Çka është varësia ndaj seksit?

[Zero Cool]

Dhënia e tepruar ndaj seksit është një patologji si shumë të tjera, me rrënjët e ngulura thellë në fëmijëri. Bëhet fjalë për sjellje që ta nxjerrin jetën jashtë kontrollit dhe ta fusin nëpër hulli të paimagjinueshme.







Varësia ndaj seksit nuk karakterizohet vetëm nga dobësia e marrjes së vendimit të duhur kur je përballë një tundimi apo një joshjeje, por ka të bëjë edhe me sjelljen seksuale në tërësi.

Historia e Tiger Woods, sportistit më të pasur dhe më të famshëm të botës dhe dramës së tij të fundit familjare dihet. Megjithatë, për ata që nuk e kanë dëgjuar bëhet fjalë për publikimin e dhjetëra marrëdhënieve dhe historive që kampioni i golfit ka pasur me bukuroshe të ndryshme, ndërkohë që ka qenë i martuar. Kështu, për të shpëtuar emrin dhe ndoshta edhe martesën, atij i rekomanduan që të shkonte të “dezintoksikohej” në një shtëpi të posaçme kure, ku rehabilitohen ata që kanë probleme me varësinë ndaj seksit, sepse rasti i Wood pa dyshim që ka të bëjë me një patologji, edhe pse për disa ai mund të jetë thjesht një donzhuan i rëndomtë. Kështu, më 16 janar, pas bujës së madhe të shtypit që nuk la të dashur pa i nxjerrë, po sipas shtypit djaloshi Wood u regjistrua për të marrë pjesë në programin e intoksikimit që ofron një spital i posaçëm në një cep të Shteteve të Bashkuara, për ata që nuk mund të frenojnë dot tundimet dhe joshjet. Por, ndërsa Wood, në tentativë për të shpëtuar emrin dhe martesën, mund të ndodhet aktualisht brenda mureve të kësaj qendre, pakkush ka informacion dhe dijeni se me çfarë konkretisht merret një qendër e tillë intoksikimi, që tenton të kthejë në rrugë të mbarë veç atyre të dhënë pas seksit, edhe ata që nuk heqin dot nga alkooli, droga, apo vese të tjera shkatërrimtare. Dhënia e tepruar ndaj seksit është një patologji si shumë të tjera, me rrënjët e ngulura thellë në fëmijëri. Bëhet fjalë për sjellje që ta nxjerrin jetën jashtë kontrollit dhe ta fusin nëpër hulli të paimagjinueshme. Varësia ndaj seksit nuk karakterizohet vetëm nga dobësia e marrjes së vendimit të duhur kur je përballë një tundimi apo një joshjeje, por ka të bëjë edhe me sjelljen seksuale në tërësi. Ka shumë lloje varësish seksuale, që variojnë nga ata që janë shumë të dhënë pas seksit, e deri tek ata që nuk e çojnë nëpër mend marrëdhënien apo kontaktin fizik me një qenie tjetër, mashkull apo femër nuk ka rëndësi. Ka edhe nga ata që nuk kryejnë marrëdhënie dot me partnerin e tyre, edhe pse mund ta dashurojnë, e ndërkohë ëndërrojnë gjatë gjithë kohës të tjerë. Në këto fusha nuk ka kërkime shkencore të mirëfillta dhe si pasojë statistikat e sakta mungojnë dhe pikat e referencës nuk janë të shumta, sepse deri pak kohë më parë kjo është konsideruar si një çështje tabu e mbi të gjitha si një çështje që nuk ka nevojë për marrjen e masave. Është parë thjesht në kuadrin e një vesi e jo të një patologjie të mirëfilltë, që si çdo patologji ka nevojë për kurën e duhur për t’u shëruar. Por, pavarësisht mungesës së statistikave të plota, pjesa më e madhe e mjekëve dhe psikologëve që janë marrë me kërkime në këtë fushë janë të mendimit se 90% e personave që kanë krijuar varësi seksuale janë meshkuj dhe vetëm 10% janë femra. Nuk dihet ende pseja e një statistike të tillë, por ndoshta kjo mund të shpjegohet edhe me lirinë që meshkujt kanë pasur dhe kanë tradicionalisht për të bërë disa gjëra dhe për të mos u stigmatizuar e paragjykuar, ndryshe nga sa ndodh me femrat. Për sa i përket periudhës së rehabilitimit, që duhet t’i nënshtrohet një “i sëmurë” në shtëpinë e rehabilitimit nga varësitë seksuale, ajo mund të nisë me një periudhë 2-javore deri në një periudhë 6-javore. Tiger Woods thuhet se ka zgjedhur këtë të fundit. Trajtimi ka të bëjë si me varësinë në mënyrë të drejtpërdrejtë, ashtu edhe me gjetjen dhe kurimin e shkaqeve që kanë çuar në një sjellje të tillë. Në të bëjnë pjesë terapi personale kokë më kokë me psikologun, por edhe terapi në grup, me persona të tjerë me një problem të tillë. Pjesë e trajtimit është edhe konsultimi me familjen dhe puna me pjesën tjetër të familjes, gjithmonë nëse ajo është e gatshme që të marrë pjesë në shërimin dhe ndryshimin e njeriut të dashur, por që ka një zakon të keq dhe të “turpshëm”. Hapi i parë në trajtimin e një personi me varësi seksuale është një vlerësim i plotë i historisë së pacientit dhe mbi të gjitha i traumës së tij. “Të gjithë meshkujt me të cilët kam punuar, kanë pasur përvoja të hershme abuzimi apo kanë kaluar fëmijëri të braktisur”, thotë një mjek që merret me rehabilitimin e personave me probleme varësish. Sipas tij, nëse me këtë çështje nuk merret një psikolog që i shkon çështjes në rrënjë, shpresat e shpëtimit janë të pakta. Faza e dytë ka të bëjë me përballjen e pacientit me atë çka ai ka bërë, ose më mirë me këndvështrimin e shtrembër që ka ai me realitetin. Por pacienti duhet të jetë i sinqertë kur flet për dëshirat dhe veset e tij, për arsyet e nxitjeve dhe epsheve të cilave ai nuk mund t’u rezistojë. Pacienti duhet të dalë lakuriq para mjekut dhe të rrëfejë në detaje dhe pa turp gjithë çka i shkon ndër mend kur i jepet varësisë së tij. Pacientit nuk duhet t’i vijë zor nga pyetjet e paturpta që mund t’i bëjë mjeku, sepse vetëm e vërteta mund të çojë në rrugë të drejtë dhe në zgjidhjen e problemit të varësisë. E rëndësishme është që pacienti të kuptojë mekanizmat që e kanë çuar atë në një sjellje të tillë. Ndërsa faza e fundit e trajtimit është parandalimi i rikthimit të zakonit. Terapistët dhe pacientët diskutojnë hapur për mënyrat e rikthimit të varësisë dhe për mënyrat e parandalimit e të ndalimit të tyre. Një rol shumë të madh, edhe pse kjo nuk ndodh shpesh, luan në kurimin e varësisë partneri, apo partnerja e pacientit. Në rastin e Tiger Wood, bashkëshortja e tij, Elin Nordegen, i ka bërë të shoqit disa vizita në qendrën e intoksikimit. Terapia e kurës nuk ka vetëm për qëllim të rehabilitojë personin që ka varësi, por edhe martesën e tij, pra rehabilitimin dhe korrigjimin e marrëdhënies në çift. Varësia ndaj seksit është shumë e përhapur te meshkujt. Dikush e shpreh me vajtjen me shumë femra, të tjerë janë të varur nga pornografia dhe shpesh kjo nuk ka të bëjë me faktin se këta individë nuk e duan partneren, por thjesht janë të varur dhe nuk e kanë veten në dorë kur është fjala për një gjë të caktuar. Seksi në këtë rast është si alkooli, apo cigarja, vetëm se ato nuk bëhen shkaqe divorci, ndërsa seksi bëhet. Kjo edhe për shkak se shpesh ata që kanë varësi ndaj seksit janë shumë të fshehtë ndaj grave të tyre dhe kur ato e marrin vesh një gjë të tillë trauma që pësojnë nga kjo e papritur është shumë më e madhe se trauma që mund të pësonin nga vetë bëmat. Por një terapi intoksikimi nuk përfundon me 6 javë. Ajo është një proces që vazhdon dhe zgjat në kohë dhe mbi të gjitha duhet monitoruar e vetëmonitoruar që situatat të mos përsëriten. Dhe ja një fjali e fundit, që në fakt përmbledh thelbin e terapisë. Dezintoksikimi nga varësia seksuale nuk ka të bëjë me shndërrimin në një qenie që nuk bën seks, por në një qenie që ndien lumturi nga të bërit seks, e jo vetëm epsh.

[tipi engjellor]

valla me lexu se lexova se qenka gjate hahahahah po nje gje e di qe eshte semundje .....sikur droga .....se me hy e veq ne keto gjera duhet me ditur se ska familje me per ty......

.....e qka ka me kan?

[VoOoglushja]

... tregoja kur rritem edhe pak :P hahahaha

[Skyfter]

Shembulli taze Ryan Giggs, idol i mijerave-milioneve te rinj.



Ps. Keta te Wales-it (natyrisht jo te gjithe) e kishin ket sindrom, ket e ka pase edhe ajo kudra Lady DIE!

[Zanzi/M]

Nese e shikojme drejt dhe me sy realist me mire eshte te te kaploj kjo semundje (smundja sexit) se sa ..... psh: zhuga :d :)

[Guri i madh]

Postimi origjinal është bërë nga Zanzi/M

Nese e shikojme drejt dhe me sy realist me mire eshte te te kaploj kjo semundje (smundja sexit) se sa ..... psh: zhuga :d :)

marova tuj u krue prej zhuges e kam gjet ilaqin me boq te kallamoqit po kruhna

[tipi engjellor]

Postimi origjinal është bërë nga Skyfter

Shembulli taze Ryan Giggs, idol i mijerave-milioneve te rinj.



Ps. Keta te Wales-it (natyrisht jo te gjithe) e kishin ket sindrom, ket e ka pase edhe ajo kudra Lady DIE!

per kete eshte gabim shume e shef qe shpesh del semundje....pra moskontrolli i epshit.....

[emine]

qysh thirret qajo smunja qe sun bajsh sen

[tipi engjellor]

asaj smundje i thojn perdore veq per nevoje....

[emine]

Postimi origjinal është bërë nga Zanzi/M

Pse a ke ndegju ndonjehere se ka naj mashkull shqiptar qe vuan nga ajo smundje aa??? Te pakten jo deklarativisht. :d

jo skam degju,ke degju ti nojher se asnje mashkull se pranone qe o impotent qofte edhe 80 vjec,fjala ra per shqiptaret

[Zero Cool]

Kur mashkulli humb interesin per seks







Nese partneri juaj mohon seksin, nuk mund te jete vetem se ka nje grua tjeter ne jeten e tij, sepse do t’i jape fund marredhenies apo nuk i dukeni me e bukur dhe joshese. Shume burra vuajne me problemin e ereksionit kur ata jane te stresuar apo sepse ne jeten e tyre ka dicka qe i shqeteson.

Shpesh femrat fajesojne veten kur partneri nis te shfaqe shenjat e para ndaj deshires se ulet per seks. Ato ndjejne se ka dicka qe nuk shkon mire ne tekniken tyre te te berit dashuri apo se partneri nuk i pelqen me. Studiuesit mendojne se disa nga arsyet qe i bejne burrat te mos kene deshire seksuale jane:

Lodhja

Nese partneri juaj ka punuar shume, duke u perpjekur te arrije te pamunduren dhe te beje me te miren ne profesionin e tij, lodhja dhe merzia, nese gjerat nuk shkojne ashtu sic do ai, mund te shkaktoje probleme ne jeten tuaj seksuale. Kjo mund te shpjegoje humbjen e rastesishme te ereksionit, te cilen e vuajne te gjithe burrat, por ne kohe te ndryshme. Nese bashkeshorti juaj humbet ereksionin gjate aktit seksual, eshte shume e rendesishme qe te mbeshtesni ate dhe te menjanoni akuzat per humbjen e interesit ndaj jush, apo te nisni nje zenke, pasi kjo do te perkeqesonte gjerat. Ndonjehere nje pushim i shkurter para se te perpiqeni te rinisni akti seksual, eshte ajo cka nevojitet, por nese ai ende vazhdon te kete veshtiresi, ju thjesht tregoni mirekuptimin tuaj dhe faktin se ai eshte vertet i rendesishem per ju. Nese marredhenia juaj po kalon probleme parash, shqetesime me femijet, veshtiresi te tjera seksuale, apo zenkat e vazhdueshme, mund te jene arsye te tjera per humbjen e deshires per seks te partnerit tuaj.

Problemet emocionale mund te cojne ne veshtiresi te ereksionit, pasi besimi apo ndjenja e intimitetit me partnerin ndikohet drejtperdrejt. Te gjithe e dime qe eshte e veshtire te ndizesh nese dite pas dite borxhet shtohen. Nese merrni nisma per te kaluar keto probleme financiare, veshtiresite tuaja mund te parandalohen, sidomos nese nuk ka arsye te tjera psikologjike.

Vetevleresimi

Shqetesimi juaj, nese partneri juaj mendon se vazhdoni te jeni terheqese, ndikon shume ne deshiren tuaj per seks. Perpiquni te permiresoni vetevleresimin tuaj dhe do te shihni se edhe ai do t’u shoh me sy tjeter. Diskutimi i ndjenjave eshte gjithashtu e rendesishme te shpjegoni ndjenjat tuaja per ate qe ka ndodhur dhe te kerkoni ndihme ne perballimin e emocioneve qe mund te jeni duke perjetuar. Burimi i shqetesimit mund te jete marredhenia juaj dhe menyra se si ai ndihet me ju. Inkurajoheni te hapet per ato qe po ndodh me ju. Filloni duke thene dicka te tille si: “E di se me siguri mund te duket dicka koti, por...”. Mos vazhdoni me shqetesimet tuaja per humbjen e deshires se tij. Inkurajoheni ate te beje te njejten gje me ju, pasi ka gjasa qe personi tjeter te jete po aq i shqetesuar sa edhe vete ju. Ne kete menyre mund te veproni si nje skuader dhe ta zgjidhni problemin se bashku, ne menyre qe ta shmangni ceshtjen nga frika.

A eshte mire ai?

Nese partneri juaj vuan rregullisht nga mungesa e ereksionit, ai duhet te kontrollohet. Veshtiresia ne ereksion mund te jete nje tregues i semundjeve si diabeti apo semundjes e zemres. Mos e trembni partnerin tuaj, duke i thene se mund te kete nje semundje serioze, por sugjerojini nje kontroll per t’u siguruar se eshte mire. Ai duhet ta informoje doktorin per te gjitha simptomat e humbjes se ereksionit dhe cdo problem tjeter shendetesor qe mund te kete kaluar. Shpesh disa pilula, te rekomanduara nga doktori, mund ta risjellin ereksionin me lehtesi. Nese doktori rekomandon se ka nevoje per teste te tjera apo trajtime per nje semundje, eshte me mire te veproni me shpejtesi, pasi problemet e shendetit te pa kuruara mund te jene me te veshtira te riparohen ne nje faze me te larget. Nese e shtyni, pasi besoni se paaftesia e tij per te pasur ereksion vjen pasi ju nuk i dukeni terheqese, mund te mos e gjeni kurre zgjidhjen qe kerkoni. Tregoni kujdes per humbjen graduale te ereksionit per nje periudhe te gjate, pasi kjo ka gjasa te jete nje tregues semundjeje. Nje humbje e shpejte e ereksionit (per shembull ne nje rast), kjo ka gjasa te lidhet me shqetesime emocionale.

[Zero Cool]

Edhe gratë e vuajnë varësinë ndaj seksit


E dimë që gratë vuajnë nga varësia ndaj ushqimit, droga dhe alkooli, apo nga shoping-u. Por ka shumë pak kërkime mbi varësinë e grave ndaj seksit. Në të vërtetë, edhe ato vuajnë nga kjo patologji






Kur flitet për varësi ndaj seksit, e para gjë që na vjen në mendje lidhet me të “sëmurin”, që me patjetër duhet të jetë mashkull. Në fakt, jemi mësuar me këtë gjë nga mediat. Në të vërtetë, edhe gratë vuajnë nga kjo patologji. Një terapeutist amerikane ka vendosur të rrëzojë një tabu që për shumë kohë ka mbetur “nën gjurmët e shoqërisë”. Një studim i saktë ka nxjerrë në pah tashmë detaje të tjera. Sipas doktor Robert Weiss, drejtor i “Sexual Recovery Institute” në Los Anxhelos, për këtë lloj varësie kanë gjetur shpëtim shumë gra. Po flasim për një shifër, ku numri i pacienteve gra, sipas periudhave kalon nga 8 deri në 12 për qind. Edhe pse mund të duken shifra shumë të ulëta, në të vërtetë nuk janë. Sipas mjekut ka shumë mundësi që të bëhet fjalë për një nënvlerësim të situatës. Shumë gra, nga ana tjetër, e frenojnë këtë problem nga frika e paragjykimeve të njerëzve që i rrethojnë. Pjesa më e madhe e femrave e jetojnë varësinë nga seksi si tabu që transformohet në burim turpi dhe pengese ndaj kërkesës për këshillim. Ja se si e shpjegon doktor Weiss: “Mediat na thonë se varësia seksuale godet vetëm burrat, të paktën kjo është ajo që na bëjnë të besojmë. Burrat tradhtojnë gratë, shkojnë me prostituta, shkojnë në klube striptistesh, vizitojnë sajtet porno e shumë e shumë gjëra të tjera. Dimë që gratë vuajnë nga varësia ndaj ushqimit, droga dhe alkooli, apo nga shoping-u. E vërteta është se ka shumë pak kërkime mbi varësinë e grave ndaj seksit”.

Pasiguri dhe ankth

Sipas studimeve të fundit, ata që janë të prekur nga varësia ndaj seksit, kanë më shumë ankth dhe janë më të pasigurt në krahasim me të tjerët. Në mënyrë shkencore flitet për OOSCH, akronim i marrë nga anglishtja “Out of Control Sexual Behaviours”, ose ndryshe sjellje seksuale jashtë kontrollit. Kjo tipologji sjelljeje është nën “lenten” e shumë seksologëve dhe psikologëve që prej kohësh po studiojnë pasojat dhe shkaqet. Mes tyre edhe psikologia klinike Karen Faislander, nga “Massey University” i Zelandës së Re. Në studimet e saj, doktoresha është interesuar për anën emotive të një varësie të tillë, duke u përpjekur të shpjegojë se si mund të ndihet një person i prekur nga varësia ndaj seksit. “Fjala varësi ndaj seksit shpesh nuk kuptohet si duhet dhe nënvlerësohet. Nuk ekziston asnjë trajtim i vlefshëm i njohur deri më sot. Nuk e dimë se çfarë e shkakton dhe si ta trajtojmë. Por është e mundur të analizojmë efektet dhe e kemi bërë këtë”, shpjegon doktoresha. Ekipi i saj studioi rreth 600 persona të prekur nga varësia ndaj seksit, i nënshtruan ndaj një pyetësori shumë të gjerë dhe të përqendruar te shqetësimet e tyre dhe studiuan rezultatet. Vetëm 407 persona nga 600 gjithsej, pavarësisht anonimatit të pyetësorit për motive të ndryshme e pranuan varësinë nga seksi. Faktori i dytë dhe më i rëndësishmi ishte se pothuajse të 600 vullnetarët pranuan se vuanin më shumë nga ankthi dhe pasiguria për gjërat, sidomos nëse u duhej të nisnin një lidhje të re romantike. Të dhënat e marra në konsideratë në studim ishin të shumta. Sjelljet seksuale u analizuan nga çdo pikëpamje: çdo vullnetari iu kërkua, duke nisur nga seksi, sa kohë kalonin duke parë material pornografik online, nëse kishte qenë ndonjëherë protagonist i episodit të prostitucionit aktiv ose pasiv, se kishte rënë ndonjëherë pre e studimit për të bërë seks në publik. Por mjekët thonë se ajo që duhet të kujtojmë gjithmonë është se aktiviteti seksual normal nuk është vetëm kënaqësi, por mund të na ndihmojë për një jetë më të gjatë dhe sigurisht edhe më të lumtur. Mbi të gjitha, seksi është një analgjezik shumë i mirë. Kjo për meritë të plotë të hormonit ositoksinë, i cili prodhohet nga trupi ynë sa herë që ne kryejmë marrëdhënie seksuale dhe është përgjegjës për arritjen sa më të mirë të një orgazme. Falë ositoksinës arrihet realizimi i endorfinës, që në nivel trupor provokon ndjenjën e kënaqësisë dhe kërkon t’u japë më shumë frymëmarrje edhe dhimbjeve artikulare e muskulore ose ndoshta të zgjidhë dhe dhembjen e kokës. E kundërta ndodh me personat sekosdipendentë. Më shumë se sa kënaqësia nga një marrëdhënie, ata mund të konsiderohen si të sëmurë që u ka ardhur ora e ilaçeve, në të kundërt bëhen agresivë dhe të dhunshëm.