Rruga e lumturisë - NAMAZI

[Lijanna]

Shkaqet e sehvi-sexhdes në namaz janë tri:

- Shtimi në namaz

- Lënia mangut dhe

- Dyshimi



- Shtimi

Shtimi është kur njeriu shton p.sh. ndonjë ruku, sexhde, kijam (qëndrimi në këmbë gjatë leximit të fatihas dhe leximit nga Kur’ani) apo ndonjë ulje (teshehud).



- Lënia mangut

Lënia mangut është kur njeriu lë mangut p.sh. ndonjë rukn (shtyllë) apo vaxhib të namazit.



- Dyshimi

Dyshimi është kur njeriu dyshon se sa rekate ka falur, tri apo katër rekate?

Sa i përket shtimit, nëse njeriu shton diç në namaz, ndonjë ruku apo ndonjë sexhde dhe këtë e vepron qëllimisht, atëherë namazi i tij është i pavlefshëm, sepse nëse ai shton diçka në namaz, ai ka rënë në kundërshtim me fjalën e Allahut dhe të të Dërguarit (salallahu alejhi ve sel-lem):

"Kush punon diç që është në kundërshtim me çështjen (sunetin) tonë, ajo vepër është e refuzuar." (Tra.Muslimi).

Ndërsa, nëse njeriu shton diçka në namaz nga harresa, atëherë namazi i tij është i vlefshëm, mirëpo ai duhet të bëjë sehvi-sexhde pasi të ketë dhënë selam. Argument për këtë e kemi hadithin e Ebu Hurejres (radijallahu anhu), ku i Dërguari (salallahu alejhi ve sel-lem) kishte dhënë selam pas dy rekateve në namazin e drekës apo të ikindisë dhe dikush ia përkujtoi gabimin, atëherë i Dërguari (salallahu alejhi ve sel-lem) plotësoi atë që kishte mbetur, dha selam dhe bëri dy sexhde (pas selamit). (Tra.Buhariu dhe Muslimi).

Poashtu kemi hadithin e Ibni Mes’udit (radijallahu anhu), ku i Dërguari (salallahu alejhi ve sel-lem) kishte falur drekën me pesë rekate. Pasi që përfundoi, ia përkujtuan duke e pyetur se a është shtuar diç në namaz, atëherë i Dërguari (salallahu alejhi ve sel-lem) tha:"Çka është shtuar?" I thanë:"Ke falur pesë rekate." Atëherë, i Dërguari (salallahu alejhi ve sel-lem) u kthye nga kibla, mblodhi këmbët dhe bëri dy sexhde. (Tra.Buhariu dhe Muslimi).

www.mburoja.net

[Lijanna]

Namazi pas kohes se caktuar

Allahu i Lartësuar ka caktuar kufij kohorë për faljen e çdo namazi. Pra, namazi duhet të falet brenda këtyre kufijve të caktuar, brenda kohës së caktuar. Nëse kjo kohë e caktuar për një namaz të caktuar ka kaluar, atëherë ky namaz i cili falet jashtë kohës së caktuar quhet namaz kaza. Dijetarët janë të mendimit se nëse dikush ka harruar të falë namazin në kohën e duhur, ose ka fjetur gjatë kohës së namazit, atëherë është e detyrueshme që personi ta falë kaza atë namaz që ka humbur.
Kjo bazohet në hadithin e Profetit alejhi selam, i cili ka thënë: “Nuk ka pakujdesi kur dikush është në gjumë, por harresa ndodh kur dikush është zgjuar. Kur dikush harron të falë namazin, ose është në gjumë, atëherë ai duhet ta falë namazin kur të kujtohet për të.”
Ndërsa nëse një personi i bie të fikët dhe është i pavetëdijshëm, nuk është e nevojshme që ai person ta përsërisë namazin nëse nuk ndërgjegjësohet në një kohë të mjaftueshme për t’u pastruar dhe për ta falur namazin në kohën e duhur.

Abdurrezaku transmeton nga Nafiu, se njëherë Abdurrezaku u sëmur dhe humbi ndërgjegjen. Kur ai u ndërgjegjësua, nuk e fali namazin e humbur. Gjithashtu, Hamd bin Selemeja transmeton nga Junus bin Ubejdi, se Hasan El Basriu dhe Muhamed bin Sirini kanë thënë se ai të cilit i bie të fikët nuk duhet ta përsërisë namazin që mund të ketë humbur.Ndërsa për lënien e namazit me qëllim, shumica e dijetarëve thonë se është mëkat i madh dhe namazi i humbur duhet të falet. Imam Maliku dhe Imam Ebu Hanifeja thonë se nëse një person e lë me qëllim një namaz ose disa namaze, atëherë ai duhet t’i falë ato para se të falë namazin që ka kohën e vet. Kështu veprohet edhe nëse i ka humbur të pestë namazet dhe gjatë kësaj kohe mund të ndodhë që të humbë edhe namazin e kohës. Gjithashtu, ata thonë se nëse personi ka humbur më shumë se pesë namaze, ai duhet të fillojë me namazin të cilit i ka hyrë koha dhe më pas të falë namazet e humbura.
Pasi çdo namaz ka një kohë të caktuar kur fillon dhe nuk mund të falesh para kësaj kohe, gjithashtu ka edhe një kohë të caktuar kur mbaron dhe askush nuk duhet ta falë atë pas kohës së tij.

Allahu i Lartësuar nuk ka lënë asnjë justifikim për asnjë person i cili duhet të falë namaz që ta shtyjë atë nga koha e caktuar, madje as në raste lufte, frike, sëmundjeje, sado e rëndë qoftë ajo, ose gjatë udhëtimit.
Argument për këtë janë fjalët e Allahut të Lartësuar: “Kur të jesh ti (Muhamed) bashkë me ta dhe u fal namazin, një grup prej tyre, duke i bartur armët, le të vijë e le të falet me ty (grupi tjetër në roje), e kur të bien në sexhde (të kryejnë një rekat), këta le të qëndrojnë mbrapa jush (në roje) e le të vijë grupi tjetër, që nuk është falur, e të falet me ty dhe le t’i bartin armët dhe të jenë në gjendje gatishmërie.” (Nisa, 102)
“ E nëse keni frikë (nga armiku) , atëherë faluni duke ecur ose hipur mbi kuaj…”(Bekare, 239)
Muslimani nuk duhet të flejë me qëllim kur vjen koha e namazit dhe ta humbë atë, e pastaj ta përdorë gjumin si shfajësim që nuk u fal. Gjithashtu ai nuk duhet të neglizhojë shkaqet që e ndihmojnë që të falet, por duhet të përdorë të gjitha shkaqet që e çojnë te falja e namazit.
Humbja e një namazi me qëllim është një gjynah i madh, madje aq i rëndë, saqë disa dijetarë kanë thënë se ai që vepron kështu është jobesimtar. Prandaj, ai person duhet të pendohet sinqerisht, sipas mendimit të dijetarëve.
Në lidhje me faljen kaza të namazit të lënë me qëllim, ka një dallim në mendimet e dijetarëve, nëse do të pranohet ai namaz kur falet pas kohës së vet. Shumica e dijetarëve kanë thënë se njeriu duhet të falë namazin kaza dhe se ky namaz është i vlefshëm, edhe pse personi është gjynahqar (nëse nuk pendohet, e Allahu e di më së miri).
Namazet kaza falen në të njëjtën mënyrë si namazet e zakonshme. Nëse personi futet në xhami dhe ka një namaz kaza për të falur, ai duhet t’i bashkohet xhematit me nijetin e faljes së namazit kaza. Kështu, nëse një person ka humbur drekën dhe vjen në xhami në një kohë që xhemati po fal ikindinë, ai duhet t’i bashkohet xhematit me nijetin e faljes së drekës dhe nuk ka gjë pse imami ka nijet tjetër. Atëherë më pas ai mund të falë ikindinë.
Si muslimanë, ne duhet të jemi të kujdesshëm e të përpiqemi të falim çdo namaz në kohë, pasi Allahu thotë në Kuran: “...pse namazi është obligim (për kohë) i caktuar për besimtarët.” (Nisa, 103)
Në përmbledhjet e Buhariut dhe të Muslimit nga Abdullah ibn Mesudi transmetohet se një njeri e pyeti të Dërguarin e Allahut: "Cila vepër është më e dashur tek Allahu?” I Dërguari alejhi selam i tha: “Namazi në kohën e vet”...

[Lijanna]

Namazi i istihares

Namazi i istihares është një sunet që Profeti alejhi selam e ka përcaktuar për këdo që dëshiron të bëjë një veprim, por heziton sepse nuk di çfarë të zgjedhë mes dy a më shumë zgjedhjeve. Istihare në arabisht nënkupton të kërkosh udhëzim për të marrë një vendim lidhur me diçka. Në terminologjinë e sheriatit, istihare do të thotë të kërkosh udhëzim (për vendimin e duhur) përmes namazit dhe lutjes së transmetuar për sa i përket istihares në lidhje me atë që është më e mira sipas dijes së Allahut.
Argumenti për namazin e istihares vjen nga hadithi i rrëfyer nga Xhabiri, Allahu qoftë i kënaqur me të, dhe i transmetuar nga Buhariu: “Profeti alejhi selam na mësonte të bëjmë istiharen për gjithë çështjet tona, ashtu siç na mësonte suret e Kuranit. Profeti alejhi selam na thoshte: “Nëse ndonjëri prej jush mendon të bëjë diçka, le të falë dy rekate namaz (jo prej namazit farz) dhe pastaj të thotë: “Allahumme in-ni estekhiruke bi ilmike. Ue estakdiruke bi kudretike, ue es'eluke min fadlikel-adhim. Fe inneke takdiru ue la akdiru, ue ta'lemu ue la a'ëlemu, ue ente 'allamul - gujub.
Allahumme, in kunte ta'ëlamu enne hadhel emru (përmend këtu me emër problemin tënd) hairun li fi dini ue ma'ashi ue akibeti emri ue 'axhilihi ue axhilihi fakdirhu li ue jes-sirhu li thumme barik li fihi.
Ue in kunte ta'ëlemu en-ne hadhel emru sherrun li fi dini ue me'ashi ue akibeti amri ue 'axhilihi ue axhilihi fasrifhu anni uesrifni anhu uakdir li al-hajre haithu kana thum-ma ardini bihi.”
(O Zot, me diturinë Tënde kërkoj hairin! Kërkoj ndihmë prej fuqisë Sate, kërkoj prej të mirave të Tua të shumta, sepse Ti je i Gjithëfuqishëm e unë jam i dobët, Ti di çdo gjë e unë nuk di, Ti je Ai që i di të fshehtat. O Zot, nëse në dijen Tënde kjo punë e imja (përmend këtu me emër problemin tënd) është hair për fenë dhe jetën time, për kohën e tashme dhe të ardhmen, bëj të mundshme që të realizohet, lehtëso dhe beko. E nëse në dijen Tënde kjo punë është e dëmshme për fenë dhe jetën time, për të tashmen dhe të ardhmen dhe për në ahiret, largoje prej meje dhe më largo mua nga ajo, më përcakto hairin kudo qoftë, pastaj më bëj të kënaqur me të.) Transmetuar nga Buhariu.
Ibn Hixhri duke komentuar këtë hadith ka thënë se istihareja nënkupton t’i lutemi Allahut që të na ndihmojë të bëjmë një zgjedhje, që nënkupton të zgjedhim më të mirën mes dy gjërave kur duhet të zgjedhim mes tyre. Istihareja është një nënshtrim ndaj urdhrave të Allahut dhe një dëshmi praktike e asaj që askush nuk ka fuqi nga vetja e tij. Kjo do të thotë se njeriu i kthehet Allahut duke u përpjekur të bashkojë të mirat e kësaj bote me ato të botës tjetër. Për të arritur këtë ne duhet të përulemi para Allahu të Lartësuar. T’i lutemi Allahut të Lartësuar përmes namazit ose lutjeve është shprehje e nevojës sonë për të dhe falënderim drejtuar Atij.

Arsyet e namazit të istihares
Të katër shkollat juridike islame janë të pajtimit se namazi i istihares praktikohet në rastet kur një person nuk di si të marrë vendimin e duhur. Në rastet kur dihet se një gjë është e mirë ose e keqe, si për shembull veprat e adhurimit, bërja e veprave të mira ose e veprave të këqija, nuk ka nevojë të falet istihare. Nuk ka vend për të falur istiharen kur bëhet fjalë për gjëra që janë të detyrueshme, haram ose mekruh, por istihareja ka të bëjë me gjëra që janë të lejuara. Istihareja pra falet kur njeriu duhet të zgjedhë mes dy gjerave të lejuara, si për shembull kur duhet të zgjedhë se në cilin vend të shkojë për të marrë dije, ose me cilin a me cilën duhet të martohet, ose kur vendos për ndonjë çështje për të cilën ka hezitim mes zgjedhjeve. Imam Neveviu ka thënë se është mustehab që përpara se të falet namazi i istihares, të konsultohet dikush që personi e njeh si të sinqertë, me përvojë dhe i besueshëm si dhe që njihet për dije fetare.
www.pertymoter.net

[Preshevar]

Namazi i atij që nuk e ka kënduar thelbin e Kur’anit (suren el-Fatiha) gjat faljes është i paplotësuar (i mangët) dhe i ka përsëritur këto fjalë tri herë. Dikush i tha ebu Hurejres: A duhet ta këndojmë edhe pas imamit kur edhe ai këndon Fatihën? Ai tha: këndojeni në heshtje, se e kam dëgjuar të Dërguarin e All-llahut a.s. duke thënë:

All-llahu a.xh. ka thënë:
“E kam ndarë namazin ndërmjet Meje dhe robit Tim në dy gjysma, dhe ai (robi) do ta fitojë atë për të cilën është lutur.”

Kur robi thotë:
“El hamdu lil-lahi rabbil alemin”; All-llahu a.xh. thotë:
“Robi Im më lavdëroi.”

Kur robi thotë:
“Er-rahmanir-rahim”; All-llahu a.xh. thotë:
“Robi Im më lartësoi.”

Kur robi thotë:
“Maliki jeumid-din”; All-llahu thotë:
“Robi Im më lavdëroi (robi Im i është bindur Madhërisë Sime).”

Kur robi thotë:
“Ijjake na’budu we ijjake nesta’in”; Ai thotë:
“Kjo është ndërmjet Meje dhe robit Tim dhe ai do ta fitojë atë, për të cilën është lutur.”

Kur robi thotë:
“Ihdinas-siratal mustekim, siratal ledhine en amte alejhim, gajril magdubi alejhim we led-dalin”; Ai thotë:
“Kjo është për robin Tim, dhe ai do ta ketë atë që e ka kërkuar.”

[Albanian eX|PerT]

Nuk ishte prej atyre që falin Namazin!

Ishim në një udhëtim për Dave në Jordani. Një ditë prej ditëve, falem namazin e xhumasë në një nga xhamiat e qytetit Zarka. Në këtë udhëtim ishin me ne edhe disa nxënësa dhe një dijetarë nga Kuvajti. Derisa ishim ulur në xhami dhe njerëzit ishin shpërnda, papritmas disa njerëz po hyjnë në xhami në formë jonormale dhe të trishtuar dhe duke thirrur: Ku është hoxha... ku është hoxha ?
Erdhën tek hoxha, i cili ishte prej Kuvajti dhe i than: Hoxhë i nderuar, kemi një xhenaze, është djali i ri, vdiq sot në mëngjes në një aksident rrugor, e ne kur e hapem varrin e tij dhe e vendosem djalin në varr, papritmas na doli një gjarpër i madh aty, dhe ne ende nuk e kemi varrosur atë djalë, nuk dimë si t’ia bëjmë!

Rrefyesi i kësaj ngjarje thotë:
U ngritëm sëbashku me hoxhën dhe shkuam deri tek varri, shikuam në varr dhe pamë gjarprin e madhe, i cili u rrotullonte në varrë, kokën e kishte brenda kurse bishtin jashta, sytë i kishte spikatur dhe i shikonte njerëzit.
Hoxha tha: leni ketë varr, hapeni një varr tjetër! Thotë treguesi i ndodhisë: Shkuam dhe hapem një varr tjetër, që largësia e varrit që e hapëm nga ai i të parit i kishte diku 100 metra. Filluam ta hapnim varrin tjetër, kur u afruam se përfunduari nga çelja prapë u shfaq po i njëjti gjarpër. Hoxha tha: shikoni varrin e parë! Shkuam tek varri i parë, kur përsëri gjarpri doli nga toka në varrin e parë.
Në fund hoxha tha: Edhe nëse do të hapim varr të tretë dhe te katërt përsëri do të del ky gjarpër. Nuk na mbet tjetër përveç të përpjekemi që ta nxjerrim jashtë nga varri.
I sollën disa vegla që ta nxjerrnin dhe me ndihmen e Allahut arritëm që ta nxjerrim jashtë varrit. Pasiqë e nxorrën gjarprin, ai filloj të qëndrojë në buzë të varrit. Të gjithë njerëzit e shikonin atë, i kaploj frika kurse disave ju binte të fikët, që disa u desh të ndërhyje ndihma e parë për t'i shoqëruar deri në spital.

Erdhi policia dhe rrethoi vendin dhe ndaloi që dikush t'i afrohet varrit përveç dijetarëve dhe të afrimëve të vdekurit.
Atëherë kur u soll xhenazja dhe e futën në varr, papritmas gjarpri që qëndronte buzë varrit lëvizi me një lëvizje aq të shpejte saqë çoi pluhur të madh, dhe u fut në varrin e djaloshit, ndërsa ata të cilët ishin ne varr duke e varrosur dolën nga frika e madhe.
Gjarpëri filloi ta rrotullojë dhe ta shtrëngojë trupin e të vdekurit. Filloj nga këmbët e tija derisa arriti tek koka. E shtërngonte aq shumë sa edhe eshtrat ia thyente. Thotë rrefyesi i kësaj ngjarje: Nuk mbeti asnjë njeri që nuk e dëgjoi zërin e eshtrave duke u thyer.
Kur u qetësua situata dhe pluhuri filloi te bie, u afruam tek varri që të vështrojmë, pamë se djaloshin e kishte rrethuar gjarpëri, e ne nuk kishim mundesi të ndërmarrim diçka.
Hoxha tha: Mbulojeni varrin! Pastaj shkuam tek prindi i tij dhe e pyetem për jetën e djalit të tij.
Babai i tij tha: Djali im ishte djalë i mirë, i edukuar me moral të lartë, i dëgjueshëm por e kishte një të metë: “Nuk ishte prej atyre qe falin Namazin”. Kërkojmë mbrojtjen e Allahut nga përfundimi keq.

Vëlla i dashur dhe motër e nderuar :

Kjo ngjarje duhet të jetë mësim për ata të cilët nuk e falin namazin dhe një stimulues që të pendohen e ti drejtohen Allahut, nga kjo vepër e keqe, para se të kaplojë dora e ashpër e melekut të vdekjes, e para se të thuash: “O i mjeri unë që kam lënë mangu respektimin ndaj All-llahut dhe që kam qenë prej atyre që talleshin, Ose të mos thotë: “Ah, sikur të më kishte udhëzuar All-llahu (në rrugë të drejtë) e të kisha qenë prej atyre që janë të ruajtur!, Apo, kur ta shohë dënimin të thotë: “Sikur të isha kthyer edhe një herë e të isha bërë prej atyre bamirësve!" [ez-Zumer:56-58]

Ndërsa përgjigja për ty do të jetë: “Jo, ty të patën ardhur argumentet e Mia, e ti i përgënjeshtrove ato, u bëre kryeneç dhe ishe prej atyre që nuk besuan.” [ez-Zumer: 59]

Përktheu:
Bexhet Dernjani
16 janar 2007

[Preshevar]

Një mesazhë i vogël.

http://www.youtube.com/watch?v=9zUHOLzUCp8

[Albanian eX|PerT]

Dobitë e Namazit

Falënderimet dhe lavdërimet i takojnë vetëm Allahut [Xhele Shanuhu], salavatet qofshin mbi të dërguarin e Tij Muhammedin (SalAllahu Alejhi ve Selem), familjen e tij, shokët e tij dhe gjithë muslimanëve që ndjekin rrugën e tij deri në Ditën e Gjykimit.

Nuk ka dyshim se falja e namazit ka dobi të shumta dhe mirësi, do ti cekim insha Allah disa prej tyre:

1. Namazi të largon nga të shëmtuarat dhe të irituarat.

Allahu [Xhele Shanuhu] thotë:

"Vërtet namazi largon nga të shëmtuarat dhe të irituarat, e përmendja e All-llahut është më e madhja (e adhurimeve); All-llahu e di ç'punoni ju."

2. Namazi është vepra më e mirë pas shehadetit (fjalës La ilahe il-lAllah)

Transmetohet se Abdullah ibn Mesudi (RadijAllahu Anhu) ka thënë:

"E kam pyetur pejgamberin (SalAllahu Alejhi ve Selem) për veprat më të mira? Më tha: ´Namazi në kohën e tij.´ "
(Buhariu dhe Muslimi)

3. Me namaz Allahu [Xhele Shanuhu] e ngrit robin e Tij dhe ia shlyen mëkatet.

Pejgamberi (SalAllahu Alejhi ve Selem) thotë:

"Shpeshtoni sexhdet, se me të vërtetë çdo sexhde që e bën, Allahu [Xhele Shanuhu] do të të ngris një shkallë dhe do ta shlyej një mëkat."
(Muslimi)

4. Namazi është ndriçim për te, në dunja dhe ahiret (në këtë botë dhe botën tjetër).

Pejgamberi (SalAllahu Alejhi ve Selem) thotë:

"Përgëzoni ata që shkojnë nëpër errësirë në xhami, sepse ata do të kenë ndriçim të plotë në Ditën e Gjykimit."(Tirmidhiu - sheikh Albani ka thënë se hadithi është sahih)

5. Namazi i shlyen gabimet dhe mëkatet.

Ka thënë Pejgamberi (SalAllahu Alejhi ve Selem):

"A e shihni, sikur të kalonte ndonjë lum pranë shtëpive të juaja, dhe sikur ju të laheshit pesë herë në ditë, athua do t´ju kishte mbetur ndonjë papastërti?" Thanë të pranishmit: "Nuk ka mundësi të mbetet ndonjë papastërti," Pejgamberi (SalAllahu Alejhi ve Selem) tha: "Kështu është çështja e faljes së pesë kohëve të namazit, Allahu [Xhele Shanuhu] i shlyen me to mëkatet."
(Muslimi)

6. Allahu [Xhele Shanuhu] i fal mëkatet që bëhen në mes të dy namazeve.

Pejgamberi (SalAllahu Alejhi ve Selem) thotë:

"Çdo person që merr abdest ashtu si duhet dhe e fal namazin, Allahu [Xhele Shanuhu] do t'ia fal mëkatet që i bën mes këtij namazi dhe namazit që vjen pas tij."
(Muslimi)

7. Allahu [Xhele Shanuhu] do ti përgatit falësit të namazit gosti në Xhennet sa herë që shkon për sabah dhe mbrëmje.

Pejgamberi (SalAllahu Alejhi ve Selem) thotë:

"Ai i cili shkon në namazin e mëngjesit apo të mbrëmjes, Allahu [Xhele Shanuhu] do ti përgatit atij gosti në xhennet sa herë që shkon në mëngjes dhe mbrëmje."
(Buhariu dhe Muslimi) [Gosti ka për qëllim atë çka përgatit pronari i shtëpisë për mysafirët e tij]

8. Ai i cili shkon për ta falur ndonjë namaz në xhami, ai e ka shpërblimin sikur të jetë në namaz derisa të kthehet.

Pejgamberi (SalAllahu Alejhi ve Selem) thotë:

"Çdo person i cili merr abdest ashtu si duhet dhe shkon në xhami, ai është në namaz derisa të kthehet."
(Hakimi - sheikh Albani ka thënë se ky hadith është sahih)

9. Melaiket luten për falësin e namazit sa të qëndroj ai në vendin ku është falur.

Pejgamberi (SalAllahu Alejhi ve Selem) thotë:

"Melaiket luten për falësin e namazit sa të qëndroj ai në vendin ku është falur, duke thënë: O Allah mëshiroje atë, o Allah falja mëkatet, o Allah pranoja pendimin, dhe kështu luten derisa të ngritet apo të flas."
(Buhariu dhe Muslimi)

10. Namazi i shlyen mëkatet.

Pejgamberi (SalAllahu Alejhi ve Selem) thotë:

"Falja e pesë kohëve të namazit, xhumaja deri në xhuma, ramazani deri në ramazanin tjetër, janë shkaktarë për shlyerjen e mëkateve që bëhen mes tyre, nëse i largohemi mëkateve të mëdha."
(Muslimi)

Së fundi e lusim Allahun Subhanehu ue Teala që të na bëj prej atyre që i kushtojnë kujdes namazit, dhe e falin atë në kohën e vet, sepse me të vërtetë vdekja është shumë afër dhe gjëja e parë për të cilin do të japim përgjegjësi para Allahut do të jetë namazi, e nëse namazin nuk e kemi kryer atëherë do të jemi në një humbje të madhe.

E lusim Allahun [Xhele Shanuhu] të na i falë mëkatet tona, të prindërve tanë dhe të gjithë muslimanëve.


autor: Eroll Nesimi

[Preshevar]

Rėndėsia e namazit nė Kuran[FONT=verdana, arial, sans-serif: font-size:12]I lusim tė gjithė ata qė pėr ndonjė arsye tė caktuar nuk e kanė kryer rregullisht namazin, tė pendohen sinqerisht te Krijuesi i tyre dhe tė fillojnė ta falin atė, nė mėnyrė qė tė shpresojnė nė shpėrblimin e Tij! Allahu ėshtė Falės dhe i Mėshirshėm!
Namazi ishte obligim edhe pėr shoqėritė e mėhershme
Ibrahimi (a.s.) i lutej Zotit qė ta bėjė atė dhe familjen e tij prej falėsve tė namazit.(14:37-40)
Ismaili (a.s.) urdhėronte familjen e tij qė tė falte namazin. (19:55)
Zoti i udhėzoi pasardhėsit e Ibrahimit (a.s.) pėr faljen e namazit. (21:73)
Llukmani e kėshillonte tė birin pėr faljen e namazit. (31:17)
Beni Israilėt u urdhėruan me namaz. (5:12)
Musai (a.s.) ėshtė urdhėruar qė tė falė namazin rregullisht. (10:87, 20:14)
Meremja urdhėrohet qė tė falė namaz. (3:43)
Isai (a.s.) thotė se Allahu e ka porositur me namaz gjatė gjithė jetės sė tij. (19:31)
Ithtarėt e librave janė urdhėruar qė tė falin namazin. (95:5)

Falja e namazit ėshtė shpėtim pėr besimtarėt
Namazi ėshtė thjesht pėr Allahun, Zotin e botėve. (6:162)
Duhet t’i kthehemi nė tėrėsi Allahut gjatė ēdo namazi. (7:29)
Allahu na porosit tė kėrkojmė ndihmė me durim dhe namaz. (2:45)
Ne duhet tė falim namaz dhe ta urdhėrojmė familjen tonė pėr kėtė. (20:132)
Kur bėhet thirrja pėr namaz ditėn e premte duhet shpejtuar pėr nė xhami. (62:9)
Namazet duhet tė falen me rregull, e posaēėrisht ai i ikindisė. (2:238)
Namazi largon nga tė shėmtuarat dhe tė irrituarat. (29:45)
Djalli dėshiron qė pėrmes verės dhe bixhozit t’i largojė njerėzit nga namazi. (5:91)
Besimtarėt qė e falin rregullisht namazin do tė shpėrblehen me xhenetet e Adnit.
(13:22)
Besimtarėt e devotshėm e falin rregullisht namazin. (2:177, 22:35, 24:56, 42:38, 6:92)
Allahu do t’i ndihmojė ata qė falin namaz. (22:41)
Ata qė e falin namazin do tė gjejnė shpėtim. (22:77)
Besimtarėt e sinqertė nuk i pengon as tregtia e largėt e as shitblerja nė vend pėr tė falur namazin, ata i frikėsohen njė Dite kur do tė tronditen zemrat dhe shikimet. (24:37)
Vargjet e Kuranit janė udhėrrėfyese dhe lajmėtare tė mira pėr ata qė e falin namazin. (27:1-3, 31:2-4)
Ata qė e falin namazin shpresojnė njė fitim tė pafund. (35:29)
Ata qė e falin namazin do tė kenė shpėrblim tė madh. (4:162)
Hipokritėt e falin namazin me pėrtaci. (9:54, 4:142)
Ata qė e lėnė namazin dhe jepen pas kėnaqėsive tė kėsaj bote do tė hidhen nė zjarr. (19:59)
Njė nga karakteristikat e personave qė do tė hidhen nė zjarrin e Sekarit (njė nga nivelet e ferrit-xhehenemit) ėshtė moskryerja e namazit. (74:43)

Dispozitat e namazit
Namazi ėshtė obligim i caktuar (me kohė) pėr besimtarėt. (4:103)
Nuk bėn tė falet namazi nė gjendje tė dehur ose tė papastėr. (4:43)
Besimtarėt janė tė pėrulur dhe tė kujdesshėm gjatė faljes sė namazit. (23:1-2) Ata i kushtojnė kujdes kohės sė namazit. (23:9)
Para faljes sė namazit, duhet tė marrim abdes. (5:6)
Zoti i botėrave na urdhėron qė tė vishemi bukur gjatė ēdo namazi. (7:31)
Kur tė pėrfundojė namazi, duhet punuar dhe duhet pėrkujtuar shpesh Allahu. (62:10)
Nga frika mund tė falim namaz edhe duke ecur apo duke kalėruar. (2:239)
Nė udhėtim, namazi mund tė shkurtohet. (4:101)

I lusim tė gjithė ata qė pėr ndonjė arsye tė caktuar nuk e kanė kryer rregullisht namazin, tė pendohen sinqerisht te Krijuesi i tyre dhe tė fillojnė ta falin atė, nė mėnyrė qė tė shpresojnė nė shpėrblimin e Tij! Allahu ėshtė Falės dhe i Mėshirshėm![/FONT]

[Maxi]

Namazi për fillestar

Muhammedi a.s ka thënë:
"Shtylla e fesë është namazi..."

Dhe:
“...Islam është:
1. Të dëshmosh se s'ka hyjni tjetër pos All-llahut dhe se Muhammedi është i dërguari i Tij;
2. Ta kryesh faljen e namazit,
3. Ta japish zekatin,
4. Ta agjërosh muajin Ramadan dhe
5. Ta kryesh haxhin nëse ke mundësi''

Namazi përbëhet nga pjesët të quajtura rekate
Në vazhdim në tabelë tregohet nga sa rekat ka namazet:



Llojet e namazeve

Çdo namaz, qoftë farz ose sunnet falet për hir të Zotit dhe askujt tjetër.
Namazet farz janë obligim nga Zoti për çdo musliman të vetëdijshëm, dhe për mosfaljen e tyre pa shkak pason dënimi në këtë jetë dhe pas vdekjes.
Namazet sunnet është mirë që të falen ngase ato i ka falur edhe Muhammedi a.s. gjithmonë kur ka patur mundësi. Në tabelë janë cekur 12 rekatet sunnet që Muhammedi a.s. zakonisht i ka falur dhe e ka lavdëruar faljen e tyre duke thënë: “Çdo musliman që vullnetarisht falë 12 rekate gjatë ditës për hir të All-llahut pos farzeve, All-llahu do t’ia ndërtojë një shtëpi në Xhennet.” Ndërsa në një rast ai ka thënë: “Katër rekate para dreke, dy pas dreke, dy pas akshamit, dy pas jacisë dhe dy para sabahut”. Transmetohet se ai ka falur namaz edhe pas ikindisë dhe para akshamit. Ai ka thënë: “Ndërmjet çdo ezani dhe ikameti ka namaz” dhe këtë e ka përsëritur 3 herë, pastaj ka thënë: “Për atë që dëshiron.”
Namazi i vitrit nuk është mirë të lihet pa falur, edhe pse nuk është farz. Muhammedi a.s. atë nuk e ka lënë pa falur.
Përveç këtyre namazeve, Muhammedi a.s. ka falur edhe namaze të tjera vullnetare, si për shembull është çuar natën dhe ka falur namaz nate, ose ka falur namaz pas lindjes së diellit, ose kur është zënë dielli, ndërsa ndonjëherë ka falur namaz para se të ndërmarrë ndonjë vendim të rëndësishëm për ndonjë çështje të kësaj bote. Këto janë namaze vullnetare dhe kryerja e tyre edhe pse nuk është e domosdoshme, çmohet shumë.

Si të falim namazin? ps| kliko te ai namaz që ke dëshirë të shohish.

http://www.faljaenamazit.com/Fillim/falja.asp

Allahu xh.sh. ua pranoft namazin të gjithë besimtarëve të sinqert!

[Maxi]

Falja e suneteve
Falja e suneteve dy rekatëshe bëhet si falja e sabahut, ndërsa falja e suneteve katër rekatëshe bëhet si falja e drekës, me atë që duhet patur për qëllim (nijet) faljen e tyre!

[hasanmehmeti]

PERGEZIME MBI VLEREN E NAMAZIT

Falenderimi i takon Allahut, Zotit të botërave. Paqja dhe mëshira e Allahut qofshin mbi zotërinë e të Dërguarëve, e në vijim:
Vëlla musliman! Po të drejtohem ty me disa përgëzime të mëdha mbi vlerën e namazit të cilat po ti paraqes si më poshtë:

* Përgëzim se namazi është vepra më e mirë.
Është pyetur i Dërguari i Allahut (Paqja dhe mëshira e Allahut qofshin mbi të): Cila është vepra më e mirë? Ai tha: "Kryerja e faljes në kohën e saj." [Trans. Muslimi]

* Përgëzim se namazi është lidhjet mes robit dhe Zotit të tij.
Ka thënë i Dërguari i Allahut (Paqja dhe mëshira e Allahut qofshin mbi të): "Me të vërtetë që kur ndokush prej jush falet, ai komunikon me Zotin e tij." [Trans. Buhariu]

* Përgëzim se namazi është shtylla e fesë.
Ka thënë i Dërguari i Allahut (Paqja dhe mëshira e Allahut qofshin mbi të): "Çështja më e rëndësishme është Islami, shtylla e tij (Islamit) është namazi dhe maja më e lartë e tij është lufta në Rrugën e Allahut-Xhihadi." [Trans. Tirmidhiu]

* Përgëzim se namazi është dritë
Ka thënë i Dërguari i Allahut (Paqja dhe mëshira e Allahut qofshin mbi të): "Namazi është dritë" [Trans. Muslimi dhe Tirmidhiu]

* Përgëzim se namazi është largim nga hipokrizia
Ka thënë i Dërguari i Allahut (Paqja dhe mëshira e Allahut qofshin mbi të): "Nuk ka namaz më të rëndë për hipokritët se sa namazi i Sabahut dhe i Jacisë e nëse do ta dinin se ç'farë vlere ka në to, do të vinin qoftë edhe duke u zvarritur." [Muttefekun alejhi]

* Përgëzim se namazi është mbrojtje e siguri nga Zjarri
Ka thënë i Dërguari i Allahut (Paqja dhe mëshira e Allahut qofshin mbi të): "Nuk do të hyjë në Zjarr askush që është falur para lindjes së diellit dhe para perëndimit të tij (d.m.th: namazin e sabahut dhe të ikindisë)." [Trans. Muslimi]

* Përgëzim se namazi të parandalon nga veprat e ndyta e të irituara
Thotë Allahu i Lartësuar: "Ti lexo atë që të shallet nga Libri dhe plotëso faljen e rregullt të përcaktuar. Vërtet që falja parandalon nga veprat e ulëta e të irituara."

* Përgëzim se namazi është ndihmues në çështjete e rëndësishme
Thotë Allahu i Lartësuar: "Kërkoni ndihmë (në të gjitha çështjet) me durim dhe namaz." [El-Bekare:45]

* Përgëzim se namazi në kolektiv është më i vlefshëm se namazi vetëm
Ka thënë i Dërguari i Allahut (Paqja dhe mëshira e Allahut qofshin mbi të): "Namazi në kolektiv është më i vlefshëm se namazi vetëm me njëzetë e shtatë gradë (shkallë)." [Muttefekun alejhi]

* Përgëzim me lutjen që bëjnë engjëjt për mëhirë e falje gjunahesh për ata që falen
Ka thënë i Dërguari i Allahut (Paqja dhe mëshira e Allahut qofshin mbi të): "Engjëjt bëjnë lutje për secilin nga ju përsakohë të qëndrojë në vendin ku ai u fal nëse nuk ka prishur avdesin. Ata thonë: O Zoti ynë! Fale atë! O Zoti ynë! Mëshiroje atë." [Muttefekun alejhi]

* Përgëzim për faljen e gjynaheve
Ka thënë i Dërguari i Allahut (Paqja dhe mëshira e Allahut qofshin mbi të): "Kush merr avdes dhe e përsos atë pastaj shkon për të falur namazin e obliguar dhe e fal atë së bashku me njerëzit ose në kolektiv apo në xhami, Allahu if al gjynahet e tij."
[Trans. Muslimi]

* Përgëzim për daljen e gjynaheve nga trupi
Ka thënë i Dërguari i Allahut (Paqja dhe mëshira e Allahut qofshin mbi të): "Përfytyroni sikur para derës së ndonjërit prej jush të rridhte një lumë e ai të lahej në të pesë herë në ditë, a mbetet nga papastërtia e tij ndonjë gjë? Thanë: Nuk mbetet nga papastërtia e tij asgjë. Tha: Ashtu është edhe shembulli i pesë namazeve, Allahu i fshin gjynahet me to." [Muttefekun alejhi]

* Përgëzim për përgatitjen e një vendbanimi në Xhenet
Ka thënë i Dërguari i Allahut (Paqja dhe mëshira e Allahut qofshin mbi të): "Kush shkon në xhami apo kthehet nga ajo, i përgatit Allahu atij një vendbanim në Xhenet për çdo herë që shkon e që kthehet." [Muttefekun alejhi]

* Përgëzim se çdo hap i bërë për në xhami të fshin një gjynah dhe tjetri të ngre një gradë
Ka thënë i Dërguari i Allahut (Paqja dhe mëshira e Allahut qofshin mbi të): "Kush pastrohet në shtëpinë e tij pastaj shkon për në një shtëpi prej shtëpive të Allahut për të kryer një obligim nga obligimet e Allahut, njëra nga hapat e tij i fshin një gjynah kurse tjetra e i ngre një gradë." [Trans.Muslimi]

* Përgëzim për atë që shkon herët në xhami me shpërblim të madh
Ka thënë i Dërguari i Allahut (Paqja dhe mëshira e Allahut qofshin mbi të): "Sikur ta dinin njerëzit se ç'vlere ka në thirrjen e ezanit dhe në safin-rreshtin e parë të faljes e nuk do të kishin mundësi tjetër për ti zënë ato vetëm se me short, atëherë do të hidhnin short, e sikur ta dinin vlerën e shkuarjes herët në xhami do të garonin për në të." [Muttefekun alejhi]

* Përgëzim se ai që rri në pritje të namazit është njësoj sikur të jetë në namaz
Ka thënë i Dërguari i Allahut (Paqja dhe mëshira e Allahut qofshin mbi të): "Ç'donjëri prej jush vazhdon të jetë në namaz për sa kohë që ai e mban të mbyllyr atë, nuk e pengon atë që të shkojë tek familja e tij veçse namazi." [Muttefekun alejhi]


* Përgëzim se atij që i përputhet thënia "amin" me atë (thënien amin) të engjëjve, i fallen atij gjynahet e kaluara
Ka thënë i Dërguari i Allahut (Paqja dhe mëshira e Allahut qofshin mbi të): "Nëse ndonjëri prej jush thotë "amin" dhe engjëjt në qiell thonë "amin" dhe këto të dyja përputhen, atëherë i falen atij gjynahet e kaluara." [Muttefekun alejhi]

* Përgëzim për ruajtjen nga ana e Allahut të Madhëruar
Ka thënë i Dërguari i Allahut (Paqja dhe mëshira e Allahut qofshin mbi të): "Kush fal namazin e sabahut është në garancinë e Allahut, kështu që kujdesu o ti biri Ademit që mos të të heqë Allahu ndonjë pjesë prej garancisë së Tij." [Trans. Muslimi]

* Përgëzim për dritën e plotë në Ditën e Gjykimit
Ka thënë i Dërguari i Allahut (Paqja dhe mëshira e Allahut qofshin mbi të): "Përgëzojeni atë që shkon nëpër errësirë për në xhami me dritën e plotë në Ditën e Gjykimit." [Trans. Ebu Daudi dhe Tirmidhiu]

* Përgëzim me Xhenet për atë që e fal vazhdimisht namazin e sabahut dhe të ikindisë me xhemat
Ka thënë i Dërguari i Allahut (Paqja dhe mëshira e Allahut qofshin mbi të): "Kush fal dy të ftohtat (sabahun dhe ikindinë) do të hyjë në Xhenet." [Muttefekun alejhi]

* Përgëzim me kalimin e Urës së Siratit për në Xhenet
Ka thënë i Dërguari i Allahut (Paqja dhe mëshira e Allahut qofshin mbi të): "Xhamia është shtëpia e çdo të devotshmi dhe Allahu i ka garantuar atij që xhamia është shtëpia e tij frymë e mëshirë, si dhe kalimin e Urës së Siratit drejt kënaqësisë së Allahut, drejt Xhenetit." [Trans. Taberani dhe e ka saktësuar El-Alabani]

Të përzgjedhura
Nga libërthi:
30 Përgëzime mbi vlerën e namazit
Përgatiti: Ijd El-Anezij
Përktheu: Arjan Ahmesula

Uel-hamdu lilahi Rabbil Alemin!

selam alejkum
Hasani.

[GURI SYLAJ]

Postimi origjinal është bërë nga Preshevar

Namazi i atij që nuk e ka kënduar thelbin e Kur’anit (suren el-Fatiha) gjat faljes është i paplotësuar (i mangët) dhe i ka përsëritur këto fjalë tri herë. Dikush i tha ebu Hurejres: A duhet ta këndojmë edhe pas imamit kur edhe ai këndon Fatihën? Ai tha: këndojeni në heshtje, se e kam dëgjuar të Dërguarin e All-llahut a.s. duke thënë:

All-llahu a.xh. ka thënë:
“E kam ndarë namazin ndërmjet Meje dhe robit Tim në dy gjysma, dhe ai (robi) do ta fitojë atë për të cilën është lutur.”

Kur robi thotë:
“El hamdu lil-lahi rabbil alemin”; All-llahu a.xh. thotë:
“Robi Im më lavdëroi.”

Kur robi thotë:
“Er-rahmanir-rahim”; All-llahu a.xh. thotë:
“Robi Im më lartësoi.”

Kur robi thotë:
“Maliki jeumid-din”; All-llahu thotë:
“Robi Im më lavdëroi (robi Im i është bindur Madhërisë Sime).”

Kur robi thotë:
“Ijjake na’budu we ijjake nesta’in”; Ai thotë:
“Kjo është ndërmjet Meje dhe robit Tim dhe ai do ta fitojë atë, për të cilën është lutur.”

Kur robi thotë:
“Ihdinas-siratal mustekim, siratal ledhine en amte alejhim, gajril magdubi alejhim we led-dalin”; Ai thotë:
“Kjo është për robin Tim, dhe ai do ta ketë atë që e ka kërkuar.”

Preshevar te falenderoj shume per kete postim kaq domethenes dhe mesim plot!
Ne asnjeren prej lutjeve nuk qendron fjala FRIGE !
Lartesim ,falenderim ,lavdrim ,bindje por jo edhe frige!!

[hasanmehmeti]

'Pse nuk falesh?!' - Enis Rama