisë. Unë e mirëpres këtë ndjesi. Në veçanti unë mbështes përqafimin nga ana juaj të multienticitetit si parim të qeverisjes së mirë dhe përkushtimin tuaj për të zhvilluar institucione të përgjegjshme, në të cilat të gjithë qytetarët janë të barabartë para ligjit. Po ashtu unë veneroj se në deklaratën e vet të pavarësisë Kosova me vullnet të vetin ka marrë përgjegjësitë që i përshkruhen në bazë të Planit të Ahtisarit. Shtetet e Bashkuara mirëpresin këtë angazhim të pakusht për t?i përmbushur këto përgjegjësi si dhe gatishmërinë e Kosovës për të bashkëpunuar plotësisht me bashkësinë ndërkombëtare gjatë periudhës së mbikëqyrjes ndërkombëtare, për të cilën keni rënë dakord. Shtetet e Bashkuara mbështeten në garancat e Kosovës se ajo e konsideron veten juridikisht e obliguar t?u përmbahet dispozitave që përmban Deklarata e Pavarësisë së Kosovës. Jam i bindur se miratimi i plotë dhe me kohë i masave të propozuara nga Emisari Special për Kosovë, Ahtisari, do ta sjellin Kosovën më afër përmbushjes së aspiratave të saj evro atlantike. Në bazë të këtyre garancave nga Qeveria e Kosovës, me kënaqësi e pranoj kërkesën tuaj që dy vendet tona të vendosin marrëdhënie diplomatike. Shtetet e Bashkuara do të mirëpresnin vendosjen e përfaqësisë diplomatike të Kosovës në SHBA dhe planifikon vetë që ta bëjë të njëjtën në Kosovë. Teksa Kosova po hap një kapitull të ri në historinë e vet si shtet i pavarur, pres me gëzim thellimin dhe forcimin e miqësisë sonë të veçantë", përfundon letra e Presidentit të SHBA-ve Xhorxh Bush.

Deklaratë e sekretares së Shtetit lidhur me njohjen e pavarësisë së Kosovës

Uashington, 19 shkurt - Sekretarja amerikane e Shtetit Kondoliza Rajs ka dhënë dje këtë deklaratë për Kosovën. - Shtetet e Bashkuara njohin sot zyrtarisht Kosovën si shtet sovran dhe të pavarur. Ne përshëndesim popullin e Kosovën në këtë momet historik. Presidenti Bush iu përgjegj pozitivisht kërkesës së Kosovës për të vendosur marrëdhënie diplomarike mes dy vendeve. Vendosja e këtyre marrëdhënieve do të kosolidojë lidhjet e veçanta të miqësisë mes popujve të Shteteve të Bashkuara dhe të Kosovës. Nëntë vjet më parë, komuniteti ndërkombëtar, i udhëhequr nga NATO ja ndërhynë për t'i dhënë fund sulmeve brutale ndaj popullatës shqiptare të Kosovës. Kjo ndërhyrje në kohën e duhur i dha fund dhunës, duke çuar në vendimin e Këshillit të Sigurimit të Kobeve të Bashkuara për t'i pezulluar Beogradit të drejtën për të qeverisur Kosovën dhe për ta vënë atë nën administrin e përkohëshëm të Kombeve të Bashkuara. Që prej atëhere Kosova ka ngritur institucionet e saj demokratike janë kontrollit të Beogradit. Vitin e kaluar i dërguari i posaçëm i Kombeve të Bashkuara, Martti Ahtisaari, hartoi një paln për ndërtimin e një Kosove demokratike dhe shumetnike dhe rekomandoi që Kosova të jetë e pavarur, një pavarësi e mbikqyrur për një farë periudhe nga komuniteti ndërkombëtar. Në kudrin e konflikteve të viteve 90 të, pavarësia është i vetmi opcion i mundshëm për të nxitur stabilitetin në rajon. Shtetet e Bashkuara mbështesin Planin Ahtisaari dhe do të punojnë me partnerët e tyre ndërkombëtarë për ta vënë atë në zbatim. Ne mirëpresim angazhimet që Kosova bëri në shpalljen e pavarësisë për të zbatuar Planin Ahtisari për të përqafuar aspektin shumë etnik si një parim themeltar i qeverisjes së mirë dhe për të mirëpritur periudhën e mbikqyrjes ndërkombëtare. Kombinimi i pazakontë i faktorëve në realitetin e Kosovës, përfshirë edhe shpërbërjen e ish Jugosllavisë, historinë e spastrimeve etnike dhe krimeve kundër civilëve në Kosovë, si dhe periudha e zgjatur e administrimit të OKB së, nuk gjenden tjetërkund dhe prandaj e bëjnë Kosovën një rast unik. Kosova nuk mund të shihet si një rast pararendës për asnjë situatë tjetër në botë sot. Shtetet e Bashkuara e shfrytëzojnë këtë mundësi për të ritheksuar miqësinë tonë me Serbinë, si një aleate gjatë të dyja luftrave botërore. Ne i ftojmë udhëheqësit serbë të punojnë së bashku me Shtetet e Bashkuara dhe partnerët tanë për të përmbushur synimet tona si mbrojtjen e të drejtave, sigurisë dhe jetesës së komunitetit serb në Kosovë. Ndërkohë që Kosova fillon sot jetën e saj si një shtet i pavarur, Shtetet e Bashkuara zotohen të vazhdojnë të jenë miku dhe partneri i saj i ngushtë.

Deklaratë e Kryeministrit të Shqipërisë për njohjen e pavarësinë së Kosovës

Tiranë, 19 shkurt - Shqipëria njeh pavarësinë e Kosovës dhe vendos të ngrejë në nivel ambasadorësh marrëdhëniet mes dy shteteve. Kryeministri i Shqipërisë Sali Berisha në deklaratën e njohjes të pavarësisë së Kosvës tha se vendimi për ngritjen në nivel ambasadorësh të marrëdhënieve mes dy vendeve bazohej në një deklaratë të Kuvendit të Shqipërisë që në 21 tetor të 1991 dhe në mbështetje të vendimit të Kuvendit të Kosovës për pavarësinë e saj më 17 shkurt 2008. Në vazhdim po e japim të plotë deklaratën e Kryeministrit të Shqipërisë për njohjen e Republikës së Kosovës. - Duke u bazuar në Deklaratën e Kuvendit të Shqipërisë, datë 21 tetor 1991, në mbështetje të vendimit të Kuvendit të Kosovës të datës 17 shkurt 2008 për shpalljen e Pavarësisë, bazuar në të drejtën e popujve për vetëvendosje, nisur nga parimi i marrëdhënieve të fqinjësisë së mirë, nesër do të thërras mbledhjen e Këshillit të Ministrave për të vendosur ngritjen e marrëdhënieve diplomatike midis Republikës së Shqipërsisë dhe Republikës së Kosovës në rang ambasadorësh. Qeveria e Republikës së Shqipërisë e konsideron krijimin e Shtetit të Kosovës një ngjarje historike, që sanksionon të drejtën e qytetarëve të Kosovës për të vetvendosur dhe që e bën Ballkanin më të lirë, më të drejtë se kurrë në tërë historinë e tij shekullore. Pavarësia e Kosovës i jep fund procesit të shpërbërjes së ish Jugosllavisë, krijon kushtet e nevojshme për zhvillimin e qëndrueshëm e të gjithanshëm të të gjithë shoqërisë kosovare, përfshirë perspektivën konkrete për integrimin sa më të shpejtë të saj në institucionet europiane dhe euro atlantike. Me shpalljen e pavarësisë, Republika e Kosovës bëhet një aktor i denjë në arenën ndërkombëtare, faktor madhor paqeje dhe stabiliteti në rajon, me orientim të qartë euro atlantik, faktor i rëndësishëm për paqen, stabilitetin, sigurinë, zhvillimin dhe integrimin e harmonizuar të rajonit të Evropës Juglindore. Qeveria e Republikës së Shqipërisë përshëndet angazhimin e Kuvendit të Kosovës në Deklaratën për Pavarësinë për zbatimin e paketës Ahtisari si dhe ftesën për të mirëpritur praninë ndërkombëtare civile dhe ushtarake të Bashkimit Europian dhe të NATO s në Kosovë. Qeveria shqiptare përshëndet angazhimin e qartë të autoriteteve zyrtare në Deklaratën Pavarësisë së Kosovës, për ndërtimin në Kosovë të një shoqërie demokratike, laike dhe shumetnike, ku, pavarësisht nga përkatësia etnike, çdo banues i saj ta ndjejë veten qytetar të lirë në shtëpinë dhe pronën e tij të barabartë përpara ligjit, duke garantuar kështu mbrojtjen dhe nxitjen e të drejtave dhe lirive të individit dhe të pakicave kombëtare. Duke konfirmuar angazhimin e plotë për respektimin e kufijve ndërkombëtarë, Qeveria e Republikës së Shqipërisë është e vendosur që marrëdhëniet e fqinjësisë së mirë, të mirëkuptimit dhe bashkëpunimit me Republikën e Kosovës, të ndërtuara historikisht dhe të forcuara në vijimësi, t?i zgjerojë dhe t?i thellojë më tej, duke e shtrirë dhe institucionalizuar bashkëpunimin dypalësh në të gjitha nivelet, në të gjitha fushat me interes të ndërsjellë, nëpërmjet vendosjes së një partneriteti të ngushtë. Në këtë kuadër, Këshilli i Ministrave vendos nesër për ngritjen e përfaqësisë diplomatike të Republikës së Shqipërisë në Prishtinë, në nivel Ambasadori. Qeveria e Republikës së Shqipërisë shpreh bindjen se shtetet anëtare të OKB së do ta njohin Republikën e Kosovës si një kontribut real shtesë tjetër i tyre në paqen dhe sigurinë në Ballkan, duke respektuar kështu edhe vullnetin e ligjshëm të popullit të saj. Në të njëjtën kohë, Qeveria e Republikës së Shqipërisë konfirmon vullnetin e saj të plotë për marrëdhënie të mira e miqësore me të gjitha vendet e tjera të rajonit, përfshirë dhe Republikën e Serbisë në perspektivën evropiane të vendeve tona.

Shtetet më të fuqishme perëndimore kanë njohur pavarësinë e Kosovës

Prishtinë, 19 shkurt - Pavarësinë e Republikës së Kosovës deri më tash zyrtarisht e kanë njohur Shtetet e Bashkuara, Franca, Britania e Madhe, Italia, Belgjika, Shqipëria, Turqia dhe Afganistani. Ndërkaq Austria dhe Gjermania kanë konfirmuar se njohjen e shtetit të Kosovës do ta bëjnë të mërkurën në mbledhjet e rregullta të qeverive dhe të kuvendeve të tyre. Këtë e kanë bërë të ditur shefat e diplomacive të Austrisë dhe Gjermanisë. Ndërkaq Finlanda dhe Kroacia kanë paralajmëruar se shumë shpejtë do të njohin pavarësin e vendit tonë. Qeveria e Kosovës ka falendëruar Parisin zyrtar për njohjen e pavarësisë. Deri më tani edhe Çekia dhe Holanda janë në dijeni për pavarësinë e Kosovës, mirëpo nuk do të jenë ndër vendet e para që do ta njohin shtetin e Kosovës. Australia dhe Japonia kanë deklaruar po ashtu se janë të gatshme që shumë shpejtë të vendosin marrëdhënie diplomatike me Republikën e Kosovës. Ndërkohë ka pasur edhe gatishmëri të madhe të shumë shteteve që ta njohin paavarësinë e Kosovës. Agjencia Rojters njoftoi se edhe shumica nga 27 vendet anëtare të Bashkimit Evropian janë të gatshme për ta pranuar Kosovën, ndërkaq Spanja ka deklaruar se ka ndërruar mendjen për ta bërë këtë. Po ashtu ka arritur lajmi se tre vendet baltike: Letonia, Lituania dhe Estonia kanë vendosur dhe janë të gatshme që ta njohin pavarësinë e Kosovës. Letonia ka thënë se do ta njoh pavarësinë e Kosovës në ditët që vijnë. Nga ana tjetër Presidenti i Lituanisë ka uruar popullin e Kosovës për vendimin për pavarësi dhe ka thënë se ky vendim është rruga e vetme që do të sigurojë stabilitetin afatgjatë në vend dhe në rajon. Nga ana tjetër nga Brukseli vijnë deklaratat e Ministrit të Jashtëm të Malit të Zi,i cili ka thënë se Mali i Zi do ta shikojë me kujdes së pari implikimet në çështjet e sigurisë pas pavarësisë së Kosovës dhe më pas do të marrë vendimin për njohjen e pavarësisë së Kosovës. Për momentin nuk ka një vendim nga Podgorica. Ndërkohë vijnë edhe lajmet e para nga përtej Oqeanit se Ministrat e Jashtëm të Brazilit dhe Indisë në një konferencë shtypi në Brazil kanë thënë se kanë parë zhvillimet në Kosovë, e kanë parë Deklaratën e Pavarësisë së Kosovës dhe ndërkohë po shqyrtojnë çështjet ligjore lidhur me pavarësinë e Kosovës dhe më pas siç u shprehen do të shohin si do të procedojnë.

Sejdiu dhe Thaçi kanë pritur mbrëmë shefat e zyrave të SHBA ve, Britanisë së Madhe, Francës dhe Turqisë

Prishtinë, 19 shkurt - Presidenti Fatmir Sejdiu dhe Kryeministri Hashim Thaçi kanë pritur mbrëmë shefat e zyreve të Shteteve të Bashkuara të Amerikës, Britanisë së Madhe, Francës, Turqisë dhe Shqipërisë, të cilët iu kanë konfirmuar fillimisht udhëheqësve kosovarë vendimet e qeverive të tyre që të njohin pavarësinë e Kosovës. Të gjithë diplomatët ndërkombëtarë që u priten në Presidencën e Kosovës thanë se së shpejti do të hapin ambasadat e vendeve të tyre në Prishtinë. Pra nga zyrat ndërlidhëse, Uashingtoni, Parisi dhe Ankaraja mbrëmë premtuan ngritjen e nivelit diplomatik, përkatësisht të hapin ambasadat e tyre në Kosovë. Diplomatja amerikane Tina Kaidanou tha se Shtetet e Bashkuara të Amerikës duan të vendosin marrëdhënie diplomatike, por edhe marrëdhënie miqësore me Kosovën. Britaniku Dejvid Bland drejtoi mesazhe edhe në gjuhën shqipe si dhe në gjuhën serbe për komunitetet, sidomos për komunitetin serb, duke kërkuar që ata të njohin dhe të pranojnë realitetin e ri në Kosovë. Përderisa diplomatja franceze Delfi Borion tha se Parisi beson se pavarësia e Kosovës do të jetë në të mirën e stabilitetit të rajonit. Nga ana tjetër, Presidenti i Kosovës Fatmir Sejdiu tha se e mirëpret njohjen ndërkombëtare të Kosovës si shtet i pavarur dhe u angazhua që edhe Kosova të hapë shumë shpejt ambasadat e saj në ato vende që do ta njohin atë si shtet.
Për autoritetet e Shkupit çështje prioritare është edhe demarkacioni i kufirit

Shkup, 19 shkurt Ministri maqedonas i Punëve të Jashtme Antonio Milloshevski tha në Shkup se si çështje prioritare prej të cilës do të udhëhiqen autoritetet e Maqedonisë është edhe çështja e demarkacionit të kufirit. Ai bëri të ditur se Qeveria e Shkupit me vëmendje i përcjell ngjarjet pas shpalljes së pavarësisë së Kosovës.

Bashkimi Evropian ka miratuar një qëndrim të përbashkët për Kosovën

Bruksel, 19 shkurt - Bashkimi Evropian ka miratuar një qëndrim të përbashkët për Kosovën, me të cilin marrin në dijeni veprimin e Kuvendit të Kosovës për shpalljen e pavarësisë së Kosovës dhe po ashtu marrin në dijeni edhe principet e demokracisë, mbrojtjen e serbëve dhe komuniteteve tjera në Kosovë, sikur edhe të objekteve kulturore dhe fetare. Mirëpo i pyetur për njohjen e pavarësisë së Kosovës, Dimitrij Rupel tha se është çështje e procedurave kombëtare. Ai tha se pret që disa shtete do ta bëjnë njohjen e pavarësisë së Kosovës sot, disa nesër, disa më vonë pas disa ditësh e disa pas disa javësh. Kështu që ai shprehu bindjen se Bashkimi Evropian do të jetë mjaft unik në këtë vepriim. Rupel ka thënë se Bashkimi Evropian edhe njëherë ka kaluar këtë test të unitetit Ai i bëri këto komente pas takimit të shefave të politikës së jashtme të BE së. Ndërkaq, shefi i diplomacisë evropian Havier Solana tha se Bashkimi Evropian duhet ta kuptojë realitetin e ri në Kosovë.

[Lona]

BE do të dërgojë në Kosovë deri në 2010 tën mbi një miliard euro, ka thënë Oli Ren

Bruksel, 19 shkurt - Bashkimi Evropian ka bërë të ditur se do të dërgojë në Kosovë deri në 2010 tën mbi një miliard euro. Kjo u bë e ditur nga Komesioneri për Zgjerimin Oli Ren në takimin e ministrave të jashtëm të BE së. Ai ka paralajmëruar se Komisioni Evropian së bashku me Bankën Botërore do të organizojë në qershor të këtij viti edhe një konferencë donatorësh për Kosovën, në të cilën do të konfirmohet gadishmëria edhe për ndihmë financiare. Oli Ren tha se mbi një miliard euro do të ndahen për periudhën prej tash e deri në vitin 2010 qoftë për misionet e BE së në Kosovë, qoftë për ndihmë ekonomisë së Kosovës. Pra kemi nisjen e procedurës dhe nisjen e procesit të njohjes së pavarësisë së Kosovës që nga dita e djeshme siç ishte paralajmëruar.

Princi Leka vizitoi familjen Rugova dhe bëri homazhe pranë Memorialit të Presidentit Rugova

Prishtinë, 19 shkurt Në ditën e parë të shpalljes së Kosovës shtet të pavarur sovran dhe demokratik, Princi Leka Zogu i bëri një vizitë familjes së Presidentit dr. Ibrahim Rugova ku u prit nga zonja Fana, djali Mendimi dhe vajza Teuta. Princi Leka Zogu vuri kurorë lulesh në emër të familjes mbretërore duke cekur se dr. Rugova dhe veprat e tij do të mbetën të pashlyeshme në historinë e re të Kosovës. Me këra rast u këmbyen urimet të përzemërta për pavarësinë e Kosovës, ndërsa Princi Leka theksoi rolin e pamohueshëm të Presidentit Rugova në rrugëtimin e gjatë, por më në fund të realizueshëm për formimin e Kosovës shtet i pavarur dhe sovran. Gjatë ditës, pranë Memorialit të Presidentit Rugova kanë bërë homazhe, Kryetari i Prishtinës, Isa Mustafa, të gjitha degët e kryeqytetit të LDK së si dhe Forumi i Rinisë i LDK së.

UNMIK u nuk do të nxjerrë kurrëfarë deklararate në lidhje me shpalljen e pavarësisë

Prishtinë, 19 shkurt Misioni i Kombeve të Bashkuara në Prishtinë nuk do të nxjerrë kurrëfarë deklararate në lidhje me shpalljen e pavarësisë së Kosovës nga Kuvendi i Kosovës. Kështu është shprehur zëdhënësi i UNMIK ut Aleksandër Ivanko. Sipas tij i vetmi reagim do të bëhet në Nju Jork nga Sekretari i Përgjithshëm i OKB së Ban Ki Mun.

Disa mijëra serbë kanë protestuar në veri të Kosovës dhe në Graçanicë kundër pavarësisë së Kosovës

Mitrovicë/Graçanicë, 19 shkurt - Rreth 10 mijë serbë të tubuar në veri të Mitrovicës kanë protestuar kundër shpalljes së pavarësisë së Kosovës. Ata kanë kërkuar nga shteti serb që me të gjitha mjetet, madje edhe me forcë ushtarake të ndërhyjnë në mënyrë që të ruajnë komunitetin serb që jeton në Kosovë. Protestuesit kanë djegur flamurin shqiptar dhe atë të Shteteve të Bashkuara të Amerikës. Janë dëgjuar parullat: "Jetën e japim Kosovën nuk e japim". Ata kanë thënë se me këtë protestë është dërguar porosi e qartë se serbët e Kosovës janë pjesë e shtetit serb. Shërbimi policor i Kosovës ka bërë të ditur se kjo protestë ka kaluar e qetë dhe pa probleme. Një protestë e ngjashme e pjesëtarëve të komunitetit serb është mbajtur dje pas dite edhe Manastirin e Graçanicës, në të cilën ata kanë kundërshtuar pavarësinë e Kosovës. Peshkopi Artemije kërkoi nga të gjithë serbët që të vazhdojnë të jetojnë në Kosovë, ngase sipas tij në këtë mënyrë arrihet që Kosova të mbetet pjesë e Serbisë.

Tre deputetë serbë kanë bërë të ditur se do ta braktisin Kuvendin e Kosovës

Prishtinë, 19 shkurt Tre deputetë serbë - Sllavisha Petroviq dhe Vlladimir Todoroviq nga Partia Demokratike Serbe si dhe Mihailo Shqepanoviq nga Partia Popullore Serbe - kanë bërë të ditur se do ta braktisin Kuvendin e Kosovës për një kohë të gjatë për shkak se siç kanë thënë, nuk u është lejuar që të flasin në seancën e pardjeshme të Kuvendit. Dhjetësha serbe në Kuvend është e ndarë, pasi që deputetët kanë thënë se nuk do të marrin pjesë në seancën e shpalljes së pavarësisë, por në institucione po.
Mbrëmë në veri të Mitrovicës ka ndodhur një shpërthim i fuqishëm, nuk ka të lënduar

Mitrovicë, 19 shkurt Mbrëmë në pjesën veriore të Mitrovicës, afër ndërtesës ku gjendet policia e Kombeve të Bashkuara dhe zyrat e OSBE së ka ndodhur një shpërthim. Bëhet e ditur se policia ka dalë në vendin e ngjarjes dhe ka bë të ditur se nuk ka të plagosur. Dëmet e vetme janë dëmtimet e disa makinave përreth e disa dëmtime të tjera. Ky është shpërthimi i dytë që ka ndodhur në veri të Mitrovicës që pas shpalljes së pavarësisë nga Kuvendi i Kosovës.

[Preshevar]

Bashkimi Evropian i ka dënuar ashpër krimet ushtrisë izraelite në Rripin e Gazës.

Asoshiated Press bënë të ditur se BE dje në një komuanikatë për media nga Izraeli ka kërkuar që të ndalë sulmet kundër popullit të pambrojtur palestinez dhe të ndalojë çdo aktivitet që kërcënon jetën e popullit të Rripit të Gazës.
Në komunikatën e BE, kryesuese e së cilës është Sllovenia, ështe theksuar gjithashtu se Izraeli duhet të respektojë të gjitha konventat ndërkombëtare./irib/

[Preshevar]

Protesta anti-izraelite në Paris



Mijëra persona dje në Paris kanë protestuar kundër krimeve të Regjimit izraelit në Rripin e Gazës.

Agjencia Frans Press bënë të ditur se manifestuesit kanë dënuar aktet çnjerëzore të izraelitëve kundër palestinezëve dhe kanë dënuar heshtjen ndërkombëtare përballë këtyre krimeve të izraelitëve. Protestuesit kanë hedhur parulla kundër SHBA, e cila përkrahë krimet e izraelitëve në Rripin e Gazës.