KUMTESË E KRYESISË së Lidhjes së Shkrimtarëve të Kosovës

Shpati · 09-11-09, 21:54

KUMTESË E KRYESISË së Lidhjes së Shkrimtarëve të Kosovës

Kryesia e Lidhjes së Shkrimtarëve të Kosovës, në mbledhjen e mbajtur më 6 nëntor 2009, në Prishtinë, shqyrtoi gjendjen në institucionet tona shkencore, në mënyrë të veçantë në Akademinë e Shkencave dhe të Arteve të Kosovës.

Meqenëse në diskutim u paraqitën mjaft të dhëna që dëshmojnë se këto institucione janë të politizuara në shkallë të palejueshme, Kryesia e Lidhjes së Shkrimtarëve të Kosovës e quan të nevojshme që opinionit të Kosovës t’i drejtohet me këtë Kumtesë.

1. Kryesia e Lidhjes së Shkrimtarëve të Kosovës është e shqetësuar dhe e brengosur për shkak të pasojave që një politizim i tillë ka prodhuar dhe vazhdon të prodhojë në shkencën tonë, në planifikimin, në vlerësimet dhe në afirmimin e saj si në Kosovë, ashtu edhe në gjithë hapësirën kombëtare.

2. Kryesia e Lidhjes së Shkrimtarëve të Kosovës konstaton se përkatësia partiake është bërë kriter për pranimin dhe për dhënien e titujve shkencorë në institucionet shkencore, gjë që ka sjellë dhe vazhdon të sjellë deformime të tjera në veprimtarinë e tyre shkencore, kulturore dhe shoqërore.>>>

3. Kryesia e Lidhjes së Shkrimtarëve të Kosovës konstaton se pasojat më të mëdha të një politizimi të tillë janë shprehur në veprimtarinë e Akademisë së Shkencave dhe të Arteve të Kosovës. Institucion njëpartiak në kohën e komunizmit, kjo Akademi vazhdon të jetë institucion njëpartiak edhe sot, madje partiakisht më i anshëm sot se atëherë. Opinionit tonë nuk i është bërë e mundshme të informohet se gati të gjithë funksionarët më të lartë të LDK-së janë bërë anëtarë të Akademisë së Shkencave dhe të Arteve, kurse prej 9 anëtarëve të sotëm të Seksionit të Gjuhës e të Letërsisë 7 janë anëtarë të LDK-së, ndërsa 5 prej tyre anëtarë të djeshëm apo edhe të sotëm të Kryesisë ose të Këshillit të Përgjithshëm të kësaj partie!

4. Kryesia e Lidhjes së Shkrimtarëve të Kosovës konstaton se Akademia e Shkencave dhe e Arteve të Kosovës është e drejtuar vetëm prej anëtarëve, shpesh, madje, vetëm prej funksionarëve të një partie – të LDK-së! Për të qenë edhe më tragjikomike, më e papranueshme dhe më e palejueshme udhëheqja e saj, Akademia e Shkencave dhe e Arteve të Kosovës drejtohet prej një grupi partiako–lokal! Kështu, fjala vjen, qe 17 vjet në krye të Akademisë e ndërrojnë njëri–tjetrin një kimist e tre gjuhëtarë, kurse në Kryesi u asistojnë fqinjë të vendlindjes e të partisë!
Kjo udhëheqje ka shkelur dhe vazhdon të shkelë procedurat elementare demokratike gjatë zgjedhjes së anëtarëve të rinj të Akademisë; e shkurton afatin e zgjedhjes në dy vjet kur do të shtojë numrin e bashkëpartiakëve të vet dhe e zgjat në katër vjet kur do të shtyjë pranimin e të tjerëve. Për të siguruar që të pranohen vetëm bashkëpartiakët e saj dhe të pengohet pranimi i të tjerëve, kjo udhëheqje e ka bërë Seksionin organ i cili, në vend se Kuvendi i Akademisë, vendos kush do të pranohet në Akademinë e Shkencave dhe të Arteve të Kosovës, çka nuk ndodh në asnjë akademi në Evropë!

5. Kryesia e Lidhjes së Shkrimtarëve të Kosovës thekson se uzurpimi i tillë njëpartiak i Akademisë dhe i Kryesisë së saj ka bërë: që në Akademi të sillen edhe disa shkrimtarë – kritikë, prozatorë e poetë të cilët, po të mos ishte ajo ashtu e uzurpuar, nuk do të bëheshin anëtarë të saj; që në vazhdimësi të refuzohen studiues, shkrimtarë dhe krijues të tjerë me vepër të çmuar shkencore, letrare, artistike dhe me merita të mëdha për arsimin dhe për kulturën e Kosovës.

6. Kryesia e Lidhjes së Shkrimtarëve të Kosovës konstaton se Akademia e Shkencave dhe e Arteve të Kosovës, për shkak të uzurpimit të tillë të skajshëm partiak, nuk ka sot në përbërje të saj asnjë historian, asnjë arkeolog, asnjë leksikolog e leksikograf, asnjë historian të krijimtarisë popullore, asnjë mjek. Deri sivjet, në përbërje të saj kjo Akademi nuk e kishte asnjë ekonomist sado Kosova ka një varg ekonomistësh të njohur e të çmuar edhe jashtë Kosovës. Po sivjet në Akademinë tonë u pranua një ekonomist dhe ky është një funksionar i LDK-së, njëkohësisht kryetar i Prishtinës!

7. Kryesia e Lidhjes së Shkrimtarëve të Kosovës është e bindur se si pasojë e këtyre deformimeve, e kësaj papërgjegjësie shkencore, intelektuale dhe morale të uzurpuesve të Akademisë, Akademia e Shkencave dhe e Arteve të Kosovës, në mënyrë të veçantë dy seksionet e saj themelore - Seksioni i Gjuhës dhe i Letërsisë dhe Seksioni i Shkencave Shoqërore, nuk kanë realizuar deri sot dhe nuk do të jenë në gjendje të realizojnë as sot e tutje me përbërjen që kanë asnjë projekt kërkimor-shkencor me rëndësi historike për Kosovën e aq më pak për popullin shqiptar në përgjithësi. Akademia e Shkencave dhe e Arteve e Kosovës sot vepron si një shtëpi modeste botuese, e cila boton çka është botuar shumë kohë përpara dhe riboton veprat e disa anëtarëve të saj, ndonjëherë pavarësisht prej vlerës së tyre!

8. Kryesia e Lidhjes së Shkrimtarëve të Kosovës shpreh indinjatë pse mediet tona nuk janë marrë deri sot dhe nuk merren as sot me politizimin e institucioneve tona shkencore dhe me deformimet e sipërshënuara në Akademinë e Shkencave dhe të Arteve të Kosovës. Kryesia e Lidhjes së Shkrimtarëve të Kosovës është e vetëdijshme se heshtja e tillë e medieve është pasojë, në njërën anë, e mungesës së transparencës në Akademi, kurse, në anën tjetër, e trysnive që iu bëhen prej strukturave partiake të cilave iu takojnë përdoruesit dhe shpërdoruesit e Akademisë sonë!

9. Kryesia e Lidhjes së Shkrimtarëve të Kosovës fton opinionin e Kosovës, krijuesit shkencorë dhe artistikë, sidomos institucionet politike dhe shtetërore që të bëjnë çka varet prej tyre për reformimin e institucioneve tona shkencore, për ndërprerjen e politizimit të tyre, për ndërrimin e gjendjes së përkeqësuar në Akademinë e Shkencave dhe të Arteve të Kosovës, e cila cenon, në afat të gjatë historik, interesat shkencore, kulturore dhe, në përgjithësi, shoqërore të Kosovës.

Kryesia e Lidhjes së Shkrimtarëve të Kosovës i bën me dije opinionin kosovar dhe institucionet politike e shtetërore se do t’i vazhdojë përpjekjet për ndryshimin e gjendjes së politizuar në institucionet shkencore dhe kulturore, sidomos për ndryshimin e gjendjes së uzurpuar në Akademinë e Shkencave dhe të Arteve të Kosovës.

Prishtinë Kryesia e LSHK-së
më 6.11.2009 Kryetari

ADEM DEMAÇI
09/11/2009

Domira · 09-11-09, 22:41

Zoti hajr e baft!

Shpati · 09-11-09, 22:44

Citim:

Postimi origjinal është bërë nga Domira

Zoti hajr e baft!

Fjala jote ne vesht te Zotit -ishalla del hajr.

**LOJETARI** · 10-11-09, 00:09

Nime ky kryetari i shoqates se prozatoreve ka probleme serioze .Po normal qe ne Akademi te shkencave jane LDK -ista , keta te partive tjera as gjimnazin nuk e kane te kryer .

Tropojani30 · 10-11-09, 05:13

Turma enveriste deshiron shkrimtaret te jene si Adem Demaqi me dy jave shkolle nate edhe ate vetem vitin e pare te gjimnazit.Deshirojne edhe ne akademi te dominojne cobanet , ne secilin shteg(institucion) kane futur nga nje coban me nga nje dhi.Jane mesuar/kalitur, cobanet vetem me bageti u duket shume e cuditshme qe ne AKSHK ka akademik..Do te ishte mire t'i vrisnit akademiket se juve dija ua verbon mendjet.

Shpati · 10-11-09, 09:33

Citim:

Postimi origjinal është bërë nga Tropojani30

Turma enveriste deshiron shkrimtaret te jene si Adem Demaqi me dy jave shkolle nate edhe ate vetem vitin e pare te gjimnazit.Deshirojne edhe ne akademi te dominojne cobanet , ne secilin shteg(institucion) kane futur nga nje coban me nga nje dhi.Jane mesuar/kalitur, cobanet vetem me bageti u duket shume e cuditshme qe ne AKSHK ka akademik..Do te ishte mire t'i vrisnit akademiket se juve dija ua verbon mendjet.

Diku ne fillim te viteve te nendhjeta Ruset e paten mbyll nje Universitet ne Azerbejgjan.
Arsyeja!
Pergjegjesit e Universitetit kan shprendar Diploma te afermeve.
Vetedija e jote esht e vogel te kupton problemin qka sjell ,nje sjellje e till.
Ata qka duhet te mesojn jan te paditur!
Me ta perkthye Shqip.
Nje i paditur nuk mund ta meson nje te paditur.
Do te thot viktim do te jet populli Shqiptar.
Demaqi nuk kerkon qe antar te partis se tij ose te aferm te tij te jen atje, (keshtu ka vepruar Rugova dhe tash ende vepron shoqenia e tij) por ata qka i plotesojn kushtet pra ata qka jan me te ditur.

Guri i madh · 13-11-09, 16:40

une si kryetar te lidhjes se shkrimtarve te kosoves e njoh ADEM GASHIN e jo demaqin

Adil Kosovari · 13-11-09, 22:51

Ky Demaqi gjithe jeten ka luftu kunder LDKse. Burrec eshte ky. Kush e vuri ne krye te Lidhjes se Shkrimtareve. Mire ka qene ne at shoqaten e minoritareve. Per dite e me shume po matufoset i gjori.

Guri i madh · 13-11-09, 22:57

Citim:

Postimi origjinal është bërë nga Adil Kosovari

Ky Demaqi gjithe jeten ka luftu kunder LDKse. Burrec eshte ky. Kush e vuri ne krye te Lidhjes se Shkrimtareve. Mire ka qene ne at shoqaten e minoritareve. Per dite e me shume po matufoset i gjori.

ky demaqi tipik stalinist kishte pervoj me bae PUQ me permbys udh,heqsa me shantazhe ,ose ma mir me than udh,heqs i dhunshem si ne kohen e SLLOBODAN MILLOSHEVIQIT

**GURI SYLAJ** · 13-11-09, 23:18

Ngone tash KUMTESEN e radhes per Bashkesin Islame me akuzen se te gjithe ata ne kryesi i falin pese vaktet!!? Dhe se ne kryesi nuk e kan asnje te fese Budiste???
Po, njemend ,shkrimtaret njehere shohin enderra e mandej ato i qesin ne leter!!