Gjykimi kunder ALBIN KURTIT

[legenda]

Sot mbahet gjykimi kunder Albin KURTIT




Seanca fillon ne oren 10:00 dhe mbahet ne Gjykaten e Qarkut te Prishtines.
Si pale e demtuar ne kete seance jane ftuar keta pesona: PSSP UNMIK, Ministri i Puneve te Brendshme te Kosoves, Bujar Mehmeti, Ismet Hajdini, Nexhdet Kaliqani, Deme Demebogaj, Nebih Morina dhe Rrahman Berisha.
Nderkaq si deshmitare kunder Albinit jane ftuar Shkodra Muzafer, Albert Osaj dhe Ismet Hajdini.

[legenda]

LETER E HAPUR DESHMITAREVE NE PROCESIN GJYQSOR NDAJ
ALBIN KURTIT

Te nderuare bashkeshtetas te mije shqiptar, deshmitare ne procesin politik kuder Albin Kurtit, por edhe ju te tjere jo shqiptar, e qe shumica vini nga vendet qe kahere kane promovuar drejtesine e mirefillte ne sistemet e tyre te gjyqesise se pavarur,


Me daten 19.9.2007, do te filloj procesi i montuar politik gjyqesor ndaj liderit te levizjes “Vetevendosje” Albin Kurtit, i cili, bazuar ne pikat e aktakuzes zyrtare te ngritur kunder tij, ai, aty, nuk do te paraqitet si i pandehur, por si i demtuar, jo si kriminel por si liridashes dhe zedhenes real i synimeve te verteta te popullit te vet, ku permes organizimit te nje proteste gjithepopullor jane shpalos keto kerkesat te natyrshme dhe civilizuese per pavaresi dhe vetevendosje. Bilanci i tyre dihej: 2 te vdekur dhe mbi 80 te lenduar.
Ju, ne kete proces do te paraqiteni si deshmitare. Shumica do te jeni nga te tanet, por do te kete dhe nga ata te tjere, nderkombetar. Kete here, une fare nuk do te merrem me ata deshmitare nga radhet e perfaqesuesve nderkombetar, por shenjestren e apelit tim do ta orientoj kah ju, te tanet.
Te nderuar deshmitare shqiptar ne kete proces te montuar politik,
Ate çfare ky popull me dhjeta vite perjetoi nga nje sundim me i eger dhe nje regjim me shovinist ne Evrope, sot, me disa metoda te ngjashme por ne nje menyre dhe forme me perfide, po perseriten edhe nga ky regjim kinse demokratik i UNMIK-ut, i cili, qe 8 vite eshte i instaluar ne Kosove dhe po luan pameshirshem me fatin e popullin tone shumice shqiptar.
Te gjitheve, sigurisht ende ju kujtohen proceset te montuara politike ”famoze” gjyqesore, kunder “iretendisteve”, “terroristeve” dhe “separatisteve” shqiptar, dhe ne to, denimet e shqiptuar nga me drakoniane ndaj “fajtoreve”. Atebote, keto gjykata, akuzat e paverteta kundra ketyre djelmoshave tane, i mbeshtetshin ne fakte te kurdisura dhe trillime nga me absurde, e posaçerisht ato bazoheshin ne deklaratat e deshmitareve te rrejshem.
Intimisht, gjithmone jam rreqethur kur tentoja t’i kuptoj keta deshmitare, se si ata munden qe me deshmite e veta te rrejshme te paraqiten para organeve te instaluar te dritesise se pushtuesit, duke deklaruar pa fije turpi, trillime nga me te ndryshmet, vetem e vetem qe te denohen sa me rende atdhetaret tane me te deshmuar te çeshtjes kombetare.
Edhe pse gerditsha me ta, kete marrezi te tyre, shpesh tentoja t’iu arsyetoj me shantazhe dhe presione nga me drastike qe ju beheshin, duke mos perjashtuar edhe ato fizike, te cilat i ushtronte atebote UDB-ja, vetem e vetem ta permbushte farsen formale te mbarevajtjes gjoja ligjore dhe te mbeshtetura ne fakte te ketyre proceseve gjyqesore qe kryekeput kane pasur prapavije politike.
Ky pushtet i sotem i UNMIK-ut, me disa metoda te veta te veprimit, si duket, edhe nuk dallon aq shume nga ato te meparshme te Serbise.
Shprehur me gjuhen e plakut tone popullor te lagjes, mixha Dile, keta te tanishmit, njesoj po na “shkerdhene” por vetem po i dallon poza e veprimit: ata te paret na kane “fut” ashiqare dhe balle per balle - “perpara”, kurse keta te dytet, pak me nje stil me te persosur dhe jo aq ashiqare,-“nga prapa”.
Sa e sa procese politike gjyqesore jane mbajtur pas lufte ne Kosove, ku ne to si te akuzuat ishin veteranet dhe luftetaret me te devotshem te UÇK-se?
Procese keso te montuara, nuk paten vetem permasa kombetare por edhe nderkombetare duke na i derguar komandant tane legjendar te UÇK-se edhe ne Gjykaten e Hages.
Te nderuar deshmitar shqiptar,
Keso fakte te proceseve te montuara politike gjyqesore, ndaj njerezve dhe bijve me te mire te ketij populli, kemi mjaft, dhe secila nga to, ne vete ngerthejne nje histori te dhembshme.
Ne vazhdim, te ndalemi ne kete proces te fundit, ne ate ku ju para altarit te kesaj drejtesie UNMIK-ase, do te paraqiteni si deshmitare.
Para se ta merrni kete rruge me19 shtator te ketij viti, ju lutem vetem per nje çast, perkujtoni emrat e dy deshmoreve tane te fundit te lirise: Mon Balajt dhe Arben Xheladini. Ktheni filmin mental te kesaj ngjarje dhe le t’ju ushtoj ne vesh deklarata e prinderve krenar te ketyre djelmoshave te viktimizuar mu ne lulen e rinise: “Hallall ju qofte qumeshti i nenes ...ata rane per idealin e tyre te vetevendosjes”
Doni ende deshmi? Ka mjaft?
Albin Kurti dhe levizja “Vetevendosje” atakohet nga ky regjim antidemokratik sepse eshte kunder bisedimeve me Serbine, armiken tone shekullore e cila ne luften e fundit ne Kosove vrau rreth 14.000 njerez. Afer 90% prej tyre civile te paarmatosur. Te pambrojtur. Kryesisht femije, gra dhe burra te moshuar. Rreth 3.000 persona te rrembyer jane ende te pagjetur. Pjesa derrmuese e tyre gjenden ne Serbi. Afer 20.000 femra te dhunuara. 740.000 persona te deportuar dhunshem. 120.000 shtepi te shkaterruara apo te demtuara nga ushtria serbe.
Albin Kurti dhe levizja “Vetevendosje” atakohet nga ky reshim antidemokratik sepse angazhohet dhe propagandon Vetevendosje! Pa kusht. Deri ne shkeputje perfundimtare. Deri ne çlirimin e plote te vendit.
Sepse, asnje populli nuk mund t'i vendosen kushte per lirine e vet. Sepse, çdo popull ka te drejte te dekolonizohet; te jete percaktues absolut i kahjeve te zhvillimit te mundesive te veta; i resurseve vetjake ekonomike; i pasurive te veta nentokesore. Te percaktoje lirshem identitetin e tij dhe te kultivoje i papenguar frymen autentike kulturore. Kerkon vetevendosje, sepse kjo eshte diçka e natyrshme: eshte gje e pritshme te vendosim ne interes te vetes me shume seç do ta bente kete gje tjeterkush dhe gjithkush tjeter per ne.
Te nderuar deshmitar shqiptar, te ketij procesi te montuar politik.
Dijeni se, mu kjo çfare predikon Alkbin Kurti dhe levizja “Vetevendosje”, jane vetem stereotipe te synimeve tona te verteta te trysura si ideale ne ndervetedijen tone kolektive si popull, per te cilat, gjate shekujve jane dhene shume jeta dhe eshte derdhur shume gjak. Albin Kurti, eshte vetem artikulues i ketyre zerave te natyrshem latent ne brendesine e ndervetedijes se çdo individi qe ka ne veta gjene te pastra shqiptare. Ai eshte vetem shpirti i bashkuar kolektiv ne veprim. Andaj, pa marr parasysh dhunen, burgosjet, proceset e montuara dhe viktimat, ideali i “Vetevendosjes” do te fitoj patjeter, sepse, siç thote Albini, populli eshte nisur drejt saj.
Albin Kurti dhe pjesetaret tjere nga levizja “Vetevendosje”, jane bijte dhe bijat me te zgjedhur te popullit tone. Ky organizem nuk eshte vetem institucionalisht si nje levizje popullore, por ajo paraqet edhe nje universitet akademik ku kaliten dhe pergatiten mira e mira atdhetare te rinj, timonier dhe bartes te ardhshem te proceseve shoqerore - politike ne Kosove.
Pra, ajo eshte nje kult i edukimit masiv, ku pergatitet nje brez i ri i cili eshte i panenshtrueshme para emocioneve dhe instinkteve momentale, qe refuzon te perkulet dhe nenshtrohet para sakrificave, nuk eshte pijatalipis dhe lajkatar, nuk frikesohet nga askush, e me se paku nga vetja. Eshte gjenerate qe eshte kalitur t’i gjej shkaktaret ne pasoja, te dallon realitetin nga iluzionet, te vleresoj sakte ç'eshte patjeter per momentin.
Tek ta nuk ka kokefortesi, por vendosmeri. Ata jane te patjetersueshem, sepse ne vete ngerthejne forcen e madhe te realitetit.
Ja, se pse gjykohet sot Albini Kurti dhe levizja “Vetevendosje”!
Ja, se ne çfare procesi gjyqesor do te paraqiteni ju si deshmitare!
Edhe nje kerkese te vogel kam prej jush, te nderuar bashkekombes te mi: Para se te shkoni te deshmoni, kujtoni pergjegjesite e vertete te ketij procesi - policet rumun; larg nga vendi vepres se kryer dhe te dekoruar per krimin e bere. Provoni t’i paramendoni se si ata, duke degjuar deshmite e juaja te montuara, po ju “zgerdhihen” nga larg , te kenaqur se do t’i rehabilitoni.

[legenda]

Nese kur ne ndergjegjen e juaj nuk jeni ndjere ndonjehere sinqerisht shqiptar, e keni shansin ta beni ate mu me 19 shtator te ketij viti!
Nje fjale e urte latine thote: “Verba volant, scripta ma nent” (Ajo çka thuhet, e merr era, ndersa e shkruara mbetet perhere)
Ne kete proces deshmia e juaj do te shkruhet dhe stershkruhet jo vetem nga formalitetet zyrtare gjyqesore, por edhe nga shume te tjeret...
Dhe per fund, ate qe e kame thene edhe me pare ne shkrimet e mija, po e perseris edhe kete here: Si duket, tek ne, ka mjaft nga ai soj njerezish, qe nuk e di se historia shkruhet SOT, per t’u lexuar NESER? Qe nuk e dine se historia ka edhe nje taraf tjeter: “PLEHUN E SAJ TE HISTORISE”.
Ju pikerisht ne kete dite, jen ne pozite qe vete te zgjidhni se ne cilin taraf te historise deshironi te jeni.
Aman, mos e zgjidhni ate te turpit...?!

Adnan Abrashi

[legenda]

nga Albin Kurti



Çka po ndodh? Kah po na çojnë? Çka duhet të bëjmë?
-----------------------------------------------------------




Aq shumë koncesione ka bërë Grupi Negociator (GN) i Kosovës derisa ka arritur te pakoja e Ahtisaarit, saqë tash natyrisht se do të kërkohen koncesione të reja. Duke e parë fleksibilitetin e negociatorëve kosovarë, Serbia, Rusia, por edhe jo pak vende evropiane kërkuan negociata të reja. Serbia bile kërkonte negociata të drejtpërdrejta, duke pasur parasysh përfitimin që kishte nga këso lloj negociatash në Vjenë dhe duke qenë e vetëdijshme për inferioritetin e papërmirësueshëm të negociatorëve nga Kosova. Ata realisht ngadhënjyen në këtë betejë të rëndësishme. Tash, e gjithë ajo që quhet bashkësi ndërkombëtare është për negociata të reja dhe ato porsa kanë filluar. Madje është përcaktuar edhe një afat prej 120-ditësh për kohëzgjatjen e këtyre negociatave, që për fillim do të kenë formën e diplomacisë fluturuese. Me këto 120 ditë duan ta krijojnë përshtypjen se ka zhvillime, se megjithatë po punohet, se sidoqoftë ka angazhime dhe përpjekje, andaj njerëzit duhet të (vazhdojnë të) presin. Pra, ata do të shtiren se kinse po bëjnë diçka, në mënyrë që të mund të na thonë që ne, populli i Kosovës, të mos bëjmë asgjë. Që të mund ta kërkojnë pritjen dhe durimin, qetësinë dhe heshtjen e qytetarëve të Kosovës, atyre medoemos u duhej të shpiknin ndërmarrjen e ardhshme, farsën e radhës. Pikërisht kështu erdhi ky propozimi për 120 ditë, i cili jo vetëm që synon t'i paralizojë qytetarët, por nuk i lejon ata as të presin lirisht. Krejt çfarë duhet të bëjmë, sipas tyre, është të presim, mirëpo, jo edhe të presim ashtu siç duam vetë ne. Ndonëse realisht s'mund të themi gjë për mënyrën e pritjes, përderisa ajo asnjëherë s'është alternativë kundrejt asnjë konteksti, edhe në pritjen e "sugjeruar" (duan të) intervenojnë. U thuhej qytetarëve që duhet të presin fillimin e këtyre 120 ditëve. Tash u thuhet të presin skadimin e 120 ditëve. Më pas, sigurisht, do të kalojnë te premtimet e reja për të rifilluar me negociata të drejtpërdrejta m'u ashtu siç ka kërkuar Serbia. S'ka se si të jetë ndryshe. Sepse, qysh tash dihet se me përfundimin e atyre 120 ditëve, nuk mbaron ama bash asgjë. Rrjedhimisht, as pritja.
****
Zgjedhjet që po planifikohen tash, edhe njëherë për institucione pa sovranitet, janë të kota. Manipulimi me datën me dhe mënyrën e zgjedhjeve - si një aspekt themelor i demokracisë (atje larg, diku në botë) - i bën ato kundër-produktive. Vetë shefi i UNMIK-ut, Joakim Ryker, si një guvernator i kolonisë që është, tha se e sheh mundësinë e zgjedhjeve të reja nga prizmi i ndikimit në procesin e statusit. Ja se çfarë është kjo demokracia pa vetëvendosje, të cilën na e rrëfejnë dhe sjellin nga lart. Zgjedhjet do t'i mbajnë në nëntor të këtij viti, nëse vlerësojnë që në shtator ka potencial për shpërthim të situatës. Zgjedhjet do t'i shtyjnë për pranverë, nëse vlerësojnë se atëherë do të ketë mundësi shpërthimi, me ç'rast pakënaqësia kanalizohet në fushata parazgjedhore. Shpërthimin, për të cilin do të flasim më vonë, këta sigurisht nuk e duan tash. Shpërthimin e duan vetëm pas këtyre 120 ditëve dhe atëherë kur të jemi në prag të konferencës së re ndërkombëtare për Kosovën për marrëveshje të re me Serbinë, të arritur nga ky Grupi Negociator i Kosovës.
****
Ndërkohë, Grupi Negociator nuk do të ketë as mandat e as detyrë të re. Negociatorët kosovarë do të orvaten që t'i normalizojnë gjërat jonormale, që të jashtëzakonshmen ta bëjnë të zakonshme. Kush në këmbë e kush me duar, ata qysh tash kanë nisur fushatën që të pranohen edhe negociatat e reja. Më vonë do ta bëjnë edhe fushatën tjetër për pranimin e marrëveshjes me Serbinë, e cila (do të thonë ata) është në ujdi me bashkësinë ndërkombëtare, dhe (sërish do të thonë ata) e shpie Kosovën (edhe) një hap drejt pavarësisë. Ngjashëm, para tetë vjetëve e gjysmë, këta politikanë u patën "konsultuar" me popullin për dokumentin e Rambujesë të cilin, siç e mbajmë mend mirë, e shitën në emër të "referendumit" që kinse do të organizohej pas tre vjetëve. Natyrisht, referendum nuk pati, ai nuk u mbajt asnjëherë. Thuhej se do të merret për bazë "vullneti i popullit" mirëpo mendohej për popullin e tërë Jugosllavisë, meqë ne atje as që konsideroheshim popull. Burimet legale e juridike të problemeve të sotme, vijnë nga defektet dhe dëmet e shumta të Rambujesë. Është e domosdoshme që të përmenden gabimet e djeshme, për të kuptuar hallet e sotme. Me këtë rast, do të kufizohem duke i përmendur vetëm edhe 13 të këqija të tjera të Rambujesë, që na kanë degdisur në tatëpjetën ku po rrokullisemi sot: me shkuarjen në Rambuje bëhet shkelja e betimit të ushtarit të UÇK-së, por madje edhe e referendumit të vitit 1991; bëhet degradimi i luftës çlirimtare në konflikt të armatosur; Jugosllavia, të cilën nuk e pranonte atëbotë as vetë bashkësia ndërkombëtare, bëhet shtet i shqiptarëve përmes katër nënshkruesve shqiptarë, që pranuan integritetin territorial dhe sovranitetin e Jugosllavisë; bëhet kategorizimi i popullit shqiptar në Kosovë si bashkësi nacionale sikurse edhe serbët në Kosovë, që më së shumti ishin vetëm 8%; vuloset mungesa e sigurimit shtetëror për Kosovën, duke paraparë vetëm sigurimin publik për të; bëhet trajtimi i Kosovës si pjesë e Serbisë, përveçse e Jugosllavisë, me ç'rast Kosova duhej t'i dërgonte 20 deputetë në Kuvendin e Serbisë; nuk përmendet askund UÇK-ja - ajo konsiderohet në grupin e formacioneve të tjera; nënshkruhet çarmatosja e UÇK-së; bëhet defaktorizimi i plotë i Kosovës dhe natyrisht se pastaj përfaqësuesit e saj nuk i pyet askush për marrëveshjen në Kumanovë e as për Rezolutën 1244; u jepet pushtet i madh komunave, gjë, që e bën Kosovën dhe integritetin e saj territorial shumë të brishtë dhe mundëson autonomi brenda autonomisë; bëhet pamundësimi i mëvetësisë ekonomike të Kosovës, resurseve të saj e i kontrollit të kufijve dhe qarkullimit të mallrave; bëhet pamundësimi i së drejtës së Kuvendit të Kosovës për ndryshime kushtetuese; që prej atëherë çdo dokument në Kosovë bëhet në bazë të marrëveshjes së Rambujesë ose ndonjë dokumenti tjetër që i referohet marrëveshjes së Rambujesë. E gjithë kjo batërdi juridike e politike u hesht atëbotë, duke u mbuluar me gënjeshtrën për referendumin pas tri vjetëve; për referendumin që po na mohohet edhe pas tetë vjetëve!
Negociatorët kosovarë rregullisht e kanë gënjyer popullin. Pse do të ishte ndryshe tash? Pse do të jetë ndryshe në të ardhmen? Sa më shumë që gënjejnë, aq më tepër zvogëlohen gjasat që të mos gënjejnë edhe herën e ardhshme. Induksioni e thotë këtë. Induksioni s'ka nevojë për përvojën; por, anasjelltas, vlen. Të besosh se do të jetë ndryshe kësaj radhe me këta negociatorët kosovarë, kjo s'ka kurrfarë shpjegimi racional. Për më keq, gënjeshtra e këtyre politikanëve është e skajshme. Kur ata thonë që s'do të negociojnë për këtë e për atë gjë, kjo do të thotë saktësisht e kundërta: se do ta bëjnë pikërisht atë që thonë se nuk do ta bëjnë (pasi që UNMIK-u të bëjë pak trysni mbi ta, natyrisht). Ndonëse gënjeshtra e tyre është aq e veçantë, në kuptimin që është aq larg së vërtetës, megjithëkëtë, ajo na e tregon të vërtetën si asnjë gënjeshtër tjetër. Duke qenë vetë e kundërta e së vërtetës, ajo na ndihmon aq shumë, në mos plotësisht, që ta zbulojmë të vërtetën.
***
Por, le t'i kthehemi edhe njëherë Rambujesë, ku Kosova u la juridikisht nën Jugosllavi dhe Serbi, duke u pranuar edhe çarmatosja e UÇK-së. I pari që e pat nënshkruar dokumentin e Rambujesë atëbotë ishte Veton Surroi. Krejt njësoj, ky sërish prin me ecjen e tij drejt negociatave shtesë e marrëveshjeve të reja. Duke konsideruar se banorët e qyteteve tashmë janë bindur, në shënjestër të tij janë fshatrat. Fundja, në negociata shkohet për marrëveshje e jo për mosmarrëveshje. Veton Surroi është njeri i marrëveshjeve. Kjo marrëveshje e re me Serbinë do të ndodhet ndërmjet Pakos së Ahtisaarit dhe qëndrimit të Serbisë e që sërish i bie të jetë qëndrim i Serbisë, meqë gjithnjë brenda suazave të formulës së saj të kahmotshme për"'më shumë se autonomi, më pak se pavarësi". Më shumë se autonomi e më pak se pavarësi është veçse autonomi. Serbia padyshim që ia ofron autonominë (që e kishte) Kosovës, vetëm dhe vetëm që t'ia marrë atë pastaj m'u sikurse bëri në vitin 1989.

[legenda]

Negociatat e mëtutjeshme të paralajmëruara nga ndërkombëtarët e tashmë të pranuara nga vendorët do të sjellin zgjidhje, të cilat do të jenë nën pakon e Ahtisaarit. Kjo flet se të pakënaqurit fitojnë nga vazhdimi i negociatave. E këta janë në politikën zyrtare në Beograd, jo në Prishtinë. Përkundër kësaj, negociatorët kosovarë i pranojnë dhe madje i afirmojnë negociatat e reja. Korit të këtyre negociatorëve në fushatën për të promovuar negociatat e reja drejt marrëveshjes së re, në stilin "Kosova e mirëpret të ardhmen" (çfarëdo qoftë ajo), do t'i bashkohen edhe aleatët tradicionalë: ndërkombëtarët vendas (burokratët e UNMIK-ut) dhe vendasit ndërkombëtarë (burokratët e OJQ-ve). Nëpër shumicën e mediave, OJQ-ve e partive politike, donatorët e ndryshëm ndërkombëtarë do të japin paga të majme e fonde të mëdha vetëm e vetëm, që qytetarët të rrinë duarkryq. Do të na paguajnë mirë e mirë, që të mos bëjmë asgjë. Do të na paguajnë që të sodisim veten tonë në fjalët e tyre. Jo më kot, për vite të tëra me radhë e kanë fabrikuar njëfarë shoqërie civile kompradore si lidhje organike e shumicës së OJQ-ve, mediave dhe "intelektualëve", të cilët apriori e dënojnë dhe do ta dënojnë rebelimin dhe "dhunën" e protestuesve. "Jeta dhe siguria, ligji dhe rendi, janë mbi të gjitha!"- deklarojnë ata. Po: sepse jeta e tyre është e mirë dhe u dashka të jetë e sigurt, në kohën kur jeta e popullit është e rëndë dhe e pasigurt. Po: sepse ligji i UNMIK-ut mbron pasurinë e tyre, kurse rendi që sjell ky pushtet siguron rehatinë e tyre. Fenotipi i tyre është i njëjtë. Sikurse edhe ministrat dhe politikanët e tjerë të pasur, edhe këta, kanë dhe janë në botën e tyre të veçantë, bashkë me familjet e tyre. Të varfrit i shohin vetëm në televizor ose nëpër statistika. Nëse përjashtojmë këtu lypësit e shtrirë nëpër rrugë, nga të cilët ndjehen të bezdisur, atëherë kur rrallëherë ecin këmbë...

[legenda]

Nderpritet dhe shtyhet per kohe te pacaktuar gjykimi i Albin Kurtit

Sep 19, '07 10:28 AM



Keshilli per Mbrojtjen e te Drejtave e te Lirive te Njeriut

Council for the Defence of Human Rights and Freedoms

Rr. Nena Tereze nr. 24/2 – I/I, Prishtine-Kosove; tel. 381 (0) 249006 fax: 381 (0) 38 244029

Nderpritet dhe shtyhet per kohe te pacaktuar gjykimi i Albin Kurtit


Me 19.09.07 ne Gjykaten e Qarkut ne Prishtine filloi gjykimi ndaj Albin Kurtit, aktivist i Levizjes “Vetevendosja”, i akuzuar per tri vepra penale te sanksionuara sipas Kodit Penal te Kosoves. Trupi gjykues i perbere prej tre gjyqtareve nderkombetare udhehiqej nga Mauricio Salustro. Edhe prokurori ishte nderkombetar. KMDLNJ konstaton se edhe masat e sigurise ishin me te rrepta se herave te tjera mirepo nuk u penguan mediat e as OJQ-te per te drejtat e njeriut dhe ata institucional si edhe perfaqesuesit nderkombetar te marrin pjese ne monitorimin e ketij procesi. Pas leximit te aktakuzes, Albin Kurti mori fjalen ta lexonte mbrojtjen e pergatitur dhe kontestimin e aktakuzes si edhe te vet trupit gjykues. Kryesuesi i trupit gjykues nuk ia mundesoi dhe caktoi pauze 10 minuteshe per te marre nje vendim nese do t’i mundesohej Albin Kurtit ta lexoje fjalen e vet. Vlen te theksohet se veprimi i gjykatesit Salustro ka qene manifestim i nje agresiviteti, mostolerance dhe krejtesisht jodemokratik. Pas pauzes kryetari i trupit gjykues Mauricio Salustro perseri nuk e lejoi Albin Kurtin ta lexoje mbrojtjen e tij me pretekst se aty nuk ka asgje relevante duke ia mohuar keshtu te drejten Albin Kurtit ta paraqes mbrojtjen e tij. Gjykimi eshte shtyre per kohe te pacaktuar meqe Albin Kurti nuk e pranon ate trup gjykues dhe mbetet qe kryetari i Gjykates se Qarkut ne Prishtine te merr vendim per caktimin e nje trupi gjykues tjeter.

KMDLNJ e denoncon kete gjykim si proces te montuar politik qe nga fillimi i tij aq me pare qe pergjegjesit kryesor per vrasjen e protestuesve paqesore jane larguar nga Kosova.

Edhe pergjegjesit per ushtrimin fizik te dhunes ndaj protestuesve paqesore te “Vetevendosjes”, pjesetaret e SHPK-se nuk jane marr asnjehere ne pergjegjesi dhe tani jane si pale e demtuar dhe si deshmitare. Kerkesat e Albin Kurtit jane ekskluzivisht politike andaj ne kete proces te montuar politik synohet te mohohet liria e shprehjes, liria e organizimit dhe liria e protestimit ne menyre paqesore si edhe veprimit politik alternativ. Eshte e pabesueshme dhe jo logjike qe per pasojat e protestes paqesore te 10 shkurtit (jane vrare nga policia e UNMIK-ut dy protestues paqesore, Arben Xheladini dhe Mon Balaj ndersa mbi 100 jane lenduar rende dhe lehte) te akuzohet vetem nje person Albin Kurti.
Albin Kurti po keqtrajtohet neper burgje hetuese dhe arreste shtepiake vetem se vleresohet se eshte pengese per proceset aktuale politike e jo pse ka kryer ndonje veper penale.
KMDLNJ gjithashtu gjykon sjelljet e pjesetareve te SHPK-se qe e pengonin Albin Kurtin t’i jap deklarate mediave aq me pare kur Albin Kurtit nuk i eshte kufizuar kontakti me media.

Prishtine, 19.09.07

Sherbimi per informim

[Henori]

Albin Kurti eshte njeriu me i deshtuari i gjithe Historise se popollit shqiptar. Ky eshte mendimi im dhe nuk do te reagoj ne asnje koment lidhur me kete qeshtje.

[Fshatari]

Postimi origjinal është bërë nga Henori

Albin Kurti eshte njeriu me i deshtuari i gjithe Historise se popollit shqiptar. Ky eshte mendimi im dhe nuk do te reagoj ne asnje koment lidhur me kete qeshtje.

Edhepse nuk janë gjuhëtarë, historianët, veçanërsisht ata që njohin "gjithë histrorinë e popullit shqiptar", janë të detyruar moralisht(për hir të forumistve) të mësojnë i herë e përgjithëmonë se fjala "qeshtje" shkruhet si "çështje" dhe jo ndryshe.
Për sa iu përket pohimeve kategorike, personalisht u qendroj shumë larg : Henori do duhej të na citonte sëpakut një tjetër personazh të "dështuar" të Historisë së popullit shqiptar në mënyrë që forumistët të kenë mundësinë t'i krahasojnë dhe të përfundojnë se a është e sakët ajo që pohon Henori...!

Fshatari, njeriu ma katunar i gjithë historisë fshatareske!

[pirro]

Edhe pse une personalisht nuk i perkrahi idet dhe veprimet e A Kurtit,gjithashtu duhet te jesh shume i "forte" qe ta mbash ne burg A.Kurtin.Kjo qe po i ndodh Albinit gjithnje e me shume po behet politike.Injoranca me e madhe eshte tek gjykatat,thuaja se gjykatat nuk kane te merren me diqka tjter dhe merren me albinin.Dihet fort mire se cka ndodh ne Kosove.Gjdo dite ndodhin vrasje sikur ajo e Policit Triumf Riza ,leshohen Bankieret per keqperdorime mbi 8 milionshe,per cka leshohen veqse kan lidhje me politiken dhe tere kete e shohin si diqka te pranushme per kushtet e kosoves.

Keto mendoj qe veqse do ta bejne me te forte levizjen vetvendosje dhe ALBIN KURTIN.

[King Kastriot]

Postimi origjinal është bërë nga Henori

Albin Kurti eshte njeriu me i deshtuari i gjithe Historise se popollit shqiptar. Ky eshte mendimi im dhe nuk do te reagoj ne asnje koment lidhur me kete qeshtje.

1. Teme shume e qelluar zonjushe, jeni fenomenale...
2. Ju "Henori" jeni pa dyshim njeriu me i deshtuar i historise sone, juve askush nuk ju njeh, "vepren" tande askush nuk e njeh, "luften" tande askush nuk e di, kush jeni ju, ju jeni askush ... Si mundet nje askush si ju te thot per Albin Kurtin i deshtuar, kur gjithe bota e din qe ai luftoi, lufton dhe do te luftoj per interesat e popullit shqiptar. Edhe pse nuk jam ithtar i ideologjise se Albinit, e cmoj shume personalitetin e tij revolucionar. Personalitet qe do te mbetet ne historine tone.

[GjIlAnAsI_cSi]

Unë s’e pranoj këtë trup gjyqtarësh sepse:

1) Ju nuk jeni të paanashëm - siç do ta shpjegoj, procedimi i rastit tregon që ju e favorizoni prokurorinë dhe tashmë presupozoni që jam fajtor.
2) Ju po e mbështetni diskriminimin dhe parregullsitë procedurale të cilat m’i shkelin të drejtat dhe liritë e mia fundamentale.
3) Ju nuk jeni të pavarur - ju jeni caktuar dhe ia keni dhënë betimin PSSP-së dhe UNMIK-ut, të dy këta të konsideruar të jenë edhe palët e dëmtuara, e edhe ndjekësit në rastin tim.

Më konkretisht, refuzimi im bazohet në faktet e mëposhtme:

Para së gjithash, unë nuk e pranoj këtë panel duke iu referuar parimit të paanshmërisë të përcaktuar në Konventën Evropiane të të Drejtave të Njeriut, neni 6.1; të drejtës për gjykim të paanshëm neni 6 i së njëjtës, dhe neni 10 i Deklaratës Universale të të Drejtave dhe Lirive të Njeriut (Dhjetor 1948); si dhe parimi i mbrojtjes së pafajësisë përderisa nuk provohet e kundërta, e përcaktuar sipas nenit 11 të së njëjtës deklaratë.

Federata Ndërkombëtare e Helsinkit (FNH) ka deklaruar se procedurat ligjore në këtë rast duket ta favorizojnë prokurorinë. Animi i gjyqit u bë evident menjëherë në fazën fillestare të kur gjykatësi iu afrua prokurorit pa prezencën time dhe e pyeti: “ÇKA DËSHIRON QË UNË TË BËJ NË VIJIM”. Amnesty International (AI) ka ripohuar që gjykatësit ndërkombëtar në Kosovë kanë prirje të favorizojnë prokurorinë dhe se paanësia dhe se paanshmëria as që tentohet.

Duke qenë këtu, secili prej juve gjykatësve ka shfaqur pëlqimin për padinë dhe aprovimin e një numri premisash dhe deklaratash false, duke treguar se tashmë e ka ndarë mendjen për mua. Duket se gjykimi tashmë ka ngjarë dhe se ju tashmë e keni marrur vendimin - fajtor është:

Për shembull, përderisa padia thotë qartë që “Z. Kurti nuk është penalisht përgjegjës për vdekjet e shkaktuara nga veprimet e policisë” më 10 shkurt, prokuroria ashtu edhe gjykatësit në këtë rast, në mënyrë konsistente dhe që prej fillimit kanë lënë të nënkuptohet që unë jam përgjegjës për këto. Më 17 prill, raporti i përkohshëm i Prokurorit të Veçantë, Robert Deanit, ka qartësuar se përgjegjës për vrasjet e 10 shkurtit kanë qenë policët rumun. Raporti përfundimtar i Deanit i datës 2 korrik, ka identifikuar një shkëputje në zinxhirin komandues, si dhe përgjegjësitë e paqarta operacionale si shkaktarë shtesë. Përkundër kësaj, më 13 shkurt, prokuroria i referohet rrezikut që paraqes unë për “organizimin e një tjetër demonstrate të dhunshme e cila do të çonte në humbjen e jetërave të njerëzve”. Çuditërisht, katër muaj pas, më 13 qershor - dy muaj pas raportit të përkohshëm të Deanit dhe nëntë ditë pasi që padia thotë se unë nuk jam përgjegjës për vdekjet - gjykatësi Peralta vazhdon t’i ndërlidhë kinse krimet e mia me vdekjet.

Më 13 shkurt prokuroria ma mvesh, dhe gjykatësi e pranon se përfaqësoj një “model aktivitetesh” që do të “shkaktojnë rrezikim dhe dëmtim të pronës dhe jetës”, dhe se ky model është duke u “përkeqësuar”. Ky përfundim ofendues bëhet pa e shpjeguar se në çka konsistoka ky “model” i shpikur - kurrë në jetën time nuk kam lënduar njëri e as që jam akuzuar për lëndimin e ndokujt. Ashtu siç kurrë në jetën time nuk kam shkaktuar rrezik të përgjithshëm apo dëmtuar pronën në masë të madhe. Duke i bërë këto supozime qesharake, prokuroria po i portretizon mashtrueshëm aktivitetet e mia të mëparshme dhe po përdor këtë përfytyrim të pavërtetë për të paragjykuar karakterin tim dhe për të parashikuar veprimet e mia të ardhshme.

Një premisë kryekëput e pavërtetë e padisë është parashikimi i veprimeve të mia, madje edhe faji, bazuar në fajin tim të presupozuar nga demonstrata e 28 Nëntorit 2006. Kjo lidhje nga prokuroria ndonjëherë është bërë drejtpërdrejt, e ndonjëherë tërthorazi. Nuk jam gjykuar, sigurisht as dënuar apo shpallur i fajshëm për ndonjë gjë që ka të bëjë me demonstratën e Nëntorit. Edhe sipas standardeve të sistemit tuaj, kjo ngjarje nuk mund të shfrytëzohet si “provë” në këtë rast.

Arsyeja e dytë e refuzimit të këtij paneli gjyqtarësh është që, duke qenë këtu, ju keni aprovuar diskriminimin dhe një numër parregullsish në procedimet e rastit kundër meje. Procedimet kanë shkelur të drejtën e barazisë para ligjit, të përcaktuar në nenin 7 të Deklaratës Universale të të Drejtave të Njeriut; liria prej arrestit dhe burgosjes arbitrare, neni 9 i po të njëjtës deklaratë; parimi i ruajtjes së pafajësisë përderisa të provohet fajësia, neni 11; dhe nenet 9 e 14 të Paktit Ndërkombëtar për të Drejtat Civile dhe Politike, lidhur me të drejtën e burgosjes së drejtë dhe gjyqit të paanshëm.

Unë nuk përfaqësohem këtu nga askush përveç vetes sime. Avokati Ahmet Hasolli, i ashtuquajturi avokati im mbrojtës, është emëruar nga ju, dhe unë nuk e njoh atë. Materialet për rastin sugjerojnë se kjo mosnjohje është reciproke, dhe se përkushtimi i Hasollit ndaj meje dhe rastit tim është i dobët: ai kishte munguar gjatë marrjes në pyetje të një numri dëshmitarësh, në rastet tjera të marrjes në pyetje ai kishte ikur në gjysmë të procesit, dhe në ato pak raste që kishte qenë i pranishëm, kishte shtruar pyetje të pakëta dhe të brishta. Kjo edhe më tepër e shkel parimin e barazisë së palëve.

Që më 15 shkurt, Amnesty International (AI) vazhdimisht ka shfaqur shqetësimin pse dëgjimet e rastit tim nuk kanë qenë të hapura për publikun, kanë filluar para se të deklarohen akuzat kundër meje, dhe për faktin se nuk jam lejuar të marrë pjesë në to. Gjatë kohës sa isha në paraburgim, FNH-së iu ndalua qasja për të më vizituar në burg, kurse KMDLNJ-së iu lejua që të më vizitonte por vetëm një herë në muaj. Njerëz tjerë, sikur William Walker menjëherë u lejuan të më vizitojnë vetëm për të bërë trysni që të mos organizojmë demonstrata tjera.

FNH ka shprehur shqetësimin edhe për bazën ligjore të paraburgimit tim para gjykimit. Për më tepër, nuk ka kurrfarë justifikimi për kufizimet rigoroze gjatë arrestit shtëpiak. Unë jam personi i parë gjatë tetë viteve të fundit i cili është duke u mbajtur në arrest shtëpiak me roje 24 orëshe policore te dera. Gjatë arrestit të parë shtëpiak, jo vetëm që nuk më është lejuar dalja nga shtëpia, por edhe kontakti me mediat, aktivistët e VETËVENDOSJE!-s dhe me të gjithë personat tjerë përveç tre prej katër anëtarëve të familjes sime. Këto kufizime ma kanë shkelur të drejtën në paraburgim të drejtë (Neni 9.3. KNDCP), si dhe lirinë e të shprehurit dhe shoqërimit. Siç ka theksuar AI, paraburgimi nën kushte të tilla rigoroze, posaçërisht para ngritjes së akuzës, është privim flagrant nga liria.

vazhdon..

[GjIlAnAsI_cSi]

vazhdimi.

Siç është cekur nga FNH, nuk është e qartë pse jam kategorizuar si i burgosur “A”. Edhe më serioz është fakti se as unë (as i ashtuquajturi avokat imi) nuk jemi informuar për këtë kategorizim dhe implikimet që ai ka. Kjo e shkel parimin e palëve të barabarta. Nuk më është lejuar të apeloj kundër këtij vendimi, siç nuk më lejohet të apeloj kundër vendimit final në këtë rast, madje as në Gjykatën Evropiane për të Drejtat e Njeriut.

Çka është më e rëndësishmja, do të duhej të isha gjykuar prej vendasve të mi. Ju jeni gjyqtarë ndërkombëtar me pak ose aspak njohuri për politikën dhe kulturën e Kosovës, historinë e demonstratave këtu dhe efekteve të tyre politike, apo shoqërinë tonë të pasluftës. Njëkohësisht nuk keni fare njohuri për luftën time të padhunshme dhjetëvjeçare për çlirim nga Serbia dhe me platformën time koherente politike. Ju jeni të huaj edhe ndaj historisë sime dhe historisë së popullit tim - pushteti juaj ju mundëson suspendimin e asaj historie.

Arsyeja e tretë dhe më e rëndësishmja pse ju refuzoj, trup i gjyqtarëve, është se ju nuk jeni të pavarur. Ky rast është njollosur prej konflikteve serioze të interesit dhe shkel shumë prej të drejtave të mia fundamentale: të drejtën e barazisë para ligjit, të përcaktuar me nenin 7 të Deklaratës Universale të të Drejtave dhe Lirive të Njeriut; të drejtën për gjykim të paanshëm dhe parimin e ruajtjes së pafajësisë deri në shpalljen i fajshëm, nenet 9 dhe 14 të Paktit Ndërkombëtar të të Drejtave Civile dhe Politike lidhur me arrestimin, burgimin dhe gjykimin e paanshëm. Gjyqi vazhdimisht është ankuar për qëndrimin tim shpërfillës ndaj UNMIK-ut dhe gjyqeve. Por në të vërtetë, janë zyrtarët e “drejtësisë” në këtë rast që kanë treguar përbuzje ndaj meje duke m’i shkelur të drejtat fundamentale.

Secili prej jush si gjyqtar ndërkombëtar ia ka bërë betimin PSSP-së i cili po ashtu renditet si palë e dëmtuar në këtë rast. PSSP është ai që ju emëroi, ashtu siç i emëroi të gjithë gjyqtarët ndërkombëtar në Kosovë. Prandaj ky rast është njollosur nga anime të pështira dhe konflikte interesi, përderisa UNMIK-u gjendet si palë e dëmtuar, palë akuzuese dhe gjykuese. Sistemi gjyqësor në Kosovë është pjesë e Shtyllës së Parë të UNMIK-ut prandaj është i gërshetuar me ekzekutivin. Nuk ka ndarje të pushtetit, gjë që paraqet një prej parimeve themelore demokratike. Siç është bërë e ditur prej FNH-së dhe Human Rights Watch, gjyqësori në Kosovë nuk është mjaft i pavarur, i përgjegjshëm dhe transparent. Asnjëri prej jush, gjyqtarë (as ju prokurorë) nuk jeni të përgjegjshëm ndaj popullit tim. Të gjithë jeni imun ndaj ligjit të cilin po e zbatoni mbi mua. S’ka kurrfarë mekanizmi llogaridhënieje që të mbikëqyrë veprimet tuaja. Një pushtet i tillë arbitrar s’mund të jetë legjitim.

Përqendrimi i punës time ka të bëjë me kundërshtimin e UNMIK-ut dhe PSSP-së si shprehja më e e lartë e rendit antidemokratik. Unë e konsideroj përgjegjësi timen ta sfidoj sistemin e imponuar nga UNMIK-u, të tregoj mospajtueshmëri ndaj tij, ta kundërshtoj paqësisht dhe t’i konfrontoj organet e tij shtypëse dhe autoritetet jopërfaqësuese. Kjo e bën paanshmërinë në gjykimin tim përbrenda këtij sistemi absolutisht të pamundshme.

Që prej demonstratës së 10 shkurtit, një numër përfaqësuesish të autoriteteve vendore dhe ndërkombëtare kanë dhënë deklarata publike diskredituese për mua dhe VETËVENDOSJE!-n, duke i portretizuar aksionet tona si të dëmshme për procesin e statusit të Kosovës. Në deklaratën e parë të Ekipit të Unitetit pas demonstratës së 10 shkurtit thuhet se “protestat e dhunshme të nxitura nga Albin Kurti dhe Lëvizja VETËVENDOSJE!, me ç'rast humbën jetën dy persona dhe u plagosën dhjetëra të tjerë (…) krijuan tensione të veçanta, të cilat shkojnë kundër stabilitetit dhe interesave të përgjithshme të Kosovës. Shefi i Zyres Britanike në Prishtinë, David Blunt, u deklaroi mediave se Grupi i Kontaktit ishte i shqetësuar që protesta e VETËVENDOSJE!-s e ka rrezikuar sigurinë personale të policisë dhe ndërtesës së Kuvendit, gjersa Naim Maloku nga Komisioni i Kuvendit për Siguri ka gënjyer në TV dhe ka thënë se demonstruesit kanë përdorur koktel Molotovi. Në muajin gusht, pra shumë më vonë, zëdhënësi i SHPK-së Veton Elshani ka thënë se unë e “kam udhëhequr një protestë të dhunshme” dhe ka nënkuptuar se unë isha përgjegjës për dy vdekjet. Ajo çka mendojnë këta zyrtarë është që veprimet e mia të kundërshtimit të padhunshëm demokratik po i dëmtojnë vetë ata, autoritetet që po lëshojnë deklarata të tilla. Gjatë kësaj periudhe të negociatave për statusin, të cilat i kundërshtoj fuqishëm, është në interes të këtyre autoriteteve, duke përfshirë këtu UNMIK-un, që ta heshtin zërin tim dhe të më izolojnë prej popullatës e cila potencialisht mund të më bashkohet për t’i kundërshtuar ata. Siç ka vlerësuar Instituti Gjerman i Politikave Evropiane, UNMIK-u ka krijuar një “kulturë të shtypjes sistematike” të kriticizmit në mënyrë që ta paraqesë Kosovën si tregim të suksesshëm.

Ju, gjyqtarë dhe prokurori jeni pjesë e UNMIK-ut. Ju, jo vetëm që keni pranuar shpifjet e bëra në shtyp, por ju edhe i keni përfshirë ato në qasjen tuaj për rastin tim. Për shembull, më 7 maj 2007, prokuroria në mënyrë eksplicite përdori angazhimin tim politik si një argument për vazhdimin e paraburgimit. Gjatë qëndrimit tim pesëmujor në burg, prokurori më mori në pyetje vetëm një herë (më 1 mars 2007) për gjysëm ore, që tregon se izolimi ka qenë prioritet më i madh sesa hetimi. Raporti i Deanit për ngjarjen e 10 shkurtit, i cili e përkufizoi reagimin e policisë si joproporcional, të evitueshëm dhe të panevojshëm, dmth. ilegal, nuk është konsideruar në rastin tim. Përkundër përfundimeve të raportit të Deanit për reagimin e pakontrolluar policor dhe dhunën policore, jam unë dhe jo policët ata që akuzohen për shkaktimin e rrezikut të përgjithshëm dhe thirrjes për dhunë. Krejt kjo e ndriçon njëanëshmërinë dhe mungesën e pavarësisë së gjyqit.

Mungesa e pavarësisë në anën e gjyqtarëve dhe prokurorëve është po ashtu evidente në portretizimin e VETËVENDOSJE!-s në këtë rast. Sistematikisht dhe që nga fillimi VETËVENDOSJE!-n e kanë paraqitur si kriminale, vandale dhe të rrezikshme, e cila nuk synoka asgjë tjetër përveç shkatërrimit dhe destabilizimit. Ky keqpasqyrim ka për intencë të më kriminalizojë mua dhe ta margjinalizojë lëvizjen duke e paraqitur atë si të skajshme. Në të vërtetë, Lëvizja VETËVENDOSJE! është lëvizje politike e padhunshme dhe vullnetare. Askush nuk paguhet ose detyrohet që të jetë në VETËVENDOSJE!. Qëllimi ynë konkret është mbajtja e referendumit për popullin e Kosovës, duke e bërë statusin e Kosovës vendim të popullit, dhe jo vendim të burokratëve të papërgjegjshëm. Fokusi ynë është që të problematizojmë sistemin politik (duke kundërshtuar UNMIK-un si administratë neokoloniale) dhe jo dallimet etnike. Posaçërisht gjatë kësaj kohe politikisht të ndjeshme, ne besojmë që është me rëndësi orientimi demokratik i pakënaqësisë politike e shoqërore të popullit kundër regjimit dhe jo kundër grupeve etnike.

Qëllimi i demonstratës sonë të 10 shkurtit ishte veçanërisht shprehja e pakënaqësisë sonë politike ndaj negociatave për statusin me Serbinë dhe kundër rezultatit të tyre (pakos së Ahtisaarit), e cila besojmë që Kosovës nuk do t’i sjellë asgjë përveç konflikteve të përtërira dhe krimeve të gjera. Deri para 10 shkurtit, askush bile nuk u lëndua në demonstratat e VETËVENDOSJE!-s, kurse atë ditë ishte policia që shkaktoi rrezik të përgjithshëm, dëmtim, lëndime dhe vdekje, e jo ne. Të gjithë pjesëmarrësit në aksionet tona kanë respektuar parimet e lëvizjes sonë, përfshirë këtu edhe thirrjen për sjellje të padhunshme. Këto parime janë përfshirë edhe në materialet e prokurorit për rastin tim.

E drejta e tubimit, liria e shprehjes dhe ajo e lëvizjes na janë akorduar sipas Deklaratës Universale të të Drejtave dhe Lirive të Njeriut, në nenin 20 dhe në Paktin Ndërkombëtar të të Drejtave Politike dhe Civile, neni 21. Shkelja e këtyre, dhe etë drejtave tjera, për hatër të interesave apo levërdisë politike është e papranueshme. Në demonstratën e 10 shkurtit këto të drejta na janë mohuar kolektivisht. Kurse në rastin tim më janë mohuar individualisht të drejta universale njerëzore.

Unë nuk ju pranoj juve, gjyqtarë të këtij trupi. Nuk e pranoj prokurorinë dhe avokatin që ma keni caktuar. Unë nuk e pranoj këtë gjyq. Ju nuk jeni të paanshëm dhe as të pavarur. Duke e pranuar rastin tim, ju jeni bashkëpjesëmarrës të këtij procesi diskriminues kundër meje, duke m’i shkelur të drejtat dhe liritë e mia fundamentale. Mbi këtë arsye, kërkoj që ky rast të shfuqizohet.

[sherri]

. Edhe pse nuk jam ithtar i ideologjise se Albinit, e cmoj shume personalitetin e tij revolucionar. Personalitet qe do te mbetet ne historine tone.[/quote]

hahahahaahaha C'far cirkusi, ja keshtu e ka populli i gjore,qe nje muaje merremi ne ket forum me nje kriminel rruge,si ai (Sekiraqa,) tani gjithe ky shkrim per nje "politikan"rrugesh..........shanc e mire per urithet,ata po mbushin zhepet!.
As une nuk jam ithtare i tyre,por i "cmoj" shume!!?

[arton bala]

Si quhen veprat penale per te cilat akuzohet Albin K.? Sa pash une, kjo nuk ceket askund ne artikujt, edhe pse eshte nje nder gjerat qe ceken qe ne fillim te procesit penal. Kjo eshte me rendesi te dihet.

Sa e di une, Albin K. ne diten kur ndodhen incidentet tragjedike, nuk ishte ne rruge, keshtu qe ne te gjitha veprat ai vjen ne shprehje si doras indrekt.

Denimi per veper penale te kryer ne menyre indirekte (nepermjet te nje "vegle" njerezore, apo duke e "bindur" dikend per te kryer vepren), kerkon gjithemone ballafaqimin e gjyqit me "veglen" apo "te bindurin", para se te mirret gjyqi me dorasin indirekt. Cilet jane keto "vegla"? Deklaratat e tyre jane shume te rendesishme.. Ndoshta raportohet me shume ne lidhje me kete rast, qe te sqarohen keto edhe shume pyetje tjera ne lidhje me kete proces.

Persa i perket asaj letres drejtuar deshmitareve, kam kete mendim. Kjo leter eshte vet ne kufi te legalitetit (influencim i deshimitareve, pengim i gjetjes se drejtesise e tj.). Prandaj kisha kerkuar te mos e ndiej veten "secili" te thirrur per te dhene kontribut per pafajesine e Albin K. Jo vetem Albin K., por edhe kush e di kush tjeter eshte nen ligjin. Kujt t´i vertetohet fajesia, eshte kriminel. Pavaresisht ndjenjave qe kemi per te.

[legenda]

Intervista


Mua më duket se kjo heshtje është sikurse heshtja para stuhisë

20 shtator 2007

Albin Kurti

Lideri i Lëvizjes Vetëvendosje!, Albin Kurti në një intervistë për Kosovapress ka thënë se negociatorët e Kosovës me moskokëçarjen e tyre, me lakminë e madhe për para dhe privilegje e pozita, kanë bërë aq shumë koncesione ndaj Serbisë që në fund po e fusin Kosovën në një copëtim të brendshëm territorial dhe në luftëra të reja. Prandaj sipas tij të ndalësh këta negociator do të thotë edhe të punosh për lirinë e Kosovës, por edhe të parandalosh luftën. Mirëpo Kurti ka potencuar se nëse bëhet ndarja e Kosovës, atëherë jo vetëm Vetëvendosje!, por i gjithë populli do të shndërrohet në mekanizëm çlirimtar dhe do të tregojë se di të luftojë pa frikë e të veprojë ashtu si duhet për lirinë e Kosovës pa kursyer asgjë.

Kosovapress: Albin tash gati 7 muaj ju jeni i pranguar. Sa ka ndikuar kjo në punën dhe aktivitetet tuaja?

Kurti: Më 10 shtator bëhen 7 muaj që unë ndodhem i izoluar, prej tyre 5 muaj në paraburgim dhe 2 muaj në arrest shtëpiak. Izolimi sigurisht që ka ndikuar në aktivitetin tim për shkak se për 5 muaj nuk kam mundur të kontaktoj as me aktivistët e Lëvizjes Vetëvendosje!, por as me qytetarët e Kosovës, me të cilët jam takuar nëpër tubimet e shumta publike gjithandej nëpër Kosovë. Sidoqoftë, në këta dy muaj arrest shtëpiak kam mundur që të kontaktoj me aktivistët dhe me qytetarët që më kanë vizituar, por edhe më tutje mbase angazhimi im kryesor mbetet i pamundur. Kjo për shkak se i kam të pamundura tubimet nëpër fshatra dhe qytete të Kosovës. Në këtë pikë unë mbetem edhe më tutje shumë i dëmtuar.

Kosovapress: Ka ndikuar ky izolim sadopak në qëndrimet e juaja dhe veprimet konkrete në terren të Vetëvendosje!-s?

Kurti: Mendoj se nuk kanë ndikuar. Edhe më tutje janë mbajtur demonstrata e organizuar aksione të ndryshme. Madje demonstrata më masive që ka organizuar Lëvizja Vetëvendosje! është ajo e 3 marsit, e në të cilën nuk kam marrë pjesë unë, sepse isha në burg. Po ashtu Vetëvendosja vazhdon t’i përmbahet manifestit dhe gjitha materialeve dhe teksteve të saj që ka prodhuar deri tani. Edhe parimet janë po ato që kanë qenë dhe unë mendoj se nuk ka kurrfarë dyshimi në këtë aspekt. Qëndrimet e mia politike janë po ato, mbase ca edhe më të fuqishme tash. Fatkeqësisht gjendja po bëhet më e keqe me këto negociata që po shpijnë drejt një konference të re ndërkombëtare, e cila do të mbahet mbase dikur në vitin e ardhshëm. Në këtë rast Serbia, Rusia, por edhe qarqe evropiane, përmes Grupit Negociator të Kosovës, do ta formalizojnë ndarjen e brendshme të Kosovës, por edhe krijimin e një lidhje të re të Kosovës me Serbinë.

Kosovapress: Ka zëra të qytetarëve që thonë se Vetëvendosja është më e pazëshme si asnjëherë më parë prej themelimit të saj deri në demonstratën e 10 shkurtit. Qëndron kjo?

Kurti: Unë nuk mendoj se është kështu. Asisoj mund të mendojnë ata që nuk na kanë përcjell sa duhet. Ne nuk jemi aspak më të pazëshëm. Të gjithë aktivistët tonë janë çdo ditë në terren dhe zhvillojnë aktivitetet e zakonshme, siç është shpërndarja e gazetës që s’është ndalur së botuari asnjëherë, pavarësisht asaj sa aktivistë kanë qenë në burg; mandej, radioemisioni rregullisht transmetohet në dhjetëra radiostacione lokale gjithandej Kosovës etj. Njëkohësisht, edhe takimet e tubimet që i kemi qoftë me intelektualë e profesorë, por edhe me popullin e zakonshëm në Kosovë, veç sa janë intensifikuar. Është çështje tjetër nëse njerëzit e masin aktivitetin e Lëvizjes vetëm me demonstrata, ku e fundit ishte më 30 qershor. Ashtu siç është një çështje tjetër bllokada që Lëvizjes sonë ia bëjnë mediat kryesore në vend. Ne konsiderojmë se dalëngadalë po pjekën kushtet për demonstrata të reja, por muaji korrik dhe gusht nuk kanë qenë muajt që demonstratat do të jepnin ndonjë fryt.

Kosovapress: Ju keni qenë kundër negociatave dhe ato kanë ndodh në vazhdimësi. Tani kanë filluar edhe negociatat e reja 120 ditëshe, të cilat politikanët po i quajnë si përpjekje të fundit për definimin e statusit. Do të ketë zgjidhje brenda këtij viti?

Kurti: Jo, zgjidhje nuk do të ketë brenda këtij viti, sepse në radhë të parë mënyra e tyre është e gabuar. Me negociata me Serbinë nuk mund të ketë zgjidhje, por vetëm rritje të problemit.

Kosovapress: Kundrejt procesit për zgjidhjen e statusit do të organizohen edhe zgjedhjet e përgjithshme dhe lokale në Kosovë. Çka do të thotë kjo?

Kurti: Jo domosdoshmërish do të mbahen këto zgjedhje. Këtë e kanë thënë edhe vet Grupi Negociator me në krye Joakim Rykerin. Tendenca për t’i mbajtur këto zgjedhje vjen nga synimi që të shmanget drejtimi i pakënaqësisë së qytetarëve nga përpjekja për liri e pavarësi tek votimet për parti. Dhe, e dyta, përveç që duan ta ruajnë Grupin Negociator, janë të interesuar që ta kenë edhe një koalicion ma të fuqishëm në Qeverinë e ardhshme të Kosovës, një koalicion të llojit LDK-PDK. Kjo bëhet që në atë konferencën ndërkombëtare me më shumë lehtësi të bëhet edhe ndarja e Kosovës edhe lidhja federative mes Kosovës dhe Serbisë.

Kosovapress: Do të bëjë Lëvizja Vetëvendosje! fushatë kundër zgjedhjeve, që qytetarët të mos dalin në votime?

Kurti: Ne kemi deklaruar se jemi kundër këtyre zgjedhjeve dhe sigurisht që konform këtij deklarimi edhe do të ndërmarrin aktivitet tona.

Kosovapress: Keni dhënë kritika të shumta për anëtarët e Ekipit Negociator. Çka mendoni për ta dhe si do ti përkufizonit veç e veç, duke përfshirë këtu edhe Lutfi Hazirin dhe Blerim Shalën?

Kurti: Dallimet ndërmjet tyre po zhduken sa më shumë që ata po rrinë bashkë. Për mendimin tim ata janë një grup sejmenësh që i shkojnë prapa Joakim Rykerit dhe mbase secilit diplomat ndërkombëtar që vjen këtu me projektet e veta, e të cilat zakonisht s’kanë qenë në favor të Kosovës.

Kosovapress: Në çfarë situate do të jetë Kosova pas 6-7 muajve nëse vazhdohet me proceset e deritashme?

Kurti: Nëse bëjnë lidhje të re varësie të Kosovës nga Serbia dhe provojnë me çfarëdo forme ose ta ndajnë përbrenda Kosovën ose të implementojnë në terren pakon e Ahtisarit, fatkeqësisht neve na presin gjakderdhje e luftëra të reja. Prandaj, sot të angazhohesh kundër këtij procesi nuk do të thotë të angazhohesh vetëm për lirinë e Kosovës, por edhe kundër luftës në Kosovë. Pikërisht këta negociatorët e Kosovës me moskokëçarjen e tyre, me lakminë e madhe për para dhe privilegje e pozita, kanë bërë aq shumë koncesione ndaj Serbisë që në fund po e fusin Kosovën në një copëtim të brendshëm territorial dhe në luftëra të reja. Prandaj të ndalësh këta do të thotë edhe të punosh për lirinë e Kosovës, por edhe të parandalosh luftën.

-vijon-